Çərşənbə axşamı, 13 İyun 2017 00:00

Seçicilər Ülvi Quliyevin zühuru arzusunda - VİDEO

Yazan

Paytaxtın Yasamal rayonu, 15 saylı I seçki dairəsindən deputat seçilmiş Ülvi Quliyev qeybə çəkilib

Seçiciləri millət vəkilini görmək arzusundadırlar.
Onların sözlərinə görə, Yasamalın deputatları seçkiqabağı müəyyən işlər görürlər, sonra o işlər dayanır:
“Bizimlə seçkiqabağı görüşüb, sonra görməmişik. Onu ancaq seçkidə görmüşük. Yasamal problemlərinin həlli üçün heç nə etmirlər”.
Bolgexeber.tv-nin keçirdiyi sorğuda iştirak edənlər Ü.Quliyevin üzünü görmədiklərini söyləyirlər. Həqiqətən də millət vəkili son vaxtlar mətbuatda da əvvəlki qədər aktiv fəaliyyət göstərmir.
Eyni zamanda Yasamalın digər deputatları - Aytən Mustafayeva ilə Elşad Həsənovun da səsini eşidən yoxdur. Hər üç deputatdan dəfələrlə narazılıq qeyd olunsa da, tüklərini tərpətməyiblər.
Ü.Quliyevdən narazılıq edənlər arasında Alatava sakinləri də var. 2-ci Alatavada yaşayanlar yol problemindən şikayət etməkdən yorulublar, amma deputat qulaqardı etməkdən bezməyib.
Bu massivin yolları həqiqətən də bərbaddır. Sakinlər qeyd edirlər ki, II Alatavaya gəlməklə faciənin şahidi olmaq mümkündür:
“Saytınız vasitəsi ilə dəfələrlə müraciət etsək də, onların vecinə də deyil. Bizi saymırlar. Eşitmirlər. Çünki şəxsi maşınlarının getdiyi yollar Alatavadan keçmir.
Qış da gəlib, qar qapımızı döyür. Ülvi Quliyev kabinet və komfort maşından çıxıb qəsəbəyə gəlib camaatla maraqlanmır, seçicilərin, vətəndaşların dərdinə şərik olmurlar”.
Deputatın Bakıda və İsmayıllıda biznes obyektlərinin olduğu deyilir.
Bildirilir ki, deputat Bakıda böyük biznes şəbəkələri yaratmaqla məşğuldur. Ancaq o, bu obyektlərini yaxın adamlarının adına sənədləşdirilir. Özü isə demək olar ki, vaxtaşırı bu obyektlərə baş çəkir, bir obyektlərdən gələn gəlirin hesabatını aparır.
Verilən məlumatda bildirilir ki, metronun “Nərimanov” stansiyasının yaxınlığındakı “Qala” restoranı da məhz deputat Ülvi Quliyevə məxsusdur.
Onun İsmayıllı rayonunda da biznes obyektləri var. Ancaq deputatın bu obyektlərdə başqa iş adamları və vəzifəli şəxlərlə ortaq olduğu deyilir.

Çərşənbə axşamı, 13 İyun 2017 00:00

Bu gecə pulsuz taksi xidməti göstəriləcək

Yazan

Mübarək Ramazan ayının Qədr gecələrində pulsuz taksi xidməti

"Ulduz Taksi" taksi sifarişi şirkəti Mübarək Ramazan ayının Qədr gecələrində aksiya keçirir.
Aksiya çərçivəsində Qədr gecələrində saat 21:00-dan evdən məscidə bütün gedişər tam pulsuz olacaq. Aksiya sübhə qədər davam edəcək.
Şirkətinin nümayəndəsinin bildirdiyinə görə, bu aksiya Qədr gecələrində (Əhya gecəsi) məscidlərə insanların gediş-gəlişində rahatlığı təmin etmək məqsədi ilə keçirilir.
Qədr gecələrində pulsuz taksi sifarişi üçün *5000 zəng etmək kifayət edər.
Allah orucunuzu qəbul etsin!

Çərşənbə axşamı, 13 İyun 2017 00:00

Dini lider ABŞ-ı yalan danışmaqda günahlandırıb

Yazan

İranın ali dini lideri ayətullah Əli Xamnei ABŞ-ı yalan danışmaqda günahlandırıb.

"Report" TASS-a istinadən xəbər verir ki, onun sözlərinə görə, ABŞ öz hərəkətləri ilə regionda sabitliyi pozur və İŞİD-in məhv edilməsinə köməklik göstərmir.

"ABŞ-ın antiterror koalisiyası formalaşdırması ilə bağlı iddialar yalandır", - deyə ayətullah Əli Xamenei bildirib.

Çərşənbə axşamı, 13 İyun 2017 00:00

Aleksey Navalnıy 30 sutkalıq həbs cəzası alıb

Yazan

Rusiyada fəaliyyət göstərən Korrupsiya ilə Mübarizə Fondunun (KMF) lideri Aleksey Navalnıy 30 sutka həbs cəzası alıb.

Apa-nın “RİA Novosti” agentliyinə istinadən verdiyi xəbərə görə, Moskvanın Simonov məhkəməsi razılaşdırılmamış aksiyalara çağırış və hüquq-mühafizə orqanlarının tələblərinə tabe olmayaraq itaətsizlik nümayiş etdirdiyinə görə A.Navalnıyə 30 sutkalıq inzibati həbs verib.

Ötən  gün Moskvada korrupsiyaya qarşı etiraz aksiyası keçirilib. Aksiyasın təşkilatçısı A.Navalnıy son anda tədbirin keçirildiyi məkanın akademik Saxarov prospektindən Tverskaya küçəsinə dəyişdirildiyini açıqlayıb. Tverskaya küçəsindəki etiraz aksiyası isə şəhər meriyası ilə razılaşdırılmayıb. A. Navalnıy aksiyanın keçirilməsinə bir neçə saat qalmış yaşadığı evin qarşısında saxlanılıb.

İyunun 12-də Moskva və Sankt-Peterburqda keçirilən etiraz aksiyalarında azı 650 nəfər saxlanılıb. Rusiya DİN-in məlumatına əsasən, Sankt-Peterburqda aksiyada 3500, Moskvada isə 4500 nəfər iştirak edib.

Çərşənbə axşamı, 13 İyun 2017 00:00

Bir intiharçının məktubu

Yazan

Oxuyun, amma, dərk eləyin, sonra gec olacaq...(Növbədə siz də ola bilərsiniz).

Yüz faiz əminəm ki, bu məktubu oxuduğunuz təqdirdə məni cəhənnəmə göndərəcəksiniz (buna yalnız Tanrı qərar verir), amma əsl cəhənnəmdə özünüz olduğunuzu unudacaqsınız.

Bəli, mən intihar etdim. Amma, heç nə səbəbsiz olmur.

Əgər, biriləri intihar edirsə, öncə intihar edəni yox, onu buna məcbur edən amilləri nəzərdən keçirmək lazımdır. Məni iradəsi zəif, psixoloji pozğunluqları olan biri kimi də xarakterizə edə bilərsiniz, amma hər nə edirsiniz edin, sonunda hər şey sizin üçün qaranlıq qalacaq. Çunki, zülmətdə yaşayanlar heç zaman işığın nə olduğunu anlamayacaq qədər kordurlar. Siz burda məni mühakimə edir, sanki, Tanrı kimi məni cəhənnəmin qır qazanında yanmağımımdan danışırsınız. Görünür sizin bu dünyada müzakirə ediləcək mühüm problemləriniz yoxdu. Birinin arxasınca heç zaman bilə bilməyəcəyiniz şeylərdən danışmaqdansa, real olan problemlərinizi nədən araşdırıb gün işığına çıxmırsınız.

Bəli, mən intihar elədim, daha doğrusu məni siz buna sürüklədiniz, məcbur elədiniz.

Bəli, mən günahkaram, amma bir şeyi əsla unutmayın - biri intihar edirsə özü üçün günahkardır, onu buna sürüklüyən cəmiyyət isə toplum olaraq günahkardır.

Bəli, siz günahkarsınız. Günahlarınızı nə ilə yuyacaqsınız? Namazlamı? Həccə getməkləmi? Oruc tutmaqlami? Nəzərinizə çatdırım ki, bütün bunlarla cənnətə gedəcəyinizi düşünürsünüzsə, yanılırsınız! Necə ki, əsrlərdir yanılırsınız, dəyişməsəniz əbədi olaraq da yanılacaqsınız. Üzdə göstəriş üçün ibadətdənsə, yalnız Tanrının biləcəyi ünsiyyəti üstün tuturam. Ruhun ilə bağlı olduğunu cismin ilə nümayiş etdirmək Tanrı görülməzi görmür demək anlamına gəlmirmi?

Ey mənə kafir damğası vurub, məni məndən və sizdən daha gözəl tanıyan Rəbbin mərhəmətinə şübhə edən sözdə imanlı, inanclı cənnətliklər!

İnanmıram ki, sizin cənnətiniz mənim cəhənnəmimdən daha gözəl ola. Sizin xəyallarda özünüzün özünüzü aldatdığınız “cənnətinizi”, mənim “cəhənnəmdəki” göz yaşlarım təravətləndirəcək. O, zaman mənim haqlı olduğuma şahidlik edəcəksiniz. Saxta əməllərinizlə rəzilliyinizi örtə bilməyəcəksiniz.

Sizin içinizdə Tanrının nifrəti gizlənir, xəbəriniz varmı? Kəsib ata bilməyəcəyinizə əmin ola bilərsiniz. Çünki, siz lənətə gəlmiş varlıqların öndə gələnlərindənsiniz.

Tanrı sizə xoşbəxtliyi nağıllardakı kimi göydən zənbillə tullamayacaq, o ana kimi ki, siz özünüz özünüzü islah etməyi bacarmayacaqsınız və çox güman ki, belə davamiyyətlə də bacarmayacaqsınız.(Yalnız bir duam qalır:Tanrı sizləri islah etsin! Amin).

Bəli, mən yaşamaq istərdim, amma ölülər içində nəfəs almağın nə anlamı?!

Bəli, mən intihar edib, cismən aranızdan uzaqlaşdım. Mənim intiharım, sizin düşünməyiniz üçündür. Əgər düşünə biləcəyiniz qəlbiniz varsa, bir an öncə gecikməyin, düşünün. Düşünün ki, donmuş vicdanınıza həyat verə biləsiniz. Birini intihara sürükləyən cəmiyyətin özünü mühakimə etməsi gərəkmirmi? (Dünən o, bu gün mən, sabah başqası, bir gün səni də gözləyə bilər bu intihar).

Gedirəm, gözlərim arxada qalmayacaq qədər rahat gedirəm, çünki, mən ONA gedirəm, alnı açıq, üzü ağ...

Habil Yaşar  13.06.2017    01/45

Çərşənbə axşamı, 13 İyun 2017 00:00

Bura Əlixan Zeynalovun «bazarı»dır - Şirvan MERO

Yazan

Sürücülük vəsiqəsi alamq istəyənlər öncə Əlixan Zeynalovun «maklerləri» ilə anlaşmalıdırlar, yoxsa heç kim dünyasında sürücülük vəsiqəsti ala bilməz

Korrupsiyaya kifayət qədər bulaşmış bu şəxsin Lənkəran 5 saylı rayonlarası qeydiyyat-imtahan şöbəsinin rəisi vəzifəsindən azad orlunaraq yenidən Şirvan 4 saylı rayonlararası qeydiyyat-imtahan şöbəsinin rəisi vəzifəsinə təyin olunması təbii ki, təəccüb doğurmaya bilmir.

Son vaxtlar ölkədə korrupsiyaya qarşı mübarizə tədbirləri gücləndirilməsinə baxmayaraq bəzi məmurlar hələ də korrupsiya cinayətələri ilə açıqdan açığa məşğul olmaqda davam edirlər. AzMedia.info-ya daxil olan məlumata görə Daxili İşlər naziri Ramil Usubov tərəfindən çoxsaylı şikayətlərdən sonra Lənkəran MERO-sundan Şirvan 4  saylı rayonlararası qeydiyyat-imtahan şöbəsinin rəisi göndərilən Əlixan Zeynalov burda da özü haqqında mənfi rəy formalaşdırıb və artıq Şirvanldan gələn şikayətlərin hər gün daha artması da bunu isbatlamaqdadır.  

Öncəliklə Əlixan Zeynalovun oxucularımıza təqdim olunmasına ehtiyac var. Çünki bu şəxsin hələ də Daxili İşlər Nazirliyndə yüksək vəzifədə çalışması sadəcə təəccüb doğurur.

Başından onu qeyd edək ki, Əlixan Zeynalov Masallının tanınmış iş adamllarından olan, adı daha çox kriminal qalmaqallarda hallanan, Masallıdakı  «Viləş» otelinin sahibi, hamının Hacı Mazan olaraq tanıdığı Ramazan Zeynalovun qardaşıdır. Bu adamın adı Lənkəranda hər cür korrupsiya əmmələində keçdiyini də Lənkəranda bilməyən yoxdur. Və onu da xüsusi olaraq vurğulaycaq ki, Əlixan Zeynalovun Lənkəran MERO-sundan çıxarılması Lənkəranda toy-bayram kimi qarşılanmışdı. İndi isə Əlixan Zeynalovun Lənkəran MERO-sundan çıxarıdmasına Lənkəran camaatı hər nə qədər şaddırlarsa, Şirvan-Salyan camaatı bir o qədər yas içindədirlər. 

Saytımıza şikayət  ünvanlayan bir neçə Şirvan və Saylayn sakini bildirir ki, əvvəllərdə Şirvan 4 saylı rayonlararası qeydiyyat-imtahan şöbəsi mələklərin yurdu deyildi və burda rüşvət vermədən heç kim «prava» ala bilməzdi. Lakin indii vəziyyət elədir ki, artıq vətəndaşlar dilə gəlməyə məcbur olurlar. Çünki Əlixan Zeynalov Şirvana gəldikdən sonra burda «prava» qiymətlərini qaldırıb və vətəndaşlar bundan ciddi şəkildə narazıdırlar.

Saytımıza daxil olan şikayət məktublarının birində bildirilir ki, Əlixan Zeynalov ona  Lənkəranda «maklerlik» edən şəxsləri özüylə Şirvana gətiirib və köhnə rəisdən qalan maklerləri kənarlaşdıraraq ancaq özünün «maklerləri» ilə çalışır. 

Hazırda Şivan MERO-da baş verənlərlə bağlı AzMedia.info-nu məlumatlandıran başqa bir şəxs isə qeyd edib ki, yeni rəisin «maklerləri» qiymətləri qaldırıblar. Mənbə qeyd edib ki, Şirvan MERO-su vaxtı iə onsuzda rüşvət yuvası idi, ancaq Əlixan Zeynalov gələndən sonra bura əsl bazara çevrilib. Bir şikayət məktubunda isə bildirilir ki, makterlər özlərinin keflərinə görə «pravaya» qiymət qoyurlar. Bəzilərinə 1300 ğanat, bəzilərinə 1400 manat deyirlər. Hətta bəzən də «maklerlər» qiyməti 1500-ə qədər də qaldırırlar.  

Qəribədir ki, Əlixan Zeynalovun «makleri» tərəfindən təqdim olunmayan heç kəsə sürücülük vəsiqəsi almaq müyəssər olmur. Hətta adamlar sualları cavablandırsalar belə heç kim dövlətin rüsumunu verib sürücülük vəsiqəsi ala bilməz. Bu qızıl qanundur. 

Yuxarıda qeyd etdiyimiz mənbə bildirir ki, bütün verilən sürücülük vəsiqələri siyahıya alınır, sürücülük vəsiqələrinin nömrələrinin  qabağında qiymət yazılır və imtahan günləri bu siyahılar pulla birlikdə bir neçə dəfə kabinetində Əlixan Zeynalova təqdim olunur.

Qeyd edək ki, Əlixan Zeynalov Şirvan şəhər 4 saylı rayonlararası qeydiyyat-imtahan şöbəsinin rəisi vəzifəsinə bu ilin fevral ayında təyin olunub. Daha əvvələr isə Əlixan Zeynalovun adı bir çox qalmaqallarda hallanıb. Daha əvvələr mətbuatda bu şəxs haqqında gedən və təkzib olunmamış məlumatlardan da görünür ki, Əlixan Zeynalov bir zamanlar avtomobillərə saxta sənədlər belə verib və məhz bu «günahları»ucbatından da Lənkəran MERO-su ilə vidalaşmağa məcbur olub. Ancaq korrupsiyaya kifayət qədər bulaşmış bu şəxsin Lənkəran 5 saylı rayonlarası qeydiyyat-imtahan şöbəsinin rəisi vəzifəsindən azad orlunaraq yenidən Şirvan 4 saylı rayonlararası qeydiyyat-imtahan şöbəsinin rəisi vəzifəsinə təyin olunması təbii ki, təəccüb doğurmaya bilmir. 

Qarşı tərəfin mövqeyini dərc etməyə hazırıq.

Mənbə: AzMedia.info

İran yığması Rusiya və Braziliyadan sonra “DC-2018”-ə vəsiqə qazanan üçüncü komanda olub

APA-nın məlumatına görə, Asiya zonası üzrə seçmə qrupda Özbəkistanı 2:0 hesabı ilə məğlub edən İran vaxtından əvvəl dünya çempionatına vəsiqəni təmin edib.

Qeyd edək ki, İran millisi 1978, 1998, 2006 və 2014-ci illərdə dünya çempionatının iştirakçısı olub. 

Çərşənbə axşamı, 13 İyun 2017 00:00

Litvada Əfqan Muxtarlıya dəstək aksiyası

Yazan

Müsavat Partiyasının mühacirətdə olan bir qrup üzvü iyunun 12-də Litva parlamenti önündə jurnalist Əfqan Muxtarlının həbsinə etiraz məqsədilə aksiya keçiriblər.

Başlarına qara torba keçirib, əllərində jurnalistin fotolarını tutan aksiyaçılar Ə.Muxtarlıya azadlıq tələb ediblər.

Bu haqda Müsavat Partiyasının Avropa Koordinasiya Mərkəzinin press-relizində bildirilir. Mərkəzin üzvü Azad Həsənovun bildirdiyinə görə, aksiyaçılar Ə.Muxtarlı ilə yanaşı, Azərbaycandakı siyasi məhbus hesab edilən bütün şəxslərin azadlığa buraxılmasını istəyiblər.

Mühacir müsavatçılar maraqlananlara Azərbaycandakı siyasi durum, həbslər barədə bilgi veriblər.

Litva parlamentinin 14 deputatı da ötən həftə Azərbaycan hökumətinə müraciət edərək, Ə.Muxtarlının azad edilməsini istəmişdi.

Jurnalist Ə.Muxtarlının mayın 29-da yaşadığı Gürcüstandan zorla Azərbaycana gətirildiyi bildirilir. Jurnalist Cinayət Məcəlləsinin 315.2-ci maddəsi ilə hakimiyyət nümayəndəsinə müqavimət göstərmə və ya zor tətbiq etmədə ittiham olunur.

Ona 318.1, 206.1 maddələr ilə - sərhədi qanunsuz keçmə və qaçaqmalçılığa görə də ittiham irəli sürülüb. Bakıdakı rəsmi qurumlar onun sərhədi keçərkən Azərbaycan ərazisində saxlandığını deyir. Rəsmi məlumata görə, bu zaman jurnalist hüquq-mühafizə əməkdaşlarına zorakı qaydada müqavimət göstərib. Məhkəmənin qərarı ilə ona ilkin istintaq dövründə 3 aylıq həbs cəzası verilib.

Ə.Muxtarlı iki ildən çoxdur Gürcüstanda yaşayırdı. O, Azərbaycanda təqib olunduğunu bildirmişdi. Ə.Muxtarlı son illər Tbilisidə Azərbaycan hakimiyyətinin əleyhinə keçirilən aksiyalarda da fəal iştirak edirdi. O, bir sıra araşdırma yazılarının da müəllifidir.

Sabiq səhiyyə naziri Əli İnsanovun növbəti məhkəmə prosesi keçirilib.

Sabiq nazir Qaradağ rayon Məhkəməsinin barəsində çıxardığı hökmdən apellyasiya şikayəti verib. Şikayətə Bakı Apellyasiya Məhkəməsində hakim Əflatun Qasımovun sədrliyi ilə baxılıb.

Əli İnsanov məhkəməyə məktubla müraciət edərək prosesdə iştirak etmək istəmədiyini deyib. Əli İnsanov vəkili Ağaveyis Şahverdi vasitəsilə ərizə göndərərək, məhkəmədə iştirakdan imtina edib. Vəkil sabiq nazirin apellyasiya şikayətinə məhkəmə istintaqı aparılmaqla baxılması haqda vəsatət qaldırıb. Müdafiəçi bir sıra şahidlərin dindirilməsini, ekspertizaların keçirilməsini istəyib.

Vəkil deyib ki, Əli İnsanovun xəsarət yetirdiyi iddia olunan Penitensiar Xidmətin əməkdaşı Anar Məmmədovla üzləşmə protokolu, sabiq nazirə məxsus olduğu iddia edilən psixotrop tərkibli dərmanlarla bağlı baxış və götürülmə protokolları, 13 saylı cəzaçəkmə müəssisəsinin rəisinin tərtib etdiyi akt və ekspert rəyi sübutlar siyahısından çıxarılmalıdır. Vəkilin sözlərinə görə, bu sənədlər kobud qanun pozuntusu ilə əldə olunub və sübut kimi qiymətləndirilə bilməz.

Müdafiəçi ekspertizaların təkrar keçirilməsini, əvvəl rəy vermiş ekspertlərin də məhkəmədə dindirilməsini istəyib: "Əli İnsanovun müəssisədə cırdığı iddia olunan protokol və içində psixotrop tərkibli dərmanlar saxladığı iddia olunan şüşə qablar məhkəməyə gətirilib araşdırılmadı. Əgər protokol və şüşə qaba Əli İnsanovun əli dəyibsə, üzərində onun barmaq izləri olmalıydı. Məhkəmədə bu məsələni qaldırsaq da, ekspertiza keçirilmədi. Ona görə də apellyasiya baxışında həmin əşyaların üzərində Əli İnsanovun əl-barmaq izlərinin olub-olmadığını müəyyənləşdirmək üçün ekspertiza keçirilməsini istəyirik".

Dövlət ittihamını müdafiə edən prokuror Ceyhun Budaqov vəsatətlərin təmin olunmamasını istəyib. Həmçinin apellyasiya şikayətinə məhkəmə istintaqı aparılmadan baxılmasını təklif edib.

Əflatun Qasımovun sədrlik etdiyi hakimlər kollegiyası qısa müşavirədən sonra vəsatətin təmin olunmadığını, apellyasiya şikayətinə məhkəmə istintaqı aparılmadan, əlavə sübutlar araşdırılmadan baxılacağını elan edib. Əli İnsanovun məhkəmədə iştirakına gəlincə isə hakim bildirib ki, istənilən halda, onun saxlanıldığı 1 saylı Bakı istintaq təcridxanasına məlumat veriləcək.

Məhkəmə baxışı iyunun 22-nə təyin olunub.

Qeyd edək ki, bir müddət əvvəl Ə.İnsanov barəsində Cinayət Məcəlləsinin 234.1-ci (satış məqsədi olmadan qanunsuz olaraq narkotik vasitələri və ya psixotrop maddələri şəxsi istehlak miqdarından artıq miqdarda əldə etmə və ya saxlama), 315.2-ci (Hakimiyyət nümayəndəsinə xidməti vəzifələrini yerinə yetirərkən həyat və sağlamlıq üçün təhlükəli olmayan zor tətbiq etməklə müqavimət göstərmə, xidməti vəzifələrini yerinə yetirməsi ilə əlaqədar ona və ya onun yaxın qohumlarına qarşı belə zor tətbiq etmə və ya zor tətbiq etmə hədəsi ilə hədələmə, bu maddədə göstərilən şəxslərə qarşı həyat və sağlamlıq üçün təhlükəli olan zor tətbiq etmə) və 317-2.1-ci (Cəzaçəkmə müəssisələrində və ya istintaq təcridxanalarında saxlanılan şəxs tərəfindən qadağan olunmuş əşyaların hazırlanması, saxlanılması, gəzdirilməsi, daşınması və ya istifadəsi, eyni əməllər təkrar törədildikdə) maddələri üzrə cinayət işi başlanmışdı. Ona törətdiyi əmələ görə 7 il 5 gün azadlıqdan məhrumetmə cəzası təyin edilmişdi.

Xatırladaq ki, Ə.İnsanov 2005-ci ilin oktyabr ayında həbs olunmuşdu. O, dövlət vəsaitlərinin mənimsənilməsində və dövlət aktivlərinin qanunsuz özəlləşdirilməsinin təşkilində ittiham edilirdi. 2007-ci ilin aprel ayında əmlakı müsadirə olunmaqla 11 il müddətinə azadlıqdan məhrum olunan Ə.İnsanovun cəza müddəti ötən ilin oktyabr ayında başa çatmışdı.(musavat.com )

Həbsdə olan jurnalist Əziz Orucova ailəsi ilə görüşmək imkanı verilmir

Rakurs TV-nin məlumatına görə, bu barədə Əziz Orucovun vəkili Cavad Cavadov məlumat yayıb. 

Vəkil bu gün(12 iyun) Bakı İstintaq Təcridxanasında Əziz Orucovla görüşdüyünü bildirib. Onun sözlərinə görə, Əziz Orucova "Həbs yerlərində saxlanılan şəxslərin hüquq və azadlıqlarının təmin edilməsi haqqında” Azərbaycan Respublikasının Qanunun tələblərinə zidd olaraq telefonla zəng vurmaq, ailəsi ilə görüşmək imkanı verilməyib.

Cavad Cavadov bildirib ki, bununla bağlı təcridxananın rəsmi şəxslərinə müraciət edib:

"Şifahi olaraq bildirildi ki, telefonlar zənglərinə və görüşə qadağa istintaq orqanın qərarı ilə tətbiq olunub, onun əldə edilməsi üçün istintaq orqanına müraciət etməyimizi bildirdilər".

Vəkil hüquqi yollara baş vuracaqlarını bildirib:

"Bununla bağlı rəsmi müraciətlər edəcəyik. Belə qərar vardırsa, bu istər yuxarıda göstərilən qanunun tələblərinə, istərsə də İnsan Hüquqları və Əsas Azadlıqları haqqında Avropa Konvensiyasının 8-ci maddəsinə ziddir və surətini əldə etdikdən sonra məhkəmə nəzarəti qaydasında şikayət verəcəyik".

Xatırladaq ki, “Kanal 13” TV-nin Bakı bürosunun rəhbəri Əziz Qaraşoğluna (Orucov) mayın 2-də Nəsimi rayon Məhkəməsinin qərarı ilə 30 sutka inzibatı həbs cəzası verilib. O, İnzibati Xətalar Məcəlləsinin 535.1-ci (polisə müqavimət) maddəsi ilə ittiham edilib.

Ə.Qaraşoğlunun inzibati cəzası başa çatan gün - iyunun 1-də ona qarşı cinayət ittihamı irəli sürülüb. Baş Prokurorluğun Ağır Cinayətlərə Dair İşlər üzrə İstintaq İdarəsində Ə.Qaraşoğlu barəsində Cinayət Məcəlləsinin 192.2.2-ci (qanunsuz sahibkarlıq) və 308-ci (vəzifə saxtakarlığı) maddələri ilə cinayət işi açılıb.

Cinayət işi Ə.Qaraşoğlunun təsisçisi olduğu Qafqaz Media Təhqiqatları İctimai Birliyi və “Kanal 13” ilə bağlıdır.

Nəsimi rayon Məhkəməsi Ə.Qaraşoğlu barəsində 4 aylıq həbs-qətimkan tədbiri seçib.

Ramin Meherremov

48 -dən səhifə 187