“Traktor”un baş məşqçisi Mustafa Dənizli türk klublarının transfer siyasətini tənqid edib.

Qol.az-ın məlumatına görə, bu barədə açıqlama verən 70 yaşlı mütəxəssis “Qalatasaray”ın Radamel Falkaonu transfer etməsinin səhv olduğunu deyib:

“Falkaonun “Qalatasaray”a transfer tamamilə səhv addımdır. Onun “Monako”da və daha əvvəl çıxış etdiyi klublarda zədəli olduğu üçün oynamadığı hər kəsə məlumdur. “Qalatasaray” bunu bilə-bilə transferi reallaşdırdı. 33 yaşlı futbolçuya 3 illik müqavilə imzaltmaq transfer deyil, sonsuz quyuya pul atmaqdır. Çox təəssüf, Türkiyə bu məsələlərdə hələ ağıllanmayıb. Karyeralarının bitməsinə az qalmış futbolçuları transfer edərək həm klublar çətin vəziyyətdə qoyuruq, həm də gənclərin qarşısını alırıq”.

O, Falkaoya görə indiyədək 16 milyon avro ödəndiyini deyib:

“İndi də oturub, niyə Falkao sağalıb, oynaya bilmir deyə deyinirik. Hələ 6 həftə də oynamayacağı deyilir. Aldığı pul da məlumdur. Bu günədək ona görə 16 milyon avro ödənib. Bu, sadəcə Falkao məsələsi deyil. “Fənərbaxça” da Adil Ramini transfer edərək böyük bir səhv etdi”.