Çərşənbə, 10 Avqust 2016 00:00

Siyasi məhbusun ailəsidən BMT-yə müraciət

Yazan

Ruhullah Axundzadənin ailəsindən BMT-yə müraciət: Vətəndaşlıqdan çıxmaq, ölkəni tərk etmək istəyirik.

Birləşmiş Millətlər Təşkilatına, İslam Konfransı Təşkilatına Siyasi məhbus ailəsi Axundzadə Tamara Talıb Qızı tərəfindən müraciət edilib.
Axundzadə Tamara müraciətdə həyat yoldaşının 1988-ci ildən Siyasi təqiblərə məruz qaldığını, 2001-ci ildən isə MDB ölkələri arasında Azərbaycanda siyasi əqidəsinə-baxışına görə təqib olunan, həbs edilib bəraət alan kimi qeydiyyata alınığını bildirib.
Onun sözlərinə görə, 2003-cü ildən kompensasiya almaq üçün (Strasburq insan, hüquq və azadlıqları) məhkəməsində sənədləri qalmaqdadır.
"Hal hazırda oğlum həbs olunub və Lənkəran Ağır cinayətlərə Dair məhkəməsi 5 il 6 ay hökm çıxarıb. Hal hazırda Apellyasiyaya şikayət etməkdəyik. Təqsiri, günahı olmayan tələbə (İranın Məşhəd şəhərində təhsilini davam etdirməkdə idi) oğlum Məhəmmədəli Rufulla oğlu Hacı Taleh oyunundan sonra ölkəyə gəlir, atasını həbsxanada iki dəfə ziyarət edir və son dəfə dekabrın 22-də konsulluqda özü, xanımı, 2 yaşlı oğlunu və 17 yaşlı bacısının sənədlərini təsdiqlədib Astaraya dönürlər.
Avtobusdan düşüb taksiyə mindikləri vaxt Mütəşəkkil cinayətkarlıqla mübarizə idarəsinin əməkdaşlarının kobud, insanlığa yaraşmayan şəkildə uşaq və hamilə olan gəlini belə itələyib yıxaraq oğlumu qandallayırlar. Öyrədilmiş şahid və yuxarıdan verilən tapşırıq və sifariş məhkəmə prosesində tam bizə aydın oldu. Belə ki, şahidlər oğlumun əynindəki paltarı belə düzgün təsvir edə bilməyiblər. Cibi olmayan qara jilet əynində olub, 146. 611 gr tiryək hardan gəlib hardan tapılıb məhkəmədə aydınlıq verilmədi.", -deyə Axundzadə Tamara qeyd edir.
İkinci zərbə isə gəlnimin hamilə olması bütün streslərlə sonda sağlam körpənin tələfi ilə başa çatdı.
Axundzadə Tamara həyat yoldaşı Rufulla Höccət oğluna 2012-ci ildən əfv üçün müraciət etməsi tövsiyə edildiyini qeyd edərək, yoldaşının cavabının həmişəki kimi "Məndən üzr istənilməlidir. Təqsirkar məni həbs edənlərdir. Mənim heç bir günahım, suçum yoxdur" olduğunu bildirib.
"Nəticədə oğlumu həbs ediblər. Gəlinimin uşağı tələf olub. Özüm əliləm. Həyat yoldaşım 2013-cü ildə həbsxanada İnfarkt nəticəsində əlil olub. Təkcə qızlarım qorunur. Onlarda ayrı ayrı rayonlara gəlin köçməklə xaricdə həyat yoldaşları ilə təhsillərini davam etdirirlər. İndi bircə kiçik oğlum Əlimürsəlin repressiyaya məruz qalmasından qorxu, təşviş, hürkü ilə yaşamaqdayıq.", -deyə Axundzadə Tamaranın müraciətində qeyd edilib.
Axundzadə Tamara müraciət etdiyi təşkilat və insan haqları ilə əlaqəli qurumlardan ailəsinin mövcud durumunu nəzərə alınmasını, əri və oğlunun yeni təzyiqlərə məruz qala bilməsi ehtimalı və onlara olunan haqsızlıqlarla bağlı hesabat tələb etməyə, bütün ailənin ölkəni tərk etməklə vətəndaşlqıdan imtina və siyasi sığınacaq almalarına yardım etmələrini xahiş edib.

Cavad Bədəlov

Avropa Parlamenti Panama skandalının araşdırılması üçün bir komitənin yaradılmasına yaşıl işıq yandırdı. 

Komitə Avropa Komissiyası və üzv ölkələrin quru pul ağlama və vergi qaçaqçılığı mövzusunda qaydaları pozuntu edib etmədiyini araşdıracaq. Avropa millət vəkili Sven Giegold mövzunu qiymətləndirdi: "Avropada davamlı pul ağlama əleyhdarı qanunların necə pozulduğunu araşdırılmalı. Jurnalistlər gizli hesab və şirkətlər açaraq böyük miqdarda pulların gizlenebileceğini ortaya çıxardı. ”

Komitə 12 ay boyunca Panama skandalını araşdıracaq daha sonra nəticələri açıqlayacaq. Panama Papers sənədlərinin sızması bütün dünyada şok təsiri yaratmışdı.(hefteaz.info)

Parlament Jurnalistlər Birliyinin sədr müavini Aqil Aslan 99 gün MN Mərkəzi Hospitalında komada olan tank komandiri gizir Rahim Tağıyevin şəhid olması ilə bağlı status paylaşıb:

"99-cu gün idi ki, komada idi. Bu gün səhər ölüm xəbəri yayıldı. 

Tank komandiri gizir Rahim Qara oğlu Tağıyev aprelin 2-də cəbhənin Goranboy-Tərtər istiqamətində Talış kəndi uğrunda döyüşlərdə qəhrəmanlıq göstərən igidlərimizdən biri idi. Elə həmin gün döyüş zamanı düşmənin atdığı minamyot mərmisi Rahimin yanına düşüb və hərbçimiz başından ağır yaralanmışdı. Müdafiə Nazirliyinin Mərkəzi Hərbi Hospitalına yerləşdirilən Rahim Tağıyev aprel döyüşlərinin ən ağır yaralısı idi. Onun sağalması üçün hospitalın həkimləri əlindən gələni edirdi. Lakin vəziyyəti ağır-stabil olaraq qalırdı. Ona görə də Rahimi Türkiyədəki məşhur "Gülhanə" xəstəxanasına aparmağa qərar verilmişdi. Türkiyəyə yola salınması üçün bütün sənədlər hazır idi. Həyat yoldaşı bir neçə gün öncə Bakıya gələrək Rahimin hərbiçi biletini də hospitalın rəis müavininə vermişdi. 

Rahimin həyat yoldaşına demişdilər ki, yaxın günlərdə Türkiyəyə aparılacaq. Bundan bir neçə gün öncə başqa iki yaralı hərbçimiz də "Gülhanə"yə yola salınmışdı. Bu gün səhər isə Rahim Tağıyev dünyasını dəyişərək şəhidlik zirvəsinə ucalıb. 

Qeyd edək ki, Rahim Tağıyev 18 ildir Milli Orduda xidmət edirdi. Bu müddətdə xidmətdə fərqləndiyinə görə 5 medal və çox sayda Fəxri Fərmanla təltif edilmişdi. Şəkinin Əliyar kəndində anadan olan Rahim Mingəçevir sakini idi. Onun 3 uşağı var - Ülkər, Nihat və Nicat. 

Rahim Tağıyev bu gün saat 2-də Mingəçevirdə dəfn olunacaq. Allah şəhidimizə rəhmət eləsin!" 

Bazar, 10 İyul 2016 00:00

Neftin qiyməti bahalaşır

Yazan

Dünya birjalarında neftin qiyməti bahalaşmaqda davam edir.

Nyu-Yorkun NYMEX (“New York Mercantile Exchange”) birjasında “Layt” markalı neftin bir barelinin qiyməti 0,09 dollar bahalaşaraq 45,50 dollar olub.
Londonun İCE (“İnterContinental Exchange Futures”) birjasında “Brent” markalı neftin bir barelinin qiyməti isə 0,11 dollar artaraq 46,87 dollara çatıb. 

"Con Kerri bildirib ki, Amerika Birləşmiş Ştatları (ABŞ) Qarabağ Münaqişəsinin hərtərəfli tənzimlənməsinə dair danışıqlarda yardım göstərir".

Bu barədə ABŞ Dövlət Departamentinin rəsmi saytı məlumat yayıb. Məlumatda bildirilir ki, Dövlət Departamentinin mətbuat katibi Con Kirbi jurnalistlərlə keçirdiyi brifinq zamanı bir sıra məsələlərlə yanaşı Dağlıq Qarabağ Münaqişəsinin nizamlanması məsələsini də şərh edib.

Kirbi Varşavada baş tutan görüşlər zamanı ABŞ dövlət katibi Con Kerrinin Qarabağ Münaqişəsi ilə bağlı səsləndirdiyi fikirləri xatırladıb və bildirib ki, Kerri NATO sammiti çərçivəsində Azərbaycan və Ermənistan prezidentləri ilə görüşüb Qarabağ münaqişəsinin nizamlanması məsələsini müzakirə edib.

"Bu görüşlərdə dövlət katibi Kerri Vyanada və Sankt-Peterburq görüşlərində əldə olunmuş öhdəliklərin yerinə yetirilməsinin vacibliyini bildirib. Kerri həmçinin təsdiq edib ki, ABŞ Qarabağ Münaqişəsinin hərtərəfli tənzimlənməsinə dair məzmunlu danışıqlarda yardım göstərir", - deyə Kirbinin sözlərinə istinadən dövlət departamentinin yaydığı məlumatda bildirilir.

İyul ayının 8-də Polşanın paytaxtı Varşavada Azərbaycan Prezidenti İlham Əliyevlə yanaşı, 17 dövlət başçısının iştirak edəcəyi NATO sammiti başlayıb. Sammitdə alyansın təhlükəsizliyinin gücləndirilməsi və NATO sərhədlərindən kənarda stabilliyin təmin edilməsi ilə bağlı qərarlar qəbul edilib.

Sammitdə, həmçinin Ermənistan-Azərbaycan Dağlıq Qarabağ münaqişəsi müzakirə olunub. ATƏT-in Minsk Qrupunun amerikalı həmsədri Ceyms Uorlik özünün Twitter hesabında yazıb ki, “Ermənistan-Azərbaycan Dağlıq Qarabağ münaqişəsinə dair danışıqlar prosesinin davam etdirilməsi üçün NATO sammiti yaxşı imkandır”.

ABŞ Dövlət katibi Con Kerri Qarabağ münaqişəsini NATO sammitində müzakirəyə çıxarıb. Dövlət rəsmisi Qarabağ münaqişəsi barədə Azərbaycan və Ermənistan dövlət başçıları ilə söhbət edib.

Həftənin ilk iş gününə gözlənilən hava şəraiti açıqlanıb.

Ekologiya və Təbii Sərvətlər Nazirliyinin Milli Hidrometeorologiya Departamentindən AzNews.az-a verilən məlumata görə, iyulun 11-də Bakıda və Abşeron yarımadasında buludlu hava şəraiti üstünlük təşkil edəcək. Arabir yağış yağacağı gözlənilir. Yarımadanın bəzi yerlərində intensiv olacağı, şimşək çaxacağı ehtimalı var. Mülayim şimal-qərb küləyi səhər və gündüz güclənəcək.

Havanın temperaturu gecə 20-23°, gündüz 24-27° isti olacağı gözlənilir.

Atmosfer təzyiqi 753 mm civə sütunundan 757 mm civə sütununa yüksələcək. Nisbi rütubət gecə və gündüz 75-85% təşkil edəcək.

Abşeron çimərliklərində dəniz suyunun temperaturu Sumqayıt, Novxanı, Pirşağı, Nardaran, Bilgəh, Zuğulbada 19-20°, Buzovna, Mərdəkan, Şüvəlanda 21-22°, Türkan, Hövsan, Sahil, Şıxda 23-24° isti olacağı gözlənilir.

İyulun 11-də Azərbaycanın rayonlarında şimşək çaxacağı, arabir yağış yağacağı gözlənilir. Bəzi yerlərdə leysan xarakterli intensiv olacağı, dağlıq ərazilərdə dolu düşəcəyi ehtimalı var. Qərb küləyi ayrı-ayrı yerlərdə arabir güclənəcək.

Havanın temperaturu gecə 18-23° isti, gündüz 25-30° isti, dağlarda gecə 9-14° isti, gündüz 15-20° isti olacağı gözlənilir. 

İyulun 10-da Azərbaycan Respublikasının Prezidenti İlham Əliyevin sədrliyi ilə Nazirlər Kabinetinin 2016-cı ilin birinci yarısının sosial-iqtisadi inkişafının yekunlarına və qarşıda duran vəzifələrə həsr olunan iclası keçirilib.
Dövlətimizin başçısı iclası giriş nitqi ilə açdı.
Sonra “Meliorasiya və Su Təsərrüfatı” Açıq Səhmdar Cəmiyyətinin sədri Əhməd Əhmədzadə, kənd təsərrüfatı naziri Heydər Əsədov, müdafiə sənayesi naziri Yavər Camalov ilin altı ayının yekunlarına dair məruzələrlə çıxış etdilər.
Prezident İlham Əliyev iclasda yekun nitqi söylədi. 

Bazar, 10 İyul 2016 00:00

Rusiyada aeroport binası yanır

Yazan

Rusiyada Blaqoveşensk aeroportunun binasında yanğın başlayıb.

RİA Novosti-nin verdiyi məlumata görə, Rusiya Fövqəladə Hallar Nazirliyi yanğın nəticəsində ölən və yaralananların olmadığını açıqlayıb.

Yanğının söndürülməsi istiqamətində iş aparılır. (virtualaz.org)

Respublikanın ümumtəhsil məktəblərində istifadədə olan, yeni təhsil proqramı (kurikulum) əsasında hazırlanmış 4-cü sinif dərslik komplektlərinə dair Tələbə Qəbulu üzrə Dövlət Komissiyasının (TQDK) hazırladığı yekun rəylərə Təhsil Nazirliyi tərəfindən rəsmi cavab göndərilib.

Trend-in məlumatına görə, iradların çoxu qəbul edilməyib, bəzilərinə isə elə iradla da cavab verilib.

TQDK-nın "Dərslik "Azərbaycan dili” adlansa da, məzmunu bilavasitə "Oxu” məzmun xəttinə uyğundur. Bunun səbəbi, fıkrimizcə, 3-cü sinif dərsliyində dilin sisteminin həddindən çox verilməsi ilə bağlıdır. Dil materialları uşaqların yaş xüsusiyyətləri nəzərə alınmadan, əsasən, 3-cü sinif dərsliyində verildiyindən, 4-cü sinif dərsliyində əlavə məlumat verməyə, demək olar, material qalmayıb. Eləcə də təqdim olunmuş dil qaydalarının mətnlərlə bağlı olmaması "Azərbaycan dili” fənninin əsas məqsədinin reallaşmamasına gətirib çıxarıb” iradına cavab olaraq bildirilib: "Dilçiliyə yaraşmayan ifadələr (dilin sisteminin həddindən çox verilməsi – ?), əsassız iradlar irəli sürməkdənsə, rəyçilər hər bir sinif üçün kurikulumda təsbit olunmuş dil qaydaları ilə bağlı hansı standartların dərslikdə reallaşmadığını və ya kurikulumda öz əksini tapmamış hansı standarta dərslikdə yer verildiyini deməli idilər. Bunu isə deyə bilməzlər, çünki dərslikdə hər bir material kurikuluma uyğundur”.

TQDK-nın "4-cü sinifdə dil qaydaları az olsa da, qənaətbəxş və nizamlı deyil, bir çox hallarda lazımsız qaydalar verilmişdir. Mətnlərə aid tapşırıqlar Azərbaycan dili üzrə məzmun standartlarının reallaşmasına ciddi kömək etmir. Dil qaydalarının müvafiq nitq bacarıqlarına çevrilməsi yoxdur” iradı heç bir konkret faktla əsaslandırılmamış irad hesab edilib: "Dərslikdə "lazımsız qayda” yoxdur. Bütün qaydalar məzmun standartlarına uyğundur və müvafıq mətnlə bağlıdır”.

TQDK-nın "Dərsliyin forzas səhifəsində Dövlət Himni "Azərbaycan Respublikasının Dövlət Himni haqqında” 1992-ci il 27 may tarixli Qanunun tələblərinə uyğun çap olunmayıb. Himnin adı ("Azərbaycan marşı”) ixtisar olunub. Həmçinin forzas səhifəsində Dövlət Gerbinin rəngli təsviri Dövlət Gerbi haqqında Əsasnamənin təsdiq edilməsi haqqında Azərbaycan Respublikasının 1993-cü il 23 fevral tarixli Qanununun tələblərinə uyğun çap olunmayıb” iradına cavabda isə qeyd edilib ki, son illərin bütün dövlət sərəncamlarında böyük bəstəkarın soyadı "Hacıbəyov” yox, "Hacıbəyli” gedir. Heç bir mənbədə dövlət himni "Azərbaycan marşı” kimi qeyd olunmur.”

TQDK-nın ”Dərslikdə tez-tez pulla bağlı humanistlik mövzusuna müraciət olunur. Maddiyyat məsələlərinin bu qədər qabardılması məqsədəuyğun deyil” iradına cavab olaraq bunlar bildirilib: "Bu iraddan kommunist ideologiyasının qoxusu gəlir. "Maddiyyat” həyatımızın bir hissəsidir və "şəxsiyyətyönümlü” adlandırdığımız təhsil tələb edir ki, şagirdin bu barədə də məlumatı olsun”.

Ümumilikdə "Azərbaycan dili” dərsliyi üzrə cəmi 72 tənqidi xarakterli qeyd verilib, onlardan 9-u qəbul edilib. Qəbul edilən iradlar isə əsasən, qrammatik yönümlü olub.

4-cü sinif "Riyaziyyat” fənni üzrə TQDK-ya daxil olmuş yekun rəydə iradlar demək olar ki, qəbul edilməyib.

TQDK-nın "Göründüyü kimi, 4-cü sinif riyaziyyat proqramındakı 49 standartdan 20-si, yəni 40 faizdən çoxu dərslikdə ya tamam, ya da normal şəkildə əksini tapmayıb. Halbuki 20 yox, bircə standartın kənarda qalması yetərli idi ki, Dərslikləri Qiymətləndirmə Şurası onu geri qaytarsın” iradına cavab olaraq bildirilib ki, 20 standartın formalaşdırılmadığı barədə qeyd edilən bütün iradlar əsassızdır. 4-cü sinif riyaziyyat fənni üzrə yeni təhsil proqramında (kurikulum) yer almış bütün məzmun standartları dərslikdə öz əksini tapıb:

"Yekun rəydə irəli sürülən fikirlər hər bir məzmun standartına uyğun şagird bacarıqlarının ekspertlər tərəflndən düzgün qiymətləndirilməməsindən irəli gəlir. Bir çox hallarda isə dərslik komplektində yer almış uyğun tapşırıqların nəzərə alınmaması təəccüb doğurur. Bu tapşırıqları dərsliyi vərəqləyən hər bir şəxs görə bilər”.

4-cü siniflər üçün 2011-ci ildə nəşr olunmuş "İnformatika” fənni dərslik komplekti üzrə TQDK-nın monitorinqinin yekun nəticəsinə müəlliflərin münasibətində iradlar da qəbul edilməyib. TQDK-nın "Dərslik komplekti tələb olunan məzmun standartlarını tam formalaşdırmağa imkan vermir” iradına cavab olaraq qeyd edilib: "Rəyçilərin bu fikri yalnız ilin sonunda böyük summativ qiymətləndirmə ilə təsdiq və ya təkzib oluna bilər. Biz isə bu fikri söyləyən rəyçinin ibtidai siniflərlə sıx əlaqəsinin olduğuna şübhə edirik”.

"Həyat bilgisi” ilə bağlı TQDK-nın "Dərsliyin forzas səhifəsində Dövlət Himni "Azərbaycan Respublikasının Dövlət Himni haqqında” 1992-ci il 27 may tarixli Qanunun tələblərinə uyğun çap olunmayıb. Himnin adı ("Azərbaycan marşı”) ixtisar olunub. Həmçinin forzas səhifəsində Dövlət Gerbinin rəngli təsviri Dövlət Gerbi haqqında Əsasnamənin təsdiq edilməsi haqqında Azərbaycan Respublikasının 1993-cü il 23 fevral tarixli Qanununun tələblərinə uyğun çap olunmayıb. Komplekt rəsmi dövlət sənədlərinə – tədris planına və fənn kurikulumuna uyğun hazırlanmadığına, müəlliflərin subyektiv mülahizələrinə əsaslandığına görə, standartlarda təsbit olunmuş bilik, bacarıq, vərdiş və dəyərləri praktiki cəhətdən formalaşdırmaq qeyri-mümkündür” yekun rəyinə cavab olaraq, bildirilib ki, kurikulum üzrə hazırlanmış dərsliklərdə forzas yoxdur.

Rəydə daha sonra bildirilir: "Sizin forzas adlandırdığınız kitab cildin 2-ci səhifəsidir. Gerbin təsvirinə gəldikdə isə onun çapı tam tələblər səviyyəsində icra olunub. Azərbaycan Respublikasının Dövlət Himninin adının ixtisar olunmasına gəlincə, qeyd etməyi lazım bilirik ki, "Azərbaycan marşı” Dövlət Himni kimi təsdiq olunduqdan sonra rəsmi olaraq "Azərbaycan marşı” deyil, "Azərbaycan Respublikasının Dövlət Himni” adlanır. Yuxarıda göstərilənlərə əsasən qeyd etmək istərdik ki, "Həyat bilgisi – 4” dərslik komplekti tam fənn kurikulumuna əsasən hazırlanıb. Dərslikdə və müəllim üçün metodik vəsaitdə, iş dəftərində təqdim edilən məlumat, suallar və tapşırıqlar sistemli şəkildə şagirdlərdə standartlarda təsbit olunmuş bilik, bacarıq, vərdiş və dəyərləri praktiki cəhətdən formalaşdırmağa tam imkan yaradır və yalnız rəydə göstərilən bəzi redaktə və korrektura xətaları nəzərə alınmalıdır”.

Lider TV-nin əməkdaşı İlqar Qulusoy ürək tutmasından dünyasının dəyişib.

Bu haqda jurnalistin iş yoldaşları sosial şəbəkədə məlumat paylaşıblar.

İlqar Qulusoyun həmkarları ilə birgə futbol oynayarkən qəfil ürək tutmasından vəfat etdiyi deyilir.

Qeyd edək ki, İ.Qulusoy 9 saat öncə feysbuk sosial şəbəkəsində komandasının üzvlərini futbola dəvət edib: "Və nəhayət həftənin ən gözəl günü gəlib çatdı. Hər şənbə dəyişilməz ünvanda "Nəqşicahan” rəqib "Tərəqqi” ilə meydanda mübarizəyə çıxacaq”.

90 -dən səhifə 148