Rusiya Federal Təhlükəsizlik Xidməti və DİN əməkdaşları Moskva və Moskva ətrafında  İŞİD tərəfdarlarının Suriya İraqa göndərilməsi ilə məşğul olan etnik cinayətkar qrupunun 60 üzvünü saxlayıb. Bu barədə FTX-nin ictimaiyyətlə əlaqələr mərkəzindən bildirilir.   

Məlumata görə, cinayətkar qrup həmçinin Orta Asiya bölgəsindən Rusiyaya gələn miqrantların qanunsuz leqallaşdırılması ilə məşğul olub.  

Cinayətkarların beynəlxalq terror təşkilatlarının emissarları ilə əlaqəli olduğu müəyyənləşdirilib. 

Çərşənbə, 14 Mart 2018 00:00

İran XİN rəhbəri bu gün Bakıya gəlir

Yazan

İranın xarici işlər naziri Məhəmməd Cavad Zərifin başçılıq etdiyi nümayəndə heyəti  martın 14-də  Bakıya səfər edəcək . Bunu İranın XİN sözçüsü Bəhram Qasimi deyib.

M.C.Zərif qeyd edib ki, səfərin məqsədi Azərbaycan, İran, Türkiyə və Gürcüstan XİN başçılarının Bakıda keçiriləcək dördtərəfli iclasında iştirak etməkdir.

M.C.Zərif dördtərəfli görüşdən sonra Qazaxıstana yola deşəcəyini bildirib.

“Bədənim titrədi. Hacı məni uzaqlaşdırmaqdan ötrü zərblə itələdi, yerə yıxıldım…”

Xəbər verdiyimiz kimi, Bakı Ağır Cinayətlər Məhkəməsində “Azərbaycan Televiziya və Radio Verilişləri” QSC-nin sədri Arif Alışanova qarşı dələduzluq etməkdə və onu öldürməyə cəhddə təqsirləndirilən Şücayət Əkbərov, Qoçəli Cəbiyev, Zöhrab Şirinov və Aqşin Hüseynovun cinayət işi üzrə məhkəmə gedir.

Məhkəmənin gedişində Arif Alışanov haqda səsləndirilən məlumatlar, ittihamlar cəmiyyətdə sözün əsl mənasında şok effekti yaradıb. Səhmləri 100 faiz dövlətə məxsus təşkilatın sədri istintaqa ifadəsində 6,2 milyon dəyərində torpaq aldığını rəsmən etiraf edib. Amma məhkəmədə üzə çıxan sonrakı məlumat və ittihamların fonunda, bu etiraf, necə deyərlər toya getməli oldu. Nədən ki, sonrakı məlumatlar dəhşət filmlərinin ssenarisini xatırladır. Məsələn, A.Alışanova qarşı sui-qəsddə təqsirləndirilən Şücayət Əkbərov məhkəmədə AzTV sədrini qətldə – sevgilisini öldürməkdə suçlayıb!

“AzPolitika.info”ya daxil olan məlumata görə, Ş.Əkbərov bu məsələ ilə bağlı Baş prokuror Zakir Qaralova və işi aparan müstəntiq Kamal Talıbova yazılı müraciət və izahatlarında ətraflı yazıb və həbsinin də əsl motivini həmin cinayətdən xəbərdar olması ilə əlaqələndirib. Ş.Əkbərovun qızı Cəmilə Tağıyeva atasının ərizələrinin fotosurətlərini də “AzPolitika”ya təqdim edib. Təqsirləndirilən şəxs olanları belə nəql edib: “Arif Alışanov 2007-ci ildən başlayaraq Şamaxıda 120 hektar torpaq alıb. Həmin torpaqları mən tapırdım, Arif müəllim özü gəlib baxır, kürəkəni Fəridin adına rəsmiləşdirirdilər. Alışanov istəmirdi ki, çoxsaylı daşınmaz əmlakları onun aldığı bilinsin. Mən “makler” kimi bu işdən pul qazanırdım.

2011-ci ildə Fərid polisin nəzarəti altında gətirildi, onunla alqı-satqı edib, adına olan torpaqları Arifin həyat yoldaşı Mehriban xanımın adına keçirtdilər. Kürəkənlə qızları boşandığı üçün əmlakları onun əlindən aldılar. Bundan sonra Arif müəllimin “səlahiyyətli nümayəndəsi” sürücüsü Hacı Babayev oldu.

Sevgilisini “həkim”i kimi tanıdıb!

Bir müddət sonra Hacı zəng elədi ki, “müəllimlə gəlirik, qonağı var, sakit bir məkanda yer düzəlt”. Əvvəllər bir neçə nəfərlə gəlmişdi. Bu dəfə qara saçlı bir qızla idi. Mədrəsə kəndindəki evdə onlara süfrə açdırdım. Qızı tanıdım, daha öncə Fəridlə gəlmişdi. Hacı məni yayındırmaq üçün qızın AzTV-də Arifin həkimi olduğunu söylədi. Amma televiziyanın tibb məntqəsində olduğum zaman həmin qadını görməmişəm. Sonralar Arif müəllim o qızla gəlməyə başladı. Adını söyləmirdilər. Arada sarışın bir qızla da olurdu. Artıq ara açılmışdı, gələndə zəng edib “qız da olacaq”, deyirdi”.

Əkbərov izahatına sonra belə davam edib: “2016-cı ilin payızında Alışanov yenə üç-dörd nəfərlə gəlmişdi. Qayıdanbaş Xızıya kəsmə yolla maraqlandı. Bələdçilik üçün Qızmeydan kəndində baytar işləyən Qoçəlini götürdüm. Arif müəllim yanındakı iki nəfəri mənim “Niva”mla yolladı ki, “əvvəl yolu sən tanı, sonra birlikdə gedərik”. Biri polis rəisinin müavini idi – Arif bu qohumunun adını mənə Seyid demişdi, sonradan bildim ki, Canpoladdır. Onları Xızıda endirib geri qayıtdıq. Ertəsi gün Arif müəllim zəng edib yolu öyrənib-öyrənmədiyimlə maraqlandı, öyrəndiyimi söylədim. Aradan 15-20 gün keçmişdi, Alışanov həmin kəsə yolla onu qarşılamağımı və tək gəlməyimi bərk-bərk tapşırdı. Şamaxıda qalmayacaqdı, oradan Qəbələyə keçəcəkdilər. Xızıdan çox aralanmamışdılar, mən onlara çatdım. Arif həmişəki kimi yanımda əyləşdi, Hacı da arxadan gəlirdi.

Çayın ortasında “ətləri” boşaltdılar…

Çaya çatanda maşını saxlatdırıb “Hacıya yolu başa salmaq” adı ilə endi, israrla məni düşməyə qoymadı. 10-15 dəqiqə söhbətdən sonra maşına qayıtdı. Maşından çəkici- trosu götürüb Hacıya apardım ki, çaya batmasın. Baqaj açıq idi. Maşının qapısını açanda Hacı diksinib “nə edirsən”, deyə qışqırdı. İçəridə qan izləri vardı… (Bu yerdə Ş.Əkbərov dəhşət filmlərini xatırladan səhnəni təsvir edir-red.) Bədənim titrədi. Hacı məni uzaqlaşdırmaqdan ötrü zərblə itələdi, yerə yıxıldım. Danladı ki, “basin xarabdı, özbaşına maşına girirsən?”

Şok vəziyyətdə maşına qayıtdım. Arif müəllim nə baş verdiyi ilə maraqlandı, “trosu qoşmağı Hacıya başa saldım”, dedim. O biri üzə keçdim. “Maşını suda saxlama” deməmə rəğmən, Hacı bir müddət çayın ortasında qaldı, sonra o da gəlib bizə çatdı. Qızmeydan kəndində Hacı maşının içindəki qanı təmizlədi. “Şirvansaray” restoranında yeməkdən sonra getdilər. Bir gün sonra gecə saat 2-də Hacı zəng elədi ki, “Mədrəsədə yüngül hazırlıq gör, gəlirik”. Gələndə söhbəti Hacı özü açdı, dedi “axırıncı dəfə olsun maşını özbaşına açmaq, Arif müəllimin belə şeylərdən xoşu gəlmir… (Burda da zəruri redaktəyə ehtiyac var-red.)”

Sərxoş sürücü “şantajçı qız”ı öldürdüklərini boynuna alıb!

Ş.Əkbərovun müraciətindən: “Bir dəfə də Hacı tək gəlmişdi, yeyib-içdik, ikimiz də sərxoş idik. Soruşdum: “Hacı, o, öldürdüyünüz kim idi?” Boynuna aldı, dedi: “Bura gələn qızdı, müəllimi şantaj edirdi, şəkillər çəkib”. Həmin gün mən də onunla Bakıya getdim, Mərəzədə (Qobustan-red.) qəza törətdik. Ertəsi gün Hacı məni AzTV-yə çağırıb maşını düzəltdirmək üçün pul istədi, “müəllim bilməsin”, dedi. Həm də hədələdi ki, “o söhbəti ağzından çıxartsan, özünü ölmüş bil. Sən müəllimi tanımırsan”. Dedim “sən sərxoş olub başqa yerdə danışma, mən sarıdan qorxu yoxdur”. Amma hiss edirdim ki, Arif mənim bu işi bildiyimi anlayıb”.

“Divin canı şüşədə olduğu kimi, onun da canı mənim əlimdədir”

Əkbərov daha sonra qızın Alışanovu gerçəkdən şantaj etdiyini yazıb: “Bir dəfə Mədrəsədə o qız Ariflə dincələndən sonra həyətə düşdü. Məndən digər sarı qıza Arifin Pirquluda ev alıb-almadığını soruşdu. Bilmədiyimi söylədim. AzTV-yə onu Fərid gətiribmiş. Deyirdi, Fərid onun üçün çox şey edib, Arif isə xəsisdir. Söylədi ki, “amma artıq nə deyirəm, onu edir, çünki buna məcburdur, divin canı şüşədə olduğu kimi, onun da canı mənim əlimdədir”. İddia edirdi ki, onunla normal kişi-qadın münasibətləri yoxdur… Arif oyanandan sonra mənim qız ilə nə danışdığımla maraqlandı”.

Əkbərov yazıb ki, o hadisədən sonra Alışanovla münasibətləri gərginləşib. Hətta “sirri”ni ona söylədiyi təqdirdə qızı öldürməklə hədələyib. Ş.Əkbərov bu olanlara dair indiyə qədər susmasının səbəbini onunla izah edib ki, Alışanov ona ağzını açmaması şərtilə həbsdən qurtaracağı barədə xəbər göndərib. Əks təqdirdə nəvələrini, qızlarını öldürəcəkləri ilə hədələyiblər.

Ş.Əkbərov: “Amma aldığım məlumata görə, Dəyanət (AzTV sədrinin bacısı oğlu Dəyanət Cəfərov-red.) təcridxanada işləyən tanışlarından xahiş edib ki, “Şücayətə orada işgəncə verin, müalicə üçün xəstəxanaya buraxmayın”. Onda anladım ki, Arif mənim buradan salamat çıxmağıma imkan verməyəcək.

“Azadlığım qətlin sübut olunmasına bağlıdır”

Hazırda Arif keçmiş arvadım, uşaqlarım, qohumlarımın əmlaklarını əllərindən alıb, qızımın arxasınca adam salıb, ona hədə-qorxu gəlirlər. Artıq sussam da, danışsam da hamımıza zərər verəcəklər. O qadının öldürülməsi istintaqla sübut olunsa, mənə qarşı saxta ittihamların Arif tərəfindən təşkil edildiyi ortaya çıxacaq…

Sonralar Hacı Arifin məndə olan 300 min manatını “Dostluq” restoranına gətirməyimi tələb etdi. Pulu Hacıya qaytardım ki, sahibinə çatdırsın. Amma o, pulu sayıb geri verdi, əmanətin yerində olub-olmadığını yoxladığını dedi. Qayıdanda üç nəfər zorla maşınıma oturub silah gücünə pulları aldılar. Anladım ki, onlar Arifin “adamları” olublar, pulları əlimdən almaq üçün də məni qəsdən çağırıblar. Bəlli ki, Arif pulu qaytara bilməyəcəyimi düşünüb, məni ona aid vəsaiti mənimsəməkdə suçlayaraq həbsə atdırmaq istəyirdi”.

“Kuryoz”: silah alverçisindən silah “çıxdı”

Əkbərovun nəql etdiyinə görə, bu hadisədən sonra 2017-ci il yanvarın 14-də polis əməkdaşları Müsabi Namazov və təsərrüfatında baytar işləyən Qoçəli Cəbiyevlə onu saxlayıb, Şamaxı rayon Polis İdarəsinə gətiriblər. Axtarış zamanı maşının arxa hissəsində M.Namazova məxsus avomat və pistolet, dostu Ələkbərə aid ov tüfəngi aşkar edilib. Onları DİN BMCMİ-nə gətiriblər. Ş.Əkbərov: “Müstəntiq Ramil və Dəyanət məni ailəmlə şantaj edərək yazdıqlarını zorla imzalatdılar. Avtomobili Müsabi idarə etdiyi halda (bunu az qala bütün Şamaxı görüb və telefona da çəkilib-Ş.Ə.), izahatda sükan arxasında guya mənim olduğum kimi rəsmiləşdirdilər.Onlarla əlbir olan Müsabini səhəri gün buraxdılar. Özünü “makler” kimi qələmə verdiyinə baxmayaraq, Müsabini hamı silah alverçisi olaraq tanıyır, o, cəbhə bölgəsindən çoxlu silah gətirib (ittihamda silahları almağı Əkbərovun sifariş verdiyi iddia edilir-red.).

Vəkilim Rəfail Məsimovu da ələ almışdılar, o, mənə hüquqlarımı izah etmədi, ailəmi aldatdı, irəli sürülən bütün ittihamları özü imzalayıb, latın qrafikası ilə oxuyub-yaza bilmədiyimdən istifadə edərək mənə də qol çəkdirib. İttiham aktında haqqımda iftiralar yazılmışdı. Vəkildən imtina edib, bu barədə Baş Prokurorluğa yazılı məlumat verdim.
Mən cinayət törətməmişəm və əvvəllər verdiyim ifadələr öz sözlərimlə yazılmayıb. Videogörüntülər də mənə və digər təqsirləndirilənlərə qarşı zorakılıq, işgəncə ilə çəkilib, həqiqəti əks etdirmir”.

Alışanovun vəkili Zaur Abbasov müvəkkili barədə məhkəmədə səsləndirilən ittihamları əsassız adlandırıb, deyib ki, Əkbərovun ifadəsini istintaqı aparan müstəntiq araşdırıb və heç bir nəticə ortaya çıxmayıb. Amma bu haqda ittiham aktında yazılmaması və məhkəməyə təqdim edilməməsi belə bir araşdırmanın aparıldığını şübhə altına alır. Ya da bəlkə araşdırma olub, lakin nəticə Əkbərovun söylədiklərini inkar etmədiyindən, ört-basdır olunub…

Ş.Əkbərov deyib ki, vəkilin söylədikləri həqiqəti əks etdirmir. Çünki o, istintaqın sonuna yaxın özünə qarşı təzyiqlərin artdığını gördüyü üçün qətl barədə danışıb, hətta yazılı bildirib, amma istintaqı aparan müstəntiq buna laqeyd yanaşıb, reaksiya verməyib. Məhkəmənin ədalətinə güvənən Əkbərov isə qətl məsələsini yenidən ona görə dilə gətirib ki, heç olmasa məhkəmə araşdırmasında bunun üstü açılsın və məhz cinayəti bildiyi üçün AzTV sədrinin onu həbs etdirdiyi ortaya çıxsın.

A.Alışanov məhkəmə prosesi və bu ittihamlar barədə danışmır. Onun vəkili Zaur Abbasov isə, yuxarıda da qeyd etdiyimiz kimi, təqsirləndirilən şəxsin qətl ittihamlarını rədd edib.

Sabiq deputat nazir və icra başçısını xəyanətdə ittiham etdi: “100 orduxandan, məhəmməddən təhlükəli…”

Tanınmış jurnalist, sabiq millət vəkili Etibar Hüseynov növbəti dəfə Xırdalan şəhərində yaşıllıqların məhv edilməsi və Heydər Əliyevə edilmiş hörmətsizliklə bağlı status paylaşıb.

Miq.Az xəbər verir ki, Etibar Hüseynov Abşeron rayonun rəhbərliyini Avropadakı adına "tualet müxalifəti” deyilənlərlə müqayisə edib.

Həminstatusuolduğukimitəqdimedirik: "İstərBakıdakı Milli Şuraolsun, istərsə də Avropadakı adına "tualetmüxalifətideyilənlər 100 ildə gecə – gündüz çığır-bağırsalsalarda, xeyiriyoxdubuiqtidarınnüfuzunaxələlgətirə bilməzlərki, bunuhakimiyyətdə təmsilolunanbirsıranazirvə çinovniklərqat-qatartıqlamasıylaedir. Ona görə də bu gün şəhərdəki zibil qutularına Orduxanla, Məhəmməd Mirzəlinin fotolarını vurunca, onların əvəzinə bir sıra rüşvətxor, qudurğan çinovniklərin şəkillərini yapışdırmaq daha doğru olardı. İnanın ki, onlar 100 orduxandan, məhəmməddən təhlükəli adamlardır. Bir ildən artıqdır ki, mən və onlarla sayt Xırdalanda Heydər Əliyev parkının, prospektinin, hətta posterinin də dağıdılmasıyla bağlı məqalələr yazırıq. Amma nə İcra hakimiyyəti, nə də Ekologiya Nazirliyi məsələyə bircə dəfə də olsun reaksiya verməyib.

Amma Xırdalanda deyil, Abşeronun künc-bucağında bir kasıb daş üstə daş qoyan kimi başçının xüsusi bandası peyda olub o tikilini darmadağın edir. Hüseynqulu Bağırovun şaykası da onun kimi. İndi hansısa "Birlik – 7″ MTK şirkəti Xırdalanın göbəyində Ulu Öndərin adını daşıyan prospektdə (bir-neçə yerində) yaşıllığın altını üstünə çevirib tikinti aparır, və mətbuat da bunu dəfələrlə işıqlandırır – amma heç kəsin vecinə də deyil. İndi nə etməli? Gərəkdir ki, bunların da fotoların orduxanla, məhəmmədin şəkilinin yanına vurulsun kı, bəlkə onda tərpənələr? Elə isə darıxmayın – onsuz da yerli sakinlər gec-tez bunu edəcək. Hələliksə bu günlərdə Heydər Əliyevin dağıdılmış posterinin yerində taxta lövhə düzəldib İradə Gülməmmədova ilə Hüseynqulu Bağırovun şəkillərin yapışdırtdıracam. Sonrasına isə baxarıq”.

Jurnalistlər Xədicə İsmayıl və Aynur Qəmbərova (Elgünəş) Vəkillər Kollegiyasını məhkəməyə verirlər. Buna səbəb Vəkillər Kollegiyasının vəkil Yalçın İmanovun səlahiyyətlərinin dayandırılması barədə qərarıdır.

“Yalçın İmanovla müqaviləm var. Baş Prokurorluğun Ağır Cinayətlərə Dair İstintaq İdarəsində bir neçə dəfə dindirməyə çağırılmışam. Sonuncu dindirmə vəkil Yalçın İmanovun iştirakı ilə keçirilib. İndi onun fəaliyyəti dayandırılıb”, – A. Elgünəş bildirib.

Yeni vəkillə müqavilə bağlamaq əlavə xərcdir, ən əsası isə bu, vəkilə inam məsələsidir.

“Vəkillər Kollegiyasının 800-dən artıq üzvü olsa da onların arasında gerçəkdən vəkilliklə məşğul olan, tənqidçi jurnalistləri müdafiə etməyə cəsarəti çatan, beynəlxalq hüququ, Avropa İnsan Hüquqları Məhkəməsi təcrübəsini bilən vəkillərin sayı çox azdır”, – A.Elgünəş qeyd edib.

İddia ərizəsi yaxın günlərdə 1 saylı Bakı İnzibati-İqtisadi Məhkəməsinə göndəriləcək.

Qeyd edək ki, Y.İmanov X.İsmayılovanın da hüquqlarını müdafiə edir.

Vəkillər Kollegiyası Rəyasət Heyətinin 2017-ci il noyabrın 20-də verdiyi qərarla Y.İmanovun vəkillik fəaliyyəti dayandırılıb. Səbəb kimi Penitensiar Xidmətin ondan şikayəti göstərilib.

Avropa Şurasının insan hüquqları üzrə komissarı və Beynəlxalq Hüquqşünaslar Assosiasiyası Y.İmanovun səlahiyyətlərinə xitam verilməsi barədə qərarı pisləyiblər. (Turan.az)

CIF bazisi üzrə İtaliyanın Augusta limanı şərtləri ilə Azərbaycanın yüngül neftinin qiyməti martın 12-də 66,05 dollar/barel təşkil edib ki, bu da ötən həftənin cümə gününə olan göstəricidən 0,56 dollar/barel azdır. Bu barədə Trend-ə ölkənin neft-qaz bazarındakı mənbə bildirib.

FOB bazisi üzrə Türkiyənin Ceyhan limanında Azərbaycanın yüngül neftinin qiyməti martın 12-də 65,04 dollar/barel təşkil edib ki, bu da əvvəlki qiymətdən 0,57 dollar/barel azdır.

Novorossiysk limanından yüklənən URALS neftinin qiyməti martın 12-də 60,82 dollar/barel təşkil edib ki, bu da Trend-ə görə, əvvəlki qiymətdən 0,65 dollar/barel azdır.

Şimal dənizindən hasil edilən "Brent Dated" etalon növlü neftin qiyməti isə martın 12-də 64,43 dollar/barel təşkil edib. Bu, əvvəlki qiymətdən 0,89 dollar/barel azdır.

Çərşənbə, 14 Mart 2018 00:00

Zahid Oruc bu dəfə rolunu çox pis oynayır

Yazan

Növbədənkənar prezident seçkilərinə saylı günlər qalıb. Amma cəmiyyətdə heç bir aktivlik müşahidə olunmur. Məncə bunun bir tutarlı səbəbi var – bütün halda İlham Əliyevin növbəti 7 il üçün prezident elan olunması. Heç kim bunun əksini düşünmək belə istəmir. Ona görə də cəmiyyətdə seçkiylə bağlı hər hansı aktivlik müşahidə olunmur. Hətta namizədlər İlahm Əliyevin qalib gələcəyini deyir və seçiciləri ona səs verməyə çağırır.

Bugünlərdə namizədlik vəsiqəsini alan Zahid Oruc həm Seçki Məcəlləsinə, həm də seçicilərə qarşı hörmətsizlik edib;

1. Zahid bəy Oruc videomüsahibəsində deyir ki, bu seçkilərdə Zahid Oruc deyil, minlərlə namizəd olsa da, İlham Əliyev qalib gələcək.

2. Bütün seçiciləri İlham Əliyevə səs verməyə çağırıb.

Bu sıralamanı davam etmək olar, lakin kiayətdir...

Zahid Oruc dörd dəfə Milli Məclisə deputat təyin olunub. 2013-cü ildə ilə prezidentliyə namizəd olub və Mərkəzi Seçki Komissiyası onun adının qabağında 1.46 faiz səs qazandığını yazıb.

Neçə dəfə namizəd olur, nə qədər səs qazanır, ya bağışlayırlar öz işidi, Zahid müəllimin əsas qüsuru seçiciləri və Məcəlləni heçə saymasıdır. Dünyanın heç bir yerində, heç bir seçki marafonunda görünməyib ki, bir namizəd digər namizədin təbliğatını aparsın. Bu təbliğat namizədliyi geri çəkmədən aparılır. Problem, qanunpozuntusu burdadır. İndi durub desəm, bu cür köləlik də heç yerdə görünməyib, deyəcəklər ki, adam siyasi mübarizəsində manevr edir və sair.

O zaman mən də məcburam belə cavab verim;

Birincisi, seçkidə təbliğat və təşviqat mərhələsi başlamadan hər hansı bir namizəd haqqında çağırış etmək Seçki Məcəlləsini pozur. Məcəllənin 75.2-ci maddəsində yazılır ki, Seçkiqabağı təşviqat səsvermə gününə 23 gün qalmış başlayır və səsvermənin başlanmasına 24 saat qalmış dayandırılır. Daha biabırçı hal odur ki, təbliğ edən və təbliğ olunan ikisi də namizəddir.

İkincisi, özünə və Seçki Məcəlləsinə hörmət etmirsən, etmə. Heç olamsa namizəd olmaq üçün sənə imza verən (əgər həqiqətən imza toplamısansa) vətəndaşlara hörmət elə. Zahid bəy, siz hansı adla namizəd olursuz və hansı adla hamını digər namizədə - İlham Əliyevə səs verməyə çağırırsınız?

Tamam, hər şey aydındı, hətta seçki şousunun necə bitəcəyini hamı bilir. Heç olmasa sizə verilən rolu düzgün oynayın. Ölkəni şouxanaya çevirdiniz, barı şounu gözdən salmayın!

Haşiə: Azərbaycan hakimiyyəti hətta seçkidə namizədlərin sayında da Rusiyanı təqlid edir. Rusiyada keçirilən seçkilərə 7 namizəd qatılıb. Bu rəqəm bizdədə eynidir. Yəni artıq 7 namizəd qeydiyyatdan keçib. Hesab edirəm ki, digər 3 nəfərin namizədliyi qeydə alınmayacaq. Yaxud qeydə alınan namizədlərin bəziləri geri çəkiləcəklər ki, say 7-ni aşmasın.

cavid cabbarli

 

 

 

 

 

Cavid Cabbarlı

Bu gün Almaniyanın paytaxtı Berlində siyasi mühacirlər mitinq keçiriblər. Mitinqdə siyasi məhbuslara azadlıq tələb olunub və 11 aprel növbədənkənar prezident seçkiləri tənqid edilib.

Xeber.İnfo həmin mitinqdən bəzi görüntüləri təqdim edir:

Çərşənbə axşamı, 13 Mart 2018 00:00

Jurnalistin məhkəməsi təxirə salındı

Yazan

Bu gün Gəncə Apellyasiya Məhkəməsində həbsdə olan jurnalist, 7gun.az saytının baş redaktoru Cavid Şirəliyevin apellyasiya şikayətinə baxılmalı idi. Lakin işi üzrə şahid kimi dindirilməli olan Sevinc adlı qadınla C.Şirəliyevin telefon danışığının olub-olmaması ilə bağlı mobil operatora göndərilən sorğuya cavab verilmədiyindən proses qeyri-müəyyən vaxta qədər təxirə salınıb.

7gun.az-ın redaktoru Cavid Şirəliyev 2016-cı il mayın 22-də 5 il müddətinə azadlıqdan məhrum edilib. Gəncə Şəhər Ağır Cinayətlər Məhkəməsi jurnalisti hədələmək yolu ilə rüşvət tələb etmə ittihamı ilə (Cinayət Məcəlləsinin 182.2.1 və 182.2.4-cü maddələri) təqsirli bilib.
Juranlist ittihamları qəbul etmir və həbsini sifariş hesab edir.

Çərşənbə axşamı, 13 Mart 2018 00:00

Keçmiş deputat Mirşahinə meymun dedi

Yazan

Keçmiş deputat Mirşahinə meymun dedi: “...meymunun əlinə avtomat vermək kimi bir şeydir”

Dünən Mirşahinin mətbuatda səs-küyə səbəb olan məlum statusu cavabsız qalmayıb. Tanınmış jurnalistə ən ağır söyüşlərlə cavab verən isə onun həmkarı, keçmiş deputat Etibar Hüseynov olub. O, Mirşahinə televiziya etibar edilməsinin də səhv addım olduğunu bildirib: "Zaman göstərdi ki, ötən iki il ərzində Mirşahin qətiyyən ağıllanmayıb. Və bu ağılın sahibinə də TV etibar eləmək, meymunun əlinə avtomat vermək kimi bir şeydir”.

Məlumata görə, M. Ağayev keçmiş deputatın bu söyüşlərinə cavabını onun inboksuna yazıb və onu blok edib. 

Qeyd edək ki, tanınmış teleparıcının dünən öz feysbuk hesabında yazdığı aşağıdakı status qalmaqala səbəb olub: "Bəli, Mirşahin qayıdır, hazırlaşın. Narahat olmayın, təhqir edilməyəcəksiz. Ona görə ki, bu, mənim xarakterimcə deyil. Amma layiq olduğunuz cavabı mütləq alacaqsınız. Sosial şəbəkələrdə paylaşımlara şərh, daha doğrusu, şər yazanlar, nə xoşunuza gəlmir? Mənim düşərgəmi tanımırdınız ki? Əlbəttə, mən dövlətin yanındayam və sizinlə savaşanların önündə olacağam. Başqa cür olsaydı, təəccüblü olardı. Siz məni kiminsə söyüş dolu çıxışına istinadla təhqir edirsiniz. Amma sizi açıb ortaya qoyacam ki, xalq əsl içinizi görsün. Tezliklə sırada olacam və 1 il 8 ay ərzində ünvanıma ulaşılanların əvəzi çıxılacaq! Mən sizin ana və bacınızı söyməyəcəm, sadəcə…sevəcəm!” 

19 -dən səhifə 187