Göyçay rayon Potu kənd sakini Elvin Ziyafəddin oğlu Məmmədov “Azəriqaz”ın Ağsu Regional İdarəsinin əməkdaşlarının qanunsuz əməlləri ilə bağlı redaksiyamıza şikayət edib.

E.Məmmədov bildirir ki, oktyabrın 26-da günorta saatlarında “Azəriqaz”ın Ağsu Regional İdarəsinin əməkdaşları Göyçay Qaz İdarəsinin Səlim adlı işçisi ilə birlikdə Potu kəndi ərazisində qaz xətlərini kütləvi şəkildə kəsməyə başlayıblar: “Onlar bizim də qapımıza gələrək, guya 160 manat debitor borcumuz olduğunu bildirərək, onun təcili ödənməsini tələb ediblər. Evdə atam olub, o, qaz pulunu vaxtı-vaxtında ödədiklərini, borcu olmadığını, bütün ödəniş çeklərinin əlində olduğunu bildirib. Lakin onlar hədə-qorxu gələrək, pul verməyəcəyi təqdirdə, qazı kəsəcəklərini bildiriblər. Atam iki dəfə infarkt keçirmiş adamdır, özünü əsəbiləşdirməmək üçün üzərində olan 70 manatı onlara verib və bildirib ki, ödənişə görə çek versinlər, oğlanlarım sonra məsələni araşdırar. Amma onlar çek vermədən çıxıb gediblər. Bununla bağlı Göyçay Qaz İdarəsinə məlumat verdik, bundan sonra oktyabrın 27-də qonşularımızdan birinə qaz işçisi 70 manatlıq çek yazıb verib ki, aparın bunu Elvingilə verin. Bu açıq-aşkar qanunsuzluqdur, qaz işçisinin vətəndaşdan pul alıb qaçıb getməsi, şikayətdən sonra çek verməsi heç bir qanunda yoxdur. Bir qədər sonra qaz idarəsinin işçiləri gəlib, yenə 90 manat tələb ediblər. Onlara dedik ki, bütün çeklər əlimizdədir, dedilər bizə dəxli yoxdur, biz çek araşdıran deyilik, qaz xəttini kəsib getdilər. Prezidentimiz dəfələrlə göstəriş verib ki, məmurlar vətəndaşlarla qanunsuz davranmamalıdır, bunu da onlara xatırlatdıq, amma bu adamlar heç bir qanun, prezident göstərişinə məhəl qoymadılar. Göyçay Qaz İdarəsinə də şikayət etdik. Lakin heç kim bu qanunsuzluğu aradan qaldırmır, elə deyirlər ki, borc var, vəssalam. Axı bizim də əlimizdə çeklər var. Qaz idarəsinin işçiləri deyir ki, ola bilsin keçmiş qaz pulu yığan adam sizdən ödənişi alıb, çek verib, amma pulu dövlət büdcəsinə ödəməyib. Bu, artıq cinayət əməlidir”.

İlqar Sadıqov

Şənbə, 27 Aprel 2013 00:00

Məmurların bölüşdürdüyü rayon

Yazan

Rayonda işsizlik yüksək həddəçatıb, əhali kredit borcu içindədir, məmurların zülmü isə baş alıb, gedir

İlk baxışdan Ağsuda diqqətimizi mərkəzi yolun hər iki tərəfindəki hasarlar çəkir. Hasar yarıya qədər bir formada, digər hissə isə fərqli şəkildə üzlənib. Hələ iş tamamlanmayıb. 

Söhbətləşdiyimiz sakinlər də deyirlər ki, icra başçısının rayonda gördüyü işlər hasarların üzlənməsindən o yana getmir: “Təmirə başlayırlar, hasar yarıyacan üzlənir. İş sona çatmamış, yenidən başlanır və bu dəfə fərqli şəkildə üzlük vurulur. Daha sonra üçüncü bir üzlük... Beləliklə, ilboyu hasar beləcə təmir edilir və milyonlar çölə səpilir. Küçələrə asfalt çəkirlər, heç bir il keçmir ki, dağılır”.

Ağsuya səfərimizdə rayonun problemlərindən danışan sakinlər bildirdilər ki, əhalinin durumu olduqca acınacaqlıdır: “Biz ətraf rayonlardan da pis gündəyik...” 

İlqar Sadıqov

İsmayıllı olaylarının qarşısını almaq üçün Daxili Qoşunların, Çevik Polis Alayının, Zaqatala rayon Polis Şöbəsinin əməkdaşları rayonda səfərbər oldular. Məlumat var idi ki, qonşu rayondakı polis şöbələrindən də əraziyə ezam olunan işçilər var. Mitinqdən sonra etirazçıların tələbləri ilə birlikdə polisin özünü necə aparması da müzakirə olunur. 

Sabiq polis rəisi, polkovnik, Elmi-Praktik Hüquq Mərkəzinin əməkdaşı Mahmud Hacıyev deyir ki, polis işçiləri mitinq zamanı qanun pozuntularına yol veriblər. "Su şırnaqlarından, rezin güllələrdən, gözyaşardıcı qazlardan son məqamda istifadə olunmalıdır. Bu tədbir lüzum olmadan edilirsə, qanun pozuntusudur. Mən düşünürəm ki, bu tədbirlərə ehtiyac yox idi. Polisin daxili təimatı, hüquqi aktları var, ona əməl olunmalıdır. Su şırnaqlarından, gözyaşardıcı qazdan ən son halda istifadə olunmalıdırsa, bizim polis ilk fürsətdə bunlardan istifadə etdi". 

Ekspert deyir ki, rayona Çevik Polis Alayının göndərilməsinə ehtiyac yox idi. Bu hadisənin qarşısını almaqda rayonun polis şöbələri və qonşu rayonun polis əməkdaşları kifayət edirdilər.  

O bildirir ki, saxlanılan şəxslər haqqında onun valideynlərinə və ictimaiyyətə məlumat verilməməyi qanun pozuntusudur. "İnsanlar istintaqa cəlb olunursa, bu barədə onların valideynlərinə, vətəndaşlara məlumat verilməlidir. Bir çox etirazçı tutulandan bir neçə gün sonra onun valideynlərinə məlumat verilməyib. Burada qanun pozuntusu var. Hüquqi dövlətdə buna insan oğurluğu kimi baxırlar. Valideynin xəbəri yoxdur, amma oğlunun başına torba keçirib Bakıya gətiriblər". 
Sabiq polis rəisi, mitinq zamanı polis işçilərinin ictimai iaşə obyektlərinə keçərək obyektləri bağlamaq haqqında təlimat verməsinə etiraz edir. "Bu komendant vaxtı təyin olunanda olur. Ərazidə komendant saatı elan edilir, o zaman ictimai iaşə obyektlərinin bağlanılmasına qərar verilir. İsmayıllıda müharibə şəraiti, fövqəladə hadisə yoxdur. Polis ictimai iaşə obyektlərinə hücum edir ki, "bağla, işləmə". Bunlar bilərəkdən edilir. Onlar rayon camaatı arasında xof yaratmaq istəyirlər. Bu cür metodlar Stalinin dövründə müharibədən sonra tətbiq olunub. İndi bu metodlar keçmir. Bu hüquq-mühafizə orqanlarını nüfuzdan salır". 

M. Hacıyev Mütəşəkkil Cinayətkarlıqla Mübarizə İdarəsində saxlanılan şəxslərin fiziki və psixoloji təzyiqlərə məruz qalmasını istisna etmir. O deyir ki, bu barədə məlumatsızlıq təmin olunduğuna görə istənilən qanunsuzluq edilə bilər. 

Daxili İşlər Nazirliyinin mətbuat xidmətinin əməkdaşı Orxan Mansurzadə "Bizimyolinfo.com" a deyir ki, İsmayıllı olayında təqsirləndirilən 12 nəfər az bir müddətdə Baş Mütəşəkkil Cinayətkarlıqla Mübarizə İdarəsində saxlanılıblar. Onlar hazırda istintaq təcridxanasına göndəriliblər. "Bu gün Ombudman Aparatının əməkdaşları saxlanılan 12 nəfərlə görüşüblər. Onlar Mütəşəkkil Cinayətkarlıqla Mübarizə İdarəsində saxlanma şəraitindən və onlara edilən rəftardan şikayət etməyiblər. Daxili İşlər Nazirliyi, Baş Prokurorluq, Qeyri-hökumət təşkilatları saxlanılan şəxslərə qarşı qeyri-insani rəftar olunmamasına nəzarət edirlər".  

Baş Prokurorluğun Ağır Cinayətlərə Dair İşlər üzrə İstintaq İdarəsində İsmayıllı hadisələrində saxlanılanlarla 10 nəfərlə bağlı Cinayət Məcəlləsinin 186.2.1, 233 və 315.2-ci maddələri üzrə, 2 nəfərlə bağlı 221.2.1-ci maddəsi ilə cinayət işi başlanıb.

İlqar Sadıqov

Ürfət İbrahimov həbsdən çıxsa da, zərərçəkənlərin pullarını geri qaytarmayıb

Şəki şəhər icra hakimiyyətinin keçmiş başçısı olmuş Nazim İbrahimovun qardaşı Ürfət İbrahimov 43 nəfərin pulunu alaraq mənimsəmədə, eyni zamanda külli miqdarda vergidən yayınmada ittiham olunur. Zərərçəkənlərin hüquqlarını müdafiə edən Valeh Yusifli "Bizim Yol"a müraciətində "Şəki-Bazar" ASC-nin nəzdində ticarətlə məşğul olan bir qrup rayon sakininin hüquqlarının pozulduğunu bildirib. 

Qeyd edək ki, Ürfət İbrahimov 2001-2010-cu illərdə "Şəki-Bazar" ASC-nin İdarə Heyətinin sədri olub. Müraciətdə bildirilir ki, Ü.İbrahimov 2009-cu ildə özünə yaxın adamların vasitəsi ilə şəhərdə şayiə yayıb ki, guya tezliklə Şəkinin hazırkı əsas bazarı söküləcək. Ona görə də Salman Mumtaz küçəsində 1800 nəfərlik bazar tikdirməyə başlayıb. Bu zaman hazırkı bazarda işləyənlərdən yeni obyektin tikintisi üçün pul ödəmələrini tələb edib. Bununla bağlı Baş Prokurorluq yanında Korrupsiyaya Qarşı Mübarizə İdarəsinin materiallarından məlum olur ki, köşklər üçün 600 manat, mağazalar üçün isə sahəsindən asılı olaraq 12-24 kv.m-dək dükanlara görə 2500-4200 manat pul toplanıb. "Ticarətçilərə 1,5 il ərzində onlardan icarə haqlarının yığılmayacağı deyilib, bəzilərinə isə alınan pulun əvəzinə saxta qəbzlər verilib. İş yerlərini itirməkdən qorxuya düşən yüzlərlə ticarətçi əllərində olan vəsaitləri  bazarkomun adamlarına-Zöhrə Allahverdiyevaya, Bayraməli Rəsulova, Sahib Qarayevə veriblər", deyə şikayətçilər qeyd edirlər. 

İlqar Sadıqov

Binəqədinin icra başçısı Xaləddin İsgəndərov vəzifədən azad olunmuş hesab edilir. İki gün əvvəl Administrasiyaya çağırılaraq nəyin baş verməsi ilə sorgu-sual olunan icra başçısı cavab verə bilməyib. Bütün axar su kanallarının ərazisini sataraq milyonlar qazanan icra başçısının nəzarətindıə olan paytaxt rayonu indi suyun altında qalıb.

Mediafax.Az-a danışan mənbə bilririr ki, Xaləddin İsgəndərova son söz deyilib. Yaxın günlərdə sərəncam gözləyən icra başçısına kimsə kömək edə bilməyib. Ötən il onlarla insanın ölməsi və ciddi hadisə kimi yanddan qalan bina yanğınından müxtəlif bəhanələrlə sivrilib çıxan Xaləddin İsgəndərovun əməllərindən yuxarılar da cana doyub.

Bakının yağış sularının altında can verməsi fonunda Binəqədidə bunun pik nöqtəyə çatması və daha qabarıq hala çevrilməsi yoldaş İsgəndərovu daha pis vəziyyətdə qoydu. Binəqədini ucqar dağ kəndinə dondərən, boyuk bir xarabalığa çevirən Xaləddin İsgəndərov hələ də güclü olduğunu düşünürdü. Vergilər naziri Fazil Məmmədovdan güc alan, FHN şefi Kamaləddin Heydərovun əli çiynində olan icra başçısını yağış suyu yuyub apardı.

Məlumat üçün bilirək ki, hazırda Binəqədidəki bina yanğınında günahlandırılanların məhkəmə prosessi davam edir. İcra başçısı olduğu üçün bu məhkəmədən canını qurtarmağı bacaran İsgəndərovun postdan salındıqdan sonra istintaqa cəlb olunması da mümkündür. Yalnız bundan ehtiyyat edən icra başçısı var gücü ilə postunu qorumağa çalışır. Mətbuatla gizlin anlaşmalar yapan icra başçısı haqqında pis nəysə yazılmasını əngəlləyir. Bu isə effektsizdir və ən maraqlısı odur ki, İsgəndərovun əməkdaşlıq etdiyi mətbu orqanlar dolayısı ilə müxalifət mətbuatı hesab olunur.

Mətbuatda qalmaqalla xatırlanan idmançı Kamil Zeynallı bu dəfə də sosial medianı silkələyib. Belə ki, o, aprel döyüşlərində yaralanmış əsgərlə şəkil çəkdirərək öz səhifəsinə yerləşdirib və əsgərin problemlərini qabardıb.

Cebhe.info xəbər verir ki, bu barədə Kamil Zeynallı nazir müavininin əsgəri köməksiz qoymasından bəhz edərək bunları yazıb:

“Aprelin 3-ü Tərtər istiqamətlərində gedən döyüşlərdə Azərbaycan əsgəri Hüseynov Bəhruz Adıgözəl oğlu ayağından qəlpə yarası alıb ve o gündən ayağı bu vəziyyətdedir. 2 dəfə əməliyyat olub və ayağında dəmirlərlə gəzir, həm də qoltuq dəyənəyi ilə. Qalıb köməksiz, mənə görə, sizə görə, Azərbaycanıma görə yaralanıb, amma heç bir yardım göstərilmir. İmkanlı adamlardan yardım gözləyir, bu qardaşa imkanlı şəxslər yox, dövlət kömək olmalıdır. Mən bilirəm ki, cənab prezidentin bu yaralı əsgərlərdən xəbəri yoxdur, bilsə, heç vaxt qoymaz ki, əsgərlərimiz küçələrə düşüb yardım istəsin. Prezidentimiz gözəl insandır, tapşırıq verib ki, yaralı əsgərlərə kömək edin, ay bəzi məmurlar, amma lazımsız şəxslər deyirlər ki, hər şey yaxşıdır, cənab prezident, hər kəsə kömək edirik.

Bir həftə qabaq gediblər Əmək və Əhalinin Sosial Müdafiə Nazirliyinə, cənab nazir Səlim Müslümovla görüşüblər. Səlim bəyi mən tanıyıram, çox gözəl ürəyə sahibdir. Nazir öz müavininə tapşırıb, deyib ki, kömək edin bu oğlana... Nazir gedəndən sonra müavin əsgərə deyib ki, necə kömək edək, biz maaşa işləyirik, dövlətin pulunu necə verim sənə?! Çox ayıb sadəcə, bu cavan oğlan sənə görə, bizə görə bu hala düşüb, necə yəni necə kömək edək? Bilirəm, nazirin xəbəri yoxdur,100% deyib ki, həll elədik, getdilər... Mənim yanıma gəlib bir qardaş kimi məndən kömək istədi. Mən də öz üzərimə düşən köməyi etdim maddiyat tərəfdən, gəlin, dostlar, kömək edək bu gənc ƏSGƏRİMİZƏ... Ayaqları pis ağrıyır, gecələr ağrıdan yata bilmir... Kim kömək etmək istəsə bu nömrə ilə əlaqə saxlasın. 055-360-03-80 ” 

Çərşənbə, 26 Oktyabr 2016 00:00

Əli Abbasov barəsində cinayət işi açıldı

Yazan

Sabiq rabitə və yüksək texnologiyalar naziri Əli Abbasov və nazirliklə əməkdaşlıq edən bir neçə şirkətin nümayəndələri barəsində ayrıca cinayət işi başlanıb.

Trend-in məlumatına görə, sabiq nazirin barəsində olan cinayət işi Rabitə və Yüksək Texnologiyalar Nazirliyinin sabiq yüksək rütbəli əməkdaşları barədə başlanmış cinayət işindən ayrılıb və ayrıca icraata verilib.

Ə.Abbasov və digərləri Cinayət Məcəlləsinin 179.3.1-ci (mənimsəmə və ya israf etmə, mütəşəkkil dəstə tərəfindən törədildikdə), 179.3.2-ci (mənimsəmə və ya israf etmə, külli miqdarda törədildikdə), 29, 179.3.1-ci (mənimsəmə və ya israf etməyə cəhd, mütəşəkkil dəstə tərəfindən törətməyə cəhd), 29, 179.3.2-ci (mənimsəmə və ya israf etməyə cəhd, külli miqdarda törətməyə cəhd), 308.2 (vəzifə səlahiyyətlərindən sui-istifadə) və 313-cü (vəzifə saxtakarlığı) maddələri ilə təqsirləndirilirlər.

Qeyd edək ki, 2015-ci ilin noyabr ayının 13-də Baş Prokurorluğun Rabitə və Yüksək Texnologiyalar Nazirliyindəki həbslərlə bağlı yaydığı rəsmi məlumata görə, nazirliyin Aparat rəhbəri V.Zeynalovun qulluq mövqeyindən sui-istifadə edərək nazirliyin strukturuna daxil olan ayrı-ayrı qurumların vəzifəli şəxsləri ilə qabaqcadan razılaşmaqla həmin strukturlar tərəfindən işlərin görülmədiyi, tam yerinə yetirilmədiyi, avadanlıqlar alınmadığı, istifadə olunan avadanlıqların, xidmətlərin qiymətlərinin isə 4-5 qat şişirdilməsi və digər üsullarla işlərin və xidmətlərin guya yerinə yetirilməsini özlərinin himayə etdikləri, yaxın münasibətdə olduqları şəxslərin adına olan özəl şirkətlər tərəfindən saxta sənədlər əsasında rəsmiləşdirməsini təmin etməklə müvafiq müəssisələrin ayrı-ayrı banklardakı hesabına köçürülmüş 73 milyon 590 min manat pul vəsaitinin nağdlaşdırılmaqla mənimsənilməsini və israf edilməsini təşkil etməsində şübhələr üçün əsaslar müəyyən edilib.

Bundan başqa, Baş Prokuror yanında Korrupsiyaya qarşı Mübarizə Baş İdarəsi tərəfindən RYTN sistemində həyata keçirilmiş yoxlamalar nəticəsində “Aztelekom” MMC-nin sabiq baş direktoru Məmməd Məmmədov, "Bakı Telefon Rabitəsi" İstehsalat Birliyinin sabiq rəhbəri Beytulla Hüseynov, "Bakı Telefon Rabitəsi" İstehsalat Birliyinin baş mühasibi Anar Mustafayev, “AzİnTelekom” MMC-nin sabiq baş direktoru Cəlil Cəfərov, “Azərpoçt” MMC-nin sabiq baş direktoru Qənbər Bəybalayev, “Optik Rabitə, Tikinti və Quraşdırma” MMC-nin baş mühasibi Səhrab Hümbətov, həmçinin Emin Məmmədov, “Bakı Telefon Rabitəsi” İstehsalat Birliyinin (BTRİB) Nizami telefon qovşağının sabiq rəisi Fətullah Seyidov və həmin birliyin baş mühasibi Rəşad Məmmədov, “Bakı Rabitə Təmir Tikinti” və “Təmir Təchizat Servis” MMC-lərinin direktoru Bayram Vəliyev, "Optik Qurğular" İdarəsinin rəisi N.Məmmədov və “Aztelekom” MMC-nin baş mühasibi Oqtay Rüstəmov da saxlanılıblar. Məhkəmə onlar barəsində həbs qətimkan tədbirinin seçilməsi barədə qərar verib.

Sabiq rabitə və yüksək texnologiyalar naziri Ə.Abbasovun adı həmin cinayət işində keçsə də, onun barəsində həbs qətimkan tədbiri seçilməmişdi.

"Biz bu qapıdan girəndə ədaləti çöldə qoyub girmişik. Bunu bizdən əvvəl ədalətsizliyə etiraz edənlər də nəzərə almışdı. Bura bizim üçün müvəqqəti istirahət yeridi. Verdiyiniz cəzanın ağırlığından da çəkinmirik. Bu inam azadlığa, doğrulara olan inamdı. Anam məhkəmədə dedi ki, bir ana kimi fəryad edir. Amma anam bilsin ki, övladı doğruların yanındadı. Övladı doğruların yanında olan analar fəryad etməsinlər".
Prokuror 9 il istədi, amma 12 il istəyə bilərdi. Bilirəm ki, bu çıxışımdan sonra peşmandı. Prokuror peşman olduğuna görə də mən burada şənlənirəm" - bu sözləri ölkədə heykəl məhbusu kimi tanınan, rəsmən isə narkotik vasitələrin qanunsuz dövriyyəsində təqsirləndirilən “Nida” Vətəndaş Hərəkatının üzvü Qiyas İbrahimov oktyabrın 25-də Bakı Ağır Cinayətlər Məhkəməsində keçirilən məhkəmə prosesində deyib. Hakim Ənvər Seyidovun sədrliyi ilə keçirilən prosesdə Q. İbrahimov prosesdə son sözlə çıxış edib. O, ittihamla razılaşmadığını deyib. Daha sonra hökm oxunub. Hökmə əsasən, Q. İbrahimov 10 il müddətinə azadlıqdan məhrum edilib. Qeyd edək ki, ötən iclasda dövlət ittihamçısı çıxış edərək, Q. İbrahimovun 9 il müddətinə azadlıqdan məhrum olunmasını istəyib. Lakin məhkəmə ona 10 il həbs cəzası kəsib.

Əvvəldə rəsmən bəyan eləmək istəyirəm ki, VƏTƏN sevgisi imandandir və öz millətini, soydaşlarını sevmək qohumlarını sevmək kimi təbii bir hissdir. Ancaq, heç bir halda xəstə təəssübkeşlik hissi alqışlanmamalıdır. 

Millətçilik ağına-bozuna baxmadan öz millətinin nümayəndələrini hamıdan üstün tutmaq deyil, haramxorluq, yalançılıq, yaltaqlıq, qorxaqlıq, haqsızlıq, əxlaqsızlıq, zalımlıq və sair bu kimi rəzil sifətləri hamıdan əvvəl, özün başda olmaqla, öz millətinin nümayəndələrinə rəva bilməmək formasında olmalidir. Əslində bu hissin ümmətçilik kontekstində olması bəyəniləndir. Yox, artıq bu millətçilik deyilən “azar” səni tapibsa, heç olmasa belə olsun.

 Bu gün turançılıq, türkçülük yönümündə səslənən "türkün türkdən başqa dostu yoxdur" kimi şuarlar, əslində etnik türk olan azəriləri, osmanlı türkləri və iraq türkmənlərini vahid bir qütb olaraq təqdim etməyə xidmət edir. Nədənsə bir neçə il bundan öncə İŞİD İraq türkmənlərinin evlərini viran qoyub, qiz-gəlinini qul bazarında satanda və bu zülmün sürdürüldüyü müddət ərzində nə AXCP, nə Müsavat, nə də digər turançı və türkçü toplumlar belə haray-həşir salmırdılar.
 Bu gün isə, İraq Sünni Üləmalar Şurasının sədrinin, İraq türkmənlərinin hərbi və siyasi rəhbərliklərinin israrla Mosul əməliyyatına kənardan heç bir müdaxilə istəmədiklərini bəyan etməklərinə, öz güclərinin yetərli olduğunu bildirmələrinə baxmayaraq, vahid mərkəzdən komanda almış kimi bütün türkçü və turançı qüvvələrin qəfil hərəkətə gəlməsi düşündürməyə bilməz.
 Məsələni daha dəqiq incələdikdə, Mosula hücum eden silahlı qüvvələr arasında tam məzhəb vəhdətinin hökm sürdüyünü nümayiş etdirən bəyanat, vəhdət namazlarinin video və foto görüntülərinin yayılmasına baxmayaraq bu əməliyyatın şiiələrin sünnilərə divan tutması kimi təqdim olunmasına bu qədər israrlı cəhdlərin əsil məqsədi aydın olmaqa başlayır.

Son günlər Mosul və Kərkük ətrafında cərəyan edən hadisələrdə ilk baxışda biri - biri ilə heç bir əlaqəsi olmayan tərzdə, bir yerdə şiələrin zalım, digər yerdə isə türkmənlərin məzlum kimi təqdim olunması əslində "optik yalan" effekti yaratmaq, insanların şüuraltına "şiə-türk" qarşıdurmasının mövcudluğu anlayışını sızdırmaq məqsədi güdür.
 Daim bütün mümkün vasitə və metodlarla şieliyin "fars istehsalı", şiəliyin irançılıq, turan və türk düşmənçiliyi kimi təqdim olunmasını da nəzərə alsaq, əsil niyyətin Azarbaycanda şiə-türkçü qarşıdurması yaradaraq bu bəlanın türk-fars qarşödurması kimi qonşu İrana transfer olunması olduğuna şübhə yeri qalmır.
 Əgər bu gün kiminsə İraqda türkmən qardaşlarınızın məruz qaldığı zülmə görə ürəyi ağrımırsa, o, şəxs türk və müsəlman deyil!

Ancaq bunu da unutmayaq ki, digər yerlərdə, Yəməndə, Suriyada, İraqda, Myanmada, Nigeriyada və sair coqrafiyalarda müsəlmanlara olunan zülmə görə ürəyi ağrımayanlar nəinki türk və müsəlman, hətta insan deyil.
Mən Əli (ə) şiəsiyəm, bu, mənim əqidəmdir. Ancaq mənim siyasi mənsubiyyətim Azərbaycan vətəndaşı olmaqdır. Bu gün Azərbaycanda özünü şiə hesab edən kimsə, vətənimizin və dövlətçiliyimizin əleyhinə, İran və Türkiyə başda olmaqla hansısa dövlətlə siyasi əməkdaşlıq edərsə, öz subyektiv fikrim olaraq qətiyyətlə bildirirəm ki, o şəxs bizden deyil.
Şiəlik İranin daxilində deyil, İran şiəliyin daxilində bir məvhumdur. İran inqlabdan qabaq, şah rejiminin əsarətində olanda da dünya şiələri əslən İrandan olan müctəhidlərə təqlid edirdi və irançı sayıla bilməzdilər.
Nəyə görəsəməsələyə millətçilik kontekstindən baxan qardaşlarımız İranın ali dini rəhbərinin və silahli qüvvələrinin baş qərargah rəisinin milliyyətcə azəri olduğunu israrla görməzdən gəlirlər.
Bu gün sionizm və imperializm Azərbaycanda, yalançı "şiəlik-fars şovunizmi" düsturundan, xalqımızın bu mənfur niyyət barədə məlumatsızlığından yararlanaraq, şiəliyi türkçülük qarşısında duran ikinci, əks qütb kimi təqdim etməklə ictimai-siyasi sabitliyi pozmaq , burada "fitilin ucunu" alışdırrnaqla əsil bombanı Ərdəbil və Təbrizdə partlatmaq istəyir.
Aşırı türkçü baxışlı qardaşlarımız bilməlidirlər ki, qonşu İranın dağılması nəticəsində nəinki biz turanı qazanmayacağıq, əksinə, müstəqilliyimizi sözün tam anlamında itirəcəyik. Bu gün bütün Azərbaycan vətəndaşları İran və irançılığa xatir deyil, haqq, azadlıq və Azərbaycana xatir birlikdə bu bəlanın qarşısını almağa səfərbər olmalıdır.

Xeber.İnfo

 

Çərşənbə axşamı, 25 Oktyabr 2016 00:00

Pakistanda terror nəticəsində 59 nəfər ölüb - VİDEO

Yazan

Pakistanda 200 nəfərdən çox polis kursantı silahlı şəxslər tərəfindən girov götürülüb. 

Vetenugrunda.az-ın Türkiyə mətbuatına istinadən verdiyi xəbərə görə, hadisə ölkənin cənub-qərbindəki Kvett şəhərində baş verib. Belə ki, bir qrup silahlı şəxs polis kollecinə hücum edib.

Dünən “Kalaşnikov” avtomatı və qumbaralarla silahlanan bir qrup terrorçunun Pakistanın Kvetta şəhərindəki polis akademiyasına hücumu nəticəsində 59 adam həlak olub, 200 nəfər girov götürülüb, 117 nəfər isə yaralanıb.

Təhlükəsizlik qüvvələri terrorçuların üçünü məhv edib, 250 tələbə akademiyadan kənara çıxarılıb. Terrorçular akademiyaya hücum edən vaxt orada 600-dən artıq tələbənin olduğu ehtimal edilir.

Qanlı hadisəyə görə məsuliyyəti heç bir qruplaşma öz üzərinə götürməsə də, Pakistan ordusunun nüfuzlu generallarından olan Şər Afqun isə Polis hadisənin “Taliban” qruplaşmasına daxil olan “Laşkar-e Canqvi” terror qruplaşmasının törətdiyini ehtimal edir.

Qeyd edək ki, Pakistanın Pəncap əyalətində mərkəzləşmiş “Laşkar-e Canqvi” terror qruplaşması bundan öncə Belucistanda məzhəb davasını şiddətləndirmişdi. “Laşkar-e Canqvi” terror təşkilatı xüsusilə şiələrə qarşı qanlı hücumları ilə məşhurdur. 

61 -dən səhifə 145