San-Fransiskoda Kaliforniya Universitetinin alimləri xərçəng hüceyrələrini öldürən, həmçinin şişə qarşı reaksiyanı stimullaşdıran genetik modifikasiya olunmuş virus yaradıb.

Xeber.info xəbər verir ki, bu barədə “Medical Xpess” pres-relizində deyilir.

Pexa-Vec onkoloji virusunu suçiçəyi virusunun modifikasiya olunmuş variantı adlandırmaq olar. Ona immun hüceyrələrin artımını stimullaşdıran, kiçik peptid molekulu kodlaşdıran gen əlavə olunub.

Bundan savayı, virusdan “timidinkinaza” geni kənarlaşdırılıb. Nəticədə infeksion agent yalnız spesifik genlərdə (RAS və p53) kinaza miqdarının yüksək olduğu xərçəng hüceyrələrində çoxalır.

Pexa-Vec bədxassəli şişi qidalandıran qan damarlarının inkişafını məhdudlaşdırır, onun  artımını ləngidir. Peyvəndi damardaxili inyeksiya yolu ilə də orqanizmə yeritmək olar. Bu modifikasiya olunmuş infeksion agentin təkcə xərçəng mənbəyinə deyil, eyni zamanda, orqanizmin digər hissəslərində olan metaztazlara hücum çəkməsinə imkan verir.

Pexa-Vec mədəaltı vəzinin neyroendokrin xərçəngindən əziyyət çəkən siçanlar üzərində sınaqdan keçirilib. Məlum olub ki, virus sağlam orqanları zədələmir, yalnız şişləri qidalandıran qan damarlarına təsir edir. İnfeksion agent bədxassəli şişlərin yalnız müəyyən qismini məhv etsə də, onun səbəb olduğu immun reaksiya yeni törəmələrin yoxa çıxmasına təkan verib.

Xeber.info

Rusiyanın İstintaq Komitəsi, istintaq versiyasına görə, 2016-cı ilin may ayında iki milyon dollara Moskva şəhərinin kənarında iki nəfərin qətlini təşkil etmiş Rafiq İsmayılovun işi üzrə araşdırmanı yekunlaşdırıb.

 Xeber.info oxu.az-a istinadən xəbər verir ki, müstəntiqlər onun qardaşı, “Çerkizov” bazarının keçmiş sahibi, axtarışa verilən Telman İsmayılovun maddi münaqişədən qaynaqlanan cinayətin sifarişçisi olduğunu hesab edir.

İstintaqda başqa bir iştirakçı hazırda cinayət məsuliyyətindən gizlənən Daxili İşlər Nazirliyinin  Baş Cinayət Axtarış İdarəsinin keçmiş əməliyyatçısı Vaqif İsmayılovdur.

Rafiq İsmayılovla bağlı istintaqın yekunlaşması barədə onun vəkilləri xəbər verib. İstintaq versiyasına görə, Rafik İsmayılov iki nəfərin qətlinin təşkilatçısıdır.

Ona qarşı Rusiya Federasiyası Cinayət Məcəlləsinin 105-ci maddəsinin 2-ci hissəsi və 222-ci maddəsinin (qanunsuz silah dövriyyəsi) 2-ci hissəsi üzrə rəsmi ittiham irəli sürülüb.

Cinayət işində İsmayılov ailəsinin daha iki nümayəndəsinin adları hallanır: Rusiya İstintaq Komitəsi tanınmış azərbaycanlı biznesmen Telman İsmayılovun cinayətin sifarişçisi olduğunu hesab edir.

İttihama görə, İsmayılov qətllərin törədilməsinə iki milyon dollar pul ayırıb, DİN Baş Cinayət Axtarış İdarəsinin keçmiş əməliyyatçısı Vaqif İsmayılov isə belə cinayətlərin araşdırılma metodları ilə yaxşı tanış olduğundan qohumlarına izləri itirməkdə, cinayət silahını gizlətməkdə və aradan çıxmaqda kömək edib.

“Stroy-market” Ticarət mərkəzinin sahibi Vladimir Savkin və “Lyublino Motors” şirkətinin sahibi Yuriya Brılyova 15 may 2016-cı ildə yaxın məsafədən güllələnib. Onların meyitləri 30-cu kilometrdə, Novorijsk şossesində, yolun kənarında dayanan  qapıları açıq “Toyota Land Cruiser”də aşkarlanıb.

Məlum olub ki, avtomobil Savkinə məxsus olub və hər iki biznesmen arxa oturacaqda əyləşən qatil tərəfindən ənsə nayihəsindən güllələnib.

Müəyyən edilib ki, sui-qəsddən əvvəl “Toyota Land Cruiser” yanacaqdoldurma məntəqəsində parklanıb. Daha sonra məntəqəyə gümüşü rəngli “Mercedes” daxil olub, içindən bir kişi çıxaraq  yolsuzluq avtomobilinə minib.

Qətlə yetirilmiş qurbanların telefon zənglərini araşdırmış əməliyyatçılar onların ölümdən əvvəl tanışları Mehman Kərimovla danışdıqlarını müəyyən edib. YDM – təhlükəsizlik kamerasının qeydə aldığı görüntülərdə məhz onun biznesmenin maşınına mindiyini görmək olur.

“Mercedes”də sükan arxasında isə, istintaqa əsasən, Rafiq İsmayılov olub. Onların hər ikisi saxlanılıb.

Mehman Kərimov həbs olunduqdan dərhal sonra törətdiyi əməli etiraf edib, daha dəqiq desək, yolsuzluq avtomobilində arxa oturacaqda biznesmenlər olduğunu təsdiqləyib. Ancaq Vladimir Savkinin qohumları deyir ki, “killer” qətlin təşkilatçılarını müdafiə etməyə çalışır. Onlar İstintaq Komitəsinin sədri Aleksandr Bastrıkinin qəbulunda olduqdan sonra iş üzrə materiallar Baş İstintaq İdarəsindən Komitənin mərkəzi aparatına ötürülüb.

Nəticədə 22 sentyabr 2016-cı ildə Rafiq İsmayılov yenidən qardaşı, keçmiş əməliyyatçı Vaqif İsmayılovun evində saxlanılıb.

Daha sonra Kərimov yüngülləşdirici hal üçün müstəntiqlərlə razılaşmaya gələrək, yeni ifadə verib. Həmin ifadəyə görə, Telman İsmayılov qohumlarından Savkinin “işinə baxmağı” tələb edir və bunun üçün iki milyon dollar ayırır.

Kərimov bu söhbəti eşitdiyini qeyd edir. İstintaq Komitəsinin versiyasına görə, sifarişli qətllərin motivi biznesmenlər arasında yaşanan maddi zəminli münaqişə olub. Bu ifadədən sonra Telman İsmayılov və onun qardaşı Vaqif də cinayətin iştirakçıları olaraq araşdırılmağa başlanıb.

İsmayılov qardaşları iki qətllə bağlı ittihamları rədd edir. Müdafiə tərəfi bildirir ki, biznesmenlə Savkin arasında heç bir maddi münaqişə olmayıb.

Müdafiə tərəfinin vəkillərinin dediyinə görə, Mehman Kərimov cəzasının yüngülləşdirilməsi məqsədilə müstəntiqlərə uydurma ifadə verib.

Xeber.info 

Cümə, 16 Fevral 2018 00:00

"O şəxsiyyət deyil, anormaldır"

Yazan

Azərbaycan Prezidentinin xarici siyasət məsələləri üzrə köməkçisi Novruz Məmmədov rusiyalı telejurnalist Aleksandr Nevzorovun ölkə başçısı İlham Əliyevlə bağlı səsləndirdiyi fikirlərə sərt reaksiya verib.

Xeber.info xəbər verir ki, bu barədə N.Məmmədov özünün tvitter hesabında yazıb:

“Düşünürəm ki, Nevzorov heç vaxt dərk etməyəcək ki, o, nəinki natamam şəxsiyyət deyil, sadəcə anomal ünsürdür, o “human being” dir. O qədər anomaldır ki, yaratmaq istədiyi istənilən şey 600 saniyə sonra ölür. Yaxşı olardı ki, o, psixiatriya klinikasında “yaratsın”. Orada onu “başa düşərlər”. 

PS: Lakin bu Nervozov, görünür, yaxşı bilir hansı “xidmətlər” üçün kimin qarşısında oynamaq lazımdır”. 

Qeyd edək ki, rus jurnalist prezident İlham Əliyevin “İrəvan bizim tarixi torpağımızdır və biz azərbaycanlılar bu tarixi torpaqlara qayıtmalıyıq” fikirlərini həzm edə bilməyib və bununla bağlı kobud şəkildə fikirlərini ifadə etmişdi. 

Xeber.info

Cümə, 16 Fevral 2018 00:00

17 yaşlı qız canına qıydı

Yazan

Bakıda intihar hadisəsi baş verib

Hadisə Yasamal rayonu, Xiyabani küçəsi, ev 112, mənzil 22 ünvanında qeydə alınıb. Həmin ünvanda yaşayan 17 yaşlı Fatimə Anar qızı Abbasova yaşadığı evdə özünü asıb.

Onun özünə qəsd etməsinin səbəbləri hələlik məlum deyil. Faktla bağlı cinayət işi başlanıb, araşdırma aparılır.

Ermənistan silahlı qüvvələrinin bölmələri cəbhənin müxtəlif istiqamətlərində sutka ərzində atəşkəs rejimini 123 dəfə pozub.

Müdafiə Nazirliyindən Xeber.info-a verilən məlumata görə, Ermənistanın Noyemberyan rayonunun Şavarşavan, Voskevan kəndlərində və İcevan rayonu ərazisindəki adsız yüksəkliklərdə yerləşən mövqelərdən Qazax rayonunun Quşçu Ayrım kəndində və adsız yüksəkliklərdə, Berd rayonunun Çinari kəndində yerləşən mövqelərdən Tovuz rayonunun Ağdam və Koxanəbi kəndlərində, Krasnoselsk rayonu ərazisindəki adsız yüksəkliklərdə yerləşən mövqelərdən Gədəbəy rayonu ərazisindəki adsız yüksəkliklərdə yerləşən mövqelərimiz atəşə tutulub.

Tərtər rayonunun işğal altında olan Göyarx, Çiləbürt, Ağdam rayonunun Şıxlar, Baş Qərvənd, Cəvahirli, Şirvanlı, Yusifcanlı, Mərzili, Xocavənd rayonunun Kuropatkino, Füzuli rayonunun Aşağı Veysəlli, Qobu Dilağarda, Qərvənd, Qaraxanbəyli, Qorqan, Kürdlər, Horadiz, Cəbrayıl rayonunun Nüzgar və Mehdili kəndləri yaxınlığında, həmçinin Goranboy, Tərtər, Ağdam, Xocavənd və Füzuli rayonları ərazisindəki adsız yüksəkliklərdə yerləşən mövqelərdən də ordumuzun mövqeləri atəşə tutulub.

Xeber.info

Cümə axşamı, 15 Fevral 2018 00:00

Yumurta bomba kimi partladı - VİDEO

Yazan

Bakı sakininin aldığı yumurta bomba kimi partladı: Bizə yumurta adı ilə nələr satılır?

Bakı sakinlərindən biri yerli yumurta adı ilə aldığı məhsulu istifadə edərkən qəribə hadisə ilə qarşılaşıb.

Arif Kazımov adlı istifadəçinin paylaşdığı videoda xanım şəxsən yaşadığı olayı danışır. Belə ki, yumurtaları qaynamaq üçün qaz sobasının üzərinə qoyan ev sahibi az sonra mətbəxdən gurultu səslərini eşidib. Mətbəxə gedən ev sahibəsi yumurtaların partladığını, qabığın altından isə yad maddənin çıxdığını görüb. Yaşadığı hadisədən təşviş duyan paytaxt sakini olayın araşdırılmasını, yerli məhsullar adı altında insanlara nələrin satıldığını bilmək istəyini vurğulayır.
Qeyd edək ki, xanım həmin məhsulları “Hacıqabul” quşçuluq fabrikinin- yəni yerli məhsul adı ilə alıb.

Lənkəran sakini şikayət etdi: “Bir atanı çörəklə bu qədər imtahan etməzlər”

Lənkəran rayon sakini, Qarabağ veteranı Fərid Qulamov Dövlət Miqrasiya Xidmətinin Lənkəran Regional Miqrasiya İdarəsindən şikayətçidir. O, vəzifəsindən qeyri-qanuni çıxarıldığını iddia edir.

F.Qulamov virtualaz.org-a bildirib ki, 13 il dağ kəndlərində tarix müəllimi işləyib, 2012-ci ildə isə test üsulu ilə Dövlət Miqrasiya Xidmətinə işə qəbul olunub. Lakin 1 il sonra işdən azad edilib. Hüquqlarının bərpası üçün illərdir məhkəmələrə müraciət etsə də, nəticəsi yoxdur.

Şikayətçi hesab edir ki, idarənin rəisi Səmədağa Abdullayevin göstərişi ilə işdən kənarlaşdırılıb. Çünki Abdullayev vaxtı ilə Lənkəran təhsil idarəsinin müdiri işləyib, müəllim kimi onun fəaliyyətindən şikayət edib. Sonradan Abdullayev Lənkəran İcra Hakimiyyətində müavin vəzifəsinə gətirilib, haqqında yerli mətbuatda tənqidi yazılar verildiyindən işdən çıxarılaraq miqrasiya idarəsinə rəis göndərilib.

“Attestasiya zamanı işimə aid olmayan suallar verildi, amma 10 sualdan 7-nə doğru cavab verdim. Sonradan isə sənəd saxtalaşdırıldı. Xidmətin rəisi məzuniyyətdə olduğu halda işdən çıxarılmağımla bağlı əmr imzalayıb”, - şikayətçi deyir.

Qarabağ veteranı əlavə edir ki, məhkəmələr heç bir əsas gətirmədən iddaya baxmaqdan imtina edir. DMX isə təkrar imtahanlarda iştirak etməyi məsləhət görür.

“Bir atanı çörəklə bu qədər imtahan etməzlər, xəstə bacım da mənim öhtəmdədir. Övladlarımın üzünə baxmağa xəcalət çəkirəm, Mənimlə birgə işdən kənarlaşdırılan 3 nəfər sonradan işlə təmin edilib. Attestasiyanın keçirilməsində qanun pozuntusuna yol verilib, bunu sübut edən sənədlər var. Sadəcə “qüdrətli əl” hüquqlarımın bərpa olunmasına imkan vermir”, - şikayətçi bildirib.

Cümə axşamı, 15 Fevral 2018 00:00

ABŞ-da məktəbdə terror, 20 ölü-VİDEO

Yazan

ABŞ-ın Florida ştatının güneyindəki Parklandda (Brovard şəhəri) yerləşən "Marjory Stoneman Douglas" məktəbində baş verən terrorda 20 nəfər insan həyatını itirib, 50-dən çox insan isə yaralanıb.

14 fevralda baş verən silahlı basqını bu məktəbin keçmiş şagirdi, 19 yaşlı Nikolas Kruz törədib. 1999-cu il təvəllüdlü Nikolas Kruz daxili nizam-intizam qaydalarını pozduğuna görə məktəbdən xaric edilibmiş.

Polisin hadisə yerində yaxaladığı Nikolas səhər saatlarında məktəbə hücum edib.

Məktəbin riyaziyyat müəllimi Cim Kard bildirib ki, Nikolas məktəbdəki qızlardan birinə aşiq olub və onu davamlı şəkildə təqib edib. 

Brovard şəhər polisinin verdiyi xəbərə görə, Nikolas 12 nəfəri məktəbin içində öldrürüb. Məktəbdən çıxanda iki nəfəri bağçada, birini isə yolda öldürüb. Yaralılardan beşi xəstəxanada keçinib.

Şagirdlərə çox soyuqanlı şəkildə atəş açan Kruzun üzərindən AR-15 tipli bir tüfəng tapılıb.

Hadisə baş verən zaman şagirdlər yanğından mühafizə qaydaları ilə bağlı məşğələdəymiş. Atəş səslərini eşidən müəllim və şagirdlər bunun da məşğəlyə aid olduğun zənn ediblər. Polis isə iddia edir ki, Kruz məşğələ gününü əvvəlcədən bilib və qəsdən hücumu həmin günə salıbki, çöldə təlimdə olan şagirdləri rahatlıqla və kütləvi şəkildə öldürə bilsin.

Terrorçu Nikolas Kruz yaxalanarkən

Məktəbə silahlı basqın olduğundan xəbər tutan şagirdlərin əksəriyyəti silahlının Kruz olduğunu ehtimal ediblər. Çünki onun silahlara xüsusi bir hobbisi olub. Eyni zamanda ötən il müəllim və şagirdlər onun əməllərindən narahat olduqda Kruzun potensial təhdid obyekti olduğunu dilə gətiriblər.

Əlil: "140 manatlıq pensiyaya görə İlham Əliyevə səs verməliyəm?”

2018-ci ilin aprelində keçiriləcək növbədənkənar prezident seçkisinin təşviqat-təbliğat kampaniyası başlamayıb. Buna baxmayaraq, seçkiyə kollektivlər adından dəstək verənlər var. Dəstəkçilər bir sıra dövlət büdcəsindən maliyyələşən, eləcə də nizamnaməsində ictimai təşkilat kimi göstərilən qurumlardır. Onlar hazırkı prezident İlham Əliyevin namizədliyini dəstəkləməklə bağlı çağırış ediblər.

Azərbaycan Həmkarlar Konfedrasiyası prezident İlham Əliyevin növbədənkənar seçkilərin keçirilməsi ilə bağlı 5 fevral sərəncamını imzaladığı gün açıqlama yaydı. Bu çağırışı prezidentin köməkçisi Əli Həsənov həmkarların tədbirində səsləndirdi.

Ardınca yaradıcı birliklər - rəssamlar, yazıçılar və bəstakarlar ittifaqları ölkə başçısının namizədliyini dəstəkləyəcəklərini açıqladılar.

Mətbuat Şurasının sədri, deputat Əflatun Amaşov isə jurnalistlərin İlham Əliyevə səs verəcəyini ifadə etdi.

Fevralın 14-də isə Azərbaycan Ağsaqqallar Şurası, QHT-lər, dini konfessiya rəhbərləri, Elmlər Akademiyası da oxşar bəyanatlar yaydılar.

Hadı Rəcəbli: Bütün əlillər qarşıdan gələn prezident seçkilərində İlham Əliyevi dəstəkləyir

Milli Məclisin Əmək və sosial siyasət komitəsinin iclasında komitə sədri Hadi Rəcəbli də aprelin 11-də keçiriləcək növbədənkənar prezident seçkilərindən danışdı. O, əminliklə bildirdi ki, əlilliyi olan şəxslərin hamısı İlham Əliyevin yenidən prezident seçilməsini istəyir:

"Biz bu gün keçirilən iclasda əlillərin problemlərini müzakirə edirik. Bu məsələ hər zaman möhtərəm prezidentimiz İlham Əliyevin diqqət və qayğısında olub. Ona görə də bütün əlillər istəyir ki, qarşıdan gələn seçkilərdə möhtərəm İlham Əliyev yenidən prezident seçilsin. Cənab İlham Əliyevin yenidən prezident seçilməyi bütün əlillərin ürəyindən olacaq. Çünki bütün əlillərin ən böyük dayağı möhtərəm prezidentimiz İlham Əliyevdir”.

"Nə deyəsən, nağıllar ölkəsində yaşayırıq"

Meydan TV əlilliyi olan insanların sosial şəbəkələrdə yaratdığı qruplarda deputat Hadı Rəcəblinin dedikləri ilə bağlı sorğu keçirib. Deputatın onların adından dediklərinin nə dərəcədə həqiqətə uyğun olub-olmadığını soruşub. 

Əlilliyi olan Mehriban Nadirli deyir ki, nə hazırkı prezident İlham Əliyevin ondan, nə də onun İlham Əliyevdən xəbəri var: "Əgər bizim bir-birimizdən xəbərimiz varsa, Allah Hadı Rəcəbliyə qənim olsun. Məndən bu qədər”. 

Manu Car adlı "Facebook” istifadəçisi isə Hadı Rəcəblinin dediklərinə "Nə deyəsən, nağıllar ölkəsində yaşayırıq”, - deməklə münasibət bildirib.

"Hadı Rəcəbli əlilliyi olan insanlarla məzələnmək istəyir..."

1-ci qrup əlilliyi olan Zaur Hacılı isə deyir ki, bu, Hadı Rəcəblinin onların adından etdiyi ilk çıxışı deyil: "2013-cü ildə Hadı Rəcəbli ucuz və yalan siyasətə başlayanda ona sərt etiraz etmişdik. O, bizim reaksiyalarımızı görüb, özünün ayda bir dəfə əlilliyi olan insanlarla görüş təklifini ləğv etmişdi. Görünür, bu açıqlaması ilə "Ramana təcridxanası”ndakı əlilliyi olan insanlarla məzələnmək istəyir...”.

1-ci qrup əlilliyi olan Təbriz Məcidov isə deyir ki, İlham Əliyevin əlilliyi olan insanlardan, onların yaşayışından, güzəranından xəbəri yoxdur:

"Mən neçə illərdir yaşadığım rayonun icra hakimiyyətinə, eləcə də prezidentə yalvarıram. Deyirəm ki, mən birinci qrup əliləm və bir övladım var. Evim yoxdur, heç olmasa, uşağa baxıcı pulu ayırın. Pensiyam buna yetmir. Heç məni sayan da yoxdur”.

"Mənim əvəzimə səs verəcəyinə görə Hadı Rəcəbli əmin danışır"

Əlilliyi olan Sabir Məhəmmədov isə sual edir ki, Hadı Rəcəbli onun kimi insanların hansının şəraiti, durumu ilə maraqlanıb:

"Bəs indi nə haqla bizim adımızdan danışa bilir? Düzünü deyim, səsvermə günü bülleteni də evə gətirmirlər ki, səs verim. Səsvermə məntəqəsinə isə gedə bilmirəm, çox uzaqdır. Hər halda, özləri adımdan istədikləri adama səs verirlər. Ona görə Hadı Rəcəbli belə əmin danışır”.

Qurban Həsənov deputatın onların adından danışmasına qəzəblənib: "Hadı Rəcəbli kimdir ki, bizim adımızdan, bizim əvəzimizə danışıb?”

"Hadı Rəcəbli, sən sus, söz verəndə danışarsan"

Fərid Balaşov deputatın çıxışına baxanda "Yol Əhvalatı” filmini xatırladığını deyir:

"Filmin bir kadrı canlandı gözümdə. Demək istəyirəm ki, Hadı Rəcəbli, sən sus, söz verəndə danışarsan”.

Çingiz Günəş adlı istifadəçi isə deyir ki, millətin, əlilliyi olan insanların yerinə kimsə vəkillik etməsin: "Elə biz belə insanların əlindən çəkirik, nə çəkiriksə. Yalan danışır”.

"140 manatlıq pensiyaya görə İlham Əliyevə səs verməliyəm?"

Tofiq Nəzərov da deputatın dediklərinin yalan olduğunu söyləyir. Deyir, bu gün cəmi 140 manat pensiya alır, onunla dolanmaq çətindir:

"Həmin pula 2 uşaqla, kirayədə yaşayıram. Buna görə utanmaqdansa, əlilliyi olanların adından danışır. Hadı Rəcəblinin dediklərı yalandan başqa bir şey deyil. Şəxsən mən elə bir şey istəmirəm”.

Damla Cəbrayılova deyir ki, nəyə görə İlham Əliyevin prezident olmasını istəməlidir? 140 manat verdiyi pensiyaya görə?

"Bununla dolana bilmirik. Ağrıdan-acıdan bir təhər olmuşuq. Niyə eyni səhvi edək ki?”

"Bizim adımızdan fikir bildirmək hüququnu Hadı Rəcəbliyə kim verib?”

Sevinc Zeynal sual edir: "Bütün əliliyi olanların adından fikir bildirmək hüququnu Hadı Rəcəbliyə kim verib? Öz şəxsim adına deyə bilərəm ki, mən İlham Əliyevin yenidən prezident seçilməsini istəmirəm. Sosial siyasətdən bəhs edən cənab prezident heç bilirmi ki, əlilliyi olan şəxslərə heç bir sferada güzəşt olunmur? Dövlət Sosial Müdafiə Fonduna 10 gündü sorğu göndərmişəm, cavab gəlmir, amma VÖEN-im olduğu üçün sığorta tələb edirlər. Hərçənd dəfələrlə izah etmişəm, 2018-ci il başlayandan gəlirim olmayıb”.

Təranə Şövkət isə "məncə, hərə öz adından danışsa yaxşıdır”, - deyir.

"Yalan danışmaq bunların qanına işləyib"

Elçin Cəlil Hadı Rəcəblinin dediklərinin onun fikirləri ilə üst-üstə düşmədiyini söyləyir: "Sadəcə məsələ budur. Yalan danışmaq bunların qanına işləyib. Başqa da heç nə”.

"Normal dövlətlərdə hakim partiyaların namizədinin belə dəstəklərə ehtiyacı olmur”

Seçkilərin Monitorinqi və Demokratiyanın Tədrisi Mərkəzinin sədri Anar Məmmədli təbliğat-təşviqat kampaniyası başlamamış kollektiv dəstəkləmələrin, kimlərinsə adından açıqlamalar vermənin sovet siyasi sistemindən qaldığını deyir:

"Bir tərəfdən sovet ənənələri saxlanılır, digər tərəfdən də guya çoxpartiyalı sistemdir, alternativ namizədlər var, sərbəst toplaşmaq, ifadə azadlığı üçün şərait yaradılıb. Amma bütövlükdə prosesin özü imitasiyadan başqa bir şey deyil. Normal dövlətlərdə hakim partiyaların namizədinin belə dəstəklərə ehtiyacı olmur”.

Fevralın 13-də isə Milli Məcisdə "Əlilliyi olan şəxslərin hüquqları haqqında” yeni qanun layihəsi birinci oxunuşda müzakirəyə çıxarılıb. Layihəni təqdim edən parlamentin Əmək və sosial siyasət komitəsinin sədri Hadi Rəcəbli deyib ki, qanun layihəsi 8 fəsil, 40 maddədən ibarətdir:

"Sənəddə əsas anlayışlar, əlilliyin müəyyən edilməsi, iş yerlərinin əlilliyi olan şəxslərə müyəssər olması və istifadəsi üçün ağlabatan uyğunlaşdırılması, əlilliyi olan şəxslərlə bağlı dövlət təminatları, onların reablitasiyası və məşğulluğunun təmin edilməsi, təhsili, peşə hazırlığı, əmək şəraiti, mənzil təminatı, mədəniyyət və idman obyektlərinin əlilliyi olan şəxslərin müyəssərliyinin təmin edilməsi və digər məsələlər əksini tapıb” .

Almaniyada yaşayan həmvətənlərimiz Xocalı faciəsinin 26-cı ildönümü ilə bağlı aksiya keçirməyə hazırlaşır. Aksiya təşkilatçılarından biri Anar Orucov bu barədə facebook səhifəsində məlumat verib. Onun sözlərinə görə, aksiyası paytaxt Berlindəki Ermənistan səfirliyinin qarşısında baş tutacaq: ” Bildiyiniz kimi 26 fevral erməni silahlı dəstələrinin, keçmiş sovet ordusunun Xankəndidə yerləşən 366-cı motoatıcı alayının dəstəyi ilə Xocalıda mülki əhaliyə qarşı soyqırəm həyata keçirməsinin növbəti anım günüdür. Azərbaycanın müasir tarixinin bu dəhşətli faciəsi zamanı 3 min sakindən şəhəri tərk etmək imkanı və doğma yurdu qoyub getmək istəyi olmayanların hamısı amansızcasına qətlə yetirilib. Belə ki, şəhər sakinlərindən 613-ü, o cümlədən 106 qadın, 63 uşaq və 70 qoca olmaqla xüsusi qəddarlıqla soyqırıma məruz qalıb, 487 dinc sakin ağır yaralanıb, 1275 nəfər girov götürülərək onlara alçaldıcı işgəncələr verilib, 197 nəfərin taleyi hələ də məlum deyil. 8 ailə tamamilə məhv edilib. Həmin insanlar yalnız etnik mənsubiyyətlərinə – azərbaycanlı olduqlarına görə amansızcasına öldürülüb, işgəncələrə məruz qalıb”.

A.Orucovun sözlərinə görə, Avropada Qarabağdan qaçqın düşən xeyli həmvətənimiz yaşayır:  “Keçirəcəyimiz etiraz asksiyasında Avropada təşkilatlanmış və təşkilatlanmaqda olan siyasi təşkilatlar, siyasi partiyaların təmsilçiləri və üzvləri, jurnalistlər, QHT nümayəndələri, tələbələr, həkimlər, iş adamları və Qarabağdan qaçqın düşən həmvətənlərimiz iştirak edəcək”.

Qeyd edək ki, etiraz aksiyası 26 fevral saat 15. 00-da Ermənistan Respublikasının Berlindəki səfirliyinin qarşısında baş tutacaq.

3 -dən səhifə 165