Sunday, April 22, 2018

Bir müddət öncə Göyçay rayon sakini, YAP üzvü, sahibkar Mayılov Çingiz Sabir oğlu üzləşdiyi problemlərlə bağlı cumhuriyyet.az saytına məlumat dərc olunmuşdu. 

 "YAP-çı sahibkar məmurları sıraya düzdü: Kəmaləddin Heydərov, Qorxmaz Hüseynov, Şirzad Abdullayev…” başlıqlı həmin yazıda sahibkarın videomüraciəti də əksini tapmışdı. 

 Bu gün cumhuriyyət.az yenidən sahibkar Mayılovun müraciətinin bir hissəsini yayıb. 

 Müraciətdə deyilir: "Mən Mayılov Çingiz Sabir oğlu Göyçay rayon sakini, sahibkaram, rayonda çörək zavodu tikmişəm. Bu zavodun tikintisinə 2013-cü ildə başlamışam. Neçə ildir ki, bu tikilini öz şəxsi vəsaitimlə inşa elətdirirəm. Sahibkarlığa kömək milli fondundan heç bir kömək, yardım görməmişəm. Dəfələrlə yardım üçün müraciət etmişəm, müraciətim qəbul olunub, ancaq heç bir maliyyə yardımı olunmayıb. Mən dəfələrlə Şirzad, Mahir müəllimin qəbulunda olmuşam. 

 Mənə deyiblər ki, sənə 1 milyon bir yüz pul yazırıq. Gedib pulu alarsan və zavodu tikib istifadəyə verərsən. Ancaq təəssüf ki, bu işdən bu günə kimi heç bir xəbər yoxdur. Axırıncı dəfə 6-ay bundan öncə yoldaşımın adından müraciət etdim. Yoldaşım qadın sahibkardır. Bizi qəbul edəndə Şirzad müəllim baxdı və məni tanıyaraq dedi. Bu sənsən? Bəsdir də adam nə qədər şikayət edər? Görmürsən ki, büdcədə pul yoxdur? 

 Mən cənab prezidentdən xahiş edirəm ki, mənim bu illər ərzində tikib qurduğum sahibkarlıq obyektlərinin məhv olmasına göz yummasın. Bu obyekt çörək zavodu kimi sənədləşdirilmişdi. Sənədləri də məndə idi. FHN-nin Yevlax-Mingəçevir regional idarələrinin əməkdaşları gəlib bizləri hədələdilər və tikintinin dayandırılmasına qərar verdilər. Məni FHN-nin baş idarəsinə çağırdılar və orada məndən tikintini davam etdirmək üçün 100. 000 min manat rüşvət istədilər. Mən deyilən məbləği vermədim. 

 İki ildir ki, məni get-gələ salıblar, əvvəl 50. 000 min, sonra 30. 000 min manatda dirəşib dayanıblar. Mən məcbur olub obyektin sənədini ev kimi sənədləşdirdim. Bunu hamı bilir ki, bu boyda ev olmaz. Əgər bu zavod fəaliyyətə başlasa burada 100-150 işçi çalışacaq və 7-8 rayonun çörəyə olan tələbatı ödəniləcək. Cənab prezident:Sizdən artıq dərəcədə xahiş edirəm ki, sahibkarlığa dəstək milli fonduna göstəriş verəsiniz ki, mənə bu zavodu tamamlamaq üçün 300. 000 min manat pul versinlər. Həmin məbləğin içərisindən 50. 000 min manatı FHN-nə veriləcək. FHN-nin nümayəndələri bu gün deyə bilərlər ki, onlar məndən pul istəməyiblər. Ancaq məndə bu haqda sübutlar, çəkilişlər var”.

 Qeyd edək ki, cumhuriyyet.az-a Fövqəlada Hallar Nazirliyinin (FHN) əməkdaşlarının sahibkara qarşı törətdiyi qanunsuzluqlar və tələb olunan rüşvətlə bağlı yeni videomateriallar daxil olub. Onu da bildirək ki, Ç.Mayılovun problemləri aşağıda təqdim etdiyimiz yazılıvideomüsahibədə sadalananlarla bitmir. Bu video-müraciətlərdə bir sıra skandal yaradan məqamlar əksini tapıb. Həmin videogörüntüləri təqdim edirik: 

 

 

 

 

Ötən əsrin ortalarında bəşəriyyətin taleyi ilə bağlı səsləndirdiyi bir çox proqnozları doğru çıxan məşhur görücü Vanqa 2016-cı ildən sonra dünyanın siyasi mənzərəsinin dəyişəcəyini də ehtimal edib. 

Hitlerdən tutmuş bir çox diktatorların da mütəmadi olaraq əlaqə saxladığı kor Vanqa ötən əsrin ortalarında 2016-cı ildən sonrakı mərhələ haqqında da proqnozlar irəli sürüb. O, 2018-ci ildə dünyanın yeni super gücünün nə ABŞ, nə də Rusiya deyil, Çin olacağını bildirib. Onun ehtimalına əsasən bir müddətdən sonra əsas gücə çevriləcək Çin dünyanın yeni siyasi və iqtisadi mənzərəsini müəyyən edəcək. Avropanın nüfuzu isə 2020-ci ildən o tərəfə tamamilə aşağı düşəcək. Vanqanın proqnozuna əsasən Avropanın çöküşü 2023-cü ildə tamamlanacaq.

Gülən təriqətinin "SOCAR-Türkiyə”də vacib adamı: Insan qaynaqları departamentinin rəhbəri...

2-ci yazı

SOCAR Sərmayələr idarəsinin rəis müavini Zaur Qəhrəmanov "SOCAR Turkey Energy” şirkəti İdarə Heyətinin qərarı ilə "SOCAR Turkey Energy”nin baş direktoru təyin edildi.

 Zaur Qəhrəmanov -"SOCAR Turkey Energy”nin baş direktoru

Z.Qəhrəmanov bu vəzifədə tutduğu postdan azad edilən"SOCAR Turkey Energy”nin baş icraçı direktoru(CEO) Kənan Yavuzu əvəz etdi. 8 ildən artıq müddətdə SOCAR-da çox önəmli vəzifələr icra edən Z.Qəhrəmanovun yeni baş direktor vəzifəsinə təyinatı da olan böyük etimadın təzahüri idi. Həm də "SOCAR Turkey Energy” şirkətinin uğurlarına və iki qardaş ölkənin enerji sektorundakı əlavə dəyər qatacağı da yeni direktorun bacarıq və  səviyyəsindən doğan etimad nümunəsi kimi də anlaşıla bilər.

 Hər halda bu Gülənçilərin təməl strategiyaların birinin-enerji sektorunda "Paralel Yapı” hakimiyyətini təsis etmək ideyalarının qarşısının alınmasında da önəmli addımdır. Biz də bəzilərinin, xusüsən də gülənçilərin söylədiyi kimi, bu və ya bu kimi yazılarla dünya miqyasında kifayət qədər məşhur olan SOCAR-imicini aşağılamaq fikrində olmamışıq. Əksinə, daha böyük sərmayələri ilə müstəqil dövlətimizin adını ucaldan bir şirkətin uğurlarına əngəl törətməyə çalışan, dövlət sərmayələrinin gəlir və maddi qazanclarından şəxsi və qərəzli məqsədləri üçün istifadə edən, həttaTürkiyə-Azərbaycan münasibətlərinin təməl prinsiplərini dağıtmağa çalışan İlqar Mehmetoğlu kimilərinin zərərli və neqativ əməllərini ortaya qoymaq arzusundayıq. Bu baxımdan Zaur Qəhrəmanov kimi gənc, amma kifayət qədər təcrübəli və təşəbbüskar bir kadrın təyinatından bəlkə də ən çox sevinənlərdən olduq.

 Layihələrində özlərinə yer edən fətullahçılar

 Amma SOCAR-ın Türkiyədəki törəmə şirkətində və layihələrində özlərinə yer edən fətullahçılar arasında "SOCAR Power”in ortağı Enver Taner Baltacı,"Petkim”in baş direktoru Sadettin Korkut, "SOCAR Gaz”ın baş direktoru Abdullah Nezihi Erdem, SOCAR İT direktoru Fuad Uludağ , Satınalmalar üzrə direktor Çetin Korkutun, ən əsası da şirkətin İnsan qaynaqları departamentinin rəhbəri İlqar Mehmetoğlunun fəaliyyətini davam etdirməsi yeni direktorun fəaliyyətində ciddi çətinliklər olacağını da ortaya qoyur. Kim qarant verə bilər ki, İlqar Mehmetoğlu şirkətdə AKP tərəfdarlarını müəyyənləşdirilməsi və onların işdən uzaqlaşdırılması işlərinə son qoyacaq? Nurçu olmayan gənclər də bu sıraya qatılmayacaqmı? Gülənçi olmayanların paralel yapının layihələrinə dəstək verməyənlərin təqib və qaralamaları dayandırılacaqmı? İşçilər iş əmsalına və təşəbbüskarlarına görə "təriqətin üzvüdür, ya yox” kimi suallara uyğunluqlarına görə dəyərləndirilməsinə son qoyulacaqmı? Şubhəsiz ki, daha ciddi taktiki gedişlərlə bu kimi əməllərin həyata keçirilməsi gündəmdən hələlik silinməyib, daha doğrusu İlqar Mehmetoğlunun gündəmindən silinməyib... 

  İlqar Mehmetoğlu kimə və hansı "kompromat"larına güvənir?

 Miq.az-a daxil olan qeyri-rəsmi informasiyalara görə 1-ci yazıdan sonra İlqar Mehmetoğlu özünü o yerə qoymasa da, xeyli gərginlik yaşayıb. Hətta ətafındakılara söylədiyi məşhur atalar sözü,”... hürər, karvan keçər” misalının da bu gərginlikdən qaynaqlandığına şübhə etmirik. Amma adamın arxayın və güvəncli bir şəkildə dediyi ”onsuz da yuxarılar məni hansı faktlar olur-olsun ata bilməzlər” deyimində hansı hədənin dayandığını isə anlamaq çətin olmadığı qədər asan da deyil! Ola bilsin o, hansısa sirləri, daha doğrusu, hansısa qlobal "maxinasiyaları” bildiyi üçün belə danışır, hətta yuxarılara ciddi bir ultimatım da mesaj etməkdən cəkinmir. 

 Miq.az-ın bəzi araşdırmalarının hələ yekunlaşmayan nəticələrinə görə, İlqar Mehmetoğlu bir sıra SOCAR yetkililərinin Türkiyənin İstanbul, İzmir, Bodrum və Kuşadası kimi müxtəlif bölgələrində villa, əmlak sahibi edilməsində geniş xidmətləri olub. Bu işlərin kimin tapşırığı və şirkətin hansı maliyyə dəstəkləri ilə həyata keçirildiyi nə bu gün, nə də ən yaxın gələcəkdə əhəmiyyətini itirməyən dosyelərdir. Ola bilsin İlqar abini danışdıran da mükəmməl bildiyi və icraçısı olduğu bu faktlardır.Əgər belə düşünürsə, səhv edir, ”ağaları” onun bu hədəsindən qorxa bilərmi?!

 Bizdən deyilsənsə, demək bizə düşmənsən! 

 Bu gün isə İlqar Mehmetoğlu üçün ən yaxın proqramı yeni baş direktorun  etimadını qazanmaqdadır. Bunun üçün də ən yaxın və uzaq ətrafdakıların imkanlarından, eləcə də müxtəlif vasitələrdən maksimum istifadəyə çalışılır. Ən önəmlisi də vaxtı ilə həyata keçirə bilmədiyi bəzi dırnaqarası layihələri bir az da zənginləşdirilmiş bir şəkildə yeni rəhbərliyə təqdim etməkdir. Bu sırada "Petkim”in baş direktor müavini Natiq Dəmirov haqqında olan donoslar ilkin yerdədir. Məlumatlara görə Natiq Dəmirov "Petkim”də çalışan gülənçilərə lazım dəstəyin verilməməsində, onların işlərinin kordinasiyasında, tədbirlərin təşkilində lazımı fəallıq göstərməməsi Gülənçilərin etimadını doğrultmamaq kimi dəyərləndirilməkdədir, yəni bizdən deyilsənsə, demək bizə düşmənsən!

 Samir Kərimli – "SOCAR Turkey Energy”nin icraçı direktorunun birinci müavini...    

 Məlumatlara görə Natiq Dəmirov haqqında belə motivli bir təqdimat vaxtı ilə icraçı direktor olan Kənan Yavuza, bir qədər sonra da onun birinci müavini Samir Kərimliyə təqdim olunub, amma hər iki vəzifəli şəxsi Natiq Dəmirovu kifayət qədər işgüzar, prinsipial, adamlarla münasibətində demokratik bir gənc rəhbər olduğunu bildiklərindən və yaxından tanıdıqlarından bu barədə heç bir müzakirə aparılmadan qapadılmışdır.Yeni baş direktor Zaur Qəhrəmanovun təyinatı isə bu məsələni də yenidən gündəmə gətirmiş, hətta "Petkim”in kadrlar idarəsinə, şəxsən Rakif Fəracova bu dosyeni zənginləşdirilməsində qeyri-fəallığına görə ciddi iradlar edilmişdir. Dosyeni yeni faktlarla doldurulması üçün İlqar abi şirkətə işçidən çox tərəfdaş-"kəşfiyyatçı” kimi yerləşdirdiyi kadrların potensialından istifadəni hədəfləmək niyyətindədir. Amma bəzi məlumatlara görə yeni rəhbərlik də Natiq Dəmirov haqqında kifayət qədər müsbət xarakterli bilgilərə malilkdir və İlqar Mehmetoğlunun növbəti çabalarının da tənəzzülə uğrayacağı indidən bəllidir. Hətta ola bilsin İlqar Mehmetoğlu bu yazını oxuyandan sonra fikrindən bir qədər daşınsın da... 

 "Camaatdan” olmayanların işə qəbulunun əngəllənməsi

  Bundan əvvəlki yazımızda da qeyd etmişdik ki, şirkətdə qabiliyyət və bacarığından asılı olmayaraq "camaatdan” olmayanların işə qəbulunun əngəllənməsibu gün də heç bir qanuna və tələblərə uyğun olmayaraq qalmaqda və uğurla genişlənməkdədir.Son bir ildə bir nəfər belə nurçu olmayan işə qəbul edilməyib, varsa, bizə də göstərsinlər, o adamın kimliyi haqqında məlumatları və araşdırmalarımızı vicdanla oxucularımıza çatdırmağa and içirik. 

 İlqar Mehmetoğlu Türkiyə hakimiyyətinə də meydan oxuyur... 

 İlqar Mehmetoğlu bu məsələ ilə bağlı elə bir şərait yaradıb ki, zahirən görünən şəffaflıq pərdəsi altında paralel yapının fəaliyyəti çox ustalıqla gizlədilməkdədir. Hətta bəzi etirazçılara da verilən cavablar da olduqca təəccüblüdür: ARDNŞ-nin xüsusi bir firmasıdır, hətta "Türkiyə Respublikasının Dövləti də buraya qarışa bilməz”, - Mehmetoğlu belə deyir. Vaxtı ilə iqtidara yaxınlığı ilə seçilən "Sabah” qəzetində də eyni ilə belə yazılmışdı.            

 İlqar Mehmetoğlunun qara siyahısında olanlar

 AKP tərəfdarlarının müəyyənləşdirilməsi və onların işdən uzaqlaşdırılması İlqar Mehmetoğlunun bu günkü fəaliyyətinin əsasını və tərkib hissəsini tərkib etməkdədir. Əməli fəaliyyəti və işgüzarlığı ilə seçilən, şirkətin işinə töhfələr verməyə çalışan onlarla türk və azərbaycanlı kadr müəyyən bəhanə və hədə qorxularla, bəziləri isə qeyri-müəyyən vədlərlə halal işlərindən uzaqlaşdırılması planları indi də gündəmdədir. Kənan Nəsirovun, İlkin Süleymanovun,  Məcid Sadıqovun, İbrahim Əhmədovun, Nicat Novruzovun, Şövqü Həsənovun adları İlqar Mehmetoğlunun qara siyahısında qalmaqdadır. Məlumatımıza görə Nicat Novruzovun Naxçıvana və daha yüksək dairələrlə bağlılığı onun adının arxa plana keçməsini şərtləndirsə də gündəmdə durur və məqamı yetişən kimi həyata keçirilməsi aktualdır. Səbəblər yenə də paralel yapını fəaliyyətinə dəstək olmamaq, gülənçilərin tədbir və aksiyalarındakı passivlik!   

Gülənçilərin ianə aksiyalarında iştirakdan etiraz bir yana dursun, bu adamlar heç "Zaman” qəzetinə 10-15 nüsxə abunə kompaniyasında belə iştirak etməyiblər. Burada istər-istəməz bir milyon tirajla çap edilən "Zaman”ın hansı yollarla belə bir traja sahib olduğu da diqqətəti cəlb edir.Türkiyədə qəzet-kitab köşklərində ən aşağı qiymətlərlə satışa verilən, hətta okullarda, ”Şok” marketlərində, boyük şəhərlərin sokaklarında belə pulsuz-parasız paylanan ”Zaman”ın möhtəşəm tirajının”uğurları” üzə çıxır. Baxın, gülənçilərin hər bir böyüklü-kiçikli layihəsində izi olan İlqar Mehmetoğlunun fəaliyyət sferası nə qədər geniş və əsrarəngizdir!     

 Sonda bir daha söyləyirik ki, bu yazılarla biz dünya miqyasında kifayət qədər məşhur olan SOCAR-ın imicini aşağılamaq fikrində olmamışıq, əksinə daha böyük sərmayələri ilə müstəqil dövlətimizin adını ucaldan bir şirkətin uğurlarına əngəl törətməyə çalışanların, Azərbaycan dövlətini qoyduğu sərmayələrin gəlir və qazanclarında şəxsi məqsədləri üçün istifadə edənlərin hətta Türkiyə-Azərbaycan münasibətlərinin eləcə də dövlətçiliyin təməl prinsiplərini dağıtmağa çalışanların əməllərini ortaya qoymaq arzusundayıq.

 Zaur Qəhrəmanov kimi gənc, amma kifayət qədər təcrübəli və təşəbbüskar bir kadrın təyinatından bəlkə də ən çox sevinənlərdən biri kimi ona uğurlar arzulayır, AKP höküməti tərəfindən "terror təşkilatı” kimi tanınan "Paralel dövlət” tərəfdarlarının şirkətdəki fəaliyyətlərinə daha ayıq və diqqətlə yanaşmasını istərdik. Əminik ki, İlqar Mehmetoğlu və onun tərəfdaşları çox məsul vəzifələrində qaldıqca fəalliyyətləri ilə "Paralel yapı”nın - Fətullah Gülən təriqətinin enerji sektorunda söz sahibinə çevrilməsinin daimi təminatçısı olacaqlar. Yenə də podratçı şirkətlərin köməyi ilə tenderlərdən və görülən işlərdən Gülən təriqətinə mənsub iş adamlarına böyük paylar veriləcək, yenə də ”paralel dövlət”ə maddi dəstək təmin ediləcəkdir.(MİQ.AZ)

 Qarşı tərəfin də fikirlərini dinləməyə hazırıq.

2015-ci ildə Mingəçevir şəhər İcra Hakimiyyətinin 3 iri sifarişini eyni şirkət həyata keçirib. Amma bu şirkətin həmin sifarişlərin satınalmasını tender haqqında qanunvericiliyin tələblərinə uyğun əldə edib-etmədiyini dəqiq söyləmək çətindir. Çünki çoxsaylı axtarışlarımıza baxmayaraq, bu istiqamətdə dəqiqi bilgilər əldə etmək mümkün olmadı.

 Mingəçevir şəhər İcra Hakimiyyəti 1 saylı tam orta məktəbin əsaslı təmir işlərinin satın alınmasını (ümumi məbləğ: 999899,19 manat), 7 saylı tam orta məktəbin əsaslı təmir işlərinin satın alınmasını (ümumi məbləğ: 999639,92 manat) və 9 saylı tam orta məktəbin əsaslı təmir işlərinin satın alınmasını (999869,56 manat) “Tam Ortaqlı İnşaatçı” şirkətinə həvalə edib.

 Əldə etdiyimiz məlumatlara görə, bu şirkətin qeydiyyat ünvanı Bakının Yasamal rayonunda yerləşir. Şirkət Əliyev Şamil Əli oğlunun ilə Siraclı Qeys Məmməd oğlunun adınadır.

 Qeyd edək ki, hazırda şəhərə Niyazi Müzəffər oğlu Bayramov rəhbərlik edir. O, 2012-ci ildən bu postu tutur.

Maraqlıdır ki, “Tam Ortaqlı İnşaatçı” şirkəti Mingəçevirdə böyük məbləğlərlə müşaiyət olunan sifarişləri məhz o, icra başçısı təyin edildikdən sonra almağa başlayıb. O da maraqlıdır ki, Mingəçevirdə əksər dövlət qurumlarının, müəssisə və təşkilatlarının bu və ya digər satınalmaları eyni şirkət tərəfindən həyata keçirməsinə bir növ adətkərda olublar ki, belədə həmin tenderlərin obyektivliyi, eyni zamanda sifarişlərin şəffaf və keyfiyyətli icrası şübhə altına düşür.

 Məsələn, Mədəniyyət və Turizm Nazirliyinin Mingəçevirdəki Turizm Kolleci ötən il nə az, nə çox, düz 5 satınalmanı eyni şirkətə - “TA-10” MMC-yə həvalə edib:

 Maşın və avadanlıqların satın alınması - 29.704 manat;

İnventarların satın alınması - 26.700 manat;

Cari təmir işlərinin satın alınması - 16250 manat;

Dəftərxana və təsərrüfat mallarının satın alınması - 6500 manat;

Avadanlıqların satın alınması - 11881 manat.

 Onu da deyək ki, Mingəçevir şəhər İcra Hakimiyyətinin iri məbləğli tenderlərini qazanan “Tam Ortaqlı İnşaatçı” şirkətinin hər hansı internet resursu yoxdur. Bu isə həmin şirkətlə bağlı sualları bir az da artırır. (qaynarinfo.az)

Almaniyanın ən böyük qəzetlərindən olan “Frankfurter Allgemeine Zeitung” qəzetində Ermənistan-Azərbaycan, Dağlıq Qarabağ münaqişəsinə dair “Təhlükəli qara bağ” başlıqlı məqalə dərc edilib.

 Axar.az xəbər verir ki, məqalədə Dağlıq Qarabağ və ətraf rayonlar erməni silahlı qüvvələri tərəfindən işğal edildiyi qeyd olunur.

 Bildirilir ki, Azərbaycanın Ermənistan tərəfindən işğal edilmiş şəhər və rayonlarının adları dəyişdirilib. Rəsmi İrəvan Xankəndində mövcud olan marionet qurumun danışıqlarda tərəf olmasını tələb edir. Mülayim, anti-militarist səslər isə mühüm KİV-lərə çıxa bilmir.

 Məqalədə vurğulanır ki, Ermənistan parlamentində yaxınlarda atom bombası hazırlayaraq Bakıya atmaq təklifi səslənib.

 Məqalədə, həmçinin, Ermənistanın prezident administrasiyasının televiziyaya nəzarət etdiyi, ölkədə korrupsiyanın yüksək səviyyədə olduğu bildirilir. "Sərkisyan ölkənin ən varlı adamlarından biridir. O, 2018-ci ildə prezident müddəti bitdikdən sonra baş nazir kimi hakimiyyətdə qalmağa can atır", - qəzet qeyd edir. 

Türk iş adamlarından İlham Əliyevə sensasion məktub - "Cənab prezident, bu məmur türklərlə düşmənçilik edir" 

“Bizi hərkəsin gözü önündə aşağılayaraq şəxsiyyətimizi alcaldıb, hansısa ağır cinayəti törətmiş qatil kimi kafenin ortasından, hər kəsin gözü önündə sürüyə-sürüyə çölə aparıb, şəxsi maşına basmaq istədilər”

 Avropa.info  xəbər  verir ki, bu sözlər Türkiyə Cumhuriyyətinin vətəndaşları  Omuş  Ersun və Öner Mahmutun  Azərbaycan prezidenti İlham Əliyevə  göndərdikləri  şikayət məktubunda yazılıb.

 Məktubda  Dövlət Miqrasiya Xidmətinin Baş İdarəsinin şöbə müdiri Qüdrət Məmmədovun özbaşınalığı, qanunsuz  fəaliyyətindən yazılıb.Azərbaycanda sahibkarlıq fəaliyyəti ilə məşğul olduqlarını bildirən Türkiyə vətəndaşları  Qüdrət  Məmədovun  şəxsi maşını ilə gecə yarısı evlərinə basqın etdiyini, onları oğurlayaraq, deportasiya etdirdiyini  bildirirlər. Məktubda  Qüdrət Məmmədovun xüsusilə qardaş Türkiyə vətəndaşlarına xüsusi qəddarlıqla davrandığı qeyd olunur.

 Məktubda Firudin Nəbiyevin rəhbərlik etdiyi DMX-nin digər qurumlarından razılıq ifadə olunsa da, Qüdrət Məmmədov və işçilərinin xidməti vəzifə zamanı törətdikləri qanunsuzluqlardan yazılıb. 

 Məktubda qeyd olunur ki, hər iki şikayətçi “Azərbaycan Respublikasında “SAFRAN-AZƏRBAYCAN” Məhdud Məsuliyyətli Cəmiyyətini təsis edərək,vergi orqanlarında qeydiyyatdan keçiriblər. 

 “Eyni zamanda biz ikimiz də ayrı-ayrılıqda fərdi sahibkar kimi 02.04.2015-ci ildə vergi orqanlarında qeydiyyatdan keçmişik. Şəhərimizin mərkəzində yerləşən kafelərdən birindən bizə administrativ-idarəetmə işləri üzrə məsləhətə böyük ehtiyacları olduğunu bildirərək təklif verildi və biz də həm öz biliklərimizi və təcrübəmizi azərbaycanlı qardaşlarımızla bölüşmək, həm də bildiyimiz kimi, apardığınız məqsədyönlü daxili və xarici siyasətin bəhrəsi olan “Bakı-2015 Birinci Avropa Oyunları” ərəfəsində vətənimizdə çoxsaylı xarici turistlərin olacağını düşünərək, ikinci vətənimiz Azərbaycanda qonaq olacaq turistlərə ən yüksək səviyyədə xidmət göstərə bilmək üçün bu təklifi qəbul etdik. 10.04.2015-ci il tarixində fiziki şəxs Əliyev Fəxrəddin Nəsrəddin oğlu ilə podrat müqavilə əsasında ona administrativ işlər üzrə məsləhət xidmətini göstərəcəyimizi öz üzərimizə götürdük. Bizim göstərəcəyimiz xidmət kafenin işçi kollektivi ilə söhbət aparmaq, onlara bu işin sirlərini öyrətmək, qonaqların qarşılanması, süfrəyə xidmətin necə təşkil olunması, müştərilərlə davranış qaydalarının öyrədilməsi və masalara nəzarət işinin təşkili formasını izah etməkdən ibarətdir.

 28.04.2015-ci il tarixində nahar yeməyi zamanı özünü Azərbaycan Respublikasının Dövlət Miqrasiya Xidmətinin əməkdaşları kimi təqdim edən Rəşad Abbasov və Rüfət İbrahimov adlı şəxslər bizə ayrı-ayrılıqda yaxınlaşaraq, kobud və bir dövlət məmuruna yaraşmayacaq şəkildə, “sizi deport edəcəyik” deyərək, bağırıb, hədələdilər.  Biz isə etik normalara uyğun şəkildə fəaliyyətimizlə bağlı müvafiq sənədləri təqdim etdik və qanunsuz fəaliyyətlə məşğul olmadığımızı sənədlərlə göstərdik. Kafenin sahibi olan sahibkarla aramızda olan podrat müqaviləsini, Müvəqqəti Yaşamaq üçün İcazə vəsiqəmizi, eyni zamanda Türkiyə pasportlarımızın surətini və Azərbaycan Respublikasının Vergi Orqanlarında fiziki şəxs olaraq qeydiyyatdan keçdiyimiz barədə Vergi Şəhadətnaməsini DMX-nin əməkdaşlarına təqdim etdik. Lakin onlar, yüzlərlə müştərinin önündə, heç nəyə məhəl qoymadan, qollarımızı arxadan buraraq, bizə qarşı zorakılıq tətbiq etdilər. Bizi hərkəsin gözü önündə aşağılayaraq şəxsiyyətimizi alcaldıb, hansısa ağır cinayəti törətmiş qatil kimi kafenin ortasından, hər kəsin gözü önündə sürüyə-sürüyə çölə apardılar. Bizim qolumuzu arxadan buraxmayaraq, “Dodge” markalı şəxsi avtomobilə ataraq, aparmağa cəhd edərkən, oradakı azərbaycanlı vətəndaşların etirazı ilə üzləşdilər. Onlara vətəndaşlar tərəfindən bildirildi ki, bunların günahı olsa belə, şəxsi avtomobilinizlə aparmaq hüququnuz yoxdur, xidməti avtomobil çağırmalısınız. Bu haqlı etirazdan sonra Rəşad Abbasov DMX-nin Baş İdarəsinin şöbə müdiri Qüdrət Məmmədova zəng vuraraq, xidməti maşın tələb etdi. Qüdrət Məmmədovun telefonda uca səslə bağırdığı və nəinki bizim, oradakı hər kəsin eşitdiyi ifadələrini olduğu kimi təqdim edirik: “Qələt edirlər. Lazımdısa, döyə-döyə mindirin, onları maşına. Kimdilər ki, onlar sizdən nəsə tələb etsinlər. Gətirin o zibilləri idarəyə!” Rəşad Abbasov ona “baş üstə” desə də, biz həmin maşına minməkdən imtina etdik. Oradakı insanların haqlı etirazından sonra DMX əməkdaşları zor tətbiq etməkdən vaz keçdilər və 2 saatdan sonra xidməti maşın gəldi. Biz bu xidməti maşınla Ayna Sultanova heykəlinin yanında olan DMX-nin Baş İdarəsinə gətirildik. Biz ayrı otaqlara salındıqdan sonra 45-50 yaşlarında, arıq ağlı-qaralı  saçları olan, xidməti formalı bir şəxs bizə yaxınlaşaraq üstümüzə qışqırıb, “Belə qudurmusunuz? Xidməti maşın tələb edirsiniz?” deyərək, hər birimizə bir ağ kağız və qələm verib yüksək səslə dedi ki, “İzahatınızı yazın! Yazın ki, biz ofisiant işləyirik”. Biz ofisiant işləmədiyimizi bildirsək də, Qüdrət Məmmədov olduğunu öyrəndiyimiz bu şəxs buna məhəl qoymadan daha uca səslə qışqırdı ki, “Yazmasanız, sizi bu dəqiqə deportasiya edəcəyəm. Haranın zir-zibili var gəlib, məni tapır! Gedin oturun xarabanızda, nə var, nəyə gəlmisiz Azərbaycana?”  Nə qədər təzyiq etsə də, bizim onun diktə etdiklərini yazmadığımızı görüb, bu dəfə bizimlə yumşaq şəkildə danışmağa başladı və dedi ki, “siz izahatı yazın, onsuz da sizə heç nə etməyəcəyik, cərimə sahibkara yazılacaq. Sizdən nə gedir ki. Yazmırsınızsa, ağ kağızın aşağısına qol çəkin, biz özümüz yazarıq, lazım olan şeyləri”. Biz isə yalan ifadə yazmaqdan imtina etdik. Bu planının da baş tutmadığını görərək, bizi otaqdan qovdu”.

 Məktub müəllifləri qeyd edirlər ki, “Dövlət Miqrasiya Xidmətinin əməkdaşları tərəfindən həm fiziki, həm də mənəvi hücum, eyni zamanda DMX Baş İdarəsinin şöbə müdiri Qüdrət Məmmədovun bir türk düşməni olmasına dair tarixçəsi bizi çox narahat edir. Məhz onun tərəfindən türk iş adamlarının bir çox hallarda evindən oğurlanaraq, şəxsi avtomobillə aparılması, döyülməsi, deportasiya edilməsinə dair qərarlar çıxarır, səfirliyə belə müraciət etməsinə imkan vermədiyi bildirilir. Olduqca kinli şəxs olduğu bildirilən bu şəxsin bizi təqib etdirdiyinə dair də məlumatlar almışıq. Qısacası, Qüdrət Məmmədovu tanıyan şəxslər onun bizdən gec-tez ağır intiqam alacağını bildirirlər. Hətta bildirirlər ki, o, bizim Müvəqqəti Yaşama İcazəmizi ləğv etdirə və Azərbaycandan qısamüddətli səfər etdiyimiz zaman ölkəyə buraxdırmaya bilər. Açıqcası, biz bütün sənədlərimiz qaydasında olmasına rəğmən Qüdrət Məmmədovun təzyiqi  altında yaşayırıq”.

 Dövlət Miqrasiya Xidmətinin digər qurumlarının fəaliyyətini qənaətbəxş hesab edən Omuş Ersun və Önen Mahmut  daha sonra yazırlar:

 “Biz Firudin Nəbiyevin rəhbərlik etdiyi Azərbaycan Respublikasının Dövlət Miqrasiya Xidmətindən hər zaman razı olmuşuq, hər zaman sənədləşmə ilə bağlı istər sərhəddə, istərsə də digər müvafiq yerlərdə DMX əməkdaşları hər zaman bizi gülər üzlə qarşılayıblar, sənədlərimizin qəbulunda bizə kömək ediblər.Lakin Qüdrət Məmmədovun neqativ fəaliyyəti və onun tabeliyində olanların kobud davranışları ilk növbədə cənab Firudin Nəbiyevə qarşı bir təxribatdır. Təəssüf ki, Qüdrət Məmmədov  Azərbaycan xanımları ilə evli olduğu halda bir çox Türkiyə vətəndaşını qanunsuz olaraq, deportasiya edir, Stalin dönəmi repressiyası zamanında olduğu kimi gecə vaxtı Türkiyə vətəndaşlarını yatağından oğurlayır, mobil telefonlarını əllərindən alaraq, özlərini deportasiya etdirir”.

"Əsassız olaraq Heydər Əliyev 1987-ci ildə bütün vəzifələrdən kənarlaşdırıldı. Bu, tək ona deyil, eyni zamanda Azərbaycana qarşı böyük ədalətsizlik və təxribat idi".

APA-nın məlumatına görə, bunu bu gün Heydər Əliyev Mərkəzində Heydər Əliyevin anadan olmasının 93-cü ildönümü və faşizm üzərində Qələbənin 71 illiyi münasibətilə rəsmi qəbul mərasimində Azərbaycan prezidenti İlham Əliyev söyləyib.

Dövlət başçısı deyib ki, Heydər Əliyevin istefasından iki həftə keçməmiş erməni millətçiləri Dağlıq Qarabağı Azərbaycandan ayrılıb Ermənistana birləşməsi haqqında məsələ qaldırdılar: "Yəni Heydər Əliyev faktoru imkan vermirdi ki, onlar çirkin niyyətlərini ifadə etsinlər. Ancaq Heydər Əliyev siyasi səhnədən gedəndən sonra bu məsələ qalxdı və ondan dərhal sonra Dağlıq Qarabağda xoşagəlməz proseslər başladı. Ermənistanın təhriki ilə Dağlıq Qarabağda separatçı meyllər gücləndi və əfsuslar olsun ki, o vaxtı sovet rəhbərliyi cinayət törədərək o xoşagəlməz meyllərin qarşısını almadı. Nəinki ala bilmədi, almadı, almaq istəmədi. SSRİ-nin dağılması prosesi də o vaxtdan başlamışdı. Mən yaxşı xatırlayıram ki, Heydər Əliyev bu vəziyyətlə bağlı çox məyus olmuşdu, onun qurub-yaratdığı vəziyyət dağılırdı. Heydər Əliyev rəhbər vəzifələrdə işləyəndə mütəmadi Dağlıq Qarabağa, Xankəndinə, Şuşaya səfərlər etmişdi. Mən də o səfərlərin canlı şahidi, iştirakçısıyam. Heç bir faktor onu göstərmirdi ki, orada separatçı meyllər güclənə bilsin. Bu, süni şəkildə ortaya atılmış bir təxribat idi və təəssüflər olsun ki, bu günə qədər Azərbaycan bu təxribatın acı nəticələrini yaşayır”.

"Görünür,  Xanlar Hacıyevi hələ bir müddət də orada saxlamaq istəyirlər”

Azərbaycanı Avropa İnsan Haqları Məhkəməsində təmsil edəcək hakimliyə namizədlər irəli sürülsə də, onlar Avropa Məhkəməsi tərəfindən qəbul edilməyib. Azərbaycan isə Avropa Məhkəməsinə yeni hakimlər təqdim etmir. 

2003-ci ildən Azərbaycanı Avropa Məhkəməsində təmsil edən Xanlar  Hacıyevin səlahiyyət müddəti 2015-ci ilin oktyabrın 31-də başa çatdı.

Azərbaycan hökuməti 2015-ci ilin aprelində Avropa Məhkəməsinin hakimi vəzifəsinə üç namizəd irəli sürüb. Namizədlər Prezidenti Administrasiyasının Hüquq mühafizə orqanları ilə iş şöbəsinin İnsan hüquqlarının müdafiəsi məsələləri sektorunun müdiri, Azərbaycanın Avropa Məhkəməsindəki daimi nümayəndəsi Çingiz Əsgərov,  Bakı Apelyasiya Məhkəməsinin hakimi Aygün Abdullayeva və 1 saylı Bakı İnzibati-İqtisadi Məhkəməsinin hakimi Vüsalə Baxışova olub. Lakin AŞPA-nın Alt Komitəsi namizədləri qəbul etməyib və siyahını geri qaytarıb. Ona görə də Azərbaycanı Avropa Məhkəməsində (AİHM) təmsil edən hakim Xanlar Hacıyevin səlahiyyət müddəti artırılıb. 

Azərbaycan Avropa Məhkəməsinə niyə yeni namizədlər təqdim etmir?

Məsələ ilə bağlı hüquqşünas Ələsgər Məmmədli "Yeni Müsavat” a bildirib ki, AİHM-ə Azərbaycan tərəfi hər dəfə qəsdən  3 namizəd irəli sürür: "Onlardan təxminən biri standarta uyğun gəlir və üç nəfərdən birini seçirlər. Hər dəfə təkrar formada ya eyni şəxslər, ya da digər ingilis dili çox zəif, hakimlik təcrübəsi az olan şəxslərin namizədliyi irəli sürülür. Ona görə də həmin namizədlər Avropa Məhkəməsi tərəfindən seçilmirlər. Düşünmürəm ki, Azərbaycanda lazımı səviyyədə olan hakim  yoxdur. Əlbəttə var. Bundan əvvəl Xanlar Hacıyev çox yüksək məhkəmə rəhbərliyindən ora gedib. Ancaq indi gedənlər ən yaxşı halda Apelyasiya Məhkəməsinin hakimləridir. Bu da təcrübə baxımından yetərli hesab olunmur”.

Hüquqşünas Müzəffər Baxış isə "Yeni Müsavat”a bildirib ki, günah hakimiyyətdədir: "Ədalətli namizəd seçmirlər. Omlar da Avropa Məhkəməsi tərəfindən qəbul edilmir. Eyni zamanda müəyyən kriteriyalar da var. Belə ki, tanınmış hüquqşünas olmalıdır, Azərbaycan cəmiyyəti tərəfindən qəbul edilməlidir, ingilis dilini bilməlidir. Azərbaycan da bu üstünlüyə sahib olan hakim təqdim etmir. Görünür,  Xanlar Hacıyevi hələ bir müddət də orada saxlamaq istəyirlər. Ümumiyyətlə, Azərbaycanda hakimlərin nüfuzu aşağıdır. Çünki onların çoxu korrupsiyaya bulaşıblar və icra hakimiyyəti orqanının nəzarəti altındadırlar.  Buna görə də bizim cəmiyyətdə savadlı, nüfuzlu adam hakim ola bilmir. Azərbaycan məhkəmələri tərəfindən müstəqil qərarın verilməsi, icra hakimiyyətinin nüfuzuna xələl  gətirir. Çünki  icra hakimiyyəti ancaq onun sifarişləri əsasında bu və ya digər qərarların qəbul olunmasını istəyir. Bütün bunlar isə onunla nəticələnir ki, Avropa Məhkəməsində azərbaycanlı hakimlər təsdiqlənmir. Məcbur qalıb, Xanlar Hacıyevin səlahiyyət müddətini uzadıblar. Amma bu da uzun müddət davam edə bilməz”.

Çərşənbə axşamı, 10 May 2016 00:00

Nazirlik əməkdaşı rüşvət alarkən – ŞOK VİDEO

Yazan

ƏƏSM rəsinin qoyun sürüləri, villası və dəbdəbəli həyatı...

 Son vaxtlar Əmək və Əhalinin Sosial Müdafiəsi Nazirliyinin yerlərdəki kadrlarının fəaliyyəti ilə bağlı mediada müxtəlif məlumatlar yayılır. Nazir Səlim Müslümov bu posta təyin olunduğu ilk günlərdə korrupsiya və rüşvətlə kəskin mübarizə elanı versə də, baş verənlər bu siyasətin nəticəsiz olduğunu göstərir. 

 Belə ki, Cumhuriyyet.az-a Göyçay Əmək və Əhalinin Sosial Müdafisi Mərkəzinin (ƏƏSM) müdiri Aqşin Qafurov və onun ətrafı ilə bağlı sensasion faktlar daxil olub.

 Öncə onu bildirək ki, A.Qafurovun adı müxtəlif qanunsuz əməllərdə hallandırılıb. 

 Saytın araşdırmaları zamanı məlum olub ki, Aqşin Qafurov sözün həqiqi mənasında regional oliqarxa çevrilib: "Əgər bu deyilənlər yalandırsa, o zaman Aqşin Qafurov Göyçay rayonunda inşa etdirdiyi dəbdəbəli villanı, obyektləri, qoyunçuluq təsərrüfatını, yüz hektarlarla torpaq sahələrini hansı vəsaitlər hesabına əldə etdiyini açıqlasın. Göyçay sakinlərinin verdikləri məlumatlarda bildirilir ki, Aqşin Qafurovun rayonun Bığır kəndində iki qoyun ferması fəaliyyət göstərir və həmin təsərrüfatda 1000-ə yaxın qoyun var. Mərkəz müdirinin qoyun ferması ilə bağlı saytımıza göndərilən digər ilginc video məlumatda göstərilir ki, Aqşin Qafurov azğınlaşmış bir məmur olaraq qoyunlarını 13 yaşı olan azyaşlı bir uşağa otartdırır. Həmin uşağın Əhmədov Səbuhi Səməd oğlu olduğu və 500-ə yaxın qoyun otardığı video-faktda açıq şəkildə göstərilir. Ən azından Aqşin Qafurovun 13 yaşı olan azyaşlı bir oğlanı çobanı kimi istifadə etməsi bütün çərçivələri aşır. Oxucularımıza göstərəcyimiz video faktda mərkəz müdirinin 13 yaşlı çobanı azyaşlı Səbuhi Əhmədov açıq şəkildə deyir ki, Aqşin Qafurovun qoyunlarını səhər saat 6-dan axşam saat 20.00-a kimi otarır. Digər ilgin məlumatda isə qeyd olunur ki, mərkəz müdirinin Göyçay şəhərində yerləşən 3 mərtəbəli dəbdəbəli villasının qiyməti təxminən 1 milyon manata yaxındır. Ancaq Aqşin Qafurovun villası biri ilə bitmir. Belə ki, Göyçay rayonun Potu kəndində Aqşin Qafurova məxsus daha bir villa mövcuddur.Bundan başqa mərkəz müdirinin Bakı şəhərində bir neçə evinin, Qəbələdə evinin, İsmayıllı rayonunda torpaq sahələrinin və obyektinin olduğu deyilir”.

 Görünən odur ki, Göyçay rayon Əhalinin Sosial Müdafiəsi Mərkəzinin müdiri dəyəri milyonlarlla manat olan var-dövləti əmək haqqı hesabına əldə etməyib. Çünki Azərbaycan reallığında hansısa bir məmurun və yaxud işçinin əmək haqqı ilə bu qədər var dövlət sahibi ola bilməsi yalnız xəyallarda mümkündür. 

 Cumhuriyyet.az xəbər verir ki, bu zamanadək mediada yayılan və təkzib olunmayan məlumatlardan da buna  əsas verir: "Göyçay rayon sakinləri bildirirlər ki, Aqşin Qafurov yüzlərlə şəxsi qanunsuz olaraq sosial yardım siyahısına salıb. İndidə həmin şəxslərin yenidən siyahıya salınması üçün çalışır və demək olar ki, istəyinin bir hissəsinə çox asanlıqla çatıb. Çünki öz admlarının sənədlərini ustalıqla saxtalaşıdran mərkəz müdiri onların nazirliyin komputer sistemindən asanlıqla keçməsinə şərait yaradır və Aqşin Qafurovun mərkəzdəki Fuad, Fəhmin, Esmira üçlüyündən ibarət "komandası” həqiqətəndə sosial yardım almaq istəyən vətəndaşları soymaqla məşğuldurlar. Mərkəz müdirinin sosial almaq istəyən vətəndaşlardan nəğd şəkildə 600-700 manat rüşvət alır və bu işdə onun əsas köməkçilərinin Aqşin Qafurovun müavini Fuad Seyidovun, baş müahsibi Fəhmin Cəfərovun və onun baldızı Esmira adlı xanımdır”. 

 Qeyd edək ki, cumhuriyyet.az Göyçay rayon Əhalinin Sosial Müdafiəsi Mərkəzinin müxtəlif vəzifəli şəxsləri və onların yaxınlarının iştirakçı olduğu bir çox qanunsuzluqları sübut edən video materiallar yayıb. 

 

Bazar ertəsi, 09 May 2016 00:00

Dəli sevda şairi - Vaqif Yusifli yazır

Yazan

Gülnar Qasımlı mənim doktorantımdır. “Müstəqillik dövrü Azərbaycan ədəbiyyatında poema janrının inkişaf yolu və xüsusiyyətləri” mövzusunda namizədlik dissertasiyası üzərində işləyir. Ən azı ayda 2-3 dəfə yanıma məsəhətə gəlir. İnanıram ki, yaxın gələcəkdə bir tənqidçi – ədəbiyyatşünas kimi öz sözünü deyəcək.

Onun şeir yazdığını bilirdim, amma bircə misrasını belə oxumamışdım. Həm də ərkyana məsləhət görmüşdüm ki, öz elmi işinlə məşğul ol, şeirlə sonra qonuşarsan. Amma bir gün televiziyada Gənclər günü münasibətilə Azərbaycan Respublikası Gənclər və İdman Nazirliyinin mükafatı ona təqdim olunanda qətiyyən hirslənmədim, sevindim.

Və bir gün çəkinə-çəkinə mənə zəng edib “Vaqif müəllim, “aybKitab” layihəsi üzrə şeirlərimi çap etdirmək istəyirəm, ön söz yazarsınızmı?” – deyə soruşdu. Dedim ki, oxuyaram, xoşum gəlsə, mütləq yazaram.

Gülnarın şeirlərini oxudum və etiraf edim ki, belə gözləmirdim. Zənn edirdim ki, bu gün özündə məsuliyyət hiss etmədən ədəbiyyata gələn, şeirlərinin və kitablarının sayı “şairliyinin” müqabilində qat-qat artıq gözə dəyən yazarlardan biridir Gülnar. Amma Gülnar mənim bu təsəvvürümə xətt çəkdi və sanki hər şeirində qışqırtıyla yox, utana-utana dedi ki; “Mən şairəm!”

Gülnar Qasımlı özünə Səma təxəllüsünü götürüb. Böyük riskdir bu. Səma bütün göy üzüdür. O Səmada günəş yanır, dünyaya işıq saçır. Mən şair görmüşəm ki, özünə Dərya təxəllüsü götürüb, amma onun şeirləri dəryanın heç bircə damlası deyil. Mən şair görmüşəm ki, özünə Muğan, ya Şirvan, ya da Qobustan təxəllüsü seçib, amma yazdığı şeirləri və özünü nə Muğanda, nə Şirvanda, nə Qobustanda tanıyırlar. Gülnarın Səma təxəllüsünə hələlik heç bir etirazım yoxdur, çünki mən onun şeirlərində səma təmizliyini, saflığını gördüm. Buludunu, yağışını, günəş zərrələrini gördüm.

Mən gənc şairi tərifləyib ərşi-əlaya qaldırmaq niyyətində deyiləm. Təbii ki, iki şeir kitabı çıxsa da, Gülnarın axtarışları davam edir. (Məgər şair bütün ömrü boyu axtarışda deyilmi?) Deməli, Gülnar Səma adını doğrultmalıdır. Gülnar nədən yazır? Onun bir mövzusu var- sevgi. Bu sevgi kitablardan gəlmir, özünün yaşadığı, ürəyində əmanət saxladığı hissdir, duyğudur.

Bu sevgi yollarda düşüb qaldısa,

Məhəbbət deyilən dili laldısa,

Ayrılıq əbədi bir vüsaldısa,

Mən buna məhəbbət deyə bilmərəm.

Ay sevgi, peşimi burax sən artıq

Daha heç toruna düşən deyiləm.

Ağac əyiləndə sındı deyirlər,

İgidlər ölərsə, niyə əyiləm?

Mən sənə dünyanı bağışlayardım,

Sən mənə bir dünya bağışlasaydın.

Bu misralar sevən bir qəlbin əzablarından doğur. Amma bu əzabın özü də qəm-qüssə gətirmir, işığa can atır o qüssədən uzaq olmaq istəyən ürək.

Gülnarın o balaca səmasını təkcə sevgi duyğuları ilə məhdudlaşdırmaq olmaz. Orada az da olsa , vətən ağrıları da var, yurd itkisindən doğan ağrılar da. Amma hamısında nikbin xallar görürəm. Şair fikirlə hissin vəhdətini əks etdirir və bu vəhdət duyulmazsa, yəni bu iki məfhum- şair üçün hava və su kimi gərəkli olan bu iki konponent bir-birindən ayrı düşərsə, o zaman şeir “ağıllı ürəyin” ifadəsinə çevrilə bilməz. Gülnarın bir sıra şeirlərində bu vəhdət özünü hiss etdirir. Amma çox arzu edərdim ki, o, bir az mövzu məhdudluğundan xilas olsun. Sevgini, həsrəti təkcə bir rəngdə görməsin, həyata, gerçəkliyə geniş nəzərlərlə baxsın.

Mən Gülnar Qasımlıya- Səmaya uğurlar arzulayıram. Onun da atasının adı Vaqifdir, elə mən də onun şeirlərinə mənəvi Ata xeyir-duası verirəm.

Vaqif Yusifli

filologiya üzrə elmlər doktoru

(Gülnar Səmanın “Gül” kitabına ön söz)

143 -dən səhifə 177