Thursday, November 23, 2017

Cümə axşamı, 17 Noyabr 2016 00:00

Ölümdən başqa bütün xəstəliklərə dərman

Yazan

Mükəmməl immun sistemə malik olan insan çox gümrah olur və nadir hallarda xəstələnir. Bu mükəmməllik onun xəstəliklərə qarşı möhkəm müqavimətinin olması ilə əlaqədar olur. Xəstəliklərə qarşı müqavimətli olmaq üçün immun sistemin möhkəm olması vacibdir. Bəs immun sistemi möhkəmləndirmək üçün nə etmək lazımdır?

Elm adamları bu sualın cavabını müasir texnologiyanın köməyi ilə tapmışlar. Qara zirənin toxumunda orqanizmin normal fəaliyyətini təmin edən yüzlərlə maddələr vardır. Məhz bu maddələrə görə 14 əsr bundan əvvəl Peyğəmbərimiz (s.a.s.) qara zirəni “Ölümdən başqa bütün xəstəliklərə dərmandır” deyə qeyd etmişdir. Peyğəmbərimiz (s.a.s.) qara zirəni hədislərində ilahi möcüzəyə malik bir nemət adlandırmışdır. Qara zirənin toxumunun tərkibində 38% karbohidrat, 35% müxtəlif yağlar və 21% albumin aşkar edilmişdir. Buraya çox qiymətli doymamış yağ turşuları da daxildir. Qara zirə toxumunun tərkibində B qrup vitaminlər, amin turşular, linolen turşusu, bir çox minerallar da vardır ki, onlar orqanizmin müdafiə sistemini möhkəmləndirir.
İmmun sistemi möhkəmləndirmək üçün hər gün bir miqdar qara zirə toxumu qəbul etmək və ya 1 çay qaşığı zirə yağını1 çay qaşığı balla yarım stəkan suya qatıb şam yeməyindən 15 dəqiqə əvvəl içmək lazımdır. Hər dəfə qəbul etmədən əvvəl şüşə qab yaxşı çalxalanmalıdır.
Xəstəlikləri olan adamlara hər gün yeməkdən sonra 1 xörək qaşığı qara zirə yağı içmək tövsiyə olunur. 3 çay qaşığı qara zirə yağı orta yaşlı adamın bir günlük dozasıdır.

Cümə axşamı, 17 Noyabr 2016 00:00

Fazil Məmmədov müşavirini işdən azad etdi

Yazan

Vergilər naziri Fazil Məmmədov Habil Amil oğlu Məmmədovu müşavir vəzifəsindən azad edib.

“Report” xəbər verir ki, H.Məmmədov Vergilər Nazirliyi yanında 1 saylı Vergilər Departamentinin rəisi təyin edilib. O, bu vaxta qədər həmin departamentin rəisi vəzifəsini müvəqqəti icra edib.

Nazir həmçinin Vergilər Nazirliyi yanında Bakı Vergilər Departamentinə yeni rəis təyin edib. Adıçəkilən departamentin yeni rəisi baş vergi xidməti müşaviri Səməd Ədil oğlu Vəliyevdir. Qeyd edək ki, V.Səmədov bundan öncə 2 saylı Ərazi Vergi Departamentinin (ƏVD) rəisi olub.

Qeyd edək ki, hazırda nazirin müşavirlərinin sayı 9-dur. Bu, Ələkbər Comərd oğlu Məmmədov, Riyad Zakir oğlu Hüseynov, İlham Əli oğlu Əmirəliyev, Taryel Aydın oğlu Quliyev, Elçin Fərrux oğlu Məmmədov, Rəşad Vaqif oğlu Həbibov, Firuz Akif oğlu Həsənov, Əflatun Məsim oğlu Məmmədov və Natiq Telman oğlu Şirinovdur.

Son günlər millət vəkilləri aldıqları maaşla dolana bilmədiklərini dilə gətirib.

Deputat Aqil Abbas açıqlamasında bildirib ki, deputatın maaşı artırılmalıdır. Onun sözlərinə görə, Azərbaycanın millət vəkilləri digər ölkələrə nisbətən az məvacib alır:

"Azərbaycanın millət vəkillərinin aldığı maaş MDB məkanındakı digər respublikalarla müqayisədə xeyli aşağıdır. Hətta Dağıstanın millət vəkilləri belə bizdən çox maaş alır. Digər tərəfdən bizim maaşımız 2200 manat yox, 1750 manatdır. Nəzərə almaq lazımdır ki, millət vəkilləri tez-tez müxtəlif səfərlərə çıxırlar. Məsələn, mən ayda 3-4 dəfə Ağcabədiyə, Füzuliyə gedirəm. Bütün bunlar isə maliyyə tələb edir. Deputata gərək normal maaş verəsən ki, o da işini görə bilsin".

Deputat Vahid Əhmədov da maaşının azlığından şikayətlənib. O bildirib ki, deputat maaşı 2 min 200 manatdır və hazırkı vəziyyətdə o maaşla dolanmaq çətindir: "Gəlirlərimlə xərcimi həmişə hesablamağı bacaran insanam. Bədxərc insan deyiləm. Çalışıram ki, müəyyən qədər problemlərimi həll edə bilim".

Millət vəkilləri aldıqları maaşla dolana bilirmi? Onların maaşları artırıla bilərmi? Qaynarinfo.Az-ın suallarını cavablandıran deputat Aydın Mirzəzadə bildirib ki, millət vəkillərin maaşları yüksəkdir, maaşların arıtırlmasına ehtiyac yoxdur:

"Millət vəkillərin maaşları yüksəkdir. Bizim məqsədimiz bu gün əhalinin az gəlirli təbəqəsinin maaşının qaldırılmasıdır. Bu məsələdə prezidentin atdığı addımları dəstəkləyirik. Ötən gün ölkə başçısının sosial mənzillərlə bağlı sərəncam cəmiyyətin rəyindən xəbər verir. Ümumi götürdükdə, ayrı-ayrı təbəqələrin maaşları, pensiyalar vaxtaşırı qaldırılır. Məhz bu addımlar bizim üçün prioritet məsələdir".

Qeyd edək ki, Azərbaycanda millət vəkillərinin maaşı 2013-cü ildə artırılaraq ayda 1950 manatdan 2250 manata çatdırılıb.

 “Dedi ki, “Cəmil müəllim, sən nahaq özünü yorursan, Eynulla bizim adam olub, qaydaları pozub, cəzasını çəkir, çıxıb yenə bizim adam olacaq”

 Milli Şuranın sədri Cəmil Həsənli “Haqqın.az” saytının rəhbəri Eynulla Fətullayevə qarşı, oğurluq da daxil, bir sıra ittihamlar irəli sürüb. Hurriyyet.org-un məlumatına görə, C.Həsənli E.Fətullayevin “Elçibəyin müavini olub hakimiyyətə necə işləmək olar?” adlı məqaləsinə sərt reaksiya verib. Bu məqalədə Cəmil Həsənli müəllifin sərt tənqid və hətta təhqirlərinə məruz qalıb.
E.Fətullayev Milli Şura sədrini “barmaqları “nakolkalı” bu miskin tarixçi”, “istedadsız və heç nəyə yaramayan tarixçi-yazıçı, darıxdırıcı kanselyariyaçı-arxiv arayışlarının məcmusunun müəllifi” adlandırıb, “Cəmil Həsənli tarixə baş vurmasa yaxşıdır, yoxsa o özünü çoxsaylı alçaqlıq, məkrlilik və satqınlıq nümunələri ilə ifşa edəcək” kimi sözlərlə təhqir edib.
Cəmil Həsənli bu təhqirlərə "feysbuk" üzərindən paylaşdığı yazı ilə cavab verib. Milli Şura sədri yazır: “Guya biz “The New York Times”i oxumadığımızdan, “Spiegel”i vərəqləmədiyimizdən, “Le Figaro”nu açıb baxmadığımızdan dünyadan xəbərsiz qalmışıq və bütün bunlara baxdığı üçün Eynulla əməlli başlı inkişaf edib. Halbuki, mən ilk dəfə 1979-1980-cı illərdə Moskvada o zamankı Lenin kitabxanasının xüsusi fondunda, SSRİ İctimai Elmlər üzrə Tədqiqat Mərkəzində bu nəşrlərlə tanış olanda Eynulla hələ əmzikdən ayrılmamışdı…”
C.Həsənli qarşı tərəfin “nakolka” iradına belə cavab verib: “Yeri gəlmişkən burada “nakolkalı” məsələsində də aydınlıq gətirmək istərdim. Mənim barmaqlarımda “nakolka” var. Şübhəsiz ki, bu yaxşı şey deyil. Amma, axı bu “nakolka” Eynullanın alnında, təpəsində yazılıb və özü də öz xətti ilə bunu alnına həkk edib, həm də əbədi həkk edib…”
Yazısının davamında C.Həsənli E.Fətullayevi oğurluqda ittiham edir. Sitat: “Eynulla bununla kifayətlənmir, mənim elmi nailiyyətlərimi də şübhə altına almağa cəhd göstərir və yazır: “Cəmil Həsənli-ay istedadsız və heç nəyə yaramayan tarixçi-yazıçı, darıxdırıcı kanselyariyaçı-arxiv arayışlarının məcmusunun müəllifi, mən bunu çoxdan başa düşmüşəm”. Mənim haqqımda bu sözləri kim deyir, kim yazır, dostlar? O şəxs ki, onu mən elmi oğurluq üstündə tutmuşam, qarşımda hönkür-hönkür ağlayıb. Bu hoqqabaz Nərimanov haqqında bir kitabça yazmışdı. Kitaba baxanda gördüm plagiat, yəni oğurluqdur. Tarix institutunda şöbə müdiri Nigar xanımla danışdıq, bunu çağırdıq, atası ilə gəldi. Köçürdüyü, yəni oğurladığı yerləri bir-bir qoyduq qarşısına, söz tapa bilmədi, hönkür-hönkür ağladı, səhv etmişəm, qələt eləmişəm… dedi. Bax, həmin vaxt Eynullanın yanaqlarından süzülən göz yaşlarının hər biri mubah ildə yetişən Bığır narının giləsindən böyük idi. İndi görün ölçü hissi nə qədər itib ki, elmdə qələm təcrübəsinə oğurluqla başlayan birisi mənim əsərlərim haqqında bu sözləri deyir”.
Milli Şura sədri daha sonra E.Fətullayevin vaxtilə həbs olunmasını Eldar Mahmudovla əlaqələndirməsinə münasibət bildir və onu hər zaman hakimiyyətə işləməkdə ittiham edir. “Mən bir dəfə Milli Məclisdə bu “vicdan” məhbusun müdafiə edəndə hakimiyyətin ən yuxarı təbəqəsinə aid olan yaşlı adamlardan biri mənə yaxınlaşıb dedi ki, “Cəmil müəllim, sən nahaq özünü yorursan, Eynulla bizim adam olub, qaydaları pozub, cəzasını çəkir, çıxıb yenə bizim adam olacaq”. Sən demə, o, düz deyirmiş, biz sadəlövh olmuşuq. Axı, Eldar Mahmudovun nazirliyi ən gizli səs yazılarını sənin qəzetin vasitəsi ilə verirdi, necə oldu ki, səni tutmalı oldu. Eldar Mahmudov öz istəyi ilə adam tutmurdu, kimi deyirdilər onu da tuturdu. Səni də elə tutmuşdu”.
C.Həsənli həbsdən çıxandan sonra E.Fətullayevin təşəbbüsü ilə görüşdüklərini xatırladır: “Sənin zənginlə “Pizza Hut”da görüşdük. Dedin İlham Əliyev heç vaxt Fərhadla Rafiqi belə buraxmayacaq və təklif etdin ki, Avropada sənə bir ofis açsınlar, sən orada oturub onların lobbiçiliyini edəsən, bir keçmiş “vicdan” məhbusu kimi bütün Qərbi ayağa qaldırasan. İndi nə oldu, Qərb artıq o Qərb deyil? Ya hökumət səni sındırandan sonra ilk əməliyyatını məndən başlamaq istəyirdin? Mən də dedim ki, bu söhbətləri sən onların özləri ilə elə, mən belə işlərə baxmıram. Söhbət həbsdən çıxandan sonra ömür boyu Qərbə xidmət etməkdən getmir, söhbət ondan gedir ki, sən keçmiş “vicdan” məhbusu adından istifadə edib Azərbaycan hakimiyyətinin Qərbə qarşı çirkli, natəmiz oyunlarının icraçısına çevrildin. Sən Qərb ölkələrində xüsusi etnik, mühacir, qaçqın qrupların ayrı-ayrı sərsəri nümayəndələrini şirnikləşdirib onlardan yerləşdikləri ölkələrin əleyhinə etirazlar, çıxışlar almalı idin. Etdin də, bir-iki cındır lent çəkdin. Amma Almaniyada bu işə cəlb etmək istədiyin vicdanlı azərbaycanlılar sənin toruna düşmədilər. Hansısa bir Avropa fonddan qrant aldığını onlara demişdin, sonra o fond açıqlama verdi ki, sən adlı adama qrant verməyib.
Bu natəmiz iş üçün pulu Azərbaycandakı ağalarından almışdın. Elə görüş zamanı da sənə Bakıdan zəng olundu, kənara çəkilsən də hər şeyin üstü açıldı. Hə, sənə Bakıdan zəng olanda, o gənclər də mənə zəng etmişdilər, dedim ki, uzaq olsunlar səndən. Sağ olsunlar, oldular da! Amma bütün dünya gördü ki, sənin qara yaxdığın Almaniya bir milyon müsəlman qaçqının sosial ehtiyacların qarşılamaq üçün 19 milyard avro həcmində büdcə qəbul etdi, halbuki, xidmət etdiyin Azərbaycan hakimiyyətinin 10 milyonluq xalq üçün 2017-ci ilə toplam büdcəsi 8 milyard avrodur. Hələ mən onu demirəm ki, İsaxan Aşurovla sonuncu görüşümüzdə, birgə Vaşinqtona uçanda bunun ləyaqətsiz hərəkətləri barədə necə hiddətlə danışırdı. Deyiləsi çox söz var. Qoy bu sonraya qalsın. Çünki hakimiyyətin əlində nişangahı pozulmuş Tula silahına çevrilən bu “navodçik” hələ çox əməllərdən çıxacaq”.

Cümə axşamı, 17 Noyabr 2016 00:00

Mirşahin ölkəni tərk etdi

Yazan

Uzun zamandır ANS kanalı ətrafında baş verən hadisələr ölkə gündəmini məşğul edir

 Kanalın bağlanmasından sonra onun yaradıcıları məhkəmə instansiyalarına müraciət etsələr də, müsbət nəticəyə nail ola bilməyiblər.
 Turaninfo.az  faktor.az-a istinadən xəbər verir ki, bundan sonra əlaqədar şəxslərin başqa bir sahədə iş quracaqları, yaxud ölkəni tərk edib, yaşamağa xarici dövlətlərdən birini seçəcəkləri də ehtimal edilirdi.
 Bu saatlarda ANS kanalının ən məşhur siması Mirşahinin ölkəni tərk etdiyi görüntülənib.
 Onu da əlavə edək ki, Mirşahinin aprel döyüşlərində geyindiyi gödəkçəsi də əynində olub, O, Qarabağ savaşı müddətində bu geyimi üstündə daşıyıb.

Çərşənbə, 16 Noyabr 2016 00:00

Fikrət Sadıq vəfat edib

Yazan

Azərbaycan poeziyasının görkəmli nümayəndəsi Fikrət Sadıq vəfat edib.

Bu barədə Azərbaycan Yazıçılar Birliyinin (AYB) mətbuat katibi Xəyal Rza məlumat verib.

F.Saqdıq bu gün dəfn ediləcək.

Allah rəhmət eləsin!

Bu il “Azərbaycan Beynəlxalq Bankı”nın  toksik aktivlərinin "Aqrarkredit"ə ötürülməsinin birinci mərhələsi uğurla başa çatıb. Bu barədə bankın ilk yarımilə aid birləşdirilmiş audit hesabatında deyilir. 

Məlumatda bildirilir ki, birinci mərhələ çərçivəsində bankın balansından çıxarılan problemli aktivlər 9 milyard 930 milyon manat həcmindədir. Həmin aktivlərin mütləq əksəriyyəti xarici valyutada olanlardır. “Hazırda ikinci mərhələnin aparılması müzakirə olunur. Bu prosesin 2016-cı ilin 2-ci, 2017-ci ilin 1-ci yarısında tamamlanması planlaşdırılır”, - sənəddə belə yazılıb.

Ümumiyyətlə, ABB-də problemli kreditlərin həcmi tam açıqlanmır. Xatırladaq ki, Maliyyə Nazirliyi, Azərbaycan Mərkəzi Bankı (AMB) və “Aqrarkredit” QSC arasında ötən il avqustun 11-də imzalanan baş sazişə əsasən, ABB-nin problemli kreditləri 2015-ci ildən 2017-ci ilədək “Aqrarkredit”ə transfert ediləcək. ABB ötən il dekabrın 28-də “Aqrarkredit” QSC-dən “Zəmanət və öhdəlik” məktubu alıb. Bu məktub çərçivəsində “Aqrarkredit”in ABB-yə 5,7 milyard manat məbləğində öhdəliyi yaranıb.

Virtualaz.org qeyd edir ki, bu rəsmi məlumatda Azərbaycan Beynəlxalq Bankından təkcə birinci mərhələdə 10 milyard manatlıq problemli aktivin çıxarılması bankda Cahangir Hacıyevin dövründə hökm sürmüş dəhşətli korrupsiyanı bir daha göz önünə çıxarır. Bu, manatın indiki məzənnəsi ilə təqribən 5.8 milyard ABŞ dolları edir. Söhbət bankın geri qayıtmayan və müxtəlif layihələrdə batan  kreditlərindən gedir. Lakin bankda problemli aktivlər hələ qalır və açıqlamada deyildiyi kimi prosesin ikinci mərhələsi hələ başlamayıb. Deməli Azərbaycan Beynəlxalq Bankının problemli aktivlərinin həcmi C.Hacıyevin bankdan uzaqlaşdırıldığı vaxtda təxmin ediləndən dəfələrlə çox imiş. Hansı ki, o vaxt rəsmi məlumatlarda bankın problemli aktivlərinin həcmi heç 1 milyard dollara da çatmırdı.

İqtisadçılara görə manatın dalbadal iki dəfə kəskin devlvasiyaya məruz qalmasının və hazırda da dəyərdən düşməkdə davam etməsinin əsas səbəbini məhz Azərbaycan Beynəlxalq Bankının “zəhərli” aktivlərində axtarmaq lazımdır.

Çərşənbə, 16 Noyabr 2016 00:00

Məktəblilərin payız tətili başlayır

Yazan

Bu gündən, noyabrın 16-dan məktəblilərin payız tətili başlayır.

5 günlük tətil noyabrın 20-dək davam edəcək.

Qeyd edək ki, ümumtəhsil məktəbində dərs məşğələləri sentyabrın 15-də başlayıb iyunun 14-də başa çatır. 

Dərs ili iki yarımilə bölünür. Birinci yarımil 15 sentyabr - 26 yanvarı, ikinci yarımil isə 1 fevral - 14 iyun tarixlərini əhatə edir. Dərs ili ərzində 5 gün payız tətili (16-20 noyabr) və 5 gün qış tətili (27-31 yanvar) olur. İbtidai siniflər üçün isə 5 günlük əlavə yaz tətili (1-5 may) olur.

Çərşənbə, 16 Noyabr 2016 00:00

Hava limanına silahlı hücum: yaralı var

Yazan

ABŞ-da hava limanına silahlı hücum: yaralı var

Amerika Birləşmiş Ştatlarında hava limanına silahlı hücum olub.

Hadisə nəticəsində azı 1 nəfər yaralanıb. Silahlı hücum Oklahoma şəhərinin Uil Rogers hava limanında baş verib. Hazırda hava limanının giriş-çıxışı bağlanıb. 

Hadisə yeri təhlükəsizlik qüvvələri tərəfindən nəzarətə götürülüb.

“Ölkəmizin sərvətlərindən vətəndaşlarımızı xəbərdar edək” layihəsi çərçivəsində

Neftçala rayonunda sonuncu tədbirini keçirdi.

Bərabər İmkanlar Mərkəzi İctimai Birliyi Azərbacan Respublikasının Prezidenti Yanında Qeyri-Hökumət Təşkilatlarına Dövlət Dəstəyi Şurasının dəstəyilə həyata keçirdiyi “Ölkəmizin sərvətlərindən vətəndaşlarımızı xəbərdar edək” layihəsi çərçivəsində 28 oktyabr 2016-cı il tarixində Neftçala rayonunda maarifləndirici tədbir keçirdi.

Sessiyada rayonun dövlət idarələrinin əməkdaşları, həmçinin muzey, kitabxana və təhsilt işçiləri iştirak etdilər. Neftçala rayonu 4 saylı tam orta məktəbdə keçirilən tədbirdə və rayon icra hakimiyyətinin məsul işçisi Fərid Eyvazov iştirak etdi.

Layihə rəhbəri Rafiq Təmrazov iştirakçıları salamladıqdan sonra Azərbaycanda neft gəlirlərinin istismarı prizmasından başlayaraq Azərbaycanda neftin işlənməsiylə paralel olaraq Şəffaflıq Təşəbbüsünün meydana gəlməsindən danışdı. Eyni zamanda bu təşəbbüsün ölkə üçün önəmini qeyd edərək layihənin aktuallığını əsaslandırdı. Qeyd olundu ki, Azərbaycan hökumət səviyyəsində bu prosesdə qalmaqda maraqlıdır və 3 gün əvvəl Qazaxıstanın Astana şəhərində Beynəlxalq İdarə Heyətinin qərarıyla ilə ölkəmiz namizəd ölkə statusunu qoruyub saxlaya bilmişdir.

Sonra layihə rəhbəri öz çıxışına indiyədək istismardan əldə olunan gəlirlər və xərclənən vəsaitlə bağlı məlumat verməklə başladı. Qeyd olundu ki, bu günədək neft istismarından 135 milyard dollar əldə edilmişdir ki, onun 100 milyarda yaxını xərclənmişdir. Xərcləmələr zamanı Qaçqın və Məcburi Köçkünlərin məişət şəraitinin yaxşılaşdırılmasına, infrastruktur layihələrinə, o cümlədən nəqletmə zamanı çəkilmiş olan Bakı-Tbilisi-Ceyhan neft kəmərinin tikintisinə sərf edilməsi və dövlət büdcəsinə tranferlərin həyata keçirilməsi qeyd olundu. X.Kazımov öz çıxışında şəffalıq təşəbbüsünün mahiyyəti haqqında bir daha məlumat verərək prosesə ictimai nəzarətin həyata keçirilməsinin əhəmiyyətini qeyd etdi. Qeyd olundu ki, Azərbaycan Şəffaflq təşəbbüsünə quşulan ilk ölkələrdən olmaqla ən çox -18 hesabat vermişdir. Xüsusi olaraq əhalinin məlumatlılığının təmin olunması üçün Neft Fondunun, QHT koalisiyasının, Hökumət Komissiyasının və əlaqədar strukturların saytları qeyd olundu. X.Kazımov eyni zamanda hesabatlılıq və şəffaflıüqla yanaşı səmərəlilik prinsipini də xüsusi vurğuladı və bildirdi ki, xərcləmələrin nə dərəcədə səmərəli olmasını vətəndaşlar qiymətləndirə bilərlər və bunun üçün təşəbbüskarlıq da lazımdır.

Daha sonra söz alan QHT Koalisiyasının Şura üzvü Elşən Nağıyev daha çox Şəffaflıq sahəsində ixtisaslaşan və vətəndaş cəmiyyətini təmsil edən QHT koalisiyasının fəaliyyətini qeyd etdi. O, öz çıxışında koalisiyanın əsas fəaliyyətinin ictimai iştirakçılıq, vəkillik, maarifləndirmə, özünü inkişaf etdirmə və s. olduğunu bildirərək son bu tədbiri də məhz bu tipli addım adlandırdı. S.Allahverdiyeva sonda koalisiyanın tərkibi, idarə olunması haqqında da məlumat verdi.

Koalisiyanın Şura üzvü sonda Şəffaflıq Təşəbbüsünün əsas mahiyyətini təşkil edən və qərarverici struktur olan Çoxtərərfli Qrup (ÇQ) haqqında öz bilgilərini paylaşdı. O, həm hökumətdən, həm şirkətlərdən, həm də vətəndaş cəmiyyətindən eyni sayda (hər tərəfdən 6 nəfər) nümayəndənin təmsil olunduğu ÇQ-da qərarların konsensusla qəbul olunduğunu və bütün məsələlərlə bağlı əsas qərar verdiyini bildirdi.

Daha sonra tədbir qarşılıqlı müzakirələr şəklində davam etdirildi. Belə ki, iştirakçılar onları maraqlandıran məsələlərlə bağlı suallar və təkliflər verdilər.

55 -dən səhifə 149