Qalibləri müqəddəs məkanların ziyarəti, pul mükafatları və qiymətli hədiyyələr gözləyir

Dünya müsəlmanlarının ilk qibləsi olan müqəddəs Qüds şəhəri uzun illərdir ki, sionizmin işğalı altındadır. Təcavüzkarlar nəinki müsəlmanların Əl-Əqsa məscidinə - Həzrət Peyğəmbərimizin merac etdiyi məkana girişinə, orada ibadətlərinə imkan vermir, hətta dini-tarixi məkanları gizli-aşkar yollarla söküb dağıdır, yerlə-yeksan edirlər.

Bu hadisələrin unudulmaması və insanların öz haqları uğrunda mücadiləyə səfərbərlikləri üçün, eləcə də dünyada məzlumların zalımlara qarşı mübarizəsinin simvolu kimi, İslam inqilabının şanlı banisi Seyid Ruhullah Xomeyni Musəvi (r.ə) mübarək Ramazan ayının son cüməsinin “Qüds Günü” elan olunması barədə tövsiyyə buyurub.

“Qələm” Yazarlar Birliyi də Qüds Günü ilə əlaqədar yazı müsabiqəsi elan edir.

Müsabiqədə hər müəllif 9-12 min kompüter işarəsi həcmində, indiyədək yayımlanmayan bir məqalə ilə iştirak edə bilər. Seçim zamanı materialların məzmunca orijinallığı və əhatəliliyi, faktlarla zənginliyi, “Qüds Günü”nün mahiyyətinə, fəlsəfəsinə necə nüfuz edə bilməsi əsas götürüləcək.

Mükafatlar: I yer – 300 manat; II yer 250 manat; III yer – 200 manat; bundan əlavə fərqlənən 5 məqalənin hər birinə 100 manat. Qalibləri müqəddəs məkanların ziyarəti və digər hədiyyələr də gözləyir. Bəyənilən yazılar dövri mətbuatda və sosial şəbəkələrdə təqdim olunacaq.

Məqalələr bu ünvana göndərilməlidir: Bu email ünvanı spambotlardan qorunur. Onu görmək üçün JavaScripti qoşmaq lazımdır.

Müsabiqəyə iyunun 10-da yekun vurulacaq. Uğurlar arzulayırıq!

“Qələm” Yazarlar Birliyi  

Azərbaycana sığınan və bir müddət sonra Eynulla Fətullayevin Haqqin.az saytında xüsusi müxbir kimi işə başlayan Vahan Martirosyanın erməni xalqından üzr istəməsinə “Virtualaz.org” (E.Fətullayevin digər saytı) reaksiya verib.

Sayt Ermənistanda təqib olunduğu üçün təxminən iki il əvvəl Azərbaycana sığınan və Haqqin.az saytı üzərindən Serj Sərkisyanın cinayətkar rejimini ifşa edən, Bakıda Xocalı abidəsi qarşısında baş əyib bu insanlıq cinayətinə görə ermənilər adından üzr istəyən Vahan Martirosyanın dünən “peşmançılıq bəyanatı” yaymasını “erməni olduğunu” dərk etməsi, "əsl erməni kimi hərəkət etməsi" olaraq vurğulayıb.

Bildirilib ki, Vahan Martirosyanın bu hərəkəti gözlənilməz deyildi. Buna baxmayaraq, sayt Martirosyanın əsl erməni sifətinin nə zamansa üzə çıxacağını bildiyi halda Azərbaycanın ona niyə sığınacaq verməsinə diqqət çəkib.

“Haqqin.az saytı bu erməni ilə niyə əməkdaşlıq edirdi və ona Ermənistan rejimini ifşa etmək üçün məmnuniyyətlə tribuna verirdi? Martirosyanın “Sülh platforması” adlı vətəndaş cəmiyyəti təşəbbüsünə cəlb edilməsi yanlış idimi?” – deyə sayt özünə sual verib.

Və həmin sorğulara Martirosyanın kimliyini xatırlatmaqla cavab axtararaq onun Ermənistan hakimiyyətinin amansız təqiblərindən şikayətləndiyini bildirib və bunun inandırıcı olduğunu yazıb:
“Lakin Ermənistan mənbələrində o da göstərilirdi ki, Vahan Martirosyan Sərkisyanın rejiminə qarşı çıxsa da, özü də mənəviyyatca kifayət qədər alçağın biridir. Onunla qohumları arasında münaqişə, düşmənçilik var və əslində Martirosyan ailəsi daxilində baş verənləri uğurla siyasiləşdirərək hakimiyyətin təqibləri ilə üzləşdiyi barədə rəy formalaşdırmağa çalışıb. Erməni mənbələrində onu da göstərirdilər ki, Martirosyan hətta öz oğlunu zorlamaq cəhdinə əl atacaq qədər alçağın biridir”

"Şübhəsiz ki, həm haqqin.az və virtualaz.org saytlarının redaksiyasında, həm Martirosyanla işləyən digər instansiyalarda onun erməni olduğunu heç kim yaddan çıxarmamışdı. Axı o hansı ermənidir ki, xislətində xəyanət, məkr olmasın və çörəyini yediyi ölkəyə, xalqa əlinə düşən ilk fürsətdə düşmən kəsilməsin, onun torpağına göz dikməsin? Belə erməni yəqin ki, yoxdur və olmayacaq!” – sayt vurğulayıb.

Amma qeyd edək ki, hazırda da haqqin.az saytında erməni mənşəli yazarlar var və buna etiraz edən Qarabağ Azadlıq Hərəkatının sədri Akif Nağını Eynulla Fətullayev ən ağır sözlərlə təhqir etmişdi.

Xatırladaq ki, Eynulla Fətullayevin haqqin.az saytında xüsusi müxbir işləyən Vahan Martirosyan dünən bir video paylaşaraq, bütün erməni xalqından üzr istəyib və Azərbaycan haqqında ağır ittihamlar irəli sürüb.

Bu gün Azərbaycan İslam Partiyasının Təşkilatçılığı ilə 12 saylı Cəzma Çəkmə Müəssisəsində saxlanılan partiya lideri Mövsüm Səmədovun təzyiqlərə məruz qalması və həyatının təhlükə ilə üzləşməsi ilə bağlı dəyirmi masa keçirilib

İslamiSesi xəbər verir ki, tədbirdə AİP rəhbərliyi, ölkə ruhaniləri, hüquq müdafiəçiləri, siyasi xadimlər, ictimaiyyət və media nümayəndələri iştirak ediblər. Tədbir müqəddəs Qurani-Kərimin oxunuşu ilə açıq elan edilib. 

 İlkin olaraq çıxış edən AİP funksioneri Akif Heydərli bildirdi ki, AİP lideri Mövsüm Səmədov təzyiqlərə və təhdidlərə məruz qalması belə bir toplantının keçirilməsini zəruri edib. Mövsüm Səmədovun 2011-ci ilin yanvar ayında partiyanın baş məclisində hakimiyyət əleyhinə etdiyi tənqidi çıxışına görə qondarma ittihamlarla 12 illik həbs cəzasına məhkum olunduğunu söyləyən Akif Heydərli,  AİP liderinin yüksək intellektə, elmə və mənəvi şəxsiyyətə sahib insan olduğunu bildirdi: “Mövsüm Səmədov həbsə edildiyi gündən bu günə qədər 28 dəfədən çox karserə salınmış və 2 il Qapalı Tipli Həbsxanada saxlanılmışdır. Görünən budur ki, onu günahsız yerə həbs edənlər bununla kifayətlənməyib, daha da qabağa getmək fikirindədirlər. Baş verənlərin hamısı Mövsüm Səmədova qarşı qərəzdən və onun haqq mövqeyindən çəkilməməsi ilə bağlıdır. Onun artıq ölümlə təhdid edilməsi məsələsi bizləri də narahat edir və bununla bağlı aidiyyəti qurumların təcili tədbirlər görməsini tələb edirik.”

Sonra çıxış edən AİP-in sədr əvəzi Hacı İlham Əliyev ilk öncə Ramazan ayının gəlişi ilə bağlı bütün müsəlmanları təbrik etdi və qonaqları bir qədər məhdud və çətin şəraiti olan yerdə qəbul etdikləri üçün üzrxahlıq etdi.

Hacı İlham Əliyev bildirdi ki, öz fikirlərini və düşüncələrini ifadə etmək üçün bu günə qədər bir neçə yerdə tədbir etməyə cəhd etsələr də hökumət tərəfindən süni maneələr yaradılaraq qarşısı alınıb: “Artıq öz fikirlərimizi və sözümüzü sivil və dinc yolla bəyan etməyə də imkan verilmir.”
AİP lideri Mövsüm Səmədova qarşı edilən təzyiqlərin olduqca gülünc və dözülməz bir həddə çatdığını söyləyən Hacı İlham Əliyev, “bu hadisələr və olaylar elə bir ildə baş verir ki, məhz həmin ili “İslam Həmrəylik” ili elan ediblər. Artıq Mövsüm Səmədovun canının təhlükədə olması müzakirə mövzusuna çevrilib. İndiyə qədər Mövsüm Səmədovun karserə salınması və ya Qobustana göndərilməsi müxtəlif saxta bəhanələrlə həyata keçirilirdisə, indi artıq bu qaydaları dəyişib AİP liderinin həyatı məsələsini gündəmə gətiriblər”, - deyə bildirdi: 

“Belə bir halın baş verməsi olduqca ciddi və dözülməzdir. AİP olaraq Mövsüm Səmədova qarşı baş verənlərə ciddi şəkildə etiraz edirik və etirazımızdan da heç vaxt geri çəkilməyəcəyik. Əlimizdən gələn bütün sivil və qanuni hüquqlarımızdan istifadə edib Mövsüm Səmədovun hüquqlarını müdafiə edəcəyik."

Hacı İlham Əliyev onu da qeyd etdi ki, ölkədə təkcə Mövsüm Səmədova qarşı yox, ümumilikdə islami cameəyə qarşı böyük bir basqı və təzyiq baş qaldırıb: “Bu günlərdə Şeyx Sərdar Hacıhəsənlinin məhkəməsi və saxta sübutlarla mühakimə edilməsi bunun bariz nümunəsidir. Vəziyyət hətta o qədər absurddur ki, dövlət ittihamçısı və hakim də öz təəccüblərini və gülməklərini saxlaya bilmirdilər. İslam Həmrəyliyindən danışıb bu cür hallara yol vermək heç bir halda Azərbaycana baş ucalığı gətirməyəcək. Əgər həqiqi İslam Həmrəyliyi istəyiriksə ilk öncə əziz islam peyğəmbəri(s) və onun Əhli-Beytinin(ə) bizlər üçün öyrətdikləri islami dəyərləri cəmiyyət aşılamalı və bu dini dəyərləri bilən ruhaniləri zindanlara yox, cəmiyyətə təqdim etməliyik. Azərbaycan dövlətinin xeyiri mənafeyi bundadır ki, biz həqiqi islam çətiri altında bir araya gəlməliyik. Hətta dünya həyatımızın rifahı belə də islami dəyərlərlə sədaqətimizdən keçir.” 
Hacı İlham Əliyevin sözlərinə görə, dövlət və hökümət ilk öncə öz xalqına və millətinə xidmət etməli və ona arxalanmalıdır:  “Qalibiyyətimiz və qələbəmiz də xalqla birgə olub, onlara xidmət etməkdən keçir. Əgər xalqa arxalansaq heç bir güc və qüvvə bizə ziyan yetirə bilməz. Əcnəbi gücləri ona görə güclü hesab edirik ki, özümüzə, xalqımıza və şəxsiyyətlərimizə düzgün qiymət verə bilməmişik. Torpaqlarımızış işğaldan azad edilməsi də məhz bu amildən asılıdır. “
Tədbirdə çıxış edən AİP Qadınlar Şurasının sədri Növrəstə İbrahimova bildirdi ki, Mövsüm Səmədovla bağlı baş verənlər onu cismani aradan aparmağa hesablanıb:
“Bunlar guya Mövsüm Səmədovun qayğısına qalaraq onun həyatı təhlükəsizliyi təmin etdiklərini söyləyirlər. Bunu iddia edənlər Mövsüm Səmədovu sağlamlığına ziyan vurmamaqları kifayətdir ki, Doktor Səmədov əmniyyətdə olsun. Heç bir məhbus Mövsüm Səmədov kimi şəxsiyyətə ziyan vurmağı özünə yaraşdırmaz. “
Sonra çıxış edən Qarabağ Uğrunda İslami Müqavimət Hərəkatının Rövşən Əhmədli Azərbaycanda artıq heç kimin amanda olmadığını bildirdi. Dövlətin qanunlarla idarə edildiyini söyləyən Rövşən bəy, qanun olmayan yerdən nədənsə danışmağı yersiz olduğunu qeyd etdi: 
“Artıq kim güclüdür o da haqlıdır prinsipinə əməl edilir sanki. Əgər bir ölkədə qanun yoxdursa, nəyə tələb etmək mümkündür. Şeyx Sərdar Hacıhəsənlinin məhkəməsində də şahidi olduq ki, bir Amerikalı vətəndaşın yüzlərlə azərbaycanlı qədər dəyəri yoxdur. Onda görəsən bu dövlətdə xalq kimlər hesab edilir. Nəyə görə haqq sözü dediyimizə görə cinayətkar olmalıyıq. Amma xalqın malını oğurlayanlar cinyətkar hesab edilmir.”  
Rövşən Əhmədli onu da bildirdi ki, Mövsüm Səmədov başda olmaqla günahsız yerə həbs edilən bütün məhbusların azadlığa buraxılmasını tələb edirlər.”  
Sonra çıxış edən yazıçı publisist, jurnalist Qurban Cəbrayıl qeyd etdi ki, hakimiyyət üçün istər zindanlarda, istərsə də cəmiyyətdə mənəviyyat mərkəzlərinin yaranması olduqca qorxuludur: “Mövsüm Səmədova qarşı baş verənlərin səbəblərindən biri də budur. Ölkədəki Penitensiar Xidmət elə bir vəziyyətdədir ki, əfvə düşən şəxsin yerinə tamamilə başqa bir adamı buraxırlar. Əgər Penitensiar Xidmət məhbuslarla bağlı müsbət bir iş görmək istəyirdisə, Mövsüm Səmədova qarşı tamamilə baş verənlərin əksinə uyğun bir addım atmalı idi. Düşünürəm ki, Mövsüm Səmədovun müdafiəsi üçün sosial şəbəkələrdəki səhifələr və media orqanları səfərbər edilməlidir.”

Tədbirdə iştirak edən Vətəndaş İnkişaf Partiyasının sədr müavini Cavid Cabbarlı bildirdi ki, ölkənin durumu olduqca acınacaqlıdır və qəzaya uğramış gəmini xatırladır.  Eyni zamanda Cavid Cabbarlı da öz növbəsində Mövsüm Səmədovla bağlı baş verənləri pislədiklərini söylədi.
Sonra çıxış üçün söz Azərbaycan Ruhanilər Məclisinin üzvü ruhani Cəlal Şəfiyevə verildi. Cəlal Şəfiyev çıxışı zamanı bildirdi ki, Mövsüm Səmədov illər öncə qondarma ittihamlarla həbs edilərək 12 il müddətinə azadlıqdan məhrum olunsa da görünən budur ki, ondan hələ də əl çəkmək fikirində deyillər: “Son günlər həbsxanadakı müəmmalı ölümlər fonunda Mövsüm Səmədovla bağlı belə bir təhlükənin eşidilməsi olduqca narahatedici bir məqamdır.  Mövsüm Səmədov öz şəxsi həyatında olduğu kimi, məhbus həyatında da ətrafındakı insanların sevgisini və hörmətini qazanış bir insandır.

Tədbirin sonunda AİP və Müdafiə Komitəsi birgə bəyanat yayıblar.

Bazar ertəsi, 29 May 2017 00:00

Hakimiyyətin mətbuatla mənzil oyunu

Yazan

Azərbaycanda dövlətin jurnalistlərə qayğısı adı altında görülən işlərin əksəriyyəti jurnalistlərin ələ alınmasına və hakimiyyətə yaxın olan mətbuat orqanlarına dəstək verməyə hesablanmış işlərdir. Jurnalistlərə ən gözəl qayğı bu ola bilər ki, onun peşə fəaliyyətini məhdudlaşdırmasın və yazdığı yazıya, söylədiyi fikirlərə görə təqib edilməsin. Azad mətbuata olunan basqıların nəticəsidir ki, bir çox media orqanları hakimiyyəti tənqid edən yazılarına görə reklam bazarına girə bilmir. Şirkətlərin və iş adamlarının əksəriyyəti qurduğu biznesin təhlükəsizliyi üçün müxalifət fikirli mətbuat orqanlarına reklam verməkdən çəkinirlər. Qələmə aldığı müxalif fikirlərə görə, həbsxanalarımız demək olar ki. bloggerlərlə, vətəndaş jurnalistikası ilə məşğul olanlarla və peşəkar jurnalistlərlə doludur. 

Bu gün də jurnalistlərə mənzillərin verilməsi məsələsi gündəmə gəlib. Yenə keçən dəfə olduğu kimi, mənzilə ehtiyacı olmayan, kifayət qədər maddi imkan sahibi olan bəzi insanlar, jurnalistlər üçün tikilən binadan övladları üçün mənzil əldə etməyi düşünürlər. Bu adamlar görəsən içində siçovul dolaşan zirzəmilərdə kirayələrdə qalan həmkarları ilə qarşılaşanda utanırlarımı?

Mənim ən çox sevdiyim və izlədiyim veriliş ANS-in “Marş” hərbi vətənpərvərlik proqramı olubdur. Azərbaycanda deyərdim ki, yeganə vətənpərvər veriliş olan "Marş" proqramının layihə rəhbəri, müəllifi və aparıcısı olan ehtiyatda olan mayor Rahib Qəribin hələ də yaşamağa evinin olmamasını onun mətbuat vasitəsi ilə dövlət başçısına etdiyi müraciətini oxuduqdan sonra bildim ki, Azərbaycanın ordu quruculuğunda əməyi olan jurnalist ağır məişət şəraitində yaşayır və həyat yoldaşı onkoloji xəstədir. Ömrünün böyük bir hissəsini səngərlərdə, qarlı dağlarda əsgərlərimizlə birgə keçirən bir jurnalistin dövlətin jurnalistlər üçün tikdiyi mənzilldən yararlana bilməməsi onu göstərir ki, bu layihə ədalətlə icra olunmur.

Torpaqlarımızın hələ də işğalda olduğu bir dövrdə, hər zaman müharibənin başlanma ehtimalı olduğu bir zamanda, həmi keçmiş hərbiçi, peşəkar jurnalist və ən baxımlı vətənpərvər bir proqramların ərsəyə gəlməsində əməyi olan Rahib Qəribin mənzillə təmin edilməməsi jurnalistlər üçün tikilən binaların yenə də kimlərinsə arasında bölüşdürülməsi fikrini gündəmə gətirir. Əgər jurnalistər üçün bina tikilirsə, o binada mənzillə təmin olunmalı olan birinci şəxs elə ömrünü mətbuata və ordumuza xidmətdə keçirən jurnalistlər olmalıdır.

Azərbaycanda normal mənzilə ehtiyacı olan peşəkar jurnalistər az deyil. Təəssüf ki, onların bəzi həmkarları yenə yararlanmaq üçün susur, özlərini hakimiyyətin gözündə "sözə baxan, yaxşı oğlan" kimi göstərmək istəyirlər.

Mənim ağlım kəsib, qəzet oxumağa başladığım gündən imzası ilə tanış olduğum dəyərli jurnalistlərdən biri Azər Rəşidoğludur. Bildiyimə görə, Azər Rəşidoğlununda maddi durumu yaxşı deyil. Kiçik mənzili olsa da normal şəraitlə təmin olunmalı olan qələm sahiblərindən biri də Azər Rəşidoğludur. Əgər Azərbaycanda siyasi, iqtisadi, sosial mövzularda yazdığı analitik yazılarına görə, Azər Rəşidoğudan öndə olan evsiz və ya mənzil şəraiti normal olmayan jurnalist varsa, onda Azər bəy də özünün növbəsini gözləsin. Ancaq bu mənzillər həqiqətən də Azərbaycanda mətbuatın formalaşmasında əməyi olan evsiz və mənzil şəraiti normal olmayan jurnalistlər üçündürsə, onda Azər Rəşidoğlu kimi qələm sahiblərinin mənzillə təmin edilməməsi ədalətsizlik və həmin bu mənzil siyasətinin hakimiyyətin özünün ətrafı üçün həyata keçirilən bir sosial layihə olduğundan xəbər verir. Bu məsələdə media kapitanlarının günahı hakimiyyətinkindən az deyil məncə...

Azərbaycanda kirayədə və ya kiçik, şəraiti olmayan mənzillərdə yaşamağa məcbur olan peşəkar qələm sahibləri az deyil. Əgər bu həqiqətən qayğıdırsa, həmin şəxslərin dövlətin jurnalistlər üçün tikdiyi binadan mənzil alma haqqı tanınmalıdır. Ən azından mənizli və şəraiti normal olan insanlar biraz nəfslərini boğub bu jurnalistlərin önünə keçməli deyillər.
Jurnalistlər üçün tikilən birinci binadan mənzil almaq hüququ əldə edən az sayda həqiqi jurnalistləri çıxmaq şərti ilə, həmin layihədən yararlanan elə redaktorlar oldu ki, onların bir neçə evlərinin, hətta bağ evlərinində olduğu hər kəsə bəllidir. Milyoner səviyyəsində yaşayan, adını qocaman jurnalist qoyan bəzi media kapitanlarının həmin binalardan oğlu-qızı üçün mənzil almaqdan ötrü utanmadan hay-həşir saldığını görəndə zamanında bəzilərinin şəxsiyyətlərinə hörmət etdiyim üçün özümü qınadım.

Mən adını çəkdiyim jurnalistlərin heç biri ilə şəxsən tanışlığım yoxdur. Sadəcə olaraq yazılarını və verlişlərini sevə-sevə izlədiyim dəyərli qələm sahibləri olduqları üçün bu məsələni diqqətə çatdırmağı özümün həm də bir vətəndaş borcum olaraq düşünürəm. Baxmayaraq ki, mənim özümün də saytım var, ancaq mən özümü peşəkar jurnalist yox, vətəndaş jurnalistikasının nümayəndəsi hesab edirəm. Bu gün istedalarından yararlanmağa can atdığımız , peşəkar jurnalistlər həm də bizim öyrənməli olduqlarımız məktəbdilər. 5-6 cümləni ard-arda yaza bilməyən, saytlarında imzaları ilə dərc edilən yazıların əksəriyyətini sifarişlə başqa adamlara yazdıran jurnalist adına iddia edən "maşennik"lərin ömürlərini mətbuata həsr edən dəyərli qələm sahiblərindən qat-qat yaxşı həyat sürdüklərini görəndə, sadəcə adamın ürəyi ağrıyır. Ən azından həqiqətən qayğı göstərmək istəyirsinizsə, bu qayğını reket jurnalistlərə yox, həqiqi qələm sahiblərinə göstərin ki, bundan sonrakı nəsil qələm tutmağı reketlərdən öyrənib sizin var-dövlətinizin şəkillərini çəkib, şantajla pul qazanmaqla günlərini yola vermək əvəzinə, dövlətimiz üçün yararlı olan yazılar ortaya qoyub, sizin başıboş kadrlarınızın yerinə dünya siyasətini, beynəlxalq və dövlətlərarası münasibətlər sahələrində baş verən hadisələr haqqında təhlillər yazaraq dövlətimiz üçün çıxış yollarını göstərsinlər. Unutmayın ki, peşəkar jurnalist, təkcə kiminsə problemlərini işıqlandırmaq üçün lazım deyil, dünyanın hər bir yerində dövlət siyasətinin müəyyənləşməsi və həyata keçirilməsi yönündə işlər birinci növbədə bu insanların qələmləri vasitəsi ilə uğur qazanır.

P.S. Bütün bunlara rəğmən, mənim düşüncəmə görə, normal ölkələrdə mətbuata fəaliyyəti üçün sərbəstlik verilməlir. Onlar bir biznes kimi formalaşıb, əməkdaşlarını da normal maaşla təmin etmək iqtidarında olmalıdırlar. Ancaq əgər jurnalistlərə mənzil verilməsi həyata keçirilirsə, ən azında ədalət prinsipi gözlənilməlidir. ( Mənzil siyahısında yer almağı gözləməkdən gözlərinin kökü saralan jurnalistlərin çoxu artıq mühaciərə getməyə məcbur oldular) 

Elşən Əlisoy

Bu bitki hər yerdə var, amma bilmirsiniz ki, o, diabet və yüksək arterial təzyiqi, şiş xəstəliklərini müalicə edir!

Ağ tutun vətəni Çindir, ancaq indi onu demək olar dünyanın hər yerində tapmaq olar.

 Bu ağacın sağlamlıq üçün çox güclü üstünlükləri var.

 Giləmeyvələrindən bir neçə xəstəliklərin müalicəsi üçün istifadə etmək olar, belə ki, diabet, yüksək arterial təzyiqi və xolesterinin yüksək səviyyəsini tənzimliyir, şiş xəstəliklərini sağaldır.

Digər üstünlüklər saç tökülmə, başgicəllənmə və vaxtından əvvəl qocalmanın qarşısını alır.

Tut ağacının meyvələri sağlamlığa qarşı xeyirlidir. 

Bu meyvə dərildikdən sonra tez istifadə edildiyində orqanizmə daha yaxşı təsir göstərir.

Ağ tut, qış ayları üçün yaz mövsümünün günəşi altında qurudulduğu zaman elə dəyişikliyə uğrayır ki, egzemaya qarşı sanki möcüzəvi təsir göstərir.

Çünki, bu meyvənin yarpaqlarında üzvi turşular, C vitamini, aşılayıcı maddələr, gilələrində isə şəkər, üzvi maddələr, C, B vitamini, karotin, müxtəlif amin turşuları vardır.

Şərq təbibləri qeyd edirdilər ki, şirin tut sidikqovucu, qanyaradıcı təsir edir, cinsi fəallığı artırır, ağciyərlər üçün faydalıdır, bəlğəmgətirici xüsusiyyətlərə malikdir. Meyvəsindən hazırlanan bəhməz və ya doşab, mürəbbə ürək zəifliyi müalicəsində və xroniki mədə xəstəliyinə faydalıdır.

-Revmatizmli xəstələrə isə ağ tut meyvələri ilə vanna etmək məsləhət görülür.

- Vücuda qüvvət verir;

- Ağız, boğaz iltihabı, diş əti xəstəlikləri zamanı, öskürəyə qarşı təsirlidir;

- Hərarəti salır; 

- Qaraciyəri qüvvətləndirir; 

- Mədə və bağırsaqların işini nizamlayır;

- Dəmir baxımından çox zəngin, şiş əridici, sidikqovucudur;

- Acqarnına yeyilən ağ tut bağırsaq qurdlarını salır;

- Mədə və bağırsaqları rahatlaşdırır; 

- Qara tut ağız və boğaz iltihablarına yaxşı təsir göstərir. Rəngindən asılı olmayaraq qana xeyirlidir; 

- Kökəldir və iştah açır;

- Qaraciyəri qüvvətləndirir.

Sumqayıt Şəhər İcra Hakimiyyətinin başçısı Zakir Fərəcov məktəblərdən pul yığdırır. Bu barədə adının çəkilməsini istəməyən valideyn Xeber.İnfo-a məlumat verib. Valideyn iddia edir ki, Z.Fərəcov məktəb direktorlarını yığıb hər valideyndən 20, 30 azn yığılmasını tələb edib. Valideynin dediyinə görə bu dəfə süpürgə və sair şeylər alınmayacaq, yığılan pulla Sumqayıtda yaşayış binalarının bloklarına qapılar qoyulacaq və təmir ediləcək. 

Bazar ertəsi, 29 May 2017 00:00

“Amerikanın damazlıq inəyisiniz!”

Yazan

Son günlərdə İranla Səudiyyə Ərəbistanı arasındakı gərginlik daha da artıb.

Lent.az “Doğan” xəbər agentliyinə istinadən xəbər verir ki, İranın ali dini lideri Ayətullah Əli Xamaneyi Ər-Riyad hökumətinin ünvanına sərt sözlər deyib. Ərəblərin ABŞ-dan 100 milyard dollarlıq silah alması ilə bağlı müqaviləyə münasibət bildirən İran lideri onların ünvanına “Amerikanın damazlıq inəyi” ifadəsini işlədib. Xamaneyi deyib: “İslam dünyasındakı bəzi xalqların taleyi dəyərsiz idarəedicilərin əlindədir. Məsələn, Səudiyyə Ərəbistanı. Bu tip hakimiyyətlər neft satışından əldə etdikləri sərvəti xalqlarının həyat səviyyəsinin yüksəlməsi əvəzinə kafircəsinə məhv edirlər. Bu axmaqlar pul verərək İslam düşmənlərinin səmimiyyətini qazanacaqlarını düşünürlər. Bunlar damazlıq inək kimidir. Südləri bitən kimi kəsilməyə məhkumdurlar”.

Qurultaya hazırlaşın VİP sədri: “Bir neçə miqyaslı hadisə bizim şanslarımızı yüksəldir”

Vətəndaş və İnkişaf Partiyası mayın 28-də qurultay keçirəcək. Qurultayla və digər bəzi məsələlərlə bağlı “Yeni Müsavat”ın suallarını partiyanın sədri Əli Əliyev cavablandırıb.

- Əli bəy, partiyanızın qurultayı harada keçiriləcək? Nədən məhz Azərbaycanda Xalq Cümhuriyyətinin yarandığı günün 99-cu ildönümünə qurultay təyin etmisiniz?

- Qurultay Beynəlxalq Mətbuat Mərkəzində saat 10.30-da öz işinə başlayacaq.

Bu günün seçilməsi təsadüfi deyil. May ayının 28-i dünyada yaşayan 50 milyon azərbaycanlı üçün mühüm gündür. Azərbaycan Respublikasının təsisat günü bizim dövlətçilik tariximizin yeni mərhələsidir. Rəsulzadə, Topçubaşov, Xoyski və digərləri Azərbaycanın fədailərinin o zamankı nəslinin öndərləridir. Onları yaşatmaq və əziz tutmaq hər birimizin vəzifəsi, boyun borcumuzdur. Qurultayın vaxtı məhz o günə sayğıdan yaranıb. Bizim partiyanın təsis günü də 2006-cı il 28 mayda olmuşdu.

- Partiyanın sədri postuna namizədlər varmı? Sizdə bir nəfərin neçə dəfə sədr olmağına məhdudiyyət varmı?

- Sədrliklə bağlı nizamnamədə hər hansı məhdudiyyət yoxdur. Heç bir senz nəzərdə tutulmayıb. Qurultayın gedişində də istənilən partiya üzvü namizədliyini irəli sürə, iddiasını əsaslandıra bilər. Mən namizədliyimi irəli sürəcəyəm. Hələlik alternativ namizəd yoxdur. Görünür, belə ağır mövcudluq şərtlərində məsuliyyətin altına girməyə ehtiyat edirlər. Ölkədə iqtidar tərəfindən diktə olunan amansız siyasi şəraitdə müxalifət partiyalarında məhdudiyyətlərin tətbiqi düzgün olmazdı. Partiyalar, xüsusən də açıq və ya gizli şəkildə sistemdə olmayanlar mümkünsüz şərtlərdə yaşayır, mübarizə aparırlar. YAP iqtidarı dövründə şəraitin dəyişəcəyinə inam azdır. Bu səbəbdən partiyalarda senzlərin, məhdudiyyətlərin tətbiqini yanlış hesab edirəm.

- Dəvətlilər arasında kimlər var, məsələn, vaxtilə rəhbəri olduğunuz AMİP-dən də?

- Dəvət məsələsində çalışmışıq siyasi, ictimai, mətbuat seqmentlərindən heç kəsi unutmayaq. Bəzi istisnalarla demək olar ki, hamıya dəvət göndərilib. İqtidarı da dəvət etmişik. Həm Prezident Administrasiyasından, həm də YAP-dan dəvət etdiyimiz insanlar var. İqtidardan dəvətlilər baş nazirin müavini Əli Əhmədov, prezidentin ictimai-siyasi məsələlər üzrə köməkçisi Əli Həsənov, YAP icra katibinin müavini Siyavuş Novruzov, YAP-çı deputat Aydın Mirzəzadə və Tahir Süleymanovdur. Diplomatik korpusun geniş çevrəsinə də dəvət göndərmişik. Adını çəkdiyiniz (AMİP-i nəzərdə tutur - E.S.) təşkilatla heç bir münasibət ola bilməz və dəvət də göndərilməyib.

- Qurultayınız partiya həyatı, fəaliyyəti və cəmiyyət üçün nəsə bir yenilik təqdim edəcəkmi?

- Hesab edirəm ki, siyasi şərtlərin indiki durumunda müxalifət adına keçirilən istənilən tədbir təqdirəlayiq sayılmalıdır. Diqqət yetirin, son illərdə neçə partiya geniş, şəffaf qurultay keçirməyə nail ola bilib. Olduqca az təşkilat. Biz qərar qəbul edən zaman məhz ictimai hadisə ola biləcək tədbir keçirmək istəyi ərsəyə gəldi. İstəyirik qurultayın birinci hissəsində açıq müzakirə olsun. Bunu bir fürsət kimi dəyərləndiririk. Lakin nəticənin nə olacağını həmin gün fərq edəcəyik. Öz tərəfimizdən partiya strukturlarına, üzv və tərəfdarlarımıza, ölkə ictimaiyyətinə, beynəlxalq auditoriyaya mesajlarımız olacaq.

Son referendumdan sonra baş verənlər yeni mərhələnin başlanğıcıdır. Dünya, regionumuz və Azərbaycan tamamilə yeni çağırışlarla üzbəüzdür. Hakimiyyət transformasiyaya çalışır. Biz də dəyişməliyik. Qarşıdakı dövrdə müxalifət qüvvələri üçün unikal dövr gəlir. Bir neçə miqyaslı hadisə bizim şanslarımızı yüksəldir. Düzgün addımlar atılacaqsa, ötən əsrdəki nailiyyətləri təkrarlamağımız mümkün ola bilər. Qurultayı partiyamız üçün yeni dövrdə bir şans kimi görürük.

- VİP-in qurultayında prezidentliyə namizəd də müəyyənləşəcək?

- Fikrimcə, VİP-də belə olacaq. Eksklüziv olaraq, “Yeni Müsavat”a bu “mətbəx” hazırlığımızı da açıqlayırıq. Növbəti prezident seçkiləri ilə bağlı geniş şərhimiz var. Öz namizədimiz müxalifətin geniş spektrli birliyinin baş tutmayacağı halda ehtiyat variant kimi düşünülür. 
Bizə görə seçkilər bu il də keçirilə bilər, təqvim üzrə gələn il, hətta 2020-ci ilə qədər ertələnməsini də mümkün sayırıq. Bütün variantlarda müxalifətin geniş koalisiyasına ehtiyac vardır. Lakin bu çevrədə hakimiyyətin gizli adamları yer almamalıdır. Bu günə qədər toplanan təcrübə bizi məcbur edir ki, seçimdə ehtiyatlı olaq. Çünki səhv qərarlar cəmiyyətdə ruh düşkünlüyünə gətirir. Səmimi şəkildə hakimiyyətdən eyni məsafədə duran, maddi və digər asılılıqları olmayan qüvvələrin bir araya gəlməsi zəruridir. İnanıram ki, belə koalisiya həm də hakimiyyətin sıralarına dağıdıcı təsir göstərə bilər. Nə qədər iqtidar zahiri də olsa, monolitliyi saxlayır, bizim uğur haqda düşüncələrimiz xülya olacaq.

- İddialar var ki, Rusiya budəfəki seçkilərdə 2013-cü ildəkindən daha fəal hərəkət edəcək, “İbrahimbəyov ssenarisi”nə oxşar, amma daha güclü ssenarini işə salacaq...

- Moskva artıq hərəkətə keçib. Kreml hakimiyyətdaxili real rıçaqlarını itirmək istəmir. O zaman da İbrahimbəyov versiyası Milli Şura, “Milyarderlər ittifaqı”, iqtidardakı “5-ci kolon” YAP-ın prezidentliyə namizədini dəyişməməsi üçün idi. Həmin layihədə yer alan bütün tərəflər Azərbaycanı 4 il geri sala bildilər. Yenə də “5-ci kolon” gündəlikdədir. Emissarlara baxın-Patruşev, Nazarbayev, Solovyov, Duqin. Bu şəxslərin hər biri Putinin Avrasiya İttifaqı layihəsinin ideya müəllifləridir. Çox güman ki, Kreml sözünü bunlarla çatdırırdı. ÜAK-ın qapadılması da referendumdan sonrakı siyasi transferlərlə bağlıdır. Əminəm ki, bu son deyil. Sözsüz ki, keçmiş imperiya mərkəzi seçki ərəfəsi yenə də bir şeylər düşünür. Rusiyanın hibrid müdaxiləsinə müqavimət təşkil olunmalıdır. Heç bir halda kənar müdaxiləyə qapı açmaq olmaz. Buna görə də milli çıxarlarımızı önəmli sayıb, xarici təcavüzə sinə gərməyi bacarmalıyıq.

 “Mən Səhiyyə Nazirliyinə və digər müvafiq qurumlara müraciət edirəm ki, Milli Onkologiya Mərkəzində və Azərbaycan Tibb Universitetinin Onkoloji Klinikasında nələr baş verdiyini araşdırsınlar. Bu iki səhiyyə ocağında insanları heç kimdən çəkinmədən soyurlar. Ən yüksək səviyyədə xəstələrdən pul tələb olunur, dövlətin verdiyi dərman pereparatları və hətta əməliyyat üçün nəzərdə tutulan vəsaitlərin alınması xüsusi apteklərdən tələb olunur. Heç başqa apteklərdən tapmaq da mümkün deyil”. Bu sözlər onkoloji xəstəlikdən əziyyət çəkən bir şəxsin Xeber.info-a ünvanladığı məktubda yer alır.

Mənbə şahid olduğu hadisələri qeyd edir: “Həm Milli Onkologiya Mərkəzində, həm də Azərbaycan Tibb Universitetinin Onkoloji Klinikasında açıq alver gedir. Bu iki müəssisə dövlət xəstəxanaları olsalar da insanları soymaqla məşğuldur. Daha maraqlı fakt odur ki, onkoloji xəstə başqa özəl tibb müəssisəsində müalicə ala bilməz. Mütləq adını qeyd etdiyim yerlərdə dərdinə əlac axtarmalıdır. Mənə özəl klinikaların birində onkoloji xəstə olduğumu, lakin bunun müalicəsinin və əməliyyatının ancaq  Milli Onkologiya Mərkəzində və Azərbaycan Tibb Universitetinin Onkoloji Klinikasında mümkün olduğunu dedilər. Əvvəl Milli Onkologiya Mərkəzinə getdim. Həkimin (lazım olsa adını deyərəm) otağına girən kimi, məndən 20 AZN tələb etdi. Mən də ödədim. Sonra analizə göndərdi. 200 AZN-dən çox pulum çıxdı. Dedilər ki, dərhal əməliyyat olmalısan, 2000 (iki min) ödə əməliyyat edək. Mənim bu qədər pulum yoxdur, deyəndə “özün bilərsən, qərar sənindir, biz səni əməliyyat etməkdə borclu deyilik” cavabını aldım. Bir tanış vasitəsilə Azərbaycan Tibb Universitetinin Onkoloji Klinikasına getdim. Müayinə olunduqdan sonra (hamısı baha qiymətlə və bəzi analizləri özəl klinikalarda verməyi tələb etdilər) əməliyyat göstərişi verildi. Amma Milli Onkologiya Mərkəzində deyilən qiymətin yarısına razılaşdıq. Bu zaman qədər, hardasa vəziyyətlə barışırdım. Əməliyyatdan bir gün əvvəl sizə təqdim etdiyim reseptləri verdilər ki, bunlar alınmalıdır. Xüsusi qeyd etdilər ki, bunları ancaq “Yasmin” aptekindən almalısınız. Digər apteklərdən soruşdum. Dedilər ki, bunlar satılmır. Xəstəxanalara əməliyyat üçün verilir. Nəhayət 300 AZN-ə yaxın pul ödədikdən sonra dərman pereparatlarını və əməliyyat vəsaitlərini aldm. Bir sual məni düşündürdüyü üçün bu müraciəti edirəm. Dövlət büdcəsindən ayrılan vəsait hesabına Onkoloji Klinikaya verilən dərman pereparatları və əməliyyat vəsaitləri bir aptekə neçə gedib çıxıb? Niyə bu ləvazimatlar digər apteklərdə yoxdur? Xahiş edirəm Səhiyyə Nazirliyi və digər müvafiq qurumlar bu məsələni araşdırsınlar və ictimaiyyətə açıqlama versinlər”. 

8 -dən səhifə 145