İsmayıllı rayonunda məmur özbaşınalığının nəticəsində meşə təsərrüfatı əsl soyqırım yaşayır. Ölkənin təbii sərvəti sayılan qiymətli ağaclar məsuliyyət hissini tamamilə unutmuş məmurlar tərəfindən kütləvi şəkildə qırılaraq satılır. Qeyd edək ki, İsmayıllı Azərbaycanın ən zəngin meşələrə malik olan rayonlarından biridir. Rayonun orta dağlıq və yamac hissələrində palıd, qarağac və vələsin ümumilikdə 4 növü, fıstıq, şabalıdyarpaq, qaraçöhrə, yabanı püstə kimi nadir ağaclar var.

Hələ Ulu Öndər Heydər Əliyevin Azərbaycanda hakimiyyətə gəldiyi ilk dövrdə - 1969-cu ildə Tanrının baxş etdiyi bu zəngin təbii sərvətin qorunması məqsədilə 74 min hektar meşə ərazisi dövlət yasaqlığı elan edilmişdir. Çox təssüflər olsun ki, Ekologiya və Təbii Sərvətlər nazirliyinin aidiyyatı məmurlarının məsuliyyətsizliyi və yarıtmaz fəaliyyəti nəticəsində dövlət yasaqlığı elan olunan meşə ərazisinin sahəsi 74 min hektardan 34 min hektara enmişdir.

Qlobal.az-ın Araşdırmaları zamanı məlum oldu ki, dövlət yasaqlığı elan olunan ərazidə İsmayıllı rayon Meşələrin Mühafizəsi və Bərpası Müəssisəsinin rəhbəri İlqar Qəribov tərəfindən şəxsi mənfəətləri naminə amansız qırğınlar törədilib. Vəzifələrinin mahiyyəti etibarilə bilavasitə bu qiymətli meşə sərvətini göz bəbəyi kimi qorumalı olan müəssisənin nazirə arxalanan rəhbərliyi xüsusən cavan, sağlam və qiymətli ağacları məqsədli şəkildə kəsdirərək məhv edib. Dövlətin təbii sərvətinə, millətin genefondunun sağlamlığına bu cür düşmən kəsilən müəssisə müdirinin əməllərini bəs niyə tabeçiliyində olduğu yuxarı instansiyalar indiyədək görə bilməyib, yaxud görmək istəməyiblər? Deməli, burada törədilən dövləti cinayətin miqyası daha böyükdür. Bu cinayət əməlinin iştirakında daha "iri kreslo” sahibləri iştirakçıdır. Dövlətin və millətin sərvətinə düşmən kəsilən "iri kreslo” sahiblərini aşkarlamaq niyyəti ilə araşdırmalarımıza başladıq. Və dəhşətli məqamlarla, faktlarla üz-üzə qaldıq.

Beləliklə, kimdir İlqar Qəribov?

Öncə onu qeyd edək ki, İlqar Qəribov yuxarıda da qeyd etdiyimiz kimi uzun müddətdir İsmayıllı rayonunun meşələrin mühafizəsi və Bərpası Müəssisəsinin müdiridir. Dövlət məvacibi 400 manat civarında olan bu şəxs vəzifə və səlahiyyət mənsubiyyətinə görə təsəvvürə gəlməyəcək dərəcədə nəhəng kapitala sahibdir. İlqar Qəribovun rayon ərazisində meşə və meşəkənarı ərazilərdə fəaliyyət göstərən bütün restoran və otellərdən maddi dövriyyələrinə görə hər ay 800- 5000 manat civarında rüşvət aldığı deyilir. Deyilənə görə, tələb etdiyi rüşvəti vermək istəməyən obyekt sahibləri isə İlqar Qəribov tərəfindən obyektlərinin söküləcəyi ilə hədələnir.

 Onu da qeyd edək ki, məlumata görə Qəribov aldığı bu rüşvətləri birbaşa tabeçiliyində olduğu Meşələrin İnkişafı Departamentinin rəhbəri, əslən İsmayıllı rayonundan olan Şakir İsmayılovun və ETS naziri Hüseynqulu Bağırovun adından alır. İsmayıllı və ətraf rayonlarda meşə sisteminə bələd olan insanlar hamısı İlqar Qəribovu Hüseynqulu Bağırovun və Şakir İsmayılovun "qara kassası” kimi tanıyır. Buna görə də, İlqar Qəribov hətta bəzən rüşvət trayektoriyasını "genişləndirərək” səlahiyyətində olduğu meşə ərazisindən kənarda fəaliyyət göstərən obyektlərə də "əl qoyur”.

İsmayıllının "meşəbəyi”si yoxsa oliqarx?

Onu qeyd edək ki, İsmayıllı rayonunda və qonşu Ağdaş, Göyçay, Ucar, Kürdəmirdə fəaliyyət göstərən yeşik sexlərinə göndərilən 3-cü, 4-cü sort ağaclar heç də İlqar Qəribovun əsas gəlir mənbəyi deyil. Bir az uzağa- Gəncə, Sumqayıt və Bakı şəhərlərində gizli ya da açıq-aşkar fəaliyyət göstərən mebel istehsal edən müəssisələrə ay ərzində yüz min manatlarla ölçülən çökə, palıd, fıstıq, vələs, göyrüş, şabalıd, qoz kimi qiymətli ağaclar İlqar Qəribov tərəfindən kəsdirilərək göndərilir. Dərnəgül, "Biləcəri-Baksol Yolu” ərazilərində fəaliyyət göstərən bu cür "yarımgizli” mebel sexlərində İlqar Qəribovun göndərdiyi ağaclardan istehsal olunan qapılar 3-14 min manat arası satılır. Əməkdaşımızın araşdırması nəticəsində məlum oldu ki, Dərnəgül bazarında nadir ağaclardan istehsal olunan bahalı qapılar çox vaxt Türkiyə, Polşa, İtaliya istehsalı adına satılır. Əslində isə bu qapılar İlqar Qəribovun doğradığı nadir yerli ağaclardan hazırlanan qapılardır. Bəs, adi idarə rəhbərinin bu qanunsuz əməlləri bu qədərmi gözəgörünməzdir. Bəlkə İlqar Qəribov tabeçiliyində olduğu rəhəbrliyinin dilini –ağzını "bağlatdırıb”? Elə isə bəs rəhbərliyin gözləri???

Şakir İsmayılovla İlqar Qəribovun "şərikli çörəyi”

Qeyd edək ki, aldığımız məlumata görə, qanunsuz olaraq doğratdırıb satdığı qiymətli ağaclardan gələn yüzmin manatlarla pula İlqar Qəribov qane olmayıb. Gözləri önündə qapı, mebel və parket istehsalıyla məşğul olan sexlərin qazandığı milyonlar İlqar Qəribovu "parket biznesi”nə həvəsləndirib. Və parket biznesinə ciddi girişən İlqar Qəribov Departament rəhbəri olan Şakir İsmayılovu da özünə şərik edib. Məlumata görə, hal-hazırda Göyçay, Qəbələ, İsmayıllı rayonlarında və eləcə də Bakı şəhərində İlqar Qəribovla Şakir İsmayılovun şərik olduğu parket və yeşik sexləri var. Deyilənə görə, İlqar Qəribovla Şakir İsmayılovun şərikli işlətdikləri sexlərdə nadir ağaclardan istehsal olunan parketlər yerli bazarlarda "Türkiyə malı” adına satılır.

Qlobal.az-ın əldə etdiyi digər məlumata görə isə, qoz və yabanı püstə (saqqız ağacı) ağacından istehsal olunan parketlər qardaş Türkiyəyə ixrac olunur. Qəribovla İsmayılovun Türkiyəyə ixrac etdikləri parketin satışını isə ETS naziri Hüseynqulu Bağırovun oğlu Lətif Bağırov həyata keçirir. Yeri gəlmişkən araşdırmalarımız zamanı məlum oldu ki, İlqar Qəribovla Şakir İsmayılovun şərikliyi heç də parket, yeşik və qapı istehsalıyla yekunlaşmır. Onlar İsmayıllı rayonunun Diyallı kəndində "qazon” istehsalıyla da məşğul olurlar. İstehsal etdikləri "qazon”lar isə sonradan nazirliyin xətti ilə dövlət müəssisələrinə satılır. Daha sonra o da məlum oldu ki, İlqar Qəribov bir vaxtlar ETS naziri Hüseynqulu Bağırova sürpriz etmək istəyib. Bu niyyətlə də İsmayıllı rayonunun Qaraqaya kəndində nazirinə restoran və otel sahiblərindən aldığı rüşvətlə villa tikdirməyə başlayır. Ancaq İlqar Qəribovun bu sürprizindən vaxtından əvvəl xəbər tutan Hüseynqulu Bağırov villadan qətiyyətlə imtina edib. Deyilənə görə, niyyəti baş tutmayan İlqar Qəribov villanı Şakir İsmayılova bağışlayıb.

Qeyd edək ki, hazırda villanın beton-monolit hissəsi yekunlaşmaq üzrədir. İlqar Qəribovun Şakir İsmayılova olan bu jestinin arxasında isə məlumata görə, daha incə məqam dayanır. Belə ki, nazirliyin kolidorlarında gəzən söz-söhbətlərə görə, ETSN-də yaxın vaxtlarda ciddi kadr dəyişikliyi baş verəcək. Bu kadr dəyişikliyinin fonunda isə Şakir İsmayılovun Departament rəhbəri vəzifəsindən Nazirliyin aparat rəhbəri vəzifəsinə gedəcəyi proqnozlaşdırılır. (ETSN-nin indiki aparat rəhbəri Rövşən Cəlilov da indiki vəzifəsindən öncə Meşələrin İnkişafı Departamentinin rəhbəri olub).

Məlumata görə, gələcək aparat rəhbəri Şakir İsmayılov isə İlqar Qəribova onu Meşələrin İnkişafı Departamentinə rəhbər təyin edəcəyinə söz verib. Hüseynqulu Bağırov, Şakir İsmayılov və İlqar Qəribov üçlüyünün işbirliyi barədə araşdırmalarımız zamanı diqqətdən qaçırmadınızsa daha bir ada rast gəldik. Bəli, ETS naziri Hüseynqulu Bağırovun oğlu Lətif Bağırov. Hüseynqulu Bağırovun oğlu Lətif Bağırov biznes fəaliyyəti ilə məşğuldur. Lətif Hüseynovun biznesinin əhəmiyyətli hissəsini isə turizm sektoru təşkil edir.

Qeyd edək ki, Lətif Bağırovun biznes fəaliyyəti barədə araşdırmalarımız davam edir. İlkin araşdırmalarımız zamanı məlum oldu ki, turizm fəaliyyəti ilə məşğul olan "Otak Turizim Otelçilik İnşaat Limited” Lətif Bağırovun qeyri-rəsmi rəhbərlik etdiyi şirkətlərdən biridir.

Araşdırmalarımız yekunlaşan kimi oxucularımızın diqqəti çatdıracağıq.

Türkiyə xüsusi təyinatlı qüvvələrinin polkovniki Mustafa Dönməzin 21 yaşlı oğlunun 4 il əvvəl Bakıda avtomomobillə vurularaq öldürülməsi ilə bağlı sensasion məlumat yayılıb.

Virtualaz.org xəbər verir ki, "Ergenekon” işi üzrə 5 il 2 ay həbsdə saxlanılan polkovnik Mustafa Dönməz oğlunun ölümündə Fətullah Gülənin şəbəkəsini günahlandırıb. Bu haqda "Sabah” qəzeti yazır.

Dönməz deyib ki, oğlu Türkiyənin Boğaziçi Universitetində oxuyurdu və staj keçmək üçün Bakıya getmişdi. "Oğlum ölmədən bir həftə əvvəl təhdid edilmişdi. Polislər ona xəbərdarlıq etmişdilər ki, səni atandan betər edərik."Sonun atan kimi olar, bu iş 5 qram heroinlə bitər. İçəridə süründürərik”deyə təhdid ediblər”-Mustafa Dönməz bildirib.
İstefada olan türk polkovniki, uzun müddət PKK-ya qarşı döyüşmüş Dönməz deyib ki, Fətullah Gülənin şəbəkəsinin içərisindəki mütəşəkkil cinayətkar qruplaşmalar ona qarşı qurama ittihamlar hazırlamışdılar."Onların əməlləri ilə bağlı həbsxanadan prokurorluğa şikayət etdim. Bir həftə sonra mənə "oğlun avtomobil qəzasında həlak oldu” dedilər”-Mustafa Dönməz bildirib.

Dönməz Türkiyə silahlı qüvvələrinin qurama "Ergenekon” işi ilə bağlı həbs edilən onlarla yüksək rütbəli mənsublarından biridir. Onlara qarşı terrorçuluq, silahlı dövlət çevriliş cəhdi kimi çoxsaylı ağır ittihamlar irəli sürülmüşdü. Lakin Fətullah Gülənlə Ərdoğan arasında münasibətlər korlanandan sonra vəziyyət dəyişdi, gülənçilər Türkiyənin polis və ədliyyə sistemindən kənarlaşdırılmağa başladı. Onların Türkiyə ordusunu sarsıtmaq üçün quraşdırdıqları saxta cinayət işlərinə xitam verildi.
"Mən oğlumun Fətullah Gülənin başçılıq etdiyi mütəşəkkil qruplaşma tərəfindən öldürüldüyünə əminəm. Bunu qəti şəkildə sübut edəcəyəm”-Mustafa Dönməz deyib.

Polkovnikin oğlunun ölümünə səbəb olan avtomobil qəzası 2012-ci ilin sentyabrın 1-də Bakının Binəqədi rayonunda baş verib. DİN-in kriminal xronikasında deyildiyi kimi "Mercedes” markalı avtomobil yolu keçmək istəyən Türkiyə vətəndaşı, 21 yaşlı Alp Kaan Dönməzi vurub. Piyada aldığı xəsarətdən ölüb.Qəzanı törədən sürücü, 1967-ci il təvəllüdlü Hafiz Adıgözəl oğlu Vəliyev sentyabrın 12-də həbs olunub. Hazırda onun həbsdə olub-olmadığı məlum deyil.

Bu hadisənin qəza deyil, sui-qəsd olduğu haqda ilk dəfə 2014-cü ilin sentyabrında "Yeni Çağ” qəzetinin yazarı Yavuz Selim Demirdağ yazmışdı.

Müəllif yazı ki, Mustafa Dönməzin və digər ordu zabitlərinin kütləvi şəkildə həbs olunduğu polis əməliyyatları saxta dəlillər əsasında həyata keçirilib. Bu dəlillərdən biri də Mustafa Dönməzin evində guya "Ergenekon” silahlı terror təşkilatına aid olan silahların basdırıldığı yerin sxeminin aşkar edilməsi olmuşdu.

Əslində isə əməliyyatı həyata keçirən fətullahçı polislər ("Ergenekon” həbslərinə sanksiyaları Fətullah Gülənə sadiq prokuror Zəkəriyyə Öz verirdi və bu həbsləri "İmamın ordusu”nun əsgərləri, yəni fətullahçı polislər həyata keçirirdi) əvvəlcə Ankara Gölbaşı səmtində "aşkar edilmiş” silah-sursatı İstanbul Poyrazköydə təkrar basdırıblar və "aşkar ediblər”. Hər iki axtarışda "aşkar edilən” silah-sursatın seriya nömrələri eyni olub.

Qaydalara görə, axtarış əməliyyatları videokameralara çəkilib və bu kadrlarda da Ankarada "tapılan” silahlarla İstanbulda "tapılan” silahların seriya nömrələrinin, hətta üzərlərindəki cızığın eyni olduğu əksini tapıb. Ancaq polislər kadrları montaj edərək bu məqamları siliblər.
Y
avuz Selim Demirdağın yazdığına görə, əməliyyatda iştirak edən polislərdən biri vicdanını itirməyib və videokadrların orijinalını gizlicə Mustafa Dönməzin oğlu Alpa ötürüb. Sitat: "Atası içəridə ikən çöldə onun hüquqları uğrunda mübarizə aparan gənc universitet tələbəsi Alpın arxasınca düşən kumpasçılar (tələ quranlar) ona qarşı bir neçə dəfə sui-qəsd təşkil etsələr də nəticə əldə edə bilməyiblər. Nəhayət, Azərbaycanın paytaxtı Bakıda yol-nəqliyyat qəzası görüntüsü verərək Alpı öldürdülər”.

Müəllifin yazdığına görə, azadlığa çıxdıqdan sonra Türkiyə Silahlı Qüvvələrinə tələ qurmuş prokurorların, polislərin, hakimlərin üzə çıxarılıb cəzalandırılması üçün mübarizə aparanMustafa Dönməz "mənim əlimdə videoçəkilişin orijinalı var, dürüst hakimlər istəsə, onlara verə bilərəm” deyir. Ancaq hələ heç kim ondan bu görüntüləri istəməyib

Azərbaycan neft istismarından təqribən 135 milyard dollar gəlir götürüb və bu gün neft fondunun aktivləri təqribən 35 milyard civarındadır. Biz gəlirlərimizin böyük bir qismini xərcləsək də,  görünən odur ki, pullarımızı xərclədiyimiz sahələrdən gəlir əldə etmirik. Mövzu ilə bağlı Xeber.İnfonun suallarını cavablandıran sahibkar Aydın Səfərov hesab edir ki, bu gün ölkəmizdə gənclərin çalışması üçün hər hansı iş yeri tapmaq qeyri-mümkündür: “Mən hələ hər hansı vətəndaşın biznes qurmaq perspektivindən, iş imkanlarından danışmıram. Azərbaycan idxaldan asılı vəziyyətdə qaldığına görə hər gün bahalanmanı müşahidə edirik və neft satışının dünya bazarında ucuzlaşması və Azərbaycan neftinin azalması faktiki olaraq ölkəni iqtisadi krizislə üz-üzə qoyub. Bir həftədir ki, banklar dollar satışını dayandırıb və dollar satışında artıq qara bazar canlanıb. Bu isə gələcəkdə qeyri-leqal fəaliyyətlərin artmasını şərtləndirəcəkdir. Bu gün bir bank rəhbərinin məhkəməsində adıçəkilən nüfuzlu şəxslərin və onların ayrı-ayrı adamların adına kredit götürərək ödəməmələri kriminal qrupların vəzifədə yer tutmasının göstəricisidir. “İnter Tekstil” şirkəti, Bakı Fındıq Emalı Zavodu, “İnter security” şirkətləri ölkədə təsadüfi adamın şirkətidirmi ki, bu şirkətlərin rəhbərlərinin göstərişilə işçilər bankdan milyonlarla kredit götürsünlər. Bu ölkədə hamıya məlumdur ki, bu və ya digər şirkətlərin faktiki rəhbərliyi də təsadüfi adamlardır. Əsl sahibkar isə vəzifədə geniş şəbəkəsi olan məmurlardır. Və yaxud yadınıza salın ki, bankdan 3000 və ya 5000 kredit götürmək istəyən vətəndaşlardan nə qədər sənəd tələb olunur. Bütün bunlar onun göstəricisidir ki, hakimiyyətdə oğruluğa öyrəşmiş, tam kriminallaşmış məmur qrupu fəaliyyət göstərir.

A.Səfərov, Azərbaycana gələn böyük pullar böyük  problemlər gətirdi və biz bu gün bunun bəlasını yaşayırıq, deyir: “Vəziyyətdən çıxmaq üçün hakimiyyət iradə nümayiş etdirib iqtisadi islahatlar tətbiq etməlidir. Bu islahatlar real vəziyyəti əks etdirməli və AzTV reklamı üçün olmamalıdır. Gömrükdə və vergi sistemində olan neqativ hallar aradan qaldırılmalıdır. Daxili istehsalın artırılması üçün fəaliyyətlər həyata keçirilməlidir. Kənd təsərrüfatının inkişafı üçün kredit güzəştləri nəzərdə tutulmalı və sığorta tətbiq olunmalıdır. Ən əsas məsələ ondan ibarətdir ki, azad iqtisadi fəaliyyətə şərait yaradılmalıdır. Bu məsələlər həll edilməyincə Azərbaycanda iqtisadi vəziyyətin düzəlməyini gözləmək çətin olacaq. Onsuz da hətta bütün bu deyilənlər həyata keçsə belə, bir neçə il ölkədə sıxıntı olacaq. Lakin biz əməli fəaliyyətlərin şahidi olsaq yaxın gələcəkdə bunun nəticələrini də görə bilərik. Hərçənd hakimiyyətdə kök salmış bəz məmur qrupların vəzifədən getməyəcəyi halda mən bu nikbin gələcəyə inanmıram. Kreditlərin sürətlə artması yoxsullugun göstəricisidir. Bir neçə nəfər mövcud vəziyyətdən faydalanaraq,  daha çox varlanır. Digər tərəfdən əhali sürətli şəkildə yoxsullaşır. Məmur özbaşnalığı  və korrupsiyanın bu şəkildə davam etməsi ölkədə siyasi-sosial vəziyyəti gərginləşdirəcək. Azərbaycanda baş verən bütün neqativ hadisələrin kökündə korrupsiya və məmur özbaşnalığı durur

Gülən təriqətinin "SOCAR-Türkiyə”də vacib adamı:insan qaynaqları departamentinin rəhbəri... 

Türkiyənin "Sabah”qəzeti hələ keçən ilin sonlarında bomba bir xəbərlə gündəmə gəldi:

SOCAR-dakı fətullahçılar ifşa olundu. Təbii ki, hədəf olaraq Azərbaycanın Dövlət Neft Şirkəti SOCAR-ın Türkiyədəki törəmə şirkəti "SOCAR Turkey Energy”nin icraçı direktorunun birinci müavini Samir Kərimlinin seçilməsi Azərbaycanda da xeyli maraq doğurdu. Ola bilsin ki, mart ayının sonlarında "SOCAR Turkey Energy”nin icraçı direktorunun birinci müavininin Bakıya-SOCAR şefinə müşavir gətirilməsi də onun vəzifədən uzaqlaşdırılması kimi dəyərləndirildi. Hətta bəzi dairələrdə bu uzaqlaşdırılma ciddi bir rahatlıq da yaratdı: artıq gülənçilər SOCAR-dan da uzaqlaşdırılır!

Bəs görəsən, əslində belədirmi? Əslində bu sualın birmənalı cavabını vermək üçün ciddi bir araşdırmaya ehtiyac da oxdur: 

Fətullah Gülən təriqətinin enerji  sektoruna yönələn strategiyalarını müəyyənləşdirən əsas şəxslərin, o cümlədən "Xəzər” Strateji Araşdırmalar İnstitunun rəhbəri Haldun Yavaş, ”SOCAR Turkey Energy” şirkətinin ictimaiyyətlə əlaqələr direktoru Ömer Adsız, baş hüquq müşaviri Fatih Yiğit, "SOCAR” ın Türkiyədəki törəmə şirkətində və layihələrində özlərinə yer edən fətullahçılar-"SOCAR Power” in ortağı Ənvər Taner Baltacı, "Petkim”in baş direktoru Sadettin Korkut, ”SOCAR Gaz”ın baş direktoru Abdullah Nezihi Erdem,”SOCAR İT” direktoru Fuat Uludağ, satınalmalar üzrə direktor Çetin Korkut və onlarca səlahiyyət sahibi olanlar vəzifələrində qalırsa, tək icraçı direktorunun birinci müavini Samir Kərimlinin uzaqlaşdırılması bu sahədə işlərin tısbağa sürətindən də aşağı bir sürətlə getdiyini təsdiq etmirmi?! Bu məsələni buraxaq Gülənçiləri terrorçu adlandıran Türkiyə dövlətinin daxili işlərinin sırasına, onsuz da hər gün türk mətbuatı Fətullahçılara da çatacaq...

Amma tək "SOCAR”-ın Türkiyədəki törəmə şirkəti "SOCAR Turkey Energy”- nin icraçı direktorunun birinci müavini Samir Kərimlinin AKP höküməti tərəfindən "terror təşkilatı” kimi tanınan Fətullah Gülən camaatının adamı kimi təqdim olunması da bu dairənin fəaliyyətini dəfələrlə kiçiltmiş olardı. ”Paralel yapı”, yəni Fətullah Gülən və onun təriqəti enerji sektorunda söz sahibinə çevrilmək üçün Türkiyənin enerji sektoruna on milyardlarla dollar yatırmağı planlaşdıran "SOCAR” –a da öz adamlarını yerləşdirmək təkcə Samir Kərimlinin işi olmayıb. Əslində "paralel dövlət” "SOCAR”-da "Ağ türk” adı verilən şəxslər vasitəsilə xüsusi struktur formalaşdırıb ki, gülənçilər bu yolla Türkiyənin enerji sektorundan AKP-yə yaxın şirkətləri sıxışdırmaq və bu sektoru nəzarət altına almaq kimi missiyalarını bu gün də uğurla həyata keçirməkdədir. Bu missiyanın başında duran, hətta "SOCAR” yetkililərinə təsir mexanizminə malik olan şəxs isə şirkətin insan qaynaqları departamentinin (kadr idarəsi) rəhbəri İlqar Mehmetoğludur (Məmmədoğlu).

 Miq.az-a daxil olan məlumata görə, "SOCAR Turkey Energy” şirkətin insan qaynaqları deparmentinin rəhbəri İlqar Mehmetoğlu Gülən məktəbinin siravı məzunlarından deyil. Hələ təhsil illərində savadı, elmi bilikləri və istedadı ilə başqalarından seçilməsə də, hizmət çocuğu kimi başqalarından ciddi bir şəkildə seçilə bilirdi. Təhsil illərində əslində ciddi bir tərzdə dərs də oxumaz, amma bütün gün hizmətdəki işlərdəki fəallığı ilə seçilənlərdən olduğu üçün imtahanları uğurla və müvəffəq qiymətlərlə başa vuranlardan idi. Bu fəallığı az bir zamanda abilərin diqqətindən yayınmadı, hətta hörmətli abilər İlqar Mehmetoğlunun özünü "abi” etdilər. Türkiyənin İzmir şəhərində istər təhsil, istərsə də müxtəlif fəaliyyət sahələrindəki fəallığı onu tanıyanların da yadından çıxmayıb.Əgər İlqar Mehmetoğlu o günləri unudubsa, biz böyük məmnuniyyət hissləri ilə onun İzmirdəki fəaliyyətləri haqqında bilgiləri yadına salmaqda kömək edərik.

 Fətullahçıların təhsil ocaqlarında, daha sonra isə lisey yurdlarında (yataqxanalarında) və başqa yerlərdə fəaliyyətini davam etdirən İlqar abinin "SOCAR Turkey Energy” şirkətində olduqca məsul bir vəzifəyə təyinat alması onun fəaliyyətini daha da genişləndirdi. Azərbaycanda "Çağ öyrətim” şirkətinin idarəçiliyində olan Gülən məktəblərinin məzunlarının, eləcə də Gülən təriqətinin üzvü olan hər bir kəsin şirkətdə rahatca yerləşdirilməsinin arxasında da İlqar Mehmetoğlu dayanırdı. İlqar Mehmetoğlunun kadr seçimi şirkət rəhbərləri tərəfindən heç bir sorğu-sual doğurmadığından, onun "kəsdiyi başa” da zaval yox idi. Eyni zamanda şirkətdə qabiliyyət və bacarığından asılı olmayaraq "camaatdan” olmayanların işə qəbulunun əngəllənməsi bu gün də heç bir qanuna və tələblərə uyğun olub-olmamasına baxmayaraq, qalmaqda və uğurla genişlənməkdədir. Son zamanlarda isə AKP tərəfdarlarının müəyyənləşdirilməsi və onların işdən uzaqlaşdırılması da İlqar Mehmetoğlunun əsas fəaliyyətinin tərkib hissəsinə çevrilib.

 Miq.az-ın araşdırmalarına görə, əməli fəaliyyəti və işgüzarlığı ilə seçilən, şirkətin işinə töhfələr verməyə çalışan onlarca türk və azərbaycanlı kadr müəyyən bəhanə və hədə qorxularla, bəziləri isə qeyri-müəyyən vədlərlə halal işlərindən uzaqlaşdırıldı. Vaxtı ilə SOCAR-ın Turkiyədəki şirkətlərində çalışan azərbaycanlıların hansı haqsızlıqlarla üzləşdiyini araşdırmaq o qədər də çətin deyil. Bunlar əslində uzaq keçmişin yox, 2-3 il bundan əvvəlin acı xatirələridir. İlqar Mehmetoğlu və onun məktəbinin " istedadlı” yetirmələrinin hərtərəfli fəaliyyəti nəticəsində təcrübəsindən və yaşından asılı olmayaraq bu adamlara necə "torba tikildiyi”nə fələyin özü də mat-məhəttəl qala bilər. Kimya elmləri doktoru Füzuli Nəsirovun, təkcə bir elm adamı kimi yox, həm də zəngin bir təcrübəyə malik elmi məsləhətçi kimi şirkətdə olduqca gərəkli bir işçi olmasına kiminsə etiraz etməsi mümkün olmasa da, Gülən təriqətinin iç üzünə etirazlarına, bu barədə açıq fikirlərinə görə təqaüd adı ilə işdən uzaqlaşdırıldı. Amma halbuki onun baş direktorun elmi işlər üzrə məsləhətçisi kimi fəaliyyəti bu gün də olduqca vacib və gərəkli idi. Milli Qəhrəman Alı Mustafayevin oğlu Tural Mustafayevin, Elnur Vəliyevin, İlkin Sadıqzadənin,  yaxud türk vətəndaşları olan Özkan Alptürkün, Sarkan Aksuyekin müəyyən hədə-qorxularla, məhz nurçu təriqətin üzvü olmadıqları üçün vəzifə səlahiyyətləri əllərindən alındı. Əvəzində isə uzun illər İlqar Mehmetoğlunun köməkçisi olan istehsalatın nə olduğunu bilməyən Yaşar Çorak kimiləri məhsul vəzifələrə irəli çəkildi. Burada da məqsəd birdir; Gülən təriqətindən olmayanların təqibi! Təkcə”Petkim”də olan bu kimi faktların sayı onlarcadır, amma nə fayda, ciddi bir araşdırma aparılmayacağı təqdirdə İlqar Mehmetoğlunun Rakif Fərəcov kimi "etibarlı və istedadlı kadrları” istənilən qeyri-fətullahçının "Kapital”ın müəllifi olduğunu belə asanlıqla” sübut edə”  bilərlər.

 İlqar Mehmetoğlunun fəaliyyəti bununla bitmir. O, həm də SOCAR-a podratçı kimi xidmət göstərən şirkətlərin kadr siyasətinə də nəzarət edir, bu şirkətlərdə də fətullahçıların yerləşdirilməsində mühüm rolunu ortaya qoyur. Məhz həmin "etibarlı kadrları” podratçı şirkətlərin köməyi ilə tenderlərdən və görülən işlərdən Gülən təriqətinə mənsub iş adamlarına boyük pay verir, bununla da "paralel dövlət”ə maddi dəstəyi təmin edirlər. İndi "Asiya bank”dan dünyanın müxtəlif ölkələrinə köçürülən milyonların haradan və nələrdən qazanıldığı heç bir kimsədə sual yaratmır. Hətta belə xəbərlər də var ki,  fətullahçıların vaxtı ilə Türkiyənin hüquq-mühafizə orqanlarında kadr yerləşdirmə sahəsində ilginc fəaliyyəti enerji sektorundakı fəaliyyətlə bərabər tutula bilər. Bu gün "SOCAR Turkey Energy” şirkətinin icraçı direktoru Kənan Yavuzun fəaliyyətinin də şirkətdəki fətullahçılar tərəfindən neytrallaşdırılması, onun bəzi qərarlara təsir imkanlarının məhdudlaşdırılması buradan qaynaqlanır. Vaxtı ilə məsələyə münasibət bildirən Azərbaycanın İstanbuldakı baş konsulu Həsən Zeynalov məlumatdan xəbərdar olduğunu bildirmişdi. O, qeyd etmişdi ki, bununla bağlı müvafiq qurumlarda araşdırmalar aparılır: "Bu bizim səlahiyyətimiz çərçivəsində deyil. Yazıda adları çəkilən şəxslər SOCAR-ın Türkiyədəki törəmə şirkətlərində işləyirlər. Lakin onların nə qədər bu işlə bağlı olub-olmadığı haqqında məsələ bizə məlum deyil. Araşdırma aparılır və nəticələr bəlli olandan sonra bu haqda danışmaq mümkün ola bilər.Yəni bu informasiyanın böhtan və doğru olması bizə hələlik bəlli deyil”.

 Şübhəsiz ki, Azərbaycançılıq ideyalarına və dövlətin kursuna əməli fəaliyyəti ilə sadiq olan peşəkar bir diplomatın dediklərində olan incə mətləblər də nəzərdən qaçmır, hətta o bu informasiyanı böhtan və doğru olmasını da birmənalı açıqlamır. Təbii ki,ölkəmizin Türkiyədəki Səfirliyində çalışan və fətullahçılarının əməllərini deşifrə etmək istəyən MTN nümayəndəsinin görəvindən uzaqlaşdırılmasının da əsas səbəbi gülənçilərdir. Həsən müəllimin ola bilsin ki, bundan da xəbəri olmuşdur. Amma iş yeri yeni təyinatla dəyişdirilən hörmətli diplomat təəssüf ki, birdə bu barədə aparılan araşdırmalar və nəticələr haqqında məlumat vermək səlahiyyətində deyil!

 Bunlar "SOCAR Turkey Energy” şirkətinin gülənçilərə xidmət edən kadr siyasətinin və fəaliyyət strategiyasının müəyyənləşdirilməsində mühüm yer alan İlqar Mehmetoğlunun fəaliyyətini olsa-olsa az bir hissəsidir. Araşdırma və məlumatlar da göstərir ki, adı heç yerdə hallanmasa da, Gülən təriqətinin prinsip və qanunları ilə idarə olunan şirkətdə İlqar Mehmetoğlu sadə bir fiqur olmayıb, hətta tutduğu vəzifədən asılı olmayaraq, özündən, çox yüksək vəzifəlilərdən də yuxarıda dayanan və sözü eşidilən bir şəxsdir, eləcə də keçmiş birinci müavin Samir Kərimlidən. Məhz "Abi” titulunun çəkisi də İlqar Mehmetoğlunun "SOCAR Turkey Energy” şirkətinin gülənçi təriqətinin rəhbəri və baş fətullahçısı olduğunu təsdiq edir.

 Ola bilsin bu yazı ilə tanışlıqdan sonra belə bir sual ortaya çıxsın: Əgər İlqar Mehmetoğlu "SOCAR Turkey Energy” şirkətində belə böyük bir status sahibidirsə, bəs indi niyə boş olan icraçı direktorunun birinci müavini vəzifəsinə irəli çəkilmir? Birmənalı deyə bilərik ki, əslində bu suala bir az əvvəl, elə bu yazıda söylədiyimiz cavab da var:”Hələ təhsil illərində savadı, elmi bilikləri və istedadı ilə başqalarından seçilməsə də, hizmət çocuğu kimi başqalarından ciddi bir çəkildə seçilə bilirdi. Təhsil illərində əslində ciddi bir tərzdə dərs də oxumaz, amma bütün gün hizmətdəki islərdəki fəallığı ilə seçilənlərdən olduğu üçün imtahanları uğurla və müvəffəq qiymətlərlə başa vuranlardan idi”. Şübhəsiz ki, təkcə xidmətinə görə seçilən birisini yüksək təhsili və intellekti ilə fərqlənən Amerika təcrübəsi keçmiş Samir Kərimli ilə bir tərəziyə qoymaq mümkünsüzdü. Amma o, şirkətdə gördüyü bir sıra işlərlə, o cümlədən” paralel yapı” təriqətinin kadrlarının mükəmməl bir şəkildə yerləşdirilməsində üstün olduğunu əməli fəaliyyəti ilə ortaya qoyub və təəssüf ki, bu fəaliyyətini bu gün də uğurla davam etdirməkdədir. Əvəzində isə Azərbaycan dövlətinin iqtisadi siyasətinin tərəqqisinə xidmət edən SOCAR rəhbəri Rövnəq Abdullayevin Türkiyədə və ümumən bütün xaricdə Azərbaycanın ən böyük layihəsi olan "Petkim” şirkətinin direktorlar şurasının rəhbəri Vaqif Əliyevin də nurçu təriqətin adamı olduğu iddia edilir. Hətta fətullahçıların SOCAR-a yerləşdirilməsində onların mühüm rolunun olduğu da bildirilir.Amma əsl fəaliyyətin İlqar Mehmetoğlu kimilərə məxsus olduğu isə hələlik ustalıqla gizlədilməkdədir,olsa-bu hələlik mümkündür...

   P.S.  Bu günlərdə "SOCAR Turkey Energy”nin icraçı direktoru Kənan Yavuz da vəzifəsindən uzaqlaşdırıldı. Görəsən, bu da Gülən təriqətinin yeni uğuru idimi?! Hər halda,  bu da ən yaxın zamanlarda bəlli olacaq...   

Ümid Partiyası sədrinin gender məsələləri üzrə müavini Həcər Abbaslı partiyadan istefa verib. 

Arqument.Az xəbər verir ki, bu barədə Həcər Abbaslı feysbukda yazıb. 

O, istefasını partiyada demokratiyanın olmaması və sədrin təkbaşına qərar qəbul etməsi ilə əlaqələndirib: "Mən Həcər Abbaslı bu gündən ÜMİD partiyası sədrin gender məsələləri üzrə müavini vəzifəsindən və partiya üzvlüyündən istefa verdiyimi bəyan edirəm. Bildirmək istəyirəm ki, istefamı partiya daxili qərarların demokratik yolla qəbul edilməməsi, partiya daxili idarəçiliyinin üzvlərin ictimai siyasi təcrübəsi, fərdi potensialı, prespektivi və ümumkomanda maraqlarının əsasında deyil, sədrin şəxsi münasibətləri zəmnində aparılması bu qərarı verməyimə səbəb oldu". 

"Qərarımı qətiləşdirən başqa bir fakt Azərbaycan Respublikası Milli Məclisinə 2016-ci il 18 iyun təkrar seçkilərində iştirak etmək istəyim və bu qərarımın partiya sədri tərəfindən rədd edilməsi, həmçinin sədrin özünün namizədliyini partiya rəhbərliyi və üzvləri ilə müzakirə etmədən gizli şəkildə irəli sürməsi olmuşdur. 

Bəyan edirəm ki, bu gündən müxalif partiya imitasiyasında, cəmiyyətimizdəki demokratik inkşaf prosesində iştirak imitasiyasında rol almağı deyil, dövlətimiz və millətimiz naminə müstəqil siyasi fəaliyyətə başlamağa qərar verirəm", - Həcər Abbaslı bildirib.

Daxili İşlər Nazirliyi, Dövlət Təhlükəsizlik Xidməti və Baş Prokurorluq Zaqatala rayonunda vəhhabilərə qarşı keçirilən əməliyyat haqda birgə açıqlama yayıb.

Daxil olan məlumata görə, daxili işlər, prokurorluq orqanlarının və Dövlət Təhlükəsizlik Xidmətinin əməkdaşları tərəfindən görülən tədbirlərlə bölgədə dini dözümsüzlük və bölücülük meylləri yayan, vətəndaşları hədə-qorxu və digər zorakı üsullarla öz sıralarına cəlb etməyə çalışan, əhali arasında pozuculuq işləri aparan Zaqatala rayon sakinləri Elşad Musayev, Abakar Qazıyev, İslam Ağalarov, Vüqar Cəbrayılov, Bəşir Həmzəyev və Vaqif Padarov saxlanılıblar.
Üzərlərinə və yaşadıqları ünvanlara baxış zamanı onlardan 2 ədəd avtomat silahı, 2 tapança, 13 əl qumbarası, 310 ədəd müxtəlif çaplı patron, 5 trotil şaşkası, həmçinin təbliği və yayılması qanunla qadağan edilən xeyli sayda dini ədəbiyyat aşkar edilərək götürülüb.
Faktla bağlı Cinayət Məcəlləsinin müvafiq maddələri ilə cinayət işi başlanılıb, istintaq aparılır.
Mütəşəkkil dəstənin cinayətkar əlaqələrinin ifşası, habelə, digər üzvlərinin müəyyən olunaraq məsuliyyətə cəlb edilməsi istiqamətində təxirəsalınmaz istintaq və əməliyyat-axtarış tədbirləri davam etdirilir.

Çərşənbə axşamı, 03 May 2016 00:00

Əmək pensiyası ilə bağlı yeni xəbər

Yazan

Azərbaycanda əmək pensiyası alan şəxslərin sayı 1303252 nəfərdir.

Bunu virtualaz.org saytına Əmək və Əhalinin Sosial Müdafiəsi Nazirliyinin ictimaiyyətlə əlaqələr şöbəsinin rəhbəri Elman Babayev bildirib.

Onun sözlərinə görə, pensiya alanlardan 536659 nəfəri kişi, qalanları qadınlardır.

Əmək pensiyası ilə təmin olunanların 781576 nəfəri yaşa görə, 375884 nəfəri əlilliyə görə, 145792 nəfəri isə ailə başçısının itirilməsinə görə pensiya alır. “Prezidentin 16 yanvar, 2016-cı il tarixli “Əmək pensiyalarının baza hissəsinin artırılması haqqında” sərəncamına əsasən, yaşa görə əmək pensiyasının baza hissəsinin məbləği fevralın 1-dən 10 faiz artırılıb”, - deyə E.Babayev qeyd edib.

Hazırda əmək pensiyalarının orta aylıq məbləği 2016-cı ilin əvvəli ilə müqayisədə 6,8 faiz artaraq 189,9 manata, o cümlədən yaşa görə pensiyaların orta aylıq məbləği 210,8 manata çatıb. Bu göstəricilər ölkə üzrə əməkhaqlarının orta aylıq məbləğinə nisbətdə müvafiq olaraq 40,2 faiz və 44,6 fazi təşkil edir ki, bu da beynəlxalq standartlara, habelə Avropa Sosial Xartiyasının tələblərinə uyğundur.

90 saylı Ağdaş seçki dairəsindən 6 nəfər deputatlığa namizədliyini irəli sürüb.

Bunu Mərkəzi Seçki Komissiyasının (MSK) Məzahir Pənahov deyib.
O bildirib ki, həmin şəxslərdən ikisi siyasi partiya - hakim Yeni Azərbaycan Partiyasının (YAP) və Ümid Partiyasının nümayəndəsidir: “Digər 4 nəfər isə bitərəflərdir”.
Qeyd edək ki, Prezident İlham Əliyevin sərəncamı ilə 90 saylı Ağdaş seçki dairəsi üzrə Milli Məclisə təkrar seçkilər 2016-cı il iyunun 18-nə təyin edilib.

Çərşənbə axşamı, 03 May 2016 00:00

Avropalıların Türkiyəyə gediş-gəlişi asanlaşdı

Yazan

Türkiyə hökuməti Avropa İttifaqına üzv ölkələr üçün viza rejiminin aradan qaldırılması barədə qərar qəbul edib.

Qərar hökumətin rəsmi orqanı olan "Resmi Gazete”də çap olunub. Qərar Türkiyə vətəndaşlarının Şengen zonasına vizasız gediş-gəlişi barədə Avropa Komissiyasının qərarından sonra qüvvəyə minəcək.

Avropa Komissiyası Türkiyənin bu addımını alqışlayıb. Komissiyanın nümayəndəsi Marqaritis Sxinasın sözlərinə görə, bu günə kimi Türkiyə 11 Aİ ölkəsinə viza rejimi tətbiq edirdi.(apa)

Qafqaz Müsəlmanları İdarəsi (QMİ) bölgə qazıları və səlahiyyətli nümayəndələrinin tam siyahısını açıqlayıb

Qeyd edək ki, səlahiyyətli nümayəndələr QMİ sədrinə tabedirlər. Onlar öz fəaliyyətləri zamanı İdarə Sədrinin verdiyi tapşırıqları yerinə yetirməyə borcludurlar. 

Səlahiyyətli nümayəndələrin fəaliyyəti bölgə qazıları və QMİ-nin Təşkilat şöbəsi tərəfindən əlaqələndirilir. QMİ-nin struktur bölmələri səlahiyyətli nümayəndələrə öz səlahiyyətləri çərçivəsində tapşırıqlar verə bilərlər. Səlahiyyətli nümayəndələr QMİ sədrinin müəyyən etdiyi bölgələrə təhkim olunurlar. Səlahiyyətli nümayəndəyə vəzifələrinin icrasına görə haqq ödənilə bilər. Ödəmənin qaydası QMİ sədri tərəfindən müəyyən edilir. QMİ sədri tərəfindən səlahiyyətli nümayəndəyə onun səlahiyyətini təsdiq edən vəsiqə verilir. Səlahiyyətli nümayəndələr öz fəaliyyətində Azərbaycan Respublikası qanunvericiliyini, İdarənin fəaliyyətini tənzimləyən normativ-hüquqi aktları, İdarənin Nizamnaməsini, QMİ Sədrinin əmrlərini, Qazılar Şurasının qərarlarını və müvafiq Əsasnaməni rəhbər tutur.

Bölgə qazıları:

Bağırov Barat - Ağdam

Məmmədov Əli - Ağdaş

Əzizov Bəhruz - Bakı/Nəsimi

Quliyev Məhəmməd - Bakı/Sabunçu

Qasımov Musa - Bakı/Sabunçu

Babayev Rahib - Bakı/Səbail və Qaradağ

Əlizadə Soltan - Bakı/Xəzər

Məmmədyarov Şünasi - Bakı/Xəzər

Nağızadə Faiz - Bakı/Yasamal və Abşeron

Hüseynov Ramazan - Bərdə

Mirtaibov Seyyidhaşim - Dərbənd

Əliyev Əli - Gürcüstan Respublikası

Axundzadə Qəni - Lənkəran

Təhməzov Mirqiyas - Masallı

Kərimov Şahabiddin - Maxaçqala

Məmmədov Sahib - Naxçıvan

Sadıqov Novruz - Qax

Süleymanov İlham - Qazax

Rüstəmov Ceyhun - Qəbələ

Səttarov Naib - Quba

Əliquliyev Vadar - Saatlı

Əfəndiyev Cavanşir - Şabran

Həsənov Hüsni - Salyan

Məmmədov Kamran - Şəki-Oğuz

Sərdarov Rauf - Sumqayıt

İbrahimov İbrahim - Zaqatala-Balakən.

Səlahiyyətli nümayəndələr:

İslamov Nurəddin - Ağsu

Musayev İltifat - Ağsu

Həsənov İlqar - Astara

Əliməmmədov Şahbala - Bakı/Binəqədi

Həsənov Şahin - Bakı/Nəsimi

Səlimov İlham - Bakı/Nəsimi

İsayev Natiq - Bakı/Nizami

Əhmədov Faiq - Bakı/Qaradağ

Murtuzov Əlifağa - Biləsuvar

Əsgərov Mahmud - Cəlilabad

Abbasov Tahir - Gəncə

Orucov Anar - Goranboy

Kazımov Rəsul - Göyçay

Səfərov Cavid - Göyçay

Məmmədov Surxay - İçərişəhər

Bəşirov Adıgözəl - İmişli

Bilalov Şahzadə - İsmayıllı

Cəfərov Füzuli - Kürdəmir

Əliyev İlham - Lerik

Salahov Nəbi - Naxçıvan

Əliyev Mirseymur - Neftçala

Əsgərov Hacı - Qax

Əfəndiyev Elnur - Quba

Mirməmmədov Mirələsgər - Quba

Rəhimxanov Fəryəddin - Qusar

Sadıqov Ağakərim - Sabirabad

Mustafayev Mərəhmət - Şamaxı

Rüstəmov Elşən - Şamaxı

Mehrəliyev Əvəz - Şirvan

İbayev Nəriman - Tovuz

Rzayev Yaşar - Xaçmaz

Yəhyayev Məzahir - Xaçmaz

Fərzullayev Füzuli - Yardımlı

Əliyev Namiq - Yevlax

Musayev Rasim - Zaqatala.(“Report”)

157 -dən səhifə 187