Regional Qadın Təşəbbüsləri İB Şəki şəhərində “Qadın hüquqları və gender” mövzusunda növbəti tədbirini keçirmişdir.

Regional Qadın Təşəbbüsləri İctimai Birliyi 05 iyul 2017-ci il tarixdə Azərbaycan Respublikasının Prezidenti yanında Qeyri-Hökumət Təşkilatlarına Dövlət Dəstəyi Şurasının maliyyə dəstəyi ilə həyata keçirilən “Regionlarda Qadın hüquqları və Gender mövzusu ilə bağlı seminarların təşkli: milli və beynəlxalq qanunvericilik imkanlarından istifadə mexanizmləri ilə bağlı maarifləndirmə tədbirləri” adlı layihə çərçivəsində “Qadın hüquqlarının müdafiəsi. BMT-nin Qadınlara qarşı ayrı - seçkiliyin bütün formalarının ləğv edilməsi haqqında Konvensiya. Azərbaycanda qadın hüquqlarının müdafiəsi mexanizmləri” mövzusunda Şəki şəhərində növbəti seminar keçirmişdir. Qeyd edək ki, layihənin məqsədi regionda gender bərabərliyinin qadınlar arasında təbliği, ictimai həyatda qadınların aktivləşməsinə nail olmaq, Gender haqqında beynəlxalq konvensiyalar və milli qanunvericilik imkanlrından istifadə mexaniznlərini izah etmək və hüquqi sənədlər haqqında maarifləndirmə işinin təşkilindən ibarətdir.

Tədbir Şəki şəhəri Nakam adına Mərkəzi kitabxanada keçirilmiş, burada tələbələr, təhsil və mədəniyyət işçiləri iştirak etmişlər. Layihə rəhbəri Mehriban Əhmədova tədbiri açaraq layihə haqqında iştirakçılara geniş məlumat verərək, qadın hüquqlarının qorunmasının bütün dünyada prioroitet olmasından, eyni zamanda gender bərabərliyinin ictimai və sosial həyatda vacibliyindən, xüsusilə idarəetmə sektorunda tətbiqinin zəruriliyini qeyd etdi.

Daha sonra təlimçi-ekspert Ruslan Əhmədov “Qadınlara qarşı ayrı-seçkiliyin bütün formalarının ləğv edilməsi” haqqında Konvensiyasını və gender haqqında Azəbaycan Respublikasının qanununu izah etdi və bu qanunların qəbul olunması tarixləri haqqında məlumat verdi. Həmçinin O, gender siyasətinin gücləndirilməsi üzrə ölkə Prezidentinin fərmanı, milli mexanizmlərin hazırlanması və həyata keçirilən tədbirlər planı haqqında söz açdı.

Layihənin hüquqşünası Rasim Zeynalov əvvəlcə qəbul edilmiş qanunların verdiyi imkanlardan, o cümlədən bu qanunların verdiyi imkanları əldə etmək üçün prosedurlar haqqında ətraflı məlumat verdi. O, gender haqqında beynəlxalq təcrübələrdən misallar çəkdi. Daha sonra R.Zeynalov iştirakçıların suallarını cavablandırdı və suallara uyğyn olaraq mövzunun hüquqi tərəflərinə aydınlıq gətirdi.

Bundan sonra isə təbir iştirakçıları ilə qadınların qərarların qəbul edilməsində rolu mövzusunda qrup işi keçirildi. Qrup işinin nəticəsi olaraq, Nakam adına Mərkəzi kitabxananın işçisi Sadıqlı Yaqut, Yaqubova Dilbər və kollecin tələbəsi Rəsulzadə Aytac çıxış edərək bildirdilər ki, qızların təhsil alması və işləməsi üçün xüsusi qanunvericilik hazırlanmalı və tətbiq olunmalıdır, ailələr nigaha daxil olarkən onlara nigah müqaviləsi izah olunmalıdır, qadınlar üçün istirahət yerləri təşkil olunmalıdır, bələdiyyələrdə qadınlar üçün peşə kursları və maarifləndirici tədbirlər keçirilməlidir, kənd yerlərində tam orta məktəblər inkişaf etdirilməlidir və kəndlər arası marşurut xətti istifadəyə verilməlidir, qadınların həyat şəraiti yaxşılaşdırılmalıdır və biznes sahəsində çalışan xanımların sayı artırılmalıdır.

Yekunda iştirakçılarla seminarın qiymətləndirilməsdi keçirildi. Layihənin növbəti tədbirləri Tərtər, Bərdə və Ağdam rayonlarında keçiriləcəkdir.

"Jurnalist tezliklə azad edilməsə adı AŞPA-nın hazırladığı hesabata salınaraq bu ilin oktyabr ayında AŞPA-da müzakirəyə çıxarılacaq''

Avropa Şurasının Media Azadlığı Platforması "Kanal13" internet resursunun direktoru Əziz Orucovun həbsini  "1-ci dərəcəli həyəcan səviyyəsi" elan edib.

Platforma bu barədə Azərbaycan hökumətinə vəziyyətlə bağlı dərhal açıqlama vermək üçün sorğu göndərib. 

Məlumatı məhbus jurnalistin mühacirətdə olan qardaşı Anar Orucov yayıb.

Onun sözlərinə görə, məlumatda Əziz Orucovun admnistrativ həbsi, həbsin sonuncu günü yeni və absurd ittihamla üzləşməsi, evdə və ofisdə axtarışlar aparılması qeyd edilib. 

"Əziz Orucov tezliklə azad edilməsə adı AŞPA-nın hazırladığı hesabata salınaraq bu ilin oktyabr ayında AŞPA-da müzakirəyə çıxarılacaq. Mən müstəqil və tərəfsiz jurnalist olaraq, Əziz Orucovun da müstəqil və tərəfsiz jurnalist olduğunu və buna görə də şərlənərək həbs edildiyini diqqəətinizə çatdırır və bildirmək istəyirəm ki, ölkəmizin imicini Avropada düşünənlər - bir müstəqil jurnalisti şərləyərək həbsdə saxlamaqla ölkənin imicinə nə qədər böyük zərbə vurduğunuzun fərqindəsinizmi?",-deyə Anar Orucov fikirlərini bu sualla bitirib. 

Əziz Orucov mayın 2-də polisə müqavimət ittihamı ilə saxlanılıb, ona 30 sutka inzibati həbs cəzası verilib. Azadlığa buraxılmalı olduğu gün - iyunun 1-də Baş Prokurorluğun Ağır Cinayətlərə dair İşlər üzrə İstintaq İdarəsində haqqında cinayət işi başlanıb, ona CM-nin 192-ci (qanunsuz sahibkarlıq) və 308-ci (vəzifə səlahiyyətlərindən sui-istifadə) maddələri ilə ittiham verilib. Elə həmin gün Nəsimi rayon Məhkəməsinin qərarı ilə onun barəsində 4 aylıq həbs-qətimkan tədbiri seçilib.

Ə. Orucov ittihamları qəbul etmir.

Azərbaycan Müdafiə Nazirliyi Ermənistan ordusunun cəbhədəki təxribatı barədə məlumat yayıb.

Xeber.İnfo Nazirliyin rəsmi məlumatını təqdim edir:

“İyulun 4-də saat 20:40 radələrində Ermənistan silahlı qüvvələri tərəfindən Füzuli rayonun Alxanlı kəndi 82 və 120 millimetrlik minaatanlardan və dəzgahlı qumbaraatanlardan atəşə tutulub.
Ermənistan tərəfinin bu təxribatı nəticəsində kənd sakinləri 1967-ci il təvəllüdlü Quliyeva Sahibə İdris qızı və 2015-ci il təvəllüdlü Quliyeva Zəhra Elnur qızı həlak olublar. Atəş nəticəsində qəlpə yarası alan 1965-ci il təvəllüdlü Quliyeva Sərvinaz İltifat qızı xəstəxanaya çatdırılaraq əməliyyata götürülüb.
Hadisə ilə bağlı beynəlxalq qurumlar məlumatlandırılıb.
Silahlı Qüvvələrimizin bu istiqamətdə yerləşən bölmələri tərəfindən görülən adekvat cavab tədbirləri nəticəsində düşmən susdurulub.
Müdafiə Nazirliyi bildirir ki, baş vermiş qanlı təxribata görə bütün məsuliyyət Ermənistanın hərbi-siyasi rəhbərliyinin üzərinə düşür”
.

Artıq bir aydır ki, Kürdəxanı təcridxanasında həbsdə olan jurnalist Əziz Orucovun ailəsindən xəbər var.

Xeber.İnfo xəbər verir ki, xanımı, "Kanal 13" internet telekanalının redaktoru Lamiyə Orucova (Çerpanova) deyir ki, artıq bir aydır əsassız olaraq Əziz Orucova görüş vermirlər.

Mövcud vəziyyət bu yaxınlarda Orxan və Ramik Bayevlər tərəfindən dindirilmə zamanı təzyiqi qalxaraq koma vəziyyətinə düşmüş anası Almaz xanımın səhhətini daha da ağırlaşdırıb. Bir aydır oğlunu görməyən ananın həm fiziki, həm də psixoloji durumu kəskin pisləşib.

Lamiyə Orucova deyir ki, həbsxana divarlarının ardında hər addımında qanun pozuntusu var: "Hər həftə Əzizə aparılan sovqat tam yarı edilərək ona çatdırılır. Havanın temperaturu 30-35 dərəcə olmasına baxmayaraq içəri ventilyator keçirilməsinə icazə verilmir. Səbəbini soruşanda isə istehza ilə “Havalar elə qızmayıb" cavabını verirlər. Baxmayaraq ki, öz otaqlarında iki kondisioner işləyir. Bu, içəridə olan dustaqların hüquqlarının birbaşa pozuntusudur".

L.Orucovanın sözlərinə görə, artıq Əziz Orucovun işi ilə bağlı olan ilkin məhkəmə prosesi yekunlaşıb: "İşə yaxın günlərdə Avropa məhkəməsində baxılacaq. “Kanal 13”-ün redaktoru əlavə olaraq bildirdi ki, Avropa Şurasının Mətbuat Azadlığı platforması jurnalist Əziz Orucovun adını öz platformasına daxil edib.

Bu dünyanın bir necə nüfuzlu təşkilatının Avropa şurasını tərkibində yaratdığı jurnalistlərin azadlığına görə platformadır və Əziz Orucovun adı “Kanal 13”-ün rəhbəri olaraq ən yüksək təhlükə səviyyəsində, birinci dərəcəli həyəcan səviyyəsində ora salınıb.

Azərbaycan hökumətinə də müraciət olunub, lakin hələ heç bir cavab verilməyib. Hesabatda Əziz Orucovun adminstrativ şəkildə həbs olunması və həbsinin son günündə başqa bir ittihamla 4 ay həbs-qəti imkan tədbirinin seçilməsi daha sonra evində və ofisində axtarış aparılması hesabatda öz əksini tapıb, eyni zamanda hesabatda “Kanal 13”-ün fəaliyyətindən də bəhs olunub. Öz efirində hökumət və müxalifət nümayəndələrinə yer verən, sosial-iqtisadi problemləri işiqlandıran tam müstəqil televiziya olduğu qeyd olunub.

Hazırda Avropa Şurası Əziz Orucovun işi ilə bağlı ciddi fəaliyyət göstərir və eyni zamanda Avropa Şurasını digər müvafiq qurumları da, yəni İnsan Hüquqları üzrə və Media Məsələrli üzrə komissarların da məsələyə müdaxilə edəcəyi gözlənilir".
Qeyd edək ki, Ə.Orucovun barəsində Cinayət Məcəlləsinin 192-ci (qanunsuz sahibkarlıq və külli miqdarda gəlir əldə etmə) və 308-ci (vəzifə saxtakarlığı ağır nəticələrinə səbəb olması) maddəsi ilə istintaq aparılır. Vəkilinin sözlərinə görə, Əziz Orucova qarşı qaldırılan cinayət işi “Kanal-13″-ün fəaliyyəti və “Qafqaz Media Təhqiqatları Mərkəzi” İctimai Birliyinin fəaliyyətinə görə irəli sürülüb. 

Çərşənbə axşamı, 04 İyul 2017 00:00

Naşükür Xəlilin yeri - HEKAYƏ

Yazan

Biri vardı biri yoxdu. Bir kənddə Mədinə və İsmayıl adında tərbiyəli 2 uşaq yaşayırdı. Onların anası İsmayılı dünyaya gətirəndə vəfat etmişdir. Ataları isə İslamı dini uğrunda gedən döyüşlərdən birində şəhid olmuşdur. O zamanlar Mədinə3 yaşında, İsmayıl isə 2 günlük idi. Onların tərbiyəsi ilə nənələri Xədicə xanım məşğul olmuşdu. İndi Mədinə 2-ci sinfə gedir. İsmayılın isə 5 yaşı var. Xədicə xanım Mədinəni 5-ci sinfə, İsmayılı da 2-ci sinfə qədər böyütmüşdü. Nənələri vəfat edəndən sonra Mədinə özü İsmayıla həm analıq həm də bacılıq etmişdir.esma1

Mədinənin 20 yaşı olanda o, qardaşını da götürüb uzaqda yaşayan xalalarının, yəni Sara xanımın yanına getdilər. Sara xanım çox uzaqda yaşadığı üçün bacısı Həcərin dünyadan köçdüyünü bilmirdi. Sara xanım onları tək görəndə hər şeyi başa düşmüşdü. Mədinə ona olanları nənəsinin dediyi kimi söylədi.

Sara xanım: Bəs sizin təhsiliniz var?

Naşükür Xəlilin yeri1 Sara xanım çox təmiz ürəkli birisi idi. Kasıblara yardım edərdi. Uşaq evlərindən uşaqlarla birlikdə çıxıb, onların arzularını yerinə yetirərdi. Amma onun həyat yoldaşı Xəlil çox naşükür insan idi. Onların uşağı olmadığı üçün hər dəfə şikayətlənirdi. Sara xanım onların hərəsinə 2 otaq vermək istədi amma uşaqlar etiraz edib, hərəyə 1 otaq aldılar.

***

 Axşam Xəlil evə gəlməyəndə Sara xanım həyəcanlandı. Səhər İsmayıl xalasına dedi ki, mən Xəlil kişini axtarmağa gedərəm təki sən qorxma. Düzdür o, buraları yaxşı tanımasa da xalalarının evinə gələrkən qarşılarına müdrik bir qoca çıxıb olduqları yeri göstərmişdi. İsmayıl yemək yeyib, Xəlil kişinin şəklini götürüb evdən çıxdı. Bir qədər gedəndən sonra saata baxdı. Saat altının yarısı idi. Onun cəmi iki saatı qalmışdı. Hər yeri ələk-vələk etdikdən sonra saat artiq səkkiz  olmuşdu.

esma3Mədinə çox qorxdu və dedi:

- Bu uşaq harada qaldı?

Sara xanım: Qorxma qızım, İsmayıl çox mərd oğlandır.

Birdən qapı döyüldü. İsmayıl evə gəldi. O Xəlili tapa bilməmişdi. Sara xanım: Oğlum İsmayıl, gəl sən onu axtarma! O qeyb olmağa layiqdir. Bu dünyada heçnə əvəzsizqalmayacaq. Siz də bundan sonra mənim uşaqlarım olacaqsınız. Onlar belə sevinc və xöşbəxtlik içində yaşadılar. Əgər Xəlilin harada olacağını bilmək istəyirsinizsə onun yeri cəhənnəm odunda yanmaqdır.

 

 Əsma Hüseyn

Artıq, 11 ayın sultanı mübarək Ramazan ayının sonuna yaxınlaşırıq. Sanki bir əziz, doğma birisini itirmiş kimiyik. Bu ayrılıq çox kədərli olsada, sevinc hissini gizlətməməkolmaz. Çünki biz bu bir ay boyunca sevinc hissi ilə oruc tutaraq Allahdan bağışlanma istəmişik. Tutduğumuz orucun hesabatı olaraq bu bayramı yəni Ramazan Bayramını qeyd edirik. Ən azı buna haqqımız var. Çalışdığımız qədəri ilə bir ay nəfsimizlə mübarizədən sonra bu bayramı öz istəklərimizə qələbə olaraq qeyd edirik. Bu, Allahın bayramıdır. Bu, müsəlmanların vəhdəti, iradələrin gücləndirildiyi, Allahın bəndələrinin sevindiyi, dinin əzəmətinin nümayiş etdirildiyi, insan fitrətinə qayıdış bayramıdır.

 Ramazan bayramı evlərdə sevinc, məhəbbət, bolluq və şadlıq gətirər. Oruc tutanlar bir-birini təbrik edərək bu əziz günü bayram edirlər. Məscidlərə gedib bayram namazında iştirak edərək, Allahdan öz istəklərini diləyib, Ramazan ayında tutduqları orucun və etdikləri ibadətlərin mükafatını istərlər. Bu bayramın çox gözəl adətlərindən biri də budur ki, hər kəs bir-birini ziyarət edər. Qohum-qonşu, dost-tanış bir birini təbrik edib qonaq gedərlər. Bütün bayramlarda olduğu kimi, Ramazan Bayramı günündə də küsülülərin barışması təkid edilir. Bayram günündə ölülərin məzarını ziyarət edib, ruhlarına rəhmət diləmək də ənənə şəklini alıb.

7b6e7451bac0703d5c6d13161b1acb6811748728 1140692912613259 986033549 nRamazan (fitr) bayramı İslamda ən böyük iki bayramdan biridir. Mübarək Ramazan ayı bitdikdə, yəni Şəvval ayının 1-ci günü Fitr bayramı qeyd olunur. Hədislərin birində buyurulur: “Fitr bayramı günü möminləri səsləyərlər: “Ey möminlər! Bu gün Ramazan ayında etdiyiniz xeyir işlərin mükafatını alın!”

Bu bayramın özünəməxsus əməlləri vardır. Bayram günü oruc tutmaq haramdır. Bayram axşamı ailə başçısı ailə üzvləri adından imkansızlara yardım məqsədilə fitrə zəkatı çıxarar. Adambaşı fitrə zəkatı buğda, arpa, xurma və yaxud düyü və sair kimi məhsullar təqribən üç kiloqram təşkil edir. Həmçinin bayram axşamı, qüsl etmək bəyənilir. Fitr bayramı günü günən çıxandan zöhr azanına kimi bayram namazı qılınır. Bayram namazı həm camaatla, həm də fərdi qaydada qılına bilər. Bayram namazı iki rükətdir. Birinci rükətdə Həmd və surədən sonra 5 qunut tutulur, ikinci rükətdə isə 4 qunut. Bayram namazının qunutunda oxumaq üçün dua kitablarında xüsusi dua qeyd olunsa da, qunutlarda istənilən duanı etmək kifayət edir. Onu da qeyd etmək lazımdir ki, bayram namazını qılmamış şəxs buzəkatı zöhr azanınadək verməlidir. İmkanı olan şəxs üçün fitrə zəkatının verilməsi təkid olunmuş vacib əməllərdəndir. Bu, ictimai, iqtisadi faydalarla bərabər, orucun qəbul olunmasına, bədənin 1 il ərzində xoşagəlməz hadisələrdən qorunmasına gətirib çıxardır.Daha sonra yeni paltar geyinmək, ətirlənmək də bəyənilən əməllərdəndir.

Fitrə zəkatının hökmləri

 fitrezekathazir

 - Bir şəxs Fitr bayramı gecəsinin gün batan çağına hətta bir neçə an qalanda belə, həddi-büluğa çatan, aqil, fəqir və bir kəsin qulu olmasa, özü və onun çörək yeyənləri sayılan hər nəfər üçün buğda, arpa, xurma, kişmiş, düyü, qarğıdalı və sair kimi şeylərdən təqribən 3 kq miqdarında müstəhəqqə (fitrə zəkatına layiq olan şəxsə, ehtiyacı olana) verməlidir. Əgər bunların hər hansının pulunu versə, kifayətdir.

- Əgər bir kəs özünün və ailəsinin illik qazancını təmin edə bilməsə və təmin etmək üçün işi, qazancı, kəsb-ticarəti də olmasa, fəqirdir və fitrə zəkatı ona vacib deyil.

- Hər bir şəxs Fitr bayramı gecəsində (məğrib vaxtı) onun çörək yeyənləri hesab olunan şəxslərin fitrə zəkatını verməlidir: istər böyük olsun, istərsə kiçik; istər müsəlman olsunlar, istərsə də kafir; istər onların xərcləri o şəxsə vacib olsun, istərsə də olmasın; istər öz şəhərində olsun, istərsə də başqa şəhərdə.

- Fitr bayramı gecəsində iftar vaxtından qabaq ev sahibinin razılığı ilə evə daxil olan və onun çörək yeyəni hesab olunan qonağın fitrəsi ev sahibinə vacibdir.

- Fitr bayramı gecəsində iftar vaxtından qabaq ev sahibinin razılığı olmadan evə daxil olan və bir müddət onun yanında qalan qonaq onun çörək yeyənlərindən hesab olunsa, ehtiyata əsasən onun fitrəsi ev sahibinə vacibdir. Həmçinin, insanın xərcini verməyə məcbur etdiyi şəxsin də fitrəsini verməlidir.

- Fitr bayramı gecəsi məğribdən sonra gələn qonağın fitrəsi (məğribdən əvvəl dəvət olunmuş olsa və orda iftar etsə belə) ev sahibinə vacib deyil.

images

Həzrət İmam Əli (ə) xəlifə olduğu dövrdə Ramazan Bayramı günü müsəlmanların qarşısında xütbə söyləyərək belə ərz etmişdir: “Ey camaat, bu gün yaxşı əməl sahiblərinə savab verilər, pis əməl sahibləri ziyana uğrayarlar. Bu gün qiyamətə çox bənzəyir. Evinizdən çıxıb məscidə toplaşmağınız qiyamətdə qəbirdən çıxıb rəbbinizin hüzurunda toplaşmağınıza oxşayır. Məsciddə namaza durarkən qiyamətdə Rəbbinizin hüzurunda duracağınızı təsəvvür edin. Məsciddən evinizə dönməniz isə qiyamətin sonunda behiştə və ya cəhənnəmə getmənizi xatırlatsın sizə.

Ey Allahın bəndələri! Bilin, oruc tutan kişi və qadınlara veriləcək ən kiçik savab budur ki, Ramazanın sonuncu günündə Allahın əmri ilə mələklərdən biri car çəkib elan edər: «Müjdə olsun sizə, ey Allahın bəndələri! Sizin ötən günahlarınız bağışlandı. Görək gələcəkdə özünüzü necə aparacaqsınız”. Ramazan bayramına keçən gecəni ibadət və dua ilə keçirmək müstəhəbdir. Həmin gecə də əhya saxlamağın və çoxlu namaz qılmağın savabı var. Bəli, Mübarək Ramazan ayı da beləcə sona çatmaqdadır. Allahın bayramı olan Bayram bizi sevindirməkdədir. Bu bayram bizə günahlarımızın bağışlanmasını müjdə verir. Təqva və iradəmizin gücləndiyi bu gözəl ay bizlərə paylaşmağı, vəhdəti, Quran tilavət etməyi adət halına salmağı, dua edib, Allaha yaxınlaşmağı, insanalra sevgi məhəbbət yaxşılıq əta etməyi öyrətdi. Allah bizlərə növbəti ili də bu mübarək ayın fəzilətlərindən yararlanmaq tofiqini nəsib etsin.

Bayramınız Mübarək!

19399822 1237865493006045 5762990555716486928 n

Şəbnəm Rəhimova

İmam Xomeyni: “Qüds günü o gündür ki, bütün müsəlman xalqları bu günə diqqət etməlidir və bu günü diri saxlamalıdır”.

-Qüds əslində islam düşmənlərini daim xatırlatmaq və müsəlmanları oyaq saxlamaq fəlsəfəsidir. Bəli, biz Qüdsü unutsaq, o zaman kölgədə yatmış “bəxtəvəri” daim onu izləyən ilanın zəhərləyib, öldürdüyünün şahidi olacağıq.

Qüds və Qarabağ bizim əkiz dərdimizdir. Gəlin baxaq. Azərbaycanın ən qədim mədəniyyətə mənsub, ilahi gözəlliyə malik bir məkanını ermənilər, hakimiyyətə həris olan “siyasətçilərimizin” sayəsində işğal etdi. Minlərlə oğul-qızımız şəhid oldu. Amma bu qurbanların qanı bu gün də vətən torpağına qarışır, biz demək olar ki, hər gün ən yaxşı oğullarımızı itiririk, onlar bizim varoluşumuz naminə şəhid olurlar.

Bəs biz? Biz ən azından bu qiymətli qurbanların, şəhidlərimizin sayəsində var ola bilirkmi? Biz, yəni arxa cəbhədə olanlar o şəhidlərimizin qurban getdiyi məqsədə nail ola bilirikmi? Bir sözlə ifadə etsək YOX.

Paytaxt Bakıda işğal altında olan yurd adlarımız hər dəqiqə gözə girir, amma içində azacıq torpaq sevgisi olanların qəlbinə girir, qəlbini qanadır, acıdır.

Zəngəzurdan didərgin düşmüş bir insan Zəngəzur şadlıq sarayında qol qaldırıb, oynayanda, yeyib-içəndə qəfil yadına erməninin ayaqları altında inləyən doğmaca kəndi - kəsəyi, o kəndin məzarlığı düşürmü? O zaman sənin torpağını əlindən alıb, qanını töküb, körpənin gözlərini oyub, süngüyə keçirən ermənilərin ananın, atanın, şəhid qardaşının məzarlığını ayaqladığını, sümüklərini çıxarıb təhqir etdiyini xatırlayırsansa...

Yox, xatırlamır. Xatırlasa Zəngəzur adını eşidəndən sonra qol götürüb, diringiyə oynamaz.

Bu gün məmləkətimdə baş verənləri müşahidə etdikcə Arakan soyqrımını xatırlayıram və tüklərim biz-biz olur. Yəni bu unutqanlıqla biz hara gedirik, sualının cavabı məni düz Arakana, dünyanı dəhşətə salan müsəlman faciəsinə aparır.

Arakan da Azərbaycan kimi neft ölkəsi idi. Arakan neft və təbii qaz ehtiyatları baxımından cənub-şərqi Asiyanın ən zəngin ərazisi idi və  düz 350 il İslam şəriəti əsasında idarə olunmuşdu. 

Arakanın da nefti Qərb imperialistlərini özünə aşiq etmişdi, Azərbaycan kimi...

Və nə baş verdi? XVIII əsrin əvvəllərindən etibarən buddist Birma sultanlığının hücumlarına məruz qalan Arakan İslam Dövləti 1784-cü ildə süquta uğradı.

Bu islam dövlətini əslində Birma sultanlığı deyil İngiltərə məhv etmişdi, neftinə, qazına sahib çıxmaq üçün.

 XIX əsrdə Arakan İngiltərənin işğalına məruz qalır. Süqut etmiş islam dövlətini iliklərinə qədər istismar edən, müsəlmanları mədən ocaqlarında zorla qul kimi işlədən İngiltərə regionu tərk edərkən Arakanı buddistlərin Birma sultanlığına təhvil verir.

İngiltərə, ABŞ bütün dünyada oynadığı oyundur bu. Parçalayıb- höküm sürmək və qanını sorduqdan sonra öz vasallarına təhvil vermək.

Bu gün, bu cütlük eyni oyunu İraqda, Suriyada, Liviyada, Misiridə oynayır. Azərbaycanı da, Türkiyəni də bu oyunun qurbanına çevirməyə cəhd edir.

Bu cütlük qanını sorduqdan sonra çəkilib getdiyi bütün məmləkətlərdə arxasınca eyni problemi qoyur: terror, milli münaqişələr, aclıq, səfalət, əxlaqsızlıq.

ABŞ İraq xalqına ancaq belə "hədiyyələr" bəxş etdi

Arakanın müsəlman əhalisi islam dövlətinin süqutundan sonra mütəmadi şəkildə dinlərini dəyişdirməyə məcbur edilsələr də bu təzyiqlərə boyun əyməmişlər. Məhz bu səbəbdən birmalı buddistlər Arakan müsəlmanlarını kütləvi şəkildə qətlə yetirməyə başladılar. Bu qətliam bu gün də davam edir.

İlk dəfə 1942-ci il mart ayının 28-də Minbya şəhərinin Çanbilli kəndində başlayan, sonradan bütün Arakan ərazisini bürüyən kütləvi qətliam nəticəsində 150 min müsəlman şəhid edildi.

Torpaqları işğal edilən Arakan müsəlmanlarına qarşı ikinci hücum dalğası 1962-ci ildə hərbi çevrilişlə hakimiyyəti ələ keçirən kommunist general Ne Vin tərəfindən başladıldı. O, yüzlərlə müsəlman aliminin qətlinə fərman verdi, bütün məscidlərin fəaliyyətini qadağan etdi və  Allah evlərini əyləncə məkanlarına çevirdi.

Bir ölkəyə basqın edən işğalçı daha çox o diyarın qadınından qisas almağa çalışır. Çünki qadın müqəddəs varlıqdır. Arakanlı qadınlar Xocalı faciəsində ermənilərə əsir düşən soydaşlarımızın faciəsini yaşadılar. Arakanlı qadınları hərbçilər məcburi şəkildə, düşərgələrə göndərərək, cinsi zorakılığa məruz qoyublar. Kütləvi zorlanma, dəhşətli işgəncə görən qadınlar hamilə qaldıqda zorla buddist kişilərlə evləndirilib.

Bu dövrdə müsəlmanların həcc ziyarətinə getmələri, camaat halında namaz qılmaları və digər ibadətlərini yerinə yetirmələri qadağan olunub. İnsan haqları təşkilatları tərəfindən açıqlanan rəsmi rəqəmlərə görə, 1962-1984-cü illərdə Arakanda 200 min müsəlman qətlə yetirilib.Tək günahları isə müsəlman olmalarıdır.

İmam Xomeyni: “Hökumətlər xalqların iradəsinə qarşı çıxmaq istəsə, hökumətlərin ağzına yumruq vursunlar”

-Ötən ilin sentyabr ayında Parisdə İsrail-Fələstin münaqişəsinin sülh yolu ilə tənzimlənməsi üçün beynəlxalq konfrans keçirildi. Hər zaman ağ bayrağını qaldıran Fələstin dövlətinin başçıları 70 ölkə və təşkilatın təmsilçisinin qatıldığı foruma gəlsələr də, hər il minlərlə fələstinlini günahsız yerə qanına qəltan edən, insan qatili İsrailin baş naziri Benjamin Netanyahu tədbirə qatılmaqdan imtina edib, bildirib ki, forum “antiisrail” xarekteri daşıyır.

Qeyd edək ki, İsrail və Fələstin arasında danışıqların sonuncu raundu 2014-cü ilin aprelində nəticəsiz yekunlaşmışdı. Təbii, arxalı köpək qurd basar misalını xatırladınız. Amma xalqların diri qalması və etiraz mədəniyyətini itirməməsi, bir ölkəni parçalanmaqdan, məhv olunmaqdan xilas edər. Dünyada İran nümunəsi var. “Necə ki, İran xalqı Məhəmməd Rzanın ağzını yumruqladı”.

İsrail rejiminin dağıtdığı Fələstində ölkəsinin bayrağını qoruyan fələstinli...

İmam Xomeyni: “Əgər siz səhlənkarlıq etsəniz, onlar Fərata qədər olan ərazilərimizi işğal etmək istəyəcəklər”.

-Bakıda, eləcə də ölkəmizin işğal altında olmayan digər bölgələrində Şuşa, Zəngilan, Ağdam, Kəlbəcər, Xocavənd, Laçın, Ağdərə, Cəbrayıl, Qubadlı, Füzuli restoranları, kafe-barları fəaliyyət göstərir. Bu kafelərdə, restoranlarda toy şənlikləri və digər mərasimlərlə yanaşı, digər şeytan ayinləri də icra olunur. Bu əyləncə mərkəzlərində, qadınlarımız pulla alınıb satılır. Amma bu dəfə ermənilər deyil, özmüzünkülər alıb - satır qadınlarımızı. Niyə? Çünki bizə Qarabağı, adıçəkilən, işğal altındakı bölgələrimizi məhz bu yolla unutdururlar. Zombiləşdirməklə, manqurtlaşdırmaqla.

Yəni, Şuşa restoranında və ya Ağdərə ailəvi istirahət mərkəzində hansısa yurd-yuvası əlindən alınan və ya alınmağa namizəd olan azərbaycanlı digər azərbaycanlını fahişəliyə sürükləyir. Niyə? Çünki dəyərlərin qorunduğu məmləkətlərdə, dəyərləri  UNUTDURMAQ mümkün deyil. Ən başlıcası dəyərləri dağıtmaqdır. Ailə dəyərlərini, insani dəyərləri dağıtdıqdan sonra, bir məmləkəti yer üzündən silmək çox asandır.

İmam Xomeyni: “Bütün hegomonlar əl-ələ vermiş olsalar belə, etiraz edən xalqa heç bir ziyan yetirə bilməzlər”

-“İsrailin Fələstinin Qəzza zolağında apardığı hərbi əməliyyatlar nəticəsində bir ildə 257 uşaq ölüb. Bu məlumatı “Associated Press” agentliyi BMT-yə istinadən yayıb. BMT-nin fələstinli qaçqınlara yardım təşkilatı (UNRWA) hesabatında bildirib ki, bombardmanlar və atəşlər nəticəsində yaralanan uşaqların sayı 1080-ə çatıb.

2014-cü ilin ilk 6 ayında Fələstində İsrail rejiminin hücumları nəticəsində ölənlərin sayı 502 nəfəri keçmişdi. Bu rəqəmlər illər ötdükcə artmaqdadır.

Bəs, Xocalı faciəsində öldürülən uşaqların sayı nə qədərdir? Tez-tezmi xatırlayırıq bu faciəni? YOX.

Hər il fevral ayının ilk ongünlüyündən sonra Milli Məclisin bəzi deputatları və bəzi “ziyalılar”, “siyasətçilər” qollarını çirməyib düşürlər ortalığa. Onlar müxtəlif ölkələrdə Xocalı faciəsini tanıtdırdıqlarını haray çəkib, bəlli tarix keçdikdən sonra sakitləşib öz künclərinə çəkilir, bizneslərinin inkişafı ilə məşğul olmağa başlayırlar.

Dünyaya Xocalını “tanıtmağa çalışanlar” özləri tanıyırmı Xocalını və ya xocalıları?

 Xocalı hadisələri zamanı emənilərə anası ilə birgə əsir düşən Leyla Seyidova bu “vətənpərvərlərin” gözlərinin qabağında, Binəqədidə, qaçqınlar üçün ayrılan yataqxananın kafesinin zirzəmisində yaşayır.

Leylanın gözünün qabağında anasının başını kəsən ermənilər bu qadını da yarımcan ediblər. Onun başının tən yarısı silikondur, gözli görmür. 3 uşağı ilə 17 gün küçələrdə, skmaylarda gecələyən Leylanın əri də 4 il Qarabağda döyüşüb.

Xocalı faciəsinin dünyada “tanıdanlar” xarici ölkələrə qaçmaqdansa üzlərini Leylaya və onun 3 körpəsinə tərəf çevirsələr daha çox insanlıq etmiş olarlar ki, bu dəyərin qarşısında Qarabağı illərdir “bizə verməyə çalışan” Minsk qrupu da, Avropa Şurası da, ABŞ –da, aciz qalar.

Xocalı faciəsini dünyaca məşhur “National Geographic” jurnalının azərbaycanlı fotoqrafı, Fransada məskunlaşan 500 000 nəfər erməniyə qarşı tək mübarizə aparan azərbaycanlı Rza Diqqəti qədər yaşadımı bu “vətənpərvərlər”?

Təbrizdə doğulub, Fransada yaşayan Rza Diqqəti Xocalı faciəsinin qurbanlarını, “Qırmızı xaç” vasitəsilə erməni əsirliyindən alınan soydaşlarımızın dəhşətli durumunu öz gözlərilə görüb. O, Xocalıda son nəfəsinə qədər döyüşən qəhrəmanımız Allahverdi Bağırovla görüşdüyünü xatırlayır. Deyir Allahverdi məndən xahiş etdi ki, ermənilərdən alınan əsirlərimizin şəklini çəkim: “Bu vaxt erməni əsgərlərindən biri cibindən çay qaşığını çıxararaq mənə göstərdi. Soruşdum ki, bunu neynirsən? Cavab verdi ki, biz azərbaycanlıları əsir götürəndə bununla gözlərini çıxarırıq.

 Mən dünyanın heç bir yerində belə vəhşilik görməmişdim. Həqiqətən bizim meyitləri gətirəndə gördüm ki, onların gözü çıxarılıb. Mən həmin fotoları çəkib sərgilərimdə nümayiş etdirdim. Bu müharibə deyildi, əsl soyqırım idi.

Sonra Şuşaya üz tutdum. Lakin yol bağlı idi. Ermənilər snayper qüvvələri ilə yolu tutmuşdular. Mən o vaxt Livanda işləyəndə də erməniləri tanıyırdım, onların güclü snayperləri var idi. Hətta fələstinlilərlə müharibədə onlar da iştirak edirdilər. 1982-ci ildə fələstinlilər deyirdilər ki, bizi ən çox öldürənlər ermənilərdir.

O snayper ermənilər Livandan Qarabağa vuruşmağa gəlmişdilər”.

Bəli, bu gün dünyanın hər yerində günahsız insanlar öldürülür, müsəlman olduqları üçün. Hər il Pakistanın nüfuzlu universitetlərində bir-neçə dəfə terror törədilir. Gələcəyi işıqlı olan müsəlman gənclər terror nəticəsində öldürülür. Qatilin kimliyi isə zatən bəllidir. Müsəlmanın bir qatili var, harda öldürülməsindən aslı olmayaraq. Müsəlmanın qatilinin adı UNUTQANLIQDIR, BİRLƏŞMƏMƏKDİR.

Bir də bu dünyada hələ İsrail rejiminin öldürə bilmədiyi körpələr var. “Babamı heç öpmədim

Günəş doğandan bəri.

Babam, deyirlər ki, sən suçlusan...

Niyə tutdular səni?

Səni məndən niyə əsirgədilər?

Babam dəmir barmaqlılqlar arxasında,

Köllərin tutulduğu divarların ötəsində...

Fələstinin çiçəkləri qoparılır” deyə haray çəkən o, fələstinli qızcığaz var.

Ata üzünə həsrət, gözüyaşlı anasına sığınan bu qızcığazı dinlədikcə yadıma aprel döyüşlərində şəhid olan Vaqif Bayramovun “Nəyimə gərəkdi dünyanın varı, istəyirəm bir dəfə görəm atamı” deyərək öyən qızının, Zeynəbin hayqırtısı düşür. Nə qədər ki, islam dünyası birləşməyib, zeynəblərin göz yaşı axacaq dünyanın minlərlə guşəsində - Fələstində, Suriyada, Yəməndə, Arakanda, Misirdə, İraqda, Əfqanıstanda, Pakistanda ... və islamın yaşadığı hər yerdə...

Arzu Abdulla

P.SYazı “Qələm” Yazarlar Birliyinin Beynəlxalq Qüds Günü ilə əlaqədar keçirdiyi yazı müsabiqəsində II yerə layiq görülüb. 

Azərbaycanın ilk və azad internet televiziyası “Kanal13”-ün rəhbəri Anar Orucov və Bakı bürosunun rəhbəri Əziz Orucov qardaşlarının 70 yaşlı anaları Almaz xanım Həsənovanı dünən (22 iyun 2017) Baş Prokurorluğun Ağır Cinayətlərə dair İstintaq İdarəsinə dəvət edib, 3 saat sorğu-suala tutublar. Bir çox xəstəlikdən əziyyət çəkən Almaz xanımın halı pisləşib və təcili yardım maşını ilə reanimasiyaya yerləşdirilib. Bu barədə Anar Orucov ətraflı məqalə yazıb. Xeber.İnfo həmin məqaləni oxucuların diqqətinə çatdırır:

Dünən 70 yaşlarında olan, insult xəstəsi, dizindən əməliyyat olunmuş və normal gəzə bilməyən, şəkər və qan təzyiqi problemlərindən əziyyət çəkən anam Almaz Həsənovanın Prokurorluga çağırılıb dindirilməsinə və psixoloji təzyiq göstərilməsinə, müstəntiq və prokurur tərəfindən hədə-qorxu gəlinməsinə nə mən, nə də bu hadisəyə münasibət bildirən çoxsaylı dostlarım, yoldaşlarım, həmkarlarım ad qoya bilmirik... Burdan açıq deyirəm, məni qoca anamın Prokururluğa aparılması yox, orda səhhətinin kəskin pisləşməsi və xəstəxanaya aparılıb reanimasiyada yerləşdirilməsi də yox, Prokurorluqda ANAMLA davranışlarında tərbiyəsizlik göstərən Orxan Babayev və Ramiq Babayev adlı dövlət qulluqçusunun anamın vəkil tələbinə yox demələri, bütün qanunların və Konstitusiyanın ziddinə olaraq ondan övladına qarşı ifadə almağa cəhd etmələri, "sənin o biri oğlunu da gətirib türmədə uşaqlarından komanda düzəldəcəyik" kimi ifadələrlə psixoloji təzyiq göstərmələri incidib. Məni millətimi təmsil edən bəzilərinin bu qədər naqis olması, bu qədər əxlaqsız olmaları, bu qədər səviyyəsiz olması incidir. Mən sizin ANANIZLA deyil, ay bədbəxtlər, 70 yaşlı erməni qadını ilə belə davranmazdım. İnsanlar tarix boyunca dünyanın hər yerində günahlı və ya günahsız həbs edilə bilər. Kanal13-ün Bakı ofisnin rəhbəri qardaşım Əziz Orucovu günahsız olsa da həbs edibsiz. Amma o, hələ təqsirləndirilən şəxsdir, günahı sübuta yetirilməyib və günahsız olduğu üçün yetirilməyəcək də. Amma siz hansı haqla və əxlaqla 70 yaşlı bir Azərbaycan ANASINA belə davranmısınız? Belə tərbiyəsiz ünsürlər üçün dəyərlər niyə bu qədər aşınıb görəsən, ay millətim??? Vəkillərlə də müzakirələrim oldu, Azərbaycanda kifayət qədər hörmət sahibi olan çox normal münasibətlərdə olduğum yoldaşlarla da bunu danışdıq: bu əxlaqsız ünsürlərin prokurorluq orqanlarından atılması üçün Azərbaycanda və Avropada hüququn imkan verdiyi bütün vasitələrdən istifadə edəcəyik. Bu məsələ AŞPA-nın növbəti toplantısında Azərbaycanla bağlı məruzədə qaldırılacaq və oktyabr sessiyasında baxılacaq bu işə. Qoy Azərbaycan höküməti və hüquq mühafizə orqanları həmin tarixə qədər belə əxlaqsız nakəslərdən qurtulsun ki, ölkənin imici belə "gəda"lara görə bir az da ləkələnməsin. Anama sual verib "müəlliməsən, kitab oxuyursanmı?" - özündən olsa bu naqis müstəntiq guya savadsız çıxaracaqmış yaşlı, qoca, xəstə ANANI. Amma cavabını da alıb: Anam təkcə bu il ərzində Elxan Elatlının 8 kitabını oxuyub mənə də danışıb hələ. Çüngiz Abdullayevdən tutmuş, Markesə qədər, Stefan Zweigdən, İlyas Əfəniyevdən tutmuş Oljas Süleymanova qədər, Cek Londondan tutmuş adını mən də bilmədiyim daha kimlərə qədər dahiləri oxuyub, ay bədbəxt. Hələ mənə də şikayət edirdi ki, kitab çox oxuya bilmirəm gözümdən su gəlir... Sən belə bir ANANI ələ salmaq istəyirsən öz ağlınca, ay tərbiyəsiz? Bu iş burda qalmayacaq, bu iki əxlaqsız öz cəzasını alacaq qanun qarşısında. Amma onların ANALARI bir gün mənim yanıma xahişə gələndə öz ANAM kimi hörmət edib əllərindən öpəcəm onların. Çünki mənim tərbiyəm bir ANAYA bundan başqa cür davranmağa imkan vermir, milyonlarla digər azərbaycanlının tərbiyəsi kimi... Yoldaşlarımdan və dostlarımdan xahiş edirəm bu yazını bacardıqları qədər yaysınlar, qoy bu namərdlərdən hər kəs xəbər tutsun...

Ramin Meherremov

Bu gün Qarabağın Azadlığı Uğrunda İslami Müqavimət hərəkatı Bakıda "İnsan haqları: Qüds və Qarabağ - eyni dərddə" elmi-nəzəri konfrans keçirib.

Konfransda ölkənin tanınmış dini, siyasi, ictimai şəxsiyyətlər, partiya rəhbərləri, iqtisadçılar və digər tanınmış ekspertlər, jurnalistlər və ağsaqqallar iştirak edib. 

Quran tilavətindən sonra konfransı giriş sözü ilə Qarabağ Uğrunda İslami Müqavimət Hərəkatının sədri Rövşən Əhmədli "Qüds günü"nün əhəmiyyətindən danışıb və insan haqları carçılarının iddia etdikləri kimi görünmədiklərini vurğulayıb. R.Əhmədli Qarabağın azadlığının Qüdsün azadlığlndan keçdiyini bildirib.

Sonra Azərbaycan İslam Partiyasının (AİP) sədr əvəzi Hacı İlham Əliyev çıxış edib və bildirb ki, Qüds günü İslam günüdür və bu gündə həqiqi İslam canlanır.                        

Düşmən heç vaxt namaz, oruc və ibadətlərlə müxalif olmayıb, bəlkə bunun üçün şərait yaradıb. İmam Hüseyn (ə) zamanında da ibadət edənlər və namaz qılanlar var idi. İmam isə öz qanı ilə İslamı suvarıb. Onun zəmanəsində məgər ibadət əhli yox idi? Var idi, ancaq çatışmayan məsələlər var idi. İmam Hüseyn (ə) İslamın həqiqətini çatdırmaq üçün özünü fəda etdi. Axirəzzaman hədislərində bu haqda hədislər qeyd olunub. Qüds gününü əhəmiyyəti bundadır ki, həqiqi din və İslam sərhəddini müəyyənləşdirir.  Söhbətinin davamında Qüds gününün əhəmiyyətinə toxunan sədr əvəzi, bu günün əzəmətli keçirilməsi qəsbkar və zalım qüvvələri qıcıqlandırır, çünki bu məsələnin kökündə həqiqət var. Və onlar başa düşür ki, həqiqətlərin üstünü örtməklə bu məsələni gizlədə bilməyəcək. İmam Xomeyni iti siyasi düşüncəsi ilə təxminən 35 il öncə belə bir siyasəti tətbiq etdi ki, bu gün artıq təkcə İslam ölkələrində deyil, qeyri-islami ölkələrdə Qüds günü qeyd edilir.

Qüds günü azadlıqsevərlərin günüdür. Qüds günü məzlumların haqına yetişən günüdür. Azərbaycan xalqı da haqqı tapdalanan xalq kimi, öz etirazınıı zülmkar və qəsbkar rejimlərə  bildirir, və tezliklə işğalda olan torpaqlarımızın işğaldan azad olmasının şahid olmağımızı Allahdan istəyirik.

Konfransda çıxış edən tanınmış ağsaqqal Hacı Hacıağa Nuriyev bildirib ki, Qüds günü Ramazan ayının rüknüdür. Şükürlər olsun ki, biz bu rüknün icrasında iştirak edə bilmişik. H.Nuriyev Azərbaycanda Qüds gününün keçirilməsi və "Qarabağın işğalının Qüdsün işğalının" davamı olduğunu vurğulayıb.                        

H.Nuriyev əlavə edib ki, Qarabağın azadlığını Qüdsün azadlığında görürük. Nə qədər ki, Qüds işğaldadır, işğalçılıq siyasətinin davamında Qarabağ da işğalda qalacaq. Qüds günü zülmə, işğala məruz qalmış  insanların fəryad günüdür.

Daha sonra konfransda çıxış edən Azərbaycan Ziyalılar Birliyinin sədri, tanınmış kinorejissor Eldəniz Quliyev bildirib ki, Qüds günü insanların daxilindəki bütlərlə və zalımlarla mübarizə günüdür. Bütün işğallar Qüdslə başlayıb. "İmam Xomeyni (rə) həzrətlərinin günəş işiğı kimi səpdiyi bir toxumdur. Həmin toxumdan mütləq əminamanlıq, sülh və insan sevgisi cücərəcək və nəhayət düşmənlər məğlub olacaq".

O deyib ki, bu gün sionist rejim dünyada siyasi lotuluqla məşğuldur. Qüds günü yeganə gündür ki, bütün düşmənlər bundan qorxur. Qüds gününün sərhədləri günü-gündən genişlənir.

İctimai Palatanın Koordinasiya Şurasının üzvü  İbrahim İbrahimli çıxışında bildirib ki, ümmət və milləti, din və elmi üz-üzə qoyublar. Son illər isə yeni bir proses başlayıb və çıxış yolunu harmoniya və bunların sintezindədir. Yeni əsrdə yeni proses başlayıb. Bu prosesdə islami gəlişmə var. Dünyanın gözləri qarşısında İslam özünü gərçək din kimi təsdiq etmək istiqamətində proseslər gedir. Əminəm ki, dünya gərçəkdən İslamı qəbul edib. İslamın sülh, əminamanlıq dini olduğunu qəbul edəcək. İnşallah bir gün bütün problemlər öz həllini tapacaq.

Daha sonra Qarabağ Azadlıq Təşkilatının (QAT) sədri Akif Nağıya söz verilib. O Qüds gününün önəminin elmi müstəvidə müzakirə çıxarılmasının zəruriliyini vurğulayıb və bildirb ki, bu müzakirələr davam etməlidir ki, dəyərlər yaşasın. Qüds günü zərurətdən yarandı. 80-ci illərdə fələstinlilər demək olar ki, ümidsiz bir vəziyyətdə idi. Belə bir zamanda İmam Xomeyni bu günü elan etdi və İslam həmrəyliyi üçün zəmin yaratdı. Çıxış yolu olaraq çox düzgün bir seçim oldu. Qüds həm də Qarabağ günüdür. Bu o deməkdir ki, İslam dövlətləri Qarabağla bağlı Azərbaycana dəstək verməlidir.

Daha sonra konfransda çıxış edənlər Fələstin xalqının bütün siyasi tərəflərinin vəhdətindən danışıb. Qüds və Qarabağın işğaldan azad olmasında müsəlmanların birliyinin zəruriliyini vurğulanıb. 

Niderlan Xarici İşlər Nazirliyinin dəstəyi ilə ölkəmizdə İnsan Haqları, Demokratikləşmə və Yaxşı İdarəetmənin təşviqi” proqramı həyata keçirilir. Bu layihənin icrası üzrə istiqamətlərdən biri Azərbaycan Qadınlarının Siyasi Mədəniyyət Mərkəzi İctimai Birliyi ilə Avrasiya Əməkdaşlıq Fondunun arasında bağlanmış `Yeni Nəsil Qadın Koalisiyası` adlı qrant layihəsi çərçivəsində görülən işlərdir.

Layihə çərçivəsində müxtəlif ictimai qurumlarda təmsil olunan, ictimai fəaliyyətdə müəyyən təcrübələri olan 15 nəfər gənc fəal bir araya gəlmişlər. Onlar öz həyatlarında və fəaliyyət göstərdikləri bütün sahələrdə qərarverici mövqelərə yüksəlmək istəyirlər.

Ölkəmizdə istər ictimai-siyasi, istər sosial-iqtisadi baxımdan yeni bir dönəm başlamaqdadır. Bu layihədə məqsəd yeni dönəmə uyğun olaraq yeni biliklərlə və yeni iddialarla fəaliyyət göstərən yeni nəsil qadınların ictimai fəaliyyətlərinin güclənməsidir.

Layihə çərçivəsində `Yeni Nəsil Qadın Koalisiyası`nın üzvləri ilə tanınmış ictimai fəal və işgüzar xanımların görüşləri təşkil edilmişdir. Bu görüşlərdə lider qadınlar gənc fəallara keçdikləri həyat yolundan, rast gəldikləri çətinliklərdən, maneləri aşmaq üçün davamlı səylərindən və uğur hekayələrindən söhbət açırdılar. Bu görüşlərin qonaqları vətəndaş cəmiyyətinin tanınmış təmsilçisi Şəhla İsmayıl, biznes sahəsində qadın lider Jalə Əmirbəyova, `İşgüzar xanım üçün 101 qayda` kitabının müəllifləri yazıçı Mehriban Vəzir, BDU-nun dosenti Təranə Mahmudova, psixoloq Kəmalə Abdullayeva oldu. Eləcə də qadın və mədəniyyət, qadın və azadlıq mübarizələri mövzusunda professor Fuad Məmmədov, dosent Azər Cəfərov `Yeni Nəsil Qadın Koalisiyası` üzvlərinə maraqlı mühazirələr söylədilər.

Layihə çərçivəsində həyata keçirilən təlimlərə tanınmış ekspertlər – Azər Mehtiyev, Abil Bayramov, İlhamiyyə Rza, Şəhla İsmayıl cəlb edilmişdi.

Layihəyə cəlb edilmiş 15 nəfər gənc fəalın hər birinin vəkilliyinin və ictimai tanıtımının həyata keçirilməsi məqsədi ilə onlardan geniş qəzet müsahibələri və video müsahibələr alınaraq ictimailəşdirilmişdir.

`Yeni Nəsil Qadın Koalisiyası` layihəsi çərçivəsində həyata keçirilən istiqamətlərdən biri də gənc fəalların Azərbaycanda fəaliyyət göstərən diplomatik korpuslarda çalışan diplomat qadınlara təqdimatı, eləcə də gəncləri diplomat qadınların karyera yüksəlişi ilə, uğur hekayələri, maneələri aşmaq cəhdləri ilə tanış etmək idi.

Fransa səfirinin müavini Fabian Drout-Lozinski, Avropa İttifaqının Azərbaycan ofisində siyasi məsələlər üzrə müşavir Nina Maria Lindvall, ABŞ səfirliyinin mədəni əlaqələr şöbəsinin rəhbəri Emi Peterson, Cənubi Qafqaz üzrə İsveçrə Əməkdaşlıq Ofisinin Regional direktor müavini Simona Haeberli ilə olan görüşlər gəncləri yeni təcrübələrlə motivasiya etmək baxımından olduqca əhəmiyytli oldu.

Avrasiya Əməkdaşlıq Fondunun dəstəklədiyi və Azərbaycan Qadınlarının Siyasi Mədəniyyət Mərkəzinin həyata keçirdiyi `Yeni Nəsil Qadın Koalisiyası` layihəsi bu günlərdə başa çatmaqdadır.

4 -dən səhifə 146

Günün videosu