Javid Jabbarli

Javid Jabbarli

Bu gün, fevralın 21-də "Azadlıq" qəzetinin redaktoru Rövşən Hacıbəyli Baş Prokurorluğun Ağır Cinayətlərə Dair İşlər üzrə İstintaq İdarəsində dindirilib.

Bu haqda jurnalistin özü məlumat verib.

R.Hacıbəylinin dediyinə görə, ona qəzetin fəaliyyəti və maliyyə məsələləri ilə bağlı ümumi suallar verilib. Fevralın 18-dən 20-nə kimi "Azadlıq" qəzetinin 6 əməkdaşı - İlham Hüseyn, Aytən Məmmədova, Elşən Şirinov, Vidadi Məmmədov, Xalid Qarayev və Fizzə Heydərova prokurorluqda müstəntiqin suallarını cavablandırmalı olmuşdu.

"Azadlıq" qəzetinin əməkdaşları qəzetin kommersiya direktoru Faiq Əmirlinin həbsindən sonra istintaqa cəlb ediliblər. Onlar bundan əvvəl də F.Əmirlinin cinayət işi ilə bağlı dindiriliblər. (azadlıqradiosu)


Əli Əliyev: "Bu təyinatla prezident Əliyev hakimiyyətdaxili qrupları tərksilah etdi"

Vətəndaş və İnkişaf Partiyasının sədri Əli Əliyev birinci vitse-prezident təyinatı ilə bağlı rəhbərlik etdiyi partiyanın mövqeyini açıqlayıb. Xeber.İnfo Ə.Əliyevin açıqlamasını təqdim edir:

Bu təyinat ölkədə cümhuriyyətçilik prinsiplərinin gömülməsini təcəssüm etdirən siyasi aksiyadır. Dövlət daxilində siyasi rəqabətin, seçki yolu ilə hakimiyyət dəyişikliyinin YAP iqtidarı dövründə mümkünsüzlüyünün rəsmiləşdirilməsidir. Bu günə qədər də bu reallıq bilinirdi, lakin indi daha bariz şəkildə iradə nümayiş etdirildi. Bu bizim rəsmi partiya münasibətimiz və yanaşmamızdır. Məsələnin digər tərəfləri də az maraq doğurmur. Bugünkü təyinat bir sıra maraqlı siyasi proseslərə işıq salmış oldu. Əvvəldə onu bildirim ki, 1-ci vitse-prezidentin səlahiyyət çevrəsi və imtiyazları referenduma çıxarıldıqda, artıq 1-ci xanımın siyasi silueti o postda görünürdü. Rəsmiləşdirməsi qalmışdı, o da baş tutdu. Kimi təyin etməliydi ki, ora Prezident? Nəzərə alsaq ki, Rəsizadə (oxu: ikinci şəxs) bioloji erası tükənir, bu posta daha etibarlı şəxs qalmır. Bu təyinatla prezident Əliyev hakimiyyətdaxili qrupları tərksilah etdi. Artıq saray çevrilişinin daha çətin ola biləcəyi faktı qüvvəyə minmiş oldu. Baş verənlər 13-cü il prezident seçkiləri zamanı maneə törətmiş şəxslər və ya qruplar üzərində əliyevlərin tam və qəti qələbəsi kimi qavranılmalıdır. Yada salım ki, o dövrdə ailədaxili qalaqurmaya Moskva, bəzi müxalifət qüvvələrinin yaratdığı İbrahimbəyov Milli Şurası və hakimiyyətdaxili məlum qrup mane olmuşdu. 4 il itirildi, lakin nəticə dəyişmədi. Təhlükəsizlik şurasının bu gün keçirilən toplantısında bu mini qələbə 1-ci xanımın çöhrəsində aydın sezilirdi. Yəqin məğlub olanların da kefi əks proporsional olar. Fikrimcə, bu təyinat qırılma nöqtəsi olacaq. Uzun müddət davam edən xalçaaltı savaşın çox vacib zühuru baş verdi. Hadisənin siyasi proseslərə təcil verəcəyi qənaətindəyəm. Daxili mübarizənin şiddəti yüksələcək. Böhrandan çıxmaq üçün Prezident seçim etməli idi və etdi. Çox güman ki, bu dəyişikliklər dalğasının başlanğıcı olacaq. Əks halda YAP layneri Titanikin aqibətini yaşamalı idi. Bu da xilas sayıla bilməz. Lakin xilasa təşəbbüs kimi dəyərləndirilməlidir. 2 ildir iqtidarın səndəlləməsi situasiyanı gərginləşdirirdi. Hesab edirəm, bundan sonra komanda dəyişikliyi vüsət ala bilər. Bütün hallarda durğunluq erası, mənə görə, geridə qaldı. Çünki "buz qırıldı". Bundan sonra təbiətdə adətən sel olur. Siyasi həyatda da ayaqlanma olacağını ehtimal edirəm. Çünki şərti məğlublar vəziyyətlə barışmayacaq, siyasi sapma və mərkəzdənqaçma təzahürləri olacaq. Son 15 il üçün yeni situasiyanın şahidi olacağıq. Müxalifətlə oliqarxiyanın yaxınlaşması olacaq. Hakimiyyətin gücünü təşkil edən oliqarxlar öz ətraflarında güc mərkəzi yaratmağa çalışacaqlar. Əlbəttə ki, qeyri-leqal. Neftin yaratdığı və hakimiyyət divarlarında kumulyasiya olunmuş güc hərəkətə gələcək. Bu yaxşı haldır. İqtidar komandası dağılmayana qədər, siyasi irəliləyişə nail olmaq mümkünsüzdür. Zəiflədilmiş müxalifət, yorulmuş, inamsız və gündəlik ehtiyaca məhkum edilmiş cəmiyyət siyasi proseslərin hərəkətverici qüvvəsi ola bilmirdi. Təkan iqtidardan gəlməli idi. Düşünürəm ki, gəldi. Prosesin açıq fazaya keçmə momentini proqnoz etmək çətindir. Bu hər an ola bilər. Prezident bu ilin birinci yarısında yeni Prezident və Parlament seçkiləri təyin etməsə, 18 və sonrakı illər gərgin rəqabətlə müşayiət olunacaq. Nəzərə alsaq ki, təyinat əliyevlər ailəsinin Qərb fəallığı və Münhen tədbirini birgə ziyarətindən sonra baş tutub. Düşünürəm, burada da bir mesaj olmamış deyil. Bu təyinatla Prezident Əliyev Qərbdə başlamış yeni eraya- Tramp dönəminə daxil olur. Mehriban Əliyevanın Qərb çevrələrində nüfuzu yeni dövrün siyasi vektoru kimi, son illərdə Rusiyaya tərəf əyilmiş xarici siyasət fəaliyyətində dəngəni bərpaya yönəlib. Bütün bunları söyləmək nə qədər ağır olsa da, siyasi həyatımızın reallıqlarıdır. Müxalifətin pərakəndəliyi, uyuşmazlığı, proseslərin küncünə məqsədyönlü şəkildə sıxışdırlması, lidersizliyi və amorfluğu hakimiyyətin siyasi proseslərdə dominantlığını təmin edir. Lakin mənə görə, bu mərhələ dominantlığın sonunun başlanğıcıdır. Müxalifət fəallaşmadan enerji ala biləcək. Daha ekstremal şəraitdə baş çıxarmağa vərdiş etmiş qüvvlər yaşamaq və uduş şansı əldə edəcəklər. Təəssüf olsun ki, Azərbaycan xalqı pis variantlar içində yaşamaq zorundadır. YAP-ın qüsurlu idarəçiliyi ölkəni bu günkü ağır böhranla üzbəüz qoyub. Bu təyinata qədər, ölkənin 2-si haqda müxtəlif variantlar müzakirə edilirdi. Siyasətin içində olan birisi kimi, variantların ən yumşağı bunu görürəm. Çünki digər namizədliklər daha təhlükəli potensiala malik idi. İnşallah növbəti seçimləri özümüz, istək və iradəmizə uyğun həyata keçirərik. Bunun üçün isə ruhdan düşməmək və mübarizəni gücləndirmək yeganə şərtdir.


1-ci vitse-prezidentin təyin olunması ilə bağlı siyasi partiyaların mövqei

21.02. 2017- ci il tarixdə KXCP Qərargahında siyasi partiyaların toplantısı keçirilib.

Sözcu.az-a verilən məlumata görə, Toplantıda Mehriban Əliyevanın 1-ci vitse - prezidenti təyin olunması məsələsinə münasibət bildirilmişdir.

Bu barədə açıqlamada deyilir:

"Prezidentin 1- ci- vitse prezident vəzifəsinə öz həyat yoldaşını təyin etməsi dünyada analoqu olmayan hadisədir, Azərbaycanda ailə -sülalə hakimiyyəti bərqərar ermək cəhdi dir və dövlət quruluşunun respublika olması haqqında konstitusiyanın dəyişdirilməz 7- ci maddəsinin ruhuna və hərfinə daban- dabana ziddir, xalqlar arasında Azərbaycan və Azərbaycan xalqı haqqında heç də müsbət təsəvvürlərin yaratmasına xidmət etmir. Seçilməyən, hətta parlamentdə təsdiq edilməyən 1- c vitse – prezidentin və digər vitse prezidentlərin prezident vəzifəsinin həyata keçirə bilməsi halı hakimiyyətin mənbəyinin xalq olması və seçkilər vasitəsi ilə formalaşması barədə Konstitusiya müddəaları ilə də uyğun deyildir.

Bundan əlavə bu akt yaxın qohumların bir yerdə işləməsinə yol verilməməsi barədə “Korrupsiyaya qarşı mübarizə haqqında AR Qanununun 7- ci maddəsini və bir sıra digər qanunvericilik aktlarını da birbaşa pozulmaqla həyata keçirilmişdir.

Siyasi partiyalar habelə diqqəti ona cəlb edirlər ki, 2016- cı ildə keçirilmiş referendumla Konstitusiyaya edilmiş dəyişikliklərin prezidentə verdiyi səlahiyyətlərin yalnız 2018- ci il seçkilərində sonra qüvvəyə minməsi barədə geniş yayılmış rəylər vardır və bu məsələyə aydınlıq gətirilmədən haqqında danışılan təyinatın edilməsi hüquqi baxımdan da düzgün sayıla bilməz. Siyasi partiyalar ümid edir və inanırlar ki, demokratik ənənələrə və potensiala malik Azərbaycanda və Azərbaycan cəmiyyətində bu siyasi tendensiya müvəqqətidir və onun zərərli nəticələrini aradan qaldırmaq mümkün olacaqdır.

Toplantıda KXCP, ADP, AXP, Azadlıq, ALDP, VİP, AĞ Parti , BAP sədrləri iştirak edib".


Xəbər verdiyimiz kimi, Mehriban Əliyeva Azərbaycan Respublikasının Birinci vitse-prezidenti təyin edilib.

AzərTAc xəbər verir ki, fevralın 21-də Azərbaycan Respublikasının Prezidenti İlham Əliyevin sədrliyi ilə Təhlükəsizlik Şurasının iclası keçirilib.

İclasda Prezident İlham Əliyev Mehriban xanım Əliyevanı təqdim edib.


Sərdar Cəlaloğlu: “Fazil Mustafanın bu mövqeyi onun kafir olduğunu göstərir

 ADP sədri ilə deputatın qarşılıqlı ittihamları “havada uçur”;

ADP sədri Sərdar Cəlaloğlu ilə BQP sədri, deputat Fazil Mustafa arasında qarşıdurma davam edir. Deputat öz facebook səhifəsində ADP sədrinə həsr etdiyi statusla “odun üzərinə benzin töküb”. BQP sədri S.Cəlaloğlunun ünvanına ağır ittihamlar səsləndirərək, onu nadürüst adlandırıb. Sitat: “İnanın ki, işim-gücüm başımdan aşır. Di gəl ki, ölkədə harada bir nadürüst varsa, dönüb mənə dürüstlük dərsi keçməyə başlayır.

Əlimi dolayan kimi, gördünüzmü 6 gün öncə söylədiyi fikirləri necə inkar etdi? Bunu bəzən cəmiyyətimiz üçün edirəm ki, az-çox tanıyasınız sizi aldadanları. Yoxsa Sərdar Cəlaloğlu adında həqiqətən hansısa problemim yoxdur. Hətta mənim deputat mandatıma şübhəli yanaşmasına da dönüb demərəm ki, məhz o mandatı əldə etmək üçün hansı oyunlara baş vurub. Mənimlə debatdan dəm vurur, bir neçə dəfə siyasi debatlarda, deyəsən, unudub ki, aşının suyunu necə vermişəm. Nəzərdə tutduğu tarixi mövzularda da əks tərəfi təmsil edən bütün mütəxəssislərlə da hansı səviyyədə öz mövqeyimi müzakirələrdə isbatladığımı youtubedən rahatca izləyə bilərsiniz. Mən yaradıcı adamlara həqiqətən sayğı duyuram, dəstək verirəm, o cümlədən də Sərdar Cəlaloğlunun da çalışmalarına həmişə müsbət yanaşmışam, araşdırmaçılığını yüksək qiymətləndirirəm. Başını aşağı salıb tədqiqatlarını aparsın, əsərlərini oxuyub insanlar faydalansınlar, sadəcə, istəyim budur ki, bu milləti aldatma vərdişini tərk etsin”.

Barəsindəki ittihamlarla bağlı S.Cəlaloğlunun fikirlərini aldıq. ADP sədri sərt danışdı: “Mən mandat almaq üçün üç dəfə açıq mübarizəyə girmişəm, udmuşam. Qələbəm tanınmayıb, Avropa Məhkəməsinə bunun üçün müraciət etmişəm, birini udmuşam, digər işlərimə baxılır. Əgər Fazil Mustafanın deputatlıq qazanmaq üçün kiminləsə danışıqlara getməyim barədə əlində fakt varsa, açsın desin. Onun mənə dediyi böhtandan başqa bir şey deyil. Elçibəy hakimiyyətində o, kiçik bir vəzifədə idi. Amma ondan çox-çox qabaq bizə yüksək vəzifələr, nazir postları təklif etmişdilər. Biz bundan imtina etdik. 1990-cı ildə Afiyəddin Cəlilov dedi ki, bizimlə görüşün, gedin parlamentdə oturun. Mən bundan imtina etmişəm. Mandatla bağlı qapı döydüyümü sübut etməsə, nadürüst, şəxsiyyətsiz onun özüdür. Burada təəccüblü heç nə yoxdur. Qabağa gedənləri daim dəli adlandırırlar. Nə qədər məqsədimə çatacam ya yox, buna gələcək nəsillər qiymət verəcək. Fazil Mustafanın dinlə bağlı 7-8 kitab yazıb. Əgər onun kitab yazmağı nadürüst, dəli olmağının əlaməti deyilsə, o zaman mən kitab yazanda nəyə görə onun üçün bu qədər nifrətə səbəb olur? Ağıllı adamlar bildikləri şeylərdən danışarlar. Kitabımı yazım, çap etdirim, ondan sonra Fazil bəy əlində bir qələm oxuya-oxuya səhvlər tutsun. Əgər səhvləri sübut edərsə, o zaman oxucular desin ki, Sərdar Cəlaloğlu nadandır. Sən mənim nə yazdığımı bilmədən nə haqla belə danışırsan? Bəlkə zarafat edirəm, Qurana heç izah yazmıram? Belə qeyri-ciddi yanaşma olar? İnsanlar tanış olmadıqları bir şey barəsində necə münasibət bildirə bilərlər? Üç il öncə ilk dəfə Qurana elmi və fəlsəfi izah yazmağımla bağlı fikirlər deyəndə, əvvəlcə Vaqif Hacıbəyli, Əli Əlirzayev qalxdılar ki, getsin öz işi ilə məşğul olsun. Amma İslam Universitetinin prorektoruna bu sualı verəndə demişdi ki, görək nə yazacaq, din üçün əhəmiyyəti olacaqmı, ondan sonra danışa bilərik. Onun mövqeyini tam ədalətli saydım. Yoxsa Fazil Mustafa kimi, ay filankəs dəlidir, başı xarab olub kimi fikirlər səsləndirmək etik deyil. Azərbaycan cəmiyyətində xəstə təfəkkür formalaşıb. İnsanlar görmədikləri şeyə münasibət bildirirlər. Fazil Mustafanın bu mövqeyi onun kafir olduğunu göstərir. Çünki Quranı şərh etmək bir müsəlman kimi borcumuzdur. Yoxsa kim bunu edirsə, ona dəli demək olmaz, Fazil Mustafa. Bir insan bilmədiyi şey haqqında danışanda, yoxsa bildiyi şey haqqında yazanda dəli olur? Deyir ki, fəlsəfə doktoruyam. Mənə Azərbaycanda imkan vermirlər ki, bu adı alım. Hökumətin razılığı ilə bu adı almısan, sən şəxsiyyətsən, amma doktorluq adı almağıma mane olurlar, mən pis adamam? Dedim, Nobeli qazanmaq istəyirəm, hamı düşdü üstümə ki, ay Nobelin yanından, yaxud altından keçə bilməzsən. Amma gizli səsverməyə qədər irəlilədim. Az qalırdı bu mükafatı alım. Sən də get yaz, Fazil Mustafa”.

S.Cəlaloğlu deputatla qarşıdurmasının Şah İsmayıl Xətai barədə onun dediklərindən sonra başladığını söylədi: “Xətai barədə onun dedikləri hər kəsə bəllidir. Mən ona dost, bir böyük kimi cavab verdim. İndi bu mənə səfəvilərlə bağlı dediklərinə elmi şəkildə cavab verə bilmir, indi Qurana elmi fəlsəfə yazmağımla bağlı ağzına gələni danışır. APA TV-yə dəvət etmişdilər, dedilər Fazil Mustafa da gələcək. Mən də verilişə getdim və ona sözlərimi demək istədim ki, elmi fikirlərini, dəli olmağımla bağlı sözlərini sübut et. Gedəndə görürəm ki, deyib qar yağdığına görə gələ bilmirəm. Sən haqlı insansa, buyurub gələrdin. İndi yenə səni debata çağırıram, Quranla, təhsil aldığın hüquqla bağlı çıxaq televiziyaların birinə. Millətin gözü qarşısında istənilən mövzuda diskussiya aparaq, sübut et ki, ağıllısan. Dediklərin nə yaşına, nə başına, nə də əvvəl dediyim kimi, cibində gəzdirdiyin saxta mandata yaraşmır. Sənin mövcudluğun məni düşündürmür. Sən kimsən mənə Qurana izah yazmağımla bağlı nəsə deyirsən. Allah sənə tapşırıb ki, Qurana izah yazmağa insanları qoyma? Mən heç ona cavab vermək istəmirəm. Sadəcə, mətbuatda ağzına gələni danışır, jurnalistlər də mövqe istəyirlər. Mən də mətbuatdan heç zaman qaçmamışam. Yoxsa heç vaxtım da yoxdur ki, ona cavab verim. Onunla həyat yolumuz heç vaxt bir olmayıb. Biz tamamilə siyasi cəhətdən ayrı-ayrı yerlərdə olmuşuq. Səfəvilər haqqında o yazını yazmasaydı, heç bunlar da olmayacaqdı. Bir partiya sədri, siyasətçi, vətənpərvər bir insan kimi cavab verməyi borc bildim. Fazil elə bilir ki, bundan başqa kimsə onu təhqir edə bilməz. Onun haqqında elə sözlər deyərəm ki, özü də onun dediyi kimi yox, fakt deyərəm. Dediyi sözlərdən min dəfə çox təhqir olunar. Özü haqqında fakt deyərəm. Amma kişiliyim buna imkan vermir. Ailəm var, cəmiyyətdə azdan-çoxdan siyasətçi kimi tanınıram, niyə məni təhqir edirsən? Düşünürsən ki, məni nə qədər təhqir etsən, yuxarıda duracaqsan. Bir şeyi bilmək lazımdır ki, bir insanı alçaltmaqla ucalmaq mümkün deyil. Niyə məni hədəfə götürüb anlamıram. Əgər qüdrəti, savadı çatırsa, dini yazılarıma elmlə cavab versin, mən də görüm ki, ağıllıyam yoxsa dəliyəm”.(musavat.com)


AXCP-yə qarşı repressiya davam edir. Partiyanın Suraxanı şöbəsinin fəalı Amil Məmmədzadə polisə müqavimət ittihamı ilə 30 sutka inzibati həbsə məhkum edilib.

A.Məmmədzadə fevralın 19-da saxlanılııb. Onu Suraxanı RPİ 30-cu polis bölməsinə guya radara düşdüyü adı ilə çağırıblar. O da saat 13 radələrində bölməyə gedib ki, məsələni aydınlaşdırsın. Lakin bölmədə onu saxlayıblar. Fevralın 20-də isə A.Məmmədzayə Suraxanı məhkəməsinin qərarı ilə “polisə müqavimət göstərdiyi üçün” 30 sutka inzibati həbs veriblər. 


ABŞ prezidenti Donald Trampın Avropa Birliyinə səfir təyin etməsi gözlənilən professor Ted Mallok Türkiyənni NTV telekanalına müsahibə verib.

Lent.az xəbər verir ki, T.Mallok FETÖ lideri Fətullah Gülənin hazırkı hakimiyyət üçün adi vətəndaş olduğunu qeyd edib. Türkiyədə baş verən proseslərdən xəbərdar olduğunu deyən tanınmış siyasətçi Fətullah Gülənin Türkiyəyə verilməsinin mümkün olduğunu deyib: “ABŞ ədalətli mühakimə aparıldıqdan sonra onu niyə təhvil verməsin ki? Bu insan niyə Türkiyəyə göndərilməsin? Mənə elə gəlir ki, bu, yeni hakimiyyətin çox diqqət göstərməli olduğu mövzudur. Tramp hakimiyyətinin Fətullah Güləni təhvil verəcəyini düşünürəm. Təbii ki, məsələ ədliyyə nazirinin qarşısına da gələcək. Amma bu, çox vacib məsələdir, Türkiyə üçün kritikdir. Çevrilişə cəhd etmiş qüvvələrin arxasında dayanan şəxs bizim torpağımızdadır. Türkiyə isə bizim NATO-dakı müttəfiqimizdir. Türkiyə son dərəcə önəmli strateji əlaqələrimiz olan bir ölkədir”.

T.Mallok Türkiyə hakimiyyətinin Obamadan etdiyi tələbi Trampa da ünvanlamalı olduğunu bildirib və bir vətəndaşa görə münasibəti korlamamağın vacibliyini vurğulayıb.


Azərbaycan Xalq Cəbhəsi  Partiyasının (AXCP) fəal üzvü olmaqla çox aktiv şəkildə hakimiyyətə qarşı açıq müxalif mövqedə olmaqla siyasi fəaliyyətdə olan şəxs Məmmədov Rəşad Vaqif oğlu  2014-cü ildə “Qırmızı Kart” inqilabını təsis edərək Azərbaycan Respublikasında demokratik quruluşun və vətəndaş cəmiyyətinin formalaşmasına mane olan hakimiyyətin istefa verməsi tələbi ilə sosial şəbəkələrdə aktiv fəaliyyət göstərməklə, xalqın büdcəsini talayan, siyasi fəal insanları qanunsuz həbs edərək ağır işgəncələrə məruz qoyan, ölkədə seçkilər zamanı  seçki öncəsi və seçki vaxtı hakimiyyət tərəfindən Konstitusiyanın və seçki məcəlləsinin müvafiq maddələrinin pozulması və total saxtalaşdırılması ilə keçirilən seçkilər zamanı saxtalaşdırmanı həyata keçirən hakimiyyətin istefa verməsi tələbi ilə ölkə vətəndaşlarını hərə bir qırmızı kart göstərməklə hakimiyyətə qarşı istefa şüarı ilə mübarizəyə qoşulmağa çağırmışdır. 


"Qardaş, bizə yazığın gəlsin, sus, bizi döyürlər" Orduxan Teymurxanın bacıları polisə aparıldı   


Xeber.İnfo-nun verdiyi məlumata görə, Yasamal rayon İcra Hakimiyyətinin başçısı İbrahim Mehdiyev jurnalistə sillə vurub.

Hadisə “Sovetski” ərazisində "Hacı Cavad” məscidinin sökülməsi ilə bağlı bir qrup şəxsin etirazı zamanı baş verib. Əraziyə gələn İbrahim Mehdiyevdən Fərqanə Novruzova adlı jurnalist açıqlama istəyib. Başçı jurnalistə kobud şəkildə "açıqlama vermirəm” deyərək, getməyə başlayıb. Xanım jurnalist açıqlama alacağında israr edib və başçının silləsi ilə “müküfatlanıb”.

Xeber.İnfo

İbrahim İbrahimli


35 -dən səhifə 203

Günün videosu