Heydər Əliyev Sarayında rusiyalı dirijor, musiqiçi və bəstəkar İqor Ponomarenkonun iştirakı ilə “Cinema Hits Show” adlı konsert proqramı təqdim olunub.

Sarayın mətbuat xidmətindən AZƏRTAC-a bildirilib ki, konsertdə dünyaca məşhur bəstəkarlar Ennio Morricone, Ramin Cavadi, Vladimir Kosma, Nino Rota və digərlərinin əsərləri səsləndirilib.

Həmçinin “İP Orchestra”nın təqdimatında “Titanic”, “The Godfather”, “Game of Thrones”, “Fifth Element”, “Sherlock Holmes”, “Star Wars”, “Pirates of the Caribean”, “Harry Potter”, “Kill Bill”, “Pink Panther”, “Pretty Woman” və digər əfsanəvi kinofilmlərdən musiqilər dinlənilib.

İqor Ponomarenko dəfələrlə Azərbaycanda böyük konsert proqramları ilə çıxış edən məşhur musiqiçi, dirijor, bəstəkar və “IP Orchestra” layihəsinin rəhbəridir. O, Dubayda “Transformers” filminin musiqisinə yazılmış yeni “Concordia” layihəsini uğurla təqdim edib.