II yazı

Məmurlararası qovğa  2018-ci ilə hesablanıb

Prezident Administrasiyasında yüksək vəzifə tutan iki məmur arasında qrup savaşına start verilməsi barədə məlumat vermişdik. Xural.com-a ekspertlərin şərhlərinə əsasən, savaş Prezidentin hüquq mühafizə orqanları ilə iş və hərbi məsələlər üzrə köməkçisi, 1-ci dərəcəli dövlət müşaviri Fuad Ələsgərovla Prezidentin İctimai-siyasi məsələlər üzrə köməkçisi – şöbə müdiri Əli Həsənov arasında gedir. Qrup maraqlarının toqquşması xeyli müddətdir başlasa da, ictimaiyyət və media üçün qapalı idi. İlk açıq həmlə isə Fuad Ələsgərov tərəfindən gəldi. Belə ki, onun nəzarətində olan saytlardan biri “Əli Kərimlini Prezident Administrasiyasından kimlər və nəyin qarşılığında maliyyələşdirir?” sərlövhəli yazı ilə çıxış edərək, Əli Kərimlinin əsas maliyyə mənbəyinin elə  Prezident Administrasiyasında əyləşdiyini yazdı. Yazıda ad çəkilməsə də, ekspertlər hesab edirlər ki, yazıda hədəf administrasiyada ictimai-siyasi məsələlərdən sorumlu olan şöbə müdiri, Prezidentin köməkçisi Əli Həsənovdur. F.Ələsgərov Ə.Həsənovu radikal müxalifət hesab edilən partiyanı maliyyələşdirməsi ilə bağlı gündəmə gətirərək, onu “vurmağı” hədəfləyib.

Təbii ki, bu zaman ortaya suallar çıxır. Demək olar ki, eyni səviyyəli səlahiyyətlərə malik olan iki administrasiya məmuru niyə bir-birini bitirməyə çalışır? Özü də prezident seçkilərinin keçiriləcəyi qaynar 2018-ci ilə hazırlaşılan bir dövrdə hakimiyyətdaxili savaş niyə bu qədər alovlanıb? Xeyli müddətdir gizli gedən administrasiyadaxili savaş nədən mətbu sferaya daşındı?

Məsələni xural.com-a şərh edən ekspertlər bildirir ki, Həsənovla Ələsgərov arasındakı savaş elə 2018-ci ilə hesablanıb. Belə ki, ötən ilin sentyabrında referendum yolu ilə Konstitusiyaya edilən dəyişikliyə əsasən, 2018-ci seçkisində və bundan sonrakı dönəmlərdə prezident 5 il deyil, 7 il müddətinə seçilmiş olacaq. 2018 seçkisində YAP-ın namizədinin kim olması tam dəqiqləşməyib. Hakimiyyət daxilindəki qruplardan biri İlham Əliyevin, digəri isə hazırda birinci vitse-prezident postunda olan Mehriban Əliyevanın namizəd olmasına çalışır – ən azından kənardan görünən, ya da cəmiyyətə yeridilən budur. Maraqlıdır ki, administrasiyada təmsil olunan F.Ələsgərovla Ə.Həsənovun hər ikisi M.Əliyevanın prezident olmasını arzulayan qrupa aiddir – gələn informasiyalar belə qənaətə gəlməyə imkan verir. Onların arasındakı savaş isə M.Əliyevanın prezident olacağı dövrdə şəxsi ambisiyaları ilə bağlıdır. Belə ki, onların namizədinin prezident olması reallaşarsa, administrasiya daxilində ciddi kadr dəyişikliyi labüddür. Administrasiya rəhbəri də daxil olmaqla bir çoxlarının vəzifəsi ilə vidalaşaçağı, bəzilərinin isə səlahiyyət sərhədlərinin məhdudlaşacağı və ya genişlənəcəyi gözlənilir. Bu qovğanın içərisində güclü bəndlər var ki, onların əsas hədəfi isə məhz administrasiya rəhbəri olmaqdır – ya da yeni komandanın əsas simalarından biri. Bu sıradakı əsas fiqurlar isə Fuad Ələsgərov və Əli Həsənovdur ki, onlar artıq xeyli müddətdir ki, bir-birilərini gözdən salaraq, gələcək karyeraları üçün həlledici nəticələrə nail olmaq istəyirlər. Bunun ilk açıq həmləsi isə, qeyd etdiyimiz kimi, Əli Həsənova qarşı “müxalifəti maliyyələşdirmə ittihamıdır”. Ancaq gələn xəbərlərdə qeyd edilir ki, qarşı tərəf də boş durmayaraq, kompromat yolu ilə güclü və həlledici həmlələrə hazırlaşır. Çünki qarşı tərəf qismində Əli Həsənov dayanır ki, onu nəzarətində çox böyük media arsenalı var. Və Əli Həsənov belə zarafatları sevmir…

Mövzunu davam etdirəcəyik. Görünən isə odur ki, 2018-ci il seçkisi dönəmində əsas savaşlar elə hakimiyyətin daxilində gedəcək.

Mövzunu davam etdirəcəyik.

Gizir anası: Orduya bu qədər maliyyə ayrıldığı vaxtda niyə hərbi hissənin maşınlarını oğlum düzəltdirib?

"Cəlalın ölümündən sonra xəbər tutduq ki, banka 11 min manat borcu qalıb. Bizim xəbərimiz olmayıb, Cəlal bankdan xeyli pul götürüb hərbi hissənin maşınlarını təmir etdiribmiş. Hərbi hissə rəhbərliyi bunu ona niyə elətdirib? Dövlət bu işlərə görə hər il milyonlarla pul ayırır, hərbçi bankdan kredit götürüb hərbi hissənin texnikasını niyə təmir etdirməliydi? Tələbim odur ki, prokurorluq bu müəmmalı işi araşdırıb ortaya çıxarsın".

Bu ilin martında hərbi hissədə dünyasını dəyişmiş hərbçi-gizir Cəlal Mənsimovun anası Adilə Mənsimova Azadlıq Radiosuna deyib.

Nəşi açıb baxmağa imkan vermədilər mensimov

Saatlının Mollaavazlı kəndinin sakini olmuş Cəlal Mənsimov 2002-ci ilin mayından ordu sıralarında gizir rütbəsində çalışıb. Qüsursuz xidmətlərə görə müxtəlif illərdə Müdafiə Nazirliyinin bir neçə fəxri fərmanı ilə təltif olunub. Bu il fevralın sonunda məzuniyyətdən Ağcabədidəki N saylı hərbi hissəyə qayıdan gizirin ailəsinə 3 gündən sonra ölüm xəbəri verilib.

Ancaq ailə üzvləri bu hadisədən sonra AzadlıqRadiosu-na Cəlalın ölümünün səbəblərinin onlar üçün qaranlıq qaldığını bildiriblər. Hazırda da ailə bu fikrində qalır. Hərbçi anasının gileyi bir deyil, iki deyil...:

"Atasının ildönümünə görə gəlmişdi. Hələ məzuniyyəti başa çatmamış kimsə hərbi hissədən zəng vurub təcili geri qayıtmasını tələb edirdi. Getdi, sapsağlam getdi... 3 gündən sonra ölüm xəbəri gəldi... Bizə dedilər ki, Cəlalın təzyiqi qalxıb, əvvəl burnundan qan açılıb, qəfil yerə yıxılıb və keçinib.

Bizə sonadək nəşi açıb baxmağa imkan vermədilər. Beləliklə də oğlumun əslində hansı səbəbdən öldüyü bu günədək də müəmmalı qaldı.

Bu, bir tərəfə... normal ölkələrdə 15-20 il qüsursuz xidmət etmiş, dəfələrlə fəxri fərmanlara layiq görülmüş və hərbi hissədə ömrünü tapşırmış hərbçinin məzarını hər gün gül-çiçəyə tutardılar. Ancaq gəlin baxın, Cəlalın məzarı hansı vəziyyətdədir... Müdafiə Nazirliyinin 5 aydan çox müddətdə bir hərbçinin məzarının üstünü götürməyə hünəri çatmır".

Ana deyir, üstəlik, ölümündən sonra onun banklardan birinə xeyli borcu olması üzə çıxıb:

"Bu azmış kimi, oğlumun ölümündən sonra onun banklardan birinə 11 min manat borclu olduğu üzə çıxıb. İndi bank o pulu zamindən alır. Bu məsələdən bircə Cəlalın həyat yoldaşının xəbəri olub.

 Cəlal götürdüyü pulu hərbi hissənin maşınlarının  təmirinə xərcləyib. Oğlum hər ay aldığı maaşı banka  keçirirmiş. Biz bilmək istəyirik ki, hərbi hissə  rəhbərliyi oğlumu niyə bu işə sövq edib? Nə baş  verib ki, oğlum ailəsindəki durumun ağırlığını bilə-  bilə bu işə gedib, aldığı maaşı da qəpiyinəcən  kreditə görə banka ödəyib?

 Oğlumu buna nə vadar edib, kim vadar edib?  Orduya bu qədər maliyyə ayrıldığı vaxtda niyə hərbi  hissənin maşınlarını oğlum düzəltdirib? Hazırda da  onun borcunu ehtiyac içərisində yaşayan zamindən  tuturlar".

 Ana istintaq orqanlarından ölümün əsl səbəblərinin  və bankdan götürülmüş kreditlə bağlı müəmmaların  araşdırılmasını tələb edir.

 Baş gizirin ölüm faktıyla bağlı Bərdə hərbi  prokurorluğunda araşdırma aparılır. Prokurorluqdan bildirilib ki, mərhum gizirin ailə üzvlərinin hər hansı şübhələri varsa, istintaqı aparan müstəntiqə bildirməkdə sərbəstdir.

İstintaq orqanı istənilən şübhəni araşdırmağa hazırdır.

İspaniyada mikroavtobusun insanların üzərinə sürülməsi nəticəsində xeyli insan xəsarət alıb.

Hadisə Barselona şəhərində qeydə alınıb. Məlumata görə, hadisə şəhərin mərkəzində, Rambla küçəsində qeydə alınıb. Hadisə nəticəsində azı 20 nəfər xəsarət alıb. Hadisəni törədən sürücü ərazidən qaçıb. 

İspaniyanın Barselona şəhərində törədilən terror aktı nəticəsində ölənlərin sayı 13 nəfərə çatıb.

 Polis Barselonada, Las Ramblas turizm bölgəsində avtomobili kütlənin üstünə sürən şəxsin kimliyi müəyyənləşdirib.

Bu barədə "El Pais" nəşri Mülki Qvardiyadakı mənbəyə istinadən xəbər verib.

Məlumata görə, bu, Driss Oukabirdir. O, avtomobili Barselona vilayətinin Santa-Perpetua-de-Moqoda yaşayış məntəqəsində icarəyə götürüb.

Hakimiyyət bu media qurumunu ram etmək üçün Mehman Əliyevə sürəkli və çoxsaylı imkanlar təklif edib

Artıq neçə ildir ki, Azərbaycanda müstəqil vətəndaş cəmiyyəti sıradan çıxarılıb, azad mətbuat çökdürülüb.

Hakimiyyətdən asılı olmayan mətbuat orqanları barmaqla sayılası qədərdir ki, onlar öz fəaliyyətlərini çox çətinliklə davam etdirirlər. Həmin media orqanlarından biri "Turan” İnformasiya Agentliyidir. Adıçəkilən agentlik Azərbaycanın müstəqillik tarixi ilə həmyaşıddır. Ölkənin ən qocaman, stajlı və təcrübəli media qurumlarından biridir. Daxildə və xaricdə etibarlı tərəfdaşları və nüfuzu var. Məlumatlarını 3 dildə - Azərbaycan, ingilis və rus dilində yayır. Mətbuatın "Qızıl qaydası”- na, qarşı tərəfin mövqeyini işıqlandırmağa həmişə əməl etməyə çalışır.

Ən mühüm keyfiyyətlərindən biri odur güclü təzyiqlərin və böyük vədlərin qarşılığında indiyə qədər öz dəsti- xəttini və müstəqilliyini qoruyub saxlayıb. Təbii ki, bu keyfiyyətlər və nümunələr- oxucuya obyektiv və operativ məlumat çatdırmaq imkanları avtoritar rejimlərin mahiyyəti ilə tərs mütənasibdir. 

İmtiyazlardan imtinanın bədəli…

"Turan” İnformasiya Agentliyində ölkənin tanınmış və istedadlı jurnalistləri çalışıb və bü gün də çalışır. Öz peşə fəaliyyətini yerinə yetirərəkən polis- məmur fiziki zorakalığına məruz qalmaqdan tutmuş, qətlə yetirilən, dünyasını dəyişən jurnalistlərə (Fərhad Kərimov, Adil Bünyadov) qədər böyük bir camiə bu mətbuat orqanının sadiq əməkdaşları olub. "Turan” böyük bir məktəb yaradıb. Məktəbin yaradıcısı isə agentliyin rəhbəri Mehman Əliyevdir. Bir neçə gün öncə Vergilər Nazirliyinin timsalında hakimiyyətin "Turan” İnformasiya Agentliyinə qarşı vergidən yayınma ittihamı ilə cinayət işi açması və agentliyin ofisində heç bir de-yure və praktiki əsas olmadan axtarış aparmasıını onun xarakteri və şəxsiyyəti ilə əlaqələndirmək daha düzgün olardı. Çünki "Turan”nın indiyə qədər ayaqda olması, rejimin çoxsaylı basqılarına və imtiyazlarına boyun əyməməsinin əsas səbəbkarı odur. Daha dəqiq desək, onun müstəqil, azad və həqiqətpərəst olmasındadır. Agentliklə yaxından əməkdaşlıq edən şəxs kimi qeyd edə bilərəm ki, hakimiyyət bu media qurumunu ram etmək üçün Mehman Əliyevə sürəkli və çoxsaylı imkanlar təklif edib. Vəzifə, ev, ofis, pul və s. 

Amma təkliflər qəbul olunmayıb. Hələ Heydər Əliyevin sağlığında onun özü tərəfindən Mehman Əliyevə onun komandasında işləmək təklif olunub. O, təklifi qəbul etməyib. Eyni təklif İlham Əliyev komandası tərəfindən də irəli sürülüb. Bildiyim qədəri ilə son təklif isə yaxın zamanlarda Əliyev- Paşayevlər komandası tərəfindən bildirilib. Təklifi qəbul etməyən M.Əliyev təbii ki, bilirdi ki, bu imtinaya görə onu və təmsil etdiyi agentliyi acınacaqlı tale gözləyir. Və artıq həmin gözləntilər reallaşmaqdadır…

Haşiyə: "Turan”a qarşı vergidən yayınma ittihamının irəli sürülməsi əsassız olduğu qədər də absurddur və siyasi sifarişdir. Reklam, abunə, rəqabət mühitinin olmadığı ölkədə öz daxili imkanları hesabaına bir media qurumunun ayaqda durması fədakarlıqdır. Bu fədakarlığı alqışlamaq əvəzinə onu susdurmaq cəhdi isə həqiqətin ağzına daş basmaq, azad sözü boğmaq və qisasçılıqdır. Digər tərəfdən, ölkəni talayanların, onun malını, mülkini, neft gəlirlərini oğurlayıb ofşar zonalara daşıyanların azad media nümunəsini vergidən yayınmaqda ittiham etməsi tarixin acı ironiyasıdır. Görəsən harın övladlarına dəyəri milyonlarla ölçülən maşın alıb günahsız insanların ölümünə səbəb olan rüşvətxor məmurlar bu ölkənin vergi orqanların ömürlərində bir dəfə də olsun vergi ödəyiblərmi? Görəsən böyük və dəbdəbəli otelləri, şadlıq sarayları, istirahət mərkəzləri, ticarət obyektləri, istilikxanaları, biznes strukturları, ölkədə və xaricdə villaları olan məmurlar dövlət büdcəsinə nə qədər vergi ödəyiblər? Ödəyiblərsə həcmi nə qədərdir, ödənişin həcmi və gəlir bəyannamələrini indiyə qədər niyə təqdim etmirlər?

Bu hakimiyyət rüşvətin, korrupsiyanın içində olduğundan cəmiyyətdə çirkaba bulaşmamış, təmiz adamları görmək istəmir. Çünki korrupsiyalaşmış rejimlər təmiz və dürüst insanların üstünlük təşkil etdiyi cəmiyyətləri idarə etməkdə çətinlik çəkirlər. Onlar istəyir ki, ölkənin tanınmış, nüfuzlu insanlarını hər hansı formada öz əməllərinə şərik edib onları da çirkaba bulaşdırsınlar ki, cəmiyyəti rahat idarə etsinlər. "Turan” İnformasiya Agentliyinə cinayət işinin açılması da, başda agentliyin rəhbəri Mehman Əliyev olmaqla bu mətbuat qurumunun fədakar əməkdaşlarının indiyə qədər azad mətbuat prinsiplərinə sadiq qalmalarıdır. Çirkaba, cinayətə bulaşmamalarıdır. Təbii ki, dəyərlərini və prinsiplərini qoruyan insanların hər şeyə alqı- satqı gözü ilə baxan hakimiyyət dəlları ilə bazarlığa getməməsi onları hövsələdən çıxarıb bu cür avantürüst addımlar atmağa sövq edir.

Prezidentin ev təklifindən imtina edən 60 yaşlı kirayəşin…

Bəlkə də çoxu bilmir ki, Prezident Administrasiyasının jurnalistlərə ev paylaması kampaniyası başlayanda pulsuz mənzil verilməsi ilə bağlı ilk təkliflərdən biri Mehman Əliyevə və "Turan”- a edilib. Bəlkə də çoxu bilmir ki, bu təklifdən imtina edən, bir neçə gündən sonra 60 yaşı tamam olacaq Mehman Əliyev uzun müddətdir ki, krayədə yaşayır. Bəlkə də çoxu bilmir ki, "Turan”- a olan bu basqılar ona bir müddət öncə Prezident Aparatından təklif olunan "Gəl, bizimlə işlə!” təklifini qəbul etməməyin bədəlidir.

"Turan” qapadıla, Mehman Əliyev həbs oluna bilər…

Əslində "Turan” İnformasiya Agentliyinə qarşı qaldırılan cinayət işi Mehman Əliyevin şəxsinə qaldırılan cinayət işidir. Məqsəd bu təmiz və dürüst, hakimiyyətin çirkablarına bulaşmayan insanı ram edib, onu çirkaba salmaqdır. "Turan” qapadıla, Mehman Əliyev həbs oluna bilər. Amma bu insanı yaxından tanıyan birisi olaraq deyə bilərəm ki, onu ələ almaq, mübarizəsindən döndərmək mümkün deyil. Çünki özünün də dediyi kimi onun bir amalı və vəzifəsi var; həqiqəti demək. Həqiqəti demək üçün isə məkan və zaman nisbidir. Yəni azad insan haqq bildiyi sözü hər yerdə- azadlıqda və həbsdə, hər zaman deyə bilər. Və deyəcək.

Bu gün, avqustun 17-də Nəsimi Rayon Məhkəməsində vicdan məhbusu Əfqan Muxtarlı, onun barəsində seçilmiş həbs qətimkan tədbirinin daha 2 ay uzadılması haqqında qərar şıxarılan prosesdə bəyanatla çıxış edib. 

Vəkil Nemət Kərimli “Basta” əməkdaşı ilə söhbətində bildirib ki, Əfqan Muxtarlı öz çıxışında həbsinin birbaşa İlham Əliyev tərəfindən sifariş edildiyini deyib. 

“Mən 1993-cü ildən Əliyev hakimiyyətinin qanunsuzluqlarına qarşı mübarizə aparıram. Jurnalist kimi Azərbaycandakı korrupsiya və hakim ailənin biznesini ifşa edən araşdırmalar aparmışam, yazılar yazmışam. Mənim son dövrdəki yazılarım əsasən Əliyev hakimiyyətinin korrupsioner mahiyyətinin ən çox ifşa olunduğu Meydan TV-də dərc olunub. Meydan TV-nin qurucusu Emin Milli Avropada olduğu üçün, ona əlləri çatmadığı üçün mənim həbsimi sifariş ediblər. Emin Milli ilə əməkdaşlıq etdiyim üçün, onunla dostluq etdiyim üçün məndən qisas almaq qərarına gəliblər. Həbsimi birbaşa İlham Əliyev sifariş edib…

Biz Azərbaycanda azad, demokratik cəmiyyətin qurulması uğrunda mübarizə aparmışıq. Mübarizəmizin məqsədi o deyildi ki, Əliyevlər hansısa məmurların, müstəntiqlərin, prokurorların əli ilə Azərbaycanda idbar bir rejim qursun. Repressiyaları nə qədər artırsanız da, biz mübarizəmizi davam etdirəcək və qalib gələcəyik”, – Əfqan Muxtarlı belə deyib. 

Jurnalist Əfqan Muxtarlı mayın 29-da müəmmalı şəkildə Tbilisidən Bakıya gətirilib.

Jurnalist özü Gürcüstandan oğurlanaraq gətirildiyini, rəsmi qurumlarsa onun sərhədi qanunsuz keçərkən Azərbaycan ərazisində saxlanıldığını bildirir.

Ona Cinayət Məcəlləsinin 315.2-ci maddəsi ilə (hakimiyyət nümayəndəsinə güc tətbiq etməklə müqavimət göstərmə), 318.1 (sərhədi qanunsuz keçmə) və 206.1 (qaçaqmalçılıq) maddələri ilə ittiham irəli sürülüb.

Ə.Muxtarlının məsələsi ilə bağlı Gürcüstanda da cinayət işi açılıb. Bu ölkənin prezidenti jurnalistin xanımını qəbul edərək şikayətlərini dinləyib.

Bu il iyunun 15-də isə Avropa Parlamenti jurnalist Ə.Muxtarlı barədə qətnamə qəbul edərək, Azərbaycan hökumətindən onun dərhal azad edilməsini və bütün cinayət ittihamlarının ləğv edilməsini istəyib.

Qətnamədə yazılır ki, Gürcüstan İnsan Haqları üzrə Avropa Konvensiyasının tərəfdar dövlətidir və onun ərazisində yaşayan Azərbaycan vətəndaşlarının təhlükəsizliyini təmin etmək, onların güclə vətənə aparılmasının qarşısını almaq məsuliyyəti var.

Dünya şöhrətli alim Lütfi Zadənin Azərbaycanda dəfn edilmək haqqında vəsiyyəti xeyli müzakirələrə səbəb olub.

Onun oğlu Norman Zadə AzVision.az-a müsahibə verərək yenidən bəzi məqamlara aydınlıq gətirib:

- Hazırda atanızın sağlamlıq vəziyyəti necədir? 

- Burada ona çox yaxşı baxırlar, bütün ehtiyaclarını qarşılayırlar. Ancaq təəssüf ki, insan yaşlandıqca qarşılaşdığı problemlər də çoxalır. O vaxtının böyük hissəsini yataqda keçirir, çox hərəkət etmir. Xəstəliyin öhdəsindən gəlməyə çalışsa da, yaş öz sözünü deyir: Onun 97 yaşı var. 

- Atanızın Azərbaycanda dəfn edilmək arzusu ilə bağlı nə etməyi düşünürsünüz?

- Mən Azərbaycanın Los-Anclesdəki konsulluğuna müraciət etməyi planlaşdırıram. Anladığım qədəriylə, Azərbaycan prezidenti də onun Bakıda dəfn edilməsini istəyir. Bu barədə Azərbaycan Respublikasının prezidentindən e-mail də almışam. Atamın dünyadan köçəcəyi həmin qorxunc gün gəldiyi zaman onun nəşinin Bakıya göndərilməsini təşkil edəcəyəm. İnanıram ki, professor Şahnaz xanım da bu işdə mənə kömək edəcək.

- Siz professor Şahnaz Şabanovanı haradan tanıyırsınız?

- Şahnaz xanım mənim atamın dostudur və atamın qayğısına qalır. Mən onu, sadəcə, bir və ya iki dəfə görmüşəm. İnanıram ki, o, atamın nəşinin Azərbaycana göndərilməsinsdə mənə kömək edəcək. Bu haqda konsulla görüş zamanı ətraflı məlumat alacam. Ola bilsin ki, mən işi Şahnaz xanımla yox, bir başa konsulluqla həll edim.

- Bəziləri ona görə atanızın Azərbaycanda basdırılmaq istədiyinə inanmırlar ki, ananız ABŞ-da dəfn edilib…

- Əslində, onlar hər ikisi yandırılmaq istəyirdilər. Bu, o deməkdir ki, onlar küllərinin basdırılmasını istəyirdilər. Mən də istərdim ki, onları yan-yana ABŞ torpağında dəfn edəm. Ancaq atam fikrini dəyişdi və Azərbaycanda dəfn olunmaq istədi. Mənə, sadəcə, onların arzularını yerinə yetirmək qalır və bununla bağlı deyə biləcəyim heç nə yoxdur.

Anamın Azərbaycanda dəfn edilməsi üçün heç bir səbəb yox idi. Eləcə də, əgər atam ömrünün sonlarına yaxın Azərbaycanda ABŞ-dan daha çox sevildiyini anlayıbsa, düşünürəm ki, bu arzusu heç də əsassız deyil. O, azərbaycanlıdır, Azərbaycanda doğulub və orada dəfn olunmaq istəməsi tamamilə məntiqli addımdır. 

- Bu məsələyə müxtəlif yanaşmalar oldu… Bəziləri deyir ki, Lütfi Zadə Azərbaycanı sevmir.

- O, Azərbaycanı çox sevir. Əgər uzun illər Amerika Birləşmiş Ştatlarında yaşadığı halda, Azərbaycanda dəfn edilmək istəyirsə, deməli, Azərbaycana bağıldır. Onun öz həyatını dərindən götür-qoy etməsi üçün xeyli vaxtı olub. Atam ABŞ-ı çox sevir, ancaq əminəm ki, Azərbaycanı daha çox sevir.

- Özünüz Azərbaycanı doğma vətən hesab edirsinizmi?

- Düşünmürəm ki, Azərbaycan mənim ana vətənimdir. Mən Azərbaycanda doğulmamışam və heç vaxt olmamışam. Ancaq əgər atam Azərbaycanı və azərbaycanlıları bu qədər çox sevirsə, istər-istəməz məndə də azərbaycanlılarla bağlı xoş hisslər yaranır. Azərbaycanlıların məni sevdiyini bilirəm. Onlar "Facebook” sosial şəbəkəsində mənə dostluq sorğusu göndərirlər və bu, mənim xoşuma gəlir. 

Bildiyiniz kimi, ABŞ-da müəyyən qrup insanların müsəlmanlara münasibəti ilə bağlı problemlər var. Amma mən Kaliforniyada yaşayıram. Kaliforniya Orta Qərbi ABŞ-da ağdərili amerikalıların elə də çox olmadığı və anlayışlı insanların məskunlaşdığı bir yerdir.

Professor Arthur F. Veinottun Stanford Fakültəsinə gəlişini qeyd edirik.(Profesor Donald Iglehart və həyat yoldaşı) 

- Azərbaycana səfər etməyi planlaşdırırsınızmı?

- Bu, mənim arzumdur, ancaq Azərbaycana gəlmək ehtimalım o qədər də real görünmür, çünki mən uzunmüddətli uçuşları sevmirəm. Ancaq təbii ki, belə bir səfər alınsa, çox yaxşı olardı. Əlbəttə ki, ABŞ-da da heç də hamı məni və ya atamı sevmir. Azərbaycanlılar mənə və atama çox hörmətlə yanaşırlar və bu, məndə onlara qarşı simpatiya yaradır.

Əgər Bakıya gəlib oranı bəyənsəm, bəlkə də, orada yaşaya bilərəm. Bakını görmədən orada yaşaya biləcəyimi demək çətindir. ABŞ-da çoxlu dostlarım var və burada rahatam.

- Oradakı işinizlə bağlı danışardınız…

- Pulumun böyük hissəsini investisiya üzrə menecer kimi qazanmışam. Mənim hedc-fondlarda kifayət qədər vəsaitim var idi. Sonra təəssüflər olsun ki, vəziyyət pisləşdi. Mən "Perfect 10” adlı jurnal buraxırdım. Ancaq ABŞ məhkəməsi ədalətsiz şəkildə jurnalı əlimdən aldı. İnsanlar bizim şəkillərimizdən icazəmiz olmadan istifadə ediblər. Burada hakimlərin işləri başlarından aşır. Fikrimcə, onlar yalnışlığa yol verdilər və bu da jurnalımın nəşrinin dayandırılması ilə nəticələndi. Hazırda isə əvvəllər məşğul olduğum işə - yəni investisiya üzrə menecerliyə qayıtmışam. Xoşbəxtlikdən, işlərim kifayət qədər yaxşı gedir, ən azından, hələ ki, belədir. Amma bilmək olmaz ki, bu, həmişə belə davam edəcək, ya yox.

- Yenə də poker oynamağı xoşlayırsınız?

- Pokeri hər zaman sevmişəm. Ancaq mən həmişə harada dayanmalı olduğumu da bilmişəm. Başqa sözlə, həyatımın müəyyən dövrlərində poker oynamaqla pul qazana bilmişəm. 

Mən həm də nərd həvəskarıyam. Dünyaca məşhur poker oyunçusu Cenifer Tilli ilə də nərd oynamışam. O, çox yaxşı insandır. Mən pokeri daha çox riyazi cəhətdən qavramağa çalışıram. Əgər sən yaxşı bir poker oyunçusu olmaq istəyirsənsə, qorxmadan rəqibi aldatmağı bacarmalısan. Riskə getməyi bacarmalı və 10 min dollarlıq mərcə girə bilməlisən. Mən bunu o qədər də yaxşı bacarmıram. Mən heç vaxt böyük bir poker oyunçusu olmaq istəməmişəm, çünki yalan danışa bilmirəm. Bu oyun isə blef üzərində qurulub. Üz ifadəni dəyişmədən yalan deməyi bacarmalısan. Ona görə nərdi pokerdən daha yaxşı oynayıram. Çünki nərddə yalan deməyə ehtiyac yoxdur. Orada, sadəcə olaraq, doğru gedişi tapmaq lazımdır. Qumarda bir sistem yoxdur, sadəcə, insanları yaxşı tanımaq lazımdır. Bu isə məndə yaxşı alınmır.

- Atanızın Azərbaycandan olan dostu Rafiq Əliyevi tanıyırsınız? 

- Ola bilsin ki, nə vaxtsa onunla görüşmüşəm. Adı xatırlaya bilmirəm. 

- Öz ailəniz haqqında nə söyləyə bilərsiniz?

- Övladım yoxdur. Evli olmamışam. Stella adlı bacım dünyasını 62 yaşında dəyişib. O, jurnalist idi. 

- Babanız haqqında nə deyə bilərsiniz? 

- Babam Rahim çox gözəl insan olub. Dəqiq bilmirəm, Türkiyədə, yoxsa İranda anadan olub. Bir müddət jurnalist kimi çalışıb. Xəzər dənizindən kürü idxal edib.

- Atanızla əlaqəniz nə dərəcədə sıxdır?

- Atam Kaliforniyanın şimalında, Berklidə yaşayır. Mən isə Los-Ancelesdə yaşayıram. İki həftə öncə atama baş çəkmişəm. Həftədə ən azı iki dəfə baxıcıları ilə əlaqə saxlayıram. Hesablara nəzarət edir və mütəmadi olaraq əlaqə saxlayıram. 

Cümə axşamı, 17 Avqust 2017 00:00

“Sabun köpüyü kimi şişmiş ekspertlər...”

Yazan

Dövlət İmtahan Mərkəzi ixtisas seçimi edən abituriyentlərə müraciət edib.

DİM-dən verilən xəbərə görə, müraciətdə bildirilir ki, hazırda ali təhsil müəssisələrinin boş qalan plan yerlərinə və tam (11 illik) orta təhsil bazasında orta ixtisas təhsili müəssisələrinə (kolleclərə) ixtisas seçimi davam etməkdədir: "İxtisas seçimi elektron qaydada internet vasitəsilə aparılır və avqustun 20-dək davam etməsi nəzərdə tutulub. İxtisas seçimi mərhələsində abituriyentlər qəbul olmaq istədikləri ixtisasların kodlarını seçib "Abituriyentin elektron ixtisas seçimi ərizəsi”nə daxil etməklə onu təsdiqləməlidirlər. Abituriyentlər bu zaman diqqətli olmalı və yalnız gələcəkdə təhsil almağı planlaşdırdıqları ixtisası və ya ixtisasları istəklərinin azalması ardıcıllığı ilə ərizələrinə daxil etməlidirlər. Elektron ixtisas seçimi ərizəsinin doldurulma qaydası çox sadədir və sizin özünüz tərəfindən yerinə yetirilməlidir. Təəssüf ki, sosial şəbəkələrdə DİM-in abituriyentlərə kömək məqsədilə nəşr etdiyi müxtəlif materialları öz səhifələrində paylaşmaqla, Mərkəzin adından süni şəkildə istifadə edən sabun köpüyü kimi şişmiş "ekspert"lər özlərini reklam edir və elə təəssürat yaratmağa çalışırlar ki, sanki onlar əlavə bir informasiyaya malikdirlər. Həmin şəxslər ixtisas seçiminin həyata keçirilməsi üçün abituriyentlərə müxtəlif çağırışlar edirlər. Bu insanların toruna düşmüş abituriyentlər sonradan seçimlərinin dəyişdirilməsi ilə bağlı DİM-ə üz tuturlar. Çünki bu iş həmin "ekspert”lər tərəfindən abituriyentin və onun valideynlərinin fikri nəzərə alınmadan tələm-tələsik, "yola vermək” və yalnız müəyyən maddi məqsədlərlə edilir".

DİM abituriyentləri məsuliyyətli və diqqətli olmağa çağırıb: "Ali təhsil müəssisələrinin boş qalan yerlərinin siyahısı "Abituriyent” jurnalının 8 saylı, tam orta təhsil bazasında orta ixtisas təhsili müəssisələrinin ixtisasları isə jurnalın 5 saylı buraxılışında dərc olunub. Jurnallarda, həmçinin müsabiqə şərtləri və ərizənin doldurulma qaydası ilə bağlı məlumatlar yer alıb. Bundan əlavə, səhifəmizdə və saytımızda ərizənin doldurulma qaydası ilə bağlı video-təlimat da yerləşdirilib".

Mehman Əliyev rəhbəri olduğagentlikdəki vergi yoxlamasından danışdı. “Cinayət işi çərçivəsində yoxlama gedir”

Bu haqda ofisində yoxlama prosesi aparılan “Turan” Informasiya Agentliyinin direktoru Mehman Əliyev məlumat verib.

Onun sözlərinə görə, “Turan”a qarşı külli miqdarda vergidən yayınma ittihamı irəli sürülüb və bu çərçivədə hazırda yoxlama prosesi gedir: “İttiham var ki, külli miqdarda vergidən yayınmışıq. Avtomatik olaraq yoxlama başlanılır. Azərbaycanda bu proseslərin necə getdiyini hamımız bilirik. Nəticəni də təxmin etmək çətin deyil. “Turan”ı bağlaya bilərlər. Təbii ki, bu proses qanunazidd hərəkətlər nəticəsində baş verə bilər”.

Müsahibimiz “Turan”ın, eləcə də rəhbəri olduğu rusdilli saytın – contact.az-ın son dönəmlərə aid hansısa yazısı, xəbəri əsasında bu təzyiqin başlanma ehtimalını isə qəbul etmədi. M.Əliyev bildirdi ki, ümumiyyətlə, ölkədə azad mətbuat adına heç nə qalmayıb: “Hər kəsi, hər şeyi nəzarət altına götürürlər. İndi isə, nəzarəti tam ələ keçirmək istəyirlər. Öncə sənədləri yığıb aparacaqlar, sonra da... Davamı hər zamankı kimi olacaq. Azərbaycanda onsuz da belədir. Öncə cinayət işi açırlar, sonra yoxlama, sənədlərin təftişi gedir”.

M.Əliyev hazırda “Turan”da iş prosesinin davam etdiyini dedi: “Biz də işləyirik, onlar da... Biz xəbər hazırlayırıq, onlar sənədləri yoxlayırlar”.

Cümə axşamı, 17 Avqust 2017 00:00

Əli Həsənovun nəvəsi YENİ VƏKİL tutdu

Yazan

Baş nazirin müavini Əli Həsənovun nəvəsi Nail Allahverdiyevin vəkili dəyişib.

Hüquq-mühafizə orqanlarından verilən məlumata görə, təqsirləndirilən şəxsin vəkili Sevdiyar Bayramov işdən kənarlaşıb. Bundan sonra N. Allahverdiyevin hüquqlarını vəkil Muxtar Mustafayev müdafiə edəcək.

M. Mustafayev açıqlamasında xaricdə olduğunu və bu işlə bağlı danışmaq istəmədiyini bildirib.

Xatırladaq ki, N. Allahverdiyev bu il avqustun 3-də saat 21 radələrində paytaxtın Nərimanov rayonu ərazisində "Mercedes-Gelandewagen” markalı avtomobillə iki nəfərin ölümü və iki nəfərin müxtəlif dərəcəli bədən xəsarətləri alması ilə nəticələnən ağır yol-nəqliyyat hadisəsi törədib. Faktla əlaqədar Cinayət Məcəlləsinin 263.3-cü (yol hərəkəti qaydalarını pozma - iki və daha artıq şəxsin ölümünə səbəb olduqda) və 264-cü (Yol-nəqliyyat hadisəsi yerindən qaçma) maddələri ilə cinayət işi başlanıb. Bakı şəhər sakini, 1994-cü il təvəllüdlü Nail Elman oğlu Allahverdiyev barəsində məhkəmənin qərarı ilə 4 ay müddətinə həbs qətimkan tədbiri seçilib.(apa)

Cümə axşamı, 17 Avqust 2017 00:00

Masallının icra başçısı barədə şok faktlar

Yazan

Son zamanlar əksər media orqanlarında Masallı rayonu ilə bağlı daha çox tənqidi mövzular dərc olunur və adı çəkilən rayonun sosial-iqtisadi problemləri mütəmadi olaraq qabardılır. Sözsüz ki, bunu zəruri edən həm obyektiv, həm də subyektiv səbəblər var. Bu səbəblər içərisində hər kəsin diqqətini cəlb edən hal isə, rayon rəhbərliyi ilə yerli sakinlər arasında əmələ gələn uçurumun varlığı, məmur özbaşınalığı, sadə sakinlərin müraciət və təkliflərinə məhəl qoyulmaması və s. kimi amillərin varlığı, daha çox rol oynamaqdadır. Baxmayaraq ki, ölkə rəhbəri cənab İlham Əliyev istər televiziya çıxışlarında, istərsə də digər tədbirlərdə çıxışı zamanı “kimi hansı vəzifəyə təyin edirəmsə, ilk öncə həmin vəzifə sahibinə xalqa xidmət etmək tapşırığını verirəm, xalqın xidmətçisi olmasını diqqətinə çatdırıram” deyə tapşırıqlar verdiyini bildirsə də, çox təəssüflər olsun ki, bu gün Masallıda baş verənlər, sanki verilən tapşırıqların saya salınmadığını sübut etmiş olur.

Çünki, adı çəkilən rayonda baş alıb gedən anarxiyanın, məmur özbaşınalığının, xaosun və s. həddi-hüdudu yoxdur. Belə bir səbəblər üzündən də, Masallıda məmur həngamələrinin varlığını eşitdikcə, sanki dəhşətə gəlirik. Adicə bir misal çəkək. Mətbuatda yazıldığı kimi, rayonun Xalıcallı kəndində sahibkarlıq fəaliyyəti ilə məşğul olan Quliyev Vidadi Mahmud oğlu, artıq xeyli müddətdir ki, məmur özbaşınalığı ilə üz-üzə qalıb. Bir sahibkar olaraq ona qarşı atılan addımlar, bu gün nə yerə, nə göyə sığası məsələdir. Baxmayaraq ki, ölkəmizdə əlverişli biznes mühitinin yaradılması, ölkə əhalisinin ən zəruri mallara olan ehtiyaclarının ödənilməsi, bir sözlə özəl sektorun inkişaf etdirilməsi və s. yöndə lazımi addımlar atılır, ölkə rəhbəri cənab İlham Əliyevin sahibkarlığın inkişaf etdirilməsi istiqamətində vermiş olduğu tapşırıqlar mərhələli şəkildə həllini tapır. Amma, bütün bunların qarşılığında Masallı rayon İcra Hakimiyyətinin başçısı Rafil Hüseynov başda olmaqla, qurumda çalışan ayrı-ayrı vəzifə sahibləri yerli sahibkara qarşı qənim kəsilirlər, onu gözümçıxdıya salırlar.

Diqqəti bir məqama da yönəldək ki, ölkə rəhbəri hər zaman məmurların və onların övladlarının hərəkətlərinə diqqətlə yanaşır, yolunu azan, qudurqanlıq edən hər kəsə qarşı qətiyyətli iradəsini də ortaya qoyur. Amma mediada dərc olunan yazılardan görmək olur ki, Masallı rayon İcra Hakimiyyəti başçısının oğlu dəfələrlə avtoxuliqanlıq etsə də, hətta idarə etdiyi avtomobili ilə adı çəkilən rayonun Həsənli kənd sakinini öldürsə də, hansısa səbəblər üzündən nə onun özü cəzalandırıldı, nə də ki, atası daşıdığı vəzifəsindən uzaqlaşdırıldı. Belə bir halın varlığı bir daha onu ehtimal etməyə əsas verir ki, Masallı RİH-nin başçısını ən yüksək səviyyədə kimlərsə müdafiə edir və belə bir səbəb üzündən də, cəzasızlıq mühiti hökm sürür.

AzToday.az xəbər verir ki, bir qədər əvvəl Hesablama Palatasının rayonda apardığı yoxlamalar nəticəsində 50 milyon manatın təyinatına uyğun olaraq xərclənmədiyi məlum olub. Daha doğrusu 15 milyon manat hansısa yollarla silinsədə, 35 milyon manat pulun hara xərcləndiyi məlum olmayıb.

Amma rayon sakinlərinin media orqanlarına göndərdiyi məktubda bəzi məqamlara aydınlıq gətirilib. Məsələn, iddia olunur ki, rayonun icra başçısı Rafil Hüseynov Novxanı qəsəbəsində 60 sot torpaq alaraq övladları üçün üç mərtəbəli iki villa tikdirib. Bundan əlavə Qax rayonunun İlisu kəndində də xüsusi istirahət mərkəzi tikdirib. Ümumiyyətlə mediada dərc olunan şikayət məktublarından aydın olur ki, Rafil Hüseynov daşınmaz əmlak həvəskarıdır və ölkənin müxtəlif bölgələrində, həmçinin ölkə xaricində də daşınmaz əmlakı var.

Göstərilən faktların nə qədər doğru olduğunu tam təsdiqləyə bilməsəkdə rayon sakinləri iddia edirlər ki, bunlar sadəcə görünənlərdir. Əslində isə Rafil Hüseynovun milyonlarla manat dəyərində əmlaklarının, ticarət obyektlərinin olduğu söylənilir. Hətta bunu da iddia edirlər ki, Masallı rayonundakı 1,5 milyon manat dəyərində olan çörək kombinatıda Rafil Hüseynova məxsusdur. Sadəcə olaraq zaman-zaman bu kombinatı başqa adamların adına qeydiyyatdan keçirir. Bəs görəsən bu qədər milyonları başçı hansı yollarla əldə edə biliblər?

Mediada işıqlandırılan faktlarda iddia olunur ki, Boradigah Mahmudovar yolunun tikintisinə ayrılan vəsaitin böyük hissəsi mənimsənilib. Bunun üçün çəkilən yola və ayrılan vəsaitə baxsanız hər şey aydın olar. Və yaxud sənədləşmələrdə göstərilir ki, rayonda kənd daxili 260 km yol çəkilib. Əslində isə deyilənlər yalandır və sadəcə olaraq göstərilən ərazilərdə yollara qum, çınqıl tökülüb. Sənədləşmələrdə göstərilir ki, Gəyəçöl, Xolucalı, Xsobanlı, Əlzəbad, Güllütəpə, Yelağac, Çaxırlı, Ətcələr və s kəndlərdə yol çəkilib. Əslində isə bunlar sənədlərin üzərindədir və 3 milyon manat pulun hara yoxa çıxdığı məlum deyil. Başqa maraqlı və gülməli bir fakt isə 7 kənddə tibb məntəqəsinin tikilməsi ilə bağlıdır. Belə ki, dəyəri 20 min manatdan da az olan bir-iki otaqlı məntəqələrin tikintisinə sənədlərə görə guya 50-60 min manat pul ayrılıb. Mətbuatda dərc olunan məlumatlarda bildirilir ki, son zamanlar Rafil Hüseynov yeni bizneslə də məşğul olmağa başlayıb. Belə ki, Masallı rayon Viləş çayının Digah kəndindən qum daşıma biznesi yaradılıb və buradan əldə olunan gəlir bir başa icra başçısına çatdırılır. Beləliklə gördüyünüz kimi adi bir rayonun icra başçısının nələrə qadir olduğu aydınlaşır. Bu tip məmurlara qarşı isə hər zaman mübarizə aparmaq mümkün deyil. Ən azından ona görə ki, rayonda darğalıq edənlərin Bakıda da ciddi dayaqları var və bir çox faktlar sadəcə olaraq prezidentdən gizlədilir. Amma son zamanlar həyata keçirilən kadr islahatları daha geniş əhatəyə malik olacaq və yəqin ki, Masallı rayonuda bu əhatəyə daxil ediləcək.

1 -dən səhifə 146

Günün videosu