ABŞ Prezidenti Donald Tramp Rusiya ilə İran məsələsinin müzakirəsinə “Qara su” (Black water) özəl təhlükəsizlik şirkətinin qurucusu Erik Prinsi göndərib.

Axar.az “Vaşinqton Post”a istinadən xəbər verir ki, Prins Putinə yaxın bir şəxslə İranla bağlı razılaşma üçün gizli şəkildə görüşüb. Yanvarın 11-də Seyşel adalarında baş tutan görüşdə İranla yaxın əlaqələrindən imtinanın qarşılığında Rusiya ABŞ sanksiyalarının ləğv edilməsini tələb edib.

Maraqlı məqam odur ki, tərəflər arasında bağlantını Birləşmiş Ərəb Əmirliklərinin şahzadəsi Şeyx Məhəmməd bin Zaid əl-Nahyan qurub. Üstəlik, Putinə yaxınlığı ilə seçilən şəxsin kim olduğunu hələ də müəyyən etmək mümkün olmayıb.

Qeyd edək ki, “Qara su” 1997-ci ildə qurulub. Şirkət ABŞ-ın İraq və Əfqanıstandakı müharibələrində iştirak edib. Belə ki, şirkət buradakı ABŞ obyektlərinin qorunmasını təşkil edib. 2007-ci ildə Bağdadda 17 nəfərin öldürülməsindən sonra şirkət bölgəni tərk edərək adını dəyişdirmişdi. 2011-ci idl yenidən Yaxın Şərqə qayıdan kompaniya BƏƏ üçün özəl ordunun hazırlanmasına başlamışdı.

Çərşənbə axşamı, 04 Aprel 2017 00:00

Deputatdan mərhum Heydər Əliyevə qarşı ağır ittiham

Yazan

Fazil Qəzənfəroğlu: “Bir zaman Müaviyyə də Həzrət Əliyə qarşı çıxarkən əsgərlərinə mizraqların ucuna Quran ayələri yazılmış vərəqələri keçirməyi əmr etmişdi.

"Dözənlər və səbr edənlər

Millətin səsini hayqıracaq insanlar hər zaman tapılacaq. Vacib deyil ki, millət qulaq assın və dərhal hərəkətə keçsin. Taleyin bəxş etdiyi qəhrəmanlıq anından imtina etmək olmazdı. Vicdanlı vətəndaş Əşrəf Mehdiyev də bu yolu izlədi. Bu metodun nə Qandiyə, nə də başqa birisinə dəxli vardı. Sadəcə normal bir vətəndaş hərəkəti idi. Əvvəlcə kəfən geydi, yalın əliylə zülmün qalasına yumruğunu silkələdi. Dalınca da hamımızın indiyə qədər xısın-xısın öz aramızda danışdığımız bir həqiqəti üzümüzə söylədi. Yəni qaçacaq yer qoymadı. İndi acı həqiqətlə üz-üzə qalan bir millət var. Artıq “o zaman bilmirdik bizi kimlər idarə edir” bəraətinin işə yarayacağını da düşünməyə dəyməz. Əşrəf Mehdiyev dedi ki, qos-qoca Azərbaycan türklərini öz məmləkətində millətini gizlədən bir qrup idarə edir. Küçədə görən tanışlar “gördünmü Əşrəf Mehdiyev hakimiyyəti necə ifşa elədi?” deyib, qisas dolu təbəssümlərilə adamın içini yoluxdurmağa çalışırlar. Ancaq əslində ifşa olunan biz idik. Yəni idarə olunan, dözümlü Azərbaycan türklərinin hamısı. Beş il öncəni yadınıza salın, hər kəsin Elçibəyə birinci ittihamı bu idi ki, “niyə çıxıb televiziyadan xalqa müraciət etmədi?” Gözlə gördüyünüzə, qulaqla eşitdiyinizə inanmadığınız bir yerdə müraciətlə, hayqırtıyla nəyinsə düzələcəyinə inanacaq qədər sadəlöhv deyildi Elçibəy. Bağırdı ki, öz içinizdən, sizdən olanın dəyərini bilin, dinlədinizmi? Üstündən beş il keçəndən sonra dinlədinizmi sizə edilən başqa bir müraciəti? Heysiyyətinizə, milli mənliyinizə toxunan bir şeylər oldumu? Oldusa, o zaman yaxın günlərin dirənişi hər şeyi göstərəcək. Ancaq başqa-başqa işlərə şahid olduq.  Dilindən böhtandan başqa  bir şey eşitmədiyimiz Nizami Süleymanov oktyabrın 10-da Quranla çıxdı televiziyaya. Qurana and verdi ki, qalxın ayağa. Çoxlarınız da yəqin ki, qalxdınız. Düşünmədiniz ki, Həzrət Məhəmmədin çatdırdığı Quranın hallalıqdan danışa-danışa H.Əliyevi öz “atası” adlandıran Nizami Süleymanova nə dəxli var? Ondan bir qədər əvvəl Allahşükür Paşazadə əlinə Quran alaraq aclıq və səfalət içində inləyən müsəlmanlara, həm də cəmi Qafqaz müsəlmanlarına Heydər müəllimə səs verməyin şəriətcə caiz olduğunu bəyan etdi. İmkanı olsaydı, bəlkə də XX əsrdə Heydər Əliyev adında birisinin doğulacağını övliyaların xəbər verdiyinə dair bir əhbar da qoşardı. Sonra da gəlib çıxdıq andiçmə mərasiminə. Orda da H.Əliyev əlini Qurana basaraq bu xalq üçün “canını fəda etdiyini” və daha beş də eyni cür bu “canı fəda etmək” missiyasını davam etdirəcəyinə and içdi. Və andiçmə mərasimində çıxış edərkən xoşuna gələn bir cüməni də təkrar etməyi unutmadı: Çadırda yaşayan insanlarımız çox dözümlüdürlər”.

Beləliklə, hər kəs öz anladığı Quranı məmləkətimizin insanına təqdim etdi. Bir zaman Müaviyyə də Həzrət Əliyə qarşı çıxarkən əsgərlərinə mizraqların ucuna Quran ayələri yazılmış vərəqələri keçirməyi əmr etmişdi. Və Həzrət Əlinin adamları Quran ayələriylə gələn qoşunla döyüşmək istəməmişdilər. O halda Məhəmmədin Quranından başqa bir qüdrət tanımayan Həzrət Əli bu müqəddəs kitabın yazıldığı vərəqlərə onun ruhundan daha çox üstünlük verən tərəfdarlarının hesabına sonralar məğlubiyyətinə səbəb olacaq danışıqlara getməli olmuşdu.

İndi hamı əlini Qurana basaraq üstümüzə gəlir. Böhtançılar, saxtakarlar, satqınlar, el malını yeyənlər və daha kimlər. Dözümlü xalq epitetini qulağımıza çırpırlar. Bir şeyi də deyək ki, bu dözümlü xalq təkcə çadırlarda yaşayanlardan ibarət deyil. Bu dözümlü deyilən kütlə hamımızıq, zülmə dirəniş göstərməyən bədənlərin hamısı.

Əşrəf Mehdiyevin göz yaşardan çağırışından söz açdıq. Dözməyə aludə olmuş insanlarımızın hisslərini tərpədəcək səmimi bir monoloq söylədi. Bu monoloqa içi titrəməyənlər heç olmasa müqəddəs Quranı dinləsinlər. orada insanlar üçün dözməyə çağırış yoxdur. Ali-İmran surəsində (200) “Ey iman edənlər! səbr edin” deyiləndə , Allah iman sahiblərinə , yəni Allahın qullarına səbr etməyi gərəkli sayır. Dözüm isə kölələr üçün düşünülüb. Səbr hərəkətdir, dirənişə hazırlıqdır. Dözüm isə çöküşdür, çürüməkdir. Bu gün əllərində öz anladıqları Quran üstümüzə gələnlərin hamısı bizi dözümə çağırır. Əşrəf Mehdiyev isə Qurana əl basaraq müraciət etmədi. Ancaq içində Məhəmmədin təbliğ etdiyi Quranı gətirdi. Bütün iman sahiblərinə müraciət elədi. Həm də kimliyi şübhəli olanların idarə etdiyi bu məmləkətin sahiblərinə.

Axşamtərəfi aclıqla azadlığımızın meydanında işəng qəlpələri doldurulurdu.

“Azadlıq” qəzeti, 21 oktyabr 1998"

Azərbaycan prezidenti İlham Əliyev şəkər çuğunduru istehsalının stimullaşdırılması haqqında fərman imzalayıb.
APA-nın məlumatına görə, şəkər çuğundurunun emalı ilə məşğul olan hüquqi şəxslərə və hüquqi şəxs yaratmadan sahibkarlıq fəaliyyəti həyata keçirən fiziki şəxslərə təhvil verilmiş şəkər çuğundurunun hər tonuna görə onun istehsalçılarına 4 manat məbləğində subsidiya ödəniləcək.
Kənd təsərrüfatı məhsulları istehsalçılarına əkin sahəsinin becərilməsində istifadə etdikləri yanacaq və motor yağlarına görə dövlət büdcəsinin vəsaiti hesabına verilən yardım 2017-ci ildən şəkər çuğunduru əkinlərinə şamil edilməyəcək.
Nazirlər Kabinetinə şəkər çuğundurunun emalı ilə məşğul olan hüquqi şəxslərə və hüquqi şəxs yaratmadan sahibkarlıq fəaliyyəti həyata keçirən fiziki şəxslərə təhvil verilmiş şəkər çuğundurunun hər tonuna görə onun istehsalçılarına subsidiya verilməsi qaydasını Azərbaycan prezidenti ilə razılaşdırmaqla iki ay müddətində müəyyən etmək tapşırılıb. 
Sosial səhifələrdə paylaş

Azərbaycan Dövlət Neft və Sənaye Universitetinin rektoru Mustafa Babanlı ona məxsus qarajın sökülməsinə görə kompensasiyanın ödənilməməsi ilə bağlı məhkəməyə müraciət edib.
 
"Qafqazinfo”nun verdiyi xəbərə görə, Nail Bayramov adlı şəxslə birgə Binəqədi rayon İcra Hakimiyyətinə qarşı iddia qaldıran rektor Maliyyə Nazirliyini də prosesə üçüncü şəxs qismində cəlb edib.
 
İddiaçılar icra hakimiyyətindən sökdükləri qarajın pulunu tələb ediblər. Bu il fevralın 3-də 1 saylı Bakı İnzibati İqtisad Məhkəməsində iş üzrə qərar çıxarılıb və M.Babanlının iddiası rədd edilib.
 
Maliyyə Nazirliyi və Binəqədi Rayon İcra Hakimiyyəti qərardan apellyasiya şikayəti veriblər. İş icraata götürülüb və proses Bakı Apellyasiya Məhkəməsinin hakimi Elmira Nağıyevanın sədrliyi ilə bu gün (4 aprel 2017) davam etdiriləcək.

Sankt-Peterburq metrosunun "Sennaya ploşad" stansiyasındakı partlayışda 10 nəfər ölüb,20 nəfərsə xəsarət alıb.

Xəsarət alanlar arasında uşaqlar da var. Sankt-Peterburq vilayəti qubernatorunun sözçüsü Andrei Kibitovsa partlayışda 50 nəfərin xəsarət aldığını deyir.

İnterfaksın məlumatına görə vaqonlardan birinə 200-300 qram trotil gücündə partlayıcı qurğu qoyulubmuş.

Partlayışdan az sonra çəkilən görüntülər:

Rusiya prezidenti Vladimir Putin xüsusi xidmətin partlayışla bağlı ona hesbat verdiyini deyir. TASS-ın məlumatına görə, Putin Belarus prezidenti Alexandr Lukashenka ilə görüşdə ,xüsisi xidmətin rəhbərləri və Federal Təhlükəsizlik xidmətinin direktoru ilə əlaqə saxladığını deyib.

Feysbuk partlayışdan sonra Sankt-Peterburq sakinləri üçün "mən salamatam" funksiyasını aktivləşdirib. Hər bir Peterburq sakini bununla öz yaxınlarına xəbər verə, həm də dostlarından xəbər tuta bilirlər. Feysbuk bunu ilk dəfə 2015-ci ilin noyabrında Parisdəki terror aktlarından sonra tətbiq edib.

***

Sankt Peterburqun vilayətinin qubernatorluğu partlayış nəticəsində 10 nəfərin ölməsini təsdiqləyib.

Sankt Perterburq metrosu böyüklüyünə görə Avropada 4-cüdür. Ondan qabaqda yalnız Moskva, Paris və London metrolarıdır.

Sankt Peterburq metrosu ilə gündə 2 milyon adam daşınır.

Sankt-Peterbur metrosunda partlayış, 3 Aprel , 2017

Sankt Peterburq metrosundan bütün sərnişinlər təxliyyə olunub. Metronun bütün stnasiyaları bağlanıb.

Rusiya prezidenti Vladimir Putin metrodakı partlayışın 3 səbəbi ola biləcəyini deyib. 

Onun fikrincə, partlayışın terrorizmdən başqa, məişət və ya kriminal səbəbləri də ola bilər.

Nəriman Nərimanov rayonu, Nəcəf Nərimanov küçəsi 909-cu məhəllə sakinlərinin çoxsaylı şikayətlərinə baxmayaraq həmin ərazidə qanunsuz şəkildə çoxmərtəbəli binanın tikintisi davam etdirilməkdədir.

Bu günlərdə həmin binanın bir qrup qadın sakini tərəfindən Azərbaycan Respublikasının Birinci vitse-prezidenti Mehriban xanım Əliyevaya etdiyi müraciətdən sonra sözügedən qanunsuz tikilinin tikintisi bir qədər də sürətlənib. Sakinlər bunun səbəbini Mehriban xanım Əliyevaya etdiyi şikayətlə izah edirlər. Onların sözlərinə görə, ölkənin birinci vitse-prezidentinə etdikləri şikayətdən sonra məhəllələrində qanunsuz şəkildə bina tikən Əvəz Şükürov və oğlu Rəmzi Şükürov binanın söküləcəyindən qorxuya düşdükləri üçün ən qısa müddətdə inşaat işlərinin başa çatmasına çalışır. Az qala gündə bir mərtəbənin tikintisini başa vururlar.

Nəcəf Nərimanov küçəsi 909-cu məhəllənin bir qrup qadın sakininin Mehriban Əliyevaya etdiyi müraciəti qısa olaraq təqdim edirik:

“Çox hörmətli Mehriban xanım! Azərbaycan Respublikasının Prezidenti cənab İlham Əliyev vətəndaşların qanuni hüquqlarının qorunmasına daim böyük diqqət və qayğı göstərir, bu sahədə yol verilən hər bir nöqsana qarşı barışmaz və qətiyyətli mövqe tutur, belə halların dərhal aradan qaldırılmasını dövlət orqanlarından tələb edir. Sizin Azərbaycan Respublikasının Birinci vitse-prezidenti kimi yüksək vəzifəyə təyin olunmağınız barədə dövlətimizin başçısının müdrik qərarı hər bir sadə vətəndaşın, xüsusən, biz qadınların qəlbində dərin məmnunluq doğurub və cəmiyyətimizdə özünü büruzə verən neqativ hallara qarşı mübarizənin daha da güclənəcəyinə böyük inam yaradıb.

Siz Heydər Əliyev Fondunun Prezidenti, Birinci xanım kimi də xalqımızın ümid yeri, biz qadınların isə əsl dayağı, sadiq mənəvi dəstəkçisi olmusunuz, ən kəskin problemlərimizi həllində öz dəyərli yardımınızı heç vaxt əsirgəməməsiniz.

Bu gün biz – eyni binanın sakinləri olan qadınlar qarşılaşdığımız haqsızlıqla əlaqədar Birinci vitse-prezident kimi Sizə müraciət edir, dövlətimizin ali vəzifəli nümayəndəsi kimi Sizdən kömək gözləyirik.

Məsələnin mahiyyəti belədir: sakini olduğumuz 12 mərtəbəli binadan cəmi 6 metrlik bir məsafədə daha bir çoxmərtəbəli yaşayış binasının tikintisinə başlanıb. Tikinti Rəmzi Əvəz oğlu Şükürov və onun atası Əvəz Bayram oğlu Şükürov tərəfindən aparılır. Bu şəxslər şəhərsalma və tikinti qaydalarını kobud şəkildə pozaraq, bizim qanuni tələblərimizə məhəl qoymadan öz bildiklərini edir, əlaqədar dövlət və hökumət orqanları isə yaranmış vəziyyətə göz yumur, heç bir tədbir görmürlər.

Tikinti işləri təkcə bizim binaya deyil, həm də ərazidə yerləşən dövlət təşkilatlarının – Təhsil Nazirliyi Təhsil Sisteminin İnformasiyalaşdırılması İdarəsi Məlumat və Resurs Mərkəzinin, Kənd Təsərrüfatı Nazirliyi Baş Dövlət Texniki Baytarlıq Nəzarəti Müfəttişliyinin, 69 saylı uşaq bağçasının və Azərbaycan Kooperasiya Universitetinin binalarına da, mövcud qaydalara zidd şəkildə, çox yaxın bir məsafədə aparılır.

Bu vaxta qədər Azərbaycan Respublikası Dövlət Şəhərsalma və Arxitektura Komitəsi və Bakı şəhər İcra Hakimiyyəti başda olmaqla müvafiq dövlət və hökumət orqanlarına etdiyimiz çoxsaylı müraciətlər, demək olar ki, heç bir nəticə verməyib”.

Sakinlər ümid edir ki, Mehriban xanım Əliyevaya etdikləri müraciətən qısa zamanda müsbət nəticə verəcək.

Qeyd edək ki, sözügedən qanunsuz tikintini həyata keçirən oğul Rəmzi Şükürov Azərbaycanın qanunverici orqanı olan Milli Məclisdə məsləhətçi vəzifəsində çalışır. Görünür, Milli Məclisdə işləyən Rəmzi Şükürov qanunları necə pozmaq lazım olması ilə bağlı məsləhət verdiyindən yüzlərlə sakinin hüquqlarını apardığı ilə qanunsuz tikinti ilə ayaqlar altına almazdı.

Milli Məclisdə isləyən Rəmzi Şükürovun diqqətinə çatdırmaq istəyirik ki, “Azərbaycan Respublikasının Şəhərsalma və Tikinti Məcəlləsinin təsdiq edilməsi, qüvvəyə minməsi və bununla bağlı hüquqi tənzimləmə haqqında” Azərbaycan Respublikasının 2012-ci il 29 iyun tarixli 392-IVQ nömrəli Qanununun tətbiqi barədə” Azərbaycan Respublikası Prezidentinin 2012-ci il 4 sentyabr tarixli 695 nömrəli Fərmanının 1.6.17-ci yarımbəndinin icrasını təmin etmək məqsədi ilə Azərbaycan Respublikasının Nazirlər Kabinetinin 11 mart 2014-cü il tarixdə təsdiq etdiyi “Ara məsafəsi ilə bağlı müfəssəl Qaydalar”ın 9-cu bəndinə əsasən, ara məsafəsi olaraq divar hündürlüyünün 0,6 hissəsi, kənd ərazilərində və xüsusi yaşayış ərazilərində (hərbi şəhərciklər, tələbə şəhərcikləri, müvəqqəti məskunlaşma əraziləri) divar hündürlüyünün 0,4 hissəsi qəbul olunur. Hazırda atanız Əvəz Şükürov və sizin 909-cu məhəllədə tikdiyiniz binanın hündürlüyü 42 metrdir və sözügedən qərara əsasən, yaşayış binası ilə tikdirməkdə olduğunuz binanın ara məsafəsi ən azı 25 metr olmalıdır. Hazırda isə bu məsafə cəmi 6 metrdir.

Bundan başqa, Azərbaycan Respublikası Nazirlər Kabinetinin “Ərazilərin zonalaşdırılması, tikintinin növü və miqyası ilə bağlı müfəssəl Qaydalar”ın 51 saylı qərarın 4.13-cü bəndində ərazi zonalarında yol verilən tikinti miqyası müəyyən olunan cədvələ əsasən, orta mərtəbəli (6-8 mərtəbəli binalar) çoxmənzilli yaşayış binaları ərazinin tikinti əmsalına uyğun 500 kv.m x 0.4 = 200 kv.m torpaq sahəni əhatə edə bilər. Ərazinin tikinti sıxlığı əmsalına əsasən, 500 kv.m x 0.8 = 400 kv.m ümumi sahədən ibarət bina tikə bilər. Amma 12 mərtəbəli yaşayış binasından cəmi 6 metr məsafədə 500 kv.m torpaq sahəsində 6000 kv.m sahəsi olan bina tikirsiz.

Qeyd edək ki, mediada yayılan xəbərlərə görə, sözügedən qanunsuz tikintini həyata keçirən Əvəz Şükürov və oğlu Rəmzi Şükürov ləğv edilmiş Milli Təhlükəsizlik Nazirliyinin İstintaq İdarəsinin rəisi Mövlan Şıxəliyevlə sıx əlaqələri olub.

Sakinlərin kütləvi müraciətlərini saya salmadan tikinti işlərini intensivləşdirməyin nə ilə nəticələnəcəyini Milli Məclisdə işləyən və qanunlara hörmət qoymayan Rəmzi Şükürov ən azı yaxşı bilməlidir.

Rəmzi Şükrovun diqqətinə bir daha çatdırırıq ki, ayrı-ayrı yüksək vəzifəli şəxslərə güvənib, sakinlərin hüquqlarını pozmağın çox ağır bədəli olur. Dövlət başçısı İlham Əliyev və ölkənin birinci vitse-prezidenti Mehriban xanım Əliyeva həmişə siz kimilərdən sadə vətəndaşlarıı müdafiə edib…(Aztoday.az)

Bazar ertəsi, 03 Aprel 2017 00:00

Daha bir dövlət qurumu ləğv edilir

Yazan

Bu yaxınlarda Səfərbərlik və Hərbi Xidmətə Çağırış üzrə Dövlət Xidməti ləğv ediləcək. Xidmətin funksiyaları Müdafiə Nazirliyinə veriləcək. Bu barədə istiqlal.az-a hakimiyyətdəki mənbələrdən məlumat daxil olub.

Yada salaq ki, Səfərbərlik və Hərbi Xidmətə Çağırış üzrə Dövlət Xidməti 2011-ci ildə yaradılıb. Müdafiə Nazirliyinin tabeliyində olan Azərbaycan Hərbi Komissarlığı, Naxçıvan Muxtar Respublikasının Hərbi Komissarlığı, rayon, şəhər, şəhər rayonu hərbi komissarlıqları ləğv edilmiş və onların  bazası əsasında Azərbaycan Respublikasının Səfərbərlik və Hərbi Xidmətə Çağırış üzrə Dövlət Xidməti formalaşmışdı. 

Görünür, bu xidmətin müstəqil təsisat kimi fəaliyyəti özünü doğrultmayıb və yenidən Müdafiə Nazirliyinin idarəçiliyinə qaytarılması qərara alınıb.

Səfərbərlik və Hərbi Xidmətə Çağırış üzrə Dövlət Xidmətinin rəisi, general-leytenant Arzu Rəhimovdur. Xidmət Müdafiə Nazirliyinin tabeçiliyinə keçdikdən sonra quruma kimin rəhbərlik edəcəyi bəlli deyil.

Mənbənin məlumatına görə, bu məsələ 1 il öncə müzakirəyə çıxarılıb: Ancaq aprel döyüşləri və ondan sonra yaranmış hərbi vəziyyət bu müzakirləri dondurmuşdu: İndi məsələ yenidən aktuallaşıb və güman ki, yaxın vaxtlarda həllini tapacaq.

A.Rəhimov 1964-cü il oktyabrın 1-də Naxçıvan şəhərində anadan olmuşdur. 1986-cı ildə Novosibirsk Ali Hərbi Siyasi Ümumqoşun məktəbini bitirmişdir.

1986-1989-cu illərdə Keçmiş SSRİ Silahlı Qüvvələrində müxtəlif vəzifələrdə xidmət etmişdir.

1992-2004-cü illərdə Azərbaycan Respublikasının Sərhəd Qoşunlarında baş zabit vəzifəsindən hərbi hissə komandiri vəzifəsinədək yüksəlmişdir.

2004-cü ildən 2006-cı ilədək Sərhəd Qoşunları Baş Qərargahı rəisinin 1-ci müavini vəzifəsində çalışmışdır.

2006-cı ildə Dövlət Sərhəd Xidməti rəisinin 1-ci müavini–Sərhəd Qoşunları Baş Qərargahı rəisi vəzifəsinə təyin edilmişdir. 2004-cü ildə «general-mayor» ali hərbi rütbəsinə layiq görülmüşdür.

2007-2012-ci illərdə Azərbaycan Respublikası Dövlət Miqrasiya Xidmətinin rəisi vəzifəsində çalışmışdır.

Azərbaycan prezidentin 13 fevral 2012-ci il tarixli Sərəncamı Səfərbərlik və Hərbi Xidmətə Çağırış üzrə Dövlət Xidmətinin rəisi təyin edilmişdir.

Aprel döyüşlərindən sonra ermənilər Xankəndində açılmış xüsusi  hesaba 11 mln. dollardan çox pul toplayıb...

Ötən ilin aprel döyüşlərindən sonra Xankəndində açılmış xüsusi hesaba  daxildəki və xaricdəki sadə ermənilər, müəssisə rəhbərləri, xeyriyyəçilər, din xadimləri və s. pul toplamağa başlayıb. Martın 28-i üçün verilən məlumata görə,  1 il ərzində fonda 5 mlrd. 537 mln. 648 min 714 dram (11 mln. 1300 dollar)vəsait yığılıb. Moderator.az  yazır ki, bu barədə “Armenpress”ə açıqlamasında  qondarma rejimin “baş naziri”nin “mətbuat xidməti”nin rəhbəri Artak Beqlaryan məlumat verib. Onun sözlərinə görə, aprel savaşında infrastrukturların, iqtisadi əhəmiyyətli obyektlərin,  ev və şəxsi mülklərin dağıdılması nəticəsində separatçı rejimə  20 mln. dram(təxm. 40 min dollar) məbləğində ziyan dəyib. Göründüyü kimi, Dağlıq Qarabağ ordusuna yardım üçün açılmış hesaba yığılmış vəsait vurulmuş ziyanın dəyərindən  yüz dəfələrlə çoxdur. A.Beqlaryan bildirib ki, toplanmış vəsait ordunun ehtiyaclarına xərclənəcək. 

“Mətbuat katibi” xüsusi hesaba 100 min dollardan çox vəsait köçürən müəssisə və sahibkarların da adını çəkərək onlara minnətdarlığını bildirib. Onlar arasında ən çox pul yatıran “Qazprom Armeniya”dır- 555 mln. dram(təxm. 1mln. 100 min dollar). Fonda birbaşa dollarla vəsait köçürənlər arasında isə aşağıdakı adlar çəkilir: Ermənistanın İnkişafı Təşəbbüsü Xeyriyyə Fondu -1 mln. dollar, “Taşir” Xeyriyyə Fondu -500 min dollar, Müqəddəs Eçmiədzin Kilsəsi -500 min dollar,  bütün ermənilərin katolokosu -500 min dollar,  Tehranın erməni icması – 303500 dollar və s.

P.S. Göründüyü kimi, Bütün Qafqazın şeyxi Allahşükür Paşazadə ilə görüşlərində sülhdən dəm vuran bütün ermənilərin katolikosu II Qaregin işğalçı orduya şəxsən yardım etməklə torpaqlarımızın işğalının əsas təşəbbüskarlarından biri olduğunu bir daha təsdiqləyir. Eyni fikri Eçmiədzin kilsəsi  haqqında da demək olar.  Görəsən, Azərbaycanın din xadimləri erməni keşişləri ilə bundan sonrakı görüşlərində hansı məna tapacaqlar?

Bazar, 02 Aprel 2017 00:00

Yeni siyasi məhbuslar elan olunub

Yazan

Dünən Siyasi Məhbusların Müdafiə Mərkəzinin növbəti toplantısı keçirilib. Xeber.İNfo xəbər verir ki, bu barədə Facebook sosial şəbəkəsində məlumat yayılıb. Toplantıda siyasi məhbuslarl bağlı durum müzakirə olunub.

İclasda son zamanlar həbsdə olan bəzi siyasi məhbuslar azadlığa çıxdığına, siyasi motivlərlə yeni həbslər olduğuna görə siyasi məhbus siyahısının yenilənməsi qərara alınıb. Ümumilikdə 9 nəfərin adı siyahıdan çıxarılıb, 6 nəfərin adı siyahıya daxil edilib.

Qərara alınıb ki, azadlığa çıxdığına görə aşağıdakı şəxslərin adları siyasi məhbus siyahısından çıxarılsın;

1. İkram Rafiqoğlu (jurnalist)
2. Asif Lətifov- Prezident qvardiyasının keçmiş əməkdaşı
3. Əbdül Əbilov- blogger
4. Elvin Abdullayev- AXCP üzvü
5. Zahidov Rüfət- Qənimət Zahidin qohumu
6. Zahidov Rövşən- Qənimət Zahidin qohumu
7. Kişiyev Namiq- dini fəal
8. Nicat Əliyev- dini fəal
9. Zeynalabdin Bağırzadə (AXCP üzvü, Naxçıvan)

Eyni zamanda həbsi siyasi motivlərlə müşahidə olunduğundan və AŞPA- nın siyasi məhbuslarla bağlı məlum ktirteriyasının tələblərinə cavab verdiyindən aşağıda adları qeyd olunan şəxslərin siyasi məhbus siyahısına daxil edilməsi qərara alınıb:

1. Elçin İsmayıllı (jurnalist, AXCP üzvü)
2. Mehman Qələndərov- blogger
3. Mehman Hüseynov- jurnalist- blogger
4. Sərdar Babayev (Hacıhəsənli)- dini fəal
5. Elxan İsgəndərov- MBH üzvü
6. Elnur Fərəcəov- AXCP üzvü

Beləliklə, hazırda Siyasi Məhbusların Müdafiə Mərkəzinin tərtib etdiyi siyasi məhbus siyahısında 162 nəfərin adı var.

24 -dən səhifə 152