Javid Jabbarli

Javid Jabbarli


Bu gün səhər saatlarında Bakı-Sumqayıt yolunda ağır yol-nəqliyyat hadisəsi baş verib. Hadisə Bakıdan Sumqayıta hərəkət edən sərnişin avtobusunun yük maşınına çırpılması nəticəsində baş verib.

İlkin məlumata görə, hadisə nəticəsində xəsarət alanlar var. Qəza yerinə yol polisi və təcili-tibbi yardım maşınları cəlb olunub.

Hazırda qəza səbəbindən həmin yolda tixac yaranıb.

Səhiyyə Nazirliyinin mətbuat xidmətindən verilən məlumata görə, 3 nəfər hadisə yerində dünyasını dəyişib. Ölənlərin hər 3-ü tələbədir.

Xəsarət alan 5 nəfər Kliniki Tibbi Mərkəzə yerləşdirilib, vəziyyətləri ağırdır.(trend)



Suallarımıza cavab tapmaq üçün, Almaniyada mühacirət həyatı yaşayan, ancaq Azərbaycanla bağlılığını itirməyən, bu məqsədlə ötən il mərkiz Almaniyanın düsseldorf şəhərində yerləşən İctimai Qınaq Mərkəzi ictimai hərəkatının həmtəsisçisi və sədr müavini Azər Qasımovla söhbətləşdik:

-Azər bəy sizi Azərbaycanda Demokratik İnteqrasiya Assosiasiyasının fəaliyyətindən tanıyırıq. Deyəsən Almaniyada da boş dayanmırsınız…

-Əvvala hər nə qədər vətəndən uzaqda olsaq da, bizləri unutmadığınız üçün təşəkkür edirəm. Tamamilə doğru qeyd edirsiniz ki, boş dayanmırıq. Artıq 3 ilə yaxındır Almaniyada yaşasam da, vətəni düşünmədiyim günü demək olar ki xatırlamıram. Hesab edirəm ki, kimliyindən asılı olmayaraq zalım bir rejimin, dikataturanın qurbanı olan, mühacirətə məhkum edilən hər kəs bu hissləri yaşayır. Və buna görə də, düşünürəm ki boş dayanmaq olmaz. Bilirsiniz ki, Almaniyaya yerləşməyimizdən çox qısa bir vaxt sonra İctimai Qınaq Mərkəzi adlı hərəkat qurmuşuq. Cəmi 8 nəfərlə yola çıxdığımız təşkilat sıralarında bu gün xeyli say cəmləşdirə bilib. Mən ən idela bizik demək istəmirəm, mühacitədə yaşayan müxtəlif təşkilatlar dikatatura əleyhinə bacardığı fəaliyyəti edib və etməkdədir. Ancaq bu bir həqiqətdir ki, İQM yarandığı gündən Avropada uğurlu işlərə imza ata bildi. Təkcə 2016-cı ildə Almaniyanın Düsseldorf və Bonn şəhərlərində Azərbaycandakı anarxik rejimin mahiyyətini ifadə edən ard-arda 2 mitinq təşkil etdik. 2017-ci ilin yanvar ayında, Berlində nəticələri Azərbaycan hakimiyətini yerindən tərpədən daha bir aksiya təşkil etdik. Bilirsiniz ki, sırf yanvar mitinqindən sonra, Berlin aksiyasında iştirak edən müxtəlif şəxslərin, o cümlədən mənim özümün ailə üzvlərim və yaxın ətrafım təqiblərə məruz qaldı. Şəxsən mənim bacıma tələb qoyuldu ki, ya məndən imtina edəcəklər, ya da həkim işlədiyi poliklinikadan işdən çıxarılacaq…

-Mətbuatda bu halı işıqlandırmadınız…

-Bilirsiz, bu bir eyibdir. Bizə yapışdırılan eyib. Mən belə şeylərin ictimailəşməsinin tərəfdarı deyiləm. Azərbaycan mətbuatını da buna dəvət edirəm. Azərbaycan cəmiyyəti elə bir vəziyyətə salınıb ki, bu cür halların ictimailəşməsi ictimai qınaq yaratmır. Əksinə, insalar üçün adiləşir. Ona görə mən medianı belə hallardan şou düzəltməməyə çağırıram.

-Azər bəy Azərbaycanı tərk etdiyiniz vaxtdan xeyli keçib. Necə fikirləşirsiniz, Avropalılaşa bilmisinizmi?

-Bildiyiniz kimi, hal-hazırda təkcə mən deyil, əvvəllər Demokratik İnteqrasiya Assosiasiyasının rəhbərliyində olmuş, bu gün isə Almaniyanın müxtəlif şəhərlərində olsalar da, İctimai Qınaq Mərkəzinin qurulmasında iştirak edən bir neçə üzvümüz mühacirəti seçməyə məhkum edilib. Bəziləri üçün, Avropa nə qədər şirin görünsə də, Avropada mühacir olmaq, mühacir yaşamaq yaxşı bir hiss deyil. Avropalılaşmaq isə tamam başqa məsələdir. Əvvəla, biz buraya gəldiyimiz ilk gündən Alman qanunlarına, daha doğrusu alman cəmiyyətini “dəmir yumruğa” çevirən qaydalara tabe olmağı əsas şərt qoyduq özümüzə. Hesab edirəm ki, harada olmasından asılı olmayaraq, insanların hüzuru, öncə qanunçuluğu öyrənməsi ilə başlayır. Uyğunlaşmamız üçün elə də ciddi problemlərlə qarşılaşmadıq. Gələcəyi isə təbii ki zaman göstərəcək.

-Necə düşünürsünüz Avropadan Azərbaycan necə görünür? Cəmiyyətlərimizin fərqi nədədir?

-Asan olduğu qədər də çətin sualı cavablandırmağımı istəyirsiniz. Ümuumiyyətlə hər şey kənardan külliyatı ilə, çılpaqlığı ilə daha aydın görünür. Əvvəlcə, cəmiyyətimizə üzümü tutub demək istəyirəm ki, nə qədər ki dünyaya AzTV-nin gördüyü gözlə baxacaqsınız, kim olduğunuzu unudacaqsınız. Elmin-texnikanın cibinizə girdiyii bir dönəmdə, hər şeyi araşdırın, eşitdiklərinizə, sizə təqdim olunanlara deyil, özünüz gördüklərinizə, özünüz oxuduqlarınıza inanın. Qaldı sizin sualın özəyinə. Hesab edirəm, bu sualın cavabı, az da olsa varlığını sürdürən obyektiv və müxalif mediada hər gün verilir. İndiki İlham Əliyev Azərbaycanı – korrupsiyada öncül, insan haqlarının nəinki pozulması, ümumiyyətlə olmaması ilə beynəlxalq təşkilatların hesabatlarında reytinqlər qıran, cəmiyyətin böyük kəsiminin manqurtlaşdırılaraq yaltaq, ikiüzlü, vicdanını sata biləcək kütləyə çevirən, ziyalı gəncliyini “ucuz və cılız” narkotik ittihamı ilə şərləyərək həbsxanalara dolduran, müxalif rəqibləri ilə siyasət qaydalarında deyil, “vor v zakone” qaydalarında davranılan, Rusiyanın peyki olmaq üçün əməlli-başlı canfəşanlıq edən bir cəmiyyət olaraq görsənir. Siyahını sonsuz sayda uzada bilərik, amma nə faydası var? Hamımız hər gün eyni şeyi təkrar etsək də, elə bil Azərbaycan xalqına yüksək dozalı narkoz vurublar. Hökümət hər saatbaşı özləri də bilmədən bu xalqı oyatmaq üçün “dəridən qabıqdan” çıxır, amma xalq oyanmır ki oyanmır. Hesab edirəm ki, bu da cəmiyyətdə olan lider boşluğundan qaynaqlanır. Öz xarizması ilə getdikcə populyarlaşan, şəxsən mənim də rəğbət bəslədiyim və dəstəklədiyim siyasətçi İlqar Məmmədovu bu boşluğu dolduracaq əsas şəxs hesab edirəm. Hakimiyyət İlqar Məmmədovu buraxsa, lider boşluğuna sahiblənəck ən böyük namizəd olduğuna əmindi. Yeri gəlmişkən qəzetiniz vasitəsilə, diktator rejimdən İlqar bəyi qeyd şərtsiz və dərhal azad etməyi tələb edirəm.

Cəmiyyətlərimizin fərqinə gəlincə… Mən Almaniyada yaşadığım üçün özümüzü almanlarla müqayisə etməyə çalışacağam. Əvvəla almanlar qanunpərəstdirlər. Yəni, bir alman dövlətinin qanununu bizdən fəqli olaraq,yalnız qanun keşikçilərinin gözləri önündə qorumur. Hətta burada belə bir fikir var ki, “almanlara polis lazım deyil, özləri-özlərinin polisləridir”. Həqiqətən də, əgər burada bir almanın gözü qarşısında qanun pozuntusu etmək, polisin bundan xəbər tutacağı və cərimələnəcəyiniz demək olmaqdan başqa, cəmiyyətdən dərhal reaksiya görəcəyiniz deməkdir. Bizdə isə bu məsələyə yanaşmanı bilirsiniz, üzərində durmuram. Biz bürokratiyanı rüşvətlə ortadan qaldırırıq, qanunun pozulması, işimizin “düzəlməsi” üçün rüşvət veririk, gülməli çıxmasın, bir alman isə qanunun pozulmaması üçün bəlkə də “rüşvət verər”.

-Azərbaycanın mövcud siyası vəziyyətini necə qiymətləndirirsiniz?

-Mən ümumiyyətlə Azərbaycanda siyasətin olduğunu, daha doğrusu bütün dünyanın qəbul etdiyi siyasət qaydalarının olduğunu qəbul etmirəm. XXI əsrdə, hələ də feodal qaydaları ilə idarə edilən, ərin prezident, arvadın vitse-prezident olduğu bir ölkədə hansı siyasi vəziyyətdən danışmaq olar ki? Dövlətin siyasi institutları siyasi iştirakçılıqdan kənarda qaldığı, bələdiyyə seçkilərindən tutmuş prezident seçkilərinə qədər A-dan Z-yə bütün qərarların saxtalaşdırıldığı, bir dikatatorun diktəsi ilə idarə edilən məmləkətinin siyasi vəziyyətini, cəmiyyət-xalq deyil, diktatorlar müəyyən edir. Sinələrinə döyüb öyündükləri, özlərinin dediyi kimi “bütün dünya üçün örnək ola biləcək ictimai-siyasi sabitlik” mifi, infilyasiyanın ilk günündəcə çatlaq verdi. Regionlarda başlayan etiraz aksiyalarını, özlərinə xas üsulla yatırdılar. Haqqını tələb edən bir saatın içində “narkobaron”olur. Azərbaycan günü-gündən uçuruma gedir. Sosial-iqtisadi durum barıt çəlləyi kimidir, hər an partlaya bilər. Cüzi qanunçuluq mühiti olsa, insanları danışmağa qoysalar, bircə gecədə xalq bu hakimiyyəti məhv edər. Təsadüfi deyil ki, Milli Şuranın mitinq qərarının səbəsiz yerə aprelin 9-dan 8-ə keçirdilər. Narahat deyillərsə niyə edirlər?

-Azərbaycanın Avropa ilə əməkdaşlığının hansı müsbət cəhətləri ola bilər?

-Baltik ölkələrinin təcrübəsi göz önündədir. Ukrayna və Gürcüstanı da buraya əlavə edək və məsələyə qısa, amma geniş rakursda baxaq. Bu gün Avropanın hakimiyyətdən istədikləri nədir - öz xalqına qarşı amansız davranışı dayandırmaq, insanların konstitusion hüquqlarını, “Xalq-Dövlət-Hakimiyyət” üçbucağında olanların öz qanunlarına əməl etməsini təmin etmək, siyasi fəalları şərləyib həbs etməkdənsə dinləmək. Bircə dənə pis bir tələb göstərin mənə. Hakimiiyətlərini qorumaq üçün əllərində bayraq etdikləri “Qarabağ boyda dərdimiz”də də bizi Avropa dəstəklədi, işğqala qarşı qəti mövqeyi də Avropa göstərdi. Avropanın inkişaf səviyyəsinə görə ən sonuncu ölkəsində belə, insanlar Azərbaycan hakimiyyətinin öz xalqına davrandığı qədər mazaxist davranışa məruz qalmır. Digər tərəfdən, biz istəsək də, istəməsək də Avropanın bir parçasıyıq, Avropa ilə əməkdaşlıq bizim kimi kiçik dövlətlərin gələcəyinin qarantı, uğurlarının başlanğıcıdır. Bir az vicdanlı rejim, heç vaxt Avropaya yan çevirməz, nə qədər “balanslaşdırılmış siyasət” aparsa belə… Belə deyək, bu gün Rusiyanın “ən doğma balası” – Ermənistan belə Avropaya istiqamətlənir. Halbuki Ermənistan həqiqətən də varlığını Rusiyaya borcludur.

-Yeri gəlmişkən, sizcə Rusiya Azərbaycan münasibətlərində hansı maraqlar dayanır?

-Rusiyanın Azərbaycana qarşı münasibəti tarix boyu birmənalı olub – sömürmək. Bizim sərvətlərimiz Rusiya üçün tarixin bütün mərhələlərində vazkeçilməz olub, bu gün də belədir. Rusiya heç bir zaman müstəqil, güclü, öz iqtisadiyyatı olan Azərbaycanı istəməyib və istəməyəcək. Bu onun heç bir çıxarına uyğun deyil. Mən cari Rusiya –Azərbaycan münasibətlərini, “hakimiyyətdəkilər və Putin” münasibətləri kimi xarakterizə edərdim. Rusiya Azərbaycan münasibətlərinin gerçək maraqlarına rəhmətlik Elçibəy cavab verirdi ki, onun nəticələrini hamımız gördük. Mən, türkçü, tolerant, demokratik və Avropanın bir parçası Azərbaycanın arzusundayam. O günə az qaldığına da şübhəm yoxdur.



Azərbaycanda sabaha olan hava proqnozu açıqlanıb.

Ekologiya və Təbii Sərvətlər Nazirliyinin (ETSN) Milli Hidrometeorologiya Departamentindən verilən məlumata görə, martın 7-də Bakıda və Abşeron yarımadasında hava şəraiti dəyişkən buludlu, əsasən yağmursuz olacaq. Bəzi yerlərdə zəif duman olacağı gözlənilir. Cənub küləyi əsəcək.

Havanın temperaturu gecə 3-6° isti, gündüz 10-15° isti, Bakıda gecə 4-6° isti, gündüz 13-15° isti olacağı gözlənilir.

Atmosfer təzyiqi normadan yüksək 767 mm civə sütunu təşkil edəcək. Nisbi rütubət gecə 75-85 %, gündüz 55-60 % təşkil edəcək.

Azərbaycanın rayonlarında hava şəraiti əsasən yağmursuz olacaq. Gecə və səhər bəzi yerlərdə duman olacağı gözlənilir. Şərq küləyi əsəcək. 
Havanın temperaturu gecə 3-8° isti, gündüz 12-17° isti, dağlarda gecə 2° şaxtadan 3°-dək isti, gündüz 5-10° isti olacağı gözlənilir.


Son günlər əhali arasında belə bir fikir formalaşıb. “Əşşi, onsuz da baxmayacaqlar, onun arxasında filankəsin qardaşı oğlu dayanıb”.

Bəli, bu filankəslərin qardaşı oğulları, xalası uşaqları, dayısı uşaqları bu dövlətin və millətin axırına çıxacaqlar.

Elə sözü gedən marşrut xəttinin arxasında da filankəsin qardaşı oğlu filankəs dayanıb, deyirlər. Deməli, bu filankəslərdən əhali o qədər cana doyub ki, bu xırda məsələdən ötrü ölkə başçısına müraciət etmək qərarına gəlib. Bu da onun göstəricisidir ki, əhali artıq yerli icra məmurlarına inanmır. Və bu inamsızlıq da dövlətə qarşı narazılıqların yaranmasına səbəb olur.

Xeber.İnfo həmin müraciəti təqdim edir:


Erməni əsgərlər komandanlığın əmrlərinə tabe olmaqdan imtina edir.

Hərbi mənbələrdən Milli.Az-a daxil olan məlumata görə, Ermənistan silahlı qüvvələrinin işğal olunmuş ərazilərimizdə yerləşən bölmələrinin hərbi qulluqçuları komandanlığın əmrlərinə tabe olmurlar.

Belə ki, son günlər cəbhə xəttində vəziyyətin gərginləşməsi səbəbindən döyüş mövqelərinin gücləndirilməsi məqsədilə oraya gətirilən erməni əsgərlər Azərbaycan silahlı qüvvələri tərəfindən həmin postlara atəş zərbələri endirilən zaman mövqeləri tutmaq əvəzinə, sığınacaqlara girərək oradan çıxmaqdan imtina edirlər.

Eyni zamanda xidmət şəraitinin pis olması və nizamnamədən kənar münasibətlər nəticəsində bir sıra hərbi qulluqçuların xidmət yerini özbaşına tərk edərək müxtəlif yollarla Ermənistan istiqamətində qaçmalarının qarşısının alınması məqsədilə müvafiq yerli strukturlar tərəfindən əməliyyat tədbirləri keçirilir.

İşğal altında olan ərazilərdə hərbi xidmətin ağırlığı, yerli hərbçilər tərəfindən qeyri-insani münasibət və son günlər cəbhədəki gərginliyə dözə bilməyən Ermənistan hərbi komissarlıqlarından çağırılan gənclərin özlərinə qəsd etməsi də sistematik hal alıb. Çoxsaylı faktlara əlavə olaraq, məlum olub ki, dağ-atıcı alayının hərbi qulluqçusu Mkrtıç Qaşyan və Artuş adlı gənc əsgər qolunun damarlarını doğrayaraq intihara cəhd ediblər.

Ermənistan hərbi-siyasi rejimi isə hər ötən gün artan özbaşınalıqların və buna etiraz olaraq artan narazılığın qarşısını almaqda getdikcə daha çox çətinlik çəkir.


Fazil Mustafa: “Azad mətbuatın susdurulması kampaniyasının ilhamçısı, Azərbaycanda demokeratiyanın varlığından ən çox qorxanların önündə məhz bu gün Milli Məclisin başında duran şəxs gəlir”

Sabitliyin acılığı və canlı konstitusiya nağılı

Bir həftədir iyirmi qəzet redaktoru aclıq edir. Məmləkətimizdə ağalıq edən iqtidar sahiblərisə bu aclığa göz yumurlar. Beş ildir ki, məmləkət əhlinin halı heç də bu qəzet redaktorlarının halından yaxşı deyil. Yəni onlar da aclıq edirlər və onların da bu binəva durumunu “gördüm, duydum” deyən yoxdur. Ancaq aclıqdan aclığa da fərq var. Bir var niyyət edib orucluqda ac qalasan, yaxud da bizim qəzetçi dostlarımız kimi azadlıq üçün niyyət edib canını ortaya qoyasan. Bir də var ac olasan evinin bir küncündə gizlənərək kimlərinsə sənin haqqını müdafiəsi üçün çalışmalarını seyr edəsən və hətta onları “dağıdıcı müxalifət” deyə söyəsən.

Romalılar aforizmləri çox sevər,“ümumun salamatlığı ən yüksək qanundur” deyərdilər. Elə bizim məmləkət əhlinin də aforizmlərlə arası pis deyil. Beş ildir bizdə də “ac qalsaq da olar, bu sabitlik hər şeyə dəyər” deyənlər var. Onların arzuladığı “bu sabitlik” hər şeydən öncə azadlığımıza dəyir. Bizlərsə aclıqdan qurtuluş üçün cəmiyyətə azadlıq təlatümü gətirmək istəyirik. Sabitliyin aclığından azadlığın təlatümünə keçidi qəbul etdirmək istəyirik.

Siyasi qeybət çevrələrində mətbuata, partiya liderlərinə qarşı bir mərkəzdən idarə olunan total hücumları iqtidarın taktiki gedişi kimi qiymətləndirənlər var. Bu mülahizələrə görə saxta seçki yoluyla hakimiyyəti yenidən mənimsəyənlər xalqın bu qədər kəskin münasibətiylə qarşılaşacaqlarını düşünmürdülər. Saxta nəticələri 1995-ci ilin Milli Məclis seçkisindəki tək millətə soxuşdurmaq mümkün olmadı. Sağlam müxalifət saxta seçkiylə hakimiyyəti qəsb etmiş klanın legitimliyini tanımadı. Əslində xalq da bundan imtinanı susqun vəziyyətdə ifadə etdi. Ancaq əziyyət çəkib meydanlara enmədilər. Bu o demək deyildir ki, xalq müxalifətə inanmadı. Meydanın müxalifətə nə dəxli. Sadəcə azadlığa inanmaq üçün iman lazım idi. Bu isə ermənilərlə savaşda da ortaya çıxdığı kimi bizlərdə hələ zəifdir. Məhz bu imanı qazandırmaq üçün bizlər “demokratiya” deyib durmuşuq. Azad düşüncəsini ifadə edə bilməyən insanlar hər cür zülmə layiq sayıla bilərlər.  

Bir azdan yəqin ki, bu işə müdrik rəhər müdaxilə edəcək. Vasitəçi kimi yanına gəlmiş Amerika və ya Böyük Britaniya səfirinə bu işdən xəbəri olmadığını söyləyəcək. Elə bəlkə də Elçibəyin də prokurorluğa çağrılmasından xəbərsiz olduğunu deyəcək.  Sonrası da məlumdur ki, yetimin papağını özünə qaytaracaqlar. Və sonra da düşünəcəklər ki, həm mətbuatın, həm də siyasi partiyaların başını özlərinə qataraq seçki məsələlərini unutdura bildik. Ancaq özlərinin keçmiş doğma rejimlərindəki bir şuarı xatırlatmaq yerində olardı: “Heç nə unudulmur, heç nə yaddan çıxmır!” Doğrudur, indiki hakimiyyətdə yetim mallarını mənimsəmə faktları bizi bir az pessimis məcraya yönəldir. Və düşünürük ki, Heydər Əliyevin yetimin papağını qaytarma hərəkətindən komandanın içindəkilərin çoxu narazı qalacaq. Yəni bunların çoxu papağa “şapka” kimi baxırlar. “Şapka” məsələsində isə kimsəyə güzəştə getmək olmaz.

 Bizlərdə hər şeyi Heydər Əliyevin adına bağlamaq alışqanlığı da əməlli-başlı özünə yer edib. Ailə hakimiyyətini də çox zaman onun adı ilə bağlayırlar. Burada əlbətə həqiqət payı böyükdür. Bu cür ümumi anlayışların fonunda hakimiyyətin formal olaraq ikinci adamı Murtuz Ələsgərovun ailə şəbəkəsini də unutmaq doğru olmaz. H.Əliyevi müxalifət cinahında fenomen, hətta syasətin balinası kimi tanıyanları kimsə inkar edə bilməz. Biz əlbəttə, bu barədə fərqli düşünürük. Bizcə, bütün fenomenlər, siyasət balinaları ancaq tarixə oynayanlar hesab oluna bilər. Burada mənfi və ya müsbət impulsların bir o qədər də əhəmiyyəti yoxdur. Ancaq özünün fiziki varlığıyla qəbul edilən siyasi portretlər bir günün içində zamanın yoxluğuna qərq olurlar. Bu iqtidar başçısı haqqında fenomen sözünü işlətmək bəlkə də mümkündür. İqtidarın bu gün formal da olsa, ikinci adamı sayılan Murtuz Ələsgərova fenomen tanıtımını tətbiq etmək isə heç bir halda mümkün deyil. Bilirsinizmi niyə M.Ələsgərovdan söz saldıq? Çünki azad mətbuatın susdurulması kampaniyasının ilhamçısı, Azərbaycanda demokeratiyanın varlığından ən çox qorxanların önündə məhz bu gün Milli Məclisin başında duran şəxs gəlir. M.Ələsgərovun kəmhövsələliyini bildiyim üçün bəri başdan söyləyim ki, bu yazıda onun haqqında heç bir təhqir və ya böhtan faktı olmayacaq. Mənim haqqımda da hər zaman arzuladığı qəti tədbirlər üçün də əziyyət çəkməsin. Bizlərinki artıq o tədbirlərdən də o tərəfə keçib. Sadəcə, bu adamın parlamentdəki çıxışlarını dinlədikdə, düşünürsən, H.Əliyevə elə M.Ələsgərovun bir çıxışını dinləmək kifayətdir ki, özünə və millətə zərər vuracaq addımları atsın. Seçkidən sonrakl bir-birinin ardınca buraxılan səhvlərdə də ən çox M.Ələsgərovun dəs-xətti görünür. Məclisdə millət vəkillərinə dəyanət oxumağa söz verməməsi bir yana, millət vəkili haqqında “zibillərdən təmizlənirik” ifadəsinin işlənməsinə yaşıl işıq yandırır, özünü Azərbaycanın canlı konstitusiyası kimi tanıtmağa cəhd etdiyi halda, millt vəkili və özünün qürurla tələbəsi elan etdiyi Əli Kərimova cavabı elmlə heç bir əlaqəsi olmayan “Əcəb edirəm!” kəlməsi olur. Əlbəttə, bu şəxsin azacıq siyasi uzaqgörənliyi olsaydı, yəqin ki, 13 il bundan qabaq İsraili sionizmin mərkəzi, terrorçu dövlət adlandırıb bu gün yəhudilərlə bir araya gələrkən təriflər düzüb-qoşmaq məcburiyyətində qalmazdı. Allah izn versə, eyni tərifləri bu gün Məclis sədarətindən ələ saldığı müxalifət qüvvələrinə də söyləyəcəyinə heç şübhəmiz yoxdur. Demokratiyaya bu qoca professorun nifrəti elə universitet illərindən qalmadır. Çünki 10 il bundan qabaq hüquq fakultəsinə demokratik yolla dekan seçkisində tələbəli-müəllimli verilən 40-a yaxın səsin özü qarışıq yalnız 4-nü alan M.Ələsgərov demokratiyanın nə qədər zərərli olduğunu gözəl bilir. Qaldı tələbə məsələsinə, yəqin məndən də soruşacaqlar ki, nə oldu, indi müəlliminizi bəyənmirsiniz? Bizim bu suala cavabımız dostlar arasında aforizmə çevrilib, oxuculara da bildirməkdə qəbahət yox. Hər zaman vurğulamağa məcbur oluram ki, M.Ələsgərov bizə yalnız dərs deyib. Dərs demək isə hələ müəllim olmaq demək deyil.

Müəllim bizlərdə yol göstərən mənasını daşıyır. Nə isə... Azadlıq niyyətiylə aclıq edən qəzetçi qardaşlarımıza niyyətlərinə qovuşmaq arzulayıram.

Fazil Qəzənfəroğlu

“Azadlıq” 25 noyabr 1998


Martın 3-də Suraxanı Rayon Məhkəməsində hakim Ceyhun Qədimov bu barədə hökm çıxarıb. Bloger Nəsimi Rayon Polis İdarəsinin rəisi Musa Musayevin xüsusi ittiham qaydasında qaldırdığı iddia əsasında cəzalandırılıb.

Polis rəisi iddia edir ki, yanvarın 9-da Mehman Hüseynov inzibati qaydada həbs olunub, 200 manat cərimələndikdən sonra Nəsimi Rayon Məhkəməsinin qarşısında müsahibə verərkən işgəncəyə məruz qaldığını deməklə onun tabeliyində olan əməkdaşlara böhtan atıb.

Polis rəisinin nümayəndəsi Əlirza Əbilov məhkəmədə çıxışında deyib ki, Mehman Hüseynov Nəsimi Rayon Polis İdarəsinin əməkdaşları tərəfindən oğurlandığını, başına torba keçirildiyini, idarədə döyüldüyünü deməklə həm də polis rəisinin tabe olduğu nazir, dövlət başçısı qarşısında nüfuzunu sarsıdıb.

Əlirza Əbilov çıxışının sonunda deyib ki, Musa Musayev Mehman Hüseynovun 3 il azadlıqdan məhrum edilməsini istəyir.

"SANKİ BU RAYONUN ALLAHIDIR"

Mehman Hüseynov isə çıxışında yanvarın 9-da saxlanılarkən və ondan sonra polis idarəsində işgəncələrə məruz qaldığını bir daha təsdiqləyib:

"Mən orada başıma açılan oyunların 10 faizini danışmışam. Orada mənimlə elə davrandılar, elə bil ermənilər azərbaycanlı əsir əsgərlə davranır. Əlirza Əbilov Musa Musayevi elə təqdim elədi, sanki Nəsimi rayonunun polis rəisi yox, bu rayonun Allahıdır.

O idarədə adamlarla heyvan kimi rəftar olunur. Şəxsən mənə qarşı belə davranıblar. Mən heç kimə böhtan atmıram, əksinə, mənə böhtan atırlar. Onu da bilirəm ki, bu iddia mənim fəaliyyətimlə bağlıdır. Onu da deyim ki, məni heç nə fəaliyyətimdən çəkindirə bilməz. Yəni, ittihamla razı deyiləm, amma qorxmuram da. Çıxarılan qərar da vecimə deyil. Gördülər ki, onları ifşa eləyirəm, məni bu cür cəzalandırırlar".

Mehman Hüseynovun vəkili Elçin Sadıqov bloger saxlanılarkən ona qarşı zorakılığın şahidi olmuş dörd nəfərin dindirilməsi, həmçinin xüsusi ittihamçı Musa Musayevin özünün məhkəmədə iştirakı barədə vəsatətlər qaldırsa da, təmin olunmayıb.

Vəkil həmçinin, Musa Musayev gəlmədən məhkəmə istintaqının tamamlanmasına etiraz edib. Buna baxmayaraq, hakim məhkəmə istintaqının tamamlanmasına qərar verib. Çıxışlar mərhələsi başlayıb.

"CİNAYƏT TÖRƏTMƏMİŞƏM"

Elçin Sadıqov çıxışa hazırlaşmaq üçün bir həftə vaxt istəyib, amma hakim cəmi yarım saat vaxt verib. Cəmi on dəqiqədən sonra geri qayıdıb, prosesi davam etdirib.

Çıxış etmək məcburiyyətində qalan Elçin Sadıqov bəraət hökmü çıxarılmasını istəyib.

Mehman Hüseynov son sözündə istənilən qərara hazır olduğunu deyib: "Yuxarıdan nə göstəriş verilibsə, o da olacaq. Mən cinayət törətməmişəm. Məhkəmə də normal keçirilmədi. Bu da sifarişi göstərir. Bu, birbaşa söz azadlığını boğmağa yönəlib".

İki dəqiqəlik müşavirədən sonra hakim hökmü elan edib.


35 -dən səhifə 207