Bazar ertəsi, 23 Aprel 2018 00:00

DİN: Hüseyn Abdullayev Bakıya gətirilib

Yazan

Sabiq deputatın beynəlxalq axtarışda olduğu bildirilirdi

Sabiq deputat Hüseyn Abdullayev aprelin 22-də Türkiyədə tutularaq Azərbaycana gətirilib.

Daxili İşlər Nazirliyi məlumatı APA-ya təsdiqləyib. Bildirilib ki, beynəlxalq axtarışda olan H.Abdullayev "İnterpol" tərəfindən Türkiyədə saxlanılıb və Azərbaycan daxili işlər orqanları əməkdaşlarına təhvil verilib. Azərbaycana gətirilən H.Abdullayev Vergilər Nazirliyinin istintaq idarəsinə təhvil verilib və hazırda onun ifadəsi alınır. İlk məlumatı "Qafqazinfo” saytı yayıb. 

2012-ci ildə H. Abdullayev barəsində Cinayət Məcəlləsinin 213.2.2 (külli miqdarda vergidən yayınma) maddəsi ilə cinayət işi başlanıb. Bildirilir ki, ölkədən qaçdığı üçün onun barəsində dövlətlərarası axtarış elan edilib.

"Oğuz Eli” İctimai Birliyinin sədri Hüseyn Abdullayev 2005-ci ildə 25 saylı Nizami II seçki dairəsində Milli Məclisə mandate qazanıb. Ancaq 2007-ci ilin martında Milli Məclisin iclasında hökumətin illik hesabatı zamanı Hüseyn Abdullayevlə Ana Vətən Partiyasının sədri Fəzail Ağamalı arasında əlbəyaxa dava yaranmışdı. Həmin hadisədən sonra H.Abdullayevin deputat mandatı geri alındı, özü isə həbs olundu.

Sonradan o, azadlığa buraxıldı və Almaniyada mühacir həyatı yaşayırdı.

H.Abdullayev ötən ilin 13 oktyabrında prezident seçkisində iştirak edəcəyi haqda bəyanat vermişdi.

Sonradan o, seçkiləri boykot etdiyini açıqladı və bildirdi ki, İlham Əliyevin heç bir səbəb göstərmədən seçkiləri oktyabrdan aprel ayına keçirməsi, total və təcili saxtakarlığa hesablanmış bir addımdır.

Bazar ertəsi, 23 Aprel 2018 00:00

Serj Sarkisyan istefa verdi

Yazan

Serj Sarkisyan Ermənistanın baş naziri vəzifəsindən istefaya gedib.

Bu barədə Azadlıq Radiosunun Ermənistan bürosu məlumat yayıb.

Ermənistanda ordu da müxalifətin tərəfinə keçib.

''Paşinyan haqlı idi, mən yox''

S.Sarkisyan özünün haqsız olmasını etiraf edib:

"Əziz həmvətənlər,

Mən Ermənistanın bütün vətəndaşlarına müraciət edirəm:

Yaşlılar və əziz gənclər, 

Xanımlar və cənablar.

Mən gecə-gündüz küçələrdə olub "rədd ol Serj” çağırışı edənlərə müraciət edirəm. 

Öz ofislərinə çətinliklə gedib çatan və öz vəzifəsini şikayətsiz yerinə yetirənlərə müraciət edirəm.

Günlərdir canlı yayımları izləyən və gecə-gündüz ictimai asayişi qoruyanlara müraciət edirəm.

Bizim cəsur əsgərlərimizə və sərhəddə dayanan zabitlərə müraciət edirəm.

Mən partiya yoldaşlarıma, bütün siyasətçilərə, sizə ölkənin lideri kimi sonuncu dəfə müraciət edirəm.

Nikol Paşinyan haqlı idi. Mən səhv idim. Situasiyanın bir neçə həlli yolu var, amma mən onlardan heç birinə getməyəcəm. Mən Baş nazir postunu tərk edirəm.

Küçə hərəkatı mənim vəzifədə olmağımın əleyhinədir. Mən tələblərinizə uyuram.

Ölkəmiz üçün sülh və harmoniya.

Təşəkkür edirəm".

Ermənistan paytaxtında aprelin 16-dan baş nazir Serj Sarkisyanın istefa tələbi ilə aksiyalar başlayıb.

1954-cü ildə Azərbaycanın Xankəndi rayonunda doğulan Serj Sarkisyan 2008-2018-ci illərdə Ermənistanın prezidenti olub.

Serj Sarkisyan 1989-cu ildən 1993-cü illərdə separatçı "Dağlıq Qarabağ Respublikası”nın özünümüdafiə qüvvələrinə rəhbərlik edib.

1993-1995-ci illərdə Ermənistanın müdafiə naziri olub. 1995-1996-cı illərdə əvvəlcə dövlət təhlükəsizliyi departamentinin başçısı, daha sonra milli təhlükəsizlik naziri vəzifəsində çalışıb. Növbəti 3 ildə isə Ermənistanın daxili işlər və milli təhlükəsizlik naziri olub. 2000-2007-ci illər arasında yenidən müdafiə naziri işləyib.

Nazirlər Kabinetində yeni simalar: Muxtar Babayev, Ceyhun Bayramov, Fuad Muradov, Fuad Nağıyev, Qoşqar Təhməzli, Səfər Mehdiyev, Vüsal Hüseynov…

Xəbər verildiyi kimi, prezident İlham Əliyev “Azərbaycan Respublikası Nazirlər Kabinetinin yeni tərkibi haqqında” Azərbaycan Respublikası Prezidentinin 2018-ci il 21 aprel tarixli Sərəncamına əlavələr edilməsi barədə sərəncam imzalayıb.
Sərəncama əsasən 16 şəxs Nazirlər Kabinetinin üzvləri təyin edilb.

Keçən dəfəki təyinatlarda olduğu kimi, bu dəfə də yeniliklər var. Ümumiyyətlə, 2003-cü ildən bəri ilk dəfədir ki, Nazirlər Kabinetinin tərkibi bu miqyasda dəyişikliyə uğrayır.

Ekologiya və təbii sərvətlər naziri postunda Hüseyn Bağırovu Muxtar Babayevin əvəz etməsi bir xeyli sensasionaldır. Çünki H.Bağırov işinə son dərəcə məsuliyyətlə yanaşan nazirlərdən biri idi və adının ətrafında hansısa bir qaralayıcı qalmaqal yox idi. Yeni nazir isə hələlik nəinki geniş ictimaiyyətə, hətta media dairələrinə belə tanış sima deyil.

Gənclər və idman naziri Azad Rəhimovun öz postunda qalması da bir baxımdan sensasiyalıdır. Ona görə ki, onun Hacıbala Abutalıbovun baş nazirin müavini təyin olunmasından sonra boşalan Bakı Şəhər İcra Hakimiyyətinin başçısı postuna təyin olunacağı barədə geniş yayılmış söz-söhbət vardı. İndi o söz-söhbətə son qoyuldu, eləcə də BŞİH rəhbəri vəzifəsinə namizədlərin sırası seyrəldi. 

Əbülfəs Qarayevin mədəniyyət naziri vəzifəsində saxlanılması gözlənilməz deyil və elə bir gözlənti də yox idi. Sadəcə, onun rəhbərlik etdiyi nazirliyin iki yerə parçalanması – turizm sektorunun ayrılması Qarayevin işini yüngülləşdirib, həm də nüfuz dairəsini bir az daraldıb.

Müdafiə sənayesi naziri Yavər Camalovun öz vəzifəsində qalması gözlənilirdi. Ancaq onu vəzifəsindən götürsəydilər də, bu heç kəsə heyrətamiz görünməyəcəkdi. Eyni fikri Əmlak Məsələləri Dövlət Komitəsinin sədri Kərəm Həsənov haqqında da demək olar.

Ancaq səhiyyə naziri Oqtay Şirəliyevi vaxtından əvvəl təqaüdə göndərənlər yanıldılar. Oqtay həkim yeni kabinetdə də yer aldı.

Bu dəfə ən şansı gətirən şəxslərdən biri də Ceyhun Bayramovdur. Təhsil naziri postuna namizəd olaraq xeyli adamın adı çəkilsə də, sonda məhz ona etimad göstərildi.

Öz rəhbərini əvəz edənlərin sırasında Səfər Mehdiyev də var. O, bu günə qədər Gömrük Komitəsinin sədr müaviniydi, indi isə DGK sədridir, Aydın Əliyevə isə hansısa səbəbdən etimad göstərilməyib.

Ailə, Qadın və Uşaq Problemləri üzrə Dövlət Komitəsinin sədrinin Hicran Hüseynovadan başqası olacağı gözlənilmirdi, elə də oldu.

Nazim İbrahimovun Diasporla İş üzrə Dövlət Komitəsinin sədri vəzifəsindən götürüləcəyi barədə yayğın söhbətlər vardı, amma bu vəzifəyə gənc deputat Fuad Muradovun təyin edilməsi “sensasional təyinat” qrafasındadır.

Dini Qurumlarla İş üzrə Dövlət Komitəsinin sədri Mübariz Qurbanlı daha populyar nazirliyə rəhbər təyin ediləcəyi məsələsi ara-sıra müzakirə olunsa da, postunu itirəcəyi ehtimal olunmurdu. O da öz postunda qaldı.

Dövlət Statistika Komitəsinin sədri Tahir Budaqov da yeni kadrlardan olduğu üçün yerində qalması tam təbii hesab edilir. Ancaq ieni yaranan Dövlət Turizm Agentliyinin sədri Fuad Nağıyev və Qida Təhlükəsizliyi Agentliyinin sədri Qoşqar Təhməzli, eləcə də Dövlət Miqrasiya Xidmətinin rəisi Vüsal Hüseynov ictimaiyyət üçün yeni simalardır. Onlar da gənc kadrlar siyahısındadırlar.

Bir neçə ildir ki, Almaniyada yaşayan keçmiş deputat və biznesmen, “Quska” ləqəbli Hüseyn Abdullayev həbs edilərək Azərbaycana gətirilib.

Xeber.İnfo xəbər verir ki, bu barədə “Qafqazinfo”ya özəl mənbələrdən məlumat daxil olub.

Məlumata görə, Azərbaycanda vergi cinayətlərində ittiham olunaraq beynəlxalq axtarışa verilən Abdullayev ötən gün Türkiyədə olarkən saxlanılıb.

O bu gün təyyarə ilə Azərbaycana gətirilib və istintaqa təhvil verilib.

Xatırladaq ki, H. Abdullayev bir neçə ildir ki Almaniyada siyasi sığınacaq almışdı və orada yaşayırdı.

Bazar, 22 Aprel 2018 00:00

Cavid Qurbanov Bakının meri oldu

Yazan

Azərbaycan hökumətində artıq başlayan ciddi kadr islahatları çərçivəsində 17 ildir Bakı Şəhər İcra Hakimiyyətinin başçısı vəzifəsini tutan Hacıbala Abutalıbovun da istefaya göndərilərək Baş Nazirin müavini təyin edildi.

Paytaxt.org-un əldə etdiyi məlumata görə Bakının yeni meri “Azərbaycan Dəmir Yolları” QSC-nin sədri Cavid Qurbanovdur. Bu məlumatı C.Qurbanovun yaxınları da təstiq edib. Deyilənlərə görə Qurbanovun yaxın qohumları və dostları onu yeni təyinata görə təbrik ediblər.

İddiaya görə, sərəncamın bazar ertəsi elan olunacaqı gözlənilir…

Səudiyyə Ərəbistanının paytaxtı Ər-Riyadda kral sarayının üzərində kiçik dron vurulub.

“Report” xəbər verir ki, bu barədə Krallığın Daxili İşlər Nazirliyinin nümayəndələri məlumat yayıb.

Bildirilir ki, dron ölkə paytaxtı məkanına qanunsuz daxil olduğu üçün vurulub.

Hazırda adiyyəti orqanlar hadisə ilə bağlı araşdırma aparırlar. Hadisə baş verən zaman kralın sarayda olmadığı bildirilir.

Prezident İlham Əliyev Azərbaycan Respublikası Nazirlər Kabinetinin yeni tərkibi haqqında sərəncam imzalayıb.

Sərəncama görə, Rövşən Rzayev Azərbaycan Respublikası Qaçqınların və Məcburi Köçkünlərin İşləri üzrə Dövlət Komitəsinin sədri təyin olunub.  

Qeyd edək ki, sərəncama qədər bu vəzifədə baş nazirin müavini Əli Həsənov idi. Əli Həsənov yeni sərəncamla baş nazirin müavini vəzifəsində qalıb.

Xatırladaq ki, Rövşən Rzayev Milli Məclisin deputatı, Dağlıq Qarabağın Azərbaycanlı İcmasının İdarə Heyətinin üzvüdür.

Bazar, 22 Aprel 2018 00:00

Heydər parkı satılıb? - VİDEO

Yazan

Xırdalanda Heydər Əliyev adına park talan edilir. Bu barədə bir qrup sakin Xeber.İnfo-a məlumat verib.

Sakinlərin dediyinə görə, uzun müddətdir Heydər Parkı hasarlanıb: “Bu park bizim çıxacağımız və nəfəs alacağımız yerdir. Parkı təmir adı ilə hasarlayıblar. Amma indi məlum olur ki, park və ətrafı satılıb. Ya polis rəisinə, ya da Zakir Fərəcova məxsus olduğu deyilir. Kİm bu parkı mənimsəyibsə, ailəyə çox yaxındır. Çünki, Heydər Əliyevin adını daşıyan bir parkı bu vəziyyətə salmaq ancaq ailənin səlahiyyətindədir”.

31100483 2083226441706223 6727744421514706944 n

31113742 2083226371706230 1986453628877012992 n

Suraxanı rayonu Əmircan qəsəbəsində yerləşən 87 saylı orta məktəbdə vərəm xəstəliyi təhlükəsi valideynləri ciddi narahat edir. Bu barədə Xeber.İnfo-a bir valideyn məlumat verib.

Onun sözlərinə görə, vərəm xəstəliyinə yoluxmuş bir şagird məktəbdə bu xəstəliyin yayılmasına səbəb olub: “Şagirdlərdən biri vərəm xəstəliyinə tutulub. Məktəbin rəhbərliyi və müvafiq səhiyyə orqanları məlumatlı olsalar da, heç bir tədbir görülməyib. Artıq bir neçə məktəblinin də bu xəstəliyə yoxilduğu deyilir. Məktəb rəhbərliyi xəstə şagirdlə bağlı müvafiq tədbir görmək əvəzinə, onun dərs davamiyyətini tələb edib. Heç valideyn uşağının xəstələnməsini istəməz və heç kim hər hansı bir xəstəlikdən sığortalanmayıb. Çox güman ki, valideynlərin müalicə üçün maddi vəziyyətləri yaxşı olmayıb. Bu tipli xəstəliklər dövlət hesabına xüsusi karantin şəraitində tam sağalana qədər müalicə olunmalıdırlar. Hər il bu məqsədlə büdcədən vəsait ayrılır”.

Qeyd edək ki, 87 saylı məktəbdə tez-tez neqativ hallara rast gəlinir. Bir qədər əvvəl bu məktəb dərslik problemi ilə gündəmə gəlmişdi.

5 -dən səhifə 181