Azərbaycana Bakıya səfər edən erməni publisist, yazıçı və ictimai xadim Vahe Avetyan Xocalı abidəsini ziyarət edib.

APA-nın xəbərinə görə, ötən il təqiblərə məruz qaldığı üçün Ermənistandan ailəsi ilə birlikdə görə Azərbaycana qaçmış Vaan Martirosyan da onun yanında olub.

Qeyd edək ki, İsveçdə yaşayan siyasi mühacir və Sərkisyan rejiminin tənqidçisi olan V. Avetyanın ötən gün Bakıya gəlib. O, mətbuata müsahibəsində Xocalı qurbanlarının abidəsinə gül qoymaq arzusunun olduğunu deyib. Avetyan ikinci cəhdində Azərbaycana gələ bilib. Ona bir neçə günlük Bakı şəhərində qonaq olmağa icazə verilib. Avetyan ilk dəfə Bakıya qeyri-qanuni yolla gəlməyə cəhd etdiyi üçün ölkəyə buraxılmayıb.

Yazıçı Bakıya gələndən sonra sosial şəbəkədə səfərlə bağlı fikirlərini paylaşıb: “Azərbaycan mediası Ermənistanın ünvanına tənqidləri dərc etdiyi üçün danışıram. Bu tənqidləri Ermənistanın satqın tulaları, jurnalistləri, hüquq müdafiəçiləri, qrant və muzd üçün çalışan konyukturaçı "sülhpərvər"ləri heç zaman etməyib”. 

Keçən ilin sentyabrında həyat yoldaşı və azyaşlı övladı ilə birlikdə Ermənistandan qaçaraq Azərbaycana gələn Ermənistan “Milli Azadlıq Hərəkatı” təşkilatının rəhbəri Vaan Martirosyan isə üçüncü ölkəyə göndərilib. Vaan Martirosyan Azərbaycandan siyasi sığınacaq istəyib. O, rəhbərlik etdiyi müxalif yönümlü qurumun fəaliyyətinə görə Ermənistanda dövlət orqanlarının və ayrı-ayrı səlahiyyətli şəxslərin təzyiqlərinə məruz qalıb. V. Martirosyan özünün və ailəsinin şəxsi təhlükəsizliyi ilə əlaqədar həyat yoldaşı və azyaşlı övladı ilə birlikdə Ermənistandan qaçaraq Azərbaycana gəlib.

“Ey Bəylər Əyyubov, ey Əli Həsənov, ey Kəmalləddin Heydərov, ey Vilayət Eyvazov, ey Rövnəq Abdullayev, ey Ziya Məmmədov – ey məndən cinayətkar obrazı yaratmaq istəyən acgözlər!”

Siyasi mühacirət həyatı yaşayan Hüseyn Abdullayev özünün facebook səhifəsində şok müraciət paylaşıb. Azərbaycanı bu gün idarə edən komandanın bir çox üzvlərinin keçmişini xatırladan Hüseyn Abdullayevin bu yazısı çox sərtdir. Azərbaycan Respublikasıxüsusi dövlət mühafizə xidməti rəisinin birinci müavini, Azərbaycan Respublikası Prezidentinin Təhlükəsizlik Xidmətinin rəisi, general-polkovnik Bəylər Əyyubovun, AR Prezidentinin İctimai-siyasi məsələlər üzrə köməkçisi, AR Prezidentinin Administrasiyasının İctimai-siyasi məsələlər şöbəsinin müdiri Əli Həsənovun, Fövqəladə hallar naziri, general-polkovnik Kəmaləddin Heydərovun, Daxili İşlər nazirinin birinci müavini, polis general-leytenantı Vilayət Eyvazovun, Dövlət Neft Şirkətinin prezidenti, Milli Məclisin deputatı Rövnəq Abdullayevin və Nəqliyyat naziri Ziya Məmmədovun keçmişlərindən ştrixlər yazan Hüseyn Abdullayevin facebook statusunu olduğu kimi təqdim edirik:

“Dəyərli həmvətənlərim!

Bu gün sizlərə olduqca maraqlı, eyni zamanda çox təsirli bir əhvalatı danışmaq istəyirəm. Və hesab edirəm, bu yazımda bəzi qaranlıq qalmış məqamlara da aydınlıq gətiriləcək. Deməli, bu ilin sentyabr ayında mən öz tanışlarımla Almaniyanın Frankfurt şəhərindəki “Parfenon” adlı restorana nahar etməyə getdik. Bir müddət sonra ofisiant bizə sifariş etdiyimiz steykləri gətirdi. Lakin soyuq yunan məzələrini çox yediyimdən, steykdən bir tikə dadıb, onu kənara qoydum. Növbəti dəfə masamıza gələn Kostas (ofisiantın adı) nəyə görə steyki yemədiyimi soruşdu. Mən ona məzələrdən doyduğumu və ətin artıq olduğunu bildirdim. Sən demə, həmin anda bizdən sağ tərəfdə oturan müştərilərdən biri, Kostasla aramda olan söhbətə diqqət edibmiş. Və Kostas steyki geri apardıqda, həmin o müştəri kübarcasına mənə səslənib: “Olarmı o steyki mənim itimə verək” deyə soruşdu. Həyətdə dolaşan itin onun olduğunu sonradan fərq etdim. Mən “Buyurun” cavabını verdim və o cür olmasını təşkil etdik.

Təxminən yarım saat sonra, biz hesabı verib çıxışa getdiyimiz vaxt, həmin it arxamca cumaraq əllərimi yalayıb, gah sag, gah da sol yanıma söykənib, ətrafımda fırlanmağa başladı. Mən dönüb təəccüblə onun sahibinə baxdım. İtin sahibi dedi ki: “MƏN ONDAN SƏNƏ TƏŞƏKKÜR ETMƏSİNİ İSTƏDİM”. İnanın, o an həyatımın ən xoş həyəcanlarından birini keçirib, dilbilməz itin nə qədər həssas və necə təşəkkürlü olduğunu gördüm.

Söhbəti bu yerə gətirməkdə məqsədim, bir vaxtlar mənə qulluq etməyə can atan, bu gün isə məni və ailəmi təqib edən “Əliyev rejimi”ndə təmsil olunan bir çox yüksək rütbəli məmurların yaddaşını təzələməkdir. Yeri gəlmişkən, qeyd edim ki, İnterpol tərəfindən haqqımda olan axtarış dayandırılsa da, Azərbaycanda mənə qarşı açılmış uydurma və heç bir hüquqi əsası olmayan cinayət işi hələ də baglanmayıb. Bəli, heç şübhəsiz diktator İlham Əliyevin nədən məni düşmən görməsini (səbəb 2007-ci ildə parlamentdə hökümətin saxta hesabatını tənqid etməyim, ölkədə yürüdülən antixalq siyasətinə qarşı çıxmağım və əlbəttə ki, “Susma!” marşını yazmağımdır) anlayır və buna tam normal baxıram. Amma kim nə deyirsə desin, mən bəzi vəzifə düşkünlərini heç cür anlaya bilmirəm.

Ey Bəylər Əyyubov! O sən deyildinmi Atama: “Abbas müəllim, Hüseyn Abdullayevin öz xalqına və dövlətçiliyimizə etdiyi xidmət misilsizdir” deyən? O sən deyildinmi uzun illər çörəyimi yeyib və mənim imkanlarımla öz çətinliklərini həll edən?

Ey Əli Həsənov! Bəs sən niyə gizləndin? Niyə Eynulla Fətullayev kimi saxtakar və murdar birisinin məni absurd və dəhşət saçan ağır cinayətlərdə ittiham etməsinə səssiz qaldın? Niyə ona demədin ki: “Ayıbdır, elə etmə. Mən bir vaxtlar Hüseyn Abdullayevin “Çermet”dəki sıravi işçilərindən biri olmuşam və çox yaxşı da maaş almışam”. Ay Əli, prezident aparatındakı ilk kabinetinin mebel və avadanlıqlarının pulunu da mən vermişəm. Nə tez unutdun sənə etdiyim yaxşılıqları?

Ey Heydərov Kəmaləddin! Unutmamısan ki, parlamentdə sənin necə avantürist və nə cür korrupsioner oldugunu üzünə dediklərimi? Nədən o vaxt özündə cəsarət tapıb, cavabımı vermədin? İndi mühacirətdəyəm deyə, mənim mülkümü uçurmağa necə cəsarət tapdın?

Bu olaylarda təəssüf doğuran məqamlardan biri də o oldu ki, süfrəmin artığıyla böyümüş və zamanında mənə nökərçilik etmiş Rövnəq Abdullayev vəzifəyə gəlməkdən ötrü məni satan adamlardan biri oldu.

Sən Vilayət Eyvazov. Bəs sənin yaddaşına nə oldu? Əlini çörəyə çatdırmaqla, rəhmətlik Camalın xatirinə sənə metal biznesində dəstək verməyimlə pislikmi etdim? Bunun əvəzində sən öz kurasiyanda olan “Bandotdel”in valideyinlərimin xaricə çıxmasına qoyduğu qanunsuz qadağaya nəinki göz yumdun, hətta sevindin belə. Nəticədə xəstə olan atam infarkt keçirdi və sonra da öz dünyasını dəyişdi.

Siz hələ Ziya Məmmədova baxın. Bu bədbəxti tanıyan da yox idi. Aylarla ofisimin qəbul otağında boynunu bükərdi. Onu “Dövlət Dəmiryolu İdarəsi”nin rəhbərliyinə mən qoydurmuşam. Haram olsun sənə, necə ki, bu gün olur.

Xülasə, ey məndən cinayətkar obrazı yaratmaq istəyən acgözlər! Siz nə qədər dansanız da və nə qədər inkar etsəniz də, mənim keçmişimə çox borclusunuz. Özü də lap çox!!! Və madam ki, etdiyim yaxşılıqları itirmisiniz, heç olmasa kişi kimi düşmənçilik etməyi öyrənin.

Ayılın, cənablar, ayılın! Mən sizsiz də mən olmuşam. Mən hələ bu hakimiyyət iqtidara gəlmədən də ölkənin ən uğurlu iş adamlarından biri idim. Və heç kimsə o vaxt mənim ala gözlərimə aşiq deyildi. Siz mənə möhtac olmusunuz, mən sizə yox. Yekun ifadəmi bir neçə misra ilə bitirmək istərdim:

Mən elə həmin Hüseynəm.
Bir az çılğın, bir az üzgün.
Sizdən fərqli, həm də düzgün.
Dəyismərəm istəsəz də,
Heç susmaram, öldürsəz də.
Qoy son sözü xalqım desin,
Nə mən deyim, nə də sürgün!

xural.com

Çərşənbə axşamı, 08 Noyabr 2016 00:00

Paşazadələrin biznes şəriki məhkəmə qarşısında

Yazan

Müğdət Həşimovun bacısı: "Cənab hakim, Hacı Mazan deyir ki, Müğdət bizim dustağımızdır"

Noyabrın 7-də Bakı Ağır Cinayətlər Məhkəməsində Qafqaz Müsəlmanları İdarəsinin sədri hacı Allahşükür Paşazadənin ailəsi ilə biznes ortağı olduğu bildirilən Müğdət Həşimovun cinayət işi üzrə məhkəmə prosesi keçirilib.

Meydan TV-nin məlumatına görə, hakim Novruz Kərimovun sədrliyi ilə keçirilən iclasda Müğdət Həşimov vəkilindən imtina edib. O bildirib ki, vəkili onu qane etmir.

Hakim Novruz Kərimov isə bunun gecikmiş addım olduğunu deyib: "Siz məhkəmə yekunlaşdığı ərəfədə belə bir istəklə çıxış edirsiniz. Əgər belə bir fikriniz vardısa, vaxtında niyə etmirdiniz? Sizin vəkiliniz ən savadlı və mənim də hörmət etdiyim vəkillərdən biridir".

M.Həşimov isə sifarişlə həbs olunduğunu deyib: "Cənab hakim, siz deyirsiniz ki, vəkilim savadlıdır və siz də ona hörmət edirsiniz. Ancaq 6 vəsatət qaldırsa da, heç biri təmin olunmadı. Hamı bilir ki, mən sifarişlə həbs olunmuşam".

Hakim isə deyib ki, məhkəmədə vəsatətlər hörmətə görə təmin olunmur və məhkəməyə heç kim sifariş verə bilməz:" Bu işə qanun necə icazə verirsə, o şəkildə də baxılır və baxılacaq".

Məhkəmə zalında olan M.Həşimovun bacısı da bu zaman dialoqa qoşulub. O, qardaşının günahsız olduğunu və bu işin günahkarlarından birinin də şeyxin qardaşı Cavanşir Paşazadənin işlərini görən Hacı Mazanın olduğunu deyib: "Cənab hakim, Hacı Mazan deyir ki, Müğdət bizim dustağımızdır. Belə şey olar? Belə ədalətsizlik olar? Biz istəyirik ki, sülh, barışıq olsun. Qardaşımın 60 yaşı var. Özü də xəstədir, övladı da. Axı niyə digər tərəf məhkəmədə iştirak etmir? Onları bura niyə gətirmirlər?"

Məhkəmə M.Həşimovun vəkilindən imtina etməsi barədə ərizəni qəbul edib və məhkəmə buna görə təxirə salınıb. M.Həşimov yeni vəkillə müqavilə bağlayandan sonra iclas davam edəcək.

M.Həşimov 12 avqust 2015-ci ildə Cinayət Məcəlləsinin 179.3.2-ci (mənimsəmə) maddəsi ilə təqsirli bilinərək həbs olunub. Sonradan onun barəsində 178.3.2 (dələduzluq) və 213.1(vergidən yayınma) maddələri ilə də ittiham irəli sürülüb.

İttihama görə, M.Həşimov deputat C.Paşazadənin himayəsində olan "Aygün-C" MMC-nin təsisçiləri ilə 2012-ci ilin 6 dekabrında rəsmi qaydada "Birgə fəaliyyət haqda" müqaviləsi bağlayıb. Müqavilənin şərtlərinə görə, onunla iş birliyində Allahşükür Paşazadənin həyat yoldaşı və oğlu, Cavanşir Paşazadənin qızı və kürəkəni olub.

M.Həşimov şərikli açılan klinikadan 193 min 50 manatlıq tibbi avadanlığın çatışmazlığına görə təqsirləndirilir.

Tərəflər arasında şərikliyin şərti belə olub ki, təsisçilər "Bank VTB"-dən 700 min manat götürüb M.Həşimova veriblər. Həmin pulun banka qaytarılması isə 2018-ci ilə qədər M.Həşimovun öhdəliyində olub. Həşimov klinikadan qazandığı pulla həmin borcu ödəməli imiş. Bankın pulu ödənilib bitdikdən sonra əldə olunan qazanc Cavanşir Paşazadə ilə Həşimov arasında bölünməli imiş.

Klinika C.Paşazadənin adına olan 1255 kv.metrlik qeyri-yaşayış sahəsində açılıb.

Bu şərikliklə M.Həşimov "Medi-Sina" MMC-nin təsisçisi olub və fəaliyyətə başlayıb.

Lakin sonra bu şəriklik bitib. Cavanşir Paşazadə və onun adamı Hacı Mazan ləqəbli Ramazan Zeynalov klinikaya gələrək M.Həşimovdan tələb ediblər ki, müəssisə boşaldılasın. Bununla da şəriklik bitib, klinika bağlanıb, M.Həşinmov isə bir neçə ay sonra həbs olunub.

Bakı Slavyan Universitetinin dekanı, tənqidçi Elnarə Tofiqqızı da bir neçə il əvvəl "Medi Sina" klinikasında əməliyyat edilən zaman ölüb.

Hazırda Bakıda olan dissident erməni yazıçısı Vahe Avetyanla hüquq müdafiəçilərinin , diplomatik korpusların və dövlət qurumlarının təmsilçilərinin "Hyatt regensy" otelində görüşü keçirilir. Görüşün təşkilatçısı Milli QHT Forumudur. 

Görüş keçirilən məkanda olan əməkdaşlarımızın sözlərinə görə, Avetyanla hüquq müdafiəçilərinin görüşünə yerli mətbuatdan yalnız "AzerTac"ın əmədaşlarının buraxıblar, digər media təmsilçilərini görüşə dəvətli olmadıqları üçün qapı arxasında saxlayıblar.

Bu addımın təhlükəsizlik məqsədi ilə atıldığı bildirilir. 

Qeyd edək ki, İsveçdə yaşayan erməni yazıçısı artıq iki gündür ölkəmizin paytaxtındadır. O, burada şəhəri gəzir, görüşlər keçirir, öz təəssüratlarını sosial şəbəkədəki izləyiciləri ilə bölüşür. 

Bundan başqa, Avetyan bu gün çoxdankı arzusunu həyata keçirərək, Xocalı abidəsinə əklil qoyub.

Azərbaycanın Pakistandan silah alması Ermənistanda ciddi qorxulara səbəb olub.

Publika.az xəbər verir ki, erməni politoloq Stepan Qriqoryan Azərbaycan və Pakistan arasında əməkdaşlığa məhdudiyyət olmadığına diqqət çəkərək, bunun Ermənistan üçün dəhşətli nəticələrə səbəb olacağını bildirib: 

“Pakistan NATO-nun və Avropa Birliyinin üzvü deyil və ona heç kim mane ola bilməz. Pakistan Ermənistanı dövlət kimi belə tanımır, Azərbaycanla isə qardaş münasibətlərə sahibdir. Bu, bizim ən böyük bəlalarımızdan biridir. Bu ölkə nüvə dövlətidir və çox güclüdür. Belə güclü dövlətlərlə sıx əlaqələr Azərbaycana istənilən an Qarabağı qaytarmağa icazə verir”.

Erməni politoloq İrəvan rejimini dişsiz siyasət aparmaqda ittiham edib. “Azərbaycan öz məqsədinə doğru qətiyyətlə irəliləyir, Ermənistan isə öz ampulasındadır. Heç bir real addım, real cavab yoxdur. Bizim verdiyimiz cavablar da çox gec olur”, - deyə o bildirib.

Qriqoryan deyib ki, Azərbaycan Qarabağı yaxın dövrlərdə qaytarmağa hazırlaşır: “Güman ki, bu müharibə yolu ilə olacaq. Çünki danışıqlar heç bir nəticə vermədi və Bakının atdığı addımlar göstərir ki, onlar heç nə ilə barışmaq istəmirlər. Hətta böyük güclərin nə deməsindən asılı olmayaraq, Azərbaycan öz istəyində israrlıdır. Güman ki, Azərbaycan böyük müharibəyə hazırlaşır və bu, onun qələbəsi ilə başa çatacaq. Çünki onlar hər şeyi ölçüb-biçirlər. Bu günə qədər Ermənistanın əli çatmayan bir çox ölkədən silahlar əldə ediblər, Pakistan da onlardan biridir. Sonra Ermənistan hakimiyyəti bəhanə gətirməsin ki, bizim heç nədən xəbərimiz yox idi”.

Çərşənbə axşamı, 08 Noyabr 2016 00:00

Dollar Azərbaycanda rekord həddə çatdı

Yazan

Mərkəzi Bank ABŞ dollarının bu günə rəsmi məzənnəsini 1,6686 AZN/USD səviyyəsində müəyyən edib.

Bu, məzənnənin 0,54% artması deməkdir. İndiyədək dollar bu səviyyəyə qalxmamışdı.

Qeyd edək ki, noyabrın 4-7-də rəsmi məzənnə 1,6596 AZN/USD olub. 

“Azərbaycanda çox ciddi diktatura rejimi qurulub. Ən yaxınına belə rəhm etməyən hakimiyyət ona qarşı kiçik xətanı bağışlamır, maraqlarına toxunan istənilən şəxsi ən ağır formada cəzalandırır”. Bu sözləri ictimai-siyasi fəal Ramin Məhərrəmov deyib.

R.Məhərrəmov hesab edir ki, hakimiyyət mafiya qanunları ilə idarə olunan sistem yaradıb: “Azərbaycan Respublikasının Kanstitusiyasında ölkənin hüquqi və dünyəvi dövlət olduğu qeyd olunub. Lakin biz bunun tam əksini görürük. Hüquq anlayışı ən sonuncu yerdə dayanır. Ölkə bir qrup mafyozun mafiya qaydaları ilə idarə olunur. Heç bir yerdə hüquq tanınmır. Yuxarıdan aşağı maraqlar və istəklər bölüşdürülür. Hakimiyyət qanunun aliliyin deyil, konkret şəxslərin istəklərini əsas götürür.  Saxta ittihamlar, insanların günahsız həbsi, bütün sahələrdə hüquq və azadlıqların məhdudlaşdırlması heç kimə sirr deyil. Təqribən 15 il əvvəl ölkədə birinci şəxsdən qorxu var idi. Məmur birinci şəxsə sdaqətini isbat eləməyə səy göstərirdi və onun qəzəblənməsindən də ciddi narahat idi. Ama indi belə halları müşahidə etmirik. Məmur birinci şəxsin maraqları çərçivəsində öz istəklərini də həyata keçirir. Bunun üçün istədiyi kimi davranır. Qanunu pozur, zorakılıq edir, mülkiyyət hüququndan tutmuş ən sadə hüquqlara qədər heç birini tanımır. Yeganə olaraq özünü oyun qaydalarını pozmamaqda diqqətli aparır. Adi jek rəisi əhali ilə aşağılayıcı formada davranır. Bu barədə kifayət qədər fakt təqdim etmək olar. İstənilən şəxs 5-10 dəqiqə arışdırma aparsa yüzlərlə faktla rastlaşacaq. Çünki hər gün bu faktlarla yaşamağa məhkum olunmuşuq”.

R.Məhərrəmov iddia edir ki, belə davam edərsə Azərbaycan dövlət kimi tarixə qovuşa bilər: “Bir vətəndaş kimi məni daha çox Azərbaycanın müstəqiliyidir. Çünki hakimiyyət bu ölkənin müstəqilliyini sual altına salıb. Hakimiyyət öz istəkləri və ehtiraslarına qurban verib bu ölkəni. Ölkənin bu günü deyil, gələcəyi daha ciddi təhlükələrlə üzləşəcək. Azərbaycanda hər doğulan uşaq borcla dünyaya göz açır. Ölkənin xarici borcu və milyardlarla kreditlərini kim və necə qaytaracaq? Dünyanın ən geridə qalmış ölkəsinin Azərbaycan qədər xarici borcu yoxdur. Hətta hər addımında “Ermənistan Azərbaycandan çox geridir və müqayisə olunmayacaq qədər biz inkişaf eləmişik” dediyimiz Ermənistan da bütün göstəricilərinə görə irəlidədir. Bu qədər nefti və digər təbii ehtiyatları olan ölkənin vətəndaşı səfil günündə yaşayır. Biz Azərbaycanda dünyaya gəlmişik deyə suç etmişikmi? Hakimiyyət vətəndaşlarla ehtirası və həvəsi üzündən davranır. Hakimiyyətdə kiminsə xoşuna gələcək, zövq alacaq deyə, heyvanlar üçün mehmanxana və istirahət mərkəzləri tikilir. Şəhid ailələri, Qarabağ döyüşçüləri isə insan həyatı üçün təhlükəli hesab olunan alaçıqlarda yaşayırlar. Əgər vətən üçün sağlamlığını vermiş bir qazi, canını vermiş bir şəhid ailəsinə belə qiymət verilirsə sıradan olan insanların güzəranı bəlli olur”.

R.Məhərrəmov deyir ki, Azərbaycanda heç bir hüququ qəbul etməyən rejimin hakimiyyətdə olması bu ölkə üçün ciddi təhlükədir: “Ölkə başçısı nə danışırsa həmin gün unudulur. İmzaladığı fərman və sərəncamlar adi kağız parçasından başqa bir şey deyil. Dəfələrlə şahid olmuşuq ki, ölkə başçısının imzaladığı fərmanlar və sərəcamlar səhəri dəyişdirilib. Əksər halda isə icraya yönəlməyib. Belə hallar ancaq diktatura rejimlərində baş verə bilər. Bu o deməkdir ki, daxildə ikili ya üçlü hakimiyyət mövcuddur. Daxildə ciddi mövqe savaşı gedir. Ya da ölkə başçısı siyasi iradəsizlik göstərir, Kanstitusiyanın tələblərindən çıxış etmir. Hansısa qüvvələrin mövqe ayrılığından verdiyi qərarları dəyişmək zorunda qalır. Bütün halda demokratik prinsiplərə və idarəçilik üslubuna zidd hərəkətdir. Siyasi hakimiyyətin iradəsizliyi və mövqe sürüşkənliyi bütövlükdə ölkəni çıxılmaz böhrana sala bilər və salıb. Hakimiyyətin yarıtmaz davranışı və zorakılığı bu ölkəyə fayda verə biləcək şəxslərin digər ölkələrə mühacirət etmələrinə səbəb olub.  Zatən hakimiyyət ağıllı və bacarıqlı insanlara mühacirət və həbs seçimindən başqa yol buraxmayıb. Mövcud rejim saxta ittihamlarla həbs edir, cəmiyyətdə nifrətlə qarşılanan narkotik vasitələrin istifadəçisi kimi göstərməklə insanların taleyini məhv etməyə yönəlik addımlar atır. Bir qədər çevik olanlar isə ölkəni tərk edə bilir. Hakimiyyətin vətəndaşlara qarşı soyqırım siyasəti dəyişməyincə Azərbaycana nicat yoxdur. Ölkə hər gün daha da çətin duruma düşür. Bütün baş verənlərin məsuliyyətini hakimiyyətin başında duranlar daşımalıdırlar”. 

Bazar ertəsi, 07 Noyabr 2016 00:00

Tanınmış jurnalist reanimasiyadadır

Yazan

Həkim qeyd edib ki, təkrar qanaxma yaranarsa, bu xəstənin həyatı üçün təhlükəli ola bilər

Bu gün səhər saatlarında tanınmış jurnalist Zabil Müqabiloğlu 1 saylı Şəhər Kliniki Xəstəxanasının (Semaşko), reanimasiya şöbəsində yerləşdirilib. 

Bu barədə PİA.AZ-a jurnalistin yaxınları məlumat verib. 

1 saylı Şəhər Kliniki Xəstəxanadan Zabil müqabiloğlunu müalicə edən həkimin PİA.AZ-a verdiyi məlumata görə hazırda xəstənin vəziyyəti sabit ağırdır. Həkimin bildirdiyinə görə Zabil Müqabiloğlunun qaraciyərləndə bərkimə yarandığı üçün qan dövranında problem yaranıb və xəstənin qida borusunda vena partlayıb. Hazırda qanaxmanın durdurulduğunu bildirən həkim qeyd edib ki, təkrar qanaxma yaranarsa, bu xəstənin həyatı üçün təhlükəli ola bilər.

Xaitırladaq ki, Zabil Müqabiloğlu uzun illər boyu “Yeni Müsavat” qəzetində redaktor vəzifəsində çalışıb. Son illər isə təsisçisi olduğu “Gunxeber.com” saytına rəhbərlik edib. 

"Hətta vətəndaşın razılığı və ya məhkəmə qərarı varsa belə, aylıq maaşın 50 faizindən çox tutula bilməz”

Ucarın Qarabörk kəndinin sakini Müşgünaz Hüseynovanın 66 yaşı var. Rayondakı 4 saylı orta məktəbdə 45 il ingilis dili müəlliməsi işləyib. Bu ilin iyununda işini elə ağır xəstəliyinə görə itirib. "Kapital Bank”ın Ucar filialından 2014-cü ilin noyabrında 2 min 500, 2015-ci ilin yanvarında 2 min manat kredit götürüb. İki kreditin ödənişi birləşdirilib və Müşgünaz Hüseynovaya aylıq 177 manat ödəniş müəyyən edilib. Müşgünaz xanım deyir ki, aylıqları vaxtından əvvəl ödəyirmiş. Bankın ən intizamlı müştərilərindən hesab olunurmuş. Ancaq xəstəlik tapıb təqaüdə çıxandan sonra ödənişlərdə gecikmələr olub: "İşdən çıxanda banka getdim, başa saldım ki, vəziyyətim budur. Ağır xəstəliyə tutulmuşam, yaşlı arvadam, ərim də xəstədir, təqaüdümüz dərmana da çatmır. Möhlət verin, məni sıxmayın, əlimə pul düşdükcə ödəyim”.

Ancaq bank Müşgünaz xanımın kreditini ona zamin durmuş iş yoldaşı Afət Əzizovanın maaş kartından tutmağa başlayıb. Afət xanım deyir, dərs saatı az olduğundan məvacibi o qədər aşağıdır ki, heç Müşgünaz xanımın kreditinin aylığını ödəməyə də yetmir. Banksa zaminin kartındakı məvacibi son qəpiyinədək özünə götürür. Bu da onsuz da canıyla əlləşən Müşgünaz xanımı məyus edir: "Ayaqlarım tutulub, özüm gedə bilmədim, qızımı filialın müdirinin yanına göndərdim. Qızım getdi dedi ki, zaminin kartından tutmayın, mən anamın təqaüdündən gətirib az-az ödəyərəm. Ancaq bank müdiri razılaşmadı. Bank məni zaminin yanında da üzüqara eləyib”.

Müşgünaz xanımın deməsinə görə, bank zaminin kartına məhkəmə qərarı olmadan əl qoyub. O da bankın hərəkətlərindən baş prokurorluğa müraciət edib. Baş prokurorluqdan cavab almayanda Ucar məhkəməsinə üz tutub. Məhkəmə isə ərizəsini özünə qaytararaq bildirib ki, o, bankı məhkəməyə verə bilməz. Gərək bank onun özünü məhkəməyə versin: "Həyat yoldaşımın yaşı 70-i ötüb, insult keçirib, özüm də yataq xəstəsiyəm. Bu boyda "Kapital Bank” iki ahıl, xəstə insana zülm edir. 45 il müəllimə işləmişəm, dövlətdən bir qayğı görməmişəm. Yaşamağa evim də yoxdur… Bir daxmam vardı, onu da 10 ilə yaxındır zəlzələ yararsız vəziyyətə salıb. Yağış yağanda ortalığa vedrə, vanna yığıram. Divarları aralanıb, çöl görünür. O pulları da həyat yoldaşıma görə aldığım dərmanların borclarını apteklərə ödəmək üçün götürmüşdüm”. "Kapital Bank”ın Ucar şöbəsindən isə bildirilib ki, Afət Əzizova Müşgünaz Hüseynovaya zamin durub. Borclu krediti ödəməyəndə bank həmin ödənişi zaminə istiqamətləndirir.

"Müşgünaz xanımın təqaüdü 230 manatdır. Niyə onun öz təqaüd kartından tutulmur, zaminin daha aşağı məbləğdə olan maaşından, həm də son qəpiyinədək tutulur? Ümumiyyətlə, məhkəmə qərarı olmadan vətəndaşın kartından pul tutmaq qanunidirmi?” suallarına isə bankdan "baş ofisimizə müraciət edin, oradan suallarınızı cavablandırsınlar”, – cavabı verilib (teref.info).

Qafqaz Xəbər Agentliyi sözügedən problemi araşdırmaq məqsədi ilə, "Kapital Bank”ın mətbuat xidmətinin rəhbəri Pərviz Sədrəddinovla əlaqə saxlayıb. "Ümumiyyətlə, bu münasibətlər "Kapital Bank”da necə tənzimlənir və məhkəmə qərarı olmadan pul tutulması prosesi hansı qaydalara əsasən həyata keçirilir?” – sualına cavabında P.Sədrəddinov bildirib ki, "Kapital Bank”ın Ucar filialının müştərisi Müşgünaz Hüseynova maddi vəziyyəti ilə bağlı aylıq ödənişinin bir qismini ödəyə bilmirsə, restruktirizasiya üçün filiala müraciət edə bilər: "Bu zaman onun aylıq gəlirləri təhlil ediləcək və prosedura uyğun gəldiyi halda yeni ödəniş qrafiki təklif ediləcək. Yeni restruktirizasiya qrafiki təqdim edildikdən sonra, bank qarşısında öhdəliyi olan zamindən pul tutulmayacaq”.

"Amma kartdan pul tutulması hansı qaydalara əsasən tənzimlənir və onun özü Kapital Bank müştərisidirmi? Təqaüdü sizin bankdanmı alır? Əgər elədirsə, niyə onun yox, zaminin kartından tutulur?”, – deyə dəqiqləşdirmək istədik. "Kapital Bank”ın nümayəndəsi suallarımızı belə cavablandırdı: "Həmin müştəri təqaüdü bizim bankdan almadığına görə və zamin imzaladığı zaminlik barədə müqavilədə öhdəlik götürdüyü üçün aylıq ödəniş müvafiq olaraq zamindən tutulur”.

Hüquqşünas Amid Rüstəmov da sayta bildirib ki, vətəndaşın öz razılığı və ya məhkəmə qərarı olmadan, onun kartından pul tutula bilməz. "Hətta vətəndaşın razılığı və ya məhkəmə qərarı varsa belə, bu tutulmalar aylıq maaşın 50 faizindən artıq olmamalıdır. Əks təqdirdə, bank qanun pozuntusuna yol verir. Bank əməkdaşları ilk əvvəl borcalanla əlaqə saxlaya və yalnız onun borcunu ödəməkdən boyun qaçıracağı halda zaminlə bağlı hər hansı addım atmalıdırlar. Vətəndaş narazıdırsa, yazılı müraciət edib və banka müraciətləri cavabsız qalıbsa, o zaman məhkəməyə müraciət edə bilər”, – deyə hüquqşünas bildirib.

Onun sözlərinə görə, çox zaman kartdan maaş tutulması müqaviləyə daxil edilir və məhkəmə qərarı olmadan da bu hal baş tutur: "Vətəndaşlar əksər hallarda müqaviləyə baxmırlar. Təki pul alsınlar deyə, müqaviləni imzalayırlar, sonra isə belə problemlər yaşanır.

Bir müddət əvvəl Miq.az-a Haftalan şəhərindən daxil olmuş şikayət məktubunda da "Kapital bank"dan narazılıq ifadə olunurdu. Bir nəfər hərbi qulluqcu məktubunda qeyd etmişdi ki, zamin durmağıma görə bir aylıq maaşımı kartımdan götürüblər. Amma niyə pulun hamısını kartımdan çəkibsiniz sualına bank işçlərinin heç birindən cavab ala bilməyən Rövşən adlı hərbi qulluqçu nədənsə adının hallanmağını istəmədiyindən şikayətini geri götürdü. Səbəbini də belə izah etdi ki, hərbçiyəm, məhkəməyə get-gəl etməyə vaxtım yoxdur. 

Azərbaycan prezidenti İlham Əliyevteleviziya və radio işçilərinə fəxri adların verilməsi haqqında sərəncam imzalayıb.

Azərbaycan Respublikasında televiziya və radio sahəsində xidmətlərinə görə aşağıdakı şəxslərə Azərbaycan Respublikasının fəxri adları verilib:

“Xalq artisti”

Bayramov Eldost Əlövsət oğlu

Əsgərzadə Həqiqət Eyvaz qızı

Məmmədov Əli Məmməd oğlu

“Əməkdar artist”

Ağayeva Sevda Ağa qızı

Cəlilova Nərgiz Tofik qızı

Kərimova Zemfira Rəhim qızı

Nəzirova Ofelya Sabir qızı

Səlim Dilarə Hamlet qızı

Talıbova Rəna Böyük Ağa qızı

“Əməkdar jurnalist”

Ağamirova Mətanət Mirsadiq qızı

Ağayev Rafiq İmanqulu oğlu

Aslanov Salar Tərlan oğlu

Babayev Ehtibar Adil oğlu

Baxşəliyeva Xoşqədəm Hidayət qızı

Dərziyeva Elnarə Bəxtiyar qızı

Dünyamalıyev Əbülfəz Ağca oğlu

Həsənov Avdı Musa oğlu

Hüseynova Nüşabə Fehruz qızı

Məmmədli Allahverdi Məhərrəm oğlu

Məmmədov Telman Əyyub oğlu

Nəbizadə Nəsimi Yaşar oğlu

Nəsirov Rəşad Barat oğlu

“Əməkdar mədəniyyət işçisi”

Aslanov Əliövsət Mövsüm oğlu

Bağırov Cahangir Hidayət oğlu

Baxşəliyev Zaur Lətif oğlu

Əliyarzadə Rahib Kamal oğlu

Əliyev Elçin Əli oğlu

Gülməmmədov Zaur Kamal oğlu

Mansurov Aydın Bəhrəm oğlu

Məmmədov Sakit Qılıncxan oğlu

Mütəllimova Sevinc Tofiq qızı

Səfərova Adilə Əkbər qızı

Şirinova Səadət Təhmiraz qızı

Yaqubov Hikmət Əlisgəndər oğlu

Zamanbəyov Fəhrad Qılman oğlu

“Əməkdar mühəndis”

Abdullayev Arzu Zahid oğlu

Məmmədov İlham Telman oğlu

Məmmədov İsa Rəhman oğlu

Mürsəlov Nazim Xasay oğlu

Nəcəfov Qafar Ağababa oğlu.

Dövlət başçısının digər sərəncamı ilə Azərbaycanda televiziya və radio sahəsində xidmətlərinə görə Hüseynova Şərqiyyə Qurban qızı, Məmmədov Seyavuş Əliəkbər oğlu və Mirzəyev Ramiz Həsən oğluna Azərbaycan Respublikası Prezidentinin fərdi təqaüdü verilib. 

58 -dən səhifə 148