Çərşənbə axşamı, 15 May 2018 00:00

Mobil monopoliya və tanımadığımız sirli oliqarx

Yazan

Azərbaycandakı mobil operatorların qiymət və xidmət sarıdan dünyada analoqunun olmaması heç kimə sirr deyil – əlbəttə ki, mənfi mənada. Soyğunçu qiymətlər, olduqca aşağı keyfiyyətli xidmət, müştərilərə qarşı sayğısızlıq, müxtəlif adlarla balansdan pul silinməsi və daha nələr-nələr – bütün bunlar bizim mobil operatorların “həyat kredosu”dur. Hamıya məlumdur ki, bizim mobil operatorların tətbiq etdiyi qiymətlər nə dünyadakı analoji şirkətlərin tariflərinə, nə də Azərbaycan əhalisinin alıcılıq qabiliyyətinə uyğundur. Bəs bazar iqtisadiyyatının ən başlıca ünsürü olan rəqabət mühitinin az qala sıfıra yaxın olduğu bu sektora nədən diqqət ayrılmır? Və bu anormal dərəcədə cəzasızlıq mühitindən istifadə edərək, külli miqdarda gəlir əldə edənlər kimlərdir? “Nar” ilə “Bakcell”i kim və niyə birləşdirir? “Azərfon” və “Bakcell” şirkətlərinin birləşdiyi barədə məlumat verən Xural.com saytının yazdığına görə, onsuz da inhisarçılığın at oynatdığı bu biznesə iş adamı Nəsib Həsənov nəzarət edir. Təkcə bu iki operator deyil, hətta “Azərcell”in səhmlərinə nəzarət paketinin də ona veriləcəyi iddia olunur. Bildirilir ki, hər zaman kölgədə qalmağa çalışan və geniş ictimaiyyətin demək olar, tanımadığı bu şəxs sözügedən iki şirkəti birləşdirməklə, monopoliyanın daha da gücləndirilməsinə xidmət edir. Qeyd olunur ki, N.Həsənov əvvəl CRA, indi isə CDP adı alan böyük bir biznes imperiyasının başında durur. Bu imperiyaya isə mobil operatorlarla yanaşı, “Normsement”, “Nobeloil” və hətta “Xalqbank” da daxildir. Həmçinin deyilir ki, şirkətin adının dəyişdirilməsi və bir neçə il əvvəl yenidən qurulması N.Həsənovun övladı barədə mətbuatda gedən yazılarla bağlıdır… main Ancaq məsələnin ən önəmli tərəfi şirkətin adı yox, iki mobil operatorun birləşdirilməsi səbəbləri və bunun rəqabət mühitinə göstərdiyi mənfi təsirdir. Bildirilir ki, hazırda faktiki olaraq, bu iki mobil operator bir mərkəzdən idarə olunur. Ancaq nədənsə bununla bağlı sözügedən şirkətlər tərəfindən yayımlanan hər hansı geniş və müfəssəl məlumata rast gəlinmir. Əslində, iş prinsipləri sarıdan heç bir fərqi olmayan bu iki və hətta hər üç şirkətin birləşib-birləşməməsinin artıq elə bir önəmi qalmır. Məlumata görə, birləşmənin məqsədi ixtisarlar aparılması və idarəetmə xərclərinin azaldılmasıdır. Belə nəticə çıxarmaq olar ki, hətta bu fantastik dərəcədə soyğunçu qiymətlərlə belə, sözügedən şirkətlərin qazancı onların sahiblərini qane etmir. Ya da ki, başqa bir ehtimala görə, sözügedən operatorların xərclərində hansısa şişirtmələrə yol verilməsi və digər səbəblər vardır ki, nəticədə onların birləşdirilməsi və xərclərin azaldılmasına ehtiyac yaranıb. Səbəbin nə olmasından asılı olmayaraq, bu birləşmə və yeni inhisarçı “monstr”ın yaranması hər birimizin aid olduğu müştəri kontingentinə yaxşı heç nə vəd etmir. Görün vəziyyət nə yerə çatıb ki, çoxsaylı şikayətlərə baxmayaraq, hər üç operatorun mobil danışıq və internet üçün tətbiq etdiyi soyğunçu qiymətlər bir tərəfə, abunəçilərin balansından müxtəlif adlarla vəsaitlərin silinməsi ənənəsinə də son qoyulmur ki, qoyulmur. Bu operatorlar provayder adı altında fəaliyyət göstərən müəmmalı şirkətlərlə “əməkdaşlıq” edir. Həmin şirkətlərin isə əsas qazanc mənbəyi abunəçilərə lazımsız video, musiqi parçaları, bürclər və digər məlumatları sırımaqdır. Abunəçiyə qısa nömrələrdən zəng, yaxud mesaj göndərilir, o da çaşıb bunlardan birini qəbul etdisə, necə deyərlər, uçdu paralar. Müştəri bununla da “sayğaca otuzdurulur” və balansdan gündəlik olaraq müəyyən məbləğ silinməyə başlayır. Bunun qarşısını almaq üçün isə müştəri operatorun xidmət mərkəzinə yaxınlaşmalı, saatlarla növbədə durmalı, əsəb və vaxt sərf etməlidir. Bugün hansı operatorun xidmət mərkəzinə yaxınlaşsanız, gün ərzində minlərlə müştərinin bu özbaşınalıqla bağlı şikayət etdiyini görərsiniz. Provayder adı ilə müştəriləri soyan şirkətlər… “AzPolitika.info”nun apardığı araşdırma sonunda bəlli oldu ki, operatorların “quyruğuna” və abunəçilərin qəniminə çevrilən bu provayderlərin hər müştəridən çırpışdırdığı gündəlik vəsait 59 qəpikdən başlayır. Mobil operatorların özlərinin yaydığı məlumata görə isə “Azərcell”in 4.5 milyon, “Bakcell”in 3.6 milyon, “Nar”ın 2 milyondan artıq abunəçisi var ki, bu da ümumilikdə 10 milyon müştəri deməkdir. Ən aşağı hesablamalarla 10 nəfərdən birinin bu fırıldağın toruna düşdüyünü təxmin etsək, bu, gündəlik 1 milyona yaxın nömrədən vəsait silinməsi deməkdir. Bunu da 59 qəpiyə vursaq, gündəlik 500 min, aylıq 15 milyon manata yaxın vəsaitdən söhbət gedir. Hara, kimlərin cibinə gedir bu vəsait? Və həmin şirkətlərin Nəsib Həsənovun icazəsi olmadan bu cür “fəaliyyəti” mümkündürmü? Fikrimizcə yox. Əksinə, ortadakı külli miqdarda vəsaitin bu provayderlərin vasitəsilə əslində mobil operatorların kassasına axması daha inandırıcı görünür. kriz-smsc-platformu Ən maraqlı məqamlardan biri də sözügedən vəsaitdən vergi tutumu məsələsidir. Ümumiyyətlə, bu yolla əldə olunan vəsaiti izləmək və ona vergi tətbiq etmək nə dərəcədə mümkündür? Bir sözlə, ilk baxışdan qəpik-quruş təsəvvürü yaratsa da, əslində on milyonların havada uçuşduğu bu “biznesdə” qaranlıq məqamlar olduqca çoxdur … Biz, sözügedən şirkətlərin siyahısını əldə edə bilmişik, buyurun, operatorlarla əlbir olub, balansınıza qənim kəsilənləri siz də tanıyın: Stream Proactive Novamedia (FRBT service) Navigator (NMS) Infostrim Babylonia AS SERVICE GROUP DSC Innovat Intellic MLab Mobile Solutions and Marketing Technologies LLC MobirMarko MSM RMS RSG Simtoday SMARTY LLC TMG LLC Ventura Tech Vialink Voida Onu da qeyd edək ki, bu siyahıda ilk beşliyə daxil olanlar xüsusi “fərasəti” ilə seçilir və mobil operatorlar məhz bu şirkətlərin vasitəsilə abunəçilərin vəsaitlərini tozsovuran kimi sovurmaqdadırlar. Göründüyü kimi, inhisarçılığın yaratdığı ən böyük bəlalar müftəxorluq və cəzasızlıq mühitidir ki, bu da hazır mobil rabitə sektorunda hökm sürməkdədir. Böyük biznes imperiyası olan şəxsi “gördüm” deyən tapılmır Ïàïêà äëÿ äîêóìåíòîâ â ðóêàõ áèçíåñìåíà êðóïíûì ïëàíîì Qayıdaq N.Həsənovun personasına. Göründüyü kimi, bu adamın mobil rabitə bazarı ilə yanaşı, neft və sement biznesində və hətta bank sektorunda əhəmiyyətli payı var. Bununla yanaşı, ona məxsus olduğu deyilən CRA Qrupun Pirallahı rayonunda çox böyük bir əczaçılıq kompleksi tikdirdiyi barədə məlumatlar var. Azərbaycanda çoxumuzun tanımadığı və kölgədə qalan bir şəxsin belə şaxələnmiş iri biznes imperiyası qurmasının böyük uğur olduğunu desək, bu, çox sadə səslənər… Əslində, əhalinin çox böyük qisminə ximət edən mobil operatorlar şəffaflıq və hesabatlılıq baxımından nümunə olmalıdırlar. Ancaq bu şirkətlərə başçılıq etdiyi bildirilən N.Həsənovu nə ictimaiyyət qarşısına çıxan, nə də hesabat verən görmüşük. Görəsən, kənardan görünüşdə ən uğurlu iş adamlarından biri olan bu şəxsin kölgəyə çəkilməsinin səbəbi nədir? Məsələn, qardaş Türkiyədə iri iş adamları hər yeni layihəni özləri təqdim və hətta reklam edirlər. Çünki gizlədəsi bir şeyləri yoxdur, əksinə, uğurları ilə fəxr edir və bölüşürlər. Ancaq N.Həsənovun nəinki hansısa layihəni təqdim etməsinin şahidi olmuşuq, əksinə, Azərbaycanda “onu gördüm” deyənə rast gəlmək müşkül məsələdir. Yalnız o məlumdur ki, cənab Həsənov əslən Sədərək rayonundandır. Elə bu gizlinliyin nəticəsidir ki, Azərbaycanda mobil rabitə də daxil olmaqla, hələ də bir çox sahələrdə inhisarçılıq at oynadır və kimlərsə bundan milyonlar qazanır…

Bu barədə Rusiya mətbuatı xəbər verir.

Yaralananların sayı 1600-ü keçib.

Hərbiçilər etiraz aksiyalarının iştirakçılarına qarşı birbaşa atəş açır.

Aksiyalar ABŞ-ın Qüdsdə səfirlik açması ilə bağlı daha da şiddətlənib.

İsrail tərəfi sərhədin 12 məntəqəsində 35 mindən çox etirazçının olduğunu bildirib. 

Aksiya iştirakçıları yanar maye olan şüşə qabları İsrail hərbiçilərinə tərəf atırlar, təkərləri yandırır, sərhəd qurğularını dağıtmağa çalışırlar.

Əsgərlər isə, aksiya iştirakçılarına qarşı xüsusi vasitələr istifadə edirlər.

Sərhədin dağıdılmasından ehtiyat edən İsrail tərəfi Qəzza bölgəsinə əlavə iki piyada briqadası, İordan çayının qərb sahilinə bir piyada briqadası gətirib.

Etiraz aksiyalarının başlanmasından ay yarım ötüb. Mayın 14-də ABŞ səfirliyinin açılışı günü fələstinlilərin "Böyük qayıdış marşı” kulminasiya nöqtəsinə çatıb.(Meydan.tv)

Şənbə, 12 May 2018 00:00

Atəşkəsin 24 yaşı tamam oldu

Yazan

Bu gün, mayın 12-də Azərbaycanla Ermənistan arasında atəşkəs elan edilməsinin 24 ili tamam olur.

Atəşkəslə bağlı təklif o vaxt Rusiyadan gəlib. Azərbaycan və Ermənistan buna razılıq verib. 1994-cü il mayın 12-də bununla bağlı Qırğızıstanda "Bişkek protokolu" ( şəhərin adından götürülüb-R) imzalanıb.

24 il davam edən atəşkəs dövrü ərzində tərəflər arasında ən böyük hərbi toqquşma 2016-cı il aprel ayının əvvəlində baş verib.

Bu zaman hər iki tərəfdən onlarla itkilər olub. Azərbaycan Ordusu “Lələtəpə” yüksəkliyini və Tərtər rayonu istiqamətində Talış kəndi ətrafında bəzi mövqeləri geri alıb.

Qarabağ münaqişəsi 1988-ci ildən başlayıb. 1994-cü ildə gerçəkləşən atəşkəs razılaşmasına kimi Azərbaycanın Dağlıq Qarabağ bölgəsi, ona bitişik 7 rayon və daha bir neçə kənd işğal edilib.

Qarabağ münaqişəsinin tənizimlənməsi ATƏT-in Minsk qrupuna həvalə edilib. ABŞ, Fransa və Rusiya həmsədr dövlətləridir.

Minsk qrupu tərəflərə indiyə kimi, əsasən, üç təklif verib. Münaqişənin paket həlli, münaqişənin mərhələli həlli və "Ümumu dövlət" konsepsiyası.

Birinci varianta görə, işğal edilən ərazilərlə status məsələsi paket həll edilməlidir. İkinci variantda isə əvvəlcə ərazilər boşaldılmalı, sonra isə statusa baxılmalıdır. Üçüncü variantda münaqişə zonasında ümumi dövlətin yaradılmasından söhbət gedir. Azərbaycan münaqişənin mərhələli həllinə tərəfdardır. Bu variantlardan heç biri qəbul edilməyib

Daha sonra həmsədrlər əvvəlki üç varianta söykənən "Madrid prinsipləri"ni təklif ediblər.

Bu, müxtəlif filmlərdə vaxtaşırı gördüyümüz səhnədir: fiziki və ya əqli qüsuru olan birini kütlə əhatəyə alaraq ələ salır, əylənir, alçaldır. Və seyrçiləri alçaltma prosesinə fokuslandıran bu "klounada”nın mütləq bir aparıcısı vardır.

Fikir vermişəm, rejissorlar adətən belə səhnələrin mizanlarını da eyni cür qurur, personaj konsepsiyalarını oxşar işləyir. Əslində rejissorların ötürdükləri mesaj da fərqli olmur: əylənəcəyə susayan, gücün alçaltdığı kütlənin özlərindən daha zəif, zavallı birisini alçaltmaq ehtirası...  

Bir neçə gündür ki, müzakirə olunan, "El bizim sirr bizim” verilişində Elçin Əlibəylinin Maral Tahirqızını təhqiretmə səhnəsi həmin epizodları xatırlatdı. Elçin seyrçiləri, iştirakçıları qadını alçaltmağa aşkarca təhrik edir. O, həm də bu səhnənin rejissorudur. Amma onun mesajı da, məqsədi də başqadır... 

"El bizim sirri bizim” bütün teleməkanın dəqiq güzgüzüsdür, Elçin isə ümumiləşmiş obrazı.  

Elçin televiziya nəzəriyyəsini pis bilmir. Bu mövzuda uzun yazıları da var. Hətta sənətşünaslıq üzrə fəlsəfə doktorudur. O, əla bilir ki, kimliyindən asılı olmayaraq müsahibinə həqarət etmək və üstəlik, başqalarını onu təhqir etməsi üçün münbit şərait yaratmaq, tərəf olmaq jurnalistikanın prinsiplərinə tüpürməkdir. Məsələnin mənəvi tərəflərini demirəm hələ. Amma Elçin bilə-bilə buna gedir, əməl etməli olduğu prinsiplərə göz yumur, iyrənc bir epataj-tamaşa qurur. 

Alçaldıcı manerası, rişxəndli, iblisanə təbəssümü ilə, köməksiz, zavallı bir qadıncığazın linçlənməsini təmin etməklə, hər şeydən əvvəl özünü aşağıladığının fərqində deyil. Çünki kimisə alçaltmaq, ilk növbədə alçaldanın kimliyini ifadə edir. 

Verilişə dəvət olunan qonaqlar dəhşət qarışıq acı gülüşlə Maral Tahirqızını süzür. Sanki incəsənətin bərbad vəziyyətdə olmasının, cəmiyyətdəki depressiyanın, onların uğursuzluqlarının tək səbəbkarı odur. 

Və bu alçaltma prosesində ləyaqətli davranan da Maral Tahirqızıydı.  

Doğrudan da  sənətşünaslıq üzrə fəlsəfə doktoru, Beynəlxalq Televiziya və Radio Akademiyasının həqiqi üzvü Elçin Əlibəyli niyə bayağılığa, təhqirə əl atır, jurnalistikanın dəyərlərini tapdalayır? 

Doğrudanmı o, musiqidəki zövqsüzlükdən narahatdır? 

Tele-aparıcıların, telekanal rəhbərliyinin əsas arqumenti budur ki, çal-çağırlı ucuz şoular tamaşaçı tələbatının diktəsidir. Amma oratda daha güclü arqument var. Youtubedə - bu verilişdən - Maral Tahirqızı ilə yayımlanan parçanın altındakı şərhlərə baxın. Şərhlərdə  telekanalların yeritdiyi siyasət də, aparıcıların davranışı da qınanılır. Bu, tamaşaçı rəyləridir.

Tamaşaçının tələbatını da, trendi də əksər hallarda istehsalçı yaradır. "Gözəllik haqda mif” əsərində müasir dünyada norma sayılan gözəllik anlayışını araşdıran amerikalı yazıçı Naomi Vulfa görə müasir moda, estetik-plastik əməliyyat sənayesi qadını məqsədli şəkildə gözəlliyin əsiri edir. Yəni yeni moda trendlərinin, estetik əməliyyatların təbliği ilə qadınlarda buna istək və tələbat yaradılır. 

Eynilə "El bizim, sirr bizim” tipli verilişləri tamaşaçıya sırımaqla bu cür verilişlərin tələbatını diktə edir və onun müti, gerizəkalı obrazını yaratmağa cəhd olunur. Boynumuza qoymağa çalışırlar ki, siz busuz.  

Üstəlik, ucuz şoular intellekt, ağıl, zəhmət, əmək xərclənməyən asan qazanc vasitəsidir... 

Elçin kimi savadlı adam karikaturaya döndərilmiş tele-məkanda keyfiyyətli proqram təqdim edə bilmir, o, potensialını realizə edə bilmədiyi üçün qəzəblidir. Bu mənada onun Maral Tahirqızına münasibətində freydist motiv dayanır. Yəni o, yaradıcı, intellektual imkanlarını göstərə bilmədiyindən Maralları qurban seçir, gerçəkləşdirə bilmədiyi enerjisini belə alçaltma aktına çevirir. Halbuki, Maral Tahirqızılar həm də telekanalların əsəridir.  

Verilişin əvvəlində Elçin Maral Tahirqızının ünvanına qalib ədayla, istehzalı suallar yağdırır. Hərçənd səsləndirilən suallar elə Elçinin fəaliyyətinə də adekvatdır:

- Elçin, siz kimsiniz? 

- Hansı meyarlara əsasən özünüzü tele-aparıcı sayırsınız? 

- Həqiqətən, sənətşünaslıq üzrə fəlsəfə doktoruyla nə baş verməldir ki, o özünə bu cür davranış tərzini icazə versin?   

- Siz teleaparıcılığın qara, son nöqtəsi olduğunuzun fərqindəmisiniz?

kulis.az

Abşeron Rayon İcra Hakimiyətinin başçısı İradə Gülməmmədovanın Baba adlı qoçusu Qarabağ əlilinin başını yarıb.

Bu barədə "Kanal 13" internet televiziyasının əməkdaşı Dəyanət Babayev sosial şəbəkədə məlumat yayıb. Məlumatda deyilir ki, "Baba adlı qoçu başının adamları ilə birlikdə 2-ci qrup Qarabağ əlilindən rüşvət istəyib, səbəb olaraq onun evinin guya qanunsuz tikili olduğu göstərilib. Amma əlil olan bu zavallı adam rüşvət vermədiyi üçün ona hücüm edilib və onu döyüblər. Qarabag əlili isə etiraz olaraq həmin evi açıqlama verərkən yandırdı, cənab prezidentə səsləndi ki, ona qarşı haqsızlıq davam etsə, növbəti dəfə artıq özünü asacaq. Bir insan Vətən üçün canından keçir, İcra başçısı isə, görün, onun başına hansı oyunları açır!"

Ölü ardınca pis söz danışmazlar. Bu deyim hər birimizin yaddaşına hopub. Ölən kəsin arxasınca “Allah rəhmət eləsin” deyib, keçirik. Ama çoxumuz bunun səbəbini bilmirik…

Ölü-diri söhbəti dini ədəbiyyatlarda bir az biz düşündüyümüzdən fərqli qeyd olunur. Quranda ölü insanlar, dirilərdən bir neçə yerdə fərqləndirilib. Məsələn, “Şübhəsiz  Allah  Quranı, onu  anlayıb  həyatlarına  tətbiq  etmək üçün dirilərə göndərdi” ayəsi göstərir ki, ölü-diri söhbəti fiziki həyatlarını davam edənlərə aid deyil. Yaxud, “Və (beyin və qəlb)  dirilər  ilə  (cəhalət əhli olan) ölülər  eyni deyil” (Fatir 21) ayəsində insan qəlbən, düşüncə baxımından diri olmağa dəvət edilir.

Başqa bir ayədə “Şübhəsiz ki, səsini ölülərə (diri ikən ölülərə) eşitdirə bilməzsən” (“Rum” surəsi, ayə 52.) qeyd olunur.

Və… nəhayət Ali-İmran surəsi 169-cu ayədə “Allah  yolunda öldürülənləri  əsla  ölü  zənn  etmə, əksinə, diridirlər  və  onlara  Rəbbi  yanında  ruzi  verilir”, deyilir.

Deməli Quran məntiqi ilə insanın ölü və diri olması haqqı qəbul edib, ona itaət etməsiylə ölçülür. Diri insanlar haqqı qəbul edib, onun uğrunda döyüşənlər və şəhid olanlar hesab olunurlar. Hətta belələri fiziki yoxluğa məhkum olsalar da, diridirlər. Haqqı qəbul etməyib, heç zaman onun müdafiəsinə qalxmayanlar isə "ölü"dürlər, lap elə fiziki olaraq kanfort yaşasalar da.

Qayıdaq, ölü haqqında pis danışmazlar, deyiminin əsas səbəbinə. Bu barədə də bir Quran ayəsi qeyd edim. “…bir-birinizin qeybətini qırmayın! Sizdən biriniz ölmüş qardaşının ətini yeməyə razı olarmı?! Bu sizdə ikrah hissi oyadar…” (Hucurat -12)

Əvvəlcə, qeybətin nə olduğunu bir cümlə ilə deyim – Qeybət, bir insanın gizli şəkildə etdiyi hər hansı bir əməlin faş olunmasıdır ki, o insan tanıdıqları arasında hörmətdən düşür.

Əslində bu ayə ciddi ictimai mesajdır.

Qeybət, niyə ölü və qardaş əti yeməyə bənzədilib? Təfsir alimləri iki məsələni xüsusi qeyd edirlər. Birincisi, Quranda qeybət ölü qardaşın ətini yeməyə ona görə bənzədilib ki, tam ölmüş hüceyrələr yenidən bərpa ola bilmədiyi kimi, itirilmiş hörmət və şərəf də yerinə qayıda bilmir. İkincisi, fiziki varlığını itirmiş insan hüquqlarını qorumaq imkanına sahib deyil.

Bəs, niyə məhs qardaş?! Dediyim kimi bu mesaj, ictimai tarazlığı təmin etməyə yönəlib. Cəmiyyətin sağlam inkişaf etməsi üçün qardaşlaşmaq və bütövləşmək əsas amillərdən biridir. İnsan qardaşına qarşı yanlış addım atarsa, onun günahı və qınağı daha çox olur və unudulmur. Hətta, kimsə qardaşına bir pislik edərsə, digərlərinin gözündən düşür, ona qarşı daim hər hansı formada basqı olur. Amma heç bir qan qohumluğu olmayan şəxsə qarşı yönəlmiş səhv davranış tez undulur.

Cəmiyyət fərdlərdən təşkil olduğu üçün, fərdlər arasında qardaşlıq bağının olması şərtdir. Bir az əvvəl göstərdiyim ayələrin ümumi nəticəsi budur ki, ölü ilə diri eyni deyil. Və eyni zamanda bu mövzunun ölçü vahidi Haqq tərəfdarı olmaqdır. Deməli, cəmiyyətdə “diri” insanların sayı çoxalarsa, cəmiyyət daha möhkəmlənəcək. Əks halda öz hüququnu belə, müdafiə edə bilməyən fərdlərin toplusuna dönəcək. Bu zaman, belə toplumdan ancaq ölülərə xass olan davranışlar baş verə bilər.

Həzrət Məhəmməd (s) kəlamlarına müraciət edəndə daha faydalı tövsiyyələrlə rastlaşırıq. Həzrət (s) bir gün buyurdu: “Ölülərlə oturub durmayın”. Soruşdular bu, necə mümkündür? Peyğəmbər(s) dedi: “Qəlbini dünya ilə öldürənlərlə əlaqəni kəsin”.

Nəticə: Bu ayələr və Həzrət Məhəmmədin (s) kəlamı yaşadığımız cəmiyyəti tövsif edir. Etiraf edək ki, cəmiyyətimizdə öz hüquqlarını müdafiə edən şəxslər çox azdır. İnsanlar ən çətin sınaqlarla üz-üzə qalıblar, azğın proqramlarla cəmiyyətin müqavimət hissimi öldürülüb. Beləliklə, cəmiyyətimiz “ölü” toplusuna dönüb.

Yəqin ki, nə etmək lazımdır, xilas yolu nədir və sair suallar çoxunu maraqlandırır. Yuxarıda qeyd etdiklərimdən belə nəticəyə gəlirəm ki, toplum fərdlərin cəhalətə salınaraq, “öldür”ülməsi ilə bu hala düşdüyü kimi, islah olunmuş fərdlərin artması sisiləsilə “diri”lə bilər. Yəni cəmiyyətdə fərdlər islahata başlamalıdır. Cəmiyyət dəyişməyincə, ona rəhbərlik edən rejim daha güclənəcək. Biz rejimin dəyişməsini, insan kimi yaşamağı istəyiriksə, hər şeydən öncə özümüz və düşüncəmiz dəyişməlidir.

Rejimə lənət oxumaq, çıxış və dəyişiklik yolu deyil! Ən kiçik daş parçasını öz nəfsi istəklərimizə qarşı ata bilmiriksə, özümüzdə islahat aparmağı bacarmırıqsa, deməli bu rejimi haqq edirik.

Xeber.İnfo

Cavid Cabbarlı

Almaniyanın Bonn şəhərində mitinq keçiriləcək. Bu barədə Xeber.İnfo-a mitinqin təşkilatçısı siyasi mühacir Elşən Abdullayev məlumat verib. E.Abdullayevin sözlərinə görə, mitinq Beynəlxalq Millətlər Təşkilatının (BMT) Almaniyanın Bonn şəhərindəki binasının qarşısında baş tutacaq: “Mitinqdən məqsədimiz beynəlxalq təşkilatlara çağırış etməkdir. “Beynəlxalq təşkilatlar Azərbaycan hökumətilə əməkdaşlığı dayandırmalıdır” – bu şüarla Azərbaycan hakimiyyətinin mahiyyətini dünyaya çatdıracağıq. Mitinq 15 may 2018-ci il tarixdə saat 14:00-da başlayacaq”.

E.Abdullayev əlavə edib: “BMT-nin binası qarşısında mitinq təşkil etməyimiz təsadüf deyil. BMT insan hüquq və azadlıqlarını təmin etməlidir. Lakin əksər halda insan hüquqlarının pozulmasına, azadlıqların məhdudlaşdırılmasına göz yumur. Bir ay əvvəl Azərbaycanda keçirilən president seçkisi ATƏT səviyyəsində tənqid olundu. Lakin heç bir nüfuzlu beynəlxalq təşkilat reaksiya vermədi. Əksinə əməkdaşlıqlar davam edir. Biz də BMT-dən tələb edirik ki, Azərbaycanda insan hüquq və azadlıqlarını məhdudlaşdıran rejimlə əlaqələrini kəssin”.

Xeber.İnfo

32222414 1689338957798220 1535537119982780416 n

Məlum olduğu kimi, hüquq-mühafizə orqanları uzun illərin hərəkətsizliyindən sonra, nəhayət ki, “dərman mafiyasına” qarşı savaş açıblar

Bir neçə həftə əvvəl Baş Prokurorluq dərman vasitələrinin qanunsuz dövriyyəsi ilə məşğul olan beş vəzifəli şəxsin həbs olunduğu xəbərini yaydı. Bakıda dərman vasitələrinin qanunsuz dövriyyəsi ilə məşğul olan “Sanimed” və “Epidbiomed” Məhdud Məsuliyyətli Cəmiyyətlərin inzibati binalarına, onlara məxsus anbarlara, aptek şəbəkələrinə, yaşadıqları mənzillərə, habelə dərman vasitələrinin qanunsuz satılması prosesində iştirak etmiş bəzi həkimlərin iş otaqlarına baxış keçirilərək qanun pozuntularını törədən şəxslərin əməlləri ifşa edilib. Bu əməlləri törədənlər həbs olunub.

İki gün əvvəl isə Dövlət Təhlükəsizlik Xidmətinin “dərman mafiyasının” başqa bir qolunu ifşa etdiyi xəbəri yayıldı. Məlumatda bildirilirdi ki, 30 aprel 2018-ci il tarixdə keçirilmiş birgə tədbirlər zamanı qanunsuz fəaliyyətlə məşğul olan mütəşəkkil dəstə müəyyən edilərək ifşa olunub. Görülmüş tədbirlər nəticəsində Bakı Beynəlxalq Hava Limanındakı Bakı Karqo Terminalından gömrük nəzarətindən yük maşınında çıxarılaraq dərman vasitələrinin qanunsuz dövriyyəsi ilə məşğul olan Məmmədov Anar Kamran oğluna məxsus yaşayış sahəsinə daşınan dövlət qeydiyyatından keçməmiş, ölkəyə buraxılması qanunsuz olan 53 adda ümumi dəyəri 108.819 AZN təşkil edən müxtəlif dərman vasitələri aşkar edilərək saxlanılıb. Səhiyyə Nazirliyinin əməkdaşlarının iştirakı ilə Anar Məmmədova məxsus Yasamal rayonunda yerləşən “Zeytun” aptekinə baxış zamanı dövlət qeydiyyatından keçməmiş, mənşəyi məlum olmayan 75 adda müxtəlif dərman vasitələri aşkar edilərək götürülüb. Davam edən araşdırmalarla Yasamal rayonu ərazisindəki “İrem”, “Qlükoza”, “Avas”, “Fatimə”, Nəsimi rayonu ərazisindəki “Zeytun”, “Medical City”, “Elit”, “Vahid”, “Dokta Elite”, Nərimanov rayonu ərazisindəki “Şəfa”, “Şəfa Zeytun 426”, “Təbib” apteklərinə satılmış müxtəlif sayda dövlət qeydiyyatından keçməmiş dərman vasitələri aşkar edilərək dövriyyədən çıxarılıb.

Məlumatda həmçinin dərman vasitələrinin ölkəyə qanunsuz yollarla gətirilməsini təşkil edən vəzifəli şəxslərin adları, bunu necə həyata keçirdikləri də açıqlanıb. Vəzifə səlahiyyətlərindən sui-istifadə etməklə qaçaqmalçılıq və külli miqdarda dərman vasitələrinin qanunsuz dövriyyəsi ilə bağlı cinayət əməllərinə görə, bəzi şəxslərin həbsə alındığı, Dövlət Gömrük Komitəsinin bir neçə yeksək vəzifəli şəxsinin işdən çıxarılaraq, sərəncama göndirildiyi bildirilib. Cinayət işi üzrə istintaq-əməliyyat tədbirləri davam etdirilir.

Bu məlumatı təkrar xatırlamağımızın səbəbi əməliyyat keçirilən apteklər və şirkətlərlə bağlı “AzPolitika.info”-ya yeni məlumatların daxil olmasıdır. Belə ki, saytımıza verilən məlumata görə, əməliyyat keçirilən aptek və şirkətlərin hər birinin arxasında yüksək vəzifəli və ya nüfuzlu şəxslər dayanır. Zatən arxalarında güclü şəxs dayanmazsa, illər uzunu saxta dərman sata bilməzdilər…

Məsələn, dövlət qeydiyyatından keçməmiş dərman vasitələrini satan apteklərdən biri olan “Elit”in deputat Elmira Axundovanın ailəsinə məxsus olduğu bildirilir. Qeyd edək ki, “Elit” adı ilə Bakının bir neçə rayonunda aptek fəaliyyət göstərir. Yəni, “Elit” apteklər şəbəkəsidir. Bu aptekin özü haqda yaydığı məlumatda da təsdiqlənir: ““Elit” Aptek şəbəkələri 1993-cü ildən fəaliyyət göstərir, peşəkar xidməti ilə müştərilərin rəğbətini və etibarını qoruyub saxlaya bilib. Yeni istifadəyə verilən “www.eliteaptek.az” ölkəmizdə ilk dəfə olaraq Bakı şəhərinin hər bir nöqtəsinə 24 saat pulsuz dərman çatdırılma xidmətini sizlərə təklif edir”.

Bu şəbəkənin bütövlükdə deputat Elmira Axundovanın ailəsinə məxsus olduğu iddia edilir. Elmira Axundovanın oğlu Həbib Axundov biznes fəaliyyətilə məşğul olduğundan apteklərin də onun tərəfindən idarə edildiyi istisna edilmir.

Maraqlıdır ki, internetdə “Elit” apteklər şəbəkəsilə bağlı məlumat toplamaq istərkən, Elmira Axundovanın üstüörtülü şəkildə bu apteki reklam edən fikirlərinə rast gəldik. Belə ki, deputat bir neçə il əvvəl ölkə prezidentinin dərman preparatlarının qiymətilə bağlı tutduğu iradlara münasibət bildirərkən, aptek sistemində pərakəndəlik olduğunu qeyd edib: “Mən özüm diabet xəstəsiyəm, yoldaşım da xəstə insandır. Bu səbəbdən də apteklərə tez-tez müraciət edirik. Məsələn, əgər hansısa dərman “Elit” aptekdə 15 manatadırsa, “AVİS” aptekdə 25 manatadır. Doğrudur, “AVİS”-dən istənilən dərmanı əminliklə, rahat bir şəkildə almaq olar. Xidmətləri yüksək səviyyədədir, amma həddən artıq bahalıdır. Ya da “Alman” aptekini götürək. Burada da hamı bilir ki, təmiz və keyfiyyətli dərmanlar satılır.

Mən daha çox “Novonorm” dərmanını alıram. Onun qiyməti Azərbaycanda Avropa ilə müqayisədə çox bahadır. Mən bu dərmanı Fransadan alanda 90 dənəsinə 11 avro ödədim. Azərbaycanda ”Alman” aptekində həmin “Novonorm”un 30 dənəsi 50 manatadır. Axı bunu kim ala bilər?! Kim üçün satırsınız?! Bu aptekdəki dərmanları adi adamlar ala bilər?! Əlbəttə, yox. Bu deməkdir ki, bizdə varlılar və kasıblar üçün apteklər formalaşır. Deməli öləndə varlılar üçün qəbristanlıqlara, xəstələnəndə varlılar üçün apteklərə getməyə məcbur edilirik”.

Göründüyü kimi, Elmira Axundova üstüörtülü şəkildə “Elit” aptekini reklam edib. Hansı ki, indi bu aptekin qeydiyyatsız dərman dövriyyəsilə məşğul olduğu, saxta dərmanlarla insanları zəhərlədiyi aşkarlanır. Maraqlıdır, açıqlamalarında özünü kasıbların qayğısına qalan biri kimi göstərən Elmira Axundovanın bundan xəbəri olubmu?

Onun da cavabını dərc etməyə hazırıq.

Çərşənbə axşamı, 08 May 2018 00:00

Paşinyan baş nazir seçildi

Yazan

Ermənistan müxalifətinin lideri Nikol Paşinyan baş nazir seçilib.

APA-nn "Aysor.am” saytına istinadən verdiyi xəbərə görə, bu gün Ermənistan parlamentinin xüsusi iclası keçirilib. 

Səsvermə zamanı 59 deputat "Yelk” (Çıxış) fraksiyasının üzvü, ölkədə başlayan etiraz aksiyalarının lideri N. Paşinyanın lehinə, 42-si isə əleyhinə səs verib. 

Mayın 1-nə təyin edilmiş xüsusi iclasda Ermənistan parlamenti N. Paşinyanın baş nazir vəzifəsinə namizədliyini qəbul etməyib. 

Deputat N. Paşinyan aprelin 13-dən İrəvanda başlayan kütləvi etiraz aksiyalarına rəhbərlik edib. 

Aksiyaçılar sabiq prezident Serj Sarkisyanın baş nazir təyin edilməsinə qarşı çıxış ediblər. 

Etiraz aksiyalarının nəticəsi olaraq baş nazir Serj Sarkisyan istefa verib.

Saatlı sakini: "İcra hakimiyyətindən bildirdilər ki, dilini dinc saxlasan, işıqsız da qalmazsan”

"Hər dəfə kəndin çətin sosial durumuna, məmurların yarıtmaz işinə görə Prezident Administrasiyasına yazanda, gətirib işığa olan borcun qəbzini qoyurlar qarşıma... Halbuki o borcun çox hissəsi evimi sel aparmamışdan əvvəl yığılmışdı və təbii fəlakətdən sonra məni aldatmışdılar ki, hadisə ilə əlaqədar hökumət bizim kommunal borclarımızı, həmçinin işığa olan borcumuzu bağışlayıb”.

Bunu Meydan TV-tə Saatlının Dəllər kəndinin sakini Əzizağa Cahangirov deyir.

Deyirlər, dilini dinc saxlasan, işıqsız qalmazsan

2010-cu ildə baş verən Kür daşqını bu kəndi də alt-üst edib. Ev-eşiyini, əşyalarını, əkin və heyvandarlıq təsərrüfatını itirənlərdən biri də Əzizağa Cahangirov olub. Uzun-uzadı mübahisələrdən, get-gəldən sonra hökumət kənddə ona da ev tikib. Deyir, təzə ev tikilərkən yerli icra hakimiyyətindən ona bildirilib ki, prezident seldən zərər çəkmiş ailələrin selədək olan kommunal borclarını bağışlayıb. Ancaq 4 ildən çoxdur ki, yerli işıq idarəsi ondan əvvəlki illərə görə elektrik borcunu tələb edir:

"O vaxt evdən bir çöp də götürə bilmədik. Evlərimiz 6-7 metr hündürlüyündə suyun altında qalmışdı, tək canımızı götürüb qaça bilmişdik. 2013-cü ildən başlayaraq mən kənddəki vəziyyətlə bağlı prezidentə yazmağa başladım. Yazırdım ki, insanlar əkinlə, heyvandarlıqla məşğul ola bilmir, yoxsulluq gündə bir evə faciə gətirir, ailələr çörək tapmır, Kür daşqınından sonra kənd təsərrüfatı ilə məşğul ola bilmirik, işıq qaz, su, yol problemlərimiz var və sair... Bundan sonra gəlib evin işığını kəsdilər. Dedilər, ora-bura demaqoqluq edincə, get işığa olan borcunu ödə... Baxdım ki, köhnə borcdur. Çünki ev təzə tikilmişdi. Üstəlik evin tikintisi vaxtı istifadə olunan elektrikin pulunu da borcun üstünə gəlmişdilər. Halbuki, hökumət buna görə kompensasiya ödəməliydi ki, hər şeyi əlindən çıxmış vətəndaş o borcu ödəyə bilsin, ya da o borc silinməliydi. İcra hakimiyyətinə müraciət elədim, bildirdilər ki, dilini dinc saxlasan, işıqsız da qalmazsan”.

Aldatdılar ki, guya köhnə borc silinib

Əzizağa Cahangirovun sözlərinə görə, bir qədər səs-küy salandan sonra yerli icra hakimiyyətindən ona bildirilib ki, narahat olmasın, selədək olan köhnə borc silinib. Lakin 1 həftə əvvəl işıq idarəsinin işçiləri gələrək işığı yenə kəsiblər:

"İşıqsız qalmışam. Səbəb yenə özləri demiş, demaqoqluqdur. Bu yaxınlarda kəndlilərin durumu haqqında Prezident Administrasiyasına yazmışam, yenə gəlib işığı kəsiblər. Borc da 5 manat deyil, 10 manat deyil... 1000 manatdan çoxdur. 1 oğlum 1-ci qrup əlildir, özüm ikinci qrup əliləm. Evdə bir sağlam adam yoxdur. Bununla belə, çalışırıq ki, əkinlə məşğul olub başımızı saxlayaq. Buğda əkmişəm, qalıb qurunt sularının altında... Mən bu pulu hardan götürüm ki, o qədər borcu qaytarım?... Əlilin dərmanlara belə pul tapmırıq. Hökumət yoxsul kəndlini anlamalıdır. Əlillərdən, xəstələrdən ibarət ailəni 1 həftədir işıqsız qoyublar. Kəndli səsini çıxara bilmir, vətəndaş etirazını edə bilmir. Gətirib qarşısına borc qəbzi qoyurlar, deyirlər, ya sus, ya da işığını kəsirik. Bu, vəziyyətdən çıxış yolu deyil. Hökumət qəzəbini kəndliyə tökməməlidir, problemləri vətəndaşın işığını kəsməklə həll etməməlidir, vətəndaşı dinləməyi bacarmalıdır, nəticə çıxarmalıdır. Bizdəsə etiraz edən vətəndaşın işığını kəsərlər, evini başına yıxarlar”. 

1 ildir, işıqpulu ödəmir

İmişlinin İşıq İdarəsindən Meydan TV-yə bildirilib ki, Əzizağa Cahangirovdan tələb olunan borc son illərdə yığılmış borclardır:

"Adam 1 ildən çoxdur ki, işıqpulu ödəmir. İşığı da buna görə kəsilib. Hər bir vətəndaş sözünü deməkdə azaddır, söz deməyə görə işıq kəsmirlər. Gətirsin, heç olmasa bir hissəsini ödəsin, işığını birləşdirək. Təəssüf ki, kasıbdır, yaxud əlildir deyə, qanunlarımız belə vətəndaşları işıqpuludan azad etmir. Bu qanunu biz yazmamışıq. Biz qanuna tabeyik”.

Hüquqşünas Vaqif Əliyev deyir, istənilən iddianın qanunvericilikdə müddəti var:

"Kommunal borcun tələb müddəti 3 ildir. Abonentdən yalnız son 3 ilin borcu tələb oluna bilər. Bu məqamda əlbəttə ki, sonuncu tələbin tarixi də əsas götürülür. Əgər 3 il ərzində həmin borc tələb olunmayıbsa, 3 ildən sonra tələb oluna bilməz. Əgər son rəsmi tələb (yazılı bildiriliş və sair) 3 ildən tez müddətə təsadüf edibsə, o zaman tələb qanunidir”.

''Heç vaxt ağlımıza gəlməzdi ki, Şuşa işğal olunar'' ''Etiraz edən vətəndaşın işığını kəsərlər, evini sökərlər'' Güzəştli ev almaq istədilər, sistem çökdü ‘’Aldatdılar ki, ev veriblər, bizi kirayəyə köçürtdülər‘’

8 -dən səhifə 187