Müsəlman Birliyi Hərəkatının üzvü,siyasi məhbus Abbas Huseyn Vəkillər Kollegiyasını məhkəməyə verir.

Bu haqda Azadlıq Radiosuna onun yaxınları məlumat verib.

A.Hüseynov vəkili Yalçın İmanovun Vəkillər Kollegiyasından uzaqlaşdırılmasıyla müdafiə hüququnun pozulmasından şikayətçidir:

"Yalçın İmanov Qobustan həbsxanasında məruz qaldığım işgəncə haqda mətbuata açıqlama verdiyi üçün onun vəkillik fəaliyyəti dayandırılıb. Bu da o anlama gəlir ki, Vəkillər Kollegiyasının rəhbərliyi işgəncənin ört-basdır edilməsinin tərəfdarıdır. Halbuki, Yalçın İmanov vəkil kimi öz borcunu yerinə yetirib, mənim pozulmuş hüququmu müdafiə edib. Vəkillər Kollegiyası isə onu uzaqlaşdırmaqla məni müdafiəsiz qoyub. Çünki işgəncə məsələsi ilə bağlı məhkəmələrə, prokurorluğa və başqa orqanlara o, müraciət etmişdi".

Nardaran məhbusu onu da bildirib ki, əgər yerli məhkəmələr bu məsələyə baxıb, obyektiv qərar çıxarmasa, işi Avropa Məhkəməsinə çıxaracaq.

Vəkillər Kollegiyası Rəyasət Heyətinin noyabrın 20-də verdiyi qərarla Y.İmanovun vəkillik fəaliyyəti dayandırılıb. Səbəb kimi isə avqust ayında Penitensiar Xidmətin rəis əvəzi olmuş Oqtay Məmmədovun ondan şikayəti göstərilib. (azadlıg.org)

Bazar ertəsi, 11 Dekabr 2017 00:00

Sabah Əziz Orucova hökm oxuna bilər

Yazan

Sabah (12 dekabr 2017) saat 10:30-da Bakı Agır Cinayətlər hkəməsində Kanal13 direktoru Eziz Orucovun novbəti məhkəmə prosesi keciriləcək.

Bu barədə Ə.Orucovun həyat yoldaşı Lamiyyə Orucova facebook səhifəsində status yazıb: “Sabah Əziz Orucov növbəti dəfə hakim qarşısına çıxardılacaq. Böyük ehtimal son məhkəmə prosesi olacaq və Əziz bəyə son söz veriləcək və hökm oxunacaq”.

Xatırladaq ki, keçən proses prokuror 7 il iş istəmişdi.

Əziz Orucov 2 may 2017-ci il tarixində polisə müqavimət ittihamı ilə saxlanılıb. Ona 30 sutka inzibati həbs cəzası verilib.

Həbs müddətinin bitdiyi 1 iyun 2017-ci il tarixində Baş Prokurorluğun Ağır Cinayətlərə dair İşlər üzrə İstintaq İdarəsində haqqında cinayət işi başlanıb. Ona Cinayət Məcəlləsinin 192-ci (qanunsuz sahibkarlıq) və 308-ci (vəzifə səlahiyyətlərindən sui-istifadə) maddələri ilə ittiham verilib. Elə həmin gün Nəsimi rayon Məhkəməsinin qərarı ilə barəsində 4 aylıq həbs-qətimkan tədbiri seçilib.

Əziz Orucov ittihamları qəbul etmir.

“Zəhraya oksigen balonu qoşub təcili yardım maşınıyla o xəstəxana sənin, bu xəstəxana mənim, gəzdirdilər. Onsuz da vəziyyəti ağır olan uşaq axşam saat 8-də keçindi”.

Beyləqan sakini Məmmədiyə Cabbarzadə hərbçidir. Yeganə övladı Zəhranı 1 yaşının tamam olmasına 8 gün qalmış faciəli itirib. O, Zəhranın ölümündə həkimləri, həkimlərin cəzasız qalmasında isə istintaq orqanını günahlandırır.

Bu il fevralın 24-də günorta saatlarında hələ yenicə daş-divardan tutub yeriməyə başlayan Zəhra qaynar su ilə dolu çaydanı üstünə aşırdır. Onu Beyləqan rayon mərkəzi xəstəxanasına çatdırırlar. Burada ilkin tibbi yardım göstərildikdən sonra baş həkim valideynlərə bildirir ki, vəziyyəti ağır olduğu üçün Zəhranı Bakıya – 5 saylı xəstəxananın yanıq şöbəsinə götürmək lazımdır. Növbəti gün Məmmədiyə Cabbarzadə Zəhranı Bakıya gətirir. 5 saylı xəstəxananın yanıq şöbəsinə qəbul olunan Zəhranın həyatı iki həkimə - Elnur Mirzəyevə və Ülviyyə Zeynalovaya tapşırılır. Ata iddia edir ki, Zəhranın ölümü də məhz bu iki həkimin müalicəyə səhlənkar yanaşması səbəbindən baş verib:

“Həkim mənə Mərkəzi Qan Bankından 3-cü qrupa aid qan aldırdı, Zəhraya vurdu. Qohumlarım aldığımız qanın əvəzi olaraq Mərkəzi Qan Bankında qan verdilər. Qanın alınması barədə sənədimiz də var. Ancaq sonradan məlıum oldu ki, sən demə, Zəhranın qanı 3 yox, 1-ci qrupa aid imiş. Həkimlər Zəhraya baxmırdı. Mən yaraların sarğılarının dəyişdirilməsi üçün həkimlərin dalıyca gəzirdim. Mobil telefonlarına zəng vururdum, bağlı olurdu. Dəhlizlərdə, otaqlarda Elnur həkimlə Ülviyyə həkimi axtara-axtara qalırdım. İynələri vaxtında vurulmurdu. Bir sözlə, Zəhraya olduqca laqeyd, məsuliyyətsiz yanaşırdılar. Üstəlik, müalicənin də səhv aparılması Zəhranın günbəgün vəziyyətinin pisləşməsinə səbəb olurdu”.

Zəhra 14 gün yanıq şöbəsində qalır. Bu müddət ərszində atasının iddia etdiyi kimi, baxımsızlıqdan vəziyyəti ağırlaşır. Zəhra zarıyır, həkimlər vaxtında yetişmir. Martın 9-da səhər saatlıarında bədəni göyərir, təzyiqi düşür, tənəffüsü ağırlaşır. Qızcığaza oksigüen balonu qoşulur. Martın 10-da vəziyyətin kritik olduğunu görən Elnur Mirzəyev uşağı rentgen etdirir və ciyərinə su yığıldığını bildirir. Onun təcili 6 saylı Uşaq Klinik Xəstəxanasına götürlüməsini tövsiyə edir.Elə həmin gün Zəhra oksigen balonuna qoşulmuş vəziyyətdə Təcili Tibbi Yardım maşınında 6 saylı Uşaq Klinik Xəstəxanasına götürülür. Ancaq Klinikanın baş həkimi rentgen plyonkasına baxaraq ciyərin təmiz olduğunu deyir:

“Baş həkim dedi ki, sizi bura düz göndərməyiblər, uşağın ciyərində su yoxdur. Yaxşısı budur, onu OMD-yə götürün, buralıq deyil. Biz də uşağı təzədən Təcili Tibbi Yardım maşınına qoyub OMD-yə apardıq. Ancaq OMD də qəbul etmədi. Dedi, bizlik deyil, onun müalicəsi 6 saylı Uşaq Klinik Xəstəxanasında aparılmalıdır. Beləcə, Zəhranı yenə Təcili Tibbi Yardım maşınına qoyub xəstəxanaya qaytardılq. Baş həkim yenə qəbul eləmədi, dedi, bu uşağın müalicəsi bizlik deyil, bunu 5 saylı xəstəxananın yanıq şöbəsinə qaytarın, mən sabah səhər gəlib orda uşağa baş çəkəcəm”.

Zəhranı 5 saylı xəstəxananın yanıq şöbəsinə qaytarırlar. Amma... İki gün ərzində oksigen balonuna qoşulmuş vəziyyətdə Təcili Tibbi Yardım maşınında xəstəxanaları gəzdirilən Zəhra can ağrısına dözmür və axşam saat 8-də gözlərini həmişəlik yumur. Həyatda qalsaydı, 1 həftə - martın 18-də ailəsi onun 1 yaşını qeyd edəcəkdi. Cabbarzadələr həmin günü səbirsizliklə gözləyirdilər. Amma...

Ata düşünür ki, həkimlər vaxtında öz işlərinə məsuliyyətlə yanaşsaydılar, Zəhra ölməzdi.

Plastik və Rekonstruktiv Cərrahiyyə Klinikasından Meydan tv-yə bildirilib ki, məsələyə Səhiyyə Nazirliyinin müvafiq komissiyası tərəfindən baxılıb və qiymət verilib. Hazırda isə faktı prokurorluq orqanı araşdırır və əlavə məlumat almaq üçün həmin qurumlara müraciət olunmalıdır.

Səhiyyə Nazirliyindən bildirilib ki, 2016-cı il təvəllüdlü Zəhra Cabbarzadənin Plastik və Rekonstruktiv Cərrahiyyə Klinikasının Yanıq Şöbəsində ölməsi faktı Nazirlikdə araşdırılıb. Faktı “Uşaq və yeniyetmələrə göstərilən tibbi xidmətin yaxşılaşdırılması və ölüm hallarının araşdırılması üzrə Komissiya araşdırıb. Araşdırma zamanı müəyyən edilib ki, Zəhranın müalicəsi zamanı və onun adına tibbi sənədlərin tərtib edilməsində müalicə həkimi Elnur Mirzəyev tərəfindən nöqsanlara yol verilib. Məsələ Plastik və Rekonstruktiv Cərrahiyyə Klinikasının tibbi şurasında müzakirə olunub. Uşağın müalicəsində yol verdiyi nöqsanlara görə müalicə həkimi Elnur Mirzəyev barəsində intizam məsuluyyəti tədbirləri görülüb. Hazırda faktla bağlı Nərimanov rayon Prokurorluğunda araşdırma davam edir və Nazirlik də araşdırmanın nəticəsini gözləməyi məsləhət görür. Lakin Səhiyyə Nazirliyi həmin intizam məsuliyyəti tədbirlərinin detallarını açıqlamır.

Məmmədiyə Cabbarzadə isə deyir ki, Nərimanov rayon prokurorluğu onu 8 aydır get-gələ salıb. Ata, istintaq orqanının işi ört-basdır etməyə çalışdığını bildirir:

“Qızımın ölümünün səbəbkarları yanıq şöbəsinin həkimləri Elnur Mirzəyevlə Ülviyyə Zeynalovadır. Zəhranın müalicəsi onlara tapşırılmışdı. Onlarsa Zəhraya nəzarət etmirdilər, bir daha deyirəm, səhərdən axşamacan arxalarıyca gəzirdim ki, uşağın yaralarının sarğılarını dəyişsinlər. Müstəntiq də bu müddət ərszində araşdırıb və yaxşı bilir ki, uşağın ölümündə həkimlər günahkardır. Ancaq mənə deyir, həkimlərin arxası möhkəmdir, sən onlara bata bilməyəcəksən. Faktla bağlı cinayət işi qaldırılsa da, 8 aydır ki, həkimləri məsuliyyətə cəlb etdirə bilmirəm. Prokurorluqda hansı qərarlar qəbul olunur, bu barədə mənə bir zərərçəkmiş kimi məlumat verilmir, faktlar ört-basdır olunur. Müstəntiq az qala həkimlərin vəkili kimi çıxış edir”.

Nərimanov rayon prokurorlugu məni get-gələ salıb. İşə baxmırlar, həkimlər açıq şəkildə müdafiə edirlər. Ekspertiza rəyləri saxtalaşdırılıb. Müstəntiq deyir, hara yazırsan yaz, onsuz da həkimlərə bata bilməyəcəksən, arxalarında dayanan var. Ekspertin rəyi də saxtalaşdırılıb. Bir sözlə, mənim balamın qanını göz görə-görə batırırlar”.

Nərimanov rayon Prokurorluğundan Meydan tv-yə istintaq davam etdiyi bildirilib və əlavə məlumat verilməyib.

Hüquqşünas Namizəd Səfərov deyir, əgər Səhiyyə Nazirliyi də həkimin günahını etiraf edirsə, bu, artıq onun məsuliyyətə cəlb olunmasına əsas hesab oluna bilər. Vətəndaş Nəromanov rayon Prokurorluğunda işin düzgün aparılmasında şübhəlidirsə, baş prokurora müraciət edərək işin nəzarətə götürülməsini tələb edə bilər.

zehra

Bazar ertəsi, 11 Dekabr 2017 00:00

Zabratda yol qəzası - Piyada öldü

Yazan

Bakıda piyadanın vurulması ilə nəticələnən yol qəzası baş verib.

Daxili İşlər Nazirliyinin mətbuat xidmətindən verilən məlumata görə, dekabrın 10-da saat 7:00 radələrində Sabunçu rayonunun Zabrat qəsəbəsində Bakı şəhər sakini Afiq Quliyev idarə etdiyi "İsuzu” markalı avtomobillə yolu keçən Yardımlı rayon sakini Misirxan Rzayevi vurub. Nəticədə xəstəxanaya yerləşdirilən piyada orada ölüb.

Faktla bağlı Sabunçu Rayon Polis İdarəsi tərəfindən araşdırma aparılır. 

Bazar ertəsi, 11 Dekabr 2017 00:00

Ruhani Səudiyyəyə iki şərt qoydu

Yazan

İran İslam Resublikasının prezidenti Həsən Ruhani bu gün ölkə parlamentində çıxış etdiyi zaman Səudiyyə Ərəbistanı ilə olan münasibələrinin bərpa edilməsi üçün iki şərtin yerinə yetirilməli olduğunu bildirib.

"Bizim qonşumuz olan Ərəbistanla bir problemimiz yoxdur, amma aramızdakı münasibətlərin yaxşılaşması üçün bu ölkədən yalnız iki təşəbbüs göstərməsini istəyirik. Biz, Ərəbistandan Sionist Rejim ilə əlaqələrini təxirə salmasını və illər ərzində Yəmənə qarşı apardığı qeyri-insani hava hücumlarını dayandırmasını istəyirik. Səudiyyə Ərəbistanı bu iki işi gördüyü zaman onlarla yaxşı münasibətlərimizi başlada bilərik. Ərəbistanın müstəqil olmasını, region məsələlərini düşünməsini və belə davranmasınn lazımlığını deyirik. Onlar bu iki işi gördükləri zaman yaxşı münasibətlərə malik olmağı başlada bilərin, ancaq bunu başladan tərəf Səudiyyə Ərəbistanı olmalıdır", - deyə Ruhani bəyan edib.

Gəncədə fəaliyyət göstərən ASAN Xidmət şöbəsində bir şəxsin adına digər şəxsin şəkili vurularaq xarici pasport verilib. Reportyor.org yazır ki, Namazova Samirə Namazova Nuray Nöfəl qızını ölkədən çıxarmaq üçün saxta sənəd alıb. S.Namazova həyat yoldaşından boşandıqdan sonra keçmiş əri qızının xaricə getməsi üçün etibarnamə verməyib. Buan görə də uşağın anası saxtakarlığa imza atıb. Belə ki, 3 aprel 2014-ci ildə anadan olan Namazova Nuray Nöfəl qızının şəkili ilə 4 sentyabr 2014-cü ildə anadan olan Kərimova Aysun Ülfət qızının sənədlərində dəyişiklik edilib, 1-ciyə xarici pasport alınıb. Kərimova Aysun Ülfət qızının yerinə xarici pasportda Namazova Nurayın foto şəkili vurularaq ölkədən xaricə qanunsuz çıxarılmasına şərait yaradılıb. Notariat kontorunda Sadıxov Ülfət Şahid oğlu 16 sentyabr 1988-ci il təvəlüdlü həyat yoldaşı Kərimova Turanə Nürəddin qızı 17 dekabr 1989-cu il doğum tarixli etibarnamə verərək ölkədən dolayı yollarla çıxarılmasına şərait yaradıblar. Həmin pasportun verilmə tarixi 2 may 2017 ci il həmin pasportun bitmə tarixi isə 2 may 2020-ci ildir. Maraqlı orasındadır ki, həmin uşaqların biri Gəncə, digəri isə Goranboyda yaşayır. Pul qarşılığında Sadıqova Ülfət və Kərimova Turanə Nürrədin qızı bu işə girişib. Goranboy sakini, əvvəlki adı Məmmədbəyli Hicran Əli qızı, indiki adı Mehdiyeva Mələk Eyvaz qızıdır ki, burda da qanun pozuntusu baş verib. Belə ki, həmin adamın ad-soyadı dəyişə bilsə də, ata adı da dəyişib və notarius verib. Nəticədə sənəddə adı başqa olan, şəkildə başqa olan həmin qız dəfələrlə ölkədən çıxıb və ölkəyə girib.

Bu gün Bakı Ağır Cinayətlər Məhkəməsində Qaçqınların və Məcburi Köçkünlərin İşləri üzrə Dövlət Komitəsinin sədri Əli Həsənovun nəvəsi Nail Allahverdiyevin məhkəməsi başlayıb.

Məhkəmə prosesində işə hakim Əhməd Quliyevin sədrliyi ilə baxılır. Məhkəmə prosesində ictimaiyyət nümayəndələri və jurnalistlər iştirak edir.

Hüquq-mühafizə orqanlarının rəsmi məlumatına görə, avqustun 3-də, saat 21:00radələrində paytaxtın Nərimanov rayonu ərazisində yol qəzası baş verib. Qəza zamanı "Mersedes-Gelandawagen” markalı avtomobilin idarəetməni itirməsi iki nəfərin ölümü və iki nəfərin müxtəlif dərəcəli bədən xəsarətləri alması ilə nəticələnib.

Faktla əlaqədar Cinayət Məcəlləsinin 263.3-cü (yol hərəkəti qaydalarını pozma - iki və daha artıq şəxsin ölümünə səbəb olduqda) maddəsi ilə cinayət işi başlanıb.

"Mercedes-Gelandawagen” markalı avtomobilin sürücüsü, Bakı şəhər sakini, 1994-cü il təvəllüdlüNail Elman oğlu Allahverdiyev barəsində həbs-qətimkan tədbiri seçilib.

Nail Allahverdiyevin vəkili məhkəməyə qəza zamanı xəsarət alan və zərərçəkmiş kimi tanınan Türkiyə vətəndaşları Mutallib Tekiş və onun həyat yoldaşı Songül Tekişlə bağlı yeni sənədlər təqdim edib. Vəkil bildirib ki, qəzada xəsarət alan Türkiyə vətəndaşları məktubda Nail Allahverdiyevdən şikayətçi olmadıqlarını və təzminat hüqüqundan imtina etdiklərini qeyd ediblər.

Hakim isə vekilin müraciətini nəzərə alaraq, məhkəmə istintaqının yenilənməsi ilə bağlı qərar qəbul edib.

Azərbaycana məxsus aviaşirkətin əməkdaşı təyyarənin yük yerində Almaniyaya gedib. Bu barədə Almaniyanın “focus.de” saytı məlumat yayıb

Sayt yazır ki, hadisə dekabrın 8-də, günün ikinci yarısında Frankfurt-Han hava limanında uçuş-enmə zolağında saxlanılıb. 40 yaşlarında olan kişinin üzərində heç bir sənəd və yük olmayıb. O, federal polisə təslim edilib.

Onun aviaşirkətdə çalışdığı məlum olub. Dindirilmə zamanı deyib ki, yüklər təyyarəyə yerləşdirilərkən yük yerində gizlənib. O, Almaniyada daha yaxşı həyata ümid etdiyini söyləyib.

Sayt onun barəsində sərhədin qeyri-qanuni keçilməsi maddəsi ilə cinayət işinin başladıldığını yazır.

Frankfurt-Han hava limanına Azərbaycandan əsasən “Silk Way” şirkətinə məxsus təyyarələr uçur.

Bu şirkət Azərbaycan prezidentini qızları Leyla və Arzu Əliyevaya, eləcə də AZAL Dövlət Konserinin rəhbəri Cahangir Əsgərovun həyat yoldaşı Zərifə Həmzəyevaya məxsusdur. Ancaq azərbaycanlının dəqiq hansı şirkətə məxsus təyyarənin yük yerindən çıxması açıqlanmır.

Bir neçə gün qabaq vəzifəsindən çıxarılan sabiq vergilər naziri Fazil Məmmədovla bağlı A24.az saytı yeni məlumatlar əldə edib. Məlumata görə, nazirlikdə sabiq nazirə xüsusi yaxınlığı olan kadrlar da işlərilə vidalaşmaq üzrədirlər.

Artıq Məmmədovun müavini, həm də qudası Namiq Əliyev iki gündür  işə çıxmır. Vergilər nazirinin müşaviri, keçmiş nazirə xüsusi yaxınlığı ilə seçilən Riyad Hüseynov könüllü  olaraq işdən ayrılmaqla bağlı ərizəsini yazıb. Nazirin başqa bir müşaviri, eyni zamanda nazirin qudası Firuz Həsənov da oxşar addım atıb. Yaxın günlərdə onların işdən ayrılması rəsmi təsdiqini tapacaq.

Sabiq nazir özü isə hazırda “Yeni Həyat” yaşayış kompleksinə yerləşən ofisində qərarlaşıb.

Bu arada Modern.az saytı da sabiq nazirlə bağlı belə bir məlumat yayıb ki, o, vaxtilə Prezident Administrasiyasının şöbə müdiri olmuş Fatma Abdullazadəyə 1 milyon dollar borcu verib, amma hələ də geri ala bilməyib. Məlumata görə, Fatma Abdullazadə PA-da işlədiyi vaxtlarda Fazil Məmmədovdan bu məbləğdə borc alıb və bu günə qədər də həmin borcu qaytarmayıb. Hətta Fatma Abdullazadə vəzifəsindən uzaqlaşdırılandan sonra Fazil Məmmədov nazir olduğu vaxtlarda borcunu geri almağa cəhd etsə də, qarşı tərəf “imkanım yoxdur” deyərək borcu qaytarmaqdan imtina edib.

Bazar ertəsi, 11 Dekabr 2017 00:00

Kredit bazarı çökməkdə davam edir

Yazan

Bankların müştərilərə verdikləri kreditlər azalır.

Maliyyə Bazarlarına Nəzarət Palatasının yaydığı məlumata görə, Noyabrın 1-nə bankların müştərilərə verdikləri kreditlər 11 milyard 707,5 milyon manat təşkil edib.

Oktyabr ayının 1-i ilə müqayisədə müştərilərə verilən kreditlər 259,4 milyon manat azlıb.

01 Oktyabr 2017-ci il tarixində bankların müştərilərə verdikləri kreditlər 11 milyard 966,9 milyon manat təşkil edirdi.

2016-cı ilin sonunda bankların müştərilərə verdikləri kreditlər 15 milyard 938 milyon manat təşkil edirdi.

İlin əvvəlində kreditlərdə azalmanın xeyli hissəsi Azərbaycan Beynəlxalq Bankının toksit aktivlərinin Aqrarkredit QSC-ə ötürülməsi ilə bağlı idi.(azadliq.info)

49 -dən səhifə 198