AXCP sədrinin müavini Gözəl Bayramlının üç il azadlıqdan məhrum edilməsi barədə hökm qüvvəyə mindi.

Aprelin 20-də Gəncə Apellyasiya Məhkəməsində siyasətçi xanım barədə qərar elan olunub. Qərara əsasən, G.Bayramlının apellyasiya şikayəti təmin olunmayıb, Qazax Rayon Məhkəməsinin hökmü qüvvədə saxlanıb.

Qərardan öncə hakim bildirib ki, Gürcüstan-Azərbaycan sərhədindəki gömrük-buraxılış məntəqəsindəki kameraların görüntülərini almaq üçün Dövlət Sərhəd Xidmətinə və Dövlət Gömrük Komitəsinə sorğu göndərilmişdi. Hər iki orqandan cavab gəlib. DSX-nın İstintaq İdarəsinin rəisi Mübariz Məmmədovun cavab məktubunda yazılıb ki, həmin görüntülər üçün gömrük komitəsinə müraciət olunmalıdır.

Gömrük Komitəsindən isə bildirilib ki, görüntülər bir ay ərzində saxlanılır. Bu hadisədən isə bir ilə yaxın vaxt keçir.

Vəkil Elçin Sadıqov deyib ki, eyni cavab istintaq zamanı da alınmışdı: "Amma biz istintaq zamanı internetdən əldə etdiyimiz bir sənədi təqdim etmişik. Həmin sənəddə göstərilir ki, DSX 2012-ci ildə avadanlıq alıb. O avadanlıqlar görüntüləri saxlamaq qabiliyyətindədir. Belə çıxır ki, Avropa Birliyinin qrantı ilə alınmalı olan avadanlıq alınmayıb, mənimsənilib".

Daha sonra prokuror çıxış edərək, hökmün qüvvədə saxlanmasını istəyib.

G.Bayramlı özü isə həbsinin siyasi sifariş olduğunu bir daha vurğulayıb: "Heç bir ədalətli qərar gözləmirəm. Nə sifariş verilibsə, o da olacaq".

Ardınca qərar elan olunub.

Xatırlatma
AXCP sədrinin müavini G.Bayramlı mayın 25-i axşam saatlarında Gürcüstandan qayıdarkən saxlanıb. Dövlət Sərhəd Xidmətinin İstintaq və Təhqiqat İdarəsində Cinayət Məcəlləsinin 206.1-ci (qaçaqmalçılıq) maddəsi ilə cinayət işi başlanıb. Qazax Rayon Məhkəməsinin hökmü ilə 3 il azadlıqdan məhrum edilib.

Rəsmi açıqlamada Gürcüstandan qayıdarkən G.Bayramlının əşyaları arasında bəyan edilməmiş 12 min dollar pul tapıldığı iddia olunur. G.Bayramlı isə məhkəmədə deyib ki, həmin pulu hüquq-mühafizə əməkdaşları özləri onun əşyaları arasına atıblar, onun həbsi siyasi xarakter daşıyır.

O, Gürcüstana müalicə məqsədilə getdiyini, son iki ildə Gürcüstanda dörd dəfə əməliyyat olunduğunu bildirib.(azadlıqradiosu)

Azərbaycan prezidenti İlham Əliyev istehlak bazarına nəzarət, standartlaşdırma, metrologiya və əqli mülkiyyət hüquqları obyektlərinin mühafizəsi sahəsində idarəetmənin təkmilləşdirilməsi ilə bağlı tədbirlər haqqında sərəncam imzalayıb.
Sərəncama əsasən İqtisadiyyat Nazirliyi yanında Antiinhisar Siyasəti və İstehlakçıların Hüquqlarının Müdafiəsi Dövlət Xidməti əsasında mərkəzi icra hakimiyyəti orqanı olan Azərbaycan Respublikasının Antiinhisar və İstehlak Bazarına Nəzarət Dövlət Agentliyi yaradılıb.
Müəllif Hüquqları Agentliyinin və Patent və Əmtəə Nişanları Mərkəzinin birləşmə formasında yenidən təşkili yolu ilə Azərbaycan Respublikasının Əqli Mülkiyyət Agentliyi yaradılıb. Standartlaşdırma, Metrologiya və Patent üzrə Dövlət Komitəsi isə ləğv edilib.
Ləğv edilmiş Komitənin texniki tənzimləmə, standartlaşdırma, metrologiya, uyğunluğun qiymətləndirilməsi, akkreditasiya və keyfiyyətin idarə edilməsi sahəsində səlahiyyətləri Dövlət Agentliyinə, sənaye mülkiyyəti obyektlərinin mühafizəsi sahəsində səlahiyyətləri isə Əqli Mülkiyyət Agentliyinə verilib. “Azərbaycan Metrologiya İnstitutu”, “Azərbaycan Standartlaşdırma İnstitutu” və “Azərbaycan Akkreditasiya Mərkəzi” publik hüquqi şəxslərin təsisçilərinin səlahiyyətlərini Dövlət Agentliyi həyata keçirəcək.

Bakı şəhər icra başçısının rəhbəri Hacıbala Abutalıbov istefa verib.

Yenicag.az-a etibarlı mənbədən daxil olan məlumata görə, ötən gün Abutalıbov təhvil-təslim edib.

Onun bu gün təyin olunacaq baş nazirə müavin gedəcəyi iddia olunur.

Qeyd edək ki, Abutalıbov 2000-ci ilin yanvarında 1 il müddətinə Azərbaycan Respublikası Baş nazirinin müavini vəzifəsində çalışıb. O, 2001-ci ilin yanvarından Azərbaycan Respublikası Prezidentinin Fərmanı ilə Bakı Şəhər İcra Hakimiyyətinin başçısı təyin edilib.

Cümə, 20 Aprel 2018 00:00

"Media Klub" yaradıldı

Yazan

Aprelin 19-da ölkənin müstəqil media ictimaiyyətinin bir qrup nümayəndəsi "Media Klub"un yaradıldığını elan edib. 

Klubun məqsədi kimi ölkənin müstəqil, sağlam informasiya məkanının formalaşdırılmasıdır.

"Media Klub"un yaradılması haqqında bəyanatı Arif Əliyev, Elçin Şıxlı, Elimdar Əliyev, Ələsgər Məmmədli, Əvəz Zeynallı, Qulu Məhərrəmli, Mehman Əliyev, Zahir Əzəmət imzalayıblar.

Sənəddə qeyd edilir ki, media ictimaiyyətinin nümayəndələri Azərbaycanda müstəqil, keyfiyyətli və məsuliyyətli KİV-in təşəkkülünə və onlara olan ictimai etimadın bərpa olunmasına kömək edəcək mühitin yaradılması, o cümlədən informasiya vasitələrinin manipulyasiya, təcavüz, təhqir və yalan sisteminə çevrilməsi cəhdlərinin qarşısının alınması məqsədi ilə səylərin birləşdirilməsini zəruri hesab edirlər.

"Media Klub"un yarasılması ideyası Azərbaycan informasiya məkanının üzləşdiyi, ənənəvi KİV-in böhranı və sosial şəbəkələrin manipulyasiya sisteminə çevrilməsi cəhdləri ilə səciyyələnən çağırışlarla şərtlənib. 

Media Klubun yaradılması haqqında bəyanatda deyilir:

Hazırda Azərbaycanın informasiya məkanı həm ənənəvi KİV-lərin böhranı, həm də sosial şəbəkələrin artan təsiri ilə səciyyələnir.

Mətbuat böhranı özünü yaradıcılıq azadlığı və iqtisadi müstəqilliyin itirilməsi, etik prinsiplərinin pozulması, peşəkarlıq səviyyəsi və ictimai əhəmiyyətinin xeyli azalmasında göstərir. Bu proses tele-radio yayım vasitələrində daha ağrılı şəkildə gedir. Mətbuat bütün birliklər, fərdlər, dövlət və cəmiyyət arasında ictimai vasitəçi funksiyasını getdikcə daha çox itirir. Sosial şəbəkələr fərdi təşəbbüslər səviyyəsində bu funksiyaları üzərinə götürməyə və ənənəvi KİV-lərə ictimai etimadın itirilməsi fonunda yaranmış informasiya boşluğunu doldurmağa çalışır. Lakin hakimiyyətin bəzi dairələrinin bu təşəbbüsləri boğmaq və İnternet məkanını böhtan və təhqirlərin yayılması üçün istifadə etmək üzrə göstərdiyi son cəhdlər sosial şəbəkələrin manipulyasiya sisteminə çevrilməsi təhlükəsini yaradır.

Bunlarla əlaqədar, biz - media birliyinin nümayəndələri, ölkədə müstəqil, keyfiyyətli və məsuliyyətli KİV-in təşəkkülünə və onlara olan ictimai etimadın bərpa olunmasına kömək edəcək mühitin yaradılması, o cümlədən informasiya vasitələrinin manipulyasiya, təcavüz, təhqir və yalan sisteminə çevrilməsi cəhdlərinin qarşısının alınması məqsədi ilə səylərin birləşdirilməsini zəruri hesab edirik.

Bu məqsəd və vəzifələrin həyata keçirilməsi üçün biz, informasiya cəmiyyətinin, o cümlədən media və sosial şəbəkələrin mənafeyinin müdafiə və təmin olunması məqsədini güdən birlik olaraq Media Klubu yaratmaq qərarına gəlmişik.

Bununla əlaqədar aşağıdakı tədbirləri görmək niyyətindəyik:

- İnformasiya cəmiyyətinin aktual problemlərini müzakirə etmək üçün daimi fəaliyyət göstərən diskussiya platforması yaratmaq;

- İnformasiya cəmiyyəti həmrəyliyini gücləndirmək;

- Sağlam informasiya cəmiyyətinin inkişafı və qorunması üçün qanunvericilik təklifləri ilə çıxış etmək və media sferasını irəlilətmək;

- Cəmiyyətin informasiya təhlükəsizliyinin qorunması üçün tövsiyələr hazırlamaq;

- KİV-in iqtisadi tərəqqisinə, jurnalist peşəkarlığının artırılmasına, etik standartların tətbiqinə, kommunikasiya vasitələri və informasiya məkanı iştirakçılarının hər cür təzyiq formalarından müdafiə olunmasına kömək etmək məqsədi ilə tədqiqatlar aparmaq, tövsiyələr hazırlamaq və onların praktiki tətbiqini həyata keçirmək.

Media Klubu bu vəzifələrin həyata keçirilməsi və qarşıda duran problemlərin həll olunması üçün cəmiyyətin bütün sosial qurumları, o cümlədən müstəqil jurnalist təşkilatları ilə əməkdaşlıq edəcək.

Azərbaycan media mühitinin sağlamlaşdırılması üçün narahat və həssas olan bütün media nümayəndələrini həmrəyliyə səsləyirik.

Çərşənbə, 18 Aprel 2018 00:00

Azərbaycan nefti 74 dollar həddini keçdi

Yazan

CIF bazisi üzrə İtaliyanın Augusta limanı şərtləri ilə Azərbaycanın yüngül neftinin qiyməti aprelin 18-də 74,61 dollar/barel təşkil edib ki, bu da çərşənbə axşamına olan göstəricidən 1,55 dollar/barel çoxdur.

Bu barədə Trend-ə ölkənin neft-qaz bazarındakı mənbə bildirib.

FOB bazisi üzrə Türkiyənin Ceyhan limanında Azərbaycanın yüngül neftinin qiyməti aprelin 18-də 74,04 dollar/barel təşkil edib ki, bu da əvvəlki qiymətdən 1,54 dollar/barel çoxdur.

Novorossiysk limanından yüklənən URALS neftinin qiyməti aprelin 18-də 69,63 dollar/barel təşkil edib ki, bu da Trend-ə görə, əvvəlki qiymətdən 1,69 dollar/barel çoxdur.

Şimal dənizindən hasil edilən "Brent Dated" etalon növlü neftin qiyməti isə aprelin 18-də 73,42 dollar/barel təşkil edib. Bu, əvvəlki qiymətdən 1,57 dollar/barel çoxdur.

“RAHAT” marketlər şəbəkəsi mağazadan oğurluq edən şəxsin döyülməsi ilə bağlı yayılan informasiyalara münasibət bildirib.

Şirkətdən Oxu.Az-a verilən məlumata görə, mətbuatda mağazadan oğurluq edərkən yaxalanmış şəxsin döyülməsi ilə bağlı yazılanlar həqiqəti əks etdirmir:

“Həmin şəxs mağazadan 19 ədəd “Alpen Gold” şokoladı götürüb. O, şokoladları gizlədərək çıxmaq istəyərkən əməkdaşlarımız onu mağazaya dəvət edib. Lakin naməlum şəxs qaçmağa başlayıb. Hadisə axşam, hava qaralandan sonra baş verib.

Qaçan şəxs qaranlıqda yıxılıb. Yıxılanda onun qaşının üstü əzilib. Yəni, həmin şəxsin market əməkdaşları tərəfindən döyülməsi qeyri-mümkündür. Çünki “Rahat”da mühafizəçilərin kimisə döyməsi, vurması qəti qadağan olunub. Bundan başqa, təhlükəsizlik kameralarının çəkdiyi kadrlarda həmin şəxsin əməkdaşımızı itələyərək, qaçmağa başlaması aydın görünür”.

Daha sonra marketlər şəbəkəsindən həmin şəxsin Nizami Rayon Polis İdarəsinin 24-cü Polis Bölməsinin əməkdaşlarına təhvil verildiyi deyilib:

“Həmin şəxsə qarşı zorakılıq barədə yayılan xəbərlərin yalan olduğunu sübüt edən görüntülər də var”.

Qeyd edək ki, market tərəfindən təqdim olunan kadrlarda oğurluq faktı ilə yanaşı, hadisə yerində saxlanılan şəxsin marketin əməkdaşlarına müqavimət göstərməsi, onları itələyərək, qaçmağa cəhd göstərməsi aydın görünür.

Çərşənbə axşamı, 17 Aprel 2018 00:00

Siyasi fəalın ailəsi təhdid olunur - VİDEO

Yazan

30714636 1668812529850863 1199234888578891776 n11 aprel 2018-ci il tarixdə Almaniyanın paytaxtı Berlində Azərbaycan səfirliyi önündə etiraz aksiyası keçirilməsi ilə bağlı məlumat vermişdik. Həmin tarixdəki aksiya, Azərbaycanda saxta prezident seçkilərinə etiraz edən Avropada yaşayan azərbaycanlı mühacirlər tərəfindən təşkil olunmuşdu.

Aksiyada iştirak edən siyasi-ictimai fəalların ailələrinə təhdid olunur. Bu barədə siyasi fəal Orxan Həbibli məlumat verib.30714531 1669193159812800 6048816362392911872 n

Onun sözlərinə görə, aksiyada iştirak edən fəalların səfirlik tərəfindən video görüntüləri götürülüb. Hökumət videoda görüntülənən fəalların ailə üzvlərinə təzyiqə başlayıb: “Mən Berlində təşkil olunmuş aksiyada iştirak etmişəm. Aksiyada iştirak edənlərin görüntüləri səfirlik tərəfindən götürülüb. Təqdim etdiyimiz foto səfirliyin pəncərəsidir. Azərbaycan polisi bu görüntülərə düşən siyasi mühacirlərin ailə üzvlərini təhdid edir. Azərbaycan hökuməti mühacirləri cəzalandıra bilmədiyi üçün onların qohumlarını təhdid altında saxlayır”.

O.Həbibli aksiyada təzyiqlə üzləşdiyini də deyir: “İlham Əliyevin muzdlu qoçuları hətta Berlin aksiyasında bizə hücum etdilər. İdmançı görkəmində olan şəxslər bizi Almaniyada da rahat buraxmırlar. Onlardan bir pezəvəng aksiyada qaldırdığım etiraz plakatını zorla əlimdən aldı, üzərinə DİKTAOR İLHAM yazılmış fotonu cırdı və məni ağır söyüşlərlə təhqir elədi”.

https://www.facebook.com/dogruyol.aze/videos/2158850151011074/

30724915 1669710613143918 6905636366277672960 n

30652339 2154413601454729 8623852648816181248 n

“Diktatoru tanıdaq!” aksiyasına qoşularaq Bakıda İlham Əliyevin üzərinə diktator yazılmış fotosunu divara yapışdırdığı üçün faktiki oğurlanaraq 5 gün hüquq-mühafizə orqanlarının girovluğunda saxlanılan fəal Fatimə Mövlamlı ətrafında vəziyyət yenidən gərginləşib.

Belə ki, F.Mövlamlı başına gələnlər barədə canlı yayımla verdiyi açıqlamada ondan AXCP rəhbərliyindəki gənclərə qarşı təxribatda rol almaq istənildiyi, amma onun bunu rədd etdiyini deyib. Bu gün isə AXCP Gənclər Komitəsinin sədri Emil Səlimov, eləcə də hüquq müdafiəçisi Oqtay Gülalıyev İnsan Alverinə Qarşı Mübarizə İdarəsinə çağırılıblar. Onların hər ikisi bu çağırılmanın F.Mövlamlı hadisəsilə bağlı olduğunu güman etdiklərini açıqlayıblar.

F.Mövlamlının özü isə həmin canlı yayımdan əvvəl – aprelin 6-da, inzibati girovluqdan sərbəst buraxılan günün səhərisi azadliq.info-ya açıqlma verib, İnsan Alverinə Qarşı Mübarizə İdarəsində başına gələnləri danışıb.

Aprelin 10-da idarənin əməkdaşları yenidən onunla görüşüb, mobil telefonunu əlindən alaraq nömrəsini qırıb və yeni nömrə veriblər. Bu barədə də o, yeni açıqlama verib.

Aprelin 14-də F.Mövlamlı ona verilən nömrəni tullayaraq mitinqə gedib. Mitinq qurtaran zamanı o, yenidən axtarılıb və bu dəfə “Azadliq” qəzetinin redaksiyasına gələrək kömək istəyib.İnsan Alverinə Qarşı Mübarizə İdarəsinin ööünü İlham Rəhimov kimi təqdim edən əməkdaşı isə Fatimə Mövlamlının evinə gedib. Onu evdə gözlədiyini bildirib, ya da harada olduğunu deməsini istəyib.

Anası ilə vatsapla əlaqə saxlayan F.Mövlamlı əməkdaşımızın möbil nömrəsini verib ki, gələndə əlaqə saxlasınlar. Fatimə Nəşriyatda olduğunu dedikdən sonra həmin əməkdaş 10 NA 015 dövlət nömrə nişanlı avtomobillə onun arxasınca gəlib. 051 506 …. nömrəsi ilə zəng edən əməkdaş Fatiməni aparmaq itəsə də, o getməyib.

İkinci dəfə onun anasını gətiriblər. Bu dəfə Kamil adı ilə özünü təqdim edən bir əməkdaş da gəlib. Fatimə getməyə məcbur qalıb. Amma İnsan Alverinə qarşı Mübarizə idarəsinin əməkdaşlarını aprelin 6-da və 10-da verdiyi açıqlamalar barədə xəbərdar edib. Bir saatdan sonra İlham Rəhimov yenidən Fatimə Mövlamlının anasnı redaksiyaya göndərib, həmin açıqlmanın silinməsini istəyib. Əməkdaşlarımıza hədə-qorxu gəlinib. Açıqlamanın yayılaçağı təqdirdə Fatmənin “yox” olaçağı, “intihar edəcəyi” və bunun məsuliyyətinin “Azadlıq” qəzetinin əməkdaşları üzərində qalacağı deyilib.

F.Mövlamlı həmin gün yenidən İnsan Alverinə Qarşı Mübarizə İdarəsinə aparlıb. Ertəsi gün hüquq müdafiəçisi Oqtay Gülalıyevi baş verənlər barədə məlumatlandırıb. Hüquq müdafiəçis Daxili İşlər naziri və Baş Prokurora müraciət ünvanlayıb. Faimə Mövamlı ondan kimlərinsə əleyhinə istifadə edilməməsi üçün həmin açıqlamaları yaymağımıza təkidlə israr edib.

Ermənistan paytaxtında keçmiş prezident Serj Sarkisyana qarşı bu gün səhər saatlarından başlayan etiraz aksiyası toqquşmalara səbəb olub. 

Panarmenian.net xəbər verir ki, polis aksiyaya müdaxilə edib, nəticədə onlarla insan xəsarət alıb.

Ermənistanın "Vətəndaş müqaviləsi” hərəkatının lideri, deputat Nikol Paşinyan çağırışı ilə etirazlar Baqramyan küçəsinə – parlamentin binasına doğru yürüşə başlayıb. Bundan sonra Paşinyanın özünə hücum edilib və o xəsarət alıb. 

Paşinyanla birlikdə onlarla yaralının təcili yardım maşınları ilə xəstəxanalara çatdırıldığı bildirilir. 

Məlumata görə, yaralılar arasında 3 polis əməkdaşı da var.

17:55 Paşinyan yenidən aksiya iştirakçılarının arasına qayıdıb. O bildirib ki, polisin istifadə etdiyi səs bombası onun gözünə xəsarət yetirib. Deputat qeyd edib ki, azadlıq yolunda ölməyə də hazırdır. 

17:35 Minlərlə insan parlamentin binasını mühasirəyə alıb – aksiya davam edir.

Aksiya iştirakçıları konstitusiyanı dəyişərək, hakimiyyəti yenidən öz əlində saxlayan Serj Sarkisyanın istefasını tələb edir. 

*** 

Bazar ertəsi səhər tezdən Yerevanın mərkəzi küçələrində avtomobil tıxaclarıdır. Serj Sarkisyanın baş nazir seçilərək hakimiyyətə qayıtmasına qarşı etiraz edənlər yolların ortasında oturub, ya əl-ələ verib nəqliyyatın hərəkətini dayandırır.

BBC yazır ki, yüzlərlə tələbə etiraz aksiyalarına qatılıb. Onlar tələbə yoldaşlarını tətilə qoşulmağa çağırırlar. Tələbələr canlı hasar yaradaraq, küçələri bağlayır. Bəzi sərnişin və sürücülər narazılıq edir, bəziləri avtomaşından düşüb etirazçılara birləşirlər.

Təşkilatçılar sürücü və sərnişinlərdən üzr istəyərək, izah edirlər ki, dözümlü olsunlar.

"Müvəqqəti narahatlığa görə dözümlü olmağı xahiş edirik. Bu, daha böyük narahatlıqdan – Serj Sarkisyan mafiyasının hakimiyyətə qayıtmasından – xilas olmaq üçün atılan məcburi addımdır”, – hərəkata rəhbərlik edən müxalif millət vəkili Nikol Paşinyan səsucaldanla elan edir və tərəfdarlarını narazılıq izhar edən digər sakinlərlə mübahisəyə girməməyə çağırır.

Bəzi yerlərdə polis güclə yolları açmağa uğursuz cəhdlər edir...

Etiraz aksiyalarını idarə edən millət vəkili Nikol Paşinyan bazar ertəsi paytaxt Yerevanda kütləvi itaətsizlik proqramını elan edib.

Ermənistan paytaxtında bu səhərdən başlanan kütləvi vətəndaş itaətsizlik tədbirlərinin planını Serj Sarkisyanın baş nazir qismində hakimiyyətə qayıtmasına qarşı davam edən fasiləsiz etiraz aksiyasının lideri, millət vəkili Nikol Paşinyan dünən axşam mitinq zamanı elan edib.

Nəzərdə tutulan tədbirlər Ermənistan paytaxtında nəqliyyat hərəkətini tam iflic edə bilər.

Milli Məclisdə çoxluq təşkil edən hakim Ermənistan Respublikaçılar Partiyası (ERP) fraksiyası öz lideri, keçmiş prezident Serj Sarkisyanın namizədliyini irəli sürülmək üçün bazar ertəsi yığışmalıdır və aksiyanın başlıca məqsədi də bu iclasın işini iflasa uğratmaqdır.

Şənbə günü hakim partiyanın İdarə Heyəti aprelin 9-da ikinci prezidentlik müddəti başa çatan Serj Sarkisyanın namizədliyini baş nazir vəzifəsinə təqdim edib.

Gecə meydanda qalanlar üçün çadırlar qurulub

Yeni 2015-ci il Konstitusiyasına əsasən, baş nazirin namizədliyini səs çoxluğu ilə Milli Məclis təsdiq etməlidir.

Hazırda hakim partiya öz koalisiya müttəfiqi Daşnaksutyun Erməni İnqilabi Federasiyası fraksiyası ilə parlamentdə kifayət qədər səsə malikdir.

Nikol Paşinyan Yerevanın mərkəzində mitinq zamanı Yerevan əhalisinə müraciət edərək, bazar ertəsi səhər saatlarında, ilk növbədə paytaxt rayonlarını şəhərin mərkəzilə birləşdirən körpüləri bağlamağa çağırdı.

O, əhalini öz şəxsi avtomobilləri ilə körpü üzərindən yol hərəkətini bağlayıb piyada Milli Məclis binası yerləşən Bağramyan prospektinə getməyə çağırdı.

"Sizin avtomaşınlarınız körpünün üstündə nasaz ola bilər. Siz onları orada qoyub, piyada parlament binasının ətrafına gedə bilərsiniz”, – Paşinyan bəyan etdi və yol boyunca Yerevan sakinlərini aksiyaya qatılmağa səsləməyi təklif etdi.

Opera teatrı ətrafından skamyaları yığıb Fransa meydanında kəsişən Bağramyan, Sayat Nova və Tumanyan prospektləri bağlanıb.

Yerüstü nəqliyyatdan başqa, metronun da hərəkəti dayandırılmalıdır. Bunun üçün etirazçılar metro vaqonlarının açıq qapıları arasında yerə uzanarlar.

Paşinyan tələbələri də tətil elan edib Bağramyan prospektinə, parlament binası ətrafına toplaşmağa çağırdı.

Müxalif millət vəkili hətta özü və ya etiraz aksiyalarını təşkil edən fəalların bu gecə həbs olunması təqdirdə, kütləvi itaətsizlik planının qüvvədə qaldığını dedi.

"Mən millət vəkiliyəm. Həbs etmək üçün məni parlamentə aparmalıdılar və parlament mənim deputat toxunulmazlığımı ləğv etmək qərarı qəbul etməlidir. Mən parlament tribunasından çıxış edib, gələcək hərəkətlər planımızı deyərəm”, – Paşinyan deyib.

Etiraz iştirakçıları üçüncü gündür ki, Yerevanın mərkəzində bir neçə küçə və prospektində nəqliyyatın hərəkətini bağlayıb və gecə-gündüz fasiləsiz aksiyalar keçirir.

Yüzlərlə insan mitinqdən sonra gecəni burada keçirir. Onlar üçün burada bir neçə xarici diaspor ermənilərinin ianələri hesabına pulsuz bufet təşkil edilib.

Hələlik hüquq-mühafizəçi orqanları nəinki müdaxilə etmir, hətta yaxınlıqda bir nəfər də olsa polis əməkdaşı görünmür.

Bazar ertəsi, 16 Aprel 2018 00:00

Ramiz Mehdiyevə ''Şöhrət'' ordeni verildi

Yazan

Prezident Administrasiyasının rəhbərinin ailəsinə məxsus böyük torpaq sahələri var

Azərbaycan prezidenti İlham Əliyev aprelin 16-da Prezident Administrasiyasının rəhbəri Ramiz Mehdiyevi 80 illiyi münasibətilə "Şöhrət” ordeni ilə təltif edib. 

Məlumatı prezidentin mətbuat xidməti yayıb. Bildirilir ki, Ramiz Mehdiyev bu təltifə və onun fəaliyyətinə verdiyi yüksək qiymətə görə İlham Əliyevə minnətdarlığını bildirib.

"Sizin rəhbərliyiniz altında Azərbaycanda bütün sahələrdə çox yüksək nailiyyətlər əldə olunub. Minnətdaram”.

80 yaşlı Ramiz Mehdiyev 23 ildir ki, vəzifədədir. Onun adı 2010-cu ildə adı deputat mandatını 1 milyona satmaqda hallanıb. Beynəlxalq Universitetin rəhbəri Elşad Abdullayev onu siyasi qətllərdə də günahlandırırdı.

Ramiz Mehdiyevin ailəsi ilə bağlı Azadlıq Radiosunun araşdırmasında isə deyilir ki, onun 74 yaşlı xanımı Qalina Yuryevnanın hər ailənin orta hesabla 2-3 hektar torpaq sahəsi olan Dağın ətəyində yerləşən Goranboyun Xınalı kəndində 25 hektarlıq bağı var. Amma xanım Mehdiyevanı və ailəsini kənd təsərrüfatına təkcə bu torpaq bağlamır. Mehdiyevlər dövlətdən də yardım alır.

Kənd Təsərrüfatı Nazirliyi yanında fəaliyyət göstərən dövlət subsidiyaları üzrə Respublika Komissiyasının sənədlərinə görə, Qalina Mehdiyevanın keçmiş Maştağa subtropik bitkilər sovxozunun ərazisində 8,92 hektar, qızı – BDU-nun Sosial və pedaqoji psixologiya kafedrasının müdiri Kəmalə Əliyevanın isə 2,4 hektar bağ sahəsinin olduğunu bildirir.

Bundan başqa, ailənin mülkiyyətində Novxanıda 100 hektarlıq üzüm bağı da var. Mehdiyevlər götürdükləri gəlirdən əlavə, bu torpaq sahələrinə qulluq etdiklərinə görə hər il dövlətdən 5 566 manat yardım alırlar.

Rəsmi sənədlərə görə, Novxanı kəndində 2016-cı il ərzində bircə nəfər dövlətdən subsidiya alıb. O da Qalina Mehdiyevadır.(meydan.tv)

23 -dən səhifə 198