"Azərbaycan təmas xəttində kameraların quraşdırılmasına razılıq verməyəcək"

"Vyanada Azərbaycan Prezidenti İlham Əliyevlə Ermənistan prezidenti Serj Sarqsyan arasında keçirilən danışıqlardan sonra növbəti görüşün anonsu verildi. Bu da onu göstərir ki, bir sıra məsələlər açıq qalıb. Ermənistan vaxt götürüb təkliflər barədə fikirləşməli və ictimai rəyi hazırlamalıdır".
Bunu açıqlamasında Azərbaycanın keçmiş xarici işlər naziri Tofiq Zülfüqarov deyib.
Azərbaycan və Ermənistan qoşunlarının təmas xəttində müşahidə kamerlarının quraşdırılması ilə bağlı səslənən təklifə toxunan sabiq nazir qeyd edib ki, gələcəkdə Azərbaycan əraziləri işğaldan azad edilsə, kameraların quraşdırılması mümkündür: "Yəni, atəşkəs rejimini təmin etmək üçün texniki vasitələrdən istifadə etmək olar. Amma kameralar harada quraşdırılacaq? Təmas xəttində kameraların quraşdırılmasına Azərbaycan razılıq verməz. Azərbaycan dəfələrlə bəyan edib ki, Ermənistan təhlükəsizlik istəyirsə, işğal etdiyi əraziləri boşaltmalıdır".
T.Zülfüqarov bildirib ki, işğal olunan Azərbaycan əraziləri qeydsiz-şərtsiz boşaldılmalıdır: "Azərbaycanın mövqeyi bəllidir və dəfələrlə şərh olunub. Yəni, işğal olunmuş Azərbaycan əraziləri qeydsiz-şərtsiz boşaldılmalıdır. Bu, ya hərbi, ya da sülh yolu ilə həllini tapacaq. Azərbaycan mövqeyi belədir və inanmıram ki, bu mövqe dəyişsin. Artıq Erməni tərəfənin qeyri-ciddi bəyanatlarının vaxtı bitib".
Qeyd edək ki, mayın 16-da Avstriyanın paytaxtı Vyanada Azərbaycan və Ermənistan prezidentləri İlham Əliyev və Serj Sarqsyan arasında görüş keçirilib. Danışıqlarda ATƏT-in Dağlıq Qarabağ münaqişəsinin nizamlanması üzrə Minsk qrupunun həmsədrləri, həmçinin Rusiyanın xarici işlər nazirləri Sergey Lavrov, ABŞ-ın dövlət katibi Con Kerri, Fransanın Avropa məsələləri üzrə naziri Arlem Dezir iştirak edib.

Vətəndaş və İnkişaf Partiyasının sədri Əli Əliyev prezidentlərin Viyana görüşünü "facebook" səhifəsində şərh edib. Xeber.İnfo partiya sədrinin şərhini təqdim edir:

"Dünən Vyanada Dağlıq Qarabağ məsələsində yenidən dondurma əməliyyatı keçirmək üçün "aidiyyatlı tərəflər" toplanmışdırlar. Əlbəttə ki, toplantıda maraqlarımızı qoruyan yeganə şəxs prezident Əliyev idi.

Beynəlxalq KİV-lərin yaydığı görüntülərdə Kələntərov-Lavrovun Sərkisyanla hırıldaması istənilən azərbaycanlını hiddətləndirməyə bilməz. Yalnız belə meydançalarda, xarici təhlükə qarşısında cəmiyyətin bütövlüyünün vacibliyini dəyərləndirirsən. Lakin daxili vəziyyətimizin real durumunda ilk növbədə iqtidar günahkar olduğundan və bu fərqli mövzu olduğundan dərinləşmirəm.

Biz Rusiyanın daxili siyasi mühitini izləmək zorundayıq. Çünki ərazi bütövlüyümüzün pozulması, inkişafımızın əngəllənməsi, hakimiyyətdəki qrupları vasitəsilə imperiya sürüklənməmiz məhz Rusiya tərəfindən həyata keçirilir. Hər dəfə ölkə dəyişikliyə hazırlaşdıqda Kremlin desantı vəziyyəti tormozlayır. 2005-ci il parlament seçkilərində də, 15-ci il seçkilərində də belə olmuşdu. Ötən il bu missiyanı Sərkisyanla şiniyən soydaşı Kələntərov icra etmişdi.

Piontkovski Putinin ən samballı tənqidçi və təqibçilərindəndir. Onu dinləyin ki, Rusiyanın perspektivini hesablaya bilək. Bizə Dağlıq Qarabağ münaqişəsinin çözülməsində Rusiyadakı siyasi status-kvonun dəyişməsi lazımdır. Müsahibədə bu dəyişikliyi labüd edəcək bir sıra fakt və gedişatlar dəyərləndirilib".

Bu il ali məktəblərə qəbul müsabiqəsində iştirak etmək üçün minimal bal həddi ötən il olduğu kimi, yenə də 200 olacaq.

Bunu Dövlət İmtahan Mərkəzinin Direktorlar Şurasının sədri Məleykə Abbaszadə deyib.

Onun sözlərinə görə, bu bal həddi ümumi qrup üzrə müsabiqədə iştirak etmək üçündür: "Ancaq ötən il olduğu kimi, bu il də bəzi ixtisaslar üzrə qəbul üçün bal həddi daha yüksək olacaq. Bununla əlaqədar Təhsil Nazirliyindən hələlik heç bir təklif almamışıq. Amma biz hər il müsabiqə şərtlərini elan edəndə dövlət sifarişli yerlər və ödənişli yerlərdə mütləq fərq qoyuruq. Müsabiqədə iştirak etmək üçün minimal bal həddi 200-dürsə, dövlət sifarişli yerlərdə bu bal 300-350-dən yüksək olur".

Şura sədri əlavə edib ki, müsabiqə şərtlərinin yaxın iki həftə ərzində elan edilməsi nəzərdə tutulur.

M.Abbaszadə bildirib ki, ali məktəblərə qəbul planı ötən illə müqayisədə 7 faiz artıb. Bu artım qruplar üzrə müxtəlifdir. I qrup üzrə qəbul planı 12 faiz, II qrup üzrə 7 faiz, III qrupda təxminən 2 faiz, IV qrupda isə təxminən 6 faiz artıb.(trend)

Erməni diplomatik heyəti Vyanaya ona görə getmişdi ki, Qarabağ probleminin hər hansı başqa həlli yolunun olub-olmadığını öyrənsin. 

Avropa.info xəbər verir ki, jurnalistlərlə görüşündə bu açıqlamanı Ermənistan prezidenti Serj Sarkisyan verib. 
“Görüşə gedən hər tərəf öz şəxsi məqsədlərini güdürdü. Aydın idi ki, həmsədrlərin də, bizim də, Azərbaycan tərəfinin də öz məqsədləri var. Bizim məqsədimiz danışıqların doğrudanmı dalana dirəndiyini, müharibədən başqa yolun olmadığını, yaxud problemi az itkilərlə həll etməyin mümkünlüyünü müəyyən etmək idi” – Sarkisyan belə deyib.

Ermənistan prezidenti bildirib ki, ümumi götürəndə görüşün nəticələri onu qane edib. Sarkisyanın sözlərinə bəzi şərtlərdən irəli gələrək, detallara toxunmaq zərurəti yoxdur. Ancaq buna baxmayaraq, Azərbaycan prezidenti onu əmin etdi ki, Azərbaycan və şəxsən özü münaqişəni hərbi yolla həll etməyi öz qarşısına məqsəd kimi qoymayıb.

“Siz hamınız yaxşı başa düşürsünüz ki, bütün bu danışıqlar yaxşıdır, amma çox az güvən verir. Bu barədə dəfələrlə söhbətlər aparılsa da, həqiqətdə atəşkəs razılaşmasına illərdir riayət olunmur. Bizim yalnız ehtimallar və proqnozlarla qərar vermək haqqımız yoxdur. Müharibə ən yaxşı həll yolu deyil, ancaq baxaq görək, hadisələr necə inkişaf edir. Hər nəticəyə hazırıq, ancaq arzu olunan budur ki, nəticə sülh olsun” – Ermənistan prezidenti belə deyib.

Serj Sarkisyan təsdiq edib, Ermənistan tərəfi Vyanada yeni görüşlərin və atəşkəs rejimini təftiş edəcək monitorinqlərin keçirilməsini təklif edib. 

Çərşənbə axşamı, 17 May 2016 00:00

“Kristal Abşeron”da reklam tələsi

Yazan

Son vaxtlar "Kristal Abşeron” tikinti şirkəti mənzil almaq istəyənlərin şərtləri öyrənmək üçün getdiyi ünvanlardan biri olub. Lakin bu şirkətə gedib qiymətləri öyrənənlər depresiyaya düşürlər. Çoxları mövcud maaşaları ilə heç vaxt ev ala bilməyəcəklərini düşünüb ümidsizliyə qapılırlar. "Bu şirkət, tək şəxsiyyət vəsiqəsi ilə, 20 illik ipoteka və tam təmirli adı ilə yüksək qiymətlərini gizlədir. Aylıq ödəniş çox yüksəkdir. Üstəlik binaları da hazır deyil”,- şirkətin ofisində olmuş alıcılardan biri "Marja”ya bildirdi.

Digər bir çox tikinti şirkətlərində olduğu kimi, "Kristal Abşeron”un timsalında qiymətlərə baxdıqda mənzillərin əlçatan olmadığı görünür. Eni və uzunu 1 m olan bir sahənin qiyməti 1000 manatdan yuxarıdır, kreditin aylığı da bu məbləğ ətrafındadır.

Mənzil 2 qat baha başa gəlir

Araşdırmamız zamanı məlum oldu ki, "Kristal Abşeron” şirkətindən 20 illik ipoteka ilə mənzil aldıqda, mənzil alıcıya ən azı ikiqat baha başa gəlir. Bu da alıcılarda narazılıq doğurur. Onlar haqlıdırlar, orta aylıq əmək haqqının 460 manat olduğu bir ölkədə, şəhər kənarında mənzilin 1 kavdrat metri 1700 manatdan yuxarı qiymətlərə təklif olunur. Normal 2-3 otaqlı mənzili 20 illik ipoteka ilə aldıqda isə aylıq ödəniş 600 -1500 manat civarında olur. Bəlkə, "Kristal Abşeron” şirkəti bu qiymətlərin ədalətli olduğunu müdafiə edə bilər. Amma bir çox alıcılar hesab edir ki, "Kristal Abşeron” şirkətindən asılı olan və olmayan səbəblərə görə, bu qiymətlər həddindən artıq yüksəkdir. Müqayisə üçün, qonşu Gürcüstanda , hətta Ukraynada qiymətlər "Kristal Abşeron”un qiymətlərindən xeyli aşağıdır. Bakıda qiymətləri yüksək olan şirkət təkcə "Kristal Abşeron” deyil. "Melisa Park” yaşayış kompleksində də qiymətlər "od tutub yanır”.

Məsələn, Xırdalan şəhərində "Kristal Abşeron” şirkəti 12-15 ay sonra təhvil veriləcək binada 2 otaqlı 59.5 kv.m mənzili (təmirli təhvil veriləcək) ilkin ödənişsiz, 20 illik, aylıq 619 manat ödənişlə satır. Bu o deməkdir ki, 2 otaqlı mənzil alıcıya 20 ilin sonunda təxminən 149 min manat başa gələcəkdir (240 ay x 619 manat = 148560). Halbuki, nağd qiymətə Xırdalanda yaxşı təmirli 2 otaqlı evi 70-75 min manata almaq mümkündür.

"Kristal Abşeron” Xırdalanda tam təmirli 12 aya hazır olacaq binalarda mənzilin 1 kv.m-ni 1165-1260 manatdan təklif edir (otaq sayından, layihədən və binadan aslı olaraq qiymət dəyişir). Qeyd edək ki, Xırdalanda digər tikinti şirkətlərində təmirsiz mənzilin kvadrat metrinin orta qiyməti 700 manatdır. Bu onu göstərir ki, "Kristal Abşeron” "tam təmir” adı altında alıcıdan hər kvadrata görə əlavə 560 manatadək pul alır.

"Kristal Abşeron” Xırdalanda 3 otaqlı tam təmirli 82.5 kv.m mənzili 20 illik, aylıq 840 manat aylıq ödənişlə təklif edir. Bu o deməkdir ki, yekunda bu mənzil alıcıya 201 min manatdan baha başa gələcəkdir. Mənzil binanın inşa mərhələrindən asılı olaraq ən gec 12-15 ay müddətinə təhvil verilir.

Ümumiyyətlə, bir çoxları mənzilin 20 illik ipoteka ilə baha çıxmasına normal baxırlar və onlar bunu pulun "zaman dəyri” ilə əlaqələndirirlər. Əslində, mənzillərin baha olması ipoteka ilə əlaqədar deyil, daha çox 1 kvadrat metrinin qiymətinin yüksək olması ilə bağlıdır. Məsələn, Qara Qarayev, Neftçilər, Xalqlar Dostluğu metro stansiyaları ətrafından təmirli mənzili 1 kvadrat metri 1200 manatdan almaq mümkündür. İstəyənlər əmlak saytlarına da baxa bilərlər.

"Kristal Abşeron”da qiymətlər isə çox yüksəkdir. "Kristal Abşeron”, Biləcəridə tikdiyi binada mənzilin 1 kvadrat metrini 1404 manata, M.Əcəmidə 1850 manata, Qara Qarayev metrosu yaxınlığında 1700 manata, Bayılda 1679 manata satır. Bu qiymətlər az qala şəhərin mərkəzində tikilən lüks yaşayış komplekslərinin qiymətləri ilə eynidir.

Devalvasiyadan sonra "keyfiyyətli xarici istehsal olan materiallardan istifadə edirik ” deyərək qiymətləri qaldıran bu şirkət, indi alıcı tapmaqda çətinlik çəkir. Şirkət son zamanlar 4,5% effektiv faizi qabardaraq alıcı cəlb etməyə çalışır. Amma müşahidələrimiz göstərir ki, şirkətin alıcıları kəskin azalıb. 2 otaqlı mənzil şirkətin Günəşlidə tikdiyi binada aylıq 767 manat ödənişlə (240 ay) satılır. Günəşlidə 5 ay sonra hazır olacaq binada mənzilin 1 kvadrat metri 1577 manatdır.

Reklamları yalandır

"Kristal Abşeron”ın ofislərində olanlar bildirirlər ki, bu şirkət alıcıları reklamları vasitəsilə aldadır. "Reklamda başqa bir şey deyirlər, ofisə gedirsən başqa bir şey. Qiymətləri od tutub yanır”.

Bəzi məlumatlı alıcılar bildirirlər ki, "Kristal Abşeron”un 20 illik kreditində aylıq ödəniş, Bakının bəzi ərazilərində mənzilləri 5 illik kreditlə satan şirkətlərin aylıq ödənişlərindən belə yüksəkdir:
"Heç məsləhət görməzdim. Pulunuz varsa, gedin şəhərin mərkəzində ev alın. "Kristal Abşeron”a ödənilən pula şəhərdə super təmirli ev almaq olar. Biz Xırdalanda 3 otaqlı, 80 kvadrat metrlik danışmağa getmişdik. 20 min manat ilkin ödəniş etmək fikrimiz var idi, halbuki aylıq ödəniş 10-12 min manat arası idi. Aylıq gəldi çıxdı 950 manata, 20 illik. Bura pulu verincə, gedib Yasamalda 10 min ilkin ödəniş verib, super təmirli, aylığı 1000 manata ev alaram. Xırdalandakı mənzilə o qədər pulu nə üçün verim?! Kvadratını 1500 manata satırlar. Çox bahadı. Reklamda başqa bir şey, ofisdə başqa bir şey deyirlər. Sonra dedik ki, 58 kv.m-lik mənzilə baxaq. Dedilər ki, aylıq 550 manat ödəniş edəcəksiniz. Bu halda mənzil gəlib çıxr 130 min manata”.

Yaşayış sahəsi kiçikdir

"Kristal Abşeron”da olmuş alıcılar bildirirlər ki, "Kristal Abşeron”un 58 kvadrat metr sahəsi olduğu dediyi mənzil, bəzi şirkətlərin 45 kvadrat metrlik mənzilindən kiçikdir. Bu, mənzilin sahəsinin çöldən-çölə hesablanması və şaxtanın da kvadrata daxil edilməsi ilə bağlı ola bilər.
Ustalar bildirirlər ki, 15-20 min manata 2-3 otaqlı mənzili super təmir etdirmək olar. "Kristal Abşeron”un "tam təmirli” tələsinə düşüb, 20 il çabalamaqdansa, 5 illik kreditlə "podmayak” mənzili alıb təmir etdirmək daha sərfəlidir.

Binalar gec təhvil verilir, təmir keyfiyyətsiz aparılır

"Kristal Abşeron” barədə digər bir şikayət binaları söz verdikləri vaxtda tikib təhvil verməmələri və təmirin keyfiyyətsiz olması ilə bağlıdır:
"11-ci binanı avqustun əvvəlində söz vermişdilər, sonra sentyabrın sonuna, daha sonra oktyabrın sonuna söz verdilər. Deyirlər ki, iş icraçısına "beşdən üçdən” verirsən mənzilini tez təhvil verir”.
Ümumiyyətlə, Azərbaycanda tikinti sektoru qanunsuzluğun ən çox qeydə alındığı, müştərilərin aldadıldığı sektorlara başçılıq edir. İmkan verməyin ki, bir sıra işbazlar sizin əlacsızlığınızdan, imkansızlığınızdan və məlumatsızlığınızdan istifadə edib qaz vurub qazan doldursunlar.(Marja.az )

Çərşənbə axşamı, 17 May 2016 00:00

Suriyada hakimiyyət dəyişikliyi

Yazan

Suriya Müxalif və İnqilabçı Qüvvələr Milli Koalisiyası (SMİK) Müvəqqəti Suriya hökuməti başçısı kimi Cavad Əbu Xəttabı seçdiyini açıqlayıb.

SMİK-nın rəsmi “Twitter” hesabından verilən açıqlamada Xəttabın SMİK baş məclisinin 98 üzvündən 54-nün səsiylə SMİK tərəfindən qurulan Müvəqqəti Suriya hökumətinin başçısı kimi seçildiyi qeyd edilib. 

SMİK başçısı Malik ibn Ənəs əl-Əbdə SMİK-nın növbədənkənar iclasında Suriyada azad edilən ərazilərdə xidmət göstərən hökuməti qurmağın Cavad Əbu Xəttaba tapşırdığını təsdiq edib. (sputnik)

Çərşənbə axşamı, 17 May 2016 00:00

“Məni polis bu günə salıb" - FOTO

Yazan

“Əllərim işləmir. Ayaq barmaqlarım sınıq-sınıqdır, sınığın yerinə su yığılır. Dalağım uzanıb, böyrəyim, ciyərim dağılıb.

Beynim silkələnib. Həkimlər deyir, 120 gün ərzində sağlamlıq bərpa olunmasa, əlillik dərəcəsi təyin oluna bilər”

Sumqayıt sakini Rəşad Abbasov iki aydır ki, Sumqayıt şəhər 1 saylı polis şöbəsinin işçiləri tərəfindən işgəncəyə məruz qalmasından yazır.

Ancaq deyir, hələ də onu yarımcan edən polis işçilərinin cəzalandırılmasına nail ola bilməyib:

“Martın 22-də gecə qonşunun oğlu Namiqi bıçaqlamışdılar. Mən də qaçıb anasına xəbər elədim. 5 dəqiqə keçməmiş Namiq keçindi. Səhər saat 7-də polislər evimizə gəlib məni şahid kimi ifadə vermək üçün özləri ilə şöbəyə apardılar. Şöbənin qapısına çatana qədər deyirdilər ki, “şahidsən”, ancaq şöbəyə salan kimi tələb etdilər ki, “qətli üzərinə götür, iş bağlansın getsin””.

“YA BURADAN ÖLÜN ÇIXACAQ...”

Rəşad Abbasov təklifi qəbul etmədiyinə görə işgəncəyə məruz qaldığını deyir:

“Bədənimi “tok”a verdilər, ayaqlarıma, əllərimə dəyənəklə dayanmadan saatlarla vurdular. Başıma o qədər vurmuşdular ki… Deyirdilər, “ya buradan ölün çıxacaq, ya da qətli etiraf edəcəksən, özün seçimini et””.

Rəşad Abbasov deyir, bəxti onda üzünə gülüb ki, elə həmin gün günorta saatlarında hadisəni törədənlər həbs olunub, polislər işgəncəni dayandırıblar:

“Saatlarla dayanmadan işgəncə verirdilər ki, günün sonuna kimi ifadəyə qol çəkdirsinlər. Günortadan sonra məndən əl çəkdilər. Ancaq artıq ölümcül vəziyyətdəydim. Tapşırdılar ki, “burdan çıxdın, düz evə get, burda olanlar elə burada qalsın. Harasa şikayət eləsən, təzədən bura gətiriləcəksən””.

____________________________________________________________

Bunlara da bax:

Gənc fəaldan işgəncə məktubu: "Zorlama ilə hədələdilər"- [Foto]

Əgər Ermənistan Azərbaycanın neft infrastrukturunu vursa...

____________________________________________________________

“ƏLLƏRİM İŞLƏMİR”

Rəşad Abbasovun qohumları isə onu evə yox, birbaşa Sumqayıt xəstəxanasının travmatologiya şöbəsinə aparıblar.

Baş verənlərdən iki ay ötməsinə baxmayaraq, Rəşad hələ də həkim nəzarətindədir:

“Əllərim işləmir. Ayaq barmaqlarım sınıq-sınıqdır, sınığın yerinə su yığılır. Dalağım uzanıb, böyrəyim, ciyərim dağılıb. Beynim silkələnib. Həkimlər deyir, 120 gün ərzində sağlamlıq bərpa olunmasa, əlillik dərəcəsi təyin oluna bilər. İş orasındadır ki, Sumqayıt həkimləri qorxularından mənə yüngül xəsarət yazmışdılar. Ancaq Bakıda xəstəxanalarda beyin silkələnməsi, bədəndəki sınıqlar – bütün diaqnozlar düzgün qoyuldu”.

“TƏSDİQİNİ TAPMAYIB”

Rəşad Abbasovun qardaşı Elşad Abbasov ona 1 saylı polis şöbəsində işgəncə verilməsi ilə bağlı DİN “102” xidmətinə etdiyi şikayətə Daxili İşlər Nazirliyinin Daxili Təhqiqatlar İdarəsindən cavab alıb ki, şikayətdə göstərilən xüsusatlar araşdırılıb, ancaq təsdiqini tapmayıb.

Sumqayıt prokurorluğundan “Qaynar xətt”ə bildirilib ki, Rəşad Abbasovun 1 saylı polis bölməsində döyülməsi ilə bağlı quruma yazdığı ərizəsi araşdırılıb və təsdiqini tapmayıb.

Rəşad Abbasovsa deyir, onu işgəncə verən polislər cəzalarına çatmayınca, əl çəkməyəcək. O, təzəliklə yenə ombudsmana, baş prokurora, daxili işlər nazirinə və prezidentə yazıb. 

Buna da bax: Cəbrayıl - Erməni tərəfinin yaydığı görüntülər.(azadliq.org)

Diplomlarını ala bilməyən məzunlar direktor əvəziylə əlbəyaxa olublar, Teyyub Babayev isə onlara deyib ki, 100 manat verilmədən sənəd görməyəcəklər 

Son illər Saatlı peşə liseyinin direktor sarıdan bəxti heç gətirmir. Ona görə də məktəb demək olar ki, yarasız hala düşüb. Liseyin bütün avadanlıqları satılmış, yardımçı torpaq sahəsi imkanlı adamlara icarəyə verilmiş, dərslərin tədrisi isə yarıtmaz vəziyyətə düşmüşdür. Son bir ildə peşə liseyinə direktor tapılmadığından bu vəzifə 69 yaşlı müavin Teyyub Babayevə həvalə olunub. Bu barədə Saatlıdan Emin Quliyev adlı şəxs bildirib. 
O qeyd edib ki, Teyyub Babayev yaş həddinə görə, 4 il əvvəl işdən çıxmalı idi. «Ancaq müəmmmalı səbəblərə görə üstəlik direktor əvəzidir. Bundan istifadə edən direktor əvəzi peşə liseyinin binasının daşlarını da söküb satmaq fikrindədir. Liseydə rüşvətsiz bir addım da atmaq olmaz. Qoca direkror əvəzi haqqını almamış kağızı kağız üzərinə qoymur. Bu günlərdə yenə də müəllimlər liseydə pul üstündə dava-dalaşın, söyüşün, təhqiin şahidi olublar».
Məktəbin məzunları hərbi xidmətlərini başa vurduqdan sonra, diplomlarını almaq üçün peşə liseyinə gəlirlər. O qeyd edir ki, onları liseyin direktor müavini və direktor əvəzi olan 69 yaşlı Teyyub Babayev qarşılayır. «Çünki o, bütün diplomları öz seyfində saxlayır. Məzunları bir-bir qəbul edən Teyyub müəllim onların hər birindən 100 manat pul istəyir. Məzunlar və ya onların valideynləri buna etiraz etdikdə Teyyub müəllim mülayim səslə deyir: «Ay oğul, ay bala, elə bilirsiniz ki, pulu özümə istəyirəm? Hər bir diploma görə Təhsil Nazirliyinə 100 manat şirinlik verməliyəm.Elə bilirsiniz bu yaşımda burada elə-belə oturmuşam? Verməsəm, diplomu da vermirlər. Mən sizin hansınızın əvəzində Təhsil Nazirliyinə 100 manat verim?» Məzunlar 100 manat adını eşidən kimi səs-küy salır, pullarının olmadığlarını bildirirlər. Bundan sonra tədris ocağında söyüşün biri bir qəpiyə olur. Bu söyüşlər diploma görə pul tələb edənlərin ünvanına göndərilir».
Məktəbin müəllimləri deyirlər ki, Teyyub Babayev artıq belə söyüşlərə vərdiş edib. «Çünki o, 30 ildən çoxdur ki, peşə liseyində işləyir. Bu vaxta kimi o qədər məzundan Təhsil Nazirliyinin adından pul istəyib və o qədər təhqiramiz sözlər eşidib ki, bunlara artıq vərdiş edib. Ona görə də hər gün peşə liseyinin həyətində belə dava-dalaşların baş verməsi və söyüşlərin səsləndirilməsi adi hala çevrilib. Teyyub müəllim bu qulağından alıb, o biri qulağından ötürür. Təki diploma görə istədiyi pulu ala bilsin».
Emin Quliyev iddia edir ki, indi Teyyub Babayevin seyfində neçə illər bundan əvvəl peşə liseyini bitirmiş məzunların diplomları var. «İki ayağını bir başmağa dirəyib deyir ki, hər diploma görə 100 manat verin, gəlin aparın. Pulu mən yox, Təhsil Nazirliyinin işçisi istəyir».(jam.az)
Qarşı tərəfi də dinləməyə hazırıq. 

Türkiyə hökuməti PKK terror təşkilatının yuvası halına gələn Suriyanın şimalındakı bataqlığı qurutmaq üçün strategiyasını açıqlayıb. 

Avropa.info xəbər verir ki, Türkiyə hökuməti Suriyanın şimalında Azəz – Cərablus xəttinin təmizlənməsi üçün hazırlıqlarını tamamlayıb. 

Bölgədə təşkil olunacaq genişmiqyaslı əməliyyatlarla bölgənin PKK-nın Suriya qolu olan PYD terrorçularından təmizlənməsi nəzərdə tutulur. Bundan sonra bölgə yenidən inşa olunaraq vətəndaşların istifadəsinə veriləcək. 

Suriyada vətəndaş müharibəsinin başladığı gündən etibarən həm terror təşkilatlarının açıq hədəfi halına gələn həm də qaçqınların axınına uğrayan Türkiyənin, Suriyada yaradılacaq bufer zona üçün beynəlxalq miqyasda təkliflər irəli sürməsinə baxmayaraq  Amerika və Avropa başda olmaqla bir çox ölkə tərəfindən müsbət qarşılanan bölgə üçün, hər hansı bir konkret addım atılmayıb.

PYD terrorçularının Türkiyəyə qarşı hücumlarının çıxış nöqtəsi halına gələn və təşkilatlar tərəfindən qərargah olaraq istifadə olunan Azəz – Cərablus xətti üçün Ankara konkret addımlar atmaq qərarına gəlib. 

Bu çərçivədə təşkil ediləcək genişmiqyaslı əməliyyatların 4 mərhələdən ibarət olacağı bildirilir. 

Əvvəlcə, bölgəyə havadan aviasiya zərbələri endirilərək terror təşkilatlarına aid sığınacaq və sursat anbarları məhv ediləcək. Daha sonra quru qoşunlarının əməliyyatlarına start verilərək bölgə terrorçulardan təmizlənəcək. 

İkinci mərhələdə isə PYD terror təşkilatı tərəfindən bölgənin etnik quruluşunu dəyişdirmək üçün başqa bölgələrə sürgün olunan ərəblərin, kürdlərin, yezidilərin evlərinə qayıtması təmin olunacaq. 

Üçüncü mərhələdə qaçqınlar üçün yaşayış məntəqələri qurulacaq. Dördüncü və sonuncu  mərhələdə isə terrorçulardan alınaraq vətəndaşlara qaytarılması bölgədən Türkiyəyə qarşı hücumların qarşısını almaq üçün tədbirlər həyata keçiriləcək. 

Xəbər verdiyimiz kimi, mayın 11-də Bakı şəhər sakini Rəhim Kərimovun idarə etdiyi 90-AA-669 dövlət nömrə nişanlı "Mersedes" markalı avtomobillə törətdiyi qəza nəticəsində Azərbaycan Diplomatik Akademiyasının (ADA) 3-cü kurs tələbəsi Rüfət Allahverdiyev dünyasını dəyişib. 

 R.Allahverdiyevin bibisi oğlu Pərviz Babazadə ölkə.az-a baş verən hadisənin təfərrüatları barədə danışıb. Onun müsahibəsini ixtisarlarla təqdim edirik:
- Rüfəti vuran Kərimov Rəhim adlı şəxsdir?
- Kərimov Rəhim Yüzasif oğlu.
- Rəhim Kərimovun valideyni kimdir?
- Onun atası Kərimov Yüzasif Respublika Klinik Xəstəxanasının keçmiş baş həkimidir, əvvəllər Səhiyyə Nazirliyinin Rəyasət Heyətinin üzvü olub.
- Hazırda harada işləyir?
- Hazırki iş yerini bilmirəm. Amma Rəhim Kərimovun idarə etdiyi maşın "Real" MMC qeydiyyatındadır. Bu şirkətin nə ilə məşğul olduğunu bilmirəm, bəlkə araşdırsanız, siz tapa bilərsiz.
- Onlar istintaqa təzyiq göstərirlər?
- Təzyiq məsələsi deyil. Məsələn, heç bir saytda yazılmır ki, hadisə baş verən zaman sürücü narkotik vasitə qəbul edibmiş.
- Bunu hardan bilirsiniz?
- Əldə etdiyimiz məlumata görə, Rəhim Kərimov hadisə baş verən anda narkotik vasitə qəbul edibmiş. Onun narkotik aludəçisi olmasını başqa mənbələrdən də aydınlaşdırmışıq. İstintaqsız da bu qənaətə gəlmək mümkündür. Görürük ki, maşın yüksək sürətlə hərəkət edib, əyləc izləri isə yoxdur. Sürücülərdə təhlükə anında ilkin refleks əyləci basmaqdır. İşıq dirəyini aşırıb, yol nişanını sıradan çıxarıb, uşağı vurub və binaya çırpılıb. Camaat da binanın silkələnməsinə görə bayıra çıxıb. Uşağı yaşadığı binaya sıxıb, maşından düşüb və qaçıb. Yəni maşını arxaya da çəkməyib. Rüfəti maşınla divarın arasından camaat çıxardıb. Rəhim Kərimovun qaçdığı istiqamətdə ayaq izləri var. Ayaq izləri də ayaqqabısızdır və belə qənaətə gəldik ki, maşını ayaqlayın sürüb. Ayaqyalın maşın sürmək çox çətindir. Düşəndə ayağı maşının yağına batıb deyə, iz bəlkə indi də görünür. Hadisə ilə bağlı müəyyən fotoları sizə təqdim edəcəyəm. O fotolara da diqqətlə baxanda ayaq izləri aşkar görünür. Sizcə kim gecə saat 3-də ayaqyalın maşın sürər və qəza anında bir dəfə də olsun əyləci basmadan səkiyə qalxıb binaya çırpılar? Özüm də belə qənaətə gəldim ki, bu adam narkomandır. Sonra oğlan sidik və qan analizi verməkdən boyun qaçırdı. 

143 -dən səhifə 182