Tuesday, November 21, 2017

Çərşənbə, 02 Noyabr 2016 00:00

Elçin Sadıqov ''Bandotdel''də hədələnib

Yazan

Vəkil kibercinayətkarlığın qarşısının alınması haqda ölkə rəhbərliyinə və Dövlət Təhlükəsizlik Xidmətinə müraciət edəcək

Noyabrın 2-də vəkil Elçin Sadfıqov "Bandotdel" kimi tanınan DİN-in Baş Mütəşəkkil Cinayətkarlığa qarşı Mübarizə İdarəsində hədələnib.

Bu barədə Meydan TV-yə açıqlama verən vəkil Elçin Sadıqov bildirib ki, səhər idarədən jurnalist Fikrət Fərəməzoğlunun cinayət işi üzrə sənədlərini götürəndə iş aparan müstəntiq Nəzarət Buraxılış Məntəqəsində ona hədə-qorxu gəlib: "Mənə dedi ki, Fikrət Fərəməzoğlunun həyat yoldaşı ilə sənin idarənin əməkdaşları barədə məlumat yaymağınız sizə baha başa gələcək. Mən cavab verdim ki, biz hüquq çərçivəsində müdafiə işlərini həyata keçiririk. Sonradan mənim və Fərəməzoğlunun həyat yoldaşı barədə şantaj dolu məlumat yayıldı. Xəbər tanınmayan reytinq.info saytında yayılıb. "Facebook"-da həmin məlumatın yalan və şantaj olduğunu bildirdikdən sonraadıma bir neçə saxta profil açıldı və dostlara yenidən dostluqlar göndərildi".

Vəkil Sadıqov kibercinayətkarlığın qarşısının alınması haqda ölkə rəhbərliyinə və Dövlət Təhlükəsizlik Xidmətinə müraciət edəcək:

"Vəkilin konstitusion fəaliyyətinə görə təqib olunması demokratiyanın, ədalət mühakiməsinin təməl prinsiplərinə ziddir. Ümid edirəm ki, hökumət bu qanunsuz təqiblər son qoyacaq".

"Reytinq" qəzetinin saytına (reytinqinfo.az) hakerlər tərəfindən təxribat törədilib. Hakerlər, hazırda həbsdə olan jam.az saytının baş redaktoru Fikrət Fərəməzoğlunun ailəsi ilə bağlı adəçəkilən sayta təhqiramiz yazı yerləşdiriblər.

Bu barədə mia.az-a açıqlama verən "Reytinq" qəzetinin baş redaktoru Afiq Mirzəbəyli deyib ki, həmin təxribatçı yazı səhər saatlarında başqaları tərəfindən sayta yerləşdirilib və facebookda paylaşılıb.

A.Mirzəbəyli onu da əlavə edib, yazı dərhal saytdan silinib. Onun sözlərinə görə, texniki əməkdaşlar bu yazının sayta hansı yolla yerləşdirildiyini araşdırırlar.

Deputatın MTN əlaqələri, dələduzluqla bağlı qalmaqallar və 3 milyon manatlıq mandat…

Rəfael Cəbrayılovla bağlı son dövrlərdə üç хoşagəlməz хəbər yayılıb. Hər üçündə də deputat və qardaşı başqalarının pulunu mənimsəməkdə ittiham olunur.

V çağırış Azərbaycan Respublikası Milli Məclisinə seçkilərininin bir ili yaxınlaşır. Ötən bir il ərzində parlament üzvlərinin və ümumiyyətlə ilk dəfə deputat seçilən şəxslərin fəaliyyəti ilə bağlı mətbuatda yazılar yayımlanmaqdadır. Bəzi deputatlar açıqlamaları, müsahibləri ilə gündəmə gəlsələr də, mətbuata ümumiyyətlə çıxışı olmayan, haqqında barmaqla sayılacaq qədər az yazı çıxan millət vəkilləri də var.

Belə deputatlardan biri də 46 saylı Şirvan şəhər Seçki Dairəsindən qalib elan olunaraq mandat almış Rafael Cəbrayılovdur. R.Cəbrayılovun ilə bağlı AzToday.az olaraq media üzərindən apardığımız araşdırmalarda maraqlı məqamlarla rastlaşdıq. Sən demə parlamentin passiv deputatlarından olan bu şəxsi parlamentin “qalmaqallar kralı” adlandırmaq olar.
Beləliklə, mandat sahibləri haqda silsilə yazılarımız ilk olaraq 46 saylı Şirvan şəhər Seçki Dairəsindən qalib elan olunaraq mandat almış Rafael Cəbrayılov haqdadır. Onu da qeyd edək ki, bu şəxsin adı mediada ən müxtəlif qalmaqallarla hallanıb və media üzərindən araşdırmalarımız sayənsində əldə etdiyimiz faktları sizin də diqqətinizə çatdırmağı vacib bildik. Gördüklərimizi, bildiklərimizi və başqalarının fikirlərini təqdim edəcəyik. Amma ilk öncə qısa
Tərcümeyi-hal:
Cəbrayılov Rafael Kamil oğlu 28 dekabr 1958-ci ildə anadan olmuşdur. 1976-cı ildə Şirvan şəhər 9 saylı orta məktəbi bitirmişdir. 1985-1992-ci illərdə Sabirabad rayon prokurorluğunun müstəntiqi və baş müstəntiqi, 1992-ci ildən isə Azərbaycan Respublikası Baş Prokurorluğunda müxtəlif məsul vəzifələrdə çalışmışdır. Rütbəsi Ədliyyə müşaviridir (ədliyyə polkovnik-leytenantıdır). III çağırış Azərbaycan Milli Məclisində 9 saylı Binəqədi ikinci seçki dairəsindən, son parlament seçkilərində isə 46 saylı Şirvan şəhər Seçki Dairəsindən deputat seçilmişdir. Bitərəfdir. Hüquq siyasəti və dövlət quruculuğu komitəsinin üzvüdür. Rus və ingilis dillərini bilir. 50-dən artıq elmi-publisitik məqalənin müəllifidir. Ailəlidir, iki övladı var. Bu yalnız rəsmi məlumatdır. Amma AzToday.az olaraq mediadan topladığımız məlumatlarda maraqlı və ilginc faktlar yer alır.
3 milyonluq mandat alveri
Rəfael Cəbrayılovla bağlı iddialardan birinin yaranmasına səbəb keçən seçkilərlə bağlıdır. Hələ bir neçə il əvvəl keçmiş ABU rektoru Elşad Abdullayev bəyan etmişdi ki, o, daha bir deputatın ifşasına həsr edilən video yaya bilər. Elşad Abdullayevlə seçki müzakirələrini əks etdirən videogörüntülərdə sabiq YAP-çı deputat Gülər Əhmədova Rafael Cəbrayılovu da öz gücü ilə deputat seçdirdiyini demişdi. E.Abdullayevə mandat vəd edən G.Əhmədova bildirmişdi ki, onun gücü kifayət qədərdir: “Rafael qalmışdı kənarda, bilmirdi nə etsin… Mən onun işini həll elədim. Rafael Cəbrayılov gətirib pulunu verdi, işi də həll olundu…”. Bu məqamda onu da xatırladaq ki, R.Cəbrayılovun deputat mandatını rüşvətlə aldığı barədə indiyə qədər mediada bir neçə dəfə informasiyalar yayılıb. Hələ 2010-cu ildə mediada yayılan məlumatlarda 9 saylı Binəqədi seçki dairəsindən deputat seçilmək üçün R.Cəbrayılovun 3 milyondan çox pul xərclədiyi bildirilirdi. Lakin həmin informasiyada R.Cəbrayılovun deputat seçilməsinə köməkliyi G.Əhmədovanın deyil, spiker Oqtay Əsədovun etdiyi qeyd olunmuşdu.
Biznesi qorumaq üçün “deputat qalxanı”
Milli Məclis tarixində “həm pulundan, həm də sağlamlığından” oldu deyə biləcəyimiz şəxslərdən biri olan R.Cəbrayılovun yaxın çevrəsi deputatın həmin ərəfələrdə güclü stres keçirtdiyini deyirlər. R.Cəbrayılovun bir neçə dəfə məlum hadisələrdən sonra yaşadığı stresə görə müalicə olunduğu iddia olunur. Belə ki, media üzərindən araşdırmalar zamanı o məlumatı da əldə edilib ki, Gülər Əhmədova söhbətindən özünü xilas edə bilən deputatın biznesinin çöküşü indi onun qarşısında duran ən böyük problemlərdən birinə çevrilib. İş ortaqlarının kənara çəkilməsindən sonra çıxılmaz vəziyyətdə qalan R.Cəbrayılov üçün bu dəfə deputatlıq qalxanına daha çox ehtiyyac yaranıb. Qeyd edirlər ki, seçkidən seçkiyə seçiciləri yada salan R.Cəbrayılov nə parlamentdə Şirvanın problemlərini dilə gətirib, nə də verdiyi vədlərə əməl edib.
“Prorab” namizədin başıbəlalı platforması
R.Cəbrayılov ötən seçki platformasını də təkrar açıqlayıb. Hərçənd, köhnə vədlər və yerinə yetirilməyən məsələlər yenə də bu platformada yer alıb. Bu azmış kimi, deputat savadsızlığını nümayiş etdirib. Demək olar ki, platformanın hər cümləsində səhvlər var. Millət vəkili olan bir siyasətçinin geniş həcmli olmayan yazıda ardıcıl səhvlər buraxması sadəcə, biabırçılıq adlana bilər. Seçkini başlı-başına buraxmış Rəfael Cəbrayılovun əhali ilə görüşləri də bərbad səviyyədə keçirdi. Belə ki, verilən məlumata görə, sözügedən şəxs əslən Şirvanlı olsa da, əhalinin heç də rəğbətini qazana bilməyib. Elə bu səbəbdəndir ki, deputat seçiciləri ilə görüşü inzibati qurumların imkanlarından yararlanmaqla təşkil edir. Bəzi iddialara görə isə Cəbrayılov bu zaman maddi imkanlarından da yararlanır. Onun seçki kampaniyasındakı digər bir biabırçı cəhəti yazdığı platformasında qəribə iddialar irəli sürməsidir. Məsələn, həmin platformada yazılıb: “Sovet dövründə inşa edilmiş cox mərtəbəli yaşayış binalarının əsaslı təmir olunması da məqsədimdir”. Əvvəla bir deputatın vəzifəsi tikinti işləri ilə məşğul olmaq deyil. Həmçinin millət vəkili yol çəkmək, qaz xəttinin çəkilməsini təmin etmək və digər bu kimi işlərlər məşğul olan şəxs deyil. Bunlarla dövlət qurumları məşğul olmalıdır və onların bilavasitə vəzifələridir. Görünür, Rəfael Cəbrayılov həqiqətən də “prorab”lıqla deputatlığı səhv salıb. Geniş biznes şəbəkəsinə sahib Rəfael Cəbrayılovla bağlı qalmaqallar bununla yekunlaşmır. Bildirək ki, R.Cəbrayılovla bağlı son dövrlərdə üç хoşagəlməz хəbər yayılıb. Hər üçündə də deputat və qardaşı başqalarının pulunu mənimsəməkdə ittiham olunur.
“Sinəsində gəzdirdiyi deputat nişana hörmət”, yaxud ev fırıldağı
Bakı şəhərində yerləşən “Lombard”da işləyən Osman Hacıyevin müəssisənin daimi müştərisi Mirəhməd Abbasovla dostluq əlaqəsi yaranıb. M. Abbasov övladları üçün ev almaq istəyən O.Hacıyevə deputat Rafael Cəbrayılovla şərik olduğunu və ona çox münasib qiymətə ev ala biləcəyini söyləyib. Evin kvadrat metrində çox böyük endirim etdirən Mirəhməd Abbasov Osman Hacıyevin etimadını qazanıb. Osman Hacıyev Rafael Cəbrayılovun qardaşı Elşən Cəbrayılovun adına olan “Dərhal” MMC tərəfindən Mehdiabad qəsəbəsində inşa edilmiş Binəqədi Gənclər Şəhərciyində yerləşən kompleksdəki 2-ci bina, 1-ci blok, 3-cü mərtəbədə yerləşən 117 kv.metrlik mənzili alıb. Bunun üçün Mirəhməd Abbasova 52 min manat ödəyərək, mənzilin müqaviləsini və ödəmə çekini təhvil alıb. 14 sentyabr 2012-ci ildə Elşən Cəbrayılovla bağladığı müqavilə ilə ev sahibi olduğunu düşünən Osman Hacıyev binanın başa çatmasını gözləməyə başlayıb. Lakin bu yaxınlarda bina ilə bağlı şikayətlər artınca, o, da narahat olaraq, 52 min manat (O zamanın kursu ilə 66 min dollar) ödədiyi evin taleyi ilə maraqlanmağa başlayıb. Lakin gözləmədiyi bir münasibətlə qarşılaşıb. “Dərhal” MMC-dən bildirilib ki, “sənin müqavilən ləğv edilib və ev-filan yoxdur”. Osman Hacıyev haqlı olaraq, pulunu istədikdə isə, “Get məsələni Mirəhmədlə həll et” deyə, kobud cavab alıb. Daha sonra isə Mirəhməd Abbasov R.Cəbrayılovla anlaşaraq, bütün pulları guya deputatın sürücüsünün mənimsədiyi yalanını ortaya atıb: “İddia etdilər ki, guya mən də pulu sürücüyə vermişəm. Halbuki müqaviləni mənimlə imzalayan Elşən Cəbrayılovdur, qəbzi də təqdim edən Mirəhməd Abbasov.Mən tanımadığım və aylıq maaşla çalışan şəxsə necə bu qədər pulu əmanət edə bilərdim? Bütüm bunlar Azərbaycan millət vəkili adına yaraşmayan dələduzluqdan başqa bir şey deyil. Əgər deputat yaxınında olanlardan xəbərsizdirsə, lütfən sinəsində gəzdirdiyi deputat nişana hörmət əlaməti olaraq, bu özbaşınalığa çarə qılsın”.
Məhkəmə deputat, iki qardaşını və yeznəsini sökə-sökə pul ödətdirib
Qeyd edək ki, Osman Hacıyev Cəbrayılovların ilk qurbanı deyil. Artıq neçənci şəxsdir ki, Rafael Cəbrayılov və qardaşlarının aldatmasından şikayət edir. Belə ki, AzToday.az araşdırma zamanı mediada yer alan digər bir faktı da aşkarlayıb ki, Cəbrayılovların “Nikoil” Bank ilə də analoji problemi yaranmışdı. O zaman millət vəkili “Dərhal” MMC-yə zamin durduğu üçün məhkəməyə verilmişdi. Belə ki, “Nikoil Bank” deputat Rəfael Cəbrayılov, qardaşları Elşən Cəbrayılov, Rauf Cəbrayılov və bacılarının yoldaşı Nurəddin Bünyatova məhkəmədə qələbə qazanmışdı. Bank Binəqədi Rayon Məhkəməsinə müraciət edərək, kredit müqaviləsindən irəli gələn ödənilməmiş 790.390 manat əsas borc, 58.094 manat faiz borcu, gecikdirməyə görə hesablanmış 7.722 manat dəbbə pulu və iddia qaldırılması üçün 20 manat dövlət rüsumunun və 20 manat xidmət haqqının , cəmi 856.256 manat məbləğində pul vəsaitinin cavabdehlərdən müştərək qaydada tutulmasına, tutulacaq məbləğin kredit təminatı kimi Rauf Cəbrayılovun xüsusi mülkiyyətində olan Nərimanov rayonunda yerləşən 5 otaqlı mənzilə və “Dərhal” MMC ilə bağlanmış 10.01.2009-cu il tarixli müqaviləyə əsasən, Rauf Cəbrayılovun xüsusi mülkiyyətində olan Binəqədi rayonunda yerləşən 580 kvadrat metr sahədən ibarət olan ofisə məxsus bütün hüquqlara yönəldilməsinə , həmin mənzil və ofis sahəsinə məxsus bütün hüquqların açıq hərracda satış yolu ilə realizə edilməsinə və satışdan əldə ediləcək məbləğin iddia tələbi həcmində olan hissəsinin iddiaçıya ödənilməsinə , ipoteka qoyan və onunla birlikdə yaşayan ailə üzvləri və digər şəxslərin mənzil açıq hərracda satıldıqdan sonra ən geci bir ay ərzində həmin mənzildən çıxarılmasına dair qətnamə qəbul etməsini məhkəmədən xahiş edib. Məhkəmə həmin iddianı qismən təmin edərək, borcun cavabdehlərdən müştərək qaydada tutulması, Binəqədi rayonunda yerləşən ofis sahəsinə dair hüquqların yönəldilməsi və 5 otaqlı mənzilin hərracda satıldıqdan sonra mənzilin ən geci bir ay ərzində boşaldılması barədə qətnamə qəbul edib. Həmin qətnamədən narazı qalan qarşı tərəf isə apellyasiya şikayəti verib. Bakı Apellyasiya Məhkəməsi isə apellyasiya şikayətini qismən təmin edib. Belə ki, mənzilin satılması və boşaldılması ilə bağlı hissə ləğv edilib. Digər hissələr isə dəyişdirilməyib. Göründüyü kimi, “Nikoil” Bank güclü olduğu üçün öz haqqını Cəbrayılov qardaşlarından sökə-sökə alıb. Bu qərarla Azərbaycanda ilk dəfə məhkəmə millət vəkili əleyhinə qərar çıxarıb. Ancaq o zaman da məhkəməyə ağır təzyiqlərin olduğu bildirilirdi.
Deputat qadının belə pulunu mənimsəyib?
İş bununla da bitmir. Eyni dərddə olan onlarla insandan biri də onun çalışdığı “Lombard”ın müdiri Məlahət Qurbanovadır. M.Qurbanova Cəbrayılov və şəriki Mirəhməd Abbasova verdiyi nə 165 min manatı, nə də bu pulun qarşılığında təqdim olunan 300 minlik mülkü ala bilir. İki ilə yaxındır ki, döymədiyi dövlət dairəsi qalmasa da, heç bir qurum Rafael Cəbrayılovun özbaşınalığı qarşısında səsini çıxarmaq istəmir. Əvəzində isə Cəbrayılov illərdən bəri Yeni Azərbaycan Partiyasının aparıcı funksionerlərinə qarşı istifadə etdiyi reket mətbuatında M.Qurbanovanı ağır şəkildə təhqir etdirir. Yəni, bir deputat düşünün, Azərbaycan qadınının pulunu mənimsəyib, özünü isə ləkələməklə məşğuldur. Doğrudan da, rüsvayçı bir durumla qarşı-qarşıyayıq. Bu isə qeyd olunan kimi R.Cəbrayılovun ilk işi deyil.
MTN əlaqələri: “xanımlarının başlarına açdıqları oyunlar”
Rafael Cəbrayılovla bağlı ortada olan iddialardan biri də onun MTN bağlantıları ilə bağlıdı. Bununla bağlı Müasir Müsavat partiyasının sədri Hafiz Hacıyevin fikirlərini olduğu kimi dərc etmək yerinə düşər: “ Mən Rəfael Cəbrayılov kimi nə qadınları aldatmamışam, nə də onların pulunu yeməmişəm. Rəfael Cəbrayılov onu yaxşı bilməlidir. Rəfael Cəbrayılov cinayət məsuliyyətinə cəlb olunmalı və o hüquq mühafizə orqanları qarşısında cavab verməlidir. Bu şəxsin keçmişi də mənə bəllidir. Səviyyəsi olmayan bir insandır. Özü də xalqı aldatmaqla məşğul olan bir adamdır. R. Cəbrayılovun vaxtilə Akif Covdarovla birgə gördükləri iş, ölkəmizin namuslu, qeyrətli xanımlarının başlarına açdıqları oyunların hamısı üzə çıxacaq. Hər halda R. Cəbrayılov burcutmasın. Etdiyi cinayətlərə görə cavab verəcək”.
Eldar Mahmudovdan Əli Həsənova gedən yol
Bəs illərdən bəri insanları aldadan, vəzifəli şəxslər haqqında yalan informasiyaları mətbuata ötürən Cəbrayılov kimə arxalanır? Ötən ilin son aylarına qədər sabiq deputat Çingiz Əsədullayevlə yediyi-içdiyi ayrı olmayan Cəbrayılovun şəriki Mirəhməd Abbasov söhbətlərində sabiq nazir Eldar Mahmudovun adından istifadə edirdi. İndi isə başqa bir vəzifəli şəxsin adından istifadə edilir. Lakin R.Cəbrayılovun həm də baş nazirin müavini Əli Həsənovla yaxın münasibətinin olduğu və “Qaçqınkom” sədrinin onun gizli şəriklərindən olduğu vurğulanır.
(AzToday.az)

Şirvan (Əlibayramlı) şəhərini nəzarətdə saxlayan “Camalovlar krallığı” artıq süqut edir. Uzun illər Şirvandakı neft müəssisələrini öz nəzarətlərində saxlamağı bacaran qardaşlar, bu sahədə çox dərin dərin kök saldıqdan sonra, Müdafiə Sənayesi naziri postuna kimi yüksələ bildilər.

Amma, Yavər Camalovun yaxın zamanlarda postunu itirməsi artıq ciddi müzakirə mövzusudur.

Bizimxeber.az-a daxil olan məlumata görə, umumiyyətlə, yaxın aylarda bir neçə nazirliyin ləğv edilməsi gözlənilir ki, onların arasında Müdafiə Sənayesi Nazirliyi də var.

Bu o deməkdir ki, Yavər Camalovla yanaşı, Şirvanın icra başçısı postunu tutan qardaşı Mərdan Camalov da vəzifəsini itirəcək. 12 ilə yaxındır ki, bu postu qoruyub saxlayan, Şirvanda “krallıq” yaradan Camalovlar böyük sərvət toplaya biliblər. Rayonda, qoyun, iri buynuzlu mal-qara fermaları, parniklər, marketlər şəbəkəsi, tikinti sektoru kimi böyük sahələrə nəzarət edən Camalovların qarşısında kimsə dayana bilməz.

Ümumiyyətlə, Şirvan şəhəri Camalovlarin sayəsində son 10 ildə kənarda qalmış rayonlar sırasındadır. Sənaye şəhəri statusunda olmasına baxmayaraq rayonda yalnız Müdafiə Sənayesi nazirliyinin bir-iki zavodu fəaliyyət göstərir ki, o da nəzarətsizdir. Ötən aylarda baş verən yanğın və insan ölümü buna bariz nümunədir.

Həmçinin Şirvan şəhərinin məhz Yavər Camalovun kurasiyasında olması qardaşı olan icra başçısı Mərdan Camalovun işinə çox yarayır. Bizimxeber.az-a daxil olan məlumata görə, illərdir rayona ayrılan pulların hara xərclənməsi barədə heç bir yoxlama aparılmır. Umumiyyətlə, bu rayon icra başçısının adını belə çəkən yoxdur.

Bu isə o deməık deyil ki, belə davam edəcək. Artıq, Camalovların fəaliyyəti diqqət çəkməyə başlayıb.

Bizimxeber.az-a daxil olan məlumatlarda qeyd olunur ki, Mərdan Camalovun yerinə kimin təyin olunması hələlik bəlli deyil. Amma, yaxın aylarda Camalovun postunu itirməsi qaçılmazdır…

Hazırda həbsdə olan JAM.AZ saytının baş redaktoru Fikrət Fəraməz oğlu vəkili vasitəsi ilə mətbuatda açıqlama verib. 

Baş redaktor istintaqın müddətinin daha 3 ay uzadılmasına, apelyasiya şikayətinə müsbət cavab verilməməsinə və ev dustaqlığı ilə bağlı vəsaitinə rədd cavab verilməsinə etiraz edib. Fəraməzoğlu bildirib ki, bu istintaqın növbəti qərəzi, məhkəmələrin hələ də sifarişlə çalışdığının daha bir göstəricisidir.

Baş redaktor qeyd edib ki, o hələ də məhkəmələrin BMCMİ-dən, çəkinməsini, qorxmasını anlaya bilmir. Onun sözlərinə görə, istər Nərimanov rayon Məhkəməsində istərsə də Bakı Apelyasiya Məhkəməsində hakimlərin davranışları daha çox 1937-ci ili xatırladıb. "Heç nəyi araşdırmadan, BMCMİ-nin qorxusundan cəmi 5-10 dəqiqəlik proses keçirib, hökm çıxarmaq nə ədalət, nə də qanuna sığır. 

Əksinə hakimlər elə davranılar ki, sanki təqsirləndirilən şəxs terrorçu istintaqı isə dedikləri Quran ayəsidir. Müstəntiqin gətirdiyi gülünc arqumentlər isə biabırçılıqdan başqa bir şey deyil. Məsələn, mən guya istintaqın "zərəçəkən” kimi tanıdığı (hansı əsaslarla bu qənaətə gəldiyi müəmmalıdır) şəxslərə təzyiq göstərə biləcəyindən ev dustaqlığına buraxıla bilmərəm. "Bandotel”ə arxalanan bu ştatlı üzə duranlara necə təsir edə bilərəm ki? Mənim əlimdə hansı təsir imkanları var ki, onlara təsir göstərim? 

Həyatda heç bir vaxt görmədiyim bu üzəduranlara heç bir şey etmədiyim halda "Bandotel” in əlilə həbs olunmuşam. Təsəvvür edin ki, bu ləyaqətsiz adamlara üz-üzə söz desəm, onlar daha hansı hoqqalardan çıxarlar. Onlar elə qırmızısifət adamlardılar ki, əgər belə bir şeyə cəhd etsəm, himayəsində olduqları "Bandotel”in əli ilə mənim 2 yaşlı oğlunu belə həbsə atdırarlar. Hətta 2 yaşlı körpəmin başının altından, pampersindən kilolarla narkotik, silah çıxararlar”.

Fikrət Fərəməzoğlu daha sonra bildirib ki, baş verənlər onun həbsinin sifarişli olduğunu bir daha təsdiqləyir. O qeyd edib ki, həbsinə sifariş verilməsinin başlıca səbəbi BMCMİ rəhbərliyinin "biznes” maraqlarına toxunması olub. "Bu gün həbsdə olmağımın, işgəncələrə məruz qalmağımın əsas səbəbəi yazdığım tənqidi yazılardır. 

Rəhbəri olduğum saytda BMCMİ-nin maraqlarına toxunan məqalələrin dərc olunması onları belə bir addım atmağa sovq edib. Çünki, mən rəhbərliyinin himayəsində olan əxlaqsızlıq yuvalarının, qumarxanaların ifşasını, üzə çıxmasını əks etdirən araşdırmalar yazmışam. Nəticədə, həmin qeyri-qanuni fəaliyyətlə məşğul olanların müştəriləri və qazancı azalıb, iyrənc əməlləri üzə çıxıb. Bu da yekunda "bandotdel” rəhbərliyinin aylıq qazancına təsir edib ki, onlar da qəzəblənərək, məni susdurmaq üçün həbs ediblər”.

JAM.AZ-ın həbsdə olan baş redaktoru istintaqın qərəzli olduğnu və sifarişlə işlədiyini də vurğulayıb. O bildirib ki, BMCMİ-nin istintaq idarəsi sözün həqiqi mənasında sehrbazdır. "İstintaqı aparanlar o qədər savadsız və bacarıqsızdır ki, hıtta apardıqları istintaq işində ciddi səhvlərə yuol veriblər. Məsələn, üzümə duran əxlaqsızlıq yuvasının sahibi Mehman Həsənovdan pul almadığım halda, bunu iddia edir. Üstəlik həmin pulların üzərində əl izlərimin ekspertizasını aparmağa cəsarət etməyiblər. 

Çünki qurama və sifarişli istintaq apardıqlarının fərqindədirlər. Və ya barəmdə qaldırılmış qondarma cinayət işində mənim guya, qrup şəklində "cinayət” törətdiyimi qeyd edərək, buna müvafiq maddə üzrə də ittihamı irəli sürüblər. Amma həmin "dəstə”nin nə üzvləri məlumdur, nə də onlarla bağlı hər hansı bir araşırma aparılıb. əgər mən başıma dəstə yığıb onlarla birlikdə kimlərəsə hədə qorxu gələrək pul tələb etmişəmsə hanı həmin dəstənin üzvləri? 

Həqiqətən də belə bir dəstə mövcud idisə o zaman istintaq bu 4 ay ərzində niyə onların şəxsiyyətini müəyyənləşdirməyib. Aydın məsələdir ki, istintaq özu də yaxşı bilir ki, mənim nə dəstəm olub, nə də kimsəyə hədə-qorxu gəlmişəm. Belə bir maddəni tətbiq etməklə birmənalı şəkildə mənə təzyiq göstərməyə çalışıb.

Fərəməzoğlu daha sonra maraqlı bir faktında üstünü açıb. O bildirib ki, istintaq sonuncu məhkəmədə daha bir sehrbazlıq edib. Mən "sifarişlə həbs olunan günü BMCMİ elə dedilər ki, guya Mehman Həsənovdan 3.000 manat pul almışam. Hətta üzümə duran Həsənovun istintaqa verdiyi ifadəsində və mənimlə üzləşmədə həyasızcasına bildirmişdir ki, guya ona hərə-qorxu gələrək ondan 3.000 manat pul tələb edib almışam. 

Eyni zamanda BMCMİ-nin sehrbaz əməliyyatçıları da cibimə qoyduqları pulu sayaraq onun 3.000 manat olduğunu sənədləşdirmişdilər. Lakin Nərimanov Rayon Məhkəməsində keçirilən sonuncu proses zamanı müstəntiq bildirdi ki, guya mən Mehman Həsənovdan 2.500 manat almışam. Gorünür cibimə qoyduqları və sonra çıxardıqları pulun 500 manatına ehtiyacları olduqları üçün götürüblər. Həbsdə olan baş redaktor onu da qeyd edib ki, ona qarşı irəli sürülmüş ittihamların hamısı qondarma və sifarişlidir. Mən heç bir cinayət əməli törətməmişəm və mənim həbsimdə sifarişlidir, gunahsızlığımı isə məhkəmədə tam sübut edəcəm. Bunun üçün yetərli qədər dəlil və sübutlarım var. ”

Fikrət Fərəməzoğlu sonda ona dəstək verən həmkarlarına, hüquq müdafiəçilərinə müraciət edərək məhkəmə prosesində ona dəstək olmaqlarını və məhkəmə prosesini işıqlandırmalarını xahiş edib. Həmkarlarım bu aylar ərzində mənə yetəri qədər dəstək veriblər. Onlara dərin minnətdarlığımı bildirirəm. Dəstək olmayanlara isə azadlıqdan geniş şəkildə görüşəcəyimizi vəd edirəm. Dostlardan və həmkarlardan xahişim odur ki, məhkəmə prosesini geniş şəkildə işıqlandırıb BMCMİ və sifariş verəni necə ifşa edəcəyimi cəmiyyətə çatdırsınlar.

Belə baxıram ki "Bandotdel"mənim adımı Ginnesin rekordlar kitabına saldıracaq!Çünki bu idarənin əməliyaçıları az qala mənim "Işıq sürəti"ilə hərəkət etdiyim qənaətinə gəlib.Daha doğrusu ,bu əminliklə sənədləşdiriblər .Belə ki,BMCMİ-nin mənimlə bağlı tərtib etdiyi əməliyyat axtarış tədbirinin keçirilməsinin nəticələri və maddi subutların götürülməsi haqqında "protokolda"qeyd edilir ki güya mən Mehman Həsənovla görüşmüşəm və bir neçə saniyə sonra ondan pulu alıb cibimə qoymuşam. 

Belə bir protokol tərtib etmək əməliyyatçıların ,istintaqın bisavadlığını göstərir və utancvericidir. Əvvəla iki adam görüşürsə salamlaşma bir necə dəqiqə cəkir birdə hal ehval sorusmanı bunun üzərinə gəlsək o zaman normalda üzümə duram Mehman Həsənovla mənim bir arada olmağlm 10 dəqiqədən artıq olmalidır ki ,mən bandotdelin ştatlı üzəduranını saxlanıldığım günü yalnız qoluma qandal vurulduğu zaman görmüşəm. 

İkincisi bir necə saniyəyə pul almaq mümkün deyil bunun ücün ışıq sürətində hərəkət etmək lazımdı ki mənim belə bir gücüm yoxdur.buna inanmaqda dəlilikdi deməni mən o pulu almalıydin məbləği saymalıydım əgər saymışdımsa həmim pulların üzərində əl izlərim olmalıydı.Bəs hanı həmin ekpertiziyanın rəyi?İstintaq belə bir ekpertiza keçirməyə cəsarət belə edə bilməz ona hörə ki yalançı durumuna düşəcək!

Digər bir məqam müasir əməliyyat axtarış tədbirlərrində gizli çəkiliş aparıması üçün yetərli qədər texnoloji avadanlıqlardan istifadə etmək imkanları var. 

Saxlanılan şəxsin görüşdüyü adamin üzərində gizli dinləmə cihazı və ya çəkiliş qurğusu quraşdırmaqda çətin bir şey deyil .axı nece sənədləşdirə bilərlər ki ondan pul tələb etmişəm əgər belə bir səs yazısı çəkiliş varsa ortaya qoysunlar .Daha yalançı və ştatlı hal şahidlərinin dediklərini əsas gətirib haqqımda həbs qərarı çıxarmasınlar .Bu mənə böhdan atmaq şərləməklə yanaşı həmdə həbsimin sifarişli olduğun bir daha təsdiqləyir.

Aydın məsələdir ki ,mənim mənim jurnalist faliyyətim DİN-də təmsil olunan yüksək çinli bir məmurun maraqları ilə üst-üstə düşməyib. Həmin generalın geyri-qanun yollarla gəlir əldə etdiyi sahələri ifşa etdiyim üçün onun qəzəbinə tuş gəlmişəm. İstintaqın fəaliyyətsizliyi,heç bir addım atmaması,həbs müddətimi uzatması üçün çalışması və bununla ailə üzvlərimi şantaj etməsi bu sifarişin həyata keçirməsinin tərkib hissəsidir.

Dostlar bu mənim "34 gün "adlı silsilə məqaləmin hələki 1 ci hissəsi idi.gələn məqalələrdə həmin çavuş rütbəsindən general rütbəsinə yüksəlmiş səxsin hansi bizineslərin yürütdüyünü ona verilən səlahiyyətlərdən sui-istifadə edərək hansı talama işləri ilə məsqul olub kimlərinənsə qrup olub dövləti və xalqa zərbə vurduğunu sizlərilə paylaşacağam.(Jam.az)

Masallı Rayonunun İcra Hakimiyyətinin başçısı Rafil Hüseynovun oğlu "qoçuları” ilə birlikdə Bakıdakı avtosalonların birinə hücum edib.

Bu barədə BakiPost.az-a salon rəhbərliyi məlumat verib. Salon əməkdaşları ilə rayon rəhbərinin oğlu Şəhriyar Hüseynov arasında mübahisəyə səbəb isə bir müddət əvvəl satışa çıxarılan bahalı "Mercedes” markalı avtomobillə bağlı olub.

Belə ki, ölkədə devalvasiya baş verməmişdən əvvəl icra başçısının oğlu həmin avtomobili salona qoyaraq 90 min manata satmaq istəyib. Amma uzun müddət keçsə də, maşını satmaq mümkün olmayıb. Daha sonra Şəhriyar Hüseynovun razılığı ilə maşını digər avtomobillə dəyişdirilib. Şəhriyar Hüseynov həmin maşını bir müddət istifadə etdikdən sonra salona qaytarıb.

O, salon rəhbərliyindən öz köhnə avtomobilinin pulunun devalvasiyadan əvvəlki məzənnə ilə və dollar ekvivalenti ilə (Təxminən 150 min dollar) istəyib. Avtosalondan isə bunun mümkün olmayacağı bildirilib. Uzun mübahisədən sonra salon sahibi bir neçə təklif irəli sürüb. Təkliflərdən biri, eyni model yeni avtomobilin alınıb verilməsi olub. Şəhriyar Hüseynov isə salon rəhbərliyinin bu təklifi ilə razılaşmayıb. Və qolu qüvvətli dostlarını da götürüb salona hücum çəkib, pulu zor gücünə almağa çalışıb. Salon rəhbərliyi və Şəhriyar Hüseynov arasında mübahisə yaranıb. O, məsələni qol gücünə həll edə bilməyəcəyini gördükdə başqa yollara əl atıb.

Hüseynov bu məsələ ilə bağlı Xətai rayon Polis İdarəsinə şikayət edib. Amma onun bu cəhdi də uğursuzluqla nəticələnib. Polisdən avtomobil mübahisəsinin mülki məsələ olduğunu əsas gətirilərək, şikayətçiyə məhkəməyə müraciət etməsini məsləhət görüblər. Salon rəhbərliyi saytımıza bilidirib ki, icra hakiminin oğlunun dələduzluğu salondakı kameralara düşüb və istənilən vaxt aidiyyəti qurumlara təqdim edə bilərlər.

Çərşənbə axşamı, 01 Noyabr 2016 00:00

Yavər Camalova böyük zərbə...

Yazan

Müdafiə Sənayesi Nazirliyi ləğv edilə bilər. 

Bu barədə Qaynarinfo.Az-a etibarlı mənbədən məlum olub. 

Mənbənin iddiasına görə, nazirliyin səlahiyyətlərinin böyük qisminin İqtisadiyyat Nazirliyinə, bir qisminin isə Müdafiə Nazirliyinə verilməsi müzakirə mövzusudur. 

Mənbə vurğulayıb ki, son illərdə Azərbaycanda hərbi sənayenin qurulmasına və  inkişafına külli miqdarda dövlət vəsaiti xərclənib. Amma hökumətdə bu vəsaitlərin müqabilində görülən işlərdən razı qalmayanlar kifayət qədərdir. 

Müdafiə Sənayesi Nazirliyinin ləğv edilməli və səlahiyyətlərinin əsasən İqtisadiyyat Nazirliyinə verilməli olduğunu müstəqil iqtisadçı ekspertlər də təklif edirlər. Bundan başqa, oxşar təklifi indiyədək bəzi millət vəkilləri də səsləndiriblər. Məsələn, bu ilin əvvəllərində deputat Zahid Oruc mətbuata açıqlamasında "Mahiyyət etibarilə Müdafiə Sənayesi Nazirliyi bir sənaye qrupudur və çoxsaylı zavodlardan ibarətdir. Onun nazirlik statusu daşımasını qoy hökumət üzvləri gözdən keçirsinlər” deyə bildirmişdi. 

Xatırladaq ki, Müdafiə Sənayesi Nazirliyi ölkə başçısının 16 dekabr 2005-ci il sərəncamı ilə yaradılıb. Elə həmin vaxtdan nazirliyə Yavər Camalov rəhbərlik edir. 

Müşahidələr göstərir ki, Camalov məhz bu posta yüksəldikdən sonra onun şəxsi biznesi daha da böyüyüb. Hazırda onun biznes imperiyasın çoxsaylı şadlıq sarayları, restoranlar, ticarət obyektləri daxildir. 

Bunun hansı maliyyə qaynaqları hesabına baş verdiyi isə müzakirə və mübahisə obyektidir. 

Rusiya hüquq-mühafizə orqanları aydınlaşdırıblar ki, Rövşən Lənkəranskini 2016-cı ilin yazında Moskvada güllələnmiş "göyərti kralı" Canpolad Şamiloğlunun qisasını almaq üçün öldürüblər.

Virtualaz.org bildirir ki, bu barədə “Rosbalt”a Rusiyanın hüquq-mühafizə orqanlarındakı etibarlı mənbə məlumat verib.

Mənbə bildirib ki, Rövşən Canıyevin İstanbuldakı qətli Rusiya Federasiyasının kriminal dünyasında güc bölgüsünə təsir etdiyi üçün onun ölümünün araşdırılması ilə bu ölkənin xəfiyyələri də məşğul olublar. Operativ əməliyyat yolu ilə onlar bu cinayətin üstünü praktiki olaraq açmağı bacarıblar. Canpolad Şamiloğlunun qətli araşdırılarkən məlum olub ki, onun aradan götürülməsi üçün "qanuni oğru" R.Canıyevin qruplaşmasından iki killer cəlb olunub.

Həmçinin xəfiyyələr aydınlaşdırıblar ki, Canpoladın aradan götürülməsi tapşırığını onunla münaqişədə olan Lənkəranski şəxsən veribmiş.

Xatırladılır ki, Canpolad Şamiloğlunun qohumları və silahdaşları da öz araşdırmalarının gedişatında eyni nəticəyə gəlmiş və Lənkəranskidən qisas alınacağını bildirərək, barəsində ölüm hökmü vermişdilər.

Qeyd edək ki, 2016-cı il 18 avqust gecəsi Canıyev İstanbul mehmanxanalardan birinin restoranında öz briqadasının üzvləri ilə bir araya gəlmişdi. O restorandan çıxıb oradan azca aralanandan sonra qatillər onun maşınını atəşə tutaraq deşik-deşik etmişdilər. Nəticədə "qanuni oğru" özü və onun sürücüsü funksiyalarını yerinə yetirən sinif yoldaşı öldürülmüşdü.

Çərşənbə axşamı, 01 Noyabr 2016 00:00

"Çudo Peçka"da maaş üsyanı

Yazan

"Çudo Peçka” mağazalar şəbəkəsində çalışan işçilər 8 aydır ki, əmək haqlarını ala bilmir.

8 aya yaxın maaşsız işlədiyini deyən Sədaqət İsmayılova Femida.az-a müraciət edib. O, bildirib ki, bir günün içində işsiz qalıb:

"Ötən il 2015 iyul ayının 9-dan "Çudo Peçka" mağazalar şəbəkəsində işləyirəm. İşə girərkən əmək müqaviləsi üçün ərizə yazdım, amma müxtəlif bəhanələrlə surətini vermədilər. Bu ilin fevral ayında şirkətdə ixtisar oldu, müdriyyət dəyişdi. Azad müəllim işdən kənarlaşdırıldı. 3 ay yarım maaşımızı vermədilər. Burada tək məndən deyil, yüzlərlə insandan söhbət gedir. Hamını müvəqqəti məzuniyyət adı ilə işdən çıxarırlar. Fevral ayında da bu adla işdən çıxarsalar da onlar geri dönmədi. İnsanları pul verməmək üçün işdən uzaqlaşdırırlar”.

Şikayətçi "Çudo Peçka``nın keçmiş sahibi Çingiz Cəlilovun şirkətə yenidən qayıtdıqdan sonra 4 ay ərzində maaş vermədiyini deyir:

"Şirkət Çingiz Cəlilova qaytarıldıqdan sonra işçilər arasında adımın olub-olmamasını kompyuterdə yoxlatdırdım. Mühasib dedi ki, adım onlar arasında yoxdur. O, bunu son 2 ildə işə götürülənlərin maaş cədvəlində adları getsə də, qeydiyyata salınmadıqları ilə əsaslandırdı. Fevral ayından sonra şirkətin adının dəyişdirilməsi ilə bağlı bizi çağırıb ərizə yazdırdılar. Çingiz Cəlilov 4 aydır maaşımızı vermir. Əvvəlcə gələndə 2 ay maaş verdi, daha sonra yox”.

Sədaqət İsmayılova şirkətin rəhbəri Çingiz Cəlilov olsa da, oğlu Anar Cəlilovun məsuliyyət daşıdığını bildirib.

"Şirkəti oğlu Anar Cəlilov işlədir. Heç onun da üzünü görməmişik, adamların qabağına çıxmır. Məsələ ilə bağlı həmişə kimi isə göndərir. Hamınını aldadırdı ki, Çingiz müəllim bu gün pulla gələcək, sabah gələcək. Belə sözlərlə bizi yola verirdilər. Ancaq hamını işdən çıxardılar”.

Məsələ ilə bağlı işçilər bir neçə quruma şikayət etsələr də, heç bir nəticəsi olmayıb:

"Bu yaxınlarda məsələ ilə bağlı televiziylaradan gəlib çəksələr də, yayımlanmadı. "Çudo Peçka"nın digər mağazalarından gəlib Anar müəllimlə danışıb gediblər. Yəqin ki, onların cibi dolub, işçilərin cibi boş qalıb. Heç kim bilmir ki, insanların bu qədər şikayətləri niyə cavabsız qalıb”.

Xatırladaq ki, 2001-ci ildə fəaliyyətə başlayan "Çudo Peçka"nun 14 mağaza-kafesi olub. Sonradan mağazalar şəbəkəsi şirkətin qurucusu, iş adamı Çingiz Cəlilovdan alınıb. Lakin məhkəmənin qərarı ilə şirkət yenidən iş adamına qaytarılıb. Bir neçə gün öncə isə Binəqədi rayonu Cəfər Xəndan küçəsində yerləşən "Çudo Peçka” mağazasının 30-dək işçisi Binəqədi Rayon Polis İdarəsinə (RPİ) ərizə ilə müraciət edərək üç aydır maaşlarının verilmədiyini bildirib. Faktla bağlı mağazanın sahibi Çingiz Çəlilovun oğlu Anar Cəlilov polis idarəsinə çağırılıb, ondan izahat alınıb. A.Cəlilov işçilərin maaşlarının yaxın günlərdə veriləcəyini bildirib.

Cəlilabad-Yardımlı yolunun Gendərə kəndindən keçən hissəsində körpü uçub.

Bu barədə BakiPost.az-a Astanlı kənd sakini Hüseynağa Rəcəbov məlumat verib. Onun sözlərinə görə, körpünün uçması nəticəsində rayonun Yuxarı Astanlı, Aşağı Astanlı və Gendərə kəndlərinin sakinlərinin rayonla əlaqəsi kəsilib: "Son vaxtlar intensiv yağışların yağması nəticəsində körpünü sel aparıb. Körpünün uçması nəticəsində rayonun 3 kəndini birləşdirən yeganə yolumuz bağlanıb. Rayon icra nümayəndəliyi hadisə yerinə gəlib baxıb, amma hələ də heç bir nəticə yoxdur. Bu körpü Gendərə kəndindən Cəlilabada və Yardımlıya yeganə çıxış yoludur. Biz də həmin körpüdən istifadə edirik. Hazırda ordan keçmək mümkün deyil. Təsəvvür edin ki, traktor belə həmin ərazidən keçə bilmir. Hər üç kənddə 500-dən çox ev var. Körpü uçandan xəstələri belə həkimə apara bilmirik. Məsələ ilə bağlı icra hakimiyyətinə müraciət etsək də, gəlib baxan yoxdur. Sadəcə yerli icra nümayəndəsi gəlib baxıb. Amma onun buna gücü çatmaz. Çünki texnika lazımdır”.

Kəndin digər sakini, şəhid atası Aydın Məmmədov qeyd edib ki, istər Cəlilabad, istərsə də Yardımlıya olan çıxış yolları bağlanıb, acınacaqlı bir durumdur: "Yeganə çıxış olan körpü də uçub. İcra hakimin birinci müavini Azər Xanıyev şəxsən mənə vəsaitin olmadığını deyib getdi. Görəsən icra hakimi hara baxır? O, prezidentin rayondakı nümayəndəsidir. Amma gəlib başda otursa da əhalinin şikayətlərini nəzərə almır. 3 kəndin əhalisi heç yerə gedə bilmir. Nə edəcəyimizi bilmirik”.

Yardımlı Rayon İcra Hakimiyyəti başçısının birinci müavini Azər Xamıyev körpünün uçması ilə bağlı "Azəravtoyol" ASC-yə və baş nazirə müraciət etdiklərini deyib: "Körpünü sel aparan günün səhəri avtoyolun baş mühəndisini götürüb özüm şəxsən gedib hadisə yerinə baş çəkmişəm. Körpünü təmir etmək üçün baş nazirə və "Azəravtoyol" ASC-yə icra başçısının adından məktub ünvanlamışıq. Bu səbəbdən "icra hakimiyyəti maraqlanmır” demək düzgün deyil. Çünki bütün yollar "Azəravtoyol" ASC-nin balansındadır. Biz də onlara müraciət etmişik. Onlardan hadisə yerinə gəlib araşdırmalar aparmaq üçün nümayəndə heyəti və mütəxəssislər dəvət olunub. Bu körpünün bərpa edilməsi üçün böyük vəsait lazımdır. İcra hakimiyyətinin isə körpünü tikməyə elə də böyük vəsaiti yoxdur. Biz o körpünü texniki formada iki il öncə icra hakimiyyətinin daxili imkanları hesabına tikmişik. Amma hazırda körpünün necə tikilməsi "Azəravtoyol”un səlahiyyətində olan məsələdir”.

"Azəravtoyol" ASC-nin mətbuat xidmətinin rəhbəri Anar Nəcəfli isə körpünün uçması ilə bağlı qurumun nə Yardımlı, nə də də Cəlilabad şöbələrinə müraciət edildiyini qeyd edib: "Körpünün uçması ilə bağlı rayonun heç bir qurumundan müraciət edən olmayıb. Bu gün nümayəndələrimiz hadisə baş vermiş əraziyə gediblər. Həmin ərazidə kustar üsulla balaca bir keçid olub. Sel də onun bir hissəsini yuyub aparıb. Hazırda güclü sel axını onu bərpa etməyə imkan vermir. Amma havalar normallaşan kimi keçid bərpa oluncaq".

Ermənistandakı “Metsamor” Atom Elektrik Stansiyası artıq bir neçə ildir ki, ciddi təhlükə mənbəyinə çevrilsə də, onun fəaliyyətinin dayandırılması istiqamətində Beynəlxalq təşkilatlar tərəfindən heç bir ciddi addım atılmır. Beynəlxalq təşkilatlar "dünyanın ən riskli, ən təhlükəli atom-elektrik stansiya"ları siyahısına 5 stansiya daxil ediblər ki bu siyahıya Ermənistandakı Metsamor Atom Elektirik Stansiyası başçılıq edir. Dünyanın təhlükəli atom stansiyaları bunlardır:

1. Metsamor AES. Ermənistan.

2. Leninqrad AES. Rusiya, Sankt-Peterburq

3. Chernovode AES. Rumıniya

4. Jranavere AES. İngiltərə

5. Michigan Enrico Fermi AES. ABŞ

Təbii ki, o qədər də etibarlı işləməyən Metsamor AES bölgə üçün böyük təhlükə mənbəyidir. Metsamor AES köhnə, istifadə müddəti bitmiş avadanlıqla təchiz edilib. Reaktorlarda qəzanın baş verməsi və ciddi qəza baş verməsi ehtimalı çox böyükdür. Metsamor Atom Stansiyası İrəvan şəhərindən 28 km, Türkiyə və İrandan 16 – 60 km, Gürcüstan və Azərbaycandan 120 – 150 km məsafədə yerləşir.

Metsamor Atom Elektrik Stansiyasının fəaliyyəti mövcud olduğu bütün illərdə mütəxəssislər tərəfindən daim həyəcanla izlənib. Stansiyanın seysmik zonada yerləşməsi və stansiyanın tikintisində ciddi qüsurlara yol verilməsi və bu səbəbdən də stansiyanın birinci blokunun inşasından bir neçə il sonra sıradan çıxması, bu baxımdan stansiyanın mühafizəsinin etibarsızlığı mütəxəsislərin narahatlığına səbəb olan amillərdir.

İstismar müddəti başa çatmış Metsamor Atom Elektrik Stansiyasının fəaliyyəti təkcə Cənubi Qafqaz xalqlarını deyil, eləcə də Ermənistan vətəndaşlarını və ziyalılarını narahat etməyə başlayıb. Artıq sözügedən AES-in Ermənistan xalqı üçün təhlükə olduğunu anlayan bir çox erməni vətəndaşları və tanınmış şəxsləri həyəcan təbili çalır. Çünki Ermənistanda yüzlərlə insan Metsamor AES-in yaratdığı radiasiyadan əziyyət çəkir, onların bir çoxu dünyalarını dəyişib, bir çoxu isə yataq xəstəsidir. Radiasiyadan əziyyət çəkən xəstələrin çoxu müalicə üçün pul tapa bilmirlər. Bundan daha təhlükəlisi odur ki, dünya ictimaiyyətinin bu olaylardan xəbəri yoxdur. Ermənistanın krimnal hakimiyyəti bu fəlakəti dünya ictimaiyyətindən gizlətməyə cəhd edir. Metsamor AES Erməni xalqının ölüm kabusuna çevrilib. Stansiya Ermənistanı ciddi sonu bilinməyən fəlakətlərə sürükləyir.

Ermənistanın “Armeniya Now.com” saytının 28.04.06 sayında “Narahatlıqlar: Metsamor atom elektrik stansiyası işçiləri təhlükə qarşısındadırlar” (https://www.armenianow.com/hy/special_issues/ecology/6360/healthy_concerns_metsamor_employee) məqaləsində stansiyada çalışan fəhlələrin və ərazidə yaşayan digər vətəndaşların necə radisiyaya məruz qaldıqlarını, sadə vətəndaşların radiasiya nəticəsində necə ömürlük əməkqabiliyyətlərini itirmələrindən əlil olmalarından yazırlar:

Metsamor AES-də fəhlə kimi çalışan Sergey Qriqoryan deyir ki “pilləkənləri qalxa bilmirəm, çıxanda tənginəfəs oluram. Hava soyuq olsada bədənimdə tələbat olmadan soyuq su içirəm”.

Maqda Qriqoryan adlı bir qadın deyir: - Mənim ərim stansiyada işləyirdi indi nəfəs ala bilmir, boğulur, daim boğazının göynəməsindən şikayət edir.

1986 – cı ildən Metsamor AES – də fəhlə işləyən Maqda Qriqoryan, A.Qasparyan, Surik Şirvanyan radioktiv metal tozundan zəhərləndikləri bildirilir. Onlar uranı sərinlədən su trubalarını çilalayırmışlar, bu fəaliyyət nəticəsində onların ciyərlərinə ağır metal daxil olub. Hadisədən 6 il sonra onlar Moskvada 6 saylı ixtisaslaşmış klinikaya müainəyə göndərilirlər, onların xəstəlikləri “Kobalt- 60, radioaktiv elementlərin təsiri” dioqnozu müəyyənləşdirilib. Bu xəstəlikdən Surik Şirvanyan 34 yaşında dünyasını dəyişib. M.Qriqoryan və A.Qasparyan 1992-ci ildən əlildirlər. Metsamor AES-in törətdiyi fəsadlar barədə Yüzlərlə buna bənzər misallar çəkmək olar.

Həkim toksikoloq Lev Petroşeviç Arteşev şüalanmanın insan orqanizminə təsiri haqqında belə deyir: yüksək şüalanmaya məruz qalan insan bədəni böyük həcmdə enerji qəbuluna məruz qalır ki bu da bədəndə biokimyəvi proseslərin pozulmasına səbəb olur. İnsanda baş ağrıları, öskürək, boğaz ağrıları və toxumalarda dəyişikliklər başlayır. Şüalanma xəstəliyi kompleks kimyəvi proseslərlə davam edir.

Stansiya rəhbərliyi Metsamor AES-in 7 kilometrlik ərazisində yetişən çiyələk və tut meyvəsinin vətəndaşlar tərəfindən istifadə olunmasına qadağa qoyub. Guman edilir ki adları çəkilən bostan bitkiləri şüalanmaya daha həssas olduqlarından onların istifadəsi insan bədənində şüalanmanın miqdarını artırar bu isə insan həyatı üçün təhlükə yarada bilər.

Gürcüstanın “Yaşıllar” partiyasının lideri Georgi Qançeladze bəyan edir ki, Türkiyə və Ermənistan aktiv seysmik zonada yaerləşir. Bu zonada baş verən hansısa güclü zəlzələ Metsamor AES – nın ərazisində böyük fəlakətlərə səbəb ola bilər. O sözlərinə davam edərək deyir:

“1976-cı ildə Türkiyədə baş verən zəlzələdə 4000 nəfər, 80-ci illərin sonlarında Ermənistanın Spitak şəhərində baş verən zəlzələdə isə 20 000 nəfər dünyasını dəyişdi. 1999-cu ildə Türkiyədə zəlzələ yenidən təkrar oldu. Bu zonada zəlzələlərhər 10 ildə bir dəfə təkrar olunur, gözləməkolar ki növbəti zəlzələ AES-in yaxınlığında baş versin. Stansiya Sovet texnologiyası ilə tikilib və heç vaxt təmir edilməmişdir. Əgər stansiyanın ərazisində zəlzələ baş verərsə onda fəlakət Gürcüstanı, Türkiyəni, Azərbaycanı və İranı əhatə edəcək. Radiasiya cəmi 8 saata Tibilisi şəhərinə çatıb burada 2 milyonluq əhalinin həyatını iflic edəcəkdir.”

15 oktyabr 1982-ci ildə gecə saat 21.55-də Metsamor AES-də yanğın baş verdiyi barədə həyəcan siqnalı verildi. Elektirik xəttində başlayan yanğını xoşbəxtlikdən gün ərzində söndürmək mümkün oldu.

Hadisəyə şahidlik edən rusiyalı ekspert Kulmatskin xatirələrində yazırdı. “Ən böyük dağıdıcı səhnəni mən Çernobıl AES-də gördüm. Bu bir fəlakət idi. Ermənistan isə bizim yaddaşımızda parlaq iz qoydu.”

O illərdə SSRİ Nazirlər Sovetinin sədri işləyən Fadey Sarkisyan isə hadisəni belə xatırlayır: “Metsamor AES çox təhlükəli idi. Mən bunu 1982-ci ildə stansiyanın kabeli yananda gördüm. O zaman biz fəlakətə çox yaxın idik. Bizi fəlakətdən möcüzə xilas etdi.”

Lakin Ermənistan Hökuməti Metsamor AES-i Ermənistanın enerji qalxanı hesab edir. Stansiyanın baş mütəxəsisi Aşot Manaskanyan hesab edir ki bu stansiyanı hələ 50 il istismar etmək olar. Bu zaman belə bir haqlı sual yaranır: Ermənistanın Metsamor Atom Elektrik Stansiyası, erməni xalqının ölüm kabusudur yoxsa, enerji qalxanı?

Faiq İsmayılov, Azərbaycanın İşğal Olunmuş ƏrazilərindəkiTarix və Mədəniyyət Abidələrini Müdafiə Təşkilatıictimai birliyinin sədri

 

61 -dən səhifə 149