Türkiyə baş naziri Binəli Yıldırım dekabrın 6-da Rusiyaya rəsmi səfər edəcək

Rusiya prezidenti Vladimir Putin Binəli Yıldırımı qəbul edəcək. Bu barədə Kremlin mətbuat xidmətindən bildirilib.

Görüşdə iki ölkə arasındakı siyasi, ticari və iqtisadi əlaqələr müzakirə olunacaq.

Türkiyə baş naziri səfər çərçivəsində həmçinin, rusiyalı həmkarı Dmitri Medvedev və Rusiya Federal Məclisinin Federasiya Şurasının sədri Valentina Matviyenko ilə də görüşəcək.

Bazar ertəsi, 05 Dekabr 2016 00:00

Tovuzda xalq ayağa qalxdı

Yazan

Artıq yarım aydan çox müddətdir ki ,Əhali Sosial Yardım üçün onlara ayrılan vəsaitini ala bilmir. Bu gün səhər saatlarında Tovuzda bir qurup əhali içində də ziyalıların olduğu təbəqə Bakı İpək yolunu bağlamağa cəht ediblər.Əhali sosial vəziyyətlərinin aşağı olmasından işsizlikdən süründürməçilikdən rayon səhiyyə sistemində baş verən qanunsuzluqdan əziyyət çəkdiklərini qeyd ediblər.

 Reportyor- un hadisə yerində olan əmkdaşına sakinlər bildirib ki ,sosial yardım alıb problemlərinin az bir hissəsini ödədiyi üçün sürünə sürünə yaşayırdıq . Hal- hazırda onuda ala bilməyəndə evimizə bir tikə çörək apara bilmirik .
 
Cənab Prezident Sosial yardımı verdirdi ki, bizim kimi sosial vəziyyəti aşağı olan insanlar alsın onuda faydalana bilsin.Nəticə onada möhtac qalmışıq kamunal xərclər günü gündən qalxır, ödəyə bilmirik işsizlik baş alıb gedir bəsdirin bu biyabırçılığa son qoyulsun.
 
Sakinlər xahiş edir ki, onların səsinə səs verək Cənab Prezident bizim gözdən uzaq düşmüş bu rayonumuz haqqında dəqiq məlumata malik deyil
rayon icra hakimiyyəti dəqiq məlumat vermir. Biz sürünürük idarələr canımıza qənim kəsilib xəstəlik baş alıb gedir dərman tapa bilmirik .
Hər yerdə rüşvət tələb edirlər adi bir kağıza qol çəkmək üçün uzaq kəndən belə rayon mərkəzinə üç dəfə ayaq döyməlisən onda da hökmən iki manat verməsən vermirlər
.

"Hökumət nümayəndələri yanlışlarını etiraf edərək, yuxarıdan tutmuş aşağıya qədər istefa vermək əvəzinə, xalqa yalanlar söyləməklə məşğuldurlar”.

Bunu Toplum.Tv-yə açıqlamasında Milli Strateji Düşüncə Mərkəzinin sədri  İsa Qəmbər ötən gün Milli Məclis sədrinin müavini Bahar Muradovanın 2017-ci ilin büdcə layihəsinin müzakirəsi zamanı səsləndirdiyi "Hər kəs ayağını yorğanına görə uzatmalıdır” fikrinə münasibət bildirərkən deyib.

İsa Qəmbərin sözlərinə görə, hakimiyyətin korrupsiya, monopoliya siyasəti ölkəni çox ağır vəziyyətə salıb: "Milli Məclisdə səsləndirilmiş açıqlamaların içərisində ziddiyyətli fikirlər çoxdur. Bahar Muradovanın açıqlamasındakı qara yumor hissəsi cəmiyyətin diqqətindədir. Əslinə qalsa Bahar Muradovanın açıqlamasında təzadlı bir çağırış var: əhali yoxsul yaşamağa öyrəşməlidir. Deputat demir ki, əhali bundan sonra yoxsul yaşayacaq, yəni bu faktiki olaraq əhalinin əksəriyyətinin yoxsul yaşadığının etirafıdır. Bu da illər uzunu İlham Əliyev və digər hökumət nümayəndələrinin ölkədə yoxsulluğun cəmi 5 faiz olduğunu təbliğ etməsini yerdən-yerə vurur. Düşünürəm ki, əsas diqqət yetirilməli məqam əhalini yoxsul yaşamağa çağırışdır və bu, biabırçılıqdır”.

İqtisadçı ekspert Vüqar Bayramov isə bildirib ki, orta gəlirli təbəqənin qənaət etməsi mümkün olsa da, azgəlirli təbəqənin qənaət etməsi mümkünsüzdür:

"İlkin olaraq minimum istehlak səbətindəki ərzaq məhsulları gündəlik tələbat hesab olunur və onlara qənaət etmək vətəndaşın sağlamlığı üçün qısa zamanlı təhlükə yarada bilər. Təhsil məsələsi vətəndaşların ikinci təxirəsalınmaz tələbatlarından biridir. İndiki vəziyyətdə ailələr təhsil xərclərini azaldaraq,  gələcəkdə bunun fəsadları ciddi şəkildə ortaya çıxacaq. Son olaraq səhiyyə məsələsidir. Vətəndaş istənilən halda öz sağlamlığını qorumalıdır və səhiyyə xərclərinə heç bir halda qənaət edə bilməz. Düşünürəm ki, bu üç istiqamətdə xərclərə qənaət edilməsi heç bir halda doğru deyil. Orta gəlirli ailələrə nisbətən, azgəlirli ailələrin  qənaət etməsi mümkünsüzdür. Çünkü onların gəlirləri ilə xərcləri arasında ciddi fərq var. Gəlirlər xərclərdən azdırsa, burada qənaətdən söhbət gedə bilməz. Gəliri xərcindən az olan ailələrin qənaət etməsi mövcud şəraitə uyğun deyil".

Turan İnformasiya Agentliyinin direktoru Mehman Əliyev isə məsələyə belə münasibət bildirib:

”Milli Məclisin başlıca vəzifəsidir ki, hökumət nümayəndələrini dəvət edərək büdcə məsələsini müzakirəyə çıxarsın. Amma onlar müzakirə şəraitini yaratmırlar. Milli Məclisin vəzifəsi seçkiqabağı stabillik yaradıb, rifahı artıraraq vətəndaşların istehlakçı hüquqlarını qorumaqdır. Hesab edirəm ki, Milli Məclisin tam tərkibdə deputatları istefa verərək, öz səlahiyyətlərindən imtina etməlidirlər. Milli Məclisin nümayəndələri ya öz vəzifələrini yerinə yetirsin, ya da belə tövsiyələrlə çıxış etməsinlər. Vəziyyət kifayət qədər pisdir və gərginləşməkdə davam edir". 

Deputat Vahid Əhmədov isə məsələyə münasibət bildirməkdən imtina edib: ”Bu məsələni Bahar Muradovanın özü ilə əlaqə saxlayıb, ondan soruşun”.

Deputat Nizami Cəfərov isə Azadlıq Radiosuna müsahibəsində deyib ki, vitse-spikerin fikri kontekstdən çıxarılıb:

”Bahar xanım belə söz deyə bilməz. Görünür, o fikir kontekstdən çıxarılıb. Heç vaxt heç kim deyə bilməz ki, "yoxsul yaşamağa öyrənməlisiz”. Qənaətcilliyə öyrənmək söhbəti ola bilər. Yoxsa... Mən Bahar xanıma dəfələrlə qulaq asmışam, heç vaxt belə söz deyə bilməz”

Xatırladaq ki, Dekabrın 2-sində Milli Məclisdə 2017-ci ilin büdcə layihəsinin müzakirəsi zamanı Milli Məclis sədrinin müavini Bahar Muradovanın səsləndirdiyi "Hər kəs ayağını yorğanına görə uzatmalıdır” fikri ictimaiyyətin narazılığına səbəb olub.

Gənc bloger Mehman Hüseynov Əmək və əhalinin sosial müdafiə naziri Səlim Müslümovun imarətinin videosunu yayıb.
 
"Mütləq baxın və hər yerdə paylaşın!.. İlk dəfə risk edib girmişik nazirin yeni tikdirdiyi sarayın içinə, baxın görün bunlar necə yaşayırlar. Adam sanki başqa bir dünyaya daxil olur. Çox acınacaqlı durumdu (Yuxardakılar büdcədən pulları oğurlayıb kef edirlər amma yaşlı vətəndaşlarımız məcburdu quru çörək yesinlər, məcburdu bu soyuqda küçələrdə oturub pul dilənsinlər”, – Mehman Hüseynov çəkdiyi videosüjetdə bildirir.
 
"Qaz, işıq və dərmanların qiyməti qalxıb, amma buna baxmıyaraq yaxın gələcəkdə ölkədə maaşların və pensiyaların artırımı gözlənilmir. Bu o deməkdir ki pensionerlər, babalarımız, nənələrimiz ölməlidilər, çünki dövlətdən aldıqları 50-60 manat nəinki qaz və işıq pulu verməyə heç çörək almağa bəs eləmir. Niyə hökümət vətəndaşlarımızı bugünə qoyublar? Budurmu vətəndaşlara olan dövlət qayğısı?”, – Mehman Hüseynov soruşur.
 
"Bu dəfə Sosial Müdafiə naziri Səlim Müslümovun mülklərini araşdırıb, tapdıq. Yaşlı vətəndaşlarımız aldığı xırda xuruş pensiya ilə dolana bilmirlər, diri diri məhv olur gedirlər amma nazirimiz xalqdan oğurladığı pullar ilə özünə saraylar tikdirir”, – Mehman Hüseynov bildirir. (bastainfo.com)

Bazar ertəsi, 05 Dekabr 2016 00:00

Heydər Camal dünyasını dəyişib

Yazan

Rusiya İslam Komitəsinin sədri, məşhur analitik Heydər Camal ömrünün 70-ci ilində dünyasını dəyişib.

Bu barədə onun Facebook səhifəsində yazılıb.

Camal 6 noyabr 1947-ci il tarixində dünyaya gəlmişdir. O, 1990-ci ildə Dirçəliş İslam partiyasının yaradıcılarından olub. 

1995-ci ildə Heydər Camal  "İslam Komitəsi" adlı ictimai hərəkət yaradıb və 1999-ci ildə Dövlət dumasına seçkilərdə iştirak edib. 

Qeyd edək ki, o, Rusiyada dövlət aleyhinə çağırışları ilə tanınıb.

Bazar ertəsi, 05 Dekabr 2016 00:00

Baş nazir istefa verəcəyini bildirib

Yazan

İtaliyanın baş naziri Matteo Renzi istefa verəcəyini bildirib.

APA-nın RİA Novosti agentliyinə istinadən verdiyi xəbərə görə, bunu  baş nazir İtaliya konstitusiyasına dəyişikliklərə dair referendumun yekunlarına həsr olunmuş mətbaut konfransında bəyan edib.

“Bu gün Nazirlər kabinetinin iclasını çağıracam, sonra isə istefa vermək üçün Kvirinal sarayına yollanacam”, deyə M.Renzi bildirib.

Ekzit-polların nəticələrinə əsasən, seçicilərin 59,1 faizi referendumda baş nazirin təkliflərinin əleyhinə səs verib.

"Ölkəmizin hərtərəfli inkişafı davam edir. Son illərlə müqayisədə 2016-cı il ölkə iqtisadiyyatı üçün obyektiv səbəblər üzündən ən ağır il oldu. Buna baxmayaraq, biz çox ciddi tədbirlər görərək dünya böhranının mənfi fəsadlarını azaltmağa çalışmışıq və buna nail ola bilmişik".

Bunu dekabrın 2-də Prezident İlham Əliyev Zərdab Mərkəzi Rayon Xəstəxanasının əsaslı təmirdən sonra istifadəyə verilən yeni binasında tibb ocağının kollektivi və rayon ictimaiyyətinin nümayəndələri ilə görüşü zamanı bildirib.

"Biz ili yaxşı göstəricilərlə başa vururuq. Qeyri-neft sənayesinin, kənd təsərrüfatının artımı, əlbəttə ki, görülmüş işlərin nəticəsidir. Biz valyuta ehtiyatlarımızı qoruya bilmişik. Bu da çox vacib məsələdir. Çünki neftlə zəngin olan ölkələrin əksəriyyətində valyuta ehtiyatları tükənir, ya da azalır. Biz isə qoruyuruq, çünki bu, dövlətimiz, xalqımız üçün lazımdır. Bu, bizə əminlik və imkan verir ki, gələcəyə nikbinliklə baxaq”.

Prezident bildirib ki, sosial məsələlərin həlli bundan sonra da prioritet olacaq:

"Neftin qiymətinin 3-4 dəfə düşməsinə baxmayaraq, Azərbaycanda belə gözəl tibb ocaqları yaradılır. Ehtiyac meyarı artırılacaq, digər sosial proqramlar gələn il də artıqlaması ilə icra ediləcək”.

Qabaqcadan əlbir olan bir qrup şəxsin gizli qaydada informasiya alınması üçün nəzərdə tutulmuş texniki vasitələrdən istifadə etməklə qadınları digər şəxslərlə görüşdürüb münasibətlərinin gizli videoçəkilişlərini aparması, onları şantaj etməsi, habelə ayrı-ayrı şəxslər barəsində rüsvayedici və böhtan xarakterli məlumatları mütəmadi olaraq mətbu orqanlarda dərc etdirib bu fəaliyyətin dayandırılması müqabilində vətəndaşlardan külli miqdarda pul tələb edilməsi və alınması, bu üsulla müxtəlif idarə və təşkilatlarda çalışan şəxslərdən, sahibkarlardan dövri haqq toplanılması barədə daxil olmuş müraciətlər Dövlət Təhlükəsizliyi Xidmətində (DTX) araşdırılarkən Azərbaycan ərazisində “reket” nəşrlər yaradıb, bu nəşrlərin jurnalistləri adı altında fəaliyyət göstərən bir qrup şəxs və onlarla şəbəkə halında əlbir olan digər şəxslərdən ibarət cinayətkar dəstənin silsilə cinayət əməlləri ifşa edilmiş, qanunsuz fəaliyyətlərinin qarşısı alınıb.

DTX-nın İctimai əlaqələr şöbəsindən APA-ya verilən məlumata görə, DTX tərəfindən aparılan araşdırmaların nəticələri üzrə hədə-qorxu ilə tələb etmə, əməliyyat-axtarış fəaliyyətini həyata keçirmək səlahiyyətinə malik olmayan şəxslər tərəfindən gizli qaydada informasiya alınması üçün nəzərdə tutulmuş texniki vasitələrdən istifadə etməklə belə tədbirlərin keçirilməsi faktları üzrə cinayət işi başlanılmış, “Bizim dövr” qəzetinin baş redaktoru Surxay Əliyev və onun tapşırıqları əsasında fəaliyyət göstərən digər şəxslər müvafiq cinayətləri törətməkdə şübhəli şəxs qismində cinayət məsuliyyətinə cəlb ediliblər.

Cinayət məsuliyyətinə cəlb edilən Surxay Əliyev və digərləri zərərçəkmiş şəxslərə qarşı çoxsaylı cinayət əməlləri barədə ətraflı məlumatlar verib, onların hazırladıqları şantaj xarakterli materiallar, eləcə də ayrı-ayrı vətəndaşların intim münasibətlərinə dair gizli aparılmış videoçəkilişlər müəyyən edilib.

Hazırda istintaq-əməliyyat tədbirləri davam etdirilir. 

Cümə, 02 Dekabr 2016 00:00

Şeyx Zəkzaki azadlığa çıxacaq

Yazan

Nigeriyanın Ali Məhkəməsi hazırda həbsdə olan ölkə şiələrinin lideri Şeyx İbrahim Zəkzaki və onun həyat yoldaşının 45 gün ərzində sərbəst buraxılmasına qərar verib. 

Nigeriya İslami Hərəkatına məxsus Twitter istifadəçisi Şeyx İbrahim Zəkzakinin tezliklə azadlığa buraxılacağını təqdiqləyib və onun 45  gün müddətində sərbəst buraxılacağını qeyd edib. 

Bildirilir ki, Nigeriya hökuməti Şeyx Zəkzaki və həyat yoldaşının qalması üçün yer ayıracaq. 

Qeyd edək ki, 2015-ci ilin dekabrın ortalarında Nigeriya ordusu Zaria şəhərində şiələrin toplaşdığı Bəqiyətullah hüseyniyyəsi və Nigeriya İslami Hərakatının rəhbəri, ölkə şiələrinin lideri Şeyx Zəkzakinin evinə hücum edib. Hücum zamanı təqribən 2000 nəfəri öldürmüşdü.

Bundan sonra Şeyx Zəkzaki xanımı ilə birlikdə həbsxanaya göndərilib. Onun 3 övladı şəhid edilib. İnsan haqları təşkilatları Nigeriya ordusunun Kaduna əyalətində Zaria şəhərinə hücum zamanı ən az 300 Əhli-Beyt (ə) tərəfdarının öldürüldüyünü elan edib. Bəzi məlumatlara görə, hücum zamanı 1000-dək şiə qətliam olunub.

Nigeriya İslami Hərakatına üzv olan 220 nəfər hazırda Kaduna həbsxanasında saxlanılır.

Ötən ildən indiyədək Nigeriyanın müxtəlif şəhərlərində Əhli-Beyt (ə) tərəfdarları dəfələrlə dinc etiraz aksiyaları keçirərək Nigeriya İslami Hərakatının rəhbəri Şeyx Zəkzaki və digər məhbusların azadlığa buraxılmasını tələb ediblər.(mehrnews.com)

Qədim zamanlarda bir şah var imiş. Günlərin bir günü xəzinədarı yanına çağırıb xəzinədəki vəziyyəti soruşur. Xəzinədar deyir: Şah sağ olsun, qarşınızda çox acizanə baş əyib, yalvararaq bildirirəm ki, xəzinə əlahəzrətin özünün və çox hörmətli yaxınlarının ümumi xərclərini ödəmək və dövlətin cüzi işlərini görmək üçün yetərli deyil.

Şah təşvişə düşür. Bütün əyan-əşrəfi toplayır. Belə qərara gəlirlər ki, vergiləri artırsınlar. Şah qərarın icrasını baş vəzirə tapşırır. Baş vəzirə deyir ki, ölkənin hər yerini gəz, rəiyyətin vəziyyəti ilə tanış ol və camaatın dolanışığı barədə mənə məlumat ver. Vəzir özünü əziyyətə salmasın deyə, ayağa durub deyir: Şah sağ olsun, bizim o qədər vaxtımız yoxdur ki, bütün məmləkəti sərasər gəzək. Icazə verin mən öz qonşumun vəziyyəti ilə tanış olum. Onun necə yaşamasını əsas götürə bilərik. Şah vəzirin təklifi ilə razılaşır.

Vəzir gəlib qonşunun pəncərəsindən içəri baxır. Görür ki, qonşu uşaqlırını alıb yanına quru çörəyi suya batırıb yeyir. Hadisəni şaha ərz edir. Şah göstəriş verir ki, vergiləri bir az qaldırsınlar...

Altı ayın tamamında şah yenə də əyan-əşrəfi toplayır. Əvvəlki söz-söhbəti təkrar edirlər. Vəziri də göndərirlər qonşusunun evinə. Vəzir qayıdıb deyir ki, şah sağ olsun sizin çox dəqiq və düzgün siyaəsətiniz nəticəsində əhalinin yüz faiz vəziyyəti yaxşılaşıb, qonşum evinə həsir sərib, qazanı da qaynayır. Şah göstəriş verir ki, vergiləri yenə qaldırın.

Nəhayət altı ayın tamamında eyni toplantı təkrarlanır. Vəzir gəlib deyir ki, Əlahəzrət şah sağ olsun siz dünyanın ən uzaqgörən şahısınız. Əhalinin güzaranı çox əladı. Qonşumun vəziyyəti iki yüz faiz yaxşıdı. Uşaqları yamaqsız paltar geyinmişdilər, süfrədə də cücə plov var idi.

Şah yenə vergilərin qaldırılmasını tapşırır.

Növbəti altı ayın tamamında əyan-əşrəf yenə şahın başına toplanıb, hərə öz sədaqətinin daha çox olduğunu isbatlayan cümlələrlə şahın kölnünü almağa çalışır. Vəzir də öz işində. Gəlib deyir ki, şahlar şahı sağ olsun əhalinin vəziyyəti 500 faiz yaxşıdır. Qonşumun güzəranı o qədər yaxşılaşıb ki, hətta həyətində toyuq-cücə, mal-heyvan da var. Ailə sizdən çox razıdır.

Şah dözməyib deyir ki, gedin vəzirin qonşusunu gətirin. Bu nə sirrdir başa düşmürəm, vəzir hər şeyin əksini danışır. Vəzirin qonşusunu zorla şahın yanına gətirirlər. O da qışqırır ki, vallah mən mürdəşirəm. Son vaxtlar ölən çoxalıb, camaat da mənə pul əvəzində toyuq-cücə və digər şeylər verirlər.

Hə, bu hadisə bir nağıl idi. Həqiqət və reallıq heç ola da bilməz. Amma və ancaq Azərbaycanda bir həqiqət mövcuddur. Ümumi ölkə hakimiyyətin xüsusi mülkiyyətinə verilib. Hər seçkidə ölkənin ümumilikdə hakimiyyətin xüsusi mülkiyyətinə verilməsi təsdiqlənir. Növbəti 5 ildə ən xırda məmur “vəzifə atını” ona verilmiş ərazidə istədiyi kimi çapa bilir. Ölkədə ancaq bir halda məmur cəzalana bilər. Hakimiyyətin başında dayanan şəxsə qarşı sədaqətsizliyi sübut olarsa, onu heç ələk də qurtara bilməz. Ölkəni talayan, əhalinin acınacaqlı duruma düşməsinə səbəb olanlar isə hər altı ayın tamamında mükafatlanır, medalla təltif olunurlar. Əhalinin necə yaşaması, hansı əziyyətlə üzləşməsi, işsizliyin, bahalığın hansı səviyyədə olması məmur tayfasının heç vecinə deyil. Hökumət başçısı da hər altı ayın tamamında nazir, komitə sədrlərini toplayıb bər-bəzəkli və ümidverici sözlərlə böhranın yan keçdiyini deyir. Əsas odur ki, hakimiyyət nümayəndələrinin xərcləri azalmasın. Belə davam edərsə, ümumi vəziyyət ancaq mürdəşirlərin xeyrinə olacaq. Təki mürdəşirlər yaxşı yaşasın!  

Raiz Zeynalov

62 -dən səhifə 165