"Nardaran işi"nə görə təqsirləndirilənlər son söz deyir

"Təəssüf ki, biz burda müttəhim kimi çıxış edirik, lakin zərərçəkmişik. Deyilənlərin hamısı böhtan və absurddur. Bunlar şahid ifadələrindən də sübut edildi".

Bu fikirlər "Nardaran işi"ndə təqsirləndirilən Bəhruz Əsgərovun son sözündəndir.

Xalq bizim bəraətimizi verib

Yanvarın 16-da Bakı Ağır Cinayətlər Məhkəməsində "Müsəlman Birliyi" Hərəkatının həbsdə olan sədri Taleh Bağırzadə və digərlərinin məhkəməsi davam edib.

Meydan TV-nin məlumatına görə, hakim Əlövsət Abbasovun sədrlik etdiyi iclasda təqsirləndirilən Bəhruz Əsgərov son söz deyib. O, ittiham üzrə özünü təqsirli bilməyib:

"Nardaranda polislər qadınlara, uşaqlara, bizə atəş açıb, güllə yağışına tutublar. Bədənimdə hələ də güllə yaraları qalmaqdadır. Məni xəstəxanaya polis yox, kənd adamları aparıb. Bizi xəstəxanada həbs etdilər. Orada məni vurmaq istədilər, lakin polislərdən biri qoymadı. Orada bildim ki, bizi həm də polis ölümündə ittiham edirlər. Reanimasiyada məndən ifadə alıblar. Həmin vaxt mənə morfi vurmuşdular. Ağlım başımda deyildi. Yazılanlara qol çəkdim. "Bandotdel"ə aparılanda dedilər, səndə qumbara olub. Mən də dedim, yalandır. Həmin vaxt bir ayağım gipsdə idi. Mənə heç bir yardım göstərilmədi. Heç təbii ehtiyacımı da ödəyə bilmirdim. Mən məhkəmədən heç nə gözləmirəm. Çünki məhkəmə hər şeyə göz yumdu. Siz bu işə sifarişlə baxırsınız. Xalq bizim bəraətimizi verib. Azərbaycanın elə görkəmli xadimləri olub ki, onlara həbs verilib. Lakin onlar hər zaman yad edilir. Hökm oxuyan hakim isə lənətlənir". 

Hakim isə deyib ki, bu məhkəməyə təzyiq kimi qiymətləndirilir.

"Bu xalq qeyrətli xalqdır. İnanıram xalq öz sözünü deyəcək. Xalq artıq bezib rüşvətxorluqdan, haqsızlıqdan. Polislər qorxu mənbəyinə çevrilib. Bizi həbs qorxuda bilməz. Siz bizim səsimizi kəsə bilməzsiniz. Biz zalım top-tüfənginin qarşısında kişi kimi dayanmışıq. Həqiqət sonda yerini tapacaq. Axirətdə Allah hökm verəcək, siz son söz deyəcəksiniz. Sizin hökmünüzün heç bir əhəmiyyəti yoxdur. Hökm Allaha məxsusdur" - Bəhruz Əsgərov fikrini yekunlaşdırıb.

Siz mənim cismimi həbs etmisiniz

Daha sonra iclasda Taleh Bağırzadə son sözlə çıxış edib. O, onları müdafiə edən vəkillər, təşkilat, partiya və digər dəstək olan insanlara təşəkkür edib:

"Qərb ölkələrinin səfirliklərinin nümayəndələri gəlib bizə dəstək oldular. Mən hesab edirdim ki, müsəlman ölkələri bizi müdafiə edərlər. Xüsusi təşəkkürümü zərif qəhrəmanım olan Leyla Yunusa bildirirəm. Mən dəfələrlə şərlənib həbs edilmişəm. Həmişə bir-iki maddə ilə ittiham verirdilər. Bu dəfə 21 maddə ilə ittiham veriblər. Ona görə hər şeydən danışa bilərəm. Nardaran hadisələri tarix yazdı. Bizim üçün bu şərəfli tarixdir. Siz mənim cismimi həbs etmisiniz. Mənə işgəncə veriləndə həzz alırdım. Allah özü mənə belə güc vermişdi. Mən çoxdan Fuad Qəhrəmanlı ilə tanış olmaq istəyirdim. Onun həbsi bizim nə qədər xeyrimizə oldu. Bu ailə bizə yardımçı oldu. Mən özümə bacı olaraq Zümrüd Yağmuru tapmışam. Onun yazılarını oxuyurdum. O kişi qeyrətli qadındır".

"Bandotdel"də 47 gün məni hamama getməyə qoymadılar

T.Bağırzadə ifadəsində bildirib ki, Nardaran hadisəsi əqidə formalaşdırıb:

"Mənə dəstək məktubları gəlir. Hər kəsə təşəkkürümü bildirirəm. Mənə prokuror iş istədi. Mən tək-tük hallarda bəddua edirəm. Bu gənc prokurora bəddua etməyəcəm. Çünki sistem düzgün olsa, bunlar olmazdı. YAP yaradıcısı olan Siruz Təbrizli deyirdi ki, YAP simasız quldurların partiyasıdır. Lakin mən deyərdim ki, simalı quldurlar partiyasıdır. Biz quldur hökumətlə baş-başa gəlmişik. Tarix təkrarlanır. Bu, 37- ci ildir. Sadəcə o zaman xalq müstəqil deyildi. Nardaran hadisəsi Allahın bir lütfüdür. Məndən Əli Kərimlinin əleyhinə ifadə almaq istəyirdilər. Çünki bizim birliyimizdən qorxurlar. Hakimiyyət bizi cəzalandırmaq istədi, lakin bacarmadı. Bu gün xalq quyudadır. Xalqı çıxarmaq üçün hamımız bir olmalıyıq. Bu gün xalqın bugünə düşməsinə səbəb devalvasiya və banklar yox, rəhbərliyin zülmüdür. Xalq bu zülmlərdən qorxur. Xalq Allahdan qorxmur, amma bu quldurlardan qorxur. Biz də onlara çatdırdıq ki, qorxmaq lazım deyil. Türkiyədə polis şəhid olanda adamlar yas saxlayır. Ancaq burada polis insanları şərləyir, işgəncə verir. "Bandotdel"də 47 gün məni hamama getməyə qoymadılar. Mən paltarımı yuyub yaş geyinirdim. İşgəncə verənlər də deyirdi ki, biz öz paltarımızı sənə verək. Mən razı olmadım. Xalq Allahdan qorxmalıdır. Niyə bütpərəstliyə şərait yaradırsınız? Məmurlar gəlir Heydər Əliyevin məzarı önündə baş əyirlər. Mən erməni tərəfdə qalan əsgərin meyidinə görə narahatam. Ermənilər bu hakimiyyətə görə sevinirlər. Ona görə sevinirlər ki, bilirlər bunlar Qarabağı alan deyil. Görün biz necə hakimiyyətlə qarşı-qarşıyayıq. Bu hakimiyyət oğurluğu, rüşvətxorluğu dövlət siyasətinə çevirib. Bununla fəxr edirlər. Bu hakimiyyət əvvəl-axır gedəcək. Azərbaycan hökumətində milli maraq yoxdur".

Proses davam edir.

Əvvəlki prosesdə dövlət ittihamçısı Nəsir Bayramov Taleh Bağırzadənin ömürlük, AXCP sədrinin müavini Fuad Qəhrəmanlının isə 11 il müddətinə azadlıqdan məhrum olunmasını istəyib.

Prokuror həmçinin Abbas Hüseynovun 20, Cabbar Cabbarovun 19, Rasim Cəbrayılovun 17, Ramin Yarıyevin 10, Şamil Abduləliyev, Zakir Mustafayev, Cahad Babakişizadə, Aqil Quliyev, Abbas Quliyev, İbrahim Xudaverdiyev, Etibar İsmayılov, Bəhruz Quliyev, Əli Nuriyev, Əlibala Vəliyev, Fərhad Balayev və Abbas Tağıyevin hər birinin 15 il müddətinə azadlıqdan məhrum edilmələrini istəyib.

T. Bağırzadə Cinayət Məcəlləsinin 120-ci (qəsdən adam öldürmə) maddəsinin 120.2.1, 120.2.3, 120.2.4, 120.2.7, 120.2.12, 29,120-ci (qəsdən adam öldürməyə cəhd) maddəsinin 29, 120. 2.1, 29,120.2.3, 29, 120.2.4, 29,120.2.7, 29, 120. 2. 12, 228.3-cü (qanunsuz olaraq odlu silah əldə etmə), 228.4-cü (qanunsuz olaraq silah gəzdirmə) və digər maddələri ilə ittiham olunur. Ötən il noyabrın 26-da hüquq-mühafizə orqanlarının əməkdaşlarının Bakının Nardaran qəsəbəsində keçirdikləri xüsusi əməliyyat zamanı T. Bağırzadə da daxil olmaqla 60-dan çox şəxs saxlanılıb. Həmin şəxslərdən bir neçəsinin cinayət işi digərlərindən ayrılaraq Sabunçu rayon Məhkəməsinə göndərilib, barələrində müvafiq hökmlər çıxarılıb.

AXCP sədrinin müavini F. Qəhrəmanlı isə ötən il dekabrın 8-də həbs edilib.

O, Cinayət Məcəlləsinin 281-ci (dövlət əleyhinə açıq çağırışlar), 283-cü ( milli, irqi, sosial və ya dini nifrət və düşmənçiliyin salınması) və 220.2-ci (hakimiyyət nümayəndəsinin qanuni tələblərinə fəal şəkildə tabe olmamağa və kütləvi iğtişaşlara, habelə vətəndaşlara qarşı zorakılıq etməyə çağırışlar etmə) maddələri ilə ittiham olunur.

Çərşənbə axşamı, 17 Yanvar 2017 00:00

58 nəfər Azərbaycan vətəndaşlığından çıxarıldı

Yazan

"Son beş il ərzində 68.270 nəfərin Azərbaycan Respublikasının vətəndaşlığına mənsubiyyəti müəyyənləşdirilib".

Bunu Dövlət Miqrasiya Xidmətində 2016-cı ilin yekunlarına həsr olunmuş xidməti müşavirədə xidmətin rəisi Firudin Nəbiyev hesabat məruzəsində bildirib.

Azərbaycan hüdudlarından kənarda 58 nəfərin dini ekstremizm və terrorçuluq fəaliyyətində iştirak etmələri barədə hüquq-mühafizə orqanlarından daxil olmuş materiallar əsasında Dövlət Miqrasiya Xidməti tərəfindən həmin şəxslərin Azərbaycan vətəndaşlığını itirməsi ilə bağlı icraata başlanılıb, aidiyyəti sənədlər məhkəmələrə təqdim olunub və məhkəmələr tərəfindən artıq müvafiq qərarlar qəbul edilib. Xidmət rəisi xüsusi vurğulayıb ki, görülən tədbirlər ölkənin təhlükəsizliyinin təmin edilməsi baxımından mühüm əhəmiyyət kəsb etdiyindən bu sahədə aparılan işlər daim ciddi nəzarətdə saxlanılmalıdır.

2016-cı ildə 7.956 ikili vətəndaşlığı olan şəxs müəyyənləşdirilib, onların adları müvafiq bazaya daxil edilib və hazırda statistikası aparılmaqdadır. Hesabat dövründə qaçqın statusu almaq niyyətində olan 95 əcnəbi (ailə üzvləri ilə birlikdə 209 nəfər) Dövlət Miqrasiya Xidmətinə müraciət edib. Hazırda üçüncü ölkə vətəndaşlarından qaçqın statusu almış 73 nəfər Dövlət Miqrasiya Xidmətində qeydiyyatdadır. Avropa İttifaqı ilə imzalanmış readmissiya sazişi çərçivəsində 2016-cı ildə Dövlət Miqrasiya Xidmətinə göndərilmiş bildirişlər əsasında Azərbaycan vətəndaşlığına mənsub olduğu müəyyənləşdirilmiş 120 şəxsin readmissiyası həyata keçirilib. (APA)

Son zamanlar qalmaqallı açıqlamaları ilə gündəmdə müzakirə mövzuları yaradan millət vəkili Fazil Mustafa ilə jurnalist Cavid Cabbarlı arasında bugünlərdə qalmaqal yaranması barədə xəbər vermişdik. Qalmaqala, deputatın hələ 2003-cü ildə mərhum prezident Heydər Əliyevlə bağlı yazdığı ifrat tənqidi yazıları jurnalistin yenidən üzə çıxararaq paylaşması səbəb olub. Bundan sonra F.Mustafa sosial şəbəkədə status yazaraq jurnalisti İran kəşfiyyatına "işləməkdə" ittiham edib.

Mediafax.az məsələni aydınlaşdırmaq üçün jurnalist Cavid Cabbarlının fikirlərini öyrənib.

- Deputat Fazil Mustafa sizi İran kəşfiyyatı ilə əlaqədə suçlayır. Bu barədə nə deyə bilərsiz?

- Fazil Mustafanın vəziyyəti dərinliyi bilinməyən bataqlığa düşənin vəziyyəti kimidir. Nə qədər çox çabalasa, çox əl-qol atsa o qədər çox batacaq. Söhbət Fazil Mustafanın mərhum prezident Heydər Əliyev haqqında dediklərindən gedir. F.Mustafa mərhum prezidenti müsəlman olmamaqda, ermənilərə xidmət etməkdə ittiham edib: "Zaman gələcək, nankor ermənilər İrəvanda Sasunlu Davidin heykəlini uçurub Heydər Əliyevə abidə ucaldacaqlar. Mənə subut edin ki, H.Əliyev turkdü, edə bilməzsiniz, çünki hakimiyyətə gələn kimi mənim dilimin adını dəyişməyi onun türkə qarşı genetik nifrətindən irəli gəlirdi. Mənə sübut edin ki, H.Əliyev müsəlmandı, mənə sübut edin ki, H.Əliyev insandı!” Mən də Fazil Mustafanın müəllifliyi ilə deyilən fikri paylaşmışam. F.Mustafa dediklərinə aydınlıq gətirmək əvəzinə, məni İrana işləməkdə ittiham edir. Diqqəti kənara yönəltməyə çalışmasın. Dediyi fikirlərdən ya imtina etsin, ya da imzasının arxasında dayansın. 

- Siz F.Mustafanın 2003-cü ildə H.Əliyev haqqında yazdığı kəskin tənqidi ifadələr barədə açıqlama verməsini istəyirsiz. Aradan 13 ildən artıq bir müddət keçib. Necə oldu ki, bu məsələni indi qaldırdınız? Bu fakt sizə indiyə qədər məlum deyildimi? F.Mustafa deyir ki, bu faktlar yeni deyil, bu haqda əvvəllər də yazılıb...

- 13 il əvvəl deyilsə də siyasi hakimiyyət dəyişməyib. Məsələ, bir hakimiyyətin liderini və yaradıcısını bu qədər ağır təhqir edəndən sonra həmin hakimiyyətin dönəmində deputat olmaqdadır. Sizsə, bu ziddiyyət diqqəti çəkmir? Yaxud, bir zamanlar YAP hakimiyyətinin kölgəsini qılınclayan biri, indi nə oldu ki, hakimiyyətin dəyirmanına su tökməkdə canfəşanlıq edir? Həmin dönəmdə, yəni Fazil Mustafanın "dəmir yeyib göyə püsgürdüyü” vaxt YAP hakimiyyətinin sonu barədə çoxlu miflər yaradılmışdı. Fazil bəy Müstafa da iqtidarın bir addımlığına qədər gəldiklərini zənn edən İsa Qəmbər komandasında yerini bərkitməyə çalışırdı. Vəziyyət dəyişdikcə, Fazil də özünü vəziyyətə uyğun dəyişə bildi. 

- Qarşı tərəfin açıqlamasında sizin çalışdığınız Kanal13 internet TV-nin fəaliyyəti də sanki şübhə altına alınır. Siz Kanal13-ün efirində İranın təbliğatını aparmısınızmı yaxud deputat F.Mustafa ilə bağlı hansısa fikir səsləndirmisinizmi?

- Kanal13-ün efirində yayımlanan "Sizin tribuna” verlişinin aparıcısıyam və Fazil Mustafa da bir dəfə qonağımız olub. İzləyənlər bilirlər ki, veriliş debat formatındadır. Bildiyim qədəri bu formatda heç bir internet televiziyasında verliş yayımlanmır. Bir qədər əvvəl dediyim kimi Fazil Mustafa "ənənəsinə” uyğun olaraq, Kanal13-ün adını çəkir. Bu barədə Kanal13-ün direktoru, dəyərli dostum Anar Orucov lazımi açıqlama verib. Onun dediklərinə qatılıram və əlavə nəsə demək istəmirəm. 

- Deputatla aranızda yaranan qalmaqal məhkəmə iclaslarına qədər gedib çıxa bilərmi?

- Fazil Mustafanın düşdüyü vəziyyəti anlayıram. Çox çətin duruma düşüb. Zamanında işlətdiyi sözlərin bədəlini ödəmək zorundadır. Bu bədəl çox ağır ola bilər. Digər tərəfdən, ölkə gündəmi tam fərqlidir. Yəni iqtisadi böhran, sosial vəziyyət, xüsusən kommunal xidmətlərin qiymət artımı əhalidə ciddi narazılıq yaradıb. Belə bir vəziyyətdə yeni mövzu açmağa ehtiyac görmürəm.

2017-ci ilin iki həftəsi ərazisində ölkədə intihar edənlərin statistikası məlum olub.

Yerli mətbuatda dərc edilən xəbərlərə istinadən xəbər verir ki, 14 gün ərzində 19 nəfər intihar edib, 6 nəfər isə intihara cəhd etsə də, həyatı xilas edilib. 

İlk intihar hadisəsi Hacıqabulda yeni il axşamı qeydə alınıb. Hadisə rayonun Nəvahi stansiyası adlanan ərazisindəki restoranlardan birinin yaxınlığında qeydə alınıb. 1979-cu il təvəllüdlü yerli sakin Nüsrət Ramiz oğlu Baxşıyevin meyiti asılmış vəziyyətdə aşkarlanıb. 

Ümumiyyətlə, intihar daha çox bölgələrdə qeydə alınır. Hacıqabulda 1966-cı il təvəllüdlü Məmmədova Zöhrə Məmmədcəfər qızı, Cəlilabadda 19 yaşlı Tünzalə Əliyeva, Neftçalada 18 yaşlı Bəşirov Coşqun Ceyhun oğlu, Şəki şəhər sakini 1996-ci təvəllüdlü Əliyev Murad Eldar oğlu , Şəmkridə 1977-ci il təvəllüdlü Maisə Musayeva, Qubada 1974-cü il təvəllüdlü Eldarov Eldar Əliməmməd oğlu, Gəncədə 1955-ci il təvəllüdlü Abdullayeva Validə Tofiq qızı, Biləsuvarda1985-ci il təvəllüdlü Elşən Möhübbət oğlu Nəciyev, Zaqatalada 1965-ci il təvəllüdlü Eldar Həsən oğlu Ramazanov müxtəlif üsullarla ntihar edib. 

Bakıda isə 14 gün ərzində 27 yaşlı Müslümov Natiq Tahir oğlu, 53 yaşlı Anatoli Mehdiyev, 1958-ci il təvəllüdlü İradə Musayeva, 1980-ci il təvəllüdlü Ramidə Bağırova, 40 yaşlı Leyla İsmayılova, 1984-cü il təvəllüdlü Əsədov Vaqif Alı oğlu, Bakı sakini Şakir Cavadov, 1969-cu il təvəllüdlü Azər Əkbər oğlu Süleymanov canına qəsd edib.

Bundan əlavə Bakıda ciddi rejimli cəzaçəkmə müəssisəsində də məhbus intihar edib. Orada cəza çəkən 1984-cü il təvəllüdlü Aslanov Mahir Nazir oğlu müəssisəsin yaşayış sahəsində yerləşən idman kompleksindəki meydançanın tavanından özünü şalvarının kəməri ilə asıb.

2017-ci ilin ilk iki həftəsində intihar edərək həyatına son qoymaq istəyən şəxslərin bəziləri xilas edilib. Belə ki, 21 yaşlı F.S. İnşaatçılar prospektində yerləşən 38 nömrəli binanın 4-cü mərtəbəsindən özünü yerə atıb. Yaralı binada yaşayanların köməkliyi ilə 1 saylı Şəhər Klinik Xəstəxanasına yerləşdirilib. 

39 yaşlı A.Q bir neçə dərman həbi, 1996-cı il təvəllüdlü Qasımzadə Sevər, 1972-ci il təvəllüdlü Mikayılova Səbinə Eldar qızı və 1979-cu il təvəllüdlü Kərimov Vasif Elmirəvan oğlu sirkə turşusu içərək intihara cəhd edib. Eyni zamanda 1943-cü il təvəllüdlü Məlikov Qəndalı Hüseyn oğlu intihar etmək məqsədilə özünə bir neçə bıçaq zərbəsi vurub. Lakin həkimlərin səyi nəticəsində hər üç şəxsin həyatı xilas edilib. 

Nəqliyyat naziri Ziya Məmmədovun oğlu Anar Məmmədova məxsus “Garant Holding”in baş ofisinin yerləşdiyi bina holdinqin əlindən alınıb. 

Mənbənin iddiasına görə, Baki şəhəri, Sarabski küçəsi 657 ünvanında yerləşən binanı “Paşabank” “girov götürüb”. Buna səbəb isə nazir oğlunun holdinqinin banka külli miqdarda kredit borcunun olmasıdır.

“Garant Holding”in “Paşabank”a nə az, nə çox – təxminən 30 milyon civarında borcu var. Bu məbləğin manatla yoxsa dollarla olduğu məlumatda bildirilməsə də, istənilən halda böyük məbləğdən söhbət gedir.

Mənbə qeyd edir ki, son illərdə “Garant Holding”ə daxil olan şirkətlər tənəzzül yaşanır və artıq iflas həddindədir. Bu haqda da kifayət qədər faktlar var və həmin faktları mətbuata çıxarmağa hazırdır. (mediafax.az)

Tanınmış vəkil Cavad Cavadov Masallı şəhər məscidinin baxımsız hala salındığını bildirir.

Onun sözlərinə görə, məscidi məhərrəm ayına 10 gün qalmış təmir adı bağlayıblar. Məscidin ərazisi bu gün xarabalığı xatırladır.

Vəkil bildirir ki, 3 aydan çoxdur üstü açıq qalan məscidin divarları yağışlardan şişib və yararsız hala düşüb: "Tarixi abidə olmasa da, məscidin 120-dən çox yaşı var. Məqsədin başqa olması açıq-aşkar sezilir."(faktxeber)

Bazar ertəsi, 16 Yanvar 2017 00:00

Təfəkkür universiteti bağlandı

Yazan

“Tələbələrin digər ali təhsil müəssisələrinə köçürülməsi ilə bağlı təkliflər hazırlanıb”

Təhsil Nazirliyi Elm və Təhsil Mərkəzi “Təfəkkür” Universitetinin fəaliyyətini dayandırması ilə bağlı açıqlama verib.

Nazirlikdən deyilib ki, universitet 2016-cı ilin oktyabrında müraciət edərək, Təsisçilər Şurasının maliyyə vəziyyətində yaranmış problemlərlə bağlı fəaliyyətini dayandırma qərarı aldığını bildirib:

“Göstərilənləri, habelə universitetin 5 illik akkreditasiya müddətinin 2016-cı ildə bitdiyini nəzərə aldıq. “Təfəkkür” Universitetinin akkreditasiyasının keçirilməməsi, 2017-2018-ci tədris ili üçün tələbə qəbulunun proqnozlaşdırılmaması qərarı verdik. Hazırda orada təhsil alan tələbələr digər ali təhsil müəssisələrinə yerləşdiriləcək. Bu məqsədlə işçi qrupu yaradılıb”.

Nazirlik işçi qrupuna universitetdə təhsil alan tələbələrin digər ali təhsil müəssisələrinə köçürülməsi ilə bağlı təkliflər hazırlayıb rəhbərliyə təqdim edilməsini tapşırıb.

“Tələbələrə ixtisasları, habelə qəbul imtahanlarında topladıqları balları nəzərə alınmaqla müvafiq ali təhsil müəssisələrində maneəsiz yerləşdirilməsi üçün lazımi şərait yaradılacaq.

Köçürüləcək universitetlərdə onlar üçün təhsil haqqının artımına yol verilməyəcək”.(lent.az)

O zaman uşaq idim, yaddaşım çox güclü idi. Yəni ətrafda baş verənlər ən kiçik detallarına qədər beynimə hopduğu kimi göz yaddaşımı da işğal edirdi. Məsələn, dədəmin, sovet dönəmində “Lenin kanalı”, müstəqillik zamanında isə “Ana kanal”a çevrilən məkandan tutduğu çox iri balığı və o anın sevincini unuda bilmirəm. Hətta bu ovda iştirak edənlərin hamısının paltarının rənglərini də xatırlayıram. Bütün məhəllə uşaqları balıq ovunu müşahidə edirdi. Hamıdan çox mən sevinirdim. Ovumuz uğurlu olmuşdu deyə...

Ov lap ilk insanın ilk məşğuliyyətlərindən olub. Mağara insanları (hətta mağara insanları) ovları daha uğurlu alınsın deyə, bir yerə cəm olar və bir yerdə plan cızardılar. Birlik və səmimi həmrəylik əliyalın insanların iri mamontları ovlamasına səbəb olurdu.

Əliyalın insanlar günlərlə meşədə mamontu güdər, onun yollarını təyin edər və bu iri, təhlükəli heyvanın yolunun üstə dərin quyu qazardılar. Bu quyuqazma işi günlərlə, bəzən həftələrlə çəkərdi. Gərək olduğu qədər dərinlik alınanda isə bütün qəbilə birlikdə, uşaqlı-böyüklü, qadınlı-kişili mamonta hücum çəkər və onu öncədən qazdıqları quyuya tərəf qovardılar. Bu qədər insanın birgə hayqırtısından, üsyanından, hücumundan hovlanan mamont özünü ona qazılmış quyuya atardı. Artıq quyuya düşmüş mamontun sonuna çıxmaq çətin deyildi. Mağara insanları onun başına iri daş-kəsəklər vurar və öldürərdilər. Birliyin, inamın qarşısında dağ dözməz, onda qalmış mamont ola.

Uşaqlıq illlərimdən bu günə qədər tez-tez xatırladığım və çox gülməli olan bir mənzərəni heç unuda bilmirəm.

Kənddə böyüyənlər bilir ki, səhər şehli havada heyvanları yoncalığa sürmək olmaz. Çünki heyvan yoncadan yeyib köpüb partlayır. Buna “yoncaya düşüb” deyirlər. Əgər yoncanı yedikdən sonra üstündən su da içsə həmin dəqiqə ölər. Odur ki, heyvan əgər yoncaya düşübsə, onu mütləq qovmaq lazımdır.

Deməli, bir yay səhəri bizim Qara adlı inəyimiz də yoncaya düşdü və o səhər baş verənlər uşaqlıq yaddaşıma hopdu.

Kənd adamları bir-birinin xeyirnə -şərinə tez qaçar. Eləcə də, bütün qonşular, uşaqlı-böyüklü, qadınlı-kişili və itli pişikli bizim inəyi qovurdu. Hamı qovur, inək qaçır, hamının qaçdığını görüb, səs-küyü eşidən itlər də bu qovhaqova qoşulub möhkəmdən hürüşürdülər. Bax beləcə, Qaranın köpünü aldılar. İnəyin köpü çıxdıqdan sonra o da, onu qovanlar da sakitləşdi.

Artıq köpü çıxmış inək insanlara baxıb, yazıq-yazıq töyşüyürdü Sanki qarnındakı köp, hava deyil, canını təslim etdiyi cin-şeytandan xilas olmuşdu və insanlara minnətdarlıq edirdi.

Bütün bunları düşünəndə yadıma Azərbaycanın qudurmuş məmurları düşür. Axı onlar da köpüb. Yerigəlmişkən, yoncanı çox yeyən heyvan zəhərlənir. Bəli, bizim bəzi məmurların zəhəri o qədər artıb ki hər kəlməsində xalqı aşağılayır, acılayır. Çünki arpaları, bağışlayın, yoncaları artıq düşüb.

Özünü xəlvəti yoncalığa salıb, partlayana qədər tıxayan inəklərə bənzəyən şüursuz və acgöz məmurlardan xilas olmaq üçün onları qovmalıyıq.

Amma qovmadan öncə, biz özümüz ayağa qalxmalıyıq. Oturan, özü də illərlə yerə yapışmış kimi yerində qalan insanlar mütləq ayağa qalxmalı və bundan sonra birləşməlidir. Çünki köpmüş heyvan canının ağrısından tək adamı buynuzuna alıb, ayaqları altına salıb məhv edir.

Qulağıma o qovhaqovun səsləri gəlir. Bəli, hamı qışqırırdı, hamı Qaranı qovurdu. Qovun, qovun, qovun!

Bu ölkənin bütün sərvətini oğurluq yonca kimi basıb yeyən harın məmur sürüsünü qovmalıyıq. O qədər qovmalıyıq ki, onların harınıdan köpləri çıxsın, o qədər qovmalıyıq ki, bəsirət gözləri açılsın və dünyada qarından, puldan başqa da dəyərlərin olduğunu görsünlər, anlasınlar. O qədər qovmalıyıq ki, bir daha xalq malına göz dikməsinlər.

O qədər qovmalıyıq ki, ruhlarını işğal etmiş iblis də bizim “Qovun!” hayqırtımızdan qorxub qaçsın. O zaman bu zavallılar da qurtulacaq və ölkə rahat nəfəs alacaq.

Yetər ki, bir olaq və inamlı olaq. O zaman harınlamış məmur da olmaz, Haydı, QALXAQ-BİRLƏŞƏK VƏ QOVAQ, QOVAQ, QOVAQ!

Öldürmək məqsədilə döyülən mayor: “Başımdan aldığım yaraya səkkiz tikiş qoyulub”

 “Avtomobil sexində məni öldürmək məqsədi ilə başıma küt alətlə zərbə endirdilər. Aldığım yaraya səkkiz tikiş qoyulub. Hələ də həmin şəxslər məsuliyyətə cəlb edilməyiblər”. Bu sözlər Tovuz rayonu Eyublu kənd sakini, ehtiyatda olan mayor, II qrup əlil Namazov Aydın Lətif oğlunun redaksiyamıza göndərdiyi məktubda əks olunub. A.Namazov iddia edir ki, 21 dekabr 2016-cı il tarixində Azərbaycan Respublikasının Səfərbərlik və Hərbi Xidmətə Çağırış Üzrə Dövlət Xidmətinin Tovuz rayonu şöbəsinin rəis müavini mayor Abbasov Sahil Ağayaroğlu tərəfindən təlimatlanan bir neçə şəxs tərəfindən başından ölümcül zərbə alıb. A.Namazov hadisəni törədən şəxslərin hələ də azadlıqda olduqlarını deyir.

Xeber.İnfo Namazov Aydın Lətif oğlunun redaksiyamıza göndərdiyi məktubu qarşı tərəfin mövqeyini də istədikləri halda dərc edəcəyini bəyan etməklə təqdim edir:

“Mən, Namazov Aydın Lətif oğlu 8 il Tovuz rayon Hərbi Komisarlığında 4-cü bölmənin rəisi, 3 il Qəbələ rayonunda hərbi komisar, 3 ay Beyləqan rayonunda rəis müavini, 3 ay Şəmşir rayonunda rəis müavini işləmişəm. Ehtiyatda olan mayor rütbəli zabitəm və II qrup əliləm. 21 dekabr 2016-cı il tarixində Azərbaycan Respublikasının Səfərbərlik və Hərbi Xidmətə Çağırış Üzrə Dövlət Xidmətinin Tovuz rayonu şöbəsinin rəis müavini mayor Abbasov Sahil Ağayaroğlu tərəfindən təlimatlanan bir neçə şəxs tərəfindən başımdan ölümcül zərbə almışam. Aldığım zərbə nəticəsində başımda yaranan yaraya səkkiz tikiş qoyulub. Əldə etdiyim məlumata görə, Sahil Abbasov məni öldürmək məqsədi ilə başqa rayondan killerlər çağırıb, Tovuzda hotellərin birində onlar üçün yer ayarlayıb və azı bir həftə onlarla mütəmadi əlaqədə olaraq təlimatlandırıb. Həmin şəxslər Sahil Abbasova məxsus 90 UÇ 294 dövlət nomrə nişanlı niva markalı avtomobil ilə məni izləmiş, doğulduğum Tovuz rayon Eyublu kəndində avtomobil sexində küt alətlə başıma zərbə endirmişlər. Hələ də həmin şəxslər məsuliyyətə cəlb edilməyiblər. Görünür, kimlərsə bu cinayətin açılmasında maraqlı deyil. Ona görə də sizdən xahiş edirəm bu hadisəni ictimailəşdirməklə cinayətin açılmasında mənə yardım edin”.

Xeber.İnfo

Cavid Alışov: “Mərdan Camalov namizəd kimi qeydə alınmağım üçün imza verən vətəndaşlara təzyiq edir”

Azərbaycanda 01 noyabr 2015-ci il tarxidə Parlament Seçkilər keçiriləcək. Vaxt daraldıqca mübarizə də sərtləşir. Bu mübarizə namizədlər və rəqiblər arasında deyil, hakimiyyət nümayəndələrinin, yerli icra hakimiyyətlərinin daha kəskin və amansız davranışlarında müşahidə olunur. Azərbaycan Respublikasının qanunlarına görə icra hakimiyyətləri seçki kampaniyasına müdaxilə edə bilməzlər. Lakin biz bunun tam əksini müşahidə edirik. Şirvan Şəhər İcra Hakimiyyətinin başçısı Mərdan Camalov açıq şəkildə seçkiyə müdaxilə edir və namizədlərin seçki hüquqlarını məhdudlaşdırmaqla yanaşı, onlara imza verən vətəndaşları da təhdid edir. Bu barədə “Azadlıq-2015” seçki blokunun tərkibində Vətəndaş və İnkişaf Partiyası tərəfindən 46 saylı Şirvan Seçki Dairsindən namizədliyi verilmiş Alışov Cavid Bəyverdi oğlu (Cavid Cabbarlı) məlumat verib.

C.Alışov şəxsən Mərdan Camalov tərəfindən təzyiqlərlə üzləşdiyini deyir: “Azərbaycan Respublikası Seçki Məcəlləsinə uyğun olaraq “Azadlıq-2015” seçki bloku tərkibində VİP tərəfindən 46 saylı Şirvan Seçki Dairəsindən namizədliyim irəli sürülüb. Müvafiq sənədləri Dairəyə təqdim edib, imza vərəqələrini götürdük. Hər şey bundan sonra başladı. Şirvan şəhər Bələdiyyəsinin sədri Muradov Kürdoğlu və Şirvan şəhər icra hakimiyyətinin başçının birinci müavini Abıyev Samid mənimlə görüşüb açıq şəkildə təhdid elədilər ki, seçkidən çəkilim. Mən onlara seçki hüquqlarımı izah eləsəm də heç bir faydası olmadı. Hər ikisi “Müəllim belə məsləhət görür” deyib, mənim seçkidən çəkilməyimi tələb etdilər. Əks halda həbs olunacağımla təhdid etdilər. Mən hər şeyə hazır olduğumu bildirdim. Bir gün sonra namizədliyimin təsdiq olunması üçün imza verən vətəndaşlara təzyiqlər başladı. Onların obyektlərində qanunsuz yoxlamaların başlanmasına Mərdan Camalov göstəriş verdi. Yoxlama işlərini aparmağa gələn nümayəndələr çəkinmədən deyiblər ki, Cavıd Alışov seçkidən çəkilsə biz yoxlamaları dayandırarıq. Hətta dövlət və özəl müəssisələrdə çalışan doslardan işdən çıxarılması ilə bağlı ərizələri alınıb. Mən də problemin daha ciddi olduğunu anlayıb Bakıya qayıtdım”.

C.Alışov icra başçısının qanunsuz əməlləri barədə aidiyyatı qurumları xəbərdar etdiyini də deyir: “Bakıya qayıdandan sonra həm Mərkəzi Seçki Komissiyasına, həm də Prezident administrasiyasına məlumat verdim. Hər iki qurum Mərdan Camalovun əməllərini qanunsuz adandırdılar. Lakin heç biri seçki hüququmun bərpa olunmasını təmin etmədi. Mən də dostları çətinliyə salmamaq üçün geri çəkilməyə məcbur qaldım”.

53 -dən səhifə 165