“Nardaran qəsəbəsinin daxili yolları təmir olunub, yollar genişlənib. Köçürülmüş binalar üçün lazımi səviyyədə kompensasiya verilib. Bu işlərdə yerli sakinlər də iştirak ediblər”- ölkə başçısı İlham Əliyev 21 iyunda Nardaranda sakinlərlə görüşərkən bu sözləri deyib.

Nardaran sakini Emin Qurbanov da prezidentlə görüşən sakinlərin arasında olmalı idi. Bu cür planlamışdı, amma həmin günü polis idarəsində keçirməli oldu. O, ölkə başçısının “lazimi səviyyədə kompensasiya verilib” sözünə etiraz edəcəkdi. Emin Qurbanov Nardaranda yolun genişləndirilməsi üçün plana düşən həyətyani sahəsinə verilən kompensasiyadan narazı idi. Narazı olsa da, hasarı sökülüb, 2 sot yarım torpaq sahəsi götürülüb, o torpağın üstündəki 40 meyvə ağacı kəsilmişdi. Amma bu fikirlərini prezidentə yox, Sabunçu rayon Polis İdarəsinin işçilərinə deməli olub.
”Prezidentin gəlişindən bir gün əvvəl gecə mənə zəng etdilər ki, “Ağsaqqal, sabah səhər 8-də şöbəyə gəl, sənin kompensasiyan veriləcək. Hər şey yaxşı olacaq”. Mən də inandım çünki zəng edən zabit idi. Mən də səhər ora getdim. Sən demə bizi gizlətmək üçün çağırıblar. Məni, məndən başqa bir neçə ağsaqqal adamı avtobusa oturdub Sabunçuda mərkəzi şöbəyə (red. Sabunçu rayon Polis İdarəsi) apardılar. Mən də başa düşdüm. Dedim, nəyə görə bizi gizlədirsiniz? Biz prezidentə neyləyəcəkdik, ona dərdimizi deyəcəkdik. Dedilər, hər şey yaxşı olacaq. Bizə orada təzədən ərizə yazdırdılar, şikayətimiz nədir, nə baş verib sonra qol çəkdirdilər. Evdə də yoldaşım var idi. Polislər o qapını da, bu qapını da içəridən tutublar yoldaşımı küçəyə çıxmağa qoymayıblar”.

Sakin evinə gələn hökumət işçilərinin torpağının hər sotuna 1500 manat, hər meyvə ağacına 2000 manat kompensasiya veriləcəyi ilə bağlı 
onu aldatdıqlarını deyir.
““Serjant” desəydi, adam inanmazdı amma bu zabit idi. Dedi ki, cənab prezident torpağın hər kvadrat metrinə 1500 manatdan kompensasiya verəcək, hər meyvə ağacının birinə 2000 manatdan pul ödəyəcək. Bundan başqa da sənə nə zərər dəysə, ölçülüb-biçiləcək hamısının kompensasiyası ödənəcək. Sən demə bunların hamısı yalanmış. Ondan sonra dedilər ki, bu yaxınlarda gələcəyik ikitərəfli müqavilə yazılacaq. Kompensasiyan ödənəcək sonra söküntü-tikinti işləri başlayacaq. Dedim, hə, lap yaxşı. Evimdə oturmuşdum, bir də gördüm elə bil zəlzələ baş verib. Mən evdən çıxana qədər 48 metr 80 san. uzunluğunda olan hasarımın haradasa 35 metri sökülüb. Gəldim işi saxlatdırdım. Gördüm avtomatlı, maskalı adamlar mənə hücuma keçirlər ki, tutub içəri salsınlar. Nəyə görə?!” 

Şikayətçi danışır ki, söküntü aparılandan sonra get-gələ düşüb, kompensasiyasını tələb edib. 40 meyvə ağacının biri 24 manatdan hesablanıb, 2 sot yarım torpaq sahəsi ilə birlikdə Nardaran sakininə 5834 manat kompensasiya verilib. O, bu pula “konfet kağızı” deyir.

”Torpağım, 40 ağacım, 5000 manatlıq şitilim getdi. Hələ mən bunların xeyrini demirəm, ağaclarımın meyvələrinin xeyrindən danışmıram. Bunun xeyri külli miqdarda puldur. Mən onunla oğlumu evləndirəcəkdim, gələn məhsula qədər ölməyib sağ qalsaydım, evimin çörək pulu olacaqdı. Toya çağıracaqdılar gedəcəkdim, yasa çağıracaqdılar, gedəcəkdim. Bu, təkcə mənim başıma gəlməyib. Bütün Nardaran əhlinə zülm edirlər. İndiyə qədər heç kimin torpağının pulun verməyiblər.

Ölkə başçısı İlham Əliyev 21 iyunda Nardarana gələndə əri polis idarəsində olan qadının özü prezidentlə görüşmək istəyib. Amma ona da icazə verməyiblər. Gülnarə Qurbanova danışır : 
“Ona can atırdım ki, hörmətli prezidentimizə olan hadisələri olduğu kimi deyim. Gördüm ki, həyətimdə iki polis işçisi biri qapının o tərəfində, biri bu tərəfində bizi mühasirəyə aldılar. Onlar bizi bayıra buraxmadılar”.

Evin xanımı Gülnarə Qurbanova deyir ki, mülkiyyətinə dəyər-dəyməzinə qiymət biçildiyi üçün intihara cəhd edib.
“Bankaları bağlamağa esensial var idi. Açıb onu içəndən sonra gördüm pis oldum. Oğlumla ərim qışqırığıma durdular. Onlar mənim üçün çörək ağacı qoymayıblar”.

“Azəravtoyol” ASC-nin mətbuat katibi Anar Nəcəfli deyir ki, Nardaranın təkcə Abşeron küçəsində 96 obyekt sökülüb və onların əksəriyyəti həyətyani sahələr olub. Obyekt sahiblərinə ümumilikdə 4 milyon 700 min manat kompensasiya ödənilib. 5834 manat kompensasiyaya razı olmayan Emin Qurbanovun məhkəmə qərarı olmadan ərazisinin niyə söküldüyünü soruşduqda, mətbuat katibi deyib ki, gözləyə bilməzdilər.
“Layihə başlayanda həmin şəxsin sənədləri olmayıb. Sənədlər başqasının adına olub ona görə ödəniş bir az ləngiyib. Layihə də dövlət əhəmiyyətli layihə idi. Orada gözləmək yox idi. Söküntü ilə paralel olaraq tikinti aparılırdı”.

Mətbuat katibi bildirir ki, kompensasiyanı müstəqil Qiymətləndirmə Komissiyası təyin edib və Maliyyə Nazirliyi ödənişi həyata keçirib.
Daxili İşlər Nazirliyinin mətbuat xidmətinin rəis müavini Ehsan Zahidov Emin Qurbanovun prezidentlə görüşməsinin qarşısını almaq üçün polis idarəsinə aparılması ilə bağlı şikayətini nazirliyə çatdırmasını istəyib.

Emin Qurbanov isə 18 illik zəhmətinin məhv edildiyini deyir. Kəsilən ağacların içərisində 38 yaşlı əncir ağacı, 18 yaşlı ərik ağacı da olub. O, bununla çörək ağacının kəsildiyini deyir.

Rusiyada aparılan araşdırma nəticəsində cəfərinin daha bir faydası məlum olub.

Xəbər verilir ki, son araşdırmada cəfərinin dazlaşmanın qarşısını alan möcüzəvi vasitə olduğu ortaya çıxıb. Araşdırmanın rəhbəri rusiyalı alim Aleksandr Kiselyov xərçəng hüceyrələrinin yaranmasının qarşısını alan cəfərinin dazlaşmaya qarşı da effektli olduğunu bildirib.
Alimin sözlərinə görə, şüyüd ilə cəfərini birlikdə yemək xərçəng müalicəsində çox yaxşı təsir göstərir, həm də kimyəvi terapiyadan sonra daha müsbət nəticələr verir.
Rusiyalı alim cəfərinin xoşagəlməz ağız qoxusunu aradan qaldırdığını, immuniteti gücləndirdiyini, dəri hüceyrələrini yenilədiyini, zehni inkişafa da müsbət istiqamətdə təsir göstərdiyini xüsusi vurğulayıb.(milli.az)

"Jam.az” saytının rəhbəri Fikrət Fərəməzoğlunun barəsində olan məhkəmə qərarından apellyasiya şikayəti verilib.

Vəkil Nemət Kərimli APA-ya bildirib ki, şikayət Bakı Apellyasiya Məhkəməsinə təqdim edilib. Şikayətdə onun barəsində seçilmiş həbs-qətimkan tədbiri haqqında qərarın ləğvi istənilib.

Qeyd edək ki, Daxili İşlər Nazirliyinin (DİN) mətbuat xidmətinin yaydığı məlumata görə, Xətai rayonunda yerləşən restoranlardan birinin sahibi olan paytaxt sakini DİN-ə müraciət edərək İbişbəyli Fikrət Fərəməz oğlunun rəhbəri olduğu "Jam.az" və digər saytlarda obyektinin işgüzar nüfuzuna xələl gətirən materiallar yaydığını, həmin yazıları saytdan çıxarmaq müqabilində bu ilin aprel ayında ondan 1000 manat aldığını və gələcəkdə bu səpkili materialların yazılmaması üçün hər ay 5000 manat tələb etdiyini bildirib.

Aparılan araşdırmalarla müraciətdə göstərilən xüsusatlar təsdiqini tapıb və həyata keçirilmiş əməliyyat tədbirləri ilə Fikrət İbişbəyli iyunun 30-da həmin şəxsdən eyni üsulla 3000 manat alarkən saxlanılıb.

Faktla bağlı Cinayət Məcəlləsinin 182-ci maddəsi ilə (hədə-qorxu ilə tələb etmə) cinayət işi başlanılaraq F. İbişbəyli barəsində həbs-qətimkan tədbiri seçilib.

ABŞ prezidenti Barak Obama Rusiya prezidenti Vladimir Putinlə telefon danışığı zamanı Dağlıq Qarabağ münaqişəsinə dair Rusiya ilə birgə səyləri gücləndirməyə hazır olduğunu bildirib.

Bu barədə Ağ Evin yaydığı açıqlamada bildirilir.

"Prezident Obama Dağlıq Qarabağ münaqişəsinin hərtərəfli həllinə nail olmaq üçün Rusiya və Fransa ilə birlikdə ATƏT-in Minsk qrupunun həmsədrləri qismində səylərini artırmağa hazır olduğunu bildirib", məlumatda deyilir. 

Vladimir Putin iyunun 20-də Sankt-Peterburqda Azərbaycan prezidenti İlham Əliyev və Ermənistan prezidenti Serj Sarkisyanın iştirakı ilə keçirilən üçtərəfli görüşün yekunlarına dair  Barak Obamanı məlumatlandırıb: “Rusiya görüşü təşkil etməklə münaqişə zonasında vəziyyətin sabitləşməsi və sülh prosesində irəliləyişə nail olunması üçün şəraitin yaradılmasının  vacibliyinə əsaslanıb.

Barak Obama Rusiyanın səylərini yüksək qiymətləndirib, məlumatda deyilir.(apa.az)

Hazırda həbsdə olan "Jam.az" saytının baş redaktoru Fikrət Fərəməzoğlunun həbs səbəbi bəlli oldu.

Həmin yazını olduğu kimi təqdim edirik:
"Lütfəli Babayev təkcə müəllimlərin bağça tikintisi adı altında 100 min manatdan çox pullarını alıb
Zərdabda vəziyyət dözülməz şəkil alıb. JAM.AZ-a müraciət edən rayon sakinləri bildiriblər ki, vəziyyət o qədər ağırdır ki, insanlar nə edəcəklərini belə bilmirlər.
Məlumatda qeyd edilir ki, ağır durumda olanlar sırasında əsas yeri müəllimlər tutur. Belə ki, onlardan artıq 2-3 dəfə 50 manatdan pul yığılıb. Və bu pulun da bağçanın tikintisi üçün toplanıldığı bildirilib. JAM.AZ-a danışan rayon camaatı bildirib ki, indiyə qədər təkcə müəllimlərdən yığılan pulun miqdarı 100 min manatdan çox olsa da, nə bağça var, nə də onun tikintisini görən.
Zərdabın icra başçısı Lütfəli Babayevin nəzarəti altında həyata keçirilən prosesin bununla d bitmədiyi deyilir. JAM.AZ-a verilən məlumatda deyilir ki, icra başçısının pulyığma «kampaniya»larından biri də işə götürmə ilə bağlıdır. Belə ki, büdcə təşkilatları pul alaraq işə götürdükləri şəxsi 7-8 aydan sonra işdən çıxarırlar. Və bəhanə də bu olur ki, həmin şəxsin ixtisası işinə uyğun gəlmir. Əvvəlki iş yerində qalmaq istəyənlər 200 manat verdikdən sonra isə ixtisas «gözəgörünməz qüvvələr» tərəfindən işə uyğunlaşdırılır və məsələ həllə olunur.
İdarə və müəssisə rəhbərləri özləri də etiraf edirlər ki, bu işlər onlarlıq deyil. Çünki tapşırıq birbaşa Zərdab royon İcra Hakimiyyəti başçısı tərəfindən verilib.
Bu əsnada daha bir maraqlı məqam üzə çıxıb. Məlum olub ki, Lütfəli Babayevin rayonda pul yığanlarının sayı heç də bir deyilmiş. Belə ki, onların 5 nəfər olduğu vurğulanır. JAM.AZ-a verilən məlumatda vurğulanır ki, «dəstəyə» icra başçısının müavini Rəhman Feyzullayev başçılıq edir. Onun təlimatlarını isə Xəyalə, Lalə, Vasif və Xəzri adlı şəxslər icra edirlər. Bu şəxslərin Zərdab İcra Hakimiyyətində işlədiyi deyilir.
Qarşı tərəfin də mövqeyini dərc etməyə hazırıq".

Britaniyanın baş naziri Devid Kameron sammitdən əvvəl “The Guardian” qəzetinə müsahibəsində deyib ki, Londonda daşınmaz əmlak alan şirkətlərdən sahib və mənfəətdarlarının adlarının açıqlanması tələb olunacaq. “Biz öz daşınmaz əmlak bazarımızı təmizləyəcək və korrupsiyaçılara aydın mesaj verəcəyik ki, onlar üçün burada ev yoxdur”- deyə Kameron yazıb.

D.Kameronun bu addımını müsbət qiymətləndirən ictimai-siyasi fəal Novruz Muştəbaoğlu qeyd edib ki, bu kimi sərt addımlar korrupsiyanın qarşısını almaq üçün çox əlverişli seçimdir: “Korrupsioner rejimləri daha ağır sınaq gözləyir və bu ən yüksək səviyyədə təsdiq olunmuş məqamdır. Deməli, yaxın zamanlarda Azərbaycan hökuməti daha ciddi problemlərlə qarşılaşacaq və ölkədən oğurlanmış pulların səs-sədası daha geniş yayılacaq. Bəli, gömrükdən 3 blok siqaret keçirilməsinə imkan verməyən hökumət, ölkədən yüz milyardları çıxardığına görə ittiham ediləcək. Saysız-hesabsız korrupsiya layihələrinə imza atmış hökumətimizin sinması rəsmi şəkildə dünyanın “şərəf lövhəsi”ndən asılacaq. Bütün proseslər onu göstərir ki, cinayətkar rejimlər sıradan çıxarılır və dünya belə rejimlərlə əməkdaşlığı təhlükəli, effektsiz hesab edir.Rejim imici üçün xərclədiyi milyonları xalqın rifahına yönəltsəydi, yəqin ki, ölkədəki siyasi ab-hava bir qədər başqa cür olardı”.

N.Muştəbaoglu iddia edir ki, dünyadakı prosesləri düzgün təhlil edən adamlar demokratiyanın qalib gələcəyini, avtoritarizmin məğlub olacağını israrla söyləyiblər: “Bir qrup mübariz insan şərlə döyüşü davam etdirib, Azərbaycanın sivil ölkəyə çevriləcəyinə inanıb və bu gün də əminliklə mübarizələrini davam etdirirlər”.

Mülkiyyət hüququ və vətəndaşın təhlükəsizliyi dövlətin əsas vəzifələri hesab olunur. Yəni vətəndaşın dövlər qarşısında hansısa öhdəliyi varsa, dövlətin də vətəndaş qarşısında öhdəliyi var. Bu öhdəlik isə mülkiyyət hüququnun qorunması və təhlükəsizliyin təmin edilməsidir. Lakin Azərbaycanda dövlətin vətəndaş qarşısında götürdüyü hər iki öhdəlik kobud şəkildə pozulur. Mülkiyyət hüquqi əksər hallarda “dövlət layihəsidir” adıyla pozulur. İnsanlar zorla evlərində çıxarılır. Təhlükəsizlik məsələsi də tam açıq qalır. Hər iki məsələ ilə bağlı kifayət qədər fakt mövcuddur. Əsas narahatedici məqam isə bu faktların hakimiyət məmurları tərəfindən baş verməsidir. Hakimiyyət istədiyi kimi davranır, vətəndaşla dövlət arasında çox ciddi uçurum yaratmağa cəhd edir. Məsələn, Bakının mərkəzində yeni binaların tikilməsi və parkların salınması üçün əhalini kütləvi şəkildə digər yerlərə köçürtdülər. Elə mətbuat səhifələrində balaca araşdırma vəziyyətin necə də acınacaqlı olduğunu göstərir. Mülkiyyətçiləri zorla küçəyə töküb qul kimi davrandı bu hakimiyyət. Heç bir halda əmlakın qimətləndirilməsində mülkiyyətçinin fikri və istəyi nəzərə alınmdı və alınmır. Real bazar qiymətindən də adətən aşağı təklif olunan qiymətlə razışalmayan mülkiyyətçiyə qarşı görünməz haqsızlıq edilir. Hətta saxta ittihamlarla həbsə salınma hallarına da şahid oluruq. Evini tərk etməyən vətəndaşlara qarşı qeyri-insanı davranışlar adi hala çevrilib. Hakimiyyət həmin ailələrin kommunal xəttləri kəsir, XXI əsrdə lampa işığına möhtac qoyur. Daha dəhşətlisi isə içində yaşayış olan binaların ağır texnikalarla uçurulması faktıdır. Hakim ailənin maraqları xaricində hər şey mümkündür. Azərbaycanda yalnız bir qayda işləyir. O da hakim ailənin biznes maraqları və ehtiras həvəsidir. Ailənin maraqlarına toxunan şəxs kimliyindən asılı olmayaraq ağır cəzalandırılır. Bir fakta diqqəti çəkmək istəyirəm. Təqribən 4 ay əvvəl Bakının mərkəzində uzun illər fəaliyyət göstərən, müasir inzibati binaya malik olan, hüquqi baxımdan bütün sənədləri yerində olan bir hotel müştəriləri içində olduğu halda uçuruldu. Bu, vandalizmdir. İşçilər və müştərilər zorla canlarını qurtardılar. Sonra məlumat yayıldı ki, həmin hotelin rəhbəri hakim ailənin və yaxud hakim ailənin yanında çox böyük nüfuza sahib olan bir oliqarx-məmurun qəzəbinə tuş gəlib. Budurmu mülkiyyət hüququnun qorunması? Azərbaycanda illərini verib mülkə sahib olanlar təşviş içindədirlər ki, hökumətin harın məmurları nə zamansa gəlib dövlət adından evlərini başlarına uçurdacaqlar. Dövlət vətəndaşın evini başına uçurursa dövlət ola bilərmi? Kim ona etimad göstərəcək? Kim o dövlətin qorunması üçün qanını axıdacaq? Hakimiyyət Azərbaycan dövlətini ailə biznesinə çevirib. Sanki bu dövlət hakim ailənin qazanc obyektidir.

Vətəndaş toxunulmazlığı sahəsində daha dəhşətli faktlarla üzləşirik. Hakim ailəni tənqid edən şəxs ən ağır ittihamlarla həbs olunur. Heç bir qanun pozmayan şəxs ağır cinayətlərlə məşğul olan idarələrə dəvət olunurlar. Elə idarələr ki, orda çox ağır və xüsusən ağır cinayətkarlar mühakimə edilirlər. Belə hallar insanlara ciddi psixoloji təsir etmək üçündür. Daha bir fakt deyim. Bir jurnalist danışır ki, qaçqınların problemini çəkib ictimailəşdirdiyim üçün məni qanunsuz həbs elədilər və aparıb toyuq oğrularının yanına saldılar. Onlar da məni ən alçaq formada təhqir eləməyə başladılar. Əvəzində isə sərbəst buraxılacaqlarını dedilər. Bax budur Azərbaycan hakimiyyətinin mahiyyəti. Sağlam düşüncələri bilərəkdən məhv edir. Ağır cinayət törədən şəxslər rüşvət qarşılığında sərbəst buraxılırlar. Suçu ancaq azad yaşamaq istəyi olan şəxslər isə ən ağır maddələrin qurbanına çevrilirlər. Hakim ailə ölkəyə şəxsi obyekt kimi baxdığı üçün heç bir hüquq filan qəbul etmir. Hakimiyyətin istəyi onun şəxsi və biznes maraqlarıdır. Bu maraqlar və ehtiras ölkəni dibi bilinməyən bataqlığı salıb.

  Hakim ailə bütövlükdə Azərbaycanı öz mülkiyyəti hesab edir. Hər seçkidə də ölkənin ümumilikdə hakimiyyətin xüsusi mülkiyyətinə verilməsini təsdiqləyirr. Növbəti 5 ildə ən xırda məmur “vəzifə atını” ona verilmiş ərazidə istədiyi kimi çapa bilir. Ölkədə ancaq bir halda məmur cəzalana bilər. Hakimiyyətin başında dayanan şəxsə qarşı sədaqətsizliyi sübut olarsa, onu heç fələk də qurtara bilməz. Ölkəni talayan, əhalinin acınacaqlı duruma düşməsinə səbəb olanlar isə hər altı ayın tamamında mükafatlanır, medalla təltif olunurlar. Əhalinin necə yaşaması, hansı əziyyətlə üzləşməsi, işsizliyin, bahalığın hansı səviyyədə olması məmur tayfasının heç vecinə deyil. Hökumət başçısı da hər altı ayın tamamında nazir, komitə sədrlərini toplayıb bər-bəzəkli və ümidverici sözlərlə böhranın yan keçdiyini deyir. Əsas odur ki, hakimiyyət nümayəndələrinin xərcləri azalmasın. Belə davam edərsə, ölkənin dövlət kimi mövcudluğu sual altına düşəcək.

Xeber.İnfo,

Ramil Rüstəmov 
Vəkillər Kollegiyasının üzvü, Avropa təcrübəli vəkil

Cümə axşamı, 07 İyul 2016 00:00

"İlham Əliyevin ətrafı naftalin iyi verir"

Yazan

"Məmurlar narahatdır ki, mən prezident seçilən kimi onları ayaqlarından asacam"

"Hərəsi çıxarıb ortaya 1 milyard qoysaydı ölkə bu ağır günə düşməzdi"

Müasir Müsavat Partiyasının sədri Hafiz Hacıyev növbəti müsahibəsində çox ciddi məqamlara toxunub.

- Sizi çoxları Jirinovski ilə müqayisə edir. Bu müqayisədən qəzəblənirsiniz, yoxsa məmnun qalırsınız?

- İnsanlar məni başqa dövlətlərdə doğruları deyən şəxslərlə müqayisə edirlər. Jirinovski indi Rusiya dövlətinin sözçüsüdür. Düzdü, o avara və təlxəyin biridir. Mən onun bu hərəkətlərini qəbul eləmirəm. Jirinovski ilə mənim dəfələrlə atışmalarımız olub. O, Azərbaycan xalqına qarşı aqressivdir.

- Bir məsələ də var ki, Jirinovskini Putinin sözçüsü kimi də qəbul edənlər çoxluq təşkil edir. Amma adamın inanmağı gəlmir ki, sizin o cür sərt və konkret ittihamlarınızın təşəbbüskarı məhz İlham Əliyevdir...

- İlham Əliyev mənim xətrimi çox istəyir, mən də onun. Biz bir-birimizə qardaş demişik. Mən ona qarşı olan qüvvələri ifşa edirəm. Mən nə deyirəmsə bu mənim qardaşımın xeyrinədir. Nazirlər heç bir məsələni prezidentə obyektiv formada çatdırmırlar. Bu cür təhrif olunmuş məlumatlardan prezident ziyan çəkir. Mən bir neçə gün öncə Qax, Zaqatala, Balakən bölgəsində səfərdə oldum. İnsanlar prezidentdən razılıqlarını açıq formada ifadə edirdilər. Amma nazirlər barədə böyük narazılıq var idi. Harda kim nə edirsə hamı deyir prezident hara baxır?

Həkim adam öldürür, təhsil batıb gedir, hamı prezidenti ittiham edir. Prezident bu sahələrə adam qoyur, onlar isə işləmir, ona xəyanət edirlər. Mənə prezident heç nə demir, mən gördüklərimi deyirəm. Prezidentin ətrafında olan məmur ayda 1700 azn maaş alır, amma 6 milyonluq villada yaşayır. Bayraq meydanının rəisini tuturlar, məhkəməsi gedir, məhkəmədə deyir ki, övladlarıma 6 milyon verib obyekt almışam. Adamdan soruşarlar sən bu 6 milyonu necə qazanmısan axı? Mən haqqı deyən insanam. Mənə qardaşım İlham Əliyev heç nə demir. Mən gördüyüm haqsızlıqları niyə gizlədim axı? Bizim partiyamız rayonlarda olan haqsızlıqları da bəyan edir. Prezidentin ətrafında olan insanlar naftalin iyi verir. Bu qocalar evindən tezliklə qurtulmaq lazımdır.

- Oxucularımızdan bir neçəsi bizə yazır ki, Hafiz Hacıyevə deyin ki, qorxmurmu onu öldürərlər?

- Hafiz Hacıyev 2 dəfə həbs həyatı yaşamış adamdır. Mən 16 ay Milli Təhlükəsizlik Nazirliyinin təcridxanasında olmuşam. Hafiz Hacıyev vətənə xəyanət etmir ki, onu tutalar. Mən faktlarla deyirəm ki, Ziya Məmmədovun oğlu Londonda, Vaşinqtonda prezidentə xəyanət edir. Heydər Əsədov o villaları hansı pulla alıb? Qoy məni versin məhkəməyə, mən məhkəmədə onun rüşvətxorluğunu sübut edəcəm.

- Konkret olaraq bu günə qədər sizi ölümlə hədələyən məşhurlar olubmu? Bununla bağlı hüquq-mühafizə orqanlarına nə zamansa rəsmi müraciətiniz olubmu?

- Mən məmurlara deyirəm ki, ölkəni çapıb-talayırsınız, heç olmasa xəyanət etməyin. Bu gün kəndçi əlindəki məhsulu sata bilmir. Mənsə bunu deyirəm, amma xoşlarına gəlmir məmurların, başlayırlar ordan-burdan ultimatum göndərməyə. Məni öldürməyə isə onların cəsarətləri çatmaz. Bilirlər ki, prezdent onları buna görə onları dünyaya gəldiklərinə belə peşman edər.

- Ailənizə, övladlarınıza və yaxın ətrafınıza demisiniz ki, başıma bir iş gəlsə kimlərdən şübhələnmək lazımdır? Həmin şübhəlilərin bir neçəsinin adını biz də bilə bilərikmi?

- Heydər Əliyevə xəyanət edən, o, Bakıya gələndə onun avtomobilinin qabağına "KAMAZ" sürənlər bu gün vəzifədədir. Mənim düşmənlərim bu gün bu şəxslərdir. Çünki mən görürəm ki, həmin adamlar hazırda İlham Əliyevə xəyanət edir. Hafiz Hacıyev görmüş, bilmiş insandır. Nə deyirəmə, nə edirəmsə bu havayıdan deyil. Ölkədə belə bir ideologiya formalaşdırıblar ki, kim vətənə xəyanət edirsə, o yaxşı yaşayır. Mən isə Heydər Əliyevin Moskvada ən ağır günündə yanında oldum, indi kirayədə yaşayıram. Xalq yolunda şam kimi əriyirəm. Amma Ziya Məmmədovun oğlu, "Qaçqınkom" sədrinin oğlu 300 minlik maşınlarda gəzir. Doğrunu dediyimə görə öldürəcəklərsə qoy öldürsünlər məni. Mənim itirəcəyim heç nə yoxdur. Onlar məni öldürsələr mənim ətrafımda olan insanlar da onları öldürəcək. Lenin deyir ki, proletarın zəncirdən başqa itirəcəyi heç nəyi yoxdur. Mənim maşınım, villam, evim yox. Heç nədən qorxmuram. Qoy xalqın milyardını yeyənlər qorxsun. Təbii ki, məni hədələyənlərin içərisində məşhurlar da var, amma mən nə ölümdən, nə də həbsdən qorxuram. Biz bu yola kəfənimizi geyinib çıxmışıq.

- Siz demək olar ki, başda Artur Rəsizadə olmaqla hökumət üzvlərinin yarıdan çoxu haqqında ağır ittihamlarla çıxış etmisiniz. Ola bilməz ki, buna görə sizi salamat buraxalar. Susmaq razılıq əlamətidir, yoxsa ümumiyyətlə sizinlə qarşı-qarşıya gəlməyi riskli hesab etdiklərindən irəli durmurlar?

- Bu məmurlar ideoloji terrorçudular. Mən nəyi səhv deyirəm? Beynəlxalq Bankın keçmiş sədri ölkəni yedi-dağıtdı, arvadı 10 ildi başqa ölkənin vətəndaşıdır. Artur Rasizadənin əmisi Şamil Əliyeviç Qazax rayonunda 1600 hektar torpağı ermənilərə verib. Mən bunları bilirəm, görmüşəm və deyəcəm. Mən bunları deməyəcəm bəs kim deyəcək? Nazirlər ölkə üçün heç nə etməyib. Ölkə üçün nə edibsə İlham Əliyev və Mehriban xanım edib. Fərhad Əliyev prezidentə xəyanət edirdi.

Mən sübut elədim ki, o, İsa Qəmbərə ayda 100 min pul verir, nəticədə də cazasını aldı. Fərhad Əliyev kimi məmurlar indi də var, onlar artıq ayaqlarının altını görmürlər. Fikir verin, prezident bu gün gedib hər bir Azərbaycanlının dincələ biləcəyi yerdə, Bodrumda dincəlir. Amma bizim "Jek" müdirləri Bodrumu bəyənmir. Bu nazirlərin ən etibarlısı kim idi? Eldar Mahmudovun aqibəti hamıya məlumdur. Prezident bu gün bu məmurlara görə dünya liderləri ilə qınaq obyektinə çevrilir. Həkimlər sağlam adamın ayağını kəsir. Salyanda 3 uşaq ölür. Bunlar ölkəmizin imicinə zərbəbədir. Hafiz Hacıyevi kim həbs etdirmək, kim öldürtmək istəyir, bu önəmli deyil. Mən olmayacam, başqası deyəcək bu sözü.

İlham Əliyev bu gün gedib Bodrumda istirahət edib onun şəklini çəkib ötürüblər mətbuata. Mən bilirəm bunların təşkilatçısı kimdir, sizin sayt vasitəsi ilə ona deyirəm, özünü yığışdır. Sənin pulun köməyinə gəlməyəcək. Necə ki, Qəddafinin, Səddamın köməyinə gəlmədi. Prezident Aparatında oturub yüz dənə qələt edirsən. Sən o şəkilləri niyə yaydırırsan? Prezident Avropaya gedən kimi jurnalistləri həbs etdirirlər. Bax bu məni yandırır. Ölkədə bu boyda devalvasiya oldu. Hərəsi çıxarıb ortaya 1 milyard qoysaydı ölkə bu ağır günə düşməzdi. Yaxud da banklara olan borca görə gündə bir insan intihar edir. Bu borcları bağlamaq olardı, amma etmirlər.

- İki ildən sonra deyil, bir neçə aydan sonra prezident seçkiləri olsaydı və namizədliyiniz qeydə alınsaydı televiziyada seçicilərə müraciət etmək şansı əldə etsəydiniz ilk növbədə hansı məqamları qabardardınız?

- Mən qarşıdan gələn seçkilərdə iştirak edib prezident seçiləcəm. Məmurlar da ona görə narahatdır ki, mən prezident seçilən kimi onları ayaqlarından asacam. Xalq da narahat olmasın, onların pulunu geri gətirəcəm. Mən nə deyəcəyimi hələ ki, demirəm, kartlarımı açmıram. Prezident və mənim əsas işim odur ki, insanlara xidmət edək. Mən heç nədən qorxmuram. Həyatımı siyasi qumara qoymuş bir insanam. İmkan verməyəcəm ki, ölkə başçısına ziyan gəlsin. Mən millətdən də narazıyam. Millət də narazılığını bildirməlidir, haqqını tələb etməlidir. Hafiz Hacıyev də xalqın yanında olacaq. O məmurlar bilməsin ki, bizi asanlıqla öldürmək olar. Biz çox güclü formada qorunuruq, mühafizəçilərimiz var. Ona görə heç kim narahat olmasın. Mən seçkilər vaxtı nə deyəcəyimi indi desəm o məmurlar məni öldürmək üçün bu binanı uçurarlar. Baxmayaraq ki, bu binada 1000-ə qədər insan yaşayır. Mən bütün kartları seçki ərəfəsində açacam. (moderator.az)

Ötənlərdə Milli Məclisdə bir qavğa qalxdı. Məclisin aparıcısı (və ya spiker) Oqtay Əsədov millət vəkili Zahid Orucun çıxışını yarıda kəsib sözünü tamamlamağa imkan vermədi: “Səsini kəs, otur yerində”.
Ümumiyyətlə, səs elə bir zaddır ki, ancaq o çıxdığı halda ətraf nədənsə hali olur. Amma susmaq gerçəkdən də qızıldır. Məsələn, Aristotel deyirdi ki, “axmaq adam susana qədər dahidir”.

Zahid Orucu isə dərin mütailəsi və böyük dünyagörüşü ilə yanaşı vicdanı susmağa qoymur. O, susa bilmir.
Yadıma gələni odur ki, bu, məclis sədri Oqtay Əsədovun təhqir etdiyi ilk deputat deyildi.

Ortaya maraqlı sual çıxır. Oqtay Əsədov niyə təqhir edir və ya Oqtay Əsədov niyə məhz danışanları, ağzına su alıb oturanları deyil, səsini çıxaranları təhqir edir? Və ya Oqtay Əsədov xalqı aşağılayan, təhqir edən deputatlrı deyil, məhz Zahid Oruc kimi xalqının dərdinə yananları təhqir edir?
Əzizilərim, yəqin ki, siz “Həzrəti Yusif” serialına baxmısınız. Serialda Yusif peyğəmbərin zindandan azad olunmasının səbəbini də xatırlayırsız yəqin? Yusif peyğəmbəri zindandan xilas edən əslində onun düşmənlərinin bacarıqsızlığı oldu. Misiri ayağının altına alıb, istədiyi kimi fırladan Amon məbədinin kahinlərinin boş başı Yusifin zindandan xilasına kömək oldu.

Yəni Amon məbədinin kahinləri fironun yuxusunu yoza bilsəydilər Yusifə də ehtiyac qalmayacaqdı.
Amma ömrü boyu xalqın başını piyləyib, özünü Allah adlandıran və ac, avam xalqı soyub qanını içən, haram yeməkdən qarınları şişən kahinlər o qədər nadan idilər ki, öz sahələrinə aid olan sadəcə yuxunu da yoza bilmədilər.

Bu kahinlər ona görə yuxunu yoza bilmədilər ki, yarandıqları gündən bir amalla yaşayırdılar: xalqı aldatmaq, xalqın bəsirət gözünü bağlayıb qazancını əlindən alıb yemək və pul, var -dövlət yığmaq.

Amma tarix sübut edib ki, indiyə qədər heç bir cahili, xalqın qanını soran heç bir fironu xalqın alın təri olan milyardlar xilas edə bilməyib.
Amon məbədinin kahinləri tuluğa dönən qarınlarından başqa digər nəsnəylə də maraqlanmış olsaydılar, o zaman beyinlərini azacıq işlətməli olacaqdılar və Yusif, onların düşmən elan etdikləri Yusif də azad olunmaycaqdı.

Amma belə olmadı. Peyinlə dolu tuluğa dönmüş qarınlarının üstündəki, haram yeməkdən piylənmiş başlarının içi boş idi. Orada ancaq yalan, kin nifrət qərəz planları cızılırdı. Bu peyinlə dolu tuluqların bircə sevgisi var idi ki, o da buz kimi qızıla-sərvətə yönəlik olduğundan özləri də o qızıl kimi donub qalmışdılar.
Bəli, Firon yuxu görmüşdü. Firon yuxusundan narahat idi. Ona nələrinsə xəbər verildiyini, bunun əslində adi yuxu deyil, ilahi mesaj olduğunu anlamışdı. Bəs kim yozacaqdı bu yuxunu?

Ölkəni barmağında fırladan Amon mədədinin baş kahini və yuxuyozanları nə qədər fikirləşsələr də ortaya bir zad çıxara bilmədilər.
Yadıma bilirsiz nə düşdü? Deməli, Azərbaycanda manatın ilk çöküşü baş verib. Milli Məclisin deputatlarından biri bu xəbəri eşidib və belə reaksiya verib: Nə, manatın məzənnəsi düşüb? Heç xəbərim yoxdur, nə bilim”. Əlbəttə, bütün varidatı xarici banklarda dollarla, avrolarla, funt sterlinqlə yatırlanlar üçün manat öldü və ya boz eşşək öldü heç bir fərqi yoxdu.

Baxən, bu kahinlər də, Misiri gözləyən təhlkəni duymurdular. Çünki onlar Misiri sevmirdilər. Misir onlar üçün yemək anbarı olan Amon məbədindən ibarət idi.
Zavallı Misir xalqı isə varını və sevgisini bu məbədə daşıyırdı. Bütün amacı ancaq qarnı ilə cibini doldurmaq olan kahnilərə və kahinbaşıya bundan başqa nə lazm idi?
Beləcə, Amon məbədinin baş kahini Alex Mahu məbədin baş yuxuyozanını ağacının altına salıb döyür, başını yarır, sonra isə yanındakılara tapşırır ki, onu öldürüb köpəkbalıqları olan çaya atsınlar. Səbəb isə sadə idi. Baş yuxuyozan Yusifin yuxunu düz yozduğunu təsdiqləmişdi. Baş yuxuyozanın ən böyk günahı səsini çıxarması və həiqiqəi söyləməsi olmuşdu.

Baş kahin Alex Mahu baş yuxuyozana elə fironun sarayında acıqlanır: “Axmaq qoca, hələ də harada ağzını açmağı, harada səsini kəsməyi bilmirsən. Kəs səsini, otur yerində”.
Bəzi yazılmmaış ilahi qanunlar var. O qanunlar ki, Misir hökumətini saymayan Amon məbədində höküm sürürdü. Alex Mahu Misiri ayağının altında ayaqlayan Amon məbədində öz qanunlarını qurmuşdu və hökuməti vecinə almadan bəy balası kimi öz kefinə yaşayırdı. Amma adı HAQQ olan bir gün o, Yusifi qaranlıq zindandan çəkib çıxardı. Axı əsl zindanlıqlar bayırda idi və özlərini xalqın başbiləni kimi göstərirdilər.

P.S
Ramazan ayını həmişə olduğu kimi oruc tutdum və hər iftarımı bu dua ilə başladm: Ey, Yunusu dənizin dibindən, Yusifi qaranlıq zindandan xilas edən Allahım BİZİ ƏDALƏTSİZLİK QUYUSUNDAN XİLAS ET! AMİN!

Arzu Abdulla 

Xeber.İnfo

90 -dən səhifə 146

Günün videosu