Saturday, September 23, 2017

Cəlilabad rayon sakini, “Regionsəs” qəzetinin baş redaktoru Asif Həsənli dünən  axşam saatlarında rayonun “Kral” istirahət mərkəzində vəhşicəsinə döyülərək aldığı xəsarət nəticəsində Cəlilabad Mərkəzi Rayon Xəstəxanasına yerləşdirilib.

Rayondakı mənbəmizin verdiyi məlumata görə xəstənin vəziyyəti ağırdır.

Regionaz.tv saytı hadisə ilə bağlı yazıb ki, A.Həsənlinin yaxınları onu Kral istirahət mərkəzinə hüquq mühafizə oraqnının əməkdaşlarının çağırdığını bildiriblər. Deyilənə görə, dəvət edənləri A.Həsənli tanıyırmış. Orada yaranan mübahisə zamanı   Cəlilabad RPİ, İstintaq şöbəsinin rəisi, polis mayoru Eldar Məmmədov içki şüşəsi ilə A.Həsənlinin başına vurub. Yazılanlara görə, jurnalistin yaxınları deyib ki, onun döyülməsində bir neçə nəfər iştirak edib və hadisə polis işçilərinin gözü qarşısında baş verib, polislər hadisəyə biganə qalıb.

Məsələ ilə bağlı Cəlilabad rayon Polis Şöbəsiylə  əlaqə saxladıq. Şöbənin rəis müavini Eldər Səfərov Asif  Həsənlinin döyülməsini təsdiq etsə də, bildirdi ki, ona xəsarəti polislər yox, Məmmədov Rizvan Allahşükür oğlu yetirib. Rəis müavini deyib ki, bunu xəstəxana məlumatında Asif Həsənlinin özü qeyd edib. Rəis müavini israrla bildirib ki, məlumata adı çəkilən polis mayoru E.Məmmədovun ümumiyyətlə hadisə yerində olmayıb.

Qeyd edək ki, A.Həsənli Azərbaycan Yazıçılılar Birliyinin  üzvüdür. Eləcə də, nümayəndə kimi mülki işlərdə vətəndaşların hüquqlarının müdafiəsi ilə məşğul olur.(azadliq.info)

 
ABŞ-ın Suriyaya hava hücumuna etiraz edən aksiyaçılar Ağ Evin qarşısına toplaşaraq Trampın siyasətinə öz etirazlarını bildirib.
 
Suriyaya hücumların bölgədə problemləri həll etməyəcəyini deyən aktivistlər, "Suriyadan əlini çək!" şüarı səsləndirib.
 
 
 
 
 
 
 
 
 
 
Ali Rəhbər Ayətullah Seyid Əli Xamenei bu gün İran Silahlı Qüvvələrinin komandanlarını Novruz bayramı münasibətilə qəbul edib. 
Maide.info xəbər verir ki, görüşdə Ayətullah Xamenei çıxış edib və bildirib ki, düşmən xalqın məsul şəxslərin və Silahlı Qüvvələrini "olmaz, bacarmaram" sözləri ilə ruhiyyəsini zəiflətməyə çalışır".
İran İslam Respublikasının Silahlı Qüvvələri Allaha təvəkkül edərək və öz gücünə arxanalaraq hər gün gücünü və potensialını artırsın. Yeni təşəbbüslər və çalışmaqla çatışmamazlıqlar və boşluqları doldursun". 
Ayətullah Xamenei bildirib ki, insan üçün ən yaxşı dua və ən üstün tövfiq, düz yolu (sirat müstəqimi) təyin etmək, tanımaq, eləcədə bu yolda davamlılıq göstərməkdir. 
Ali Rəhbər Ayətullah Xamenei Qərb dövlətlərinin İrana qarşı savaşda hərtərəfli şəkildə Səddam reimini dəstəklədiyini bildirib: "Bu gün Suriya məsələsində kimyəvi silahlardan istifadə edilməsi iddiasında olan riyakar avropalı dövlətlər, Səddama tonlarla kimyəvi silah verdi ki, o həmin silahlarla İran cəbhələrinə, Sərdəşt və Hələbçə bölgələrinə hücum etsin".
Ayətullah Xamenei deyib ki, düşmən çalışır ki, pisxoloji müharibə taktikasından istifadə edərək məsul şəxslərdə zəiflik və "olmaz, bacarmaram" ruhiyyəsi yaratsın. 
Ali Rəhbər Amerikanın Suriyaya hücumu və bəzilərinin bu hücumu dünyanın digər bölgələrinə də hücumetmə imkanı kimi dəyərləndirməsinə toxunub. "Cinayət, təcavüz və qanun pozuntusu tamamilə amerikalıların əlindən gələn işlərdir və onlar dünyanın digər nöqtələrində də bu işləri görüb. Amma əsas məsələ budur ki, onlar bu işi harada görməyə cəsarətləri olacaq? İslam Respublikası göstərib ki,  bu kimi səhv işlər və mənasız sözlərlə meydanı tərk etməyəcək. İnqilaba inanan xalq və məsul şəxslər, Allaha təvəkkül edərək hədələr və təhlükələr qarşısında geri çəkilməyəcək. Ona görə ki, əgər geri çəkilsəydik, bu gün ölkə iflasa uğrayardı". 
Ayətullah Xamenei Amerikanın Suriyaya son hücumu haqqında deyib ki, amerikalıların gördükləri iş, strateji xəta və yanlış hərəkətdir. "Onlar öz əcdadlarının səhvlərini təkrar etməkdədir. Amerikanın bundan öncəki başçıları İŞİD-i yaratdı və ya ona kömək etdi. Amerikanın hazırkı başçıları da İŞİD-i və ya onun kimi təkfirçi terrorçu qrupları gücləndirməkdədir".
Ayətullah Xamenei əlavə edib ki, bu qruplaşmaların təhlükəsi gələcəkdə amerikalıları problemlə üzləşdirəcək. "Avropa bu gün təkfirçiləri gücləndirmək sahəsindəki səhvə görə çətinliyə düşüb və xalqın evdə və küçədə sabitliyi yoxdur, Amerika da həmin səhvi etməkdədir". 

İslam.az-a məscidin dini icmasından daxil olan xəbərə görə, bu gün Dini Qurumlarla Iş üzrə Dovlət Komitəsindən məscid rəhbərliyinə yenidən bildirilib ki, məscid tezliklə söküləcək, onun saxlanması mümkün olmadı. Aldıgımız digər məlumata gorə, bunun səbəbi odur ki,  həmin ərazidə aparılan yenidənqurma işlərinin planında o məscid yoxdur. Yeni plan hazırlamağa məsul qurumlar isə layihəni dəyişmək istəmirlər.

Göründüyü kimi, məscidin sökülməsinə qərar verənlər məscidi saxlamaq istəyənlərdən daha güclü çıxdılar.

Qeyd edək ki, dünyada Azərbaycan kimi, hətta daha çox abadlaşdırılan ölkələr var. Amma onlar buna görə öz məbədlərindən imtina etmirlər. Əlbəttə ki, şəhərin köhnə tikililərdən təmizlənib müasir üslübda salınması təqdirə layiq haldır. Amma bu yenidənqurma planına bir məscid daxil etmək, onu yeni layihəyə uyğunlaşdırmaq bu qədərmi çətindir?

Bazar ertəsi, 10 Aprel 2017 00:00

Prezident nazirləri yenidən topladı

Yazan

Aprelin 10-da Azərbaycan Respublikasının Prezidenti İlham Əliyevin sədrliyi ilə Nazirlər Kabinetinin 2017-ci ilin birinci rübünün sosial-iqtisadi inkişafının yekunlarına və qarşıda duran vəzifələrə həsr olunan iclası keçirilib.

Dövlət başçısı iclası giriş nitqi ilə açıb.

Sonra müdafiə sənayesi naziri Yavər Camalov, “Azərbaycan Dəmir Yolları” Qapalı Səhmdar Cəmiyyətinin sədri Cavid Qurbanov və “Azərbaycan Xəzər Dəniz Gəmiçiliyi” Qapalı Səhmdar Cəmiyyətinin sədri Rauf Vəliyev çıxış ediblər.

Prezident İlham Əliyev iclasda yekun nitqi söyləyib.

Bazar ertəsi, 10 Aprel 2017 00:00

Ərdoğan Avropaya "xəstə" deyir

Yazan
Türkiyə prezidenti Rəcəb Tayyip Ərdoğan yenə də Avropaya qarşı ritorikanı yüksəldib, deyib ki, ölkəsinin Avropa Birliyinə qoşulmaq niyyətinə yenidən baxacaq, Avropa türk xalqına qarşı etdiklərinin bədəlini ödəyəcək.
Aprelin 9-da İzmirdə çıxış edən Ərdoğan deyib ki, 16 aprel referendumundan sonra AB-yə üzvlük məsələsinə yenidən baxılacaq. Həmin referendumda Ərdoğanın səlahiyyətlərini artıracaq dəyişikliklər səsverməyə çıxarılır.
Ərdoğan Avropanı "xəstə adam" adlandırıb. Vaxtilə bəzi avropalı siyasətçiləri 19-cu əsrdə çökməkdə olan Osmanlı İmperiyasına belə deyirdilər.
Ərdoğan mühafizəkar Ədalət və İnkişaf Partiyasının (AKP) yaradıcılarındandır. 
O, 2003-cü ildə baş nazir seçilib, 2014-cü ildə bu postdan prezidentliyə keçib. Niyyəti Türkiyəni parlament hökumətindən prezident respublikasına çevirməkdir. Referenduma da bu məsələ çıxarılır. 
Ərdoğan ölkəsində sabitlik yaratmağı hədəflədiyini desə də, tənqidçilər onu hakimiyyəti əlində cəmləşdirməkdə qınayırlar.
İzmirdəki çıxışında Ərdoğan deyib ki, Avropada yaşayan türklər əzilir, alçaldılırlar.
"Avropa elədiyinin bədəlini ödəyəcək. Allah qoysa, Avropa Birliyinin məsələsinə aprelin 16-dan sonra baxılacaq", – o söyləyib.
Bəzi AB ölkələrinin Türkiyə siyasətçilərinin referendum təbliğatına imkan verməməsi ikitərəfli gərginliyi artırıb.(azadliq.org)
Bazar ertəsi, 10 Aprel 2017 00:00

"3 ildir, ət yemirəm" - VİDEOSORĞU

Yazan
Son aylarda ətin qiymətində artım müşahidə olunur. 
Şəhər sakinləri arasında bu mövzu ilə əlaqədar sorğu keçirdik. 
Buyurun, izləyin:
Bazar ertəsi, 10 Aprel 2017 00:00

Regionlarda elektron xidmətlərə maraq artır

Yazan

Region sakinlərinin respublikamızda göstərilən elektron xidmətlərlə bağlı maarifləndirilməsi üçün növbəti tədbir Bərdədə keçirilib. xeber.info xəbər verir ki, tədbirdə Bərdə rayonundan olan 34 sakin iştirak edib. Tədbiri giriş sözü ilə açan Bərdə Rayon İcra Hakimiyyətinin ictimai-siyasi və humanitar məsələlər şöbəsinin baş məsləhətçisi Fəxrəddin Əzizov elektron xidmətlərlə bağlı əhalinin məlumatlılığının artırılmasının əhəmiyyəti barədə danışıb.

Tədbirdə çıxış edən Regional İnsan Hüquqları və Media Mərkəzinin eksperti Xalid Kazımov bildirib ki, tədbirin keçirilməsində əsas məqsəd elektron xidmətlərlə bağlı rayon sakinlərinin məlumatlılığının artırılmasıdır: "Həmçinin, elektron xidmətlərdən  istifadə etmək ehtiyacı olan insanlara texniki yardımın göstərilməsinə çalışırıq. Proqram çərçivəsində əhalinin elektron xidmətlər və onlardan istifadə ilə bağlı məlumatlılığını artırmaq üçün təbliğat materialları da hazırlanıb. Bukletdə “Elektron hökumət” portalı, dövlət qurumları və ictimai xidmətləri yerinə yetirən digər qurumlar tərəfindən göstərilən elektron xidmətlərlə bağlı məlumat toplanıb. Eyni zamanda bukletdə əhalinin www.e-gov.az portalının imkanlarından necə istifadə etməklə bağlı məlumat verilib. Əhalinin elektron xidmətlər və onlardan istifadə ilə bağlı məlumatlılığını artırmaq üçün iki televiziya verilişi də hazırlanaraq yayımlanıb. Bu gün burada elektron xidmətlərdən istifadə imkanları ilə bağlı əlavə məlumat ala biləcəksiniz”.

Daha sonra tədbirdə Nəqliyyat, Rabitə və Yüksək Texnologiyalar Nazirliyinin Məlumat Hesablama Mərkəzinin ekspertləri Günay Hüseynova və  Elvin Cəfərov çıxış ediblər.

Nəqliyyat, Rabitə və Yüksək Texnologiyalar Nazirliyinin Məlumat Hesablama Mərkəzinin eksperti Günay Hüseynova iştirakçılara  elektron xidmətlərin üstünlükləri, "Elektron hökumət" portalı ilə bağlı məlumat verib: “Elektron hökumət” - müasir informasiya texnologiyalarından istifadə etməklə dövlət qurumları  tərəfindən vətəndaşlara, sahibkarlara və dövlət qulluqçularına “vahid pəncərə” prinsipi əsasında  elektron xidmətlərin göstərilməsinə şərait yaradan sistemdir. “Elektron hökumət”  vasitəsi ilə hər bir vətəndaş dövlət təşkilatları və ictimai xidmət göstərən digər qurumlar tərəfindən təqdim edilən xidmətlərə asanlıqla çatmaq imkanlarına malikdir. “Elektron hökumət” portalında 89 qurumun, o cümlədən 41 dövlət təşkilatının 433 elektron xidməti mövcuddur”.

Nəqliyyat, Rabitə və Yüksək Texnologiyalar Nazirliyinin Məlumat Hesablama Mərkəzinin əməkdaşı Elvin Cəfərov iştirakçılara “Elektron hökumət” portalında qeydiyyatdan keçmək üçün mövcud olan 4 autentifikasiya  (tanıma, identikləşdirmə) vasitəsi  ilə bağlı məlumat verib: “Hazırda portalda qeydiyyatdan keçmək üçün 4 autentifikasiya  (tanıma, identikləşdirmə) vasitəsi  təqdim edilir. İstifadəçi ona rahat olan həmin vasitələrdən birini seçməklə portala giriş edə bilər. Bunlar  “E-imza” kartı, “E-Gov” mobil identifikası vasitəsi, “Elektron hökumət” portalı tərəfindən vətəndaşa verilən kod/parol və “Asan imza”dır. “Elektron hökumət” portalı  vasitəsi ilə əksər dövlət qurumları öz xidmətlərini təqdim edirlər. Hazırda ən çox istifadə edilən xidmətlər  sırasında Əmək və Əhalinin Sosial Müdafiəsi Nazirliyinin göstərdiyi xidmətlərdir. Portalda, həmçinin arayışların elektron qaydada verilməsi imkanı yaradılıb ki, buna da maraq böyükdür”.

Daha sonra “Elektron hökumət” portalında qeydiyyat və portal  vasitəsi ilə göstərilən elektron xidmətlərdən istifadə ilə bağlı iştirakçılara əyani məlumat verilib. İştirakçılar elektron qaydada əldə edilməsi mümkün olan arayışlarla bağlı təcrübi məlumat alıblar.

Sonda tədbirdə fəal iştirak edənlərə «Elektron hökumət» portalından istifadə üçün istifadəçi adı və şifrə verilib.

Qeyd edək ki, Niderland Xarici İşlər Nazirliyinin maliyyə dəstəyi ilə Avrasiya Əməkdaşlıq Fondu “Azərbaycanda İnsan Haqları, Demokratikləşmə və Yaxşı İdarəetmənin Təşviqi” Proqramını  həyata keçirir. Bu tədbir də Regional İnsan Hüquqları və Media Mərkəzi İctimai Birliyinin eksperti ilə Avrasiya Əməkdaşlıq Fondu  arasında bağlanmış "Elektron xidmətlərdən istifadədə region sakinlərinə  köməkliklərin göstərilməsi" adlı xidmət çərçivəsində icra edilir.

Son zamanlar bəzi müxalifət partiyalarında maraqlı hadisələr cərəyan etməkdədir. Amma maraqlıdır ki, bu hadisələr ciddi- cəhdlə ictimaiyyətdən, mətbuatdan gizlədilir. Belə hadisələrdən biri bu yaxınlarda Klassik Xalq Cəhbəsi Partiyasında baş verib. Belə ki, KXCP Ali Məclisinin üzvü, partiyanın Ağsu rayon şöbəsində qeydiyyatda olan Elşən Əlisoy (Məmmədov) adı çəkilən rayon şöbəsinin məclisinin qərarı ilə partiya sıralarından xaric olunub. Bu barədə Samir Süleymanov adlı şəxs facebook səhifəsində yazıb. S.Süleymanov iddia edir ki, Elşən Əlisoy partiyadan xaric olunmamışdan bir müddət öncə “Şəhid ailələri haqqında” Qanunu icra etmədiyinə görə İlham Əliyevi məhkəməyə verib və bu barədə məlumat bir sıra aparıcı mətbuat orqanlarında dərc olunub: "Bizi bilgiləndirən mənbənin sözlərinə görə şöbə məclisinin sözü gedən qərarın qəbul olunmasında yetərsay olmayıb. Maraqlı hadisələr qərarın qəbulundan sonra da davam edib. Belə ki, KXCP Ali Məclisinin ötən bazar günü keçirilən sessiyasında bəzi məclis üzvləri məsələnin müzakirəyə çıxarılımasını təklif etsələr də partiyanın sədri Mirmahmud Mirəlioğlu bunun əleyhinə olaraq əksinə Elşən Əlisoyun partiyadan çıxarıldığını əsas gətirib onun məclisi tərk etməsini istəyib. Elşən Əlisoy da məclisi tərk edib. Ağsu cəhbəçisi partiyadan çıxarılması ilə bağlı rayon şöbəsinin qərarından Mərkəzi Nəzarət Təftiş Komissiyasına şikayət edib. Hazırda məsələ partiyada müzakirə mövzusudur.

Bir müddət öncə Prezident Administrasiyasının şöbə müdiri Əli Həsənovla nəticəsiz və imitasiya xarakterli “dialoq müzakirəsi”- nin alovlu təşəbbüskarlarından və iştirakçılarından olan KXCP sədri M. Mirəlioğlunun İlham Əliyevi məhkəməyə verən cəhbəçinin partiyadan çıxarılmasına dolayısıyla dəstək verməsi bəzi qaranlıq məqamlara aydınlıq gətirir. Mənbənin məlumatına görə Elşən Əlisoy hakimiyyətin sifarişi ilə KXCP-dən uzaqlaşdırılıb ki, bu addımın ardınca onun həbsi də reallaşa bilər.

Məlumat üçün bildirək ki, Kəlbəcər rayonundan məcburi köçkün olan Elşən Əlisoyun atası Qarabağ ugrunda gedən döyüşlərdə şəhid olub. Özü isə 2003- cü ildə keçirilən mitinqlər zamanı polis zorakalığına məruz qalıb və siyasi həbs həyatı yaşayıb. Əvvəllər teleqraf.az, hazırda isə sozçü.az saytının redaktorudur. Milli Şuranın mitinqlərində digər partiya üzvləri ilə birlikdə fəal iştirak edib".

İsveçin paytaxtı Stokholmda sürücü yük maşınını kütlənin üzərinə sürüb.
Trend-in məlumatına görə, 3 nəfər həlak olub, xəsarət alanlar var.
Hadisə yerində polis və təcili tibbi yardım heyəti çalışır. İnsident araşdırılır.
18 -dən səhifə 148