Korrupsiyaya qarşı mübarizə və İnsan Hüquqları İnstitutu“ sədri Vəfa Alizadə

Avropada yaşayan bir qrup azərbaycanlı mühacir Almaniyanın Münhen şəhərində aksiya keçirib. Bu barədə „Korrupsiyaya qarşı Mübarizə və İnsan Hüquqları İnstitutu“nun sədri, ictimai-siyasi fəal Vəfa Alizadə Xeber.İnfo-a məlumat verib.

V.Alizadənin dediyinə görə, aksiyaya təqribən 50-yə yaxın mühacir qatılıb. Aksiya iştirakçıları “Siyasi məhbuslara azadlıq!” şüarı səsləndiriblər, Azərbaycandakı problemləri alman dilində yazılmış plakatlarla ictimaiyyətə çatdırmağa çalışıblar.

35429665 2160797643949102 1666888352449691648 n36063009 2160797733949093 2644977548210995200 n

35919481 2160797687282431 3120935528917106688 n

2015-2017-ci illər ərzində İrana bir milyondan çox azərbaycanlı səfər edib.

Bu barədə İran.ru portalı xəbər yayıb. Portalın İranın rəsmi statistika qurumuna istinadən məlumatına görə, səfər edənlərin 60 faizi İrana müalicə üçün gedib. Buna səbəb İranda səhiyyə xidjmətlərinin ucuz və keyfiyyətli olması göstərilir.

Məlumatda o da deyilir ki, azərbaycanlılar əsasən Təbriz, Ərdəbil və Tehrandakı xəstəxana və klinikalara üz tuturlar.

DÇ-2018-in bombardirlər yarışında dəyişiklik olub.

Apasport.az saytının məlumatına görə, oyun gününə 4 qolla şərikli lider kimi girən Romelu Lukaku (Belçika) və Kristiano Ronaldo (Portuqaliya) zirvədəki yerlərini təhvil verməli olublar.

Belə ki, İngiltərə - Panama matçında 3 qol vuran Harri Keyn ümumi qollarının sayını 5-ə çatdıraraq birinci pilləyə yüksəlib. “Tottenhem”in forvardı bununla da bombardirlər yarışında liderliyi ələ alıb.

Qeyd edək ki, qrup mərhələsinin 3-cü turunda Lukaku və Keyn Belçika və İngiltərə millilərinin heyətində bir-birilərinə rəqib olacaqlar.

İlkin nəticələrə görə, 24 iyun prezident seçkilərində qələbə qazanan Türkiyə prezidenti Rəcəb Tayyib Ərdoğan açıqlama verir.

Ərdoğan səs verən hər kəsə təşəkkür edib: “Əziz millətim, dünyanın harasında olursa-olsun qəlbi bizimlə vuran dəyərli vətəndaşlarımı səmimi duyğularımla salamlayıram. 24 iyun seçkilərinin ölkəmiz, millətimiz üçün xeyirli olmasını Allahdan diləyirəm. Şəxsimə, partiyama, ittifaqımıza səs verən qardaşlarıma təşəkkür edirəm. Bu gün millətimiz özgür iradəsi ilə məntəqələrə gedərək səs verdi. Seçkilərdə iştirak edən namizədləri təbrik edirəm. Ümid edirəm ki, heç kim seçki sisteminə və nəticələrinə kölgə salaraq demokratiyanın böyük gücünə zərər verməyəcək”.

Seçkiöncəsi baş verənlər deməyə əsas verir ki, Türkiyə xalqı çox ciddi sınaq qarşısındadır.

Bu gün Türkiyədə keçiriləcək prezident seçkilərində hazırkı prezideni Rəcəb Tayyib Ərdoğanın ən ciddi rəqibi Cümhuriyyət Xalq Partiyasının (CHP) namizədi Məhərrəm İncədir. Müşahidəçilər İyi Partiyanın sədri Meral Akşeneri də kifayət qədər ciddi rəqib sayırlar.

Seçkilərdə eyni zamanda hazırda həbsdə olan kürd millətçisi, kürd terror təşkilatı olan PKK-nın sıralarında vaxtilə Türkiyə ordusuna qarşı döyüşmüş Xalqların Demokratik Partiyasının (HDP) həbsdə olan namizədi Səlahəddin Dəmirtaş da mübarizə aparır.

Adları çox az hallanan və zəif namizədlər sırasında olan Səadət Partiyasının sədri Təməl Karamollaoğlu, Vətən Partiyasının sədri Doğu Perinçək də prezidentliyə namizədlər sırasındadır. 

Bu gün Türkiyədə parlament seçkiləri də keçirilir. Türkiyə Böyük Millət Məclisindəki 600 mandat uğrunda AKP, MHP, BBP, CHP, İYİ Partiya, Səadət Partiyası, Demokratik Partiya, Xalqların Demokratik Partiyası, Müstəqil Türkiyə Partiyası, Müstəqil Mübarizə - HÜDA Partiyası, Vətən Partiyası mübarizə aparırlar.

Türkiyədəki seçkilərdə 59 milyon 391 min 328 vətəndaş səsvermədə iştirak edəcək.

Səsvermə prosesini 34 ölkədən 650 KİV təmsilçisi, eyni zamanda 500-ə yaxın beynəlxalq müşahidəçi izləyəcək.

Artıq səcvermə başlayıb. Ankara vaxtı ilə saat 8.00-da start götürən səsvermə saat 17.00-da başa çatacaq. 1 milyon 650 min gənc də ilk dəfə seçkidə iştirak edəcək.

Qeyd edək ki, R. T. Ərdoğanın namizədliyini sədri olduğu hakim Ədalət və İnkişaf Partiyası (AKP), Milliyətçi Hərəkat Partiyası (MHP), Böyük Birlik Partiyası (BBP) və Hüda-Par dəstəkləyir.

Ötən gün – iyunun 23-də Azərbaycanın müdafiə sənayesi naziri Yavər Camalov uzun sürən ağır xəstəlikdən sonra vəfat edib. Səhhətində ciddi problemlər olmasına baxmayaraq, mərhum nazir vəzifə postunu tərk etməmişdi.

Xatırladaq ki, Y.Camalov səhhətindəki ciddi problemlər üzündən vəzifə başında dünyasını dəyişən ilk yüksək çinli məmur deyil.

Bundan öncə baş vermiş belə hadislərin qısa xronologiyasını oxucuların diqqətinə çatdırır.

Azərbaycan səhiyyə nazirinin müavini Abbas Vəlibəyov bu il aprelin 8-də 71 yaşında vəfat edib. O, öldüyü anadək nazir müavini işləyirdi.

Dövlət Şəhərsalma və Arxitektura Komitəsinin sədri Abbas Ələsgərov da vəzifə başında dünyasını dəyişən yüksək ranqlı şəxslər sırasındadır. O, bu il fevralın 18 vəfat edib.

Azərbaycanın energetika naziri Natiq Əliyevin vəfatını da xatırlamamış olmazsınız. N.Əliyev ötən il iyunun 3-də Bakıda keçirdiyi ürək tutmasından sonra müalicə üçün Türkiyəyə aparılmışdı. Türkiyə "Florence Nightingale” klinikasına yerləşdirilən N.Əliyev 2017-ci il iyunun 8-də beyin insultu keçirmiş və dünyasını dəyişmişdi.

Arif Vəliyev Dövlət Statistika Komitəsinin (DSK) sədri vəzifəsini tərk etmədən ölmüşdü. O, 2014-cü il iyunun 23-də uzun sürən xəstəlikdən sonra vəfat etmişdi. A.Vəliyev 1993-cü ilin mayından ölən günə kimi həmin vəzifədə çalışıb.

Azərbaycan Milli Elmlər Akademiyasının (AMEA) mərhum prezidenti, akademik Mahmud Kərimov 2013-cü fevralın 10-da ürəktutmasından dünyasını dəyişəndə elə himn postda çalışırdı. 65 yaşında vəfat etmiş M.Kərimov xüsusi təyyarə ilə Türkiyəyə aparılanda elə yoldaca keçinmişdi.

Bakı şəhər İcra Hakimiyyəti başçısının müavini Rauf Pənahov vəfat edəndə istirahətdəydi. O, 2017-ci il iyulun 7-də Qusar rayonunda dincələrkən ürək tutmasından dünyasını dəyişib.(modern.az)

Bazar, 24 İyun 2018 00:00

Nazir Yavər Camalov vəfat etdi

Yazan

Yavər Camalov uzun sürən xəstəlikdən sonra dünyasını dəyişib.

Məlumatı mərhum nazirin ailəsinə yaxın mənbələr təsdiqləyib.

Xatırladaq ki, 69 yaşlı mərhum nazir bir neçə dəfə İsraildə müalicə olunmuşdu

Qeyd edək ki, ötən ilin sentyabrında Y.Camalovun oğlu 44 yaşlı Rövşən Camalov Türkiyədəki özəl xəstəxanalardan birində dünyasını dəyişmişdi.

Yavər Camalov 17 oktyabr 1949-cu ildə Sabirabad rayonunun Çölbeşdəli kəndində anadan olub.

1972-ci ildə Azərbaycan Neft və Kimya İnstitutunu bitirib.1972 – 2006-cı illərdə neft sahəsi üzrə müxtəlif qurumlarda çalışıb.

Prezident İlham Əliyevin 18 mart 2006 - cı il tarixli Sərəncamı ilə Azərbaycan Respublikasının Müdafiə Sənayesi naziri təyin edilib. Evlidir, 2 oğlu var.

Allah rəhmət eləsin.

Lerik rayonunun Biləvər kənd sakini Azadov İdrət Şəvəqqət oğlu məmur özbaşınalığından şikayətçidir.

O bununla bağlı ölkə başçısı İlham Əliyevə, Birinci-vitse prezident Mehriban Əliyevaya, səhiyyə naziri Oqtay Şirəliyeva və müdafiə naziri Zakir Həsənova müraciət edib.

İ. Azadov Anaxeber.az-a göndərdiyi müraciətin mediada işıqlandırılması ilə üzləşdiyi problemin həll olacağına ümid edir:

"Oğlum 1996-cı il təvəllüdlü Azadlı İltimas İdrət oğlu 09.10.2014-cü ildə Səfərbərlik və Hərbi Xidmətə Çağırış üzrə Dövlət Xidmətinin Lerik rayon şöbəsi tərəfindən orduya çağırılmış, təmas xəttində yerləşənN saylı hərbi hissədə xidmətdə ikən 03.09.2015-ci il tarixdə döyüş tapşırığını yerinə yetirəndə düşmən tərəfindən atılan bel nahiyəsinin böyrək zədələnməsi ilə nəticələnən güllə yarası almışdır. Nəticədə Ağdamın Sarıcalı Hərbi Qospitalında müalicə olunmuşdur. Hərbi Həkim Komissiyasının Qərarı ilə “Sol bel nahiyyəsinin dəlib keçən odlu silah yaralanmasından sonrakı bərkimiş dəri çapığı ilə “Hərbi Travmadır, Azəbaycan Respublikasının müdafiəsi zamanı alınmışdır” diaqnozu qoyulmuşdur. Hazırda oğlum aldığı yaradan əziyyət çəkir, böyrəyi onu incidir".

Lerik sakini deyir ki, rayon həkim komisiyasının sədri, Lerik Rayon Mərkəzi Xəstəxnasının baş həkimi Mübariz Ağayev və şöbə müdiri Rəfael Ağayev ondan rüşvət tələb edib: "Bu barədə yardım üçün Azərbaycan Respublikasının Müdafiə Nazirliyinə, Azərbaycan Respublikasının Hərbi Prokurorluğuna müraciət etmişəm, lakin onların tövsiyəsi ilə Lerik rayonunun Tibbi Hərbi Komissiyasının sədri Mübariz Ağayeva müraciətim cavabsız qalmışdır. O, oğlum Azadlı İltimasa heç bir yardım göstərməmiş və mənim müraciətimi rədd etmişdir. Mən Azərbaycan Respublikasının Müdafiə Nazirliyinə bir daha bildirirəm ki, Mübariz Ağayev səlahiyyəti müddətində bəzi mənfi işlərlə məşğul olaraq neçə çağırış yaşlı gəncləri ordudan yayındırmaqla məşğul olmuşdur. Lakin mənim imkanlarım məhdud olduğundan oğluma lazımi yardım edilmir".

Vətəndaş bildirib ki, indiyə qədər yazmadığı qurum, döymədiyi qapı qalmayıb, ancaq problemi həll olunmayb: "Xahiş edirəm ki, mənim haqq səsimi mətbuat səhifələrində işıqlandırasınız və əlaqədar təşkilatlara çatdırasınız. Onsuz da şikayətlərimə Lerikdə əhəmiyyət verən yoxdur, bəlkə, ölkə rəhbərliyi ordunun əsgəri olmuş bir gəncin taleyi ilə bağlı əncam çəkdi".
Qarşı tərəfin də mövqeyini dərc etməyə hazırıq.

İsrail ordusunun hərbçiləri Qəzza zolağında fələstinlilərin “Böyük qayıdış yürüşü” aksiyasını işıqlandıran “Anadolu” informasiya agentliyinin foto-müxbiri Əli Cadallahı yaralayıb.

Çəkiliş vaxtı zirehli gödəkçədə olmuş jurnalist sol əlindən güllə yarası alıb.

Müxbirinin “Şəfa” xəstəxanasına yerləşdirildiyi bildirilir.

Həbsdə olan jurnalist Fikrət Fərəməzoğlunun (İbişbəyli) səhhəti ağırlaşıb. 

Bu barədə jurnalistin həyat yoldaşı Faiqə Nosrəti məlumat yayıb.

O bildirib ki, jurnalist nevroz və təzyiqdən əziyyət çəkir: "Bir müddətdir ki, ürəyində kəskin ağrılar başlasa da, Penitensiar Xidmətin Müalicə Müəssisəsinə köçürülmür. Həkimin təyin etdiyi dərmanları da almışıq. Amma xəstəxanaya köçürülməsi vacibdir".

Jurnalistin həyat yoldaşı ictimaiyyət nümayəndələrini bu məsələni diqqətdə saxlamağa çağırıb.

Fikrət Fərəməzoğlu Cinayət Məcəlləsinin 182-ci maddəsiylə ittiham olunub. O, müxtəlif restoran, iaşə obyektlərinin sahiblərindən hədə-qorxu ilə pul tələb etməkdə suçlanıb. Amma jurnalist ittihamı qəbul etməyib. 

O bildirib ki, «restoran», «masaj salonu» adı altında fəaliyyət göstərən əxlaqsızlıq yuvalarını ifşa etdiyinə görə sifarişlə həbs olunduğunu bildirir. 

Onun deməsinə görə, həmin yerləri yüksək vəzifəli şəxslər himayə edir.

2017-ci ilin iyunun 14-də jurnalist 7 il azadlıqdan məhrum edilib.

F.Fərəməzoğlu 10 il öncə də cinayət məsuliyyətinə cəlb edilib. 

Həmin vaxt daxili işlər naziri Ramil Usubov ona böhtan atıldığı iddiası ilə jurnalisti məhkəməyə vermişdi. 

Nəticədə jurnalistə bir il şərti həbs cəzası kəsilmişdi.(toplum.tv)

1 -dən səhifə 183