Çərşənbə axşamı, 25 Oktyabr 2016 00:00

Antalyada güclü partlayış: Terror ehtimalı - VİDEO

Yazan
Türkiyənin Antalya vilayətində güclü partlayış baş verib.
 Habertürk xəbər verir ki, partlayış Ticarət və Sənaye Palatasının binasında baş verib.
 Əraziyə çoxlu sayda polis və ambulans cəlb olunub.Partlayışın başvermə səbəbi hələlik məlum deyil. Ehtimallar isə, partlayışın terror təşkilatları tərəfindən həyata keçirildiyi yönündədir.
 Partlayış nəticəsində Palatanın binası və yaxınlıqdakı binalara ciddi ziyan dəydiyi bildirilir.

 “Leyla Yunusu aylarla “ermənilərə işləyir” ittihamı ilə mənəvi terrora məruz qoydular. Sonra da saxta sənəd hazırlamaq, vergidən yayınma kimi maddələrlə də ittiham elan olundu. Əlbəttə, “erməni işi” kimi, bu yeni ittihamlar da quramadır”. Bu sözləri İnsan Hüquqları və Sosial Bərabərlik İnstitunun sədri Elnarə Ağayeva tanınmış hüquq müdafiəçisi, məşhur ictimai xadim, Sülh və Demokratiya İnstitutunun direktoru Leyla Yunusun həbs olunmasına münasibət bildirərkən deyib.

esas elnare

     E.Ağayeva saxta ittihamlarla təşkil olunan həbsləri kəskin qınayıb: “Hökumət nümayiş etdirir       ki, həqiqəti deyən, siyasi məhbusları müdafiə edən insanları susdurmaq naminə istənilən addımı     atmağa hazırdır. Leyla xanım Azərbaycanda vətəndaşın iradəsinə və demokratik dəyərlərə             söykənən azad bir dövlət yaradılması uğrunda bütün fədakarlıqları göstərmiş bir ictimai             xadimdir. Amma vergi sistemi başdan-başa cinayəti içində olan bir rejim belə bir ictimai xadimi     vergidən yayınmaqda ittiham edir. Sahibkarıq məsələlərinə heç bir aidiyyəti olmayan, ömrü boyu   hüquq müdafiəçisi kimi çalışan bu fədakar insan “qanunsuz sahibkarlıq” fəaliyyəti ilə məşğul   olmaqda ittiham edilir.

  E.Ağayeva diqqəti maraqlı bir mövzuya yönəldib: “Maraqlıdır ki, Fransa Fəxri Legion ordeninin kavaleri olan Leyla Yunusa qarşı tətbiq edilən bütün bu qanunsuzluqlar Azərbaycanın Avropa Şurasının Nazirlər Komitəsinə başçılıq etdiyi bir mərhələdə baş verir. Leyla Yunus İkinci dünya müharibəsi başa çatdıqdan sonra Fəxri Legion ordunun yeganə kavaleridir ki, qurama “dövlətə xəyanət” ittihamı ilə həbs edilir”.

 Zaman-zaman siyasi mülahizələrlə həbs edilmiş bütün siyasi məhbusların, vicdan məhbuslarının azadlığa çıxmasında onun misilsiz xidmətləri olmuşdur. Bu gün də siyasi və vicdan məhbuslarının ən dolğun və obyektiv siyahısını məhz Leyla Yunus hazırlamış və beynəlxalq təşkilatlara göndərmişdir. Lakin indi o, özü vicdan məhbusudur və ölkənin bütün vicdanlı adamları onun yanında olmalıdır. İndi Lelya xanım özü siyasi mülahizələrlə həbs olunub və müdafiə etdiyi siyasi məhbuslar sırasındadır. Onun dərhal azad olunmasını tələb edirəm – E.Ağayeva bildirib.

Çərşənbə axşamı, 25 Oktyabr 2016 00:00

Fətullah Gülənə məktub - Arzu ABDULLA yazır

Yazan

Bir dəfə sosial şəbəkədə nurçubaşı Fətullah Gülənə aid bir link paylaşdım. Fətullah Gülənin "ürəkkeçmə" şoularından biri idi. Budur haa, it ilxısı-köpək sürüsü töküldü üstümə. Adamlardan biri təsadüfən tanış çıxdı. Bu tanışım çox “dərin” nurçu idi.

Statusuma yazdığı kobud şərhə görə üzr istədi. Sonra Fətullah Gülən “sevgisinin” məqsədindən danışdı. Bəli, məqsədindən. Fətullah Gülən azərbaycanlı nurçular üçün məqsəd idi. Yəni pul qazanmaq, vəzifə tutmaq üçün məqsəd. Fətullah hoca sadəcə pul boxçası idi, odur ki, onu ancaq pul əldə etmək məqsədi ilə “sevirdilər”.

Universitet təhsili alan bu nurçu isə alim əmisinin məsləhəti ilə bu yola düşmüşdü: “Pul Ərəbistanda olsa, dalınca yüyür” ideyası ilə yaşayan əmisi əslində bu adamı Fətullahın qucağına atmaqla üzünə xeyli qapılar açmışdı.

O zaman “Soliton”un Bakı filialında çalışırdı. Yüksək maaş alırdı, üstəlik, nur babası da vaxtlı-vaxtında yardımını əsirgəmirdi. Adam “mənə pul lazımdı, Fətullah-zadı neynirəm” deyirdi.

Bax bu, nurçuların acı reallığı idi. Onlar pul qazanmaq üçün “nura” boyanmışdılar.

Əslində bu təriqətin bünövrəsi əyri qazılmışdı. Nurçuluq ideyasını ortaya atan, kürd millətçisi Nursi Səid Kürdinin məqsədi nur paylamaq deyildi, ara qarışdırmaq, parçalamaq, dağıtmaq idi. Üstəlik, onun, Türkiyənin qurucusu Atütürkə olan nifrəti, ikiüzlü münasibəti çox iyrənc idi. Bu münasibətə nəzər salanda Nursi Səid Kürdünin nə qədər idbar olduğu üzə çıxır.

Eyni zamanda özünü peyğəmbər kimi sırımağa çalışan bu savadsızın ortaya qoyduğu kitablar da onun bəlli xarici kəşviyyata yalmandığından xəbər verirdi.

Əslində savadsız olan, hətta əlifbanı bilmyən Nursi bu qədər kitabı necə yazırdı? Eyni sualı onun davamçılarından olan Adnan Oktar haqqında da vermək olar. Bir adam bu qədər kitabı necə yaza bilər? Bəlli fikir mərkəzinin hazırladığı kitabların üstünə sadəcə bu adamların adı müəllif kimi yazılır. Məgər yəhudi mənşəli Adnan Oktarın başına yığdığı botokslu-slikonlu kediciklərindən zamanımı qalır kitab yazmağa?

Bu gün Fətullahı puluna görə sevirlər. Çünki vaxtı ilə Səid Nursi Kürdi pul verənlərin diqtəsi ilə Türkiyəni uçuruma aparan ideologiyanı ortaya atmışdı. Fətullahın bu gün başında dayandığı nurçuluq ideyasını.

Acınacaqlısı odur ki, Fətullah Gülən hər nə qədər arif olsa da bu güzgü effekti verən fəlsəfəni unutmuşdu. Əgər unutmasaydı Azərbaycan hakimiyyətini hədələməzdi. O, elə bilirdi ki, ətrafında quyruq bulayan həmyerlilərimiz onun bir kəlməsi ilə hətta hakimiyyəti devirəcək.

Amma unutmuşdu ki, gördüyü işin mayası saflıqla deyil, pula olan hərisliklə, əclaflıqla yoğrulub.

Unutmuşdu ki, puluna görə yanında olanlar eləcə bütün pulu olanların yanındadırlar.

Məsələn, Fətullah Gülənin aqressiv nökərlərindən biri tez-tez əmrə müntəzir olub, üzünü şiələrə tərəf tutub bir iki ağız hürür. Hər dəfə layiqli cavabını alır. Amma bu adam ona layiqli cavab verənlərin hamısını İran agenti adlandırır. Amma yaxından tanıyanlar deyir ki, müstəqilliyimizin ilk günlərində bu yalaqaçanın işi-peşəsi ölkəmizdə olan xarici səfirliklərdən pul dilənmək idi. Təbii, onlara işləmək şərti ilə. İndi Şah Babamızı, Şah İsmayıl Xətaini qaralayıb. Görəsən, bu dəfə hansı səfirlikdən yal alıb? Görəsən, Şah Babamızı qaralama sifarişinə neçəyə razı olub? 

Bu yalaqaçan anlamır ki, şiəliyin kökündə pula hərislik dayanmayıb. Şiəliyin kökündə etiraz, ÜSYAN dayanıb. Ədalətsizliyə, əxlaqsızlığa qarşı çevrilən ÜSYAN.

O ÜSYAN ki, məhv ediləcəyini bilə-bilə etiraz etdi. Çünki hələ etiraz etmək gücü var idi. Bu gün o güc hər bir şiənin genində, qəlbində, qanında var.

O ÜSYAN ki, kökündə dünya malı deyil, İNSANLIQ dayanırdı. Bu gün də o, İNSANLAR VAR, sabah da OLACAQ! Dünya durduqca HAYQIRACAQ - YA HÜSEYN- deyə.

Batdımı qulaqlarınız bu HAYQIRTIDAN. Batdı, batdı.

Karsınız-ədalətsiziliyin ərşə dirədiyi bu qədər ahı-naləni eşitmirsiz.

Korsunuz-haqsızlığın HAQQ üzərindəki zülmünü görmürsünüz.

Ya bəlkə, görürsünüz... Amma qulaqlarınıza, gözlərinizə möhür vurulub. Pula hərislik, dünya malına möhtaclıq qəlbinizi o qədər pasladıb ki, hissləriniz ölüb artıq.

Mənsə okeanın o tayındakına, Fətullah Gülənə bir ismarıc hazırlayıram. İsmarıc edəcəm ki, Fətullah Gülən, nə edirsən et, qanlı caynaqlarını məmləkətimin üzərindən çək. Hə, bir də Aşıq Ələsgərin o məşhur müraciətini xatırladacam ona: "ACIQLANIN çal köpəyə, hürməsin!"

 

"İdeal” parfumeriya ve kosmetika mağazalar şəbəkəsindən şikayətlər ünvanlanır

Elnarə Əliyeva 2 ay qabaq firmadan tanal krem alıb. 
Onun sözlərinə görə, kremin üzərində istehsal tarixi ştrix kodla olub deyə baxa bilməyib: "Məsləhətçi baxıb yalandan dedi ki, təzədir və istifadə vaxtının bitməsinə hələ var. Firmanın rəsmi saytına baxanda gördüm ki, vaxtı keçibmiş. 
Mən onların aldatdıqları tək müştəri deyiləm. İndiyə qədər neçə insanı belə aldadıblar. Təkcə tanal kremlərində yox, digər məghsullarında da bu hallar baş verir”.
Mətbuatda bu mağazalar şəbəkəsi haqda tez-tez şikayətlər dərc olunur. "İdeal" mağazalar şəbəkəsində satılan ətirlərin saxta olduğu deyilir.
Parfümeriya məhsullarına gömrük rüsumu böyük olmasa da, bu mağazalarda qiymətlər çox bahadır. İdeal" mağazalar şəbəkəsində müştərilərə təklif edilən ətir və kosmetik vasitələrin qiyməti baha olsa da, keyfiyyəti çox aşağıdır. 
"Chanel”, "Dior”, "Lancome”, "Guerlain”, "Bourjois”, "Calvin Klein”, "Collistar”, "Chopard”, "Gucci", "Burberry", "İsadora", "Hugo Boss", "Kenzo", "Lacoste", "Lanvin", "Lumene" kimi brend ətirlərin qiyməti qramından asılı olaraq 70-250 manat arasında dəyişir. 
Bir müddət əvvəl də Leyla Kərimli adlı Feysbuk istifadəçisi "İdeal” parfumeriya mağazalar şəbəkəsindən şikatəçi idi. Vətəndaş bir neçə ay bundan əvvəl İDEAL perfumery&cosmetics-dan karandaş alıb.
Onun sözlərinə görə, şirkətdən alınan Collistar firmasının göz karandaşının ucu normal yazırdı: "Biçiləndən sonra isə yazmır, nə qədər biçilsə də, içi yazmayandır. Yalnız bərk basanda ələ (adi vərəq karandaşı kimi) yazmaq olur. 
Amma gözə mümkün deyil. İdeal-a yazdım, təbii ki, çek istədilər. Amma onlarda bu cür geydirmə məhsul olduğunu düşünmədiyim üçün çeki saxlamamışdım aylarla”.
(politika.az)

Çərşənbə axşamı, 25 Oktyabr 2016 00:00

Dollar bu gün neçəyədir? - Rəsmi məzənnə

Yazan

Azərbaycanda dolların məzənnəsi bahalaşıb. 

Bu barədə məlumatı Azərbaycan Mərkəzi Bankı yayıb.
Bugünkü məzənnəyə əsasən, 1 dollar 1.6211 manat təşkil edir.
Avronun məzənnəsində isə cüzi bahalaşma olub. Belə ki, hazırda 1 avro 1.7638 manata dəyişdirilir. 

"Cənab Putin bizdən “əl-Nusra”nın Hələbi tərk etməsini xahiş etdi".

Bu sözləri Türkiyə prezidenti Rəcəb Tayyib Ərdoğan deyib.

Vetenugrunda.az-ın Türkiyə mətbuatına istinadən verdiyi xəbərə görə, Rusiya prezidenti Vladimir Putin Ərdoğana zəng edib.

19 oktyabrda Türkiyədə  Muhtarlar Toplantısında danışan Ərdoğan bu cümləsi ilə bir daha sübut edib ki, əl-Nusra terror təşkilatının idarəedicisidir.

Ərdoğanın toplantıdakı çıxışını təqdim edirik.

DYP-nin «MMX-an var, maşını cərimə meydançasına getməlidir» tələbinə bu yazıda cavab tapa bilərsiz

Son vaxtlar sürücülərdən belə xəbərlər tez-tez eşidilir: «Məni filan yerdə saxladılar ki, barəndə MMX var və maşın cərimə meydançasına getməlidir. Amma mənim heç nədən xəbərim yoxdur». Avtosfer.az-a da bu tipli müraciətlərin sayı durmadan artır. Bəs görəsən bu məsələ necə olur? Qanunvericilikdə bununla bağlı nə nəzərdə tutulur? 

Qanunvericiliyin mövqeyi kifayət qədər aydındır. Söhbət ünvanla bağlı problemi olduğu, yaxud rəsmi ünvanında yaşamadığı (olmadığı) üçün poçtla müvafiq sənədlərin çatdırılması mümkün olmadığı halda həmin sənədləri bu şəxsə çatdırmağın xüsusi qaydasından gedir.

İXM-in 407.3-1-ci maddəsində deyilir ki, yol hərəkəti qaydaları əleyhinə olan inzibati xətalar haqqında işlər üzrə sənədləri ünvan sahibinə onun yaşadığı, yaxud işlədiyi yer üzrə tapılmaması və onunla birlikdə yaşayan yetkinlik yaşına çatmış ailə üzvlərinin olmaması səbəbindən 10 gün ərzində bu Məcəllənin 370-1-ci maddəsində nəzərdə tutulmuş qaydada çatdırmaq mümkün olmadıqda, həmin sənədlərin surətinin verilməsi məqsədi ilə DYP orqanı tərəfindən nəqliyyat vasitəsinin saxlanılması barədə qərar qəbul edilir. Bu halda saxlanılmış nəqliyyat vasitəsinin istifadəçisinə həmin sənədlərin surəti təqdim edildikdən və müvafiq qeydlər aparıldıqdan dərhal sonra nəqliyyat vasitəsi buraxılır. Bu müddəanın DYP tərəfindən necə icra edilməli olması məsələsi isə DİN-in 12 yanvar 2012-ci il tarixli, Q1-001-12 saylı Qərarı ilə təsdiq olunmuş Təlimatda təsbit edilir. Təlimatın 4.6-2-ci bəndinə əsasən, həmin sənədlərin surətinin verilməsi məqsədilə DYP hissəsinin səlahiyyətli vəzifəli şəxsi tərəfindən nəqliyyat vasitəsinin saxlanılması barədə qərar qəbul edilir və Təlimata 14 nömrəli əlavəyə uyğun ayrılmış jurnalda xüsusi qeyd aparılmaqla, mərkəzi informasiya sisteminə bu barədə məlumat daxil edilir. Bu halda saxlanılmış nəqliyyat vasitəsinin istifadəçisinə həmin sənədlərin surəti təqdim edildikdən və müvafiq qeydlər aparıldıqdan dərhal sonra nəqliyyat vasitəsi buraxılır.

İndi qısaca şərh edək:

Sürücünün törətdiyi qayda pozuntusu elektron protokolla (MMX) rəsmiləşdirilir. Protokol kağızda çap olunaraq poçtla ona göndərilir. Poçt həmin şəxsi yaşadığı ünvanda və ya iş yerində tapmır, yaxud belə ünvan ümumiyyətlə olmur. Bu səbəbdən poçt DYP-nin məktubunun ünvana çatdırmağın mümkünsüzlüyü qeydi ilə DYP-yə qaytarır. Bundan sonra DYP orqanı qərar çıxarır ki, həmin sürücü yolda saxlanılsın və müvafiq sənədlər (yəni MMX protokol və ona əlavə edilən digər sənədlər) ona təqdim edilsin.

Bu o deməkdir ki, sürücü yolda hərəkət edərkən stasionar postda və ya patrul avtomobilində informasiya bazasının yoxlanılması nəticəsində onun barəsində belə bir qərarın olduğu aşkar edilir və həmin sürücü dayandırılaraq müvafiq sənədlər ona təqdim edilir. Amma nə İXM-in 407.3-1-ci maddəsində, nə də Təlimatın istinad olunan bəndində və ya hər hansı başqa normasında sənədlərin təqdim olunması üçün saxlanılan avtomobilin cərimə meydançasına (mühafizə olunan duracağa) aparılmasından söhbət getmir. Gedə də bilməz, çünki bu, məntiqsizdir. Sürücü ona görə saxlanılır ki, ona çatası sənədlər var. Sənədin çatdırılması üçün avtomobil duracağa aparılmır. Avtomobilin hansı hallarda mühafizə olunan duracağa aparılmalı olması İXM-in 407.1-ci maddəsində kifayət qədər aydın təsbit edilib. Həmin hallar sırasında müvafiq sənədlərin təqdim olunması üçün saxlanılma yoxdur. Bu məqsədlə saxlanılmış avtomobili mühafizə olunan duracağa aparmaq aşkar və kobud qanun pozuntusudur.

Hətta həmin normanı normal məntiqlə təfsir etsək, patrul avtomobilində xidmət edən DYP əməkdaşı müvafiq sənədləri saxladığı sürücüyə təqdim edə bilməyəcəksə, ümumiyyətlə, həmin avtomobili bu səbəblə saxlamamalıdır. Avtomobil bu səbəblə yalnız o halda saxlanılmalıdır ki, sürücüyə müvafiq sənədləri vermək mümkün olsun (məsələn, DYP-nin stasionar postlarında bunu etmək mümkündür). Digər səbəblə (qaydanı pozduğuna görə) saxlanılmış sürücü barəsində belə qərar olduğu aşkar edildikdə və ona həmin yerdə müvafiq sənədləri çap edərək vermək mümkün olmadıqda isə sürücüyə sadəcə bu barədə xəbərdarlıq edilməli, ona yaşadığı ərazi üzrə DYP orqanına yaxınlaşaraq həmin sənədləri əldə etmək tövsiyə olunmalı və sürücü yola salınmalıdır.

Beləliklə, heç bir halda müvafiq sənədlərin təqdim olunması üçün saxlanılmış avtomobil cərimə meydançasına aparıla bilməz. Buna yol verilməsi müvafiq DYP əməkdaşının qanunu aşkar şəkildə pozaraq səlahiyyət həddindən kənara çıxması deməkdir.

Ərşad Hüseynov,hüquqşünas

Bakıda ağır zəncirvari yol qəzası baş verib, 4 nəfər xəsarət alıb. Musavat.com xəbər verir ki, hadisə Fətəli xan Xoyski və Əhməd Rəcəbli küçələrinin kəsişməsində baş verib. 

İki küçənin kəsişməsində “Jeep”, VAZ-2107 və iki “Mercedes” markalı avtomobil toqquşub. Qəza nəticəsində avtomobillərdə olan 4 nəfər xəsarət alıb. Yaralılar təcili tibbi yardım avtomobilləri ilə xəstəxanaya aparılıb. 

Qəzaya Əhməd Rəcəbli küçəsindəki işıqforun işləməməsi və sürücülərin buna əhəmiyyət verməməsi səbəb olub. İşıqforun Bakıya yağan və fəsadlar yaradan güclü yağışdan sonra işləmədiyi bildirilir. 

Nərimanov Rayon Dövlət Yol Polisi İdarəsindən Musavat.com-a bildirilib ki, işıqforda problem hava şəraiti ilə əlaqədar yaranıb. 

Faktla bağlı Nərimanov Rayon Polis İdarəsində araşdırma aparılır. 

Çərşənbə axşamı, 25 Oktyabr 2016 00:00

Vətəndaş cəmiyyətindən hökumətə təkliflər

Yazan

Oktyabrın 24-də bir qrup vətəndaş cəmiyyəti fəalı bu sahədə qanunvericiliyin təkmilləşdirilməsi ilə bağlı təkliflər paketini açıqlayıb.

29 nəfərin - QHT rəhbəri, hüquqşünas, iqtisadçı, jurnalist, hüquq müdafiəçisinin imzaladığı paket yerli və beynəlxalq ictimaiyyətə ünvanlanıb.

Müəlliflər hökuməti bu təklifləri nəzərə almağa və onların qəbul edilməsi prosesini başlatmağa səsləyiblər.

Təkliflər paketində «Qeyri-hökumət təşkilatları haqqında», «Qrant haqqında», «Könüllü fəaliyyət haqqında», «Dini etiqad azadlığı haqqında», «Dini ekstremizmlə mübarizə haqqında» qanunlara, Cinayət və İnzibat Xətalar məcəllələrinə dəyişiklik edilməsi təklif olunur.

QRANTLARIN QEYDİYYAT SİSTEMİ LƏĞV EDİLSİN

Təkliflərin əsas hissəsi «Qeyri-hökumət təşkilatları haqqında» Qanunla əlaqədardır. Həmin qanuna təklif edilən dəyişikliklər QHT-lərin qeydiyyat və fəaliyyət problemləri ilə bağlıdır.

«Yerli və xarici qeyri-kommersiya qurumlarının fəaliyyətinə mane olan bütün qeyri-legitim normalar aradan qaldırılmalıdır. Qrant və ianələrin qeydiyyat sistemi ləğv edilməlidir. Alınan qrant və ianələr haqqında məlumat, sadəcə, illik maliyyə hesabatında təqdim edilməli, bu sahədə bank əməliyyatları tam sərbəst olmalıdır», - təkliflərdə qeyd edilir.

Təkliflərə görə, hökumət donorların qeydiyyatını tələb edən sistemdən imtina etməlidir.

QHT-LƏRİN QEYDİYYATI KİV-DƏKİ KİMİ...

Müəlliflər hesab edir ki, QHT-lərin fəaliyyətinə məhdudiyyət yaradan hərəkətlərə görə məsuliyyət müəyyən olunmalıdır.

«Hüquqi şəxslərin dövlət qeydiyyatı və dövlət reyestri haqqında» Qanunun QHT-lərə dair normaları tamamilə yenilənməlidir. Onların fikrincə, QHT-lərin dövlət qeydiyyatı KİV-inki kimi bildiriş sistemi ilə olmalıdır: «2009-cu ildən bu yana qanuna 18 məhdudlaşdırıcı dəyişiklik və əlavələr edilib. Həmin dəyişikliklərdən də imtina edilməlidir. Nazirlər Kabinetinin qrant müqavilələrinin qeydiyyatını nəzərdə tutan 5 iyun 2015-ci il tarixli qərarı da ləğv olunmalıdır».

«Dini etiqad azadlığı» və «Dini ekstremizmlə mübarizə haqqında» qanunlara son vaxtlar edilən dəyişikliklərə yenidən baxılması da təkliflər arasındadır.

Paket müəllifləri həmçinin, İnzibati Xətalar Məcəlləsində qrant verilməsi və alınması ilə bağlı donorlara nəzərdə tutulan bütün cərimə sanksiyalarının ləğvini təklif edirlər.

Cinayət Məcəlləsinə yeni daxil edilən, birbaşa ifadə azadlığını icazəyə bağlayan bir neçə maddənin isə oradan çıxarılması təklif olunur.

Ötən həftənin sonunda prezident İlham Əliyev xarici donorların Azərbaycanda qrantlar verməsi prosedurunda «bir pəncərə» prinsipinin tətbiqi ilə bağlı fərman imzalayıb.

Həmin sənəddə Nazirlər Kabinetinə QHT-lərin problemləri ilə bağlı iki ay ərzində tədbirlər görməsi tapşırılıb.

Bir çox ekspert sözügedən fərmanın QHT sahəsindəki problemləri çözmək gücündə olmadığını düşünür.

Çərşənbə axşamı, 25 Oktyabr 2016 00:00

Ana və oğlu birlikdə öldü — Bakıda ailə faciəsi

Yazan

Sabunçu rayonunda ağır yol-nəqliyyat hadisəsi baş verib.

Ölkə.Az xəbər verir ki, qəza Balaxanı qəsəbəsində qeydə alınıb. Qəza zamanı qadın sürücünün idarə etdiyi minik avtomobili “KamAZ” markalı yük maşınının altında qalıb.

Hadisə nəticəsində maşının sürücüsü Leyla adlı qadın və onun azyaşlı oğlu Asəf vəfat edib. Qəzanın dəqiq səbəbləri Sabunçu rayon Polis İdarəsində araşdırılır.

Qeyd edək ki, bir neçə il öncə qadının gənc qardaşı ürək tutmasından dünyasını dəyişib. Leyla xanım atası kənddə tək qalmasın deyə, ailəsi ilə birgə şəhərdəki evlərindən onun yanına köçüb.

82 -dən səhifə 165