Sabirabad sakini İlham Əliyevə müraciət edib.

Xeber.İnfo həmin müraciəti təqdim edir:

"Cənab Prezident,Siz həmişə müşavirə və iclaslarda ictimai nəzarətin böyük əhəmiyyət kəsb etdiyini, ictimai nəzarət olmadan ölkənin inkişaf edə bilməməsini, eləcə də "toxunulmaz adam yoxdur" deməklə, məmurların xalqın xidmətində, problemlərin həll edilməsi vəzifə borcları olduğunu qeyd edirsiniz. Sizin bu fikirlərinizi alqışlayıram və dəstəkləyirəm.
Lakin Sabirabad rayonunda toxunulmaz adam statusunu almış, qohumlarının dediyi kimi Sabirabad rayonuna gələn nəinki idarə müdirləri hətta icra başçısı da Sabirabad rayon Maliyyə idarəsinin toxunulmaz müdiri Hüseynağa Gülüşovun razılığı olmadan rayona gələ bilməz. Onu da qeyd edim ki, Sabirabad rayonunda H.Gülüşova məxsus, lakin qohumlarının adına rəsmiləşdirilmiş onlarla tikinti obyektləri, ticarət mərkəzləri, yanacaqdoldurma məntəqələri, gözəllik salonları, kişi və qadın geyimi mağazaları, qızıl mağazaları və s. ələlxsus hektarlarla ərazini Qalağayın kəndində əhatə edən “Yaşıl bağ” ailəvi istirahət mərkəzi, eləcə də restoranlar fəaliyyət göstərir. H.Gülüşovun biznes obyektlərində, eləcə də dövlət obyektlərində qohumlarından başqa heç bir kəs işləyə bilməz.
Cənab Prezident, H.Gülüşovun ticarət obyektlərindən biri olan “Bəyaz market”lə qonşuyam. Həmin ticarət obyekti H.Gülüşovun bacısı oğlu Ağayev İdris Musa oğlunun adına rəsmiləşdirilib. Obyektə hər gün 3-4 ağir tonlajlı qoşqulu yük maşınları ensiz küçədən keçib qeydiyyatını gizlətdikləri böyük həcimli ambara yük boşaldırlar. İ.Ağayevin deməyinə görə 41 fəhləsi var. Lap yaxşı. Maraqlıdır İ.Ağayev 41 işçi ilə əmək müqaviləsi bağlayıbmı? “Bəyaz Market”in sənədləri və marketdə satılan əşyaların sənədləri nə dərəcədə qanunidir? Və s. Onu da qeyd edim ki, küçəyə daxil olan qoşqulu yük maşınları mənim dəmir hasarımı bərbad vəziyyətə salıblar. Mən öz iradımı İ.Ağayevə bildirsəm də, məni “Bəyaz Market”in arxasında olan yaşayış binasının 1-ci mərtəbəsində yaşayanları bezdirib köçürtdüyü kimi məni də köçürtməklə hədələyir. Bu barədə rayonun hüquq mühafizə orqanlarına rəsmi müraciət etsəm də, H.Gülüşovun “toxunulmazlığını” nəzərə alıb məsələyə obyektiv baxmaylrlar. Bu və digər haqsızlıqları görüb hətta ölkəni tərk etmək haqqında da fikirləşirəm. Onu da fikirləşirəm ki, Siz həmişə “Mən hər bir azərbaycanlının Prezidentiyəm” deməklə hüquqlarımı müdafiə edən Prezidentim olduğunu fikirləşirəm.
Cənab Prezident,04.04.1970-ci ildə Sabirabad rayonunda anadan olmuşam. Ailə həyatı qurmamışam,övladım da yoxdur. Şəkərli diabet və hepatit xəstəsiyəm. Hal-hazırda yataq xəstəsiyəm.47 manat sosial pensiya alıram. 47 manatla mən komunal xərcləri ödəyim, yoxsa yaşamaq üçün qida alım? Bir nəfər üçün aylıq bazar səbəti 130 manat nəzərdə tutulursa 47 manatla mən necə dolanım? Rayon məşğulluq idarəsi məni işsiz olduğum halda qeydiyyata alsalar da heç bir köməklik olunmayır. Maraqlıdır H.Gülüşovun qohumlarına iş tapılır, pullarını xərcləməyə yer axtardıqları halda mən səfalət içərisində yaşayıram. Onu da qeyd edim ki, rusların Pasxa bayramında mənim maddi vəziyyətimin ağır olduğuna görə rayonda yaşayan Aleksadr dayı mənə hansısa sənədə imza atdırmaqla 20 manat köməklik göstərdikləri halda RİH, Məşğulluq idarəsi mənə nəinki maddi heç mənəvi köməklik də göstərmirlər. Məşğulluq mərkəzindən mənə ünvanlanmış məktubda göstərilir ki,guya mənə 130 manatlöq iş təklif olunsa da mən razılıq verməmişəm. Halbuki mənə elə təklif edilməyib. Səhhətimlə əlaqədar RMX-na müraciət etsəm də mənim dərmanlarımı eləcə də müalicə olunmaq üçün köməklik olunmur. Sizin qəbulunuza düşmək RİH-nin başçısının qəbuluna düşməkdən asandır.
Cənab Prezident, Sizin ünvanınıza dəfələrlə yazılı müraciət etsəm də heç bir tədbir görülmədiyini görüb mətbuat vasitəsilə Sizə müraciət edirəm. Əgər mənim başıma bir iş gələrsə səbəbkar Sabirabad rayon Maliyyə idarəsinin müdiri H.Gülüşov və qohumlarıdır. Sizdən sahibsiz, tənha, xəstə, qəlbiqırıq bir azərbaycanlı qadını kimi xahiş edirəm,mənə sahib çıxın, mənim hüquqlarımın müdafiəsini qoruyun, deyə bilməyəcəyim və ehtiyat etdiyim fikirləri nəzərə alıb məni qəbul edin. Əgər H.Gülüşova məxsus obyektlərin qanuna müvafiq qaydada fəaliyyət göstərilməsi araşdırılsa bir çox qaranlıq məqamlara aydınlıq gələcək.
Əvvəlcədən Sizə öz minnətdarlığımı bildirirəm.
Sabirabad rayon Pambıq zavodu qəsəbəsi, ev 6,mənzil 7 ünvanında yaşayan Danilova Zöhrə Mirzağa qızı".

Qarşı tərəfin mövqeyni də, dərc etməyə hazırıq.

Oqtay Gülalıyev: "Mənim üçün ən böyük Elçibəyçilik haqqa və xalqa xidmət etməkdir"

Klassik Xalq Cəbhəsi Partiyası (KXCP) 2018-ci ildə növbəti qurultayını keçirmək barədə qərar verib. Qarşıdan gələn qurultayda təşkilatda ciddi dəyişikliklərin olacağı gözlənilir. 

KXCP-nin 2015-ci ildə keçirdiyi qurultayda hazırkı sədr Mirmahmud Mirəlioğlunun növbəti qurultayda namizəd olmayacağını bəyan etməsindən sonra, təşkilatın sədrliyinə namizədlərin kimlərin olacağı təşkilat üzvlərini düşündürən əsas məsələlərdən biri olub. Bu gün KXCP Ali Məclisinin keçmiş üzvü, tanınmış hüquq müdafiəçisi Oqtay Gülalıyev KXCP sədrliyinə namizəd olduğunu bəyan edib.

zzaaaaa.jpg

Bu barədə hüquq müdafiəçisi Oqtay Gülalıyev özünün "facebook" səhifəsində yazaraq məlumat verib.

Həmin yazını olduğu kimi təqdim edirik:

"Dostlar, bilirsiniz ki mən hüquq- müdafiə fəaliyyəti ilə məşğulam. Haqqı, hüququ tapdanan insanlarımızın yanında olmaq, onların hüquqlarını qorumağa çalışıram. Fərqindəyəm ki, ölkədə avtoritar rejim dəyişməyincə insanlarımızın hüquqarı hər addım başı pozulacaq. Seçkilər saxtalaşdırılacaq, ölkədə monorxiya güclənəcək, dövlət büdcəsi talan edilib oğurlanacaq, monopoliya və korrupsiya qeyri- rəsmi səviyyədə dövlət siyasətinə çevriləcək. Bu siyasətə etiraz edənlər davamlı şəkildə repressiyaya məruz qalacaq, şərlənib həbs olunacaq, ölkədə siyasi məhbuslar problemi həll olunmayacaq. Fərqindəyəm ki, nəticələrə qarşı deyil, onu doğuran səbəblərə qarşı mübarizə aparmaq lazımdır. Diktaturadan demokratiyaya keçidi təmin etmək üçün insanlarımız təşkilatlanmalı, fəal olmalı və haqqına sahib çıxmalıdır. Mübarizəyə xalq qoşulmalıdır...

Mübarizəmizin effektini, gücünü artırmaq, daha çox insanlarımızı mübarizəyə qoşmaq üçün mən bir qərara gəldim. İstəyirəm həmin qərarı üzvü olduğum Klassik Xalq Cəhbəsi Partiyasının (KXCP) üzvləri və sizlərlə bölüşüm. Özümün, dostlarımın, əqidədaşlarımın müzakirə və tövsiyyələrindən sonra qərara gəldim ki, üzvü olduğum Klassik Xalq Cəhbəsi Partiyasının sədrliyinə namizədliyimi irəli sürüm. Bəri başdan deyim ki, mən heç bir zaman partiya sədri olmaq iddiasında olmamışam. Amma düşdüyümüz vəziyyət, ölkəmizin və xalqımızın taleyi bizi məcbur edir ki, daha fəal, mübariz, məsuliyyətli və qətiyyətli olaq. Daha çox insanları mübarizəyə qoşaq. Belə olmasa xalq olaraq qələbə əldə etməyimiz çətin olacaq...
Bu ilin 2- ci yarısında KXCP- nin növbəti qurultayının keçirilməsi nəzərdə tutulur. Mən hazırda partiyada heç bir vəzifə tutmuram, sıravi üzvəm. Xeyli vaxtdır ki, partiya rəhbərliyində təmsilçiliyim yoxdur. Bilirəm, bir çoxlarınız düşünə bilər ki, bu vəziyyətdə uğur qazanmaq çətindir. Amma mən fədakar cəhbəçilərin, xalqımızın dəstəyinə, apardığımız mübarizənin dürüst və haqlı olduğuna söykənərək bu marafona qoşuluram. Digər tərəfdən KXCP sədri, hörmətli Mirmahmud Mirəlioğlu partiyanın 2015- ci ilin avqust ayında keçirilən sonuncu qurultayında bəyan edib ki, o bundan sonra partiyanın sədri olmayacaq və növbəti qurultayda namizədliyini irəli sürməyəcək. Hələ ki, heç kim partiya sədrliyinə namizədliyini irəli sürməyib. Mən partiyanın Nizamnaməsi, qanunlar və etik çərçivədə mübarizəyə qoşulub partiyanın fəalları, qurultay nümayəndələri ilə görüşüb onlara fikirlərimi çatdıracam. Partiyanın sədri seçilərəmsə, qısa vaxtda KXCP- nin fəaliyyətinin güclənməsi, əvvəlki əzminin və nüfuzunun bərpası, eləcə də ölkə həyatına təsir imkanlarının artması, mübarizə meydanının önündə olması yolları ilə bağlı onlara fikirlərimi çatdıracam. Bir sözlə gözəl bir seçki kapmaniyası aparmağa, ölkədə rəqabətli seçki mədəniyyətinin formalaşmasına çalışacam. Milli demokratik düşərgənin toparlanmasına, təşkilatlanmasına və güclənməsinə çalışacam.

Dostlar, mən vaxtilə Əbülfəz Elçibəyin yaratdığı AXCP Gənclər Komitəsinin və Bütöv Azərbaycan Birliyi (BAB) Gənclər Təşkilatının sədri olmuşam, onun təyinatı ilə hər iki təşkilatın gənclər siyasətini aparmışam. Elçibəylə birgə addımlamaq böyük qürur idi. Amma onun arzuladığı, millətimizin nicatı olan arzuların reallaşması uğrunda mübarizə aparmaq daha böyük qürur və məsuliyyətdir. Biz müstəqilliyimizi bərpa etsək də ölkəmizdə demokratiyanı qura bilməmişik. 25 ildir xalqımız dikaturadan əziyyət çəkir. Amma mən inanıram ki, xalqımızın köməyi və iştirakı ilə biz diktaturaya qalib gələcəyik. Əlbəttə fərqindəyəm ki, bunun üçün daha çox çalışmalıyıq. Onun da fərqindəyəm ki, cəmiyyətə, topluma yönəlik yanaşmamızda, fəaliyyətimizdə müəyyən korrektələrə ehtiyac var, idarəetmə təkmilləşməlidir. Bizim üçün siyasi partiyalar xalqımızın təşkilatlanması üçün vasitədir. Ən böyük davamız xalqımızın azadlıq və hürriyyət davasıdır.

Fəaliyyətimi şəffaflıq, aşkarlıq və fikir prüalizmi çərçivəsində qurduğumdan istədim ki, sizlər də bu qərarımı biləsiniz. Bundan sonra da bütün gücümü, bilik və bacarığımı ölkəmizdə haqq- ədalətin bərqərar olmasına, azad, demokratik cəmiyyətin qurulmasına sərf edəcəm. Sizləri diktaturadan demokratiyaya keçidin bərpa olunması istiqamətində apardığımız haqq savaşında, azadlıq və demokratiya mübarizəsində bizlərə dəstək olmağa çağırıram. Mən inanıram ki, Elçibəyin də dediyi kimi biz qalib gələcəyik! Xalqımız layiq olduğu azadlığına qovuşacaq. Ölkəmizdə qanunların şah olduğu, insan hüquq və azadlıqların təmin olunduğu demokratik bir cəmiyyət qurulacaq. Mən buna bütün varlığımla inanıram. Sizlərin də inanmasını istəyirəm. Mübarizəmizin daha da qətiyyətlə, məsuliyyətlə davam etməsini arzulayıram!

Mənim üçün ən böyük Elçibəyçilik haqqa və xalqa xidmət etməkdir. Məzlumun yanında, zalımın önündə olmaqdır. Şərə qarşı mübarizə aparmaqdır.

Yolumuz Rəsulzadə- Elçibəy yolu, mübarizəmiz haqq davası, məqsədimiz demokratiya və Cümhuryyətçilik prinsipini bərpa etmək, Azad, Demokratik, Bütöv Azərbaycan qurmaqdır!

Tanrı bu yolda hamımıza yardımçı olsun!

Apardığımız haqq mübarizəsində hamınıza uğurlar arzulayıram!

Bir neçə gündür mediada və sosial şəbəkələrdə 189-190 saylı orta məktəbin 1-ci sinif şagirdinin müəllimi tərəfindən döyülməsi müzakirə olunur. 
 
Daha sonra Təhsil Nazirliyi şəxsən nazir Ceyhun Bayramovun rəhbərliyi ilə məktəbdə araşdırma apararaq ittiham olunan müəllimin işdən kənarlaşdırılmasına qərar verib.
 
Sözügedən qərar isə bir çox valideynlər tərəfindən müsbət qarşılanaraq yeni nazirin məsələyə operativ yanaşması təqdirəlayiq hal kimi qiymətləndirildi.
 
Dünən isə ATV-də "Bizimləsən" verilişində məlum olayla bağlı yeni görüntülər yayıldı. Həmin kadrlarda məktəbli qızın valideyni tərəfindən dəfələrlə şiddətə məruz qaldığı görünürdü. İttiham olunan Səyyarə müəllimə isə efirə qoşularaq uşağı döymədiyini etiraf edib.
 
Məlum videodan sonra sosial şəbəkələrdə müəllimi haqsız yerə işdən qovduğuna görə nazir Ceyhun Bayramov və sözügedən qurumla bağlı ağır ittihamlar səsləndirilir.
 
Maraqlıdır ki, nə Təhsil Nazirliyi, nə də Bakı Şəhər Təhsil idarəsi başverənlərə reaksiya bildirmək istədi. 
 
"Qafqazinfo" bu məqamda tanınmış təhsil eksperti Kamran Əsədovun fikirlərini öyrənib. Ekspert açıqlamasında nazir Ceyhun Bayramovu sərt tənqid edib:
 
"Əmək Məcəlləsində işçinin işə götürülməsi və işdən azad edilməsinin əsasları var. Mən elə başa düşürəm nazirliyin təhsildən xəbəri olmadığı qədər, qanunlardan da elə bir xəbəri yoxdur. Heç bir nazir öz kefi ilə müəllimi işdən çıxara bilməz.
 
Azərbaycanda 4400 təhsil müəssisəsi var və orada 151 min müəllim çalışır. Onların hər biri həmkarlar təşkilatının üzvüdür. Müəllimi işdən azad etməmişdən öncə nazirin özü belə həmkarlar ittifaqından razılıq almalıdır. Bir neçə istisna hallar var ki, müəllim özü müraciət edəndə və s. Müəllim hətta ağır cinayət üstündə tutulsa belə, məhkəmənin qərarı olmadan günahsız sayılır. 
 
Bu dəfə nə etdilər? Sosial şəbəkələrdə özlərinə müsbət imic formalaşdırmaq üçün araşdırma tam aparılmamış cumdular müəllimin üstünə. Qəhrəman obrazını insanları düşmən kimi göstərməklə yaratmaq olmaz. Maraqlıdır ki, Azərbaycanda indiyə kimi baş verən ən bədbəxt hadisələrdə belə nazirin özünün hadisə yerində olduğunu görməmişik. Bu, məsələnin alqışlanan, yaxşı tərəfidir. Ancaq çox tələsilmiş və vaxtından öncə verilmiş bir qərar oldu. Birinci olaraq prosesin necə baş verməsi araşdırılmalıdır. İkincisi isə müəllimi birbaşa işdən azad etmək olmaz. Əmək məcəlləsində digər töhmət, şiddətli töhmət, xəbərdarlıq kimi cəzalandırma yöntəmləri var. 
 
Nazirlikdə işləyənlərin əksəriyyətindən iş stajı böyük olan müəllimi bir qələmlə silmək doğru deyil. Bəli, uşağı döymək olmaz. Ancaq mənə maraqlı gələn odur ki, bunlar necə araşdırıblar. Adicə kamera görüntülərinə baxanda məlum oldu ki, valideyn sosial şəbəkələrdə məşhurlaşmaq üçün bu addımı atıb. 
 
Təhsil Nazirliyi yalnız və yalnız sosial şəbəkələr üçün işləyir. Təəssüf ki, nazirliyin ictimaiyyətlə əlaqələr şöbəsi işləmir, araşdırmalar ictimaiyyətə açıq aparılmır, məktəblər ictimaiyyətin üzünə bağlıdır. Özlərinə müsbət imic yaratmaq üçün ancaq sosial şəbəkələrdə nəsə edirlər. Məsələn 5 min manat tapan uşaq özü mükafatdan imtina etmişdi, bunlar ona mükafat verib.
 
Bu gün təhsildə kifayət qədər problemlər var. Nazir əmək məcəlləsinin tələblərini pozub, mən düşünürəm ki, elə nazirin özünə töhmət verilməlidir. Bu məsələdə iştirak edən hamı töhmət almalıdır. Siz kimsiz ki, 30 ilin müəllimini bir dəqiqənin içində işdən çıxarırsız?"
 
Ekspert məktəbdəki kameraların ictimaiyyətə açıq olmasının zəruriliyini vurğulayıb:
 
"İctimaiyyət bu kimi hadisələrdə nazirliyin reaksiyasını gözləmədən həmin görüntüləri əldə etməlidir. Əgər dünən ATV kanalında o görüntülər yayımlanmasaydı, bu gün Azərbaycan müəllimin Təhsil Nazirliyinin fəaliyyətsizliyinə görə aşağı düşən nüfuzu daha da batacaqdı. Cinayət məcəlləsində döyməyə görə sadəcə cərimə cəzası nəzərdə tutulduğu halda, bunlar hansı qanunvericiliyə istinad edib müəllimi işdən azad ediblər? Vallah bu, ayıbdır. Təhsilə ayıbdır, müəllimliyə ayıbdır. Mən gözləyirəm ki, bu məsələdə iştirak edən hər bir məsul şəxsə töhmət veriləcək".
 
Həmin kadrları bir daha təqdim edirik:
Bakıda avtobus dayanacağının tikintisinə görə qırılan yaşıllıqların yerində ticarət mərkəzi salınır. 
 
Bu barədə yeniavaz.com məlumat yayıb.
 
Məlumatda bildirilir ki, Qara Qarayev prospektində ağacların qırılması və avtobus dayanacağının salınması ilə bağlı xəbərlər ictimaiyyəti aldatmağa hesablanıbmış: "Bakının Qara Qarayev prospektində şam ağaclarının daha bir hissəsi qırılanda rəsmi şəkildə açıqlama verilərək, burada böyük avtobus dayanacağının tikildiyi bildirilmişdi. Hətta Qara Qarayev prospektində inşa olunan həmin böyük dayanacağı Bakı Nəqliyyat Agentliyi "8-ci kilometr bazarı"nın yaxınlığındakı "dayanacaq cibi" adlandırırdı. Amma indi məlum olur ki, məqsəd dyanacaq yox, ticarət mərkəzi tikmək imiş". 
Bakı Nəqliyyat Agentliyinin ötən il yaydığı məlumatda isə bildirilirdi ki, bu dayanacaq İcra Hakimiyyəti ilə onların birgə işidir: "Bakı Nəqliyyat Agentliyinin xüsusi ekspert qrupunun apardığı təhlillərə əsasən, Bakı Nəqliyyat Agentliyinin, "Azəravtoyol" ASC-nin və Nizami Rayon İcra Hakimiyyətinin birgə işi nəticəsində daha iki ərazidə - Qara Qarayev prospekti (8-ci km bazarından metronun "Neftçilər" stansiyasına gedən yolda) və Rüstəm Rüstəmov küçəsində ("Dakar" meydanından Bakıxanov qəsəbəsinə gedən yolda) avtobus cibi salınıb. Sərnişin avtobuslarının dayanacaq ciblərinə maneəsiz daxil olması üçün Bakı Şəhər İcra Hakimiyyəti tərəfindən quraşdırılan parkomatlar ərazidən köçürüləcək". 
 
"Avtobusların ciblərdən kənar yerdə saxlamasının qarşısını almaq, onların qrafikinin tənzimlənməsi və buna uyğun hərəkətinə nəzarət etmək məqsədi ilə adı çəkilən küçə və prospektə Bakı Nəqliyyat Agentliyinin mobil qrupları cəlb edilib. Bununla yanaşı, əraziyə Nəqliyyatı İntellektual İdarəetmə Mərkəzinin müşahidə kameraları vasitəsilə də nəzarət gücləndirilib. Avtobuslarla yanaşı, ciblərə yaxın ərazilərdə taksi duracaq məntəqələri də təşkil ediləcək. Qara Qarayev prospekti ilə Rüstəm Rüstəmov küçəsinin kəsişməsində dayanan taksilərin həmin dayanacaqlarda xidmət göstərməsi təmin ediləcək", - rəsmi məlumatda deyilirdi. 
 
Məlumatda qeyd olunurdu ki, Bakı Nəqliyyat Agentliyi ayrı-ayrı vaxtlarda həmin ərazidə monitorinq keçirib: "Monitorinqlərin birində nın baş direktoru Vüsal Kərimli, agentliyin müvafiq şöbələrinin məsul şəxsləri, eləcə də daşıyıcı şirkətlərin rəhbərləri iştirak etmişdilər". 
Qara Qarayev prospektindəki dayanacağın bir neçə müddətdir ki, hasarlanıb. Sözügedən ərazidə isə ticarət mərkəzi inşa olunur. 
 
"Transport for Baku" adlı səhifə isə baş verənlərin "hekayə"sini belə açıqlayıb: "Qara Qarayev prospektinin təmiri zamanı orada böyük böyük bir avtobus dayanacağı təşkil edilib. Dünyanın ən yaxşı dayanacağı olmasa da, oradan çoxsaylı avtobus marşrutları keçirdi (təsəvvür edin, bu dayanacaqdan 25 marşrut keçirdi) və kifayət qədər çoxlu yer tələb edirdi. Hesab edin ki, bura kiçik "hab"dır və şəhər nəqliyyatı baxımından çox vacib yerdir. Amma günlərin birində dayanacağın ərazisi hasarlanır və orada ticarət obyekti tikilir. Yerli icra hakimiyyətin bu kimi razılığı verən məmurlarına ziyanvericiliyinə görə medal düşür. Əhsən, sizə bir tuş: "Bakı əziz şəhər, mehriban diyar..."
 
Bakı Nəqliyyat Agentliyi isə son baş verənlərə aydınlıq gətirməyib. Belə ki, "yaşıllıqların qırılaraq yerində salınmış böyük bir dayanacağın ticarət mərkəzinə necə çevrilməsi" ilə bağlı sorğular cavabsız qalıb. 
 
Nizami Rayon İcra Hakimiyyəti də məsələyə münasibət bildirməyib. 
Bu gün Şirvan məhkəməsində şərlənərək  həbs edilən Müsavatın Şirvan Təşkilatının sədri Əlikram Xurşudovun məhkəməsi olub.
 
"Basta” xəbər verir ki, vəkil Osman Kazımovun iştirakı ilə keçirilən məhkəmədə Ə. Xurşudova 5 il iş verilib.
 
Xatırladaq ki, 2017-ci il, Noyabrın 22-də heç bir əsas olmadan polis tərəfindən saxlanılan Müsavat Partiyası Şirvan şəhər təşkilatının sədri, Məclis üzvü Əlikram Xurşidov 2 sutkaya yaxın qanunsuz olaraq polis şöbəsində saxlandıqdan sonra, ona qarşı uydurma cinayət işi qaldırılıb. Noyabrın 24-də isə Şirvan Rayon Məhkəməsi sifarişli qərar qəbul edərək, bu uydurma ittiham əsasında Əlikram Xurşidovun barəsində 3 ay müddətinə həbs qətimkan tədbiri seçib.
 
Polis şöbəsində ona qarşı Cinayət Məcəlləsinin 221.2.2 və 221.2.3 maddələri ilə (xuliqanlıq) ittiham elan olunub.
 
Müsavat Partiyası Əlikram Xurşudovun həbsi ilə bağlı bəyanat yayıb.
 
Bəyanatda bildirilir ki, Əlikram Xurşidov müxalifətçilərə qarşı ənənəvi olaraq irəli sürülən "xuliqanlıq”da təqsirləndirilib. Ona qarşı yazılan "şikayət ərizəsi” təşkil olunmuş şərləmədir. Əlikram Xurşidov alicənab, mədəni, halal zəhməti ilə dolanan bir insan olaraq yaşadığı bölgədə böyük hörmət sahibidir.
 
Əlikram Xurşidov əqidəli müsavatçı olaraq, Azərbaycanda və yaşadığı Şirvan şəhərində baş verən qanunsuzluqlarla əlaqədar daim barışmaz mövqe tutub, son dövrdə isə sosial şəbəkədə Şirvan rayon İcra Hakimiyəti başçısının qanunsuz metlax biznesi, bölgədəki korrupsiya,  eləcə də büdcə təşkilatlarında çalışanların inzibati üsullarla YAP-a üzv qəbul etdirilməsi haqqında xəbərlər paylaşıb. Hakimiyyət siyasi partiyaların yerli qurumlarının fəaliyyəti üçün şərait yaratmadığı üçün Müsavatın yerli təşkilatının toplantıları da Əlikram Xurşidovun mənzilində keçirilirdi. Əlikram Xurşidovun həbsinin motivi məhz bunlardır.
 
Müsavat Partiyası şərlənərək həbs edilmiş Əlikram Xurşidovun dərhal azad edilməsini, ona qarşı açılan cinayət işinin xətm olunmasını və Azərbaycanda davam edən repressiya siyasətinin durdurulmasını tələb edir”.
Hökumət bununla bağlı qərar qəbul edəcək
 
Britaniya hökuməti mayın 1-də Kayman və Vircin adalarındakı şirkətlərin sahibləri üzərindən məxfiliyin qaldırılmasına razılaşıb.
 
Məlumatı "Reuters” agentliyi yayıb. 
 
Bildirilir ki, bu addım korrupsiya və vergidən yayınma hallarının qarşısını almaq məqsədi daşıyır. Hökumət planına görə, bu, 2020-ci ilin sonunadək həyata keçiriləcək.
 
Hökumətin bu qərarını antikorrupsiya kampaniyaçıları alqışlayıb.
 
"Christian Aid” təşkilatının əməkdaşı Simon Kirkland deyib ki, bu, çirkli pulların yuyulmasına və vergidən yayınmalara qarşı mübarizə aparan fəalların çoxdan gözlədiyi qərardır.
 
Britaniya son illərdə özünün dəniz və taxt-tac ərazilərində sahibləri anonim olan şirkətlərə görə beynəlxalq təzyiq altında idi. İnsan haqları və antikorrupsiya fəalları bildirirlər ki, ofşor ərazilərdəki məxfi şirkətlərdən ictimai pulların oğurlanaraq gizlədilməsi üçün istifadə olunur.
 
Simon Kirkland bildirir ki, ofşor ərazilərin yerli icra hökumətləri bu xəbərləri böyük sevinclə qarşılamayıb. Britaniya Vircin Adalarının (BVA) hökumət başçısı Orlando Smit deyib ki, o bu xəbərlərdən "dərindən narahat olub” və Londonun yeni şəffaflıq siyasətini "dərindən qüsurlu” hesab edir.
 
O bildirib ki, belə bir qərar nəinki əraziyə olan etimadı, hətta Britaniya hökuməti ilə gələcək münasibətləri sual altında qoyur, BVA əhalisinin konstitusiya haqlarını nəzərə almır.
 
Lakin Britaniyanın hakim Mühafizəkar Partiyanın bir neçə millət vəkili, müxalifətdən olan həmkarları ilə birləşərək dəyişikliklərin həyata keçirilməsi üçün hökumətə təzyiq göstərməyə başlayıb.
 
Ofşor ərazilərdəki məxfi şirkətlərin sahibliyinin açıqlanacağını hələ keçmiş baş nazir David Cameron vəd etmişdi.
 
"Reuters” yazır ki, bu ərazilərin bir çoxu geniş maliyyə xidmətləri göstərir, çünki buralarda vergi aşağı, bizneslərin sahibliyi isə qeyri-şəffafdır.
 
Daha çox açıqlığa edilən çağırışlara baxmayaraq, Britaniyanın taxt-tac və dəniz əraziləri lazımi informasiyanı yalnız hüquq-mühafizə orqanlarının tələbi ilə və yalnız belə bir tələb olanda açmağa borcludurlar.
 
Xarici işlər nazirinin müavini Alan Duncan deyib ki, hökumət qanuna iki millət vəkili tərəfindən təqdim olunmuş dəyişiklikləri qəbul etməyə hazırdır. Bu dəyişikliklərə görə, ofşor ərazilərdəki şirkətlərin əsl sahiblərinin adlarından ibarət mərkəzi reyestr jurnalistlər və ictimaiyyət üçün açıq olmalıdır.
Alan Duncan
 
Sözügedən dəyişikliklər bir sıra qanunlara, o cümlədən çirkli pulların yuyulmasına qarşı olan qanunlara tətbiq olunmalıdır.
Bu dəyişiklikləri təklif etmiş müxalif millət vəkili Margaret Hodge deyib ki, yeni qanunlar bir sıra rejimlərin və onların müəmmalı və çirkli pullarının gizlədilməsi və yuyulmasının qarşısını alacaq.
 
"Global Witness” antikorrupsiya təşkilatının sözçüsü Naomi Hirst deyib ki, əvvəllər buna bənzər dörd təklif qəbul olunmamışdı.
 
Onun fikrincə, hökumətdəki tərpəniş keçmiş Rusiya agenti Skripalın zəhərlənməsi ilə bağlıdır.
 
Bəzi təxminlərə görə hazırda ofşor ərazilərə axan kapital birbaşa Britaniyaya qoyulan investisiyalardan yeddi dəfə çoxdur.
 
"Reuters” yazır ki, sözügedən dəyişikliklər Man və Normand adalarına (Channel Islands) tətbiq olunmayacaq, çünki Britaniya parlamenti bu ərazilərə qanun diqtə etmək səlahiyyətinə malik deyil.
 
Xatırlatma
 
Korrupsiyaya və Mütəşəkkil Cinayətkarlığa qarşı Jurnalistika Layihəsinin 2016-cı ildə apardığı araşdırmaya görə, Azərbaycan prezidenti İlham Əliyevin qızları Leyla və Arzu Əliyevalar və onların dayısı oğlanları Mircəlal və Mircamal Paşayevlər Londonda milyonlarla dollarlıq mülklərin sahibidirlər.
 
Bunlara Londonda başqa ünvanda 25 milyon dollarlıq malikanə, 8 milyon dollaradək dəyərləndirilən və üzü Hyde Parkdakı ("Natiqlər guçəsinə”) baxan mənzil, Dubayda ümumi dəyəri 44 milyon dollar olan 9 malikanə, Moskva yaxınlığında dəyəri 37 milyon dollar olan daça və Çexiyanın kurort şəhəri Karlovı Varıda 1,1 milyon dollarlıq villa da daxildir. Amma bunlar hələ yalnız jurnalistlərə bəlli olan mülklərdir.
 
Hyde Parkın yanında ailənin sahib olduğu başqa bir mülk "Natiqlər guşəsinə baxan ev” kimi tanınır. Burada beşmərtəbəli malikanə, qiyməti 7 və 10 milyon dollar arasında olan 7 mənzilə bölünüb, hərçənd mənzillərdən hansıların bu ailəyə aid olduğu aydın deyil, çünki bütün mənzillər ofşor şirkətlər tərəfindən alınıb.
 
Panama sənədləri göstərir ki, 2015-ci ilin yanvarında qızlar daha bir Vircin adaları şirkətini - Exaltation Ltd.-i qeydiyyatdan keçiriblər. Bu şirkət vasitəsilə qiyməti 1 milyon dollardan baha olan daha bir Britaniya mülkü alınıb. Leyla və Arzunu təmsil edən başqa bir London hüquq firması - Child & Child onların yüksək ictimai vəzifə tutan fiqura (politically exposed persons or "PEPs”) yaxın və yaxud onun ailə üzvləri olduğunu göstərməyib.
 
Mossack Fonseca-nın daxili sənədlərindən bu da bəlli olub ki, qızlar 2015-ci ilin aprelində bir mülkü almaq üçün sənədlərin hazırlanmasında böyük tələskənlik göstəriblər, çünki "kontraktlar gələn həftə imzalanmalıymış”. Qızların əgər alıblarsa da, hansı mülkü aldıqları aydın deyil.
 
2017-ci ilin sentyabrında "Azərbaycanın pulyuyan maşını” adlı araşdırma dərc edildi. Danimarkada dərc olunan "Berlingske” qəzetinə sızdırılan və "OCCRP”yə göndərilən məlumatlarda 3 mlrd. dollara yaxın köçürmələrin hansı məqsədlərə yönəldiyi qeyd olunur. Sənədlərdə pulların kimdən gəldiyi, hara göndərildiyi, kimin bu əməliyyatlara cəlb olunduğu, pulların necə xərcləndiyi haqqında məlumatlar yer alır.
 
Əli Nağıyev 2012-ci ilin dekabrı ilə 2013-cü ilin iyulu arasında "Metastar Invest"dən Çexiyadakı bank hesabına 25, 000 avro qəbul edib.
 
Əli Nağıyev Azərbaycan Respublikası Baş Prokuroru yanında Korrupsiyaya qarşı Mübarizə Baş İdarəsinin rəis müavinidir. O, 2011-ci ildə əvvəlki işindən-milli təhlükəsizlik nazirinin müavini postundan uzaqlaşdırılıb. Buna səbəb o zaman milli təhlükəsizlik naziri olan Eldar Mahmudovla aralarındakı konflikt olub. Amma bu konfliktdən qısa müddət sonra o, hazırkı vəzifəsinə təyin olunub.
 
Həmin araşdırmada azərbaycanlı məmurların və əcnəbilərin, bir sıra şirkətlərin adları yer 
Həyat yoldaşı: ''Vurulan iynələrin nəticəsində ayaqlarında şiş gücləndi, təzyiqi artdı''
 Jurnalist Əfqan Sadıqovun haqqında açılan yeni cinayət işinə etiraz olaraq ağzını tikdiyi bildirilir.
 Jurnalistin həyat yoldaşı Sevinc Sadıqova Meydan TV-yə deyir ki, həyat yoldaşının səhhətində ciddi problemlər olsa da, Penitensiar Xidmətin müvafiq qurumu müalicə üçün heç bir müdaxilə etmir:
 "Bir dəfə Penitensiar Xidmətə müraciət etdik və onu 17 saylı Cəzaçəkmə Müəssisəsindən xəstəxanaya göndərdilər, 10 gün orda qalsa da, müalicə effektli olmadı. Yeni cinayət işi açıldığından onu hazırda Kürdəxanıya gətiriblər. Düzgün müalicə aparılmadığından təzyiq və ayaqlarında şiş əmələ gəlib. Xüsusən ona vurulan iynələrin nəticəsində ayaqlarında şiş gücləndi, təzyiqi də artdı. Bunu özü mənə dedi. Baxmayaraq ki, o, Kürdəxanı həbcxanasının rəhbərliyinə şikayət etsə də, onu Cəlilabada apardılar. Aprelin 26-da onunla Kürdəxanıda görüşəndə aclıq aksiyasına başlamışdı. Həmin axşam sudurğa keçirib. Bir gün sonra aclıq aksiyasına başlayıb və ağzını tikib”.
 Sevinc Sadıqova mayın 3-də Cəlilabad Rayon Məhkəməsində növbəti prosesin keçiriləcəyini bildirib.
 "Azel.tv” saytının təsisçisi və redaktoru Ə.Sadıqov 2016-cı ilin noyabrın 22-də saxlanıb. Ona CM-in 127.2.3-cü (xuliqanlıq niyyəti ilə təhlükəli üsulla sağlamlığa qəsdən az ağır ziyan vurma) maddəsi ilə ittiham irəli sürülmüşdü.
 İttiham Cəlilabad Rayon İcra Hakimiyyətinin xanım işçilərindən biri ilə bağlı idi. İddia edilirdi ki, ötən ilin avqustunda jurnalistlə həmin xanım arasında insident baş verib. Jurnalistin xanıma yönəlik xuliqanlıq əməlinə yol verdiyi, ona xəsarət yetirdiyi iddia olunur.
 Məhkəmə prosesi zamanı jurnalist və onun müdafiəçiləri ittihamın qurama olduğunu açıqlamışdılar. Məhkəmə prosesi zamanı insidentin baş verdiyi icra hakimiyyəti binasındakı müşahidə kameralarının görüntüləri də istənilmişdi. Ancaq məhkəmə bunu təmin etməmişdi.
 Cəlilabad Rayon Məhkəməsi ittihamı təsdiqləmiş, yanvarın 12-də Ə.Sadıqovu 2 il 6 ay müddətinə azadlıqdan məhrum etmişdi. Ə.Sadıqovun adı hüquq müdafiəçilərinin tərtib etdiyi "siyasi məhbus” siyahısına daxil edilib.
Cümə axşamı, 03 May 2018 00:00

“Alışanov işin”də “BİR İŞ” var

Yazan

Üç kişinin “üzünə dursun” deyə həbsdəki adama hər cür “komfort” yaradıblar

“Azərbaycan Televiziya və Radio Verilişləri” Qapalı Səhmdar Cəmiyyətinin idarə heyətinin sədri Arif Alışanovla bağlı məhkəmə işi hər dəfə çarpıcı faktlarla gündəmi zəbt edir. Son proseslərdə müttəhimlər kürsüsündə əyləşənlər ibtidai istintaqın çeşidli qanun pozuntuları ilə müşaiyət olunduğunu, ifadələrinin işgəncə altında alındığını söyləyiblər.
Qeyd edək ki, təqsirləndirilənlər – Şücayət Əkbərov, Qoçalı Cəbiyev, Zöhrab Şirinov və Aqşin Hüseynov AzTV sədri Arif Alışanov, qızı Nigar Alışanova və bacısı oğlu Dəyanət Cəfərova qarşı sui-qəsddə, televiziya rəhbərinin 4,6 milyon dəyərində əmlakını dələduzluq yolu ilə ələ keçirməkdə ittiham olunurlar.

Şücayət Əkbərov: “Məni döyürdülər ki, Alışanovu öldürmək istədiyimi deyim”

Ş.Əkbərov sui-qəsd planını həyata keçirmək üçün yaradılan dəstənin rəhbəri kimi qələmə verilir. Lakin o, məhkəmədəki ifadəsində ittihamı rədd edib, ibtidai istintaq dövründə yazılanların şər-böhtan olduğunu bildirib. Ş.Əkbərov cinayət törətmədiyini, heç vaxt adam öldürmək fikrində olmadığını, həbsinin aldığı torpaq sahələrinə görə borcunu qaytarmaq istəməyən, eyni zamanda törətdiyi qətlin üstünün açılmaması məqsədilə A.Alışanov tərəfindən təşkil edildiyini, bunun üçün sürücüsü Hacı Babayev və Müsabi Namazovla birlikdə “saxta cinayət işi” qurduğunu deyib. Ş.Əkbərovun sözlərinə görə, heç vaxt silahı olmayıb, maşınından tapıldığı iddia edilən silah da ora atılıb. Saxlanılarkən də əvvəlcə Şamaxı Rayon Polis Şöbəsinə, sonra Daxili İşlər Nazirliyinin Baş Mütəşəkkil Cinayətkarlıqla Mübarizə İdarəsinə (BMCMİ ) aparıldığını, orada işgəncə gördüyünü bildirib: “İyirmi gün “bandotdel”də məni döydülər ki, Alışanovu öldürmək istədiyimi deyim”.

Qoçalı Cəbiyev: “Şücayətin üzünə durmağım üçün mənzil, pul təklif edirlər”

Digər təqsirləndirilən Qoçalı Cəbiyev məhkəmədəki ifadəsində cinayət işinin saxta olduğunu və prosesin Alışanovun ssenarisi ilə aparıldığını bildirib. Deyib ki, Ş.Əkbərovun sui-qəsd planı hazırladığını söyləməklə əleyhinə ifadə verməsi üçün ibtidai istintaq zamanı ona işgəncə verilib: “Məni “bandotdel”də döyürdülər ki, Şücayətin üzünə durum. Ayağımdan asmışdılar. İyirmi gün orada zülm verdilər”.

Q.Cəbiyev Əkbərovdan sui-qəsdlə bağlı hər hansı göstəriş və ya sifariş almadığını deyib. O, hazırda özünə qarşı təzyiqlərin davam etdiyini söyləyib. Bildirib ki, istintaqı aparan müstəntiq Kamal Talıbov məhkəmədən bir gün əvvəl Kürdəxanı təcridxanasına gələrək onunla görüşüb və pul təklif edib, prosesdə əsas təqsirləndirilən şəxs olan Şücayət Əkbərovun əleyhinə ifadə verməyi təklif edib. Müstəntiq bu “xidmət”, həmçinin “arvadının onun həbsinə dözməyib öldüyü barədə məhkəmədə danışmamağı” müqabilində Q.Cəbiyevə azad olunacağı və ona mənzil bağışlanacağına dair vəd verib. Əks təqdirdə, onu da Ş.Əkbərovun gününə salıb, ailəsinin bütün əmlaklarını əllərindən alacaqları ilə hədələyib.

Zöhrab Şirinov: “Müstəntiqin dediklərini yazmasaydım, sağ qalmazdım”

Təqsirləndirilən Zöhrab Şirinov da ötən prosesdə həbs olunduğu vaxt “bandotdel”də saxlanıldığını və təzyiqlərə məruz qaldığını deyib. “Yanvarın 14-də tutulmuşam, 29-na qədər “bandotdel”də qalmışam. Vəkilimi yanıma buraxmadıqlarına görə qardaşım prokurorluğa teleqram vurub. Həmin gecə məni xüsusi maşınla etap ediblər. Ertəsi gün yenə qaytarıb Mehman adlı birini verdilər ki, “bu, sənin vəkilindir”. Müstəntiq Kamal Talıbov mənə deyirdi ki, “onsuz da vəkilin qol çəkib, sənin nə deməyinin əhəmiyyəti yoxdur”. Başqa yolum yox qalmamışdı, ya özümü öldürməliydim, ya da qol çəkməliydim. Ona görə də məcburən imzaladım. Cinayət işindəki ifadələr təzyiqlə alınıb. Məni Canpolad adlı müstəntiqin otağında döydülər. Həmin zorakılığın ağrısını indi də çəkirəm. Onurğamda problem yaranıb. Əgər istədiklərini yazmasaydım, indi burada ayaq üstə dura bilməzdim. Məni yenidən dindirin, ərizəmi burada alın. Bütün telefon danışıqlarımı çıxarıblar. Radarlar var, baxsınlar, görsünlər mənim maşınım oradan keçib, ya yox. Ayın 11-də usta işlədiyindən evimdə olmuşam. Müsabi ilə üzləşmədə heç onu tanımamışam. Alışanova sui-qəsdlə bağlı heç bir plan və ya razılaşma olmayıb”.

Fərqanə Hüseynova: “Ərimdən Şücayətin əleyhinə ifadələr almağa çalışıblar”

Məhkəmə istintaqında Aqşin Hüseynov verilmiş ittiham üzrə özünü təqsirli bilmədiyini bəyan edib. Bu da o deməkdir ki, onun iddia edilən sui-qəsddən xəbəri olmayıb. Bunu, məhkəmə istintaqında dindirməsi hələ ki, baş tutmayan A.Hüseynovun həyat yoldaşı Fərqanə Hüseynovanın ibtidai istintaq zamanı kütləvi informasiya vasitələrinə yazdığı müraciət də təsdiqləyir: “Həyat yoldaşım Aqşin Hüseynov AzTV sədri Arif Alışanovun sifarişi əsasında həbs edilən Şücayət Əkbərovun 15 il işçisi olub. 2017-ci ilin yanvarın 14-də yoldaşım Əkbərovla birlikdə həbs edilsə də, 3 gün sonra Aqşin buraxılıb. Ondan Şücayətin əleyhinə ifadələr almağa çalışıblar. Lakin onların bu çirkin planları həyata keçmədiyindən həyat yoldaşımın adına olan lizinqli kənd təsərrüfatı texnikaları və torpağımız zor tətbiqetmə və hədə-qorxu gəlməklə etibarnamə əsasında əlimizdən alınıb. Yoldaşım Əkbərovla işlədiyi müddətdə kənd təsərrüfatı ilə məşğul olub. Şücayətin həbsindən sonra Alışanov ona aid mülkləri də hədə-qorxu ilə əlindən alıb, etibarnamə əsasında köməkçisi Camal Nəbiyevin adına keçirib. Nəbiyev torpağımızı öz adına rəsmiləşdirərkən, hər şeyin yaxşı olacağına bizi arxayın edirdi. Amma 2 ayda təsərrüfatımızı taladı, “Alışanova pay verəcəyi” adı ilə toyuq-cücəni kəsdirdi, sonra geridə bir şey qalmadığını görüb Aqşini təzədən həbs etdirdi. Aqşin verdiyi etibarnaməni sonradan ləğv etdirsə də, texnikalar hələ də Alışanovun istifadəsindədir”.

Müttəhimin zövcəsi “Alışanovlar dəstəsi”nin məsuliyyətə cəlbini tələb edib

Fərqanə xanım bundan əvvəl dəfələrlə aidiyyatı orqanlara müraciət etsə də nəticəsi olmadığını yazıb: “Həyat yoldaşım hazırda günahsız olaraq Kürdəxanı İstintaq Təcridxanasında saxlanılır. Xahiş edirəm ki, onun azadlığa çıxarılmasına, Arif Alışanov və qohum-əqrabasının qanunsuz ələ keçirdikləri əmlaklarımızın geri qaytarılmasına, ailəmizə külli məbləğdə maddi zərər vurmuş Alışanovlar dəstəsinin cinayət məsuliyyətinə cəlb olunmasına və bizə vurulmuş zərərin ödənilməsinə yardımçı olasınız və bu məsələni öz mətbu orqanlarınızda işıqlandırasız”.
F.Hüseynovanın yazdığından: “Həyat yoldaşım cinayət törətmədiyi, ehtimallarla ağır cinayətdə ittiham olunduğu halda, aşkar cinayət törətmiş şəxslər və onların yaxınları haqqında niyə cinayət işi başlanılmır? AzTV sədri vəzifəsini daşıyan şəxs nə vaxtdan “toxunulmaz” olub? Cinayət törətmiş şəxslər qanun qarşısında bərabərdirlər və bu ayrıseçkilik Konstitusiya ilə qadağan edilib”.

Xanım müraciəti öz imzası ilə də təsdiqləyib. Lakin sonradan şikayəti KİV-ə göndərməsinə nəsə ya da kimsə mane olub. Hüquqi terminlərdən yerində istifadə, dilin qaydalarına uyğun yazılışı məktubun vəkilin nəzarəti və diqtəsi ilə yazıldığını göstərir.

Vəkil təpindi, o da qorxusundan eləmədiyi işi “boynuna aldı”

Amma A.Hüseynov məhkəmədə özünü təqsirli bilmədiyini dediyi zaman müdafiəçisi Nüşabə Ağayeva “Sən özünü qismən təqsirli bilirsən, avtomat silahı Zöhrabdan alıb, Qoçalıya vermisən və Şücaətin xahişi ilə silahları çənin altından götürüb qarajda gizlətmisən”, deyə ona təpinərək müdafiəsi altında olan şəxsin ehtimal edilən cinayətlə əlaqəsini və təqsirini təsdiq etdirməklə onun müdafiə hüququnu kobud şəkildə pozub. Bundan sonra müttəhim özünü qismən təqsirli saydığını deyib.

Necə olur ki, təqsirləndirilən dörd nəfərdən üçü eyni ifadəni verir, israrla cinayətə təşəbbüs göstərmədiklərini deyir, ibtidai istintaqda döyüldüklərini, ifadələrinin təzyiq altında alındığını söyləyirlər, yalnız biri “təqsiri”ni boynuna alır. O da vəkilin kobud müdaxiləsindən sonra. Arvadının hər yerə palaz-palaz şikayət məktubu yazdığını, ərinin günahsız olduğu barədə iddialarını bilə-bilə, vəkil adamın olmayan təqsirini sonradan hansı gərəkcə ilə boynuna qoya bilir? Axı o məktublar sübut sayılır. Vəkil, faktiki olaraq müvəkkilinin ifadəsinin saxtalaşdırlmasını təmin edir, amma saxtakarlığa yol vermənin cəzasını da peşəsindən dolayı hər kəsdən daha yaxşı anlamalıdır.
A.Hüseynov yoldaşları ilə uzun müddət Kürdəxanıdakı 1 saylı Bakı İstintaq Təcridxanasında eyni barakda qalıb. Bu yaxınlarda Kürdəxanıdan Şüvəlana aparılıb, oradan da “xəstəlik” bəhanəsi ilə müalicə müəssisəsinə köçürülüb. Məhkəməyə başqa maşında gətirlir, digərlərindən ayrıca əyləşdirilir, müttəhim yox, daha çox şahid kimi dindirilir. Adətən, mütəşəkkil cinayət epizodlarında yoldaşlarına qarşı ifadə verənlər digər tərəfin ehtimal edilən hücumundan sığortalanmaq məqsədilə proseslərə bu cür gətirilir. Vəkilin də, müvəkkilinin də Alışanovun maraqlarına uyğun mövqe sərgiləməsi, Hüseynova münasibətdə məhkəmənin nümayiş etdirdiyi ayrı-seçkilik “bu işdə bir iş olduğu”nu düşünməyə əsas verir. Hüseynovu bir tərəfdən ehtimal olunan cinayəti törətməyə cəhd göstərən mütəşəkkil dəstənin üzvü hesab edirlər, başqa tərəfdən isə ona CM-nin 29 (cinayət etməyə cəhd) və 120-ci (qəsdən adam öldürmə) maddələrini tətbiq etmirlər və bunun müqabilində onu “əməkdaşlığa” sürükləyirlər.

"Son zamanlar mediada "Azərişıq" ASC-nin Aran Regional Elektrik Təchizatı və Satışı İdarəsinin (ARETSİ) rəisi Canəhməd Əhmədovun özbaşınalığı, daha doğrusu əxlaqsızlığı ilə bağlı xəbərlər işıqlandırıldı. Amma təəssüf ki, Canəhməd Əhmədov cəmi 500 manat xərc çəkməklə həmin xəbərləri saytlardan yığışdıra bildi. Sizdən xahiş edirik ki, Canəhməd Əhmədovun İmişli rayonundə etdiyi əxlaqsız hərəkəti işıqlandırasınız".
1525084857 6Bu sözlər İmişli rayon sakinlərinin redaksiyamıza göndərdiyi şikayətdə yer alıb. Şikayətdə bildirilir ki, Canəhməd Əhmədov Aran elinə yaraşmayan hərəkətlər etməkdən də çəkinmir və milli mentalitetə zidd davranışları ilə qısa müddətdə İmişlidə xüsusi ad çıxara bilib. Belə ki, 2 ay əvvəl Canəhməd Əhmədov tabeliyində işləyən xanımlardan birinə əxlaqsız təklif edib. Həmin xanım əməkdaş (xanımın kimliyi şikayətdə əksini tapsada, adını açıqlamağı lazım bilmirik – red.) bu təklifi rədd edir. Bu hadisədən sonra Canəhməd Əhmədovun etdiyi əxlaqsız hərəkət rayonda böyük söz-söhbətə səbəb olur ki, nəticədə əxlaqsız təklifi rədd edən xanımın ailəsi dağılır və işdən çıxmalı olur. Həyat yoldaşı bu hadisədən sonra “Azərişıq” ASC-nin Aran Regional Elektrik Təchizatı və Satışı İdarəsinə əli baltalı hücum edərək, Canəhməd Əhmədovu öldürmək istəyib. Canəhməd Əhmədov həmin zaman idarədə gizlənir. İdarə müdirini tapa bilməyən həmin şəxs idarənin içində və çolundə qarşısına çıxan hər şeyi dağıdır. Canəhməd Əhmədov idarəni dağıdan həmin şəxslə bağlı hüquq-mühafizə orqanlarına şikayət etmir və məsələnin ictimailəşməsinin qarşısını almaq üçün bütün addımları atır.
Şikayətdə həmçinin qed olunur ki, Canəhməd Əhmədov tabeliyində işləyən bütün işçiləri ilə kobud davranır. Hətta işə təzə gələn əməkdaşlarının da qarşısında fantastik tələblər qoyur. Cəbhəboyu bölgələrdə çalışan əməkdaşları təhqir etməkdən çəkinmir. Şikayətdə iddia edilir ki, böyük bir vəzifəni icra edən Canəhməd Əhmədovda şizofreniya xəstəliyindən əziyyət çəkir və buna görə müalicə də alıb.
Redaksiyamızın apardığı araşdırmalar zamanı məlum oldu ki, Canəhməd Əhmədov bu vəzifəə qədər Qaradağ rayonunda çalışıb. Bu zaman işində ol verdiyi qanunsuzluqlara görə, Baba Rzayev tərəfindən işdən çıxarılıb. Buna səbəb Canəhməd Əhmədovla bağlı iş adamlarının çoxsaylı şikayətlər etməsi və daş karxanalarına "leviy" işıq xətləri çəkməsi olub.
Amma qısa müddət sonra Canəhməd Əhmədov Aran Regional Elektrik Təchizatı və Satışı İdarəsinin rəisi vəzifəsinə təyinat alıb. Ötən il Prezident İlham Əliyev bir qrup "Azərişıq" əməkdaşını təltif edən zaman Canəhməd Əhmodava əməkdar mühəndis adı verilir. Belə bir şəxsin adının əməkdar mühəndis adına təqdimatını vermək böyük korrupsiya maraqlarından xəbər verir. İmişli sakinlərinin sözlərinə görə, Canəhməd Əhmədovu "Azərişıq" ASC-nin sədr müavini Ramil Yusifov himayə edir. Onun bütün qanunsuz əməllərini sədr müavini görməzdən gəlir. Buna görə o, heç Baba Rzayevi də saymır və ASC sədrini saymaması ilə qürrələnir.
Redaksiyamıza Canəhməd Əhmədovla bağlı daxil olan məlumatları araşdırmaqda davam edirik. Qarşı tərəfin də mövqeyini dərc etməyə hazırıq

 Bolqarıstanlı Qavazov İmişlinin Xoşçobanlı   kəndindəki gölə necə “düşüb”?
İmişli rayonunun Xoşçobanlı kəndində balıq saxlanılan göllərlə bağlı illərdir mübahisə və çəkişmə gedir. Sakinlərin şikayəti ilə əlaqədar Ədliyyə, Ekologiya və Təbii Sərvətlər nazirliklərinin, Əmlak Məsələləri Dövlət Komitəsinin, İmişli rayon icra hakimiyyətinin və prokurorluğunun nümayəndələri dəfələrlə bu göllərə baxış keçirib, araşdırma, təhqiqat, inzibati icraat, məhkəmə çəkişməsi olub. Amma hamının bildiyi ən sadə həqiqət elə bu dayaz göllərdə batırılıb.
8E0BB24F 281D 408F 99CF 7400D6695289 w1023 r1 sBu barədə redaksiyamıza İmişli rayonunun Xoşçobanlı kəndində yaşayan şəhid atası Əmirov Əmiralı Gürşad oğlu məlumat verib. Onun sözlərinə görə, torpaq islahatı aparılarkən kəndin ərazisindəki 424 hektar torpaq sahəsi örüş məqsədilə əhalinin ümumi istifadəsində saxlanılıb. Bu ərazinin təxminən 40 hektaradək hissəsi Xoşçobanlı bələdiyyəsi tərəfindən ayrı-ayrı şəxslərin icarəsinə verilib, sonuncular isə 2005-ci ildən başlayaraq orada balıq yetişdirmək üçün süni yolla göllər yaradıblar.
“İcarədarlar təxminən 4500 metrədək uzunluqda kanal qazmaqla göllərin kənarına bənd vurub və bunun hesabına orada suyun səviyyəsini yer səthindən 1,5 metr hündürlüyə qaldırıblar. Nəticədə bu göllər, ətrafdakı əkin sahələrini və qəbiristanlığı daim zinə sularının altında saxlayır, münbit torpaqlarda şoranlaşma yaradır”- şikayətçi belə deyir.
Kənd sakinlərinin çoxsaylı şikayətlərindən sonra Ədliyyə Nazirliyinin regional şöbəsinin, Əmlak Məsələləri Dövlət Komitəsi yanında Torpaqların Dövlət İdarəetməsinin Təşkili üzrə Dövlət Agentliyinin, Ekologiya və Təbii Sərvətlətlər Nazirliyinin  Ətraf Mühitin Mühafizə Departamentinin, nazirliyin 7 saylı ərazi idarəsinin nümayəndələri dəfələrlə yerində araşdırma aparıb. Amma Əmiralı Əmirov deyir ki, şikayətlərdə göstərilən faktlar təsdiqini tapsa da, qanunsuzluğun qarşısını almaq üçün təsirli tədbirlər görülməyib:
“Bizə verilən cavablarda bildirilib ki, göl sahiblərinə xəbardarlıq edilib, barələrində inzibati tənbeh tədbiri görülüb, onlara icrası məcburi olan göstərişlər verilib, bəzi əməlləri cinayət tərkibli olduğundan prokurorluğa müraciət olunub. Amma bu qədər səlahiyyətli dövlət orqanları ötən üç il ərzində kiçik bir kənddəki qanunsuzluğun qarşısını ala bilməyiblər. İndi araşdırmaların qarşısını almaq, yaxalarını kənara çəkmək üçün məhkəməni önə veriblər. İmişli rayon məhkəməsi də bu göllərin çirkabına batıb.”
Ə. Əmirovun sözlərinə görə 2017-ci ildə 7 saylı Ekologiya və Təbii Sərvətlər Şöbəsi İmişli Rayon Məhkəməsində “qanunsuz olaraq yaradılmış süni göllərin doldurularaq torpağın əvvəlki vəziyyətə gətirilməsinə dair” iddia qaldırıb. Məhkəmə iddianı təmin etməyib. Şikayətçi deyir ki, çıxarılmış qətnaməni uzun müddət üzə çıxarmayıblar, nəhayət əldə edib oxuyanda xeyli təəccüblənib:
“6 səhifəlik qətnamənin təxminən yarıdan çoxunda yazılanların işə heç bir aidiyyatı yoxdur. Məhkəmə qətnaməyə lüzumsuz olaraq mülki və bələdiyyə qanunvericiliyində yer alan bəndləri, cavabdehlərin izahatlarını köçürüb. Sonra “Mahmudov Rusiyaya qarşı”, “Qavazov Bolqarıstana qarşı”, Konstutisiya Məhkəməsinin M. Bağırovun şikayəti üzrə qərarlarına istinad edib. Ən mühümü isə məhkəmə hesab edib ki, “ekologiya idarəsinin subyektiv hüququ pozulmayıb”, yaxud “bələdiyyə ilə icarədarlar arasında bağlanılmış icarə müqaviləsi ləğv edilmədən bu tələb irəli sürülə bilməz”. Çox qəribədir. Əgər bu göllər qanunsuz yaradılıbsa, ətraf mühitə zərərli təsir edirsə, niyə də aidiyyatı dövlət orqanı iddia qaldıra bilməsin?! Məhkəmə işin faktiki hallarının obyektiv, qərəzsiz, hərtərəfli və tam araşdırıldığını qeyd edir. Halbuki mübahisələndirilən əraiyə müstəqil baxış keçirməyib, heç bir dövlət orqanının sənədinə, araşdırmasına istinad etməyib.”
Ə. Əmirov daha sonra qeyd edir: “Göllərin yaradılması çox yaxın tarixdir, yəni son 10-15 ilə aiddir. Bunu saxtalaşdırmaq mümkün deyil. Sovet hakimiyyəti illərində bu ərazidə keçmiş Telman adına kolxozun mal ferması olub. Bu, Azərbaycan Respublikası Dövlət Torpaq və Xəritəçəkmə Komitəsinin Yerquruluşu Layihə İnstitutu tərəfindən tərtib edilmiş “Xoşçobanlı kəndinin islahata gedən yer quruluşu xəritəsi”ndə də öz əksini tapıb. Düzdür, kəndin ümumilikdə 20 hektar ərazisində kiçik göllər olub. Qeyd etdiyim xəritədə onların harada yerləşməyi də göstərilib. Həmin göllərin heç biri mübahisələndirilən ərazidə deyil. Biz bu xəritə və digər sübutları məhkəməyə təqdim etmişdik. Amma onların heç biri qətnamədə qeyd edilməyib. ”
Vətəndaş deyir ki, mübahisənin araşdırılmasında xüsusi əhəmiyyət kəsb edən, mötəbər sübutları Ədliyyə Nazirliyinə də göndərib, sonuncu isə Şirvan Apellyasiya Məhkəməsinə ünvanlayıb. Amma bu məhkəmədən ona bildirilib ki, “mülki iş üzrə tərəf olmadığınızdan müraciətinizə məhkəmə qaydasında baxılması mümkün deyil, iddia ərizəsi ilə birinci instansiya məhkəməsinə müraciət edə bilərsiniz.” Vətəndaşı ən çox təəccübləndirən də budur ki, niyə məhkəmələr işin obyektiv araşdırılmasında maraqlı deyil? Axı onun təqdim etdiyi sənədlər də elə bu işə aiddir, ayrıca iddia qaldırmağa nə ehtiyac var?
“Bizim əlimizdə olan sübutları ona görə işə əlavə etmək istəmirlər ki, onlara hüquqi qiymət veriləndə hazırda mövcud olan göllərin süni surətdə yaradılmağı və qanunsuz fəaliyyət göstərməyi üzə çıxacaq. Bunları təkzib etmək mümkün deyil. Məhkəmənin istinad etdiyi “Qavazov Bolqarıstana” qarşı iş üzrə Avropa Məhkəməsinin qərarında qeyd edilib ki, sübutlar qiymətləndirilərkən, bir qayda olaraq “əsaslı şübhədən kənar” standartlar tətbiq edilir. Ya “Mahmudov Rusiyaya qarşı” iş olsun. Sonuncuda məhkəmənin qiymətləndirməsi belədir ki, sübut kifayət qədər güclü, aydın və bir-birinə uyğun qənaətlərin həm mövcudluğundan, həmçinin təkzib olunmaz oxşar fakt ehtimallarından irəli gələ bilər. Bizim bu göllərlə bağlı iddiamızın arxasında şübhə, qənaət və ehtimal yox, faktın özü, səlahiyyətli dövlət orqanları tərəfindən verilmiş sənədlər, digər mötəbər sübutlar dayanır. Belə iddianı araşdıran məhkəmə, qətnaməyə cəfəngiyyat köçürməkdənsə, elə özü də sorğu verib aidiyyatı orqanlardan rəsmi cavab ala bilərdi. Bu qərar dövlət orqanlarını da yalançı çıxarıb- Ekologiya Nazirliyi, Əmlak Komitəsi, İmişli RİH göllərin süni, məhkəmə isə təbii yolla yarandığını bildirir. İndi hakim Akşin Əfəndiyevdən soruşmaq lazımdır ki, sən bu göllərin təbii yolla yaranmağını necə müəyyən etmisən- balıqlarının dadına baxmaqlamı???”
Şəhid atasına ən çox təsir edən süni göllərin qəbiristanlıqda uyuyan əzizlərinin, o cümlədən, hərbi xidmət keçən zaman düşmən gülləsinə tuş gələn oğlu Vüqarın qəbrinin su içərisində olmağıdır:
“Göl sahiblərinin yaxınları, ətrafdakı üç kənddən vəfat etmiş adamlar bu qəbiristanlıqda dəfn edilib. Bu qanunsuz əmələ görə ölülərimiz də rahat deyil.” O, hələ də ümid edir ki, Ədliyyə Nazirliyi bu biabırçılığa son qoyacaq.

9 -dən səhifə 187