Çərşənbə axşamı, 31 May 2016 00:00

Biz niyə manqo yemirik?

Yazan

Manqo bizi təravətli edir.

Qaraciyərin dostu, kaliumla zəngin manqo qurusu isə, qanda şəkərin miqdarını tənzimləyir. Manqonun tərkibində yüksək miqdarda su var.
Xərçənglə mübarizə aparır
Son zamanlar tədqiqatlar nəticəsində məlum olub ki, meyvənin tərkibində olan kuercetin, isokuercetin, astragalin, fisetin, gallik asit və metil qallat adlı antioksidant birləşmələri var ki, bunlar bağırsaq və döş xərçəngi, leykemiya, eləcə də prostat xərçənginə qarşı müdafiə rolunu oynayır.

Xolesterini aşağı salır
Manqo liflə zəngin güclü antioksidant anbarıdır, pektin və C vitamini isə qanda xolesterini tənzimləmə baxımından çox faydalıdır.
Tərkibində bol miqdarda kalium ürək-damar xəstəliklərinin müalicəsində istifadə olunur.

Dərinin təravətli qalmasını təmin edir.
Manqodan kosmetologiyada da istifadə edirlər. Dərini təmizləyir. Evdə dəri üçün müxtəlif növ manqolu maskalar hazırlamaq olar. Sızanaqların müalicəsində istifadə edilir.

Dəriyə faydalı olmaqla eyni zamanda göz sağlamlığını qoruyur.
Toyuq korluğu və göz qurumasının qarşısını mango yeməklə almaq olar.
İmmunitet sistemini gücləndirir.
Manqonun tərkibindəki A vitamini qaraciyərin “şlaklardan” təmizlənməsinə kömək edir. 
Yaddaşı gücləndirir. Qanda olan zərərli mikrobları öldürür.

Çərşənbə axşamı, 31 May 2016 00:00

Tanınmış alim vəfat etdi

Yazan

Təhsil sahəsində ekspert, kimya üzrə fəlsəfə doktoru Səftər Nəhmətli vəfat edib.

Bu barədə iqtisadçı Qubad İbadoğlu məlumat yayıb:
“Səftər müəllimlə tanışlığım 20 ildən çox idi, onu çörəyini namusla, halal zəhmətlə qazanan, əməli və rəftarında həmişə xeyirxahlığa can atan, biliyini vətənimizin və xalqımızın xoşbəxt gələcəyi naminə hər kəslə, əsasən də şagirdləri ilə paylaşan vüqarlı, yenilməz, əsil ziyalı kimi tanıyırdım. Allah Səftər Nəhmətliyə rəhmət eləsin. Səftər müəllim, məkanınız cənnət olsun, sizi həsrətlə və heyranlıqla daima xatırlayacagıq və heç vaxt unutmayacağıq”. 

Cinayətkar dəstə şantaj və hədə-qorxu yolu ilə insanlardan "haqq” toplayırmış

Zaqatalada xüsusi əməliyyat keçirilib.

APA-nın məlumatına görə, Daxili İşlər Nazirliyinin Baş Mütəşəkkil Cinayətkarlıqla Mübarizə İdarəsi tərəfindən həyata keçirilən əməliyyat nəticəsində Rayon İcra Hakimiyyəti başçısının şəhər üzrə nümayəndəsinin müavini Məhəmməd Şərif oğlu Kələşov, Ramin Davud oğlu Şabanov, Şamil Cuma oğlu Şıxəmirov və daha bir neçə vəzifəli şəxs saxlanılıb.

Saxlanılan şəxslərdən silah və narkotik götürülüb.

"Basta” əməkdaşının yerli mənbələrdən əldə etdiyi məlumata görə, saxlanılan şəxslərin sayı 10-dan  çoxdur. Kələşovun rəhbərlik etdiyi dəstə şantaj və hədə-qorxu yolu ilə insanlardan "haqq” toplayırmiş. Onlar Bakıya, BMCMİ-yə aparılıb. Həbs vaxtı üzərindən tapanca tapılan Məhəmməd Kələşov YAP-ın Zaqatala təşkilatında da yüksək vəzifə tutur.

“Azərbaycanda siyasi mübarizə üçün normal siyasi mühit yoxdur. Çünki, siyasi mühit deyiriksə burada qarşılıqlı tərəflər, açıq tənqidlər, plüralizm, siyasi mübarizə olmalıdır. Bunların heç biri olmayan təqdirdə ölkədə siyasi mühitdən danışmaq düzgün olmazdı. Azərbaycanda demokratik prinsipləri məhv etmiş, azad mətbuatı və müxalifətdə olan siyasi qüvvələri sıradan çıxarmış, süni şəkildə “müxalifət” yaratmış bir siyasi rejim var”. Bu sözləri ictimai-siyasi fəal Seyruz Məmməd deyib. S.Məmməd hesab edir ki, Azərbaycanda avtoritar rejim mövcuddur: “Rejimin demokratik olmamasını hamımız anlayırıq, digərlərinin elə bir fərqi yoxdur. Bu gün Azərbaycanda demokratiyanın adından yararlanmaq istəyən 5-6 nəfər jurnalist və ya Qeyri-Hökumət Təşkilatı var ki, hakimiyyət onları da ya həbsxanaya atmaqdadır, ya da onlar da digərləri kimi ölkəni tərk edəcəklər. Mövcud rejim hakimiyyətini möhkəmləndirmək üçün hər il addım-addım konstitusiyanın dəyişdirilməsi üçün referendem keçirir. Bu isə artıq seçki texnologiyasının sıradan çıxarılmasına hesablanmış bir addımdır. Prezident seçimi 5 ildən 7 ilə keçirilirsə burada hansı demokratiyadan və siyasi opponentlikdən söhbət gedə bilər. ABŞ liberal dəyərlərə söykənən ölkədir və orada prezident 4 ildən bir seçilir və iki dəfədən artıq seçilə bilməz. Bizdə isə həmişə seçilə bilər. Digər tərəfdən vitse-prezidentlik institutu yaradılır və xüsusi səlahiyyətlər verilir. Bu səlahiyyətlərdən biri də prezidenti ehtiyac yarandıqda əvəz etməkdir. Əgər yadınızdadırsa vaxtilə prezidenti əvəzetmə funksiyası Milli Məclisin spikerinə məxsus idi. Sonra bu funksiya parlament və prezidentin razılaşdırılmasıyla Baş Nazirə ötürüldü, indi də vitse prezidentə. Həm də bu təyinat ancaq prezidentə məxsus olacaq. Hətta pezident parlamenti buraxa bilər. Deməli, biz tədricən seçkili orqanların səlahiyyətlərini azaldaraq prezidentin təyinatını artırırıq. Bu isə demokratiyanın təməl prinsipi olan seçkinin idarəetmədə təsirinin azalmasını şərtləndirir. Hakimiyyət əsas hədəfi avtoritar rejimi gücləndirməkdir”.

S.Məmməd ölkədə iqtisadi durum da pisləşdiyini iddia edir: “Əvvəlki dövrlərdə iqtisadi durum sabit olduğundan siyasi halimiyyət bütün həmlələrinə don geyindirməyi bacarırdı. İndiki durum davam edəcəksə, hakimiyyət gələcəkdə xalqa yoxsulluqla bağlı deməyə söz tapmayacaq. Yəqin ki, bir müddət də insanlar “evində ac qalmaq həbs olunmaqdan yaxşıdır” prinsipi ilə idarə olunacaqlar. Amma sonra artıq “dözümsüzlük” başlayacaq və bu “dözümsüzlük” milli, irqi, dini, siyasi, iqtisadi səviyyələrdə özünü göstərəcəkdir. Bu isə yaxşı heç nə vəd eləmir. Vəziyyətdən çıxış yolu üçün həm iqtisadi, həm də siyasi sahədə addımlar atılmalıdır. Belə ki, ölkədə biznes mühiti yaradılmalıdır, gömrük və vergidə olan neqativ hallar aradan qalxmalıdır. Siyasi opponentlik və plüralizmə meydan verilməlidir. İtisadi islahatlar həyata keçirilməlidir, xüsusilə azad iqtisadi fəaliyyət təmin edilməlidir. Əsas odur ki, mövcud rejimin bu addımı atması inandırıcı deyil. Hakimiyyətin bütün addımları insanlarda köləliyin təbliğ edilməsinə və hakimiyyəti gücləndirməyə xidmət edir”.

Azərbaycanın milli bayramı – Respublika Günü münasibətilə rəsmi qəbuldakı çıxışında prezident İlham Əliyev sensasion sayıla biləcək bəyanatlar səsləndirib. Ölkə başçısı bildirib ki, hazırda o, bir sıra dairələrin hədəfindədir.

Reyting.az xəbər verir ki, dəfələrlə prezidentə qarşı xüsusi planların olduğunu iddia edən Müasir Müsavat Partiyasının sədri Hafiz Hacıyev isə Moderator.az saytına bildirib ki, onun bu günə qədər qeyd olunan məsələlər barədə dediklərini bəzi dairələr qulaqardına vurublar:

"Mənim dediklərim hər zaman həyatda öz təsdiqini tapıb. Çox təəssüflər olsun ki, dediklərimi bəzən bəzi dairələr qulaqardına vurublar. Artıq prezident də açıq formada bildirdi ki, onu hakimiyyətdən devirmək istəyən qüvvələr var. Həmi qüvvələr gecə-gündüz çalışır ki, ölkə başçısını devirsinlər. Onlar bir sıra qüvvələrlə sıx əlaqədədirlər. Daxildə sabotajlar edib, xaricdə ölkə başçısına mənfi imic yaradırlar. Onlar daxildə elə işlər həyata keçirirlər ki, bu işlər xaricdən prezidentə qarşı yönəlir”.

H.Hacıyev deyib ki, prezidentə ən sadiq insan olsa da, bu gün çox pis şəraitdə, kirayələrdə yaşayır: "Mən bütün həyatımı prezidentə həsr etmişəm. Ona qarşı xəyanət etmiş şəxsləri izləyirəm, axtarıram, araşdırıram. Hətta günlər olub ki, gecələr üzümə maska taxıb maşın güdmüşəm. Mən qardaşımı xəyanəkarlardan müdafiə etmək üçün hər şeyə hazıram.

Prezidentin ətrafında olan bəzi nazirlər kinayə ilə mənə deyirlər ki, İlham Əliyev sənə bir ev belə verməyib, amma sən onu müdafiə edirsən. Təbii ki, belə insanların sözü mənim üçün əsas deyil, mənim üçün əsas prezidentə və dövlətçiliyə xidmətdir.

Bu gün İlham Əliyev əsas hədəfdir. Hamını prezidentə qarşı qaldırmaq istəyirlər, ona qarşı olan qüvələrə pul paylayırlar. Təsəvvür edin ki, Heydər Əliyevi təhqir edən birini deputat qoyur, sonra ona sayt açıb ayda 50 min manat verirlər. Biz bütün bunları çox gözəl görürük, kimin kim olduğunu da bilirik.

Bu gün təxribatçı qüvvələr ölkədə insan hüquqlarına qarşı hörmətsizlik edirlər, yersiz həbslər həyata keçirirlər. Bir jurnalisti həbs edirlər və bütün dünya buna etiraz edir.

O vaxt mən, Leyla Yunus və Xədicə İsmayıl həbs olunanda bildirdim ki, bu, birbaşa prezidentə qarşı yönəlmiş addımdır. Belə də oldu. Qərbdə İlham Əliyevə qarşı geniş kampaniyalar başladı. Sabotajı görən prezident ittiham olunan şəxslərin bütün lazımi məhkəmə proseduru bitdikdən sonra o şəxslərin azad olmasına şərait yaratdı”.

Azərbaycanda kənd təsərrüfatının da çox pis vəziyyətdə olduğunu, işsizliyin geniş yayıldığını qeyd edən partiya sədrinin sözlərinə görə, prezidentə yalan məlumat verirlər. Yaxud da Qarabağ məsələsində üzdə bir söz deyirlər, arxada başqa şeylər cöyləyirlər: "Rüşvət alırlar, yalandan deyirlər haqqın bir hissəsi yuxarı çatacaq. Ziya Məmmədov mənə açıq formada deyib ki, aldığım rüşvətin 5 faizi mənə qalır. Bu biabırçılıqdı, mən bunu danışmamalıyam, amma məcburam deyim, məni öldürə də bilərlər. Ziya Məmmədov və oğlu prezidentə xəyanət edir. Vorovski qəsəbəsində özlərinə villalar tikirlər, sonra deyirlər ki, bizim mülklər əlimizdən alınıb, Heydər Əliyev Fonduna keçirilib. Onlar xaricdən gələn nümayəndələrə gizli formada donos verirlər. Qərb də bunlara əsaslanaraq prezidentə qarşı çıxışlar edir.”

Çərşənbə axşamı, 31 May 2016 00:00

Dollar bahalaşdı

Yazan

Azərbaycanda xarici valyutaların məzənnəsində dəyişiklik olub.

Azərbaycan Mərkəzi Bankından (AMB) verilən məlumata görə, iyunun 1-i üçün 1ABŞ dolları 1,4918 manat səviyyəsində müəyyənləşib.

Qeyd edək ki, bu gün Azərbaycanda 1 ABŞ dolları 1,4906 manat olub.

Daxili işlər naziri, general-polkovnik Ramil Usubov Daxili İşlər Nazirliyi Baş Dövlət Yol Polisi İdarəsinin rəis müavini, polkovnik Ramiz Hüseynovun tutduğu vəzifədən azad edilməsi ilə bağlı əmr imzalayıb. Əmrə əsasən, Ramiz Hüseynov yaş həddi ilə əlaqədar olaraq təqaüdə göndərilib.

Baş Dövlət Yol Polisi İdarəsinin şöbə rəisi, polkovnik Kamran Əliyevin Avtosfer.az-a verdiyi məlumata görə, Ramiz Hüseynovun yerinə polkovnik Elşən Kazımov təyin edilib. O, indiyə qədər Baş İdarənin qərargah rəisi vəzifəsini tuturdu.

Ramiz Hüseynov uzun illərdir DYP sistemində çalışır. Yol hərəkəti təhlükəsizliyi və sürücülərin inzibati məsuliyyəti ilə bağlı qanunların işlənib hazırlanmasında rolu olub. DYP ilə bağlı qanunların qəbulunda yaxından iştirak edib, Milli Məclisin iclaslarında deputatların suallarını cavablandırıb.

Çərşənbə axşamı, 31 May 2016 00:00

Qazaxın yeni başçısı ilə bağlı ilginc faktlar

Yazan

Rəcəb Babaşov Eldar Mahmudovun əmlakını ölkə xaricinə çıxarmaqda ittiham olunur

Yeni icra başçısını "MTN işi"nə görə həbs olunan Vidadi Məmmədovla nə bağlayır?

Bir neçə gün əvvəl prezident İlham Əliyevin sərəncamı ilə Rəcəb Abbas oğlu Babaşovu Qazax Rayon İcra Hakimiyyətinin başçısı təyin olundu. Təyinatdan dərhal sonra yeni icra başçısı barədə bəzi məlumatları təqdim etmişdik.

İnternet qaynaqlarında apardığımız araşdırmaların nəticəsi olaraq Rəcəb Babaşov isminin "MTN işi"ndə hallanmasından, "Azərbaycan Dəmir Yolları" QSC-nin rəisi olan Cavid Qurbanovla əlaqələrindən bəhs etmiş, var-dövlətinin müəyyən qisminin siyahısını təqdim etmişdik.

Rəcəb Babaşovla bağlı apardığımız araşdırmalar zamanı ortaya daha ilginci informasiyalar çıxdı. Öncədən qeyd edə ki, kifayət qədər ciddi olan bu xəbərlər indiyədək yeni icra başçısı tərəfindən təkzib olunmayıb. 

Rəcəb Babaşov bir müəddət əvvəl sabiq MTN şefi Eldar Mahmudovla işbirliyində ittiham olunub. Bu şəxs Azərbaycanın ən güclü məmurlarından biri olan MTN-nin şefinin vəzifəsindən azad olunmamışdan 3 gün qabaq onunla görüşüb. Həmin görüşdə nələr haqqında danışıldığı məlum deyil. Maraqlıdır ki, Rəcəb Babaşov Eldar Mahmudov prezident tərəfindən işdən azad olan kimi təcili Azərbaycanı tərk etdi. Əslində Eldar Mahmudovun ən axırıncı görüşdüyü adam Rəcəb Babaşov sayıla bilər. İddia olunur ki, təcrübəli əməliyyatçı olan sabiq nazir xaricdəki əmlakının yerləşdirilməsi və "yoxa çıxarılması" prosesində məhz Rəcəb Babaşovdan istifadə edib.

Rəcəb Babaşov medianın gündəminə əsasən doğulduğu Sabirabad rayonunda, paytaxtda, ölkənin bir çox regionlarında və hətta xaricdə belə sahib olduğu sərvəti ilə gəldi. Media öncə sıradan bir dövlət görəvlisinin bu qədər sərvətə necə sahib olduğunu araşdırarkən, ortaya yeni nüanslar çıxdı və iddia olundu ki, Babaşovun məlum sərvətinin əldə olunmasında sabiq MTN nazirinin və hazırda həbsdə olan Eldar Mahmudova bağlı generalların rolu olub. MilliYol.Az mediada onunla bağlı yayılmış məlumatlara istinadən qeyd edir ki, Rəcəb Babaşovun bir zamanlar mövcud olan əlaqələri nəinki onun özünü, hətta dostlarını belə "MTN çetesi"ndən qorumaq üçün yetərli olub. İddia olunur ki, “MTN işi”nə görə həbsdə olan generallar sabiq nazir Eldar Mahmudovun göstərişi ilə "Azərbaycan Dəmir Yolları" QSC-nin sədri Cavid Qurbanovu o, hələ “Azəryolservis” ASC-nin sədri olduğu dönəmlərdə hədəfə alıb. Bu zaman dost köməyinə ehtiyac yaranıb və Cavid Qurbanovla dostluq əlaqəsi olan Rəcəb Babaşovun müdaxiləsindən sonra məlum çete QSC rəhbəri ilə bağlı planlarını başqa müstəviyə keçirib. 

İddia olunur ki, Rəcəb Babaşovun MTN generalları ilə münasibətini Vergilər Nazirliyinin Vergi Cinayətlərinin Təhqiqi Departamentinin rəisi, hazırda “MTN işi” ilə bağlı həbsdə olan general Vidadi Məmmədov yaradıb. Xəzər rayonu ərazisində sabiq nazirə məxsus villanın xərcinin bir hissəsi də məhz Rəcəb Babaşov tərəfindən ödənildiyi üçün bu şəxsə sabiq nazir tərəfindən toxunulmazlıq statusu da verilibmiş.

Rəcəb Babaşov indiyədək Vergilər nazirliyində İri Vergi Ödəyiciləri Departamentinin rəisi olub. Nəqliyyat naziri Ziya Məmmədovun qardaşı oğlu Rəcəb Babaşovun qızı ilə ailə həyatı qurub. Yəni haqqında qısaca bilgi verdiyimiz bu adam əslində iki iri rəqib məmurun - Ziya Məmmədovla Cavid Qurbanovun qohumluğunu qazana bilib. Lakin Rəcəb Babaşov daha çox Cavid Qurbanovun "kassiri"», pulyığanı kimi tanınır. Bu barədə bu günədək mətbuatda kifayət qədər faktlar səslənib və rəsmən təkzib olunmayıb. 

Həmin məlumatlarda bildirilir ki, Cavid Qurbanovun iri obyektlərinin idarəedilməsi, onların bütün inzibati problemlərdən qorunması işini də bu adam həyata keçirir. Müraciət edən iş adamları deyirlər ki, son zamanlar Babaşovun adı ilə obyektlərin yoxlaması işləri daha da amansız şəkildə həyata keçirilir. Departament rəhbərinin adı ilə yoxlamaya gələnlər, xüsusilə də Cavid Qurbanovun rəqibləri ilə daha amansız davranırlar. Şikayətçi olan iş adamları deyirlər ki, Rəcəb Babaşovun yoxlamaya yolladığı adamlar heç də iri vergi ödəyiciləri ilə kifayətlənmirlər. İri vergi ödəyicisi olan hüquqi şirkətlərin törəməsi olan bütün MMC-lərə qarşı da çox amansız davranışlar nümayiş etdirilir.

MilliYol.Az mediada yayılan xəbərlərə istinfadən bildirir ki, "qara kassa"ya xüsusi xidmətləriylə seçildiyinə görə Rəcəb Babaşov özünə çatan rüşvət paketləri də milyonlarla ölçülür. Rəcəb Babaşovun şəxsi biznesləri və dəyəri milyardlarla ölçülən əmlakına o cümlədən onlarla bahalı maşınlarına nəzər salmaqla müəyyən etmək olur ki, bu şəxs qara kassaya xüsusi xidmətləriylə seçildiyinə görə özünə çatan rüşvət paketləri də milyonlarla ölçülür. İddialara görə, Rəcəb Babaşovun Sabirabad rayonunun Qaralar kəndində 2 milyon  manat dəyər olan villası, Bakının Bayıl qəsəbəsində yerləşən "Aran" restoranı və "Aran" kafesi, Fatmeyi kəndində 5 milyon manat dəyəri olan villası, Bakının müxtəlif rayonlarında çox sayda mənzili, şəxsi qarajlarında dəyəri yüzminlərlə ölçülən lüks avtomobilləri, Türkiyə və Almaniyada biznesi və bir çox adını sadalamadığımız obyektləri var. 

İddialara görə, Rəcəb Babaşov bunlarla kifayətlənməyib, Sabirabad rayonunda xırda sahibkarlardan da “haqq” alır. Belə ki Sabirabad rayonunda bu şəxsin ilin sonunda payını çatdırmayan heç bir sahibkar mağaza işlədə bilmir. Bu işdə rayonda ona dəstək olan Sabirabad İcra Hakimiyyətinin birinci müavini postunun tutan Rəcəb Babaşovun doğmaca bibisi oğlu Həsən Həsənovdur. Belə ki, Rəcəb Babaşov haqqını çatdırmayan sahibkarlara Həsən Həsənovun dəstəyi ilə bir sözlə divan tutur. Rəcəb Babaşov öz doğma rayonu olan Sabirabadda da böyük biznes imperiyası qurub. Hətta öz rayonunda belə sahibkarlarla davranışında Babaşovun çox amansız biri olduğu deyilir.

Qarşı tərəfin mövqeyini dərc etməyə hazırıq.

Çərşənbə axşamı, 31 May 2016 00:00

Vergilər naziri şokda: NAZİRLİK LƏĞV OLUNUR

Yazan

Fazil Məmmədovun dirənişləri fayda verməyib, bina yanğını məsələsi naziri departament müdiri edəcək 

Azərbaycan hakimiyyətinin son dövrlər başlatdığı islahatlar bir sıra büdcə təşkilatlarının ləğv olunması ilə nəticələnib. Qısa müddətdə bir neçə komitə və dövlət qurumunun ləğvi artıq baş verib. Yaxın gələcək üçün isə yeni qaydaların tətbiq olunacağı və birləşdirmələrin davam edəcəyi istisna deyil. 
Politika.Az xəbər verir ki, sırada Vergilər Nazirliyi də var. Məlumatlı mənbənin sözlərinə görə, Fazil Məmmədovun rəhbərlik etdiyi qurumun ləğv olunması nəzərdə tutulub. Nazirliyin başqa bir nazirliyə birləşdiriləcəyi və departament səviyyəsində fəaliyyət göstərəcəyi gözlənilir. Məlumatda deyilir ki, Vergilər Nazirliyi İqtisadiyyat və Sənaye Nazirliyinin tərkibinə birləşdiriləcək və orada qurum olaraq fəaliyyət göstərəcək. Belə bir təcrübənin isə xarici ölkələrdən götürüldüyü deyilir. 
Mənbələr bildirir ki, Fazil Məmmədov nazirliyi qorumaq üçün bir xeyli dirəniş göstərməsinin də faydası olmayıb. Politika.Az-a verilən məlumatlarda vurğulanır ki, nazir hətta daha optimal variantlar təklif etsə də, sözü keçməyib. Buna səbəb isə ötən ilin mayında baş vermiş yanğın olayı və Fazil Məmmədovun bacısının əri olan Xaləddin İsgəndərovun da günahlarının üzə çıxmasıdır. 
Məlumatda deyilir ki, Binəqədi rayonunda insan ölümü ilə müşahidə olunan bina yanğınından sonra bütün nəzərlər rayonun icra başçısı Xaləddin İsgəndərovun üzərinə yönəlib. Mənbələr bildirir ki, hətta icra başçısı ifadə vermək üçün istintaqa da cəlb olunub. Və orada İsgəndərov məsələdən xəbərsiz olduğunu deyib. Üstəlik, iki ad çəkib. Onlardan biri Prezidentin iqtisadi məsələlər üzrə müşaviri Əli Əsədov, digəri isə vergilər naziri Fazil Məmmədov olub. 
Politika.Az-a verilən məlumata görə, Məmmədovun bacısının əri olan Xaləddin İsgəndərov hətta 150 milyon manatlıq bir qalmaqalın da üzərini açıb. Deyilənlərə görə, icra başçısı bu qədər pulun Fazil Məmmədova verildiyini dilə gətirib. Nəticədə, hakimiyyət dairələrində ona qarşı ciddi bir güvənsizlik meydana çıxıb. Mənbə bildirir ki, həmin müddətdən bəri etibardan düşən vergilər nazirinə bir sıra qadağalar da qoyulub. Bu qadağaların biri də sahibkarları iki ildən tex yoxlanılmamasıdır. 
Bundan başqa, vergi müfəttişləri istədikləri vaxt heç bir qurumun işinə müdaxilə edə bilməyəcəklər. Bunun üçün onlar lazımi qurumların icazəsini almalıdırlar. 
Qarşı tərəfi də dinləməyə hazırıq. 

Çərşənbə axşamı, 31 May 2016 00:00

İlham Əliyev yeni müavin təyin etdi

Yazan

Diasporla İş üzrə Dövlət Komitəsi sədrinin müavini təyin edilib. 

Azərbaycan prezidenti İlham Əliyev bununla bağlı müvafiq sərəncam imzalayıb.

Sərəncama əsasən, Ramin Məmmədov Diasporla İş üzrə Dövlət Komitəsi sədrinin müavini təyin edilib.

R. Məmmədov Diasporla İş üzrə Dövlət Komitəsi Aparatının rəhbərinin müavini, YAP Gənclər Birliyinin sədr müavini olub. (APA)

143 -dən səhifə 187