Thursday, November 23, 2017

Çərşənbə, 14 İyun 2017 00:00

Əli (ə) – Quran; Quran – Əli (ə)

Yazan

İki Quran hadisəsinə təsadüf edir Ramazan ayı:

Ramazan ayı bir Quranın yerə endiyi, digərinin göylərə yüksəldiyi aydır. Çox qəribədir, Quranın nazil olduğu gecələrdə onun canlı təzahürünün başına zərbə endirildi, həyatına son verildi. Təbii ki, bu da səbəbsiz deyildi. Öz mənfur dünyalarına yenilmiş insanlar danışan Quranı - Əlini (ə) qətlə yetirməklə göydən enmiş yazılı Quranı öz istəklərinə uyğunlaşdırmağı düşündülər. Əlini (ə) səhnədən kənarlaşdırmağa, onu həyat səhifəsindən silməyə çalışanların ən böyük xətası, ən böyük günahı da məhz  bu iki Quranı bir-birindən ayırmaq olmuşdu. 14 əsr keçməsinə baxmayaraq, eyni xətanın yaşanması indi də davam edir. Əlisiz Quran nəfslərin istəklərinə uyğunlaşdırılmış Qurana çevrilir. Bu gün Quranı təhrif emək isəyənlər öncə Əlini (ə) təkrar-təkrar qətlə yetirməlidirlər. Çünki Quran yalnız Əlidən (ə) təcrid edildikdə təhrif edilə bilər. Onu təhrif etmək üçün öncə İbn Mülcəmin işini görmək, Əlini (ə) qətlə yetirmək lazımdır. Əlinin (ə) qatili təkcə İbn Mülcəm deyil, tarix boyu Quranı Əlisiz (ə) izah, təfsir və təbliğ etməyə çalışanlardır. Yerə enmiş Quran o zaman məzlum olur ki, onu danışan, həyat tərzi ilə göstərən, tam mənası ilə təzahür etdirən izahedicisindən – Əlidən (ə) ayrılır. Quranla nicat tapanlar yalnız o insanlar olacaqlar ki, Qiyamətə qədər bu ikisini – Əlini (ə) Qurandan və Quranı Əlidən (ə) ayırmayacaqlar. Əks təqdirdə, Quranın özü də buyurduğu kimi, hidayət üçün göndərilmiş Quran özü çoxlarını zəlalətə düçar edəcək. Quran yalnız fasiqləri zəlalətə düçar edir.

Müaviyə Quranı oxuya-oxuya Əliyə (ə) qarşı çıxırdı, xəvaric göydən endirilmiş Quranı oxuya-oxuya Əliyə (ə) qarşı qılınc çəkirdi. Əlini (ə) səhnədən kənarlaşdırmağa çalışanlar hamısı Quran oxuyurdular. Onlara Əli (ə) ilə bütövləşən Quran sərf etmirdi. Əli (ə) ilə bütövləşən Quran onların nəfsani istəklərinin həyata keçməsinə mane olurdu. Bu gün də Quranı Əlisiz (ə) tərcümə və təfsir etməyə çalışanlar eyni aspektdən çıxış edənlərdir.

Siffeyn döyüşündə Quranın vərəqlərini nizəyə taxan ataların balaları Kərbəlada danışan Quranın balasının başını nizəyə taxdılar. Bir zaman Qurana vərəqləri cırıla bilən, ona hiylə vasitəsi kimi baxan, nəfsinin istəklərinə xidmət edə biləcək bir kitab münasibəti bəsləyənlərdən belə övladların törəməsi labüd idi. Qeyd olunan hər iki cəbhə bu gün də öz missiyasını canla-başla yerinə yetirməkdədir. Bu gün Quranı Əlisiz (ə) izah etməyə çalışanlar, onu Əlidən təcrid edərək öz subyektiv görüşləri əsasında təbliğ edənlərlə bir zamanlar öz nəfsani istəklərini həyata keçirmək üçün Əlini (ə) səhnədən kənarlaşdıranlar, onu nizəyə taxaraq siyasət yürüdənlər eyni cəbhənin adamlarıdırlar. Bu gün Suriya və İraqda Əlinin (ə) adını çəkənləri, onların məsum körpələrini qətlə yetirənlər Kərbəlada İmam Hüseynin (ə) başını kəsib nizəyə taxanlar, məsum körpəsini qətlə yetirənlərlə eyni məqsədə xidmət edənlərdirlər. Bir qədər dinc və münaqişəsiz regionlarda isə Quranı öz bildikləri kimi tərcümə və izah etməyə çalışanlar, bu sahədə məsumların hədislərini tamamilə inkar edənlər, əllərinin arxası ilə bir kənara itələyənlər, ən yaxşı halda, mən hədisləri inkar etmirəm deyə-deyə əməldə Quranı öz nəfsani istəklərindən çıxış edərək şərh edənlər və ən doğru yolun bu olduğunu iddia edənlər Əlini (ə) səhnədən kənarlaşdıranlarla eyni xislətin daşıyıcılarıdırlar.

Quranı Əlidən (ə) təcrid etməklə, onu öz nəfsimizə uyğun şəkildə izah eməyə çalışmaqla Əlinin (ə) təkrar qatillərinə çevrilməyək!

Famil Burxanoğlu (Maide.Az)

İyunun 10-da Sumqayıt şəhərinin Hacı Zeynalabdin Tağıyev qəsəbəsində 119 uşağın zəhərlənməsi ilə bağlı məlumat yayıldı. 

Bu açıqlamanı isə Səhiyyə Nazirliyinin Respublika Gigiyena və Epidemiologiya Mərkəzinin direktoru İmran Abdullayev vermişdi. 

O, 119 uşaqda zəhərlənmə ehtimalının olması ilə bağlı xəstəxanaya müraciət edildiyini açıqladı.  

Yayılan məlumatlarda bildirilirdi ki, uşaqların içməli sudan zəhərlənib. Belə ki, Ceyranbatan su anbarında təmizlənmə işləri aparmadığından evlərə çirkli su verilib. 

Amma bu məlumatdan sonra "Azərsu” ASC açıqlama verərək bəyan edib ki, Sumqayıt şəhəri, H.Z.Tağıyev qəsəbəsində qeydə alınmış hadisə içməli su ilə əlaqəli deyil və vətəndaşların narahatlığı üçün heç bir əsas yoxdur.   

Səhiyyə Nazirliyinin rəsmi açıqlaması isə "Azərsu" ASC-ni fakt qarşısında qoyub. Nazirliyin açıqlamasına görə uşaqlardan götürülmüş nümunələrin laborator müayinəsində xəstələrdə "Rotavirus” infeksiyası aşkar edilib.  

Nazirliyin açıqlamasında bildirlirdi ki, yayılma yolunun əsasən su olduğunu nəzərə alaraq infeksiyanın baş verməsinə səbəb paylayıcı su şəbəkəsi ehtimal olunur. 

"Anbardakı suyu təmizləməyiblər"

Azad İstehlakçılar Birliyinin sədri Eyyub Hüseynov isə bildirib ki, ümumiyyətlə, ölkədə istehlakçı hüquqları sahəsində böyük problem var: 

"Bütün bunların səbəbini qanunvericilikdə axtarmaq lazımdır. Ümumiyyətlə, qidanın təhlükəsizliyi haqqında ölkədə qanun yoxdur. Mövcud olan qanunları yerinə yetirən dövlət orqanlarının fəaliyyətsizliyi görünür. Belə məsələlərdə gərək hər şey aydın olaydı. Mən 20 ildən artıqdır ki, istehlakçı hüquqlarını qoruyuram, amma bir dəfə də olsun kütləvi istehsalat malından zəhərlənmə barədə Səhiyyə Nazirliyi heç bir məlumat verməyib. Bu məsələyə gəldikdə isə Ümumdünya Su Konqresinin iştirakçısı olaraq deyə bilərəm ki, "Azərsu" suyu normal standartlara uyğun təmizləyir. Lakin su infrastrukturu o qədər köhnədir ki, krantlardan palçıqlı su gəlir. Bunlar qəzalar nəticəsində kənar suların içməli sulara qarışması nəticəsində baş verir. Ciddi problem  də su anbarlarının təmizlənməməsi məsələsidir. Yeni tikilən binaların da öz su anbarları var və vaxtında təmizlənmir. Hətta orada həşərat ölüləri var. Düşünürəm ki, bu hadisənin səbəbi də su anbarlarındakı suyun təmizlənməməsindən qaynaqlanır”.

"O şəxslər tapılıb mükafatlandırılmalıdır"

Hüquqşünas Ələsgər Məmmədli hesab edir ki, hökumətin bu problemi önləmək üçün heç bir planı yoxdur: 

"Bu hadisə ciddi şəkildə göstərdi ki, hökumətin bununla bağlı "B" planı yoxdur. Heç "A" planı da olmayıb. Vətəndaşları narahat edən odur ki, azyaşlı uşaqların kütləvi zəhərlənməsinə baxmayaraq, aradan xeyli müddət keçsə də, cəmiyyəti bilgiləndirən doğru, dürüst informasiyalar verilməyib. "İnformasiya əldə etmək haqqında" Qanunda hökumətin öhtəliyidir ki, əhalinin sağlamlığının qorunması ilə bağlı problem baş veribsə, dərhal, mümkün olmadıqda 48 saat müddətində ətraflı araşdırma edərək cavab versin. İndiki halda, hadisədən bir neçə gün keçməsinə baxmayaraq, Səhiyyə Nazirliyindən bir açıqlama daxil oldu ki, zəhərlənmələrin mənbəyi su imiş. Eyni zamanda "Azərsu" bunu özünün problemi kimi göstərməmək üçün bundan imtina edir. Beləliklə, ikili yanaşma yaranıb. Gerçəyin harada olması ilə bağlı vətəndaşlar hələ də tərəddüd etməkdədirlər. Konkret problemin harada olduğu məlum olarsa, insanları problemdən qorumaq, həmin prossesdən çəkindirmək olar. Əslində, maariflənmənin, ictimai bilgiləndirilmənin, informasiyalaşmanın da birinci səbəbi budur. İndiki halda hələ də konkret olaraq doğru təsbit qoyulmayıb ki, insanlar krantdan gələn sudanmı zəhərləniblər, yoxsa küçədə satın alınan sudan. Bizə təhlükənin haradan gəldiyinin cavabını toplum hələ də bilmir. Təəssüf ki, ayrı yerə yönləndirmələr var. Məsələn, "whatsapp"da kimsə səsli mesaj vasitəsi ilə əhalini çəkindirib ki, uşaqlarınızı su içməyə qoymayın. İndi informasiya yayılıb ki, bu şəxslər tapılıb cəzalandırılacaq. Halbuki o şəxslər tapılıb mükafatlandırılmalıdır ki, say artmadı. Çünki bu tip hadisələr həm coğrafi baxımdan fərqli yerlərdə olması, həm də insanların eyni su şəbəkəsindən istifadə etməsi nəzərə alınarsa, kütlənin eyni problemlə qarşı qarşıya qalmasını gündəmə gətirir”.(toplum tv)

Mövsüm Səmədov Qobustana göndərilir

İyunun 14-də  Qaradağ Rayon Məhkəməsində Azərbaycan İslam Partiyasının sədri Mövsüm Səmədovun Qobustan həbsxanasına köçürülməsi ilə bağlı məhkəmə prosesi keçirilib. 12 saylı Cəzaçəkmə Müəssisəsinin rəhbərliyinin təqdimatı əsasında keçirilən prosesə hakim Rəşad Mustafayev sədrlik edib. 

Məhkəmə Mövsüm Səmədovun 3 illik Qobustan qapalı tipli təcridxanasına göndərilməsi ilə bağlı hökm çıxarıb. Bu barədə vəkil Yalçın İmanov danışıb. Vəkil qərardan apelyasiya şikayəti verəcəklərini deyib.

Mövsüm Səmədov 2 yanvar 2011-ci ildə hakimiyyətin siyasətini sərt tənqid edib. Bu hadisədən 5 gün sonra, 7 yanvar 2011-ci ildə saxlanılaraq, polisə tabesizlik maddəsi ilə 13 sutka inzibati həbsə məhkum olunub. 13 sutkalıq həbs cəzası bitəndən sonra ona qarşı qanunsuz silah saxlamaq, hakimiyyətin ələ keçirilməsi və başqa ittihamlarla cinayət işi açılıb. 12 il həbs cəzası alıb. Avropa Məhkəməsi onun işi üzrə kommunikasiyaya başlayıb. AİP M. Səmədovun həbsini onun 2 yanvar 2011-ci ildə Azərbaycan hökumətinə qarşı etdiyi çıxışı ilə əlaqələndirib.

2014-cü il oktyabrın 9-da Qaradağ Rayon Məhkəməsinin qərarı ilə M.Səmədov 12 saylı cəzaçəkmə müəssisəsindən 2 illik Qobustan Qapalı Rejimli həbsxanasına köçürülmüşdü. Şərtlərin sərtləşdirilməsi M.Səmədovun intizamı pozması ilə əsaslandırılıb. O, 2016-cı il noyabrın 28-də 12 saylı cəzaçəkmə müəssisəsinə qaytarılıb.

Mövsüm Səmədova bir neçə dəfə "kars" cəzası veriləndən sonra həbsxana rəisi Rauf Məmmədov onun Qobustan qapalı həbsxanasına köçürülməsi ilə bağlı təqdimat verib.

Çərşənbə, 14 İyun 2017 00:00

Əfqan Muxtarlı dindirilib - VƏKİL

Yazan

Bu barədə Əfqan Muxtarlının vəkili Elçin Sadıqov məlumat verib: "Bu gün Bakı İstintaq Təcridxanasında Əfqan Muxtarlı təqsirləndirilən şəxs qismində əlavə olaraq dindirildi.

Eyni zamanda Əfqan Muxtarlı vəsatət qaldıraraq İTV nin Carçı verilişində onun Gürcüstandan Azərbaycana gətirilməsinin Azərbaycan Gürcüstan xüsusi xidmət orqanlarının birgə əməliyyat olması barədə xəbəri yayan aparıcının, həmin xəbərdə bu barədə danışan ekspertlərin və deputat Elman Nəsirovun dindirilməsi barədə vəsatət verdi. Həmçinin bildirdi ki, onu Azərbaycan tərəf gətirəndə onu gətirən şəxslərdən biri başı və gözləri bağlı Əfqan Muxtarlı barəsində deyib ki, Əli bizim adamdı.

Əli adlı şəxsdə israr edib ki, qapını aç baxım. Əfqanı gətirən şəxslərdən biri qapını açıb, (həmin avtomobilin qapısı öndən araxaya açılırmış) həmin Əli adlı şəxs başı və gözləri bağlanmış Əfqan Muxtarlını görəndən sonra getmələrinə icazə verib. Əfqan Muxtarlı bildirdi ki, həmin Əli adlı şəxs DSX, DTX və ya DGK-nin həmin vaxt növbədə olan əməkdaşı olub. Xahiş etdi ki, istintaq həmin Əli adlı şəxsin şəxsiyyətini müəyyən edib şahid qismində dindirsin".

Medika Hospital Ramazan ayına özəl olaraq imkansız ailələrə yardim məqsədi ilə pulsuz sünnət aksiyası elan edir!

Bu barədə Hospitalın facebook səhifəsində məlumat qeyd olunub: "Aksiyadan yararlanmaq üçün əlaqə nömrələrimizə zəng edib və ya Facebook,instagram - (Medika.az) səhifəmizə yazıb qeydiyyatdan keçə bilərsiz.
Ünvan: Baki, Xetai rayonu, Nesreddin Tusi 21 (Əhmədli metrosunundan 62 № avtobusun son dayanacağı)
 0123791313
 0552532336

Xeber.İnfo

 

Jurnalist Fikrət Fərəməzoğlu 7-il azadliqdan məhrum edildi!

Bu gün Bakı Ağır Cinayətlər Məhkəməsində jurnalist, “Jam.az” saytının rəhbəri Fikrət İbişbəylinin (Fərəməz oğlu) cinayət işi üzrə məhkəmə prosesi davam etdirilib.

Hakim Eldar Mikayılovun sədrliyi ilə keçirilən prosesdə jurnalist 7 il müddətinə azadlıqdan məhrum edilib

Qeyd edək ki, prokuror onun 3 il jurnalist fəaliyyətindən məhrum edilməklə 8 il müddətinə azadlıqdan məhrum edilməsini istəyib.

Xətai rayonunda yerləşən restoranlardan birinin sahibi olan paytaxt sakini DİN-ə müraciət edərək İbişbəyli Fikrət Fərəməz oğlunun rəhbəri olduğu “Jam.az” və digər saytlarda obyektinin işgüzar nüfuzuna xələl gətirən materiallar yaydığını, həmin yazıları saytdan çıxarmaq müqabilində bu ilin aprel ayında ondan 1000 manat aldığını və gələcəkdə bu səpkili materialların yazılmaması üçün hər ay 5000 manat tələb etdiyini bildirib.

Faktla bağlı Cinayət Məcəlləsinin 182-ci maddəsi ilə (hədə-qorxu ilə tələb etmə) cinayət işi başlanılaraq F. İbişbəyli barəsində həbs-qətimkan tədbiri seçilib.

Çərşənbə axşamı, 13 İyun 2017 00:00

Seçicilər Ülvi Quliyevin zühuru arzusunda - VİDEO

Yazan

Paytaxtın Yasamal rayonu, 15 saylı I seçki dairəsindən deputat seçilmiş Ülvi Quliyev qeybə çəkilib

Seçiciləri millət vəkilini görmək arzusundadırlar.
Onların sözlərinə görə, Yasamalın deputatları seçkiqabağı müəyyən işlər görürlər, sonra o işlər dayanır:
“Bizimlə seçkiqabağı görüşüb, sonra görməmişik. Onu ancaq seçkidə görmüşük. Yasamal problemlərinin həlli üçün heç nə etmirlər”.
Bolgexeber.tv-nin keçirdiyi sorğuda iştirak edənlər Ü.Quliyevin üzünü görmədiklərini söyləyirlər. Həqiqətən də millət vəkili son vaxtlar mətbuatda da əvvəlki qədər aktiv fəaliyyət göstərmir.
Eyni zamanda Yasamalın digər deputatları - Aytən Mustafayeva ilə Elşad Həsənovun da səsini eşidən yoxdur. Hər üç deputatdan dəfələrlə narazılıq qeyd olunsa da, tüklərini tərpətməyiblər.
Ü.Quliyevdən narazılıq edənlər arasında Alatava sakinləri də var. 2-ci Alatavada yaşayanlar yol problemindən şikayət etməkdən yorulublar, amma deputat qulaqardı etməkdən bezməyib.
Bu massivin yolları həqiqətən də bərbaddır. Sakinlər qeyd edirlər ki, II Alatavaya gəlməklə faciənin şahidi olmaq mümkündür:
“Saytınız vasitəsi ilə dəfələrlə müraciət etsək də, onların vecinə də deyil. Bizi saymırlar. Eşitmirlər. Çünki şəxsi maşınlarının getdiyi yollar Alatavadan keçmir.
Qış da gəlib, qar qapımızı döyür. Ülvi Quliyev kabinet və komfort maşından çıxıb qəsəbəyə gəlib camaatla maraqlanmır, seçicilərin, vətəndaşların dərdinə şərik olmurlar”.
Deputatın Bakıda və İsmayıllıda biznes obyektlərinin olduğu deyilir.
Bildirilir ki, deputat Bakıda böyük biznes şəbəkələri yaratmaqla məşğuldur. Ancaq o, bu obyektlərini yaxın adamlarının adına sənədləşdirilir. Özü isə demək olar ki, vaxtaşırı bu obyektlərə baş çəkir, bir obyektlərdən gələn gəlirin hesabatını aparır.
Verilən məlumatda bildirilir ki, metronun “Nərimanov” stansiyasının yaxınlığındakı “Qala” restoranı da məhz deputat Ülvi Quliyevə məxsusdur.
Onun İsmayıllı rayonunda da biznes obyektləri var. Ancaq deputatın bu obyektlərdə başqa iş adamları və vəzifəli şəxlərlə ortaq olduğu deyilir.

Çərşənbə axşamı, 13 İyun 2017 00:00

Bu gecə pulsuz taksi xidməti göstəriləcək

Yazan

Mübarək Ramazan ayının Qədr gecələrində pulsuz taksi xidməti

"Ulduz Taksi" taksi sifarişi şirkəti Mübarək Ramazan ayının Qədr gecələrində aksiya keçirir.
Aksiya çərçivəsində Qədr gecələrində saat 21:00-dan evdən məscidə bütün gedişər tam pulsuz olacaq. Aksiya sübhə qədər davam edəcək.
Şirkətinin nümayəndəsinin bildirdiyinə görə, bu aksiya Qədr gecələrində (Əhya gecəsi) məscidlərə insanların gediş-gəlişində rahatlığı təmin etmək məqsədi ilə keçirilir.
Qədr gecələrində pulsuz taksi sifarişi üçün *5000 zəng etmək kifayət edər.
Allah orucunuzu qəbul etsin!

Çərşənbə axşamı, 13 İyun 2017 00:00

Dini lider ABŞ-ı yalan danışmaqda günahlandırıb

Yazan

İranın ali dini lideri ayətullah Əli Xamnei ABŞ-ı yalan danışmaqda günahlandırıb.

"Report" TASS-a istinadən xəbər verir ki, onun sözlərinə görə, ABŞ öz hərəkətləri ilə regionda sabitliyi pozur və İŞİD-in məhv edilməsinə köməklik göstərmir.

"ABŞ-ın antiterror koalisiyası formalaşdırması ilə bağlı iddialar yalandır", - deyə ayətullah Əli Xamenei bildirib.

Çərşənbə axşamı, 13 İyun 2017 00:00

Aleksey Navalnıy 30 sutkalıq həbs cəzası alıb

Yazan

Rusiyada fəaliyyət göstərən Korrupsiya ilə Mübarizə Fondunun (KMF) lideri Aleksey Navalnıy 30 sutka həbs cəzası alıb.

Apa-nın “RİA Novosti” agentliyinə istinadən verdiyi xəbərə görə, Moskvanın Simonov məhkəməsi razılaşdırılmamış aksiyalara çağırış və hüquq-mühafizə orqanlarının tələblərinə tabe olmayaraq itaətsizlik nümayiş etdirdiyinə görə A.Navalnıyə 30 sutkalıq inzibati həbs verib.

Ötən  gün Moskvada korrupsiyaya qarşı etiraz aksiyası keçirilib. Aksiyasın təşkilatçısı A.Navalnıy son anda tədbirin keçirildiyi məkanın akademik Saxarov prospektindən Tverskaya küçəsinə dəyişdirildiyini açıqlayıb. Tverskaya küçəsindəki etiraz aksiyası isə şəhər meriyası ilə razılaşdırılmayıb. A. Navalnıy aksiyanın keçirilməsinə bir neçə saat qalmış yaşadığı evin qarşısında saxlanılıb.

İyunun 12-də Moskva və Sankt-Peterburqda keçirilən etiraz aksiyalarında azı 650 nəfər saxlanılıb. Rusiya DİN-in məlumatına əsasən, Sankt-Peterburqda aksiyada 3500, Moskvada isə 4500 nəfər iştirak edib.

9 -dən səhifə 149